Covid Vaccine: ‘ఈమాత్రం తెలివుంటే చాలు.. ఇతనికి దండం పెట్టొచ్చు’

కరోనా వైరస్‌ ఇంకా పూర్తిగా అంతమవ్వలేదు. కోవిడ్‌ను అరికట్టేందుకు, మహమ్మారి నుంచి జాగ్రత్తగా ఉండేందుకు వ్యాక్సినేషన్‌ ఎంత ముఖ్యమో అందరికీ తెలిసిందే. యువత నుంచి పండు ముసలి వరకు అర్హత ఉన్న ప్రతి ఒక్కరూ తప్పని సరిగా వ్యాక్సిన్‌ వేసుకోవాలి. ప్రస్తుతం ప్రపంచమంతటా వ్యాక్సినేషన్‌ ప్రక్రియ వేగంగా కొనసాగుతోంది. మొదట్లో వ్యాక్సిన్‌ తీసుకుంటే దుష్ప్రభావాలు తలెత్తుతాయనే అనుమానంతో వెనకడుగు వేసిన జనం ఇప్పుడు చురుగ్గా వ్యాక్సినేషన్‌ కార్యక్రమంలో పాల్గొంటున్నారు. అయితే పలుచోట్లు వ్యాక్సిన్‌ కొరత ఏర్పడుతోంది. అవసరమైన డోసులు అందుబాటులో ఉండటం లేదు.
చదవండి: మమ్మల్ని ఎవరూ పట్టించుకోరు.. కంటతడి పెట్టిస్తున్న యువతి వీడియో

ఈ నేపథ్యంలో తాజాగా ఓ వ్యక్తి వ్యాక్సిన్‌ వేయించుకుంటున్న వీడియో నెట్టింట్లో వైరల్‌గా మారింది. అందేంటి.. రోజు లక్షల మంది వ్యాక్సిన్‌ తీసుకుంటుంటే అతను వేసుకోవడంలో గొప్ప విషయం ఏముంది అనుకుంటున్నారా.. అసలేం జరిగిందంటే.. టీకా కోసం వ్యాక్సినేషన్‌లో జనాలు బారేడు లైను కట్టారు. అయితే 35 నుంచి 45 ఏళ్ల వయసున్న ఓ వ్యక్తి ఆ క్యూలో నిల్చుంటే తన వంతు వచ్చే సరికి ఆలస్యం అవుతుందని గ్రహించాడు. దీంతో  ఆ వ్యక్తి  వ్యాక్సినేషన్‌ గదిలోకి వెళ్లి లైనులో నిల్చొని టీకా తీసుకోకుండా.. భవనం వెనక కిటికి ద్వారా మురికి కాలువపై అడ్డంగా నిల్చొని  సిబ్బందితో వ్యాక్సిన్‌ వేయించుకున్నాడు. ఇది నిజంగానే జరిగిందండోయ్‌.. దానికి ఈ వీడియోనే సాక్షం.. కావాలంటే మీరూ చూడండి.
చదవండి: భావోద్వేగం: వధువుని అలా చూసి కంటతడి పెట్టిన వరుడు

అయితే ఈ ఘటన ఎక్కడ జరిగిందో తెలియరాలేదు గానీ ఫేస్‌బుక్ యూజర్ తరుణ్ త్యాగి దీనికి సంబంధించిన వీడియోను షేర్ చేశారు. ఇప్పటి వరకు దీనికి లక్షల్లో వ్యూవ్స్‌ లభించగా వేలల్లో లైకులు వచ్చి చేరుతున్నాయి. అంతేగాక అంకుల్‌ తెలివిని నెటిజట్లు ప్రశంసిస్తున్నారు. ‘సోదరుడు చాలా తెలివిగా కనిపిస్తున్నాడు. అతడికి దండం పెట్టాలి. టీకా తీసుకోవడంలో వేరే లెవల్‌ ఇది. గుడ్‌ ఐడియా.. ఈమాత్రం తెలివుంటే చాలు.. ఇన్ని రోజులు లైనుల్లో కష్టపడి వెయిట్‌ చేసేవాళ్లం.’ అంటూ కామెంట్‌ చేస్తున్నారు.