‘‘ప్రవీణ్‌ సత్తారు ‘గాండీవధారి అర్జున’ కథ చెప్పినప్పుడు బాగా నచ్చేసింది. ఓ సమస్య గురించి సినిమా తీస్తున్నప్పుడు ఓ నటుడిగా అలాంటి సినిమా చేయటం నా బాధ్యత అనిపించింది.. అందుకే ఈ మూవీ చేశాను’’ అని హీరో వరుణ్‌ తేజ్‌ అన్నారు. ప్రవీణ్‌ సత్తారు దర్శకత్వంలో వరుణ్‌ తేజ్, సాక్షీ వైద్య జంటగా నటించిన చిత్రం ‘గాండీవధారి అర్జున’. బాపినీడు .బి సమర్పణలో ఎస్‌వీసీసీ బ్యానర్‌పై బీవీఎస్‌ఎన్ ప్రసాద్‌ నిర్మించిన ఈ సినిమా ఈ నెల  25న విడుదల కానుంది. గురువారం జరిగిన ఈ సినిమా ట్రైలర్‌ రిలీజ్‌ వేడుకలో వరుణ్‌ తేజ్‌ మాట్లాడుతూ– ‘‘గాండీవధారి అర్జున’ ట్రైలర్‌ చూసి యాక్షన్‌ మాత్రమే ఉంటుందనుకోవద్దు.. మంచి ఎమోషన్స్‌ ఉంటాయి. దేశానికి వచ్చే సమస్య ఏంటి? అనేది చూపించాం’’ అన్నారు. ‘‘వరుణ్‌ తేజ్‌తో మేం చేసిన మొదటి సినిమా ‘తొలి ప్రేమ’, సాయితేజ్‌తో చేసిన ‘విరూ పాక్ష’ హిట్‌ అయ్యాయి. ఇప్పడు ‘గాండీవధారి అర్జున’ కూడా సూపర్‌ హిట్‌ అవుతుంది’’ అన్నారు బీవీఎస్‌ఎన్‌ ప్రసాద్‌. ‘‘భూమిపై ఉన్న వనరులను  ఇష్టానుసారం వాడేస్తున్నాం. భవిష్యత్‌ తరాల గురించి ఆలోచించటం లేదు. పర్యావరణ పరిరక్షణ గురించి ఈ సినిమా తీశాం’’ అన్నారు ప్రవీణ్‌ సత్తారు. 

టాలీవుడ్ అందాల రాక్షసి లావణ్య త్రిపాఠి.. ఓ వైపు సినిమాల్లో మరోవైపు సోషల్‌ మీడియాలో ఫుల్‌ యాక్టీవ్‌గా ఉంటుంది. ఈ ఏడాదిలో తను ప్రేమించిన మెగాహీరో వరుణ్​ తేజ్‌ను పెళ్లాడనుంది. ఈ నేపథ్యంలోనే జూన్‌ 9న  నిశ్చితార్థం కార్యక్రమం హైదరాబాద్‌లో ఘనంగా జరిగింది. అందువల్ల ఆమె పేరు టాలీవుడ్‌లో హాట్‌ టాపిక్‌గా మారింది. సోషల్‌ మీడియా ద్వారా మెగా అభిమానులు ఆమెకు శుభాకాంక్షలు తెలుపుతున్నారు. ఇదే  సందర్భంలో కొందరు నెటిజన్లు మాత్రం లావణ్య క్యాస్ట్‌ కోసం గూగుల్‌లో తెగ వెతుకుతున్నారు. సెలబ్రిటీల బయోడేటాను తెలుసుకునేందేకు చాలా మందిలో ఆసక్తి ఉంటుంది. ఇప్పుడు ఆ లిస్ట్‌లో ఈ బ్యూటీ వచ్చి చేరింది. లావణ్య క్యాస్ట్‌ ఏంటి? అని నెటిజన్లు వెతకడంతో ఆమె పేరు గూగుల్‌లో టాప్‌ ట్రెండింగ్‌ అయిపోయింది. (ఇదీ చదవండి: అతనొక స్టార్ కమెడియన్.. అలా చేస్తారనుకోలేదు: ప్రగతి) ఉత్తర ప్రదేశ్‌, ఫైజాబాద్‌లో బ్రాహ్మణ సామాజిక వర్గంలో జన్మించిన ఈ అమ్మడు.. డెహ్రడూన్‌లో పెరిగింది. తండ్రి హైకోర్టులో న్యాయవాది కాగా, తల్లి రిటైర్డ్​ టీచర్​. తనకు ఓ చెల్లి, తమ్ముడు ఉన్నారు. తమ కుటుంబంలో క్యాస్ట్‌కు అంత ప్రాధాన్యత ఉండదని గతంలో ఓ ఇంటర్వ్యూ ద్వారా చెప్పుకొచ్చింది లావణ్య. 'మనం చేసే పనుల వల్ల మాత్రమే గొప్ప వాళ్లం అవుతాం. అంతేకాని కులం వల్ల ఎవరూ గొప్పవారు కాలేరు' అని గతంలో చెప్పుకొచ్చింది. ఇప్పుడు ఇవే మాటలను మెగా ఫ్యాన్స్‌ నెటిజన్లకు గుర్తు చేస్తున్నారు. కొన్ని ఉదాహరణలు చెబుతూ..  మెగా కుటుంబంలో కూడా క్యాస్ట్‌కు అంత ప్రాధాన్యం ఇవ్వరు అని వారు తెలుపుతున్నారు. కానీ కొందరు మాత్రం ఈ క్యాస్ట్‌ గోల ఏంటి? అని తప్పుబడుతున్నారు. (ఇదీ చదవండి: బాలీవుడ్ నిర్మాత పెళ్లిలో బన్నీ సందడి.. సోషల్ మీడియాలో వైరల్!)

Varun Tej Konidela Birthday Special Story: రాశి కన్నా వాసి మిన్న అన్న మాటకు  చక్కగా సూటయ్యే నటుడు వరుణ్‌ తేజ్‌ కొణిదెల.  చేసింది తక్కువ సినిమాలే అయినా  టాలీవుడ్‌ ప్రేక్షకులను బాగా ఆకట్టుకున్న ఆరడుగుల అందగాడు, మెగా ప్రిన్స్‌ వరుణ్‌ తేజ్‌. మెగా వారసుడిగా ఇండస్ట్రీకి పరిచయమైనా తనకంటూ ఒక ఇమేజ్‌ క్రియేట్‌ చేసుకున్నాడు. పదేళ్లకే బాలనటుడిగా సినీ రంగ ప్రవేశం చేసిన వరుణ్‌ తేజ్‌ కంచె, ఫిదా లాంటి సినిమాలతో ఆడియన్స్‌ను ఫిదా చేశాడు. జనవరి 19 వరుణ్‌ తేజ్‌ బర్త్‌డే.. ఈ సందర్భంగా వరుణ్‌ తేజ్‌ గురించి... నటుడు, నిర్మాత నాగేంద్రబాబు, పద్మజల కుమారుడు వరుణ్‌ తేజ్‌.  పదేళ్ల వయసులోనే చైల్డ్ ఆర్టిస్ట్‌గా ‘హ్యాండ్స్ అప్’ సినిమాతో బాలనటుడిగా అరంగేట్రం  చేశాడు. ఇక ఆ తరువాత 2000 నుంచి తెలుగు ప్రేక్షకులను అలరించడం ప్రారంభించాడు. విభిన్నమైన పాత్రలతో అటు కమర్షియల్‌ సక్సెస్‌ను, ఇటు  ఫ్యాన్స్‌ అభిమానాన్ని అందుకున్నాడు. సుమారు ఆరడుగుల నాలుగు అంగుళాల పొడవుండే  వరుణ్‌ మెగాస్టార్‌ చిరంజీవి, పవన్ కల్యాణ్‌ వారసత్వాన్ని అందుకుని రాణిస్తున్నాడు.  ఫ్యాన్స్‌ ఈ  మెగా వారసుడిని మెగా ప్రిన్స్‌ అని అభిమానంగా పిలుచుకుంటారు. హైట్‌కు తగ్గ శరీర సౌష్టవంతో యూత్‌ను ఆకట్టుకోవడమే కాదు  అమ్మాయిల కలల రాకుమారుడు కూడా. View this post on Instagram A post shared by Varun Tej Konidela (@varunkonidela7)  ముకుంద, కంచె, లోఫర్, మిస్టర్, ఫిదా, అంతరిక్షం, ఎఫ్ 2 , గద్దల కొండ గణేష్‌ లాంటి సినిమాలు సూపర్‌హిట్‌గా నిలిచాయి. ముఖ్యంగా. 2015లో విడుదలైన కంచె మూవీలో వరుణ్‌ నటన విమర్శకుల ప్రశంసలు దక్కించుకుంది. మరి రానున్న రోజుల్లో వరుణ్‌ మరిన్ని బ్లాక్‌ బ్లస్టర్స్‌ అందించాలంటూ అభిమానులు వరుణ్‌కు పుట్టిన రోజు శుభాకాంక్షలు అందిస్తున్నారు.  కాగా మెగా ఫ్యామిలీలో యంగ్‌ హీరోలుగా రామ్ చరణ్, అల్లు అర్జున్, అల్లు శిరీష్, సాయి ధరమ్ తేజ్ , వైష్ణవ్ తేజ్ ఉన్న సంగతి తెలిసిందే. ఇక వరుణ్‌ సోదరి నిహారిక నటిగా, ప్రొడ్యూసర్‌గానూ, ఇటు బుల్లితెరపైనా రాణిస్తోంది.

మెగా బ్రదర్‌, లాఫింగ్‌ స్టార్‌ నాగబాబు పుట్టినరోజు వేడుకలను ‘మెగా’ ఫ్యామిలీ ఘనంగా జరుపుకుంది. దీనికి సంబంధించిన ఫోటోలను వారు ట్విటర్‌లో పంచుకున్నారు. మంగళవారం( అక్టోబర్‌ 29) నాగబాబు పుట్టినరోజు. ఈ సందర్బంగా కుటుంబ సభ్యులతోపాటు అటు సినీ ప్రముఖులు ఇటు అభిమానుల నుంచి బర్త్‌డే విషెస్‌తో ట్విటర్‌ మోత మెగింది. నాగాబాబు గారాలపట్టి నిహారిక తండ్రికి పుట్టినరోజు శుభాకాంక్షలు తెలిపింది. తండ్రి నుదుటిపై ముద్దు పెడుతూ ‘ఐ లవ్‌ యూ నానా.. ఈ ప్రపంచంలో ఎక్కువ ఆనందాన్ని ఇచ్చేది నువ్వే.. గత జన్మలో ఖచ్చితంగా నా కొడుకుగా పుట్టుంటారు.’ అంటూ నిహారిక తన తండ్రిపై ఉన్న ప్రేమను చాటుకున్నారు.  View this post on Instagram I love you so much Nanna! ❤️ I need a bigger heart to fit in all the love I have for you! You make me laugh like no other. And you are one in a gazillion! 😘😘😘 . You were definitely my son in the last birth😂😘 . . Thanks a lot for this picture @pranithbramandapally 🤗 A post shared by Niharika Konidela (@niharikakonidela) on Oct 29, 2019 at 2:46am PDT అలాగే కొడుకు వరుణ్‌ తేజ్‌ సైతం తండ్రికి శుభాకాంక్షలు తెలిపారు. ‘నీ మొహం మీద చిరునవ్వు కోసం మేము ఏదైనా చేస్తాం. ఇంతటి అందమైన జీవితాన్ని అందించినందుకు ధన్యవాదాలు.. నాన్నా లవ్‌ యూ ద మోస్ట్‌’ అంటూ ట్వీట్‌ చేశారు. మరోవైపు మెగా అల్లుడు సాయిధరమ్‌ తేజ్‌  ట్విటర్‌ వేదికగా మామకు పుట్టినరోజు శుభాకాంక్షలు తెలుపుతూ.. ‘నాగాబాబు మామ హ్యాపీ బర్త్‌డే.. లవ్‌ యూ సో మచ్‌’ అంటూ ట్వీట్‌ చేశారు. ఇక మెగా ఫ్యామిలీ నుంచి వచ్చిన నాగబాబు తనకుంటూ ప్రత్యేక గుర్తింపు దక్కించుకొని ఇండస్ట్రీలో రాణిస్తున్నారు. ప్రస్తుతం బుల్లితెరలో ప్రసారమయ్యే ఓ షోలో న్యాయ నిర్ణేతగా వ్యవహరిస్తున్న విషయం తెలిసిందే.  Happy birthday Nana! Will do anything to put a smile on your face.. Thanks for this wonderful life you’ve given me.. Love you the most!❤️❤️❤️ pic.twitter.com/HipE4AlP3X — Varun Tej Konidela 🥊 (@IAmVarunTej) October 29, 2019

మెగా వారసుడు వరుణ్‌ తేజ్‌ హీరోగా తెరకెక్కిన ‘అంతరిక్షం 9000 కెఎమ్‌పిహెచ్’ మూవీ టీజర్‌ను చిత్ర యూనిట్‌ విడుదల చేసింది. ఇప్పటికే పలు చిత్రాలలో విలక్షణ నటనతో ఆకట్టుకున్న వరుణ్‌, ఈ ట్రైలర్‌తో మరింత ఆకర్షిస్తున్నారు. హై టెక్నికల్‌ వాల్యూస్‌, హాలీవుడ్‌ నిపుణుల సారధ్యంలో యాక్షన్‌ సీన్స్‌, విజువల్‌ ఎఫెక్ట్స్‌ మేళవింపుతో వస్తున్న ఈ సినిమా వరుణ్‌  కరియర్‌లో మరో కీలక చిత్రంగా మారనుంది.   వరుణ్ తేజ్, అదితిరావు హైదరి, లావణ్య త్రిపాఠి కలిసి నటిస్తున్న చిత్రం షూటింగ్ ఇప్పటికే కంప్లీట్ చేసుకుంది. మొదటి సినిమా ‘ఘాజి’(ఫస్ట్‌ సబ్‌మెరైన్‌ ఫిలిం) తో నేషనల్ అవార్డు గెలుచుకున్న సంకల్ప్ రెడ్డి ఈ చిత్రానికి దర్శకత్వం వహించారు. జ్ఞానశేఖర్ సినిమాటోగ్రఫీ అందించగా, డైరెక్టర్‌ జాగర్లమూడి క్రిష్, సాయిబాబు జాగర్లమూడి, రాజీవ్ రెడ్డి‌.. ఫస్ట్ ఫ్రేమ్ ఎంటర్‌టైన్‌మెంట్‌ బ్యానర్‌పై రూపుదిద్దుకుంది. తెలుగులో పూర్తిస్థాయి ‘అంతరిక్షం’ నేపథ్యంలో వస్తున్న తొలి సినిమా ఇదే కావడం విశేషం. డిసెంబర్ 21న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారట చిత్ర నిర్మాతలు. &rel=0


 రామ్ చరణ్ తేజ తాజా చిత్రం 'గోవిందుడు అందరివాడేలే'పై టాలీవుడ్ లో భారీ అంచనాలే ఉన్నాయి. తాజాగా 'గోవిందుడు అందరి వాడేలే' టీజర్ విడుదలై అభిమానులను ఆకట్టుకుంటోంది. చరణ్ తాజా టీజర్ పై తమ్ముడు, నాగబాబు కుమారుడు వరుణ్ తేజ్ కొణిదెల సోషల్ మీడియా వెబ్ సైట్ ట్విట్టర్ లో కామెంట్ చేశాడు
  
 'గోవిందుడు అందరివాడేలే'తో చరణ్ అన్న మళ్లీ తెరపైకి వచ్చాడు. టీజర్ కలర్ ఫుల్ గా ఆకట్టుకుంటోంది. ఎక్సైటింగ్ గా ఉంది. అన్నయ్య చిత్రం ఎప్పుడు విడుదలవుతుందా అనే ఆతృత మొదలైంది. గోవిందుడిని చూసేందుకు వెయిట్ చేయలేకపోతున్నాను అంటూ వరుణ్ తేజ్ కామెంట్ చేశారు. 
  
 మెగా ఫ్యామిలీ నుంచి తెలుగు తెరకు వరుణ్ తేజ్ పరిచయమవుతున్న సంగతి తెలిసిందే. షూటింగ్ కార్యక్రమాల్లో బిజీగా ఉన్న వరుణ్.. అన్నయ్య టీజర్ చూసి సాదాసీదా అభిమానిగా స్పందించడం అందర్ని ఆకట్టుకుంటోంది. 
 
 Charan anna is back and how! The teaser looks very colourful and engaging!..excited about the film already..can't wait!..
 — Varun Tej Konidela (@IAmVarunTej) August 8, 2014