Ravi Teja: 2022 చాలా కష్టంగా గడిచింది..రవితేజ ఎమోషనల్‌ పోస్ట్‌

చాలా కాలం తర్వాత ‘ధమాకా’తో బ్లాక్‌ బస్టర్‌ హిట్‌ కొట్టాడు మాస్‌ మహారాజా రవితేజ. డిసెంబర్‌ 23న విడుదలైన ఈ చిత్రం..ఇప్పటికీ భారీ కలెక్షన్స్‌ని రాబడుతూ.. సక్సెస్‌ఫుల్‌గా దూసుకెళ్తోంది. కేవలం తొమ్మిది రోజుల్లోనే ప్రపంచ వ్యాప్తంగా రూ.77 కోట్లు రాబట్టి రికార్డు సృష్టించింది. ధమాకా విజయంపై తాజాగా రవితేజ ఓ ఎమోషనల్‌ ట్వీట్‌ చేశాడు.

‘ధమాకా’లాంటి మర్చిపోలేని సినిమాతో 2022కు వీడ్కోలు చెబుతున్నాం. ఇంతటి విజయాన్ని అందించిన అభిమానులకు థ్యాంక్స్‌.  ఈ సక్సెస్ ను గతేడాదిలో మనం కోల్పోయిన దిగ్గజాలకు అంకితం చేస్తున్నాను. ఈ ఏడాది ఎంతో కష్టంగా గడిచింది. కానీ మీ షరతులు లేని ప్రేమ నన్ను ముందుకు సాగేలా చేసింది. 2023లో అంతా మంచే జరగాలని కోరుకుంటున్నాను’అని రవితేజ ట్వీట్‌ చేశారు.

#HappyNewYear2023 🤗 pic.twitter.com/Xuxw28TCty

— Ravi Teja (@RaviTeja_offl) January 1, 2023