Samantha : దుష్యంతుడి కోసం శకుంతల ఎదురుచూపులు.. 'మల్లికా' వీడియో సాంగ్‌ రిలీజ్‌

సమంత ప్రధాన పాత్రలో నటిస్తున్న సినిమా శాకుంతలం. గుణశేఖర్‌ దర్శకత్వం వహించిన ఈ సినిమా ఏప్రిల్‌ 14న ప్రేక్షకుల ముందుకు రానుంది. రిలీజ్‌ డేట్‌ దగ్గర పడటంతో వరుస ఇంటర్వ్యూలతో ప్రమోషన్స్‌ జోరు పెంచారు మేకర్స్‌. ఇప్పటికే విడుదలైన ట్రైలర్‌, పాటలు విశేషంగా ఆకట్టుకుంటున్నాయి.

తాజాగా ఈ చిత్రం నుంచి మల్లికా.. మల్లికా అనే వీడియో పాటను విడుదల చేశారు. నిమిషంనర నిడివి ఉన్న ఈ పాట 'మల్లికా మల్లికా మాలతీ మాలిక .. చూడవా చూడవా ఏడే నా ఏలికా' అంటూ సాగుతుంది. మణిశర్మ స్వరపరిచిన ఈ పాటను రమ్య బెహ్రా ఆలపించింది. దుష్యంతుడి కోసం ఎదురుచూస్తూ శకుంతల పాడుకునే పాటగా దీన్ని చిత్రీకరించారు.