Samantha: వైట్​ టీ షర్ట్​లో అదిరిపోయిన సమంత.. టీ షర్ట్​ ధరెంతంటే ?

స్టార్​ హీరోయిన్​ వరుస సినిమాలతో దూసుకుపోతోంది. అందం, అభినయం, ఫిట్​నెస్​తో సినీ ప్రేక్షకుల్నీ అలరిస్తోంది. సమంత ఉంటే సినిమాకు మంచి ఫలితమే దక్కుతుందని దర్శకనిర్మాతలు ఆమె వెంట క్యూ కడుతున్నారు. టాలీవుడ్​, కోలీవుడ్, బాలీవుడ్​, హాలీవుడ్​ చిత్రాలు, వెబ్​ సిరీస్​ల వంటి ప్రాజెక్టులతో సామ్ ఫుల్ బిజీగా ఉంది. అలాగే సోషల్​ మీడియాలో కూడా ఫిట్​నెస్​, మోటివేషనల్ పోస్ట్​తో యాక్టివ్​గా ఉంటుంది. సమంతకు ఫిట్​నెస్​తో పాటు డ్రెస్సింగ్​ స్టైల్​పై కూడా ప్రత్యేక అవగాహన ఉంది. విభిన్నమైన డ్రైస్సింగ్​ స్టైల్స్​తో అందరి దృష్టిని ఆకర్షిస్తూ ఉంటుంది సామ్​.

తాజాగా సమంత ముంబైలోని ఓ సెలూన్​ నుంచి బయటకు వస్తూ కెమెరా కళ్లకు చిక్కింది. ప్రస్తుతం ఆ ఫొటోల్లో సమంత వేసుకున్న వైట్​ టీ షర్ట్ గురించి​ సోషల్ మీడియాలో చర్చ జరుగుతోంది. ఈ చర్చంతా సామ్ వేసుకున్న టీ షర్ట్ ఖరీదు గురించి. ఎందుకంటే సామ్​ వేసుకున్న ఆ 'ఆర్​13 వైట్​ టీ షర్ట్'​ ధర సుమారు రూ. 17,000 ఉంటుందట. వైట్​ రిప్డ్​ టీతో జత చేసిన బేసిక్ బ్లాక్​ జీన్స్​, వైట్​ స్పోర్ట్స్​ షూలు ధరించి మాస్క్ పెట్టుకుని ఆకట్టుకుంది సామ్​ లుక్. త్వరలో ఈ స్టైల్​ను ఎంతమంది ఫాలో అవుతారో చూడాలి మరీ.