విద్యార్థిని చితక్కొట్టి, ఆపై చెప్పుతో దాడి

నెల్లూరు: నోట్ బుక్ బదులు పలకపై రాసినందుకు ఓ ఉపాధ్యాయురాలు.. విద్యార్థినిని వాతలు పడేలా కొట్టింది. ఈ సంఘటన నెల్లూరు జిల్లా ఆత్మకూరు మండలం వాసిలి ప్రభుత్వ పాఠశాలలో చోటుచేసుకుంది. నోట్‌బుక్‌లో గాకుండా పలకపై ఎందుకు రాశావంటూ కీర్తి అనే మూడో తరగతి విద్యార్థినిని...ఉపాధ్యాయురాలు పద్మ చితకబాదింది. ఈ విషయమై టీచర్‌కు, విద్యార్థిని తల్లిదండ్రులకు మధ్య వాగ్వాదం జరిగింది. ఈ విషయంలో తనకు మద్దతు ఇవ్వలేదని స్కూల్ హెడ్ మాస్టర్పై కూడా ఆమె చెప్పుతో దాడి చేసింది. టీచర్ నిర్వాకంపై కలెక్టర్కు ఫిర్యాదు చేశారు.