ఎల్లప్పుడు సినిమాలతో బిజీగా ఉండే తారలు.. వెకేషన్‌కు టైం కేటాయిస్తూనే ఉంటారు. సెట్స్‌, షూటింగ్‌లంటూ బిజీబిజీగా గడుపుతూ అలిసిపోతుంటారు. అందుకే తీరిక దొరికినప్పుడల్లా విహారయాత్రకు వెళ్తూ గ్యాప్ దొరికినప్పుడల్లా రిఫ్రెష్‌ అవుతుంటారు. అయితే కొన్నిసార్లు అప్పటికప్పుడు బ్యాగు సర్దేసుకుని విదేశాల్లో వాలిపోతుంటారు. తాజాగా బాలీవుడ్‌ స్టార్‌ దంపతులు కత్రినా కైఫ్‌, విక్కీ కౌశల్‌ వెకేషన్‌కు వెళ్లారు. దీనికి సంబంధించిన ఓ వీడియో ప్రస్తుతం సోషల్‌ మీడియాలో వైరల్‌ అవుతోంది. ఇదంతా రొటీన్‌గా జరిగేదదైనా ఈ ట్రిప్‌లో కాస్త వెరైటీ కూడా ఉందండోయ్‌. అదేంటంటే ఈ బాలీవుడ్ ప్రేమ జంట ఎకానమీ క్లాస్‌లో ప్రయాణించడం. అది చూసిన జనాలు అదేంటి? వీళ్లు ఎకానమీ క్లాస్‌లో ప్రయాణిస్తున్నారా? అని ఆశ్చర్యం వ్యక్తం చేస్తున్నారు. అంత పెద్ద సెలబ్రిటీలు అయి ఉండి ఎకానమీ క్లాస్‌లో వెళ్లడం గ్రేట్‌ అని కొందరంటుంటే.. మరీ చీప్‌గా కాకుండా బిజినెస్‌ క్లాస్‌ లేదంటే ఫస్ట్‌ క్లాస్‌లో అయినా వెళ్లాల్సిందని కామెంట్లు పోస్ట్ చేస్తున్నారు.  మరోవైపు ఈ వీడియోలో కత్రినా తన గుర్తు పట్టకుండా ఉండేందుకు బ్లాక్ క్యాప్‌తో పాటు.. మాస్క్‌ను ధరించి ఉంది. అంతే కాకుండా ఈ క్లిప్‌లో స్టార్ జంట  పక్కపక్కనే కూర్చుని వారి వారి మొబైల్స్‌లో నిమగ్నమైపోయారు. ఇక వీడియో మొదట్లో కత్రినా మాస్క్ తొలగించి ఫోన్‌లో బిజీగా ఉండగా.. ఓ అభిమాని సీక్రెట్‌గా రికార్డ్ చేశారు. అది గమనించిన కత్రినా వెంటనే మాస్క్ ధరించింది.  ఈ వీడియోను చూస్తే వీరిద్దరూ ఏదో సీక్రెట్ వెకేషన్ వెళ్తున్నట్లు అర్థమవుతోంది.  తమని ఎవ్వరూ గుర్తుపట్టకుండా ఉండాలనే ఇలా ఎకానమీ క్లాస్‌లో వెళ్ళేందుకు ప్లాన్ చేసుకున్నారని కొందరు ఫ్యాన్స్ ఫన్నీ కామెంట్స్ చేస్తున్నారు. మరికొంతమంది మాత్రం వాళ్ల అనుమతి లేకుండా ఇలా వీడియోలు తీసి.. వారి ప్రైవసికి భంగం కలిగిస్తున్నారని మండిపడుతున్నారు. ఏదేమైనా ఈ జంట హాలిడే ప్లాన్ చేసుకుని ఎంజాయ్ చేసేందుకు బ్రేక్ తీసుకున్నట్లు తెలుస్తోంది. View this post on Instagram A post shared by Viral Bhayani (@viralbhayani)

Mahesh Babu Goa Vacation : సూపర్‌ స్టార్‌ మహేశ్‌ బాబు పక్కా ఫ్యామిలీ మెన్‌ అన్న సంగతి తెలిసిందే. షూటింగులతో ఎప్పుడూ బిజీగా ఉండే ఆయన ఏ మాత్రం సమయం దొరికినా కుటుంబంతో గడపడానికే ఎక్కువ ప్రాధాన్యత ఇస్తుంటారు. ప్రస్తుతం మహేశ్‌ నటిస్తున్న సర్కారు వారి పాట షూటింగ్‌ గోవాల్‌ జరుగుతుంది. ఈ నేపథ్యంలో మహేశ్‌ తన ఫ్యామిలీని తీసుకొని గోవాకు వెకేషన్‌ ట్రిప్‌కు వెళ్లారు. ఓ వైపు సినిమా షూటింగ్‌లోనే పాల్గొంటూనే మరోవైపు కుటుంబంతో సరదాగా గడపనున్నారు. చార్ట‌ర్డ్ ఫ్లైట్‌లో వీరంతా గోవాకు వెళ్లినట్లు తెలుస్తుంది. మహేశ్‌ కుటుంబంతో పాటు నమ్రత సోదరి శిల్పా శిరోద్కర్ కుటుంబం కూడా ఈ ట్రిప్‌లో పాల్గొన్నారు. దీనికి సంబంధించిన ఫోటోలు సోషల్‌ మీడియాలో చక్కర్లు కొడుతున్నాయి. 'నాన్నతో ఫైట్‌ జర్నీ ఎంతో ఉత్సాహంగా ఉంటుంది. కేక్స్‌తో పాటు అద్భుతమై గూడీస్‌ పొందవచ్చు' అంటూ సితార తన ఇన్‌స్టాగ్రామ్‌లో పోస్ట్‌ చేసింది. ఇదిలా ఉండగా  పాన్‌ ఇండియా స్థాయిలో తెరకెక్కుతున్న ఈ సినిమాలో మహేశ్‌ సరసన కీర్తి సురేష్‌ నటిస్తుంది. సంక్రాంతి కానుకగా ఈ చిత్రం విడుదల కానుంది. View this post on Instagram A post shared by SitaraGhattamaneni (@sitaraghattamaneni)

నటి, మోడల్‌ పార్వతీ నాయర్‌కు సోషల్‌ మీడియాలో బాగానే క్రేజ్‌ ఉంది. ఎప్పటికప్పుడు తన హాట్‌ ఫోటో షూట్‌లతో కుర్రాల మతులు పోగొడుతుంది ఈ మలమాళీ ముద్దుగుమ్మ. తాజాగా మాల్దీవులకు వెళ్లిన భామ అక్కడి అందాలను ఆస్వాదిస్తూ ఎప్పటికప్పుడు ఫోటోలను అభిమానులతో పంచుకుంటుంది. ఈ నేపథ్యంలో జిమ్‌ ట్రైనర్‌ మైఖేల్‌తో కలిసి పార్వతీ చేసిన రొమాంటిక్‌ స్టంట్‌ వీడియో ప్రస్తుతం సోషల్‌ మీడియాలో వైరల్‌గా మారింది. ఇందులో మైఖేల్‌తో కలిసి ఓ వీడియో తీస్తుండగా, అతను సడెన్‌గా పార్వతిని గాల్లోకి పైకెత్తాడు. దీంతో షాక్‌ అయిన నటి..ఇది సడెన్‌ సర్‌ప్రైజ్‌ అంటూ ఆ వీడియోను షేర్‌ చేసింది. ట్రైనర్‌ మైఖేల్‌ సైతం ఈ వీడియోను షేర్‌ చేస్తూ..సడెన్‌గా ఆమెను లిఫ్ట్‌ చేయగానే పార్వతీ చాలా షాకింగ్‌కి గురయ్యిందని చెప్పుకొచ్చాడు. కాగా గత కొన్ని రోజులుగా పలువురు సెలబ్రిటీలు హాలీడే ట్రిప్‌ పేరుతో మాల్దీవులకు వెళ్తున్న సంగతి తెలిసిందే. ప్రస్తుతం భారత్‌లో కరోనా విజృంభిస్తున్నా ఏమాత్రం భాద్యత లేకుండా సెలబ్రిటీలు ఇలా విహారయాత్రలకు వెళ్లడంపై నెటిజన్లు ఫైర్‌ అవుతున్నారు.  View this post on Instagram A post shared by Parvati Nair (@paro_nair) చదవండి : అ‍ల్లు అర్జున్‌ను దారుణంగా అవమానించిన దిల్‌ రాజు! అయినా ఇప్పుడు ట్రిప్పులు ఏంటి : శృతి హాసన్‌ ‌  

తరుచూ షూటింగ్స్‌తో దేశవిదేశాలను చుట్టేసే సెలబ్రిటీలందరూ ఈ మధ్యకాలంలో మాల్దీవుల్లో సేదతీరితున్నారు. అక్కడి సముద్ర అందాలను ఆస్వాదిస్తూ తమ పార్ట్‌నర్స్‌తో కలిసి మాల్దీవుల్లో ఎంజాయ్‌ చేస్తున్నారు. ఇప్పుడు ఆ లిస్ట్‌లోకి బాలీవుడ్‌ నటి, ఫిట్‌నెస్‌ ఫ్రీక్‌ శిల్పా శెట్టి కూడా చేరిపోయింది. వెకేషన్‌ ట్రిప్‌ కోసం భర్త రాజ్‌ కుంద్రాతో కలిసి మాల్దీవుల్లో చక్కర్లు కొడుతుంది. దీనికి సంబంధించిన ఫోటోలను ఎప్పటికప్పుడు సోషల్‌ మీడియాలో షేర్‌ చేస్తుంది ఈ యోగా బ్యూటీ. సముద్రతీరంలో ఇసుక తిన్నెలపై బికినీతో అందాలను ఆరబోస్తూ.. సాగరకన్యల్లా కనిపిస్తున్న శిల్పా శెట్టి ఫోటోలు ప్రస్తుతం సోషల్‌ మీడియాలో వైరల్‌గా మారాయి. నిజంగానే సాగరకన్యలా ఉన్నారంటూ ఆమె ఫ్యాన్స్‌ కామెంట్లు చేస్తున్నారు. ఇక శిల్పా శెట్టి భర్త రాజ్‌కుంద్రా సైతం మాల్దీవుల ఫోటోలను ఫేర్‌ చేస్తూ..లవ్‌ ఆఫ్‌ మై లైఫ్‌తో స్వర్గంలో ఉన్నామంటూ శిల్పాశెట్టితో దిగిన ఫోటోలను పోస్ట్‌ చేశారు.  శిల్పాశెట్టి 2009లో రాజ్‌ కుంద్రాను ప్రేమ వివాహం చేసుకున్న సంగతి తెలిసిందే. వారికి కుమారుడు వియాన్‌, కుమార్తె సమీషా(సరోగసీ ద్వారా కలిగిన సంతానం) ఉన్నారు. ఇక పెళ్లి తర్వాత దాదాపు 13 ఏళ్ల పాటు సినిమాలకు గుడ్‌ డై చెప్పిన శిల్పా శెట్టి.., నిక‌మ్మ, హంగామా 2 చిత్రాలతో రీఎంట్రీ ఇస్తుంది. పోస్ట్‌ ప్రొడక‌్షన్‌ పనులు జరుపుకుంటున్న ఈ సినిమాలు త్వరలోనే విడుదలకు సిద్దంగా ఉన్నాయి.  చదవండి : ‘శ్రీదేవి తరువాత ఆ ఘనత నాకే సాధ్యం’ (దివ్య భారతి చేజార్చుకున్న పెద్ద సినిమాలివే) View this post on Instagram A post shared by Shilpa Shetty Kundra (@theshilpashetty)

ఇటీవలే కుటుంబంతో కలసి హాలిడేకు వెళ్లారు మహేశ్‌బాబు. భార్య నమ్రత, పిల్లలు గౌతమ్, సితారలతో దుబాయ్‌లో ఓ వారం పాటు చిన్న ట్రిప్‌ను ఎంజాయ్‌ చేశారు. దీపావళిని కూడా అక్కడే  సెలబ్రేట్‌ చేసుకున్నారు. ఈ ట్రిప్‌కి సంబంధించిన ఫొటోలను ఎప్పటికప్పుడు తన సోషల్‌ మీడియా ద్వారా షేర్‌ చేశారు. తాజాగా దుబాయ్‌కి బై చెప్పేశారు. ట్రిప్‌ ముగించుకుని ఇండియా తిరిగొచ్చారు. ‘‘తెల్లవారుజాము 3 గంటలకు ఇంత బాగా ఎవరు కనబడతారు? ఇంత అందమైన వ్యక్తి ఎదురుగా కూర్చుంటే టైమ్‌ ఎలా గడిచిపోతోందో కూడా తెలియదు. జీవితం చాలా అందంగా ఉంది. ప్రేమ కోసం బతకాలి’’ అంటూ ఎయిర్‌ పోర్ట్‌లో తీసిన భర్త ఫొటోను షేర్‌ చేశారు నమ్రత. ప్రస్తుతం పరశురామ్‌ దర్శకత్వంలో ‘సర్కారు వారి పాట’ సినిమా కమిట్‌ అయ్యారు మహేశ్‌. త్వరలోనే ఈ చిత్రీకరణలో పాల్గొననున్నారు. ఈ సినిమా చిత్రీకరణ ఎక్కువ శాతం అమెరికాలోనే జరగనుంది. 

పనాజీ : తొలుత ఐదు రాష్ట్రాల ఎన్నికలు.. అనంతరం పార్లమెంట్‌ శీతాకాల సమావేశాలతో బిజీబిజీగా గడిపిన కాంగ్రెస్‌ పార్టీ జాతీయాధ్యక్షుడు రాహుల్‌ గాంధీ వీటి నుంచి కాస్తా బ్రేక్‌ తీసుకున్నారు. తల్లి సోనియా గాంధీతో కలిసి ప్రైవేట్‌ టూర్‌ ప్లాన్‌ చేసుకున్నారు. మూడు రోజుల వ్యక్తిగత పర్యటనలో భాగంగా రాహుల్‌.. తల్లి సోనియాతో కలిసి గోవా వెళ్లారు. టూర్‌లో భాగంగా ఆదివారం దక్షిణ గోవాలో సీఫుడ్‌కు ప్రసిద్ధి చెందిన ‘వార్ఫ్‌ రెస్టారెంట్‌’కు వెళ్లారు. అది కూడా భద్రతా సిబ్బంది లేకుండా. ఈ సందర్భంగా అక్కడకు వచ్చిన కస్టమర్లతో సీఫుడ్‌తో లంచ్‌ చేస్తూ.. సెల్ఫీలు దిగుతూ.. సరదగా గడిపారు రాహుల్‌ గాంధీ. ఈ సందర్భంగా రచ్నా ఫెర్నాండేజ్‌ అనే టూరిస్ట్ రెస్టారెంట్‌లో రాహుల్‌ గాంధీతో దిగిన ఫోటోను తన సోషల్‌ మీడియాలో పోస్ట్‌ చేశారు. ఈ విషయం గురించి రచ్నా మాట్లాడుతూ.. ‘ఆదివారం నా బంధువులతో కలిసి నేను వార్ఫ్‌ రెస్టారెంట్‌కు వెళ్లాను. ఆ సమయంలో రాహుల్‌ గాంధీ, ఆయన తల్లి సోనియా గాంధీ కూడా అదే రెస్టారెంట్‌లో ఉన్నారు. వారి వెంట సెక్యూరిటీ సిబ్బంది లేకపోవడం చూసి మేం చాలా ఆశ్యర్యపోయాం’ అని తెలిపారు. రచ్నా మాట్లాడుతూ.. ‘మీతో ఓ ఫోటో దిగాలని ఉంది అని రాహుల్‌ గాంధీని కోరాను. అందుకు ఆయన బిల్‌ పే చేసి వచ్చాక ఫోటో దిగుతానని చెప్పారు. అన్నట్లుగానే నాతో సెల్ఫీ దిగారు’ అంటూ రాసుకొచ్చారు. అంతేకాక  ‘చెత్త రాజకీయాల్లో చాలా మంచి వ్యక్తి రాహుల్‌ గాంధీ’ అంటూ ప్రశంసించారు. View this post on Instagram Awed by his charm and modesty 😍 #rahulgandhi A post shared by Rachna Fernandes (@rachna_the_dentist_fernandes) on Jan 27, 2019 at 5:26am PST

చెన్నై : విద‍్య వ్యాపారంగా మారిన నేటికాలంలో ఎప్పుడూ మార్కులు.. ర్యాంకులు..అంటూ విద్యార్థుల వెంటపడే పాఠశాల, కళాశాల గురించే మనం విన్నాం. కొన్ని పాఠశాలలైతే సెలవుల్లోనూ విద్యార్థులకు హోం వర్క్‌ ఇస్తాయి. అయితే అందుకు భిన్నంగా ఓ పాఠశాల యాజమాన్యం విద్యార్థుల తల్లిదండ్రులకు పంపిన లేఖ సోషల్‌ మీడియాలో వైరల్‌ అవుతోంది. సెలవుల్లో మనకు ఇష్టమైన వారితో గడుపుతూ సెలవులను ఆస్వాదించాలంటూ నెటిజన్ల మనసు దోచుకుంటోంది. చెన్నైలోని అన్నై వయోలెట్‌ మెట్రిక్‌ స్కూల్‌ వేసవి సెలవుల్లో భాగంగా హాలిడే అసైన్‌మెంట్‌ పేరిట తల్లిదండ్రులకు ఓ లేఖ పంపింది. హాలిడే అసైన్‌మెంట్‌ ఇదే.. తల్లిదండ్రులు రోజుకు రెండుసార్లు తమ పిల్లలతో కలిసి భోజనం చేయాలి. అంతేకాదు వారికి రైతుల కష్టం విలువ కూడా తెలియజెప్పుతూ ఆహారం వృధా చేయకూడదనే విషయాన్ని అర్థమయ్యేట్లు చెప్పాలి. బామ్మాతాతయ్యలతో, ఇరుగుపొరుగు వారితో బంధం పెంచుకొనేలా వారిని ప్రోత్సహించాలి. మొక్కలు నాటడం, జంతువులతో ఆడుకోవడం వంటి అలవాట్లను నేర్పించాల‍ంటూ.. ఇలాంటి ఇంకెన్నో మంచి విషయాలతో లేఖను నింపారు. ఆ రోజులు వేరు.. స్కూలు ప్రిన్సిపల్‌ లిదియా దైవసహాయం మాట్లాడుతూ.. ‘మా చిన్నతనంలో సెలవులంటే ఎగిరి గంతేసేవాళ్లం. ఆటపాటలతో హాయిగా గడిపే వాళ్లం. కానీ ప్రస్తుత పరిస్థితుల్లో చదువే లోకంగా విద్యార్థులు ఒత్తిడికి గురవుతున్నారు. తల్లిదండ్రులు కూడా సంపాదనలో మునిగిపోయి పిల్లలతో సమయం గడపలేకపోతున్నారు. అందుకే ఈసారి మేము ఇలా ప్లాన్‌ చేశామంటూ’  వివరించారు.


 తమిళంతో పాటు తెలుగు తెర మీద కూడా డబ్బింగ్ సినిమాల ద్వారా ఫేమస్ అయిన సూపర్ స్టార్ విజయ్ ఇప్పుడు తన పనులన్నింటినీ కాసేపు పక్కన పెట్టేసి.. ఎంచక్కా తన భార్య, కూతురితో కలిసి లండన్ చెక్కేశాడు. విజయ్ సేతుపతి నటించిన 'పులి' సినిమా విడుదల కావాల్సి ఉంది. జూలై మొదటి వారంలో తిరిగి చెన్నై వస్తాడని భావిస్తున్నారు.
 
 ప్రతియేటా విజయ్ వేసవిలో లండన్ వెళ్తుంటాడని, ఆయన భార్య బంధువులు అక్కడ ఉండటంతో వాళ్ల వద్దకు వెళ్లి చూసి వస్తుంటారని విజయ్ సన్నిహిత వర్గాలు తెలిపాయి. లండన్ నుంచి తిరిగి వచ్చిన తర్వాత అట్లీ దర్శకత్వంలో ఇంకా పేరు పెట్టని తమిళ సినిమా షూటింగులో పాల్గొంటారు. జూలై చివరి వారంలో విజయ్ నటించే 59వ సినిమా షూటింగ్ మొదలవుతుంది. చెన్నై బిన్నీ మిల్స్ ప్రాంతంలో ఇప్పటికే ప్రీ ప్రొడక్షన్ పనులు జరుగుతున్నాయి.