TV
కేకేఆర్‌ ఆటగాడు.. స్టార్‌ క్రికెటర్‌ లిటన్‌ దాస్‌ బంగ్లాదేశ్‌కు వెళ్లిపోయాడు. ఐపీఎల్‌ 16వ సీజన్‌లో ఒక్క మ్యాచ్‌ మాత్రమే ఆడిన లిటన్‌ దాస్‌ కుటుంబ సమస్యల కారణంగా అర్థంతరంగా లీగ్‌ నుంచి వైదొలిగాడు. ఈ విషయాన్ని కేకేఆర్‌ ట్విటర్‌లో అధికారికంగా ద్రువీకరించింది.
''లిటన్‌ దాస్‌ బంగ్లాదేశ్‌కు పయనమయ్యాడు. ఇది మాకు నష్టం కలిగించేది. కానీ కుటుంబంలో మెడికల్‌ ఎమర్జెన్సీ కారణంగా అతను వెళ్లాల్సిన పరిస్థితి ఏర్పడింది. అతనికి మా మద్దతు ఎల్లప్పుడు ఉంటుంది. ఈ కష్ట సమయం నుంచి లిటన్‌ దాస్‌ తొందరగా బయటపడాలని కోరుకుంటున్నాం'' అంటూ ట్వీట్‌ చేసింది.
ఇక గతేడాది జరిగిన వేలంలో యాక్సిలరేటెడ్‌ రౌండ్‌లో కనీస ధర రూ.50 లక్షలకు కేకేఆర్‌ కొనుగోలు చేసింది. ఈ సీజన్‌లో ఏప్రిల్‌ 20న ఢిల్లీ క్యాపిటల్స్‌తో జరిగిన మ్యాచ్‌ ద్వారా లిటన్‌దాస్‌ ఐపీఎల్‌లో అరంగేట్రం చేశాడు. కేవలం నాలుగు పరుగులు మాత్రమే చేసి ఔటైన ఈ వికెట్‌ కీపర్‌ లలిత్‌ యాదవ్‌, అక్షర్‌ పటేల్‌ల స్టంపౌట్‌ చాన్స్‌ మిస్‌ చేసుకున్నాడు.
ఇక ఆర్‌సీబీపై విజయంతో కేకేఆర్‌ ఈ సీజన్‌లో నాలుగు వరుస పరాజయాలకు చెక్‌ పెట్టింది. ప్రస్తుతం ఎనిమిది మ్యాచ్‌ల్లో మూడు విజయాలు, ఓటములతో పాయింట్ల పట్టికలో ఏడో స్థానంలో కొనసాగుతుంది. ఏప్రిల్‌ 29న ఈడెన్‌ గార్డెన్‌ వేదికగా తర్వాతి మ్యాచ్‌లో గుజరాత్‌ టైటాన్స్‌ను ఎదుర్కోనుంది.
చదవండి: వన్డే క్రికెట్‌లో పాకిస్తాన్‌ చరిత్ర.. అయినా టీమిండియా వెనకాలే
Comments
Please login to add a commentAdd a comment