రజనీ సినిమాలో నాని?

సూపర్‌స్టార్‌ రజనీకాంత్‌తో నాని సిల్వర్‌ స్క్రీన్‌ షేర్‌ చేసుకోనున్నారా? అంటే అవుననే అంటున్నాయి కోలీవుడ్‌ వర్గాలు. రజనీకాంత్‌ హీరోగా ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో ఓ సినిమా తెరకెక్కనుంది. లైకా,ప్రోడక్షన్స్‌పై సుభాస్కరన్‌ ఈ సినిమాను నిర్మించనున్నారు. ఈ సినిమాలో అమితాబ్‌ బచ్చన్‌ ఓ కీలక పాత్రలో నటించనున్నారని ప్రచారం జరిగింది. తాజాగా హీరో నాని పేరు తెరపైకి వచ్చింది. కథ రీత్యా ఈ సినిమాలోని ఓ కీలక పాత్రకు నానీని చిత్ర యూనిట్‌ సంప్రదించిందని కోలీవుడ్‌ టాక్‌. త్వరలోనే ఈ సినిమా రెగ్యులర్‌ షూటింగ్‌ ప్రారంభం కానుంది. సో.. ఈ సినిమాకి నానీని అడిగారా? లేదా అనేది త్వరలో తెలిసిపోతుంది.