వివాహితపై ఆటో డ్రైవర్ల లైంగికదాడి | Auto drivers sexual attack on married woman | Sakshi
Sakshi News home page

వివాహితపై ఆటో డ్రైవర్ల లైంగికదాడి

Published Thu, Oct 24 2013 1:18 AM | Last Updated on Sun, Sep 2 2018 5:06 PM

ఆటో డ్రైవర్లు ఓ వివాహితపై లైంగిక దాడికి పాల్పడిన సంఘటన రఘునాధపాలెం మండలం చిమ్మపూడిలో ఆలస్యంగా వెలుగులోకి వచ్చింది.

ఖమ్మం మయూరి సెంటర్, న్యూస్‌లైన్: ఆటో డ్రైవర్లు ఓ వివాహితపై లైంగిక దాడికి పాల్పడిన సంఘటన రఘునాధపాలెం మండలం చిమ్మపూడిలో ఆలస్యంగా వెలుగులోకి వచ్చింది. ఖమ్మంఅర్బన్ ఎస్సై సుబ్బయ్య కథనం ప్రకారం వివరాలిలా ఉన్నాయి. రఘునాధపాలెం మండలంలోని చిమ్మపూడి గ్రామానికి చెందిన ఓ వివాహిత(26) కుటుంబ కలహాల నేపథ్యంలో భర్తతో విడిపోయి రెండు సంవత్సరాలుగా తల్లితో కలిసి ఉంటోంది. ఆమెకు ఓ కుమార్తె ఉంది. దసరా సెలవుల సందర్భంగా ఆమె కుమార్తె మధిర మండలంలోని ఇల్లూరులో ఉన్న బంధువుల ఇంటికి వెళ్లింది.

ఆమెను తీసుకువచ్చేందుకు ఈ నెల 19వ తేదీన బాధితురాలి తల్లి అక్కడికి వెళ్లింది. ఇదే అదునుగా భావించిన అదే గ్రామానికి చెందిన ఆటో డ్రైవర్లు లక్ష్మణ్, విజయ్‌లు ఈ నెల 19వ తేదీ రాత్రి 9 గంటల ప్రాంతంలో వివాహిత ఇంటికి వెళ్లారు. తలుపు తట్టడంతో వివాహిత తలుపు తీసింది. వెంటనే వారు ఇంట్లోకి ప్రవేశించి ఆమె నోట్లో గుడ్డలు కుక్కి ‘అరిస్తే నీ కుమార్తెను చంపుతామని’ బెదిరించి లైంగికదాడికి పాల్పడ్డాడు. దీంతో భయపడిన ఆమె ఈ విషయాన్ని ఎవరికీ చెప్పలేదు. కుమార్తెను తీసుకుని మంగళవారం ఇంటికి వచ్చిన తల్లికి ఈ విషయం చెప్పడంతో ఆమె బుధవారం పోలీసులకు తెలిపింది. సమాచారం అందుకున్న పోలీసులు బాధితురాలిని వైద్య పరీక్షల నిమిత్తం ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు ఎస్సై సుబ్బయ్య తెలిపారు.
 

Advertisement

Related News By Category

Related News By Tags

Advertisement
 
Advertisement

పోల్

Advertisement