డబుల్‌ క్వారంటైన్‌!

డబుల్‌ హోమ్‌ క్వారంటైన్‌ను ఎక్స్‌పీరియన్స్‌ చేస్తున్నారు హీరోయిన్‌ ఆలియా భట్‌. సంజయ్‌లీలా భన్సాలీ దర్శకత్వంలో ఆలియా భట్‌ టైటిల్‌ రోల్‌ చేస్తున్న సినిమా ‘గంగూబాయి కతియావాడి’. ఈ సినిమా షూటింగ్‌లో దర్శకుడు సంజయ్‌కు కరోనా పాజిటివ్‌ నిర్ధారణ కావడంతో ఆలియా కూడా క్వారంటైన్‌లోకి వెళ్లారు. ఇలా హోమ్‌ క్వారంటైన్‌ను పూర్తి చేశారో లేదో అలా మరోసారి క్వారంటైన్‌కి వెళ్లారు ఆలియా. ఈసారి ఆలియాకు కరోనా సోకింది. ‘

‘నాకు కరోనా పాజిటివ్‌ నిర్ధారణ అయ్యింది. ప్రస్తుతం క్వారంటైన్‌లో ఉంటున్నాను. అన్ని జాగ్రత్తలు తీసుకుంటున్నాను. వైద్యుల సలహాలు పాటిస్తున్నాను. నేను కోలుకోవాలని ఆశిస్తున్న అందరికీ ధన్యవాదాలు’’ అని పేర్కొన్నారు ఆలియా. ఇలా డబుల్‌ హోమ్‌ క్వారంటైన్‌లోకి వెళ్లారు ఆలియా. ఈ సంగతి ఇలా ఉంచితే.. ఆలియా ప్రియుడు రణ్‌బీర్‌ కపూర్‌కు కూడా ఆ మధ్య కరోనా సోకిన విషయం తెలిసిందే. ఇటీవలే రణ్‌బీర్‌కు నెగటివ్‌ వచ్చింది.

చదవండి : మలైకాకు కోవిడ్‌ వ్యాక్సిన్‌