కరోనా వైరస్‌కు రుణపడ్డాను | Ram Gopal Varma Corona Virus Movie Press meet | Sakshi
Sakshi News home page

కరోనా వైరస్‌కు రుణపడ్డాను

Published Sun, Dec 6 2020 12:09 AM | Last Updated on Sun, Dec 6 2020 4:28 AM

Ram Gopal Varma Corona Virus Movie Press meet - Sakshi

వంశీ, సోనియా, రామ్‌గోపాల్‌ వర్మ, శ్రీకాంత్‌

కరెంట్‌ ఎఫైర్స్‌ను కంటెంట్‌గా వాడుకుని సినిమాలు తీస్తుంటారు దర్శకుడు రామ్‌గోపాల్‌ వర్మ. ప్రపంచాన్ని వణికిస్తున్న కరోనా వైరస్‌ పై ‘కరోనా వైరస్‌’ చిత్రాన్ని తీశారాయన. ఈ నెల 11న ఈ చిత్రాన్ని విడుదల చేయనున్నారు. శనివారం హైదరాబాద్‌లో జరిగిన సమావేశంలో రామ్‌గోపాల్‌ వర్మ మాట్లాడుతూ –‘‘నన్ను నమ్మి ఈ చిత్రంలో నటించిన నటీనటులందరికీ ధన్యవాదాలు.

లాక్‌డౌన్‌ టైమ్‌లో హీరోలు, దర్శకులు అంట్లు తోముకుంటూ, వంటలు వండుకుంటూ, ఇళ్లు ఊడ్చుకుంటూ టైమ్‌పాస్‌ చేస్తే నేను మాత్రం సినిమాలు తీశాను. కరోనా వైరస్‌ దీవెనలు ఉండడంవల్లే ఎవరూ కరోనా బారిన పడకుండా ఈ సినిమా చేయగలిగాం. అందుకే కరోనా వైరస్‌కు రుణపడి ఉన్నాను’’ అన్నారు. ‘‘కరోనా వల్ల ఎలా బ్రతకాలి అని ఆలోచిస్తున్న సమయంలో వర్మ నుండి పిలుపు వచ్చింది. ఓ కుటుంబంలా ఒకేచోట ఉంటూ నటీనటులందరం ఈ కుటుంబకథా చిత్రంలో నటించాం’’ అని శ్రీకాంత్‌ అయ్యంగార్, వంశీ చాగంటి, సోనియా ఆకుల అన్నారు. నిర్మాత నట్టికుమార్, దర్శకుడు అగస్త్య మంజు తదితరులు పాల్గొన్నారు.

Advertisement

Related News By Category

Related News By Tags

Advertisement
 
Advertisement

పోల్

Advertisement