TV
లక్నో: ఉత్తర్‌ప్రదేశ్‌ ముఖ్యమంత్రి యోగి ఆదిత్యనాథ్‌ను చంపేస్తామంటూ బెదిరింపులు వచ్చాయి. యూపీ పోలీస్‌ ఎమర్జెన్సీ హెల్ప్లైన్ వాట్సాప్‌కు ఈ సందేశం వచ్చినట్లు అధికారులు తెలిపారు. ఈ క్రమంలో ఓ వ్యక్తిపై కేసు నమోదు చేసినట్లు చెప్పారు. డయల్‌ 112 హెల్ప్లైన్ వాట్సాప్‌ నంబర్‌కు షాహిద్‌ అనే వ్యక్తి ఆ మెసేజ్‌ను పంపించినట్లు గుర్తించామన్నారు. బాంబు పెట్టి ముఖ్యమంత్రిని హత్య చేస్తానని సందేశంలో రాశాడని పోలీసులు తెలిపారు.
పోలీస్‌ ప్రధాన కార్యాలయం స్టేషన్ కమాండర్‌ సుభాష్‌ కుమార్‌ ఫిర్యాదు చేశారు. ఈ మేరకు లక్నోలోని సుశాంత్‌ గోల్ఫ్‌ పోలీస్‌ స్టేషన్‌లో సోమవారం ఎఫ్‌ఐఆర్‌ నమోదు చేశారు. నిందితుడిని అరెస్ట్‌ చేసేందుకు పలు బృందాలను ఏర్పాటు చేసినట్లు పోలీసులు తెలిపారు. ఈ కేసుపై సైబర్‌ సెల్‌, నిఘా బృందాలు సైతం పని చేస్తున్నాయని చెప్పారు.
ఇదీ చదవండి: ఏడాదిలో భారీగా పెరిగిన ప్రధాని మోదీ ఆస్తులు.. ఎంతంటే?
Comments
Please login to add a commentAdd a comment