Aparna Das: తెలుగులో ఎంట్రీ ఇస్తున్న హీరోయిన్‌

మనోహరం, బీస్ట్‌ వంటి చిత్రాలతో మలయాళ, తమిళ ఇండస్ట్రీల్లో తనకంటూ ప్రత్యేక గుర్తింపు తెచ్చుకున్న నటి అపర్ణ దాస్‌. తాజాగా ఆమె తెలుగులో ఎంట్రీ ఇచ్చేందుకు రెడీ అయింది. పంజా వైష్ణవ్‌ తేజ్‌ హీరోగా నటిస్తున్న నాలుగో చిత్రంలో (PVT04- వర్కింగ్‌ టైటిల్‌) కీలక పాత్రలో నటిస్తోంది అపర్ణా దాస్‌. శ్రీకాంత్‌ ఎన్‌.రెడ్డి దర్శకుడిగా పరిచయమవుతున్న ఈ చిత్రంలో శ్రీలీల హీరోయిన్‌.

శ్రీకర స్టూడియోస్‌ సమర్పణలో ఎస్‌. నాగవంశీ, ఎస్‌.సాయి సౌజన్య ఈ చిత్రాన్ని నిర్మిస్తున్నారు. ఈ సినిమాలో వజ్ర కాళేశ్వరీ దేవి పాత్రను పోషిస్తోంది అపర్ణా దాస్‌. ఆమె పాత్రకు ఎంతో ప్రాధాన్యం ఉందని, ఆమె రాక సినిమాకు మరింత ఆకర్షణ అవుతుందని చిత్రయూనిట్‌ పేర్కొంది.

చదవండి: 18 ఏళ్లకే పెళ్లి చేసుకున్నా, ఎవరికీ చెప్పలేదు: నటి