తమిళనాడు ముఖ్యమంత్రి పదవి విషయంలో అన్నాడీఎంకే స్పష్టత ఇచ్చింది. అమ్మ జయలలిత స్థానంలో చిన్నమ్మ శశికళ నటరాజన్‌ వెంటనే సీఎం పదవిని చేపట్టాలని విజ్ఞప్తి చేసింది. జయలలిత చేపట్టిన అభివృద్ధి పథకాలను కార్యక్రమాలను ముందుకుతీసుకుపోవడానికి చిన్నమ్మే సరైన వ్యక్తి అని పేర్కొంది. ఈ మేరకు నాలుగు పేజీల అధికారిక ప్రకటనను అన్నాడీఎంకే సోమవారం విడుదల చేసింది. పార్టీ సీనియర్‌ నేత, లోక్‌సభ డిప్యూటీ స్పీకర్‌ ఎం తంబిదురై ఈ ప్రకటనను మీడియాకు విడుదల చేశారు.