Viral Video: పతకం గెలిచిన ఆనందంలో చిందేసిన భారత అథ్లెట్..  | World Athletics U20 Silver Medalist Shaili Singh Dance Video Gone Viral | Sakshi
Sakshi News home page

Shaili Singh Dance Video: పతకం గెలిచిన ఆనందంలో చిందేసిన భారత అథ్లెట్

Aug 29 2021 8:28 PM | Updated on Aug 29 2021 9:01 PM

World Athletics U20 Silver Medalist Shaili Singh Dance Video Gone Viral - Sakshi

న్యూఢిల్లీ: అండర్-20 ప్రపంచ అథ్లెటిక్స్ ఛాంపియన్షిప్‌ పోటీల్లో భారత్‌ తరఫున లాంగ్ జంప్ ఈవెంట్‌లో 17 ఏళ్ల షైలీ సింగ్ రజత పతకం సాధించిన సంగతి తెలిసిందే. ఈ ఆనందంలో ఆమె మైమరిచి చిందేసిన ఓ వీడియో ప్రస్తుతం సోషల్‌ మీడియాలో వైరల్‌గా మారింది. ఈ వీడియోలో షైలీ చేసిన డ్యాన్స్‌కు నెటిజన్లు ఫిదా అవుతూ, కామెంట్ల వర్షం కురిపిస్తున్నారు. పంజాబ్‌ రాష్ట్రానికి చెందిన షైలీ..  నైరోబి ప్రపంచ జూనియర్‌ అథ్లెటిక్స్ ఛాంపియన్షిప్‌ పోటీల్లో 6.59 మీటర్లు దూకి రజతం సాధించింది. 

అనంతరం ఆమె భారత్‌కు తిరిగొచ్చాక బెంగళూరులోని స్పోర్ట్స్‌ అథారిటీ ఆఫ్‌ ఇండియా(సాయ్‌) సెంటర్‌లో పతకం గెలిచిన ఆనందాన్ని వ్యక్త పరుస్తూ.. పాపులర్‌ పంజాబీ పాటకు బాంగ్రా నృత్యం చేసింది. ఈ డ్యాన్స్ వీడియోను సాయ్‌ తన అధికారిక ట్విటర్‌ ఖాతాలో షేర్ చేసింది. దీంతో ఈ వీడియో సోషల్‌ మీడియాలో విపరీతంగా చక్కర్లు కొడుతోంది. కాగా, షెల్లీ సింగ్‌ కేవలం 1 సెంటీమీటర్‌ దూరంతో స్వర్ణాన్ని కోల్పోయింది. స్వీడన్‌కు చెందిన 18 ఏళ్ల మజా అస్కాగ్‌ 6.60 మీటర్లు దూకి స్వర్ణ పతకాన్ని గెలుచుకుంది. 
చదవండి: వినోద్‌ కూమార్‌కు కాంస్యం.. భారత్‌ ఖాతాలో మూడో పతకం

Advertisement

Related News By Category

Related News By Tags

Advertisement
 
Advertisement

పోల్

Advertisement