ఆస్టన్ మార్టిన్ ‘డీబీ11’ @రూ.4.27 కోట్లు

ఆస్టన్ మార్టిన్ ‘డీబీ11’ @రూ.4.27 కోట్లు

 చెన్నై: బ్రిటిష్ సూపర్ కార్ బ్రాండ్ ‘ఆస్టన్ మార్టిన్’ తాజాగా ‘డీబీ11’ను చెన్నైలో ఆవిష్కరించింది. దీని ధర రూ.4.27 కోట్లుగా ఉంది. ఆస్టన్ మార్టిన్ తన ‘డీబీ11’కి సంబంధించి ఇప్పటికే దేశవ్యాప్తంగా పలు రోడ్‌షోలను నిర్వహించింది. కాగా కంపెనీ ఈ మోడల్‌ను తొలిగా ఈ ఏడాది ప్రారంభంలో జరిగిన 86వ ఇంటర్నేషనల్ జెనీవా మోటార్ షో ప్రదర్శించింది. ‘డీబీ11’లో 5.2 లీటర్ ట్విన్ టర్బో చార్జ్‌డ్ వీ-12 ఇంజిన్‌ను అమర్చారు. కంపెనీ నుంచి వస్తోన్న తేలికపాటి, దృఢమైన, అత్యంత శక్తివంతమైన కారు ఇదే. ‘డీబీ11’ కార్ల విక్రయాలు ఈ ఏడాది చివరి త్రైమాసికంలో ప్రారంభమవుతాయి.