పంటకు పొగ మంచు తెర

పంటకు పొగ మంచు తెర

పుట్టపర్తి అర్బన్‌: ఎడతెరపి లేని వర్షాలతో ఖరీఫ్‌ పంటలను నష్టపోయిన రైతులకు రబీ సీజన్‌లో ప్రస్తుతం పొగ మంచు వాతావరణం బెంబేలెత్తిస్తోంది. ఉదయం 10 గంటల వరకూ కురుస్తున్న మంచుతో పంటలు ఎదుగుదల లేక రైతులు సతమతమవుతున్నారు. దీనికి తోడు రోగాలు వ్యాపించడం, వరుస మందుల పిచికారీతో ఆర్థికంగా చితికి పోతున్నారు.

పంటలకు దెబ్బ

రబీ సీజన్‌లో జిల్లా వ్యాప్తంగా వేరుశనగ, మొక్కజొన్న, రాగి, వరి, తీగ జాతి పంటలైన కళింగర, దోస, వంటి పంటలను విస్తారంగా సాగు చేశారు. ఇందు కోసం లక్షలాది రూపాయలు ఖర్చు చేశారు. అయితే మంచు ప్రభావంతో వేరుశనగ పంటకు పచ్చ పురుగు, లద్దె పురుగు ,ఆకు మచ్చ తెగులు , మొక్కజొన్నకు సుడిదోమ , కళింగర, దోస పంటలకు పచ్చ పురుగు, రసం పీల్చు పురుగు, ఆకుముడత అధికంగా వ్యాపిస్తున్నాయి. దీంతో ఒకటికి రెండు, మూడుసార్లు మందులు కొట్టాల్సి వస్తోందని రైతులు ఆవేదన వ్యక్తం చేస్తున్నారు. దీనికి తోడు పొగ మంచు కారణంగా వ్యవసాయ పనులు చేసుకునేందుకు కూడా ఇబ్బందులు పడుతున్నామని కర్షకులు వాపోతున్నారు.

రబీ పంటలపై తీవ్ర ప్రభావం

చీడపీడలతో కర్షకులకు ఇబ్బందులు

1/2

పంటకు పొగ మంచు తెర

2/2

పంటకు పొగ మంచు తెర