గాజియాబాద్‌: బస్సు కోసం బస్టాండ్‌లో వేచి చూస్తున్న ఓ మహిళ(40)ను కిడ్నాప్‌ చేసిన ఐదుగురు దుండగులు సామూహిక అత్యాచారానికి పాల్పడ్డారు. ఆపై ఇనుప రాడ్డుతో చిత్రహింసలకు గురిచేశారు. రెండు రోజుల తర్వాత రోడ్డు పక్కన పడేసి వెళ్లారు. ప్రస్తుతం ఆ మహిళ ఆసుపత్రిలో మృత్యువుతో పోరాడుతోంది. ఈ దారుణ సంఘటన ఉత్తర్‌ప్రదేశ్‌లోని గాజియాబాద్‌లో జరిగింది. గ్యాంగ్‌ రేప్‌కు పాల్పడిన దుండగులు బాధితురాలికి తెలిసినవారే కావటం గమనార్హం. నలుగురిని అరెస్ట్‌ చేసినట్లు పోలీసులు తెలిపారు. ఇనుప రాడ్‌ ఇంకా మహిళ మర్మాంగాల్లోనే ఉందని, ప్రస్తుతం ఆమె పరిస్థితి విషమంగా ఉందంటూ ఢిల్లీ మహిళా కమిషన్‌ చీఫ్‌ శ్వాతి మాలివాల్‌ ట్వీట్‌ చేశారు. ఏం జరిగింది? పోలీసులు తెలిపిన వివరాల ప్రకారం.. గాజియాబాద్‌లో బంధువుల ఇంటిలో బర్త్‌డే పార్టీకి హాజరై ఢిల్లీకి తిరుగు ప్రయాణమైంది బాధితురాలు. ఆమె సోదరుడు బస్టాండ్‌లో దింపి వెళ్లాడు. బస్సు కోసం వేచి చూస్తుండగా.. ఐదుగురు కారులో అక్కడికి వచ్చి బలవంతంగా ఆమెను తీసుకెళ్లారు. గుర్తు తెలియని ప్రాంతానికి తీసుకెళ్లి సామూహిక అత్యాచారానికి పాల్పడ్డారు. బాధితురాలికి, నిందితులకు మధ్య ఆస్తి విషయంలో తగాదాలు ఉన్నాయని, ప్రస్తుతం ఆ అంశం కోర్టులో ఉందని గాజియాబాద్‌ ఎస్పీ నిపున్‌ అగర్వాల్‌ తెలిపారు. ఢిల్లీకి వెళ్లే ఆశ్రమ్‌ రోడ్డులో ఓ మహిళ రక్తపు మడుగులో పడి ఉన్నట్లు పోలీసులకు సమాచారం అందింది. వెంటనే బాధితురాలిని జీటీబీ ఆసుపత్రికి తరలించారు. ఫిర్యాదు నమోదు చేసుకుని నిందితుల కోసం గాలింపు చేపట్టారు.  గాజియాబాద్‌ ఘటనపై పూర్తి వివరాలు అందించాలని ఢిల్లీ మహిళా కమిషన్‌  చీఫ్‌ శ్వాతి మలివాల్‌ ఎస్పీని కోరారు. ‘ ప్రైవేటు భాగాల్లో ఇనుప రాడ్డుతో మహిళ రక్తపు మడుగులో ప్రాణాలతో పోరాడుతూ కనిపించింది. ఆమె పరిస్థితి ప్రస్తుతం విషమంగా ఉంది. గాజియాబాద్‌ నుంచి ఢిల్లీకి వస్తున్న క్రమంలో కారులో బలవంతంగా తీసుకెళ్లారు. రెండు రోజుల పాటు ఆమెపై ఐదుగురు ‍అత్యాచారం చేశారు. ప్రైవేటు భాగాల్లో ఇనుప రాడ్డును చొప్పించారు. రోడ్డు పక్కన పడిపోయి ఉన్న సమయంలోనూ ఇనుప రాడ్డు అలాగే ఉంది. ఆసుపత్రిలో ప్రాణాల కోసం పోరాడుతోంది. గాజియాబాద్‌ ఎస్ఎస్‌పీకి నోటీసులు పంపించాం’అని ట్వీట్‌ చేశారు శ్వాతి. ఇదీ చదవండి: స్పా, సెలూన్ల ముసుగులో అసాంఘిక కార్యకలాపాలపై ఉక్కుపాదం


 మేవత్: బీఫ్ తిన్నందుకు శిక్షగా తమపై లైంగికదాడి చేసినట్టు నిందితులు చెప్పారని హరియాణాలోని మేవత్ గ్యాంగ్ రేప్ బాధితురాలు చెప్పింది. 'బీఫ్ తింటారా అని నిందితులు అడిగారు. మేం లేదని చెప్పాం. అయితే బీఫ్ తిన్నందుకే శిక్ష (గ్యాంగ్ రేప్) వేశామని చెప్పారు' అని ఢిల్లీలో సామాజిక కార్యకర్త షబ్నం హష్మీ సమక్షంలో ఓ బాధితురాలు చెప్పింది. కాగా ఈ కేసుతో గోసంరక్షక దళం సభ్యులకు సంబంధంలేదని సీనియర్ పోలీసు అధికారులు చెప్పారు.
 
 రెండు వారాల క్రితం వరుసకు బంధువులైన ఇద్దరు మహిళల (20, 14)పై దుండగులు వారి ఇంట్లోనే సామూహిక లైంగికదాడికి పాల్పడ్డారు. బాధితుల అత్తమామలను కట్టేసి విచక్షణరహితంగా కొట్టడంతో మరణించారు. పోలీసులు అత్యాచారం కేసు మాత్రమే నమోదు చేసి నలుగురు నిందితులను అరెస్ట్ చేశారు. స్థానికులు నిరసన తెలిపిన తర్వాత నిందితులపై హత్యకేసు నమోదు చేశారు.
  


 అహ్మద్ నగర్: బ్యాంక్ ఉద్యోగం ఇప్పిస్తామని ఓ యువతి (25)కి మాయమాటలు చెప్పి ముగ్గురు వ్యక్తులు లైంగికదాడికి పాల్పడ్డారు. మహారాష్ట్రలోని అహ్మద్ నగర్ జిల్లాలో ఈ దారుణం జరిగింది.
 
 బాధితురాలి ఫిర్యాదు మేరకు నిందితులు హరిభా వర్పె (32), విలాస్ రఘునాత్ షిండె (30)లను పోలీసులు అరెస్ట్ చేశారు. మూడో నిందితుడు పరారీలో ఉన్నాడు. వర్పె కో ఆపరేటివ్ బ్యాంకులో పనిచేస్తున్నాడు. సైన్స్ గ్రాడ్యుయేట్ అయిన బాధితురాలికి బ్యాంక్ ఉద్యోగం ఇప్పిస్తామని చెప్పి ముగ్గురూ రప్పించారు. జిల్లా కేంద్రానికి 48 కిలోమీటర్ల దూరంలో ఉన్న ధర్మడి హిల్స్ కు ఆమెను తీసుకెళ్లి సామూహిక అత్యాచారం చేశారు. ఈ దృశ్యాలను వీడియో తీసి, ఎవరికీ చెప్పవద్దని బెదిరించారు. ఆమె నుంచి మొబైల్ ఫోన్, నగదు లాక్కొన్నారు. వీరి బారి నుంచి బయటపడిన బాధితురాలు రాహురి పోలీస్ స్టేషన్ లో ఫిర్యాదు చేసింది.
  


 ఝాన్సీ: ఉత్తరప్రదేశ్లో దారుణం జరిగింది. బస్సులో ఓ మహిళపై డ్రైవర్, కండక్టర్ సామూహిక అత్యాచారానికి పాల్పడ్డారు.
 
 సోమవారం రాత్రి కొట్వాలి ప్రాంతంలో 40 ఏళ్ల మహిళ బస్సు కోసం ఎదురు చూస్తుండగా, ఓ ప్రైవేట్ బస్సు డ్రైవర్ బ్రీజేంద్ర, కండక్టర్ జితేంద్ర ఆమెను బలవంతంగా బస్సులోకి లాక్కెళ్లారు. అనంతరం ఆమెపై లైంగికదాడికి పాల్పడ్డారు. బాధితురాలు అలారం మోగించడంతో స్థానికులు వచ్చి నిందితులను పట్టుకుని పోలీసులకు సమాచారం అందించారు. పోలీసులు నిందితులను అరెస్ట్ చేసి, బాధితురాలిని వైద్య పరీక్షలకు పంపారు.
  


 ఉత్తరప్రదేశ్:  ఓ ముగ్గురు యువకులు 20ఏళ్ల మహిళపై సామూహిక అత్యాచారానికి పాల్పడ్డారు. ఈ ఘటన ఉత్తరప్రదేశ్లోని జగదీశ్పూరా ప్రాంతంలోని దహతోరాలో మంగళవారం రాత్రి చోటుచేసుకుంది. దాంతో  ఆ మహిళ భవనంపై నుంచి దూకి ఆత్మహత్యకు యత్నించింది.
 
 పోలీసుల కథనం ప్రకారం..  జగదీశ్పూరాలో నివాసముంటున్న ఓ మహిళ, ఆకాశ్ అనే తన స్నేహితుడిని కలిసేందుకు మంగళవారం రాత్రి ఓ భవనంపైకి వెళ్లింది. ఆ సమయంలో అక్కడ ఉన్న ముగ్గురు యువకులు ఆమెపై ఈ అఘాయిత్యానికి పాల్పడినట్టు పోలీసులు తెలిపారు. అయితే ఫోన్లో తనను భవనంపైకి రమ్మని చెప్పిన స్నేహితుడు ఆకాశ్ ఆమెను అక్కడే వదిలి వెళ్లాడు. అదే సమయంలో మరో ముగ్గురు యవకులు భవనంపైకి వచ్చి ఆమెతో అసభ్యంగా మాట్లాడారు. ఆపై లైంగికంగా వేధించి సామూహిక అత్యాచారానికి పాల్పడ్డారు. దాంతో ఆ మహిళ మూడో అంతస్తు నుంచి దూకేసింది.  రక్తపు మడుగులో పడిఉన్న ఆమెను గమనించిన స్థానికులు అత్యవసర చికిత్స నిమిత్తం ఆస్పత్రికి తరలించారు. ఇదిలాఉండగా, ఆస్పత్రిలో చికిత్స పొందుతున్న ఆమెనుంచి వివరాలు సేకరించినట్టు ఓ పోలీస్ అధికారి పేర్కొన్నారు.  కాగా, పోలీసులు కేసు నమోదు చేసి పరారీలో ఉన్న ముగ్గురు నిందితుల కోసం గాలింపు చర్యలు చేపట్టారు.


 కర్నూలు జిల్లా నంద్యాలలో దారుణం చోటు చేసుకుంది.  ఓ మహిళపై కొందరు దుండగులు సామూహిక అత్యాచారానికి పాల్పడ్డారు. శాంతిరాం కాలేజ్ దగ్గర కూలీ పనులకు వెళ్లిన మహిళపై దుండగులు ఈ దారుణానికి పాల్పడినట్లు తెలుస్తోంది. రాత్రంతా మహిళపై వేధింపులకు పాల్పడ్డ దుండగులు శాంతిరామ్ కాలేజ్ రోడ్డుపై పడేసి వెళ్లిపోయారు.
 ఉదయాన్నే పొలం పనులకు వెడుతున్న స్ధానికులు గమనించి పోలీసులకు సమాచారం అందించారు. 108 ద్వారా ఆమెను నంద్యాల ప్రభుత్వ ఆసుపత్రికి తరలించారు. బాధితురాలి ఆరోగ్యపరిస్థితి నిలకడగానే ఉన్నట్లు వైద్యులు చెబుతున్నారు. మరిన్ని వైద్యపరీక్షలు నిర్వహించాల్సి ఉందని అంటున్నారు.
 
 ఆ ఘటనపై పోలీసులు కేసు నమోదు చేసి దర్యాప్తు చేస్తున్నారు. నిందితుల కోసం గాలింపు చర్యలు చేపట్టినట్లు పోలీసులు వెల్లడించారు. కాగా బాధితురాలు స్వస్థలం ఖమ్మం జిల్లా అని తన పేరు ఉషారాణి అని వెల్లడించిందని పోలీసులు తెలిపారు.
  


 వికలాంగురాలైన మహిళ (25)పై నలుగురు యువకులు సామూహిక అత్యాచారం చేశారు. అయితే విషయం దాదాపు ఎనిమిది నెలల తర్వాత వెలుగులోకి వచ్చింది. అది సదరు మహిళ గర్భవతి కావడంతో అసలు విషయం బయటపడింది. దాంతో వికలాంగురాలిని కుటుంబ సభ్యులు ప్రశ్నించారు. దాంతో ఆ యువతి జరిగిన విషయాన్ని తల్లిదండ్రులకు వివరించింది. దాంతో వారు పోలీసులను ఆశ్రయించారు. పోలీసులు కేసు నమోదు చేసి దర్యాప్తు ప్రారంభించారు. కాగా ఆ సంఘటన ఉత్తరప్రదేశ్ షామిల్ జిల్లా కైరానా పట్టణంలో చోటు చేసుకుంది. నిందితులు మహబూబ్, మొబిన్, మున్నావర్, నూర్ మహ్మద్లుగా గుర్తించినట్లు... వారికోసం గాలింపు చర్యలు చేపట్టినట్లు పోలీసులు తెలిపారు.
  
 ఇంట్లో ఎవరు లేని సమయంలో వికలాంగురాలిపై పైన పేర్కొన్న సదరు నిందితులు సామూహిక అత్యాచారానికి పాల్పడ్డారు. ఆ విషయాన్ని బయటకు వెల్లడిస్తే చంపేస్తామంటూ బెదిరించారు. దాంతో ఆమె మిన్నుకుండిపోయింది. ఆ క్రమంలో ఇటీవల ఆ వికలాంగురాలైన మహిళ తీవ్ర అనారోగ్యం పాలైంది. దాంతో ఆమెను కుటుంబ సభ్యులు ఆసుపత్రికి తరలించారు. ఆమె గర్బవతి అని వైద్యులు తల్లిదండ్రులకు వెల్లడించారు. దాంతో వారు వికలాంగురాలిని ప్రశ్నించడంతో అసలు విషయం వెలుగులోకి వచ్చింది.
  


 చిత్తూరు: చిత్తూరు జిల్లాలో దారుణం జరిగింది. ఓ వివాహిత (45) సామూహిక అత్యాచారానికి గురైన సంఘటన ఆలస్యంగా వెలుగులోకి వచ్చింది. చౌడేపల్లి మండలం దొనపల్లి అలియాస్ జంగమయ్యగారి పల్లెకు చెందిన వివాహితపై ఎనిమిదిమంది అత్యాచారానికి పాల్పడ్డారు. ఈ సంఘటన గురువారం జరగగా, బాధితురాలు శుక్రవారం పోలీసుల్ని ఆశ్రయించింది. అయితే పోలీసులు మాత్రం తమకు ఎలాంటి ఫిర్యాదు అందలేదని చెబుతున్నారు.
 
 వివరాల్లోకి వెళితే దొనపల్లికు చెందిన ఓ మహిళ  పొలం పనులకు వెళ్లింది. అదే సమయంలో దొనపల్లె సమీపంలోని మాదిగలగుట్ట అటవీ ప్రాతంలో కొంతమంది మందు పార్టీ చేసుకున్నారు. ఈ సందర్భంగా నాటుకోళ్లు కోసుకుని వంటలు చేశారు. అయితే మాంసం ఇస్తామంటూ మాటలు కలిసిన వారు...  వివాహితను తమవెంట తీసుకువెళ్లారు. కాగా మద్యం తాగే అలవాటు ఉన్న ఆమె వారి వెంట వెళ్లింది. మద్యం సేవించి అనంతరం మత్తులోకి వెళ్లిపోయింది. దాంతో ఆమెపై దుంగడులు అత్యాచారానికి పాల్పడ్డారు. మెలుకువ తెచ్చుకున్న ఆమె తనపై అత్యాచారానికి పాల్పడుతున్న ఓ వ్యక్తిని ప్రతిఘటించింది. అప్పటికే ఆమెపై ఆరుగురు అత్యాచారం జరిపిన విషయాన్ని అతడు వివాహితకు  తెలిపాడు. దాంతో అతడిని ప్రతిఘటించి అక్కడ నుంచి బయటపడింది. కాగా వివాహిత వంటిపై ఉన్న బంగారు ఆభరణాల్ని కూడా దుండగులు దోచుకున్నారు.
 
 ఈ సంఘటనపై బాధితురాలు, ఆమె భర్త గురువారం పోలీస్ స్టేషన్లో ఫిర్యాదు చేశారు. అయితే అత్యాచార ఘటనపై తమకు ఎలాంటి ఫిర్యాదు అందలేదని పోలీసులు చెబుతున్నారు. కాగా ఈ ఘటనపై గ్రామ పెద్దలు పంచాయతీ నిర్వహించినట్లు సమాచారం. బాధితురాలి నగలను తిరిగి ఇచ్చిపింనట్లు తెలుస్తోంది. కాగా ఈ సంఘటనకు సంబంధించి ఆరుగురిని అదుపులోకి తీసుకున్నట్లు సమాచారం. వారిని పుంగనూరు సీఐ వద్దకు తీసుకు వెళ్లినట్లు సమాచారం.
 మరోవైపు పెద్దల ఒత్తిడి నేపథ్యంలో కేసును తారుమారు చేసేందుకు పోలీసులు ప్రయత్నిస్తున్నారని బాధితురాలి భర్త ఆరోపించాడు. గత రాత్రి తమ ఇంటికి ఇద్దరు కానిస్టేబుళ్లు వచ్చి తెల్ల కాగితంపై సంతకం పెట్టాలని ఒత్తిడి తెచ్చినట్లు అతను తెలిపాడు. కాగా ఈ సంఘటనపై పోలీసులు పెదవి విప్పటం లేదు.