TV
‘గురు’ సినిమా ఫేమ్‌ రితికా సింగ్‌ ప్రధాన పాత్రలో నటించిన పాన్‌ ఇండియా చిత్రం ‘ఇన్‌ కార్‌’. హర్షవర్థన్‌ దర్శకత్వం వహించారు. ఇన్‌ బాక్స్‌ పిక్చర్స్‌పై అంజుమ్‌ ఖురేషి, సాజిద్‌ ఖురేషి నిర్మించిన ఈ చిత్రం మార్చి 3న తెలుగు, తమిళ, కన్నడ, మలయాళ, హిందీ భాషల్లో విడుదల కానుంది. ఆయా భాషల ట్రైలర్స్‌ని శుక్రవారం విడుదల చేశారు. ‘‘సర్వైవల్‌ క్రైమ్‌ థ్రిల్లర్‌ డ్రామా ‘ఇన్‌ కార్‌’.
వాస్తవ ఘటనల ఆధారంగా రూపొందిన చిత్రమిది. కాలేజీకి వెళ్లే ఓ అమ్మాయిని గుర్తు తెలియని దుండగులు కిడ్నాప్‌ చేస్తారు. ఏకాంత ప్రదేశానికి తీసుకెళ్లి ఆమెపై అత్యాచారం చేయాలనుకుంటారు. వారి బారి నుంచి తప్పించుకోవడానికి ప్రయత్నించిన ఆమెను వారు తీవ్రంగా గాయపరుస్తారు. ఆ తర్వాత ఆమె పోరాటం చేసి, వారి నుంచి ఎలా తప్పించుకుంది? అనేది చిత్రకథ’’ అని యూనిట్‌ పేర్కొంది. సందీప్‌ గోయత్, మనీష్‌ ఝంజోలియా, జ్ఞాన్‌ ప్రకాష్‌ కీలక పాత్రల్లో నటించిన ఈ చిత్రానికి కెమెరా: మిథున్‌ గంగోపాధ్యాయ.
Comments
Please login to add a commentAdd a comment