గుంటూరు జిల్లాలో విషాదం

గుంటూరు జిల్లాలో విషాదం

గుంటూరు: పండగపూట గుంటూరు జిల్లా తాడేపల్లి మండలం సీతానగర్ లో విషాదం చోటు చేసుకుంది. కృష్ణా నదిలో మునిగి ముగ్గురు విద్యార్థినులు మృతి చెందారు. మృతులు పల్లవి, పూజిత, నాగలక్ష్మిగా గుర్తించారు. మృతులు విజయవాడలోని ఆటోనగర్ కు చెందిన వారు. ఓ కార్పొరేట్ కాలేజీలో వీరు ఇంటర్మీడియట్ చదువుతున్నట్టు తెలిసింది.

నిన్న ఉదయం కాలేజీకి వెళుతున్నామని చెప్పి వీరు ఇంటి నుంచి వచ్చారు. శనివారం రాత్రి వీరు నదిలో గల్లంతైవుంటారని భావిస్తున్నారు. అయితే విజయవాడకు చెందిన వీరు గుంటూరు జిల్లా వైపు ఎందుకు వచ్చారన్న అనుమానాలు కలుగుతున్నాయి. రాఖీ పండుగ రోజున విషాదం నెలకొనడంతో విద్యార్థినులు తల్లిదండ్రులు కన్నీరుమున్నీరవుతున్నారు.