TV
28న సీడ్ క్యాపిటల్ భవనాలకు శంకుస్థాపన
హాజరుకానున్న కేంద్రమంత్రి అరుణ్‌జైట్లీ
తుళ్లూరు రూరల్: రాజధాని ప్రాంతంలోని సీడ్ క్యాపిటల్ పరిధిలో ప్రభుత్వ భవనాల సముదాయాల నిర్మాణానికి రాష్ట్ర ప్రభుత్వం ముహూర్తం ఖరారు చేసింది. ఈ నెల 28న కేంద్ర ఆర్థిక మంత్రి అరుణ్‌జైట్లీ, సీఎం చంద్రబాబు చేతులమీదుగా శంకుస్థాపన చేయనున్నారు.
లింగాయపాలెం, రాయపూడి గ్రామాల పరిధిలోని 950 ఎకరాల్లో ఈ భవన నిర్మాణం జరుగుతుందని సీఆర్‌డీఏ అధికారులు చెబుతున్నారు. శంకుస్థాపన పురస్కరించుకొని 100 ఎకరాల భూమిని చదును చేస్తున్నట్లు చెప్పారు. ఈ మేరకు గుంటూరు కలెక్టర్ కాంతిలాల్ దండే, సీఆర్‌డీఏ కమిషనర్ చెరుకూరి శ్రీధర్ మంగళవారం ఏర్పాట్లను పర్యవేక్షించారు.
