ముఖ్యమంత్రి చంద్రబాబు పబ్లిసిటీ పిచ్చి కొత్త పుంతలు తొక్కుతోంది. చేసేది గోరంత.. ప్రచారం కొండంత అన్నట్లుగా ఆయన హైడ్రామా సాగిస్తుండటం అందరినీ విస్మయపరుస్తోంది. కేవలం రూ.860 కోట్లతో రోడ్ల మీద గుంతలు పూడ్చే పనులకు చంద్రబాబు పత్రికలు, టీవీ చానళ్లతోపాటు సోషల్‌ మీడియాలో చేసుకుంటున్న విపరీత ప్రచారం వెర్రితలలు వేస్తోంది. ఏదో సాగునీటి ప్రాజెక్టును నిర్మించి ప్రారంభోత్సవం చేసినంత స్థాయిలో ఆయన తెగ హడావుడి చేస్తున్నారు. గుంతలు పూడ్చే కార్యక్రమానికి కూడా ప్రారంభోత్సవం అంటూ జేసీబీలు ఎక్కి మరీ ఫొటోలకు ఫోజులు ఇవ్వడం ఆశ్చర్యపరుస్తోంది. టీడీపీ కూటమి ప్రభుత్వ వైఫల్యంతో విజయవాడను వరదలు ముంచేస్తే.. తీరిగ్గా మేల్కొన్న చంద్రబాబు సహాయక చర్యల పేరిట మీడియాలో ప్రచారం కోసం కక్కుర్తిపడ్డారు. ఆ ప్రచార హైడ్రామాను కొనసాగింపుగా రోడ్ల గుంతలు పూడ్చే పనులకు కూడా ఆయన ప్రచారం చేసుకుంటుండడంపై విమర్శలు వ్యక్తమవుతున్నాయి. – సాక్షి, అమరావతిపబ్లిసిటీ లేకుండానే నాలుగేళ్లలో రూ.43 వేల కోట్ల పనులు..నిజానికి.. 2019 నుంచి 2024 వరకు వైఎస్సార్‌సీపీ ప్రభుత్వం రోడ్ల నిర్మాణానికి భారీస్థాయిలో నిధులు వెచ్చించినా ఎలాంటి ప్రచార ఆర్భాటాలకు పోలేదు. రోడ్ల గుంతలు పూడ్చటం మాత్రమే కాదు.. వాటితోపాటు పెద్ద సంఖ్యలో జగన్‌ సర్కారు కొత్త రోడ్లను నిర్మించింది. కోవిడ్‌ ప్రభావంతో దేశంలో ఏడాదికి పైగా అన్ని రకాల కార్యకలాపాలు స్తంభించిపోయాయి. దాంతో రోడ్ల నిర్మాణం కూడా ఒక ఏడాదిపాటు నిలిచిపోయింది. కానీ, అందుబాటులో ఉన్న నాలుగేళ్లలోనే వైఎస్సార్‌సీపీ ప్రభుత్వం రోడ్ల మరమ్మతుల కోసమే రూ.4,648 కోట్లు ఖర్చుచేయగా.. కొత్త రోడ్ల నిర్మాణంతో సహ మొత్తం రూ.43వేల కోట్లు వెచ్చించింది. అయినాసరే.. నాటి సీఎం వైఎస్‌ జగన్‌ ఎలాంటి ప్రచారం కోరుకోలేదు. అది ప్రభుత్వ బాధ్యతగానే ఆయన భావించారు.అప్పట్లో బాబు వెచ్చించింది రూ.23వేల కోట్లే..ఇక రోడ్ల గురించి గప్పాలు కొట్టుకునే చంద్రబాబు 2014–19 మధ్య చేసింది అంతంతమాత్రమే. ఆ ఐదేళ్లలో రాష్ట్రంలో రోడ్ల మరమ్మతులు, నిర్మాణం కోసం టీడీపీ ప్రభుత్వం ఖర్చుచేసింది కేవలం రూ.24వేల కోట్లే. అంతేకాదు.. రోడ్ల నిర్మాణం కోసం తీసుకున్న రూ.3వేల కోట్ల రుణాన్ని 2019 ఎన్నికల ముందు పసుపు–కుంకుమ పథకానికి మళ్లించింది. కానీ, రోడ్ల నిర్మాణానికి అత్యధిక ప్రాధాన్యమిచ్చినట్లుగా బిల్డప్‌ ఇస్తూ మీడియాలో తెగ ప్రచారం చేసుకుంది. ప్రస్తుత టీడీపీ కూటమి ప్రభుత్వంలో కూడా ఈ నాలుగు నెలల్లో రోడ్ల నిర్మాణానికి చేసింది సున్నానే. గుంతలు పూడ్చడానికి కేవలం రూ.860 కోట్లు కేటాయించింది. ఇక కొత్త రోడ్ల నిర్మాణ బాధ్యతల నుంచి ప్రభుత్వం పూర్తిగా తప్పుకుంది. పీపీపీ విధానంలోనే కొత్త రోడ్లను నిర్మిస్తామని ప్రకటించింది. తద్వారా వాహనదారుల నుంచి భారీగా టోలు ఫీజులు వసూలు చేసేందుకు రంగం సిద్ధంచేసింది. ఆ ముసుగులో టీడీపీ పెద్దలే కాంట్రాక్టర్లుగా మారి టోలు బాదుడుకు సిద్ధపడుతున్నారు.

సాక్షి, హైదరాబాద్‌: ఇటీవల హైదరాబాద్‌లో కురిసిన వర్షాలకు పలు ప్రాంతాల్లో రోడ్లు జలమయమయ్యాయి. దీంతో, రోడ్ల మధ్యలో గుంతలు ఏర్పడుతున్నాయి. ఇక, తాజాగా చందానగర్‌లో రోడ్డు మధ్యలో ఒక్కసారిగా భారీ గుంత పడింది. దీంతో, స్థానికులు భయాందోళనకు గురవుతున్నారు.వివరాల ప్రకారం.. చందానగర్ డివిజన్ పరిధిలోని దీప్తిశ్రీ నగర్ కాలనీ నుంచి ధర్మపురి క్షేత్రం మార్గంలో శాంతినగర్ ప్రధాన రహదారిపై శుక్రవారం సాయంత్రం ఉన్నట్టుండి రోడ్డు మధ్యలో కుంగి భారీ గుంత ఏర్పడింది. దీంతో, ఈ ఘటనపై స్థానికులు.. జీహెచ్‌ఎంసీ సిబ్బందికి సమాచారం అందించారు. సమాచారం అందుకున్న జీహెచ్‌ఎంసీ అధికారులకు సంఘటనాస్థలానికి చేరుకుని పరిశీలించారు.అయితే, రోడ్డు కుంగి గుంత ఏర్పడిన చోట తాగునీటి పైపు లైన్, డ్రైనేజీ పైపు లైన్లు ఉన్నాయి. దీంతో రహదారి మధ్యలో గుంత ఏర్పడి ఉండవచ్చని అధికారులు ప్రాథమికంగా నిర్ధారించారు. ప్రయాణికులు అటు వైపు వచ్చి ప్రమాదాలు బారిన పడకుండా గుంత చుట్టూ బారికేడ్లు ఏర్పాటు చేశారు. ఒక్కసారిగా రోడ్డు కుంగిపోవడంతో స్థానికులు ఆందోళన చెందుతున్నారు.ఇది కూడా చదవండి: తెలుగు రాష్ట్రాలకు రెండు కొత్త వందేభారత్‌ రైళ్లు

‘ఎన్నాళ్లీ నరకం’ శీర్షికన ‘సాక్షి’ దినపత్రికలో ఆదివారం ప్రచురితమైన కథనానికి రాష్ట్ర మంత్రి కోమటిరెడ్డి వెంకట్‌రెడ్డి స్పందించారు. వరంగల్‌ జాతీయ రహదారిపై అసంపూర్తి దశలో నిలిచిపోయిన ఉప్పల్‌– నారపల్లి ఎలివేటెడ్‌ కారిడార్‌ పనులను ఆయన పరిశీలించారు. అనంతరం మల్కాజిగిరి ఎంపీ ఈటల రాజేందర్, ఉప్పల్‌ ఎమ్మెల్యే బండారి లక్ష్మారెడ్డి, అధికారులతో కలిసి ఫ్లై ఓవర్‌ నిర్మాణంపై అక్కడికక్కడే సమీక్షించారు. ఈ సందర్భంగా వరంగల్‌ రహదారిపై భారీగా ట్రాఫిక్‌జాం ఏర్పడింది. Uppal - Narapally Flyover: ఎన్నాళ్లీ నరకం?

ప్రత్యక్ష నరకం మీరెప్పుడైనా చవిచూశారా? అయితే.. ఉప్పల్‌– నారపల్లి రహదారిలో ప్రయాణించండి నరకం ఎలా ఉంటుందో తెలుస్తుంది. ఆరేళ్లుగా వాహనదారులు, ప్రయాణికులు, స్థానికులు, వ్యాపారులు తిప్పలు పడుతూనే ఉన్నారు. వరంగల్‌ జాతీయ రహదారిలో ఉప్పల్‌– నారపల్లి మధ్య 6.2 కిలో మీటర్ల మేర చేపట్టిన కారిడార్‌ ఎలివేటెడ్‌ ఫ్లై ఓవర్‌ పనులు అర్ధాంతరంగా ఆగిపోవడంతో నిత్యం నరకాన్ని అనుభవించాల్సి వస్తోందని వాహనదారులు ఆవేదన వ్యక్తంచేస్తున్నారు. దుమ్మూ ధూళి.. బురద.. కంకర తేలి గుంతలు ఏర్పడి.. వానొస్తే రోడ్డుపై కుంటలను తలపిస్తున్నాయి. ఎక్కడ గొయ్యి ఉందో తెలియక ప్రాణాలను అరచేతిలో పెట్టుకుని ప్రయాణించాల్సిన దుర్గతి పట్టింది. ఆరేళ్లుగా ఈ దురావస్థతోనే ప్రజలు కాలం వెళ్లబుచ్చుతుండటం శాపంలా పరిణమించింది. ఎంతటి దయనీయ పరిస్థితి దాపురించిందో ప్రజాప్రతినిధులు అర్థం చేసుకోవాల్సిన ఆవశ్యకత ఏర్పడింది. తమ గోడు ఎవరితో చెప్పుకోవాలో తెలియక కొట్టుమిట్టాడుతున్నారు ఉప్పల్‌ ఫ్లై ఓవర్‌ నిర్మాణ బాధితులు. ఇప్పటికైనా ఏళ్లుగా పడుతున్న నరకం నుంచి తమను గట్టెక్కించాలని వేడుకొంటున్నారు. ఉప్పల్‌: వరంగల్‌ జాతీయ రహదారిలో ఉప్పల్‌ నుంచి నారపల్లి వరకు 6.2 కిలో మీటర్ల మేర 148 పిల్లర్లతో ఫ్లై ఓవర్‌ పనులకు అప్పటి కేంద్రమంత్రి నితిన్‌ గడ్కరీ శంకుస్థాపన చేశారు. కేంద్ర, రాష్ట్ర ప్రభుత్వాలు ఎంతో ప్రతిష్టాత్మకంగా చేపట్టిన ఈ ప్రాజెక్ట్‌ వ్యయం రూ.625 కోట్లు. 2018 జులైలో ప్రారంభమైన పనులు 2020 జూన్‌లో పూర్తి కావాలి. కానీ.. పనులు ఇప్పటికీ పూర్తి కాలేదు. పనులు అర్ధాంతరంగా నిలిచిపోవడంతో 6.2 కి.మీ మేర రోడ్డంతా గుంతలమయంగా మారింది. దీంతో ప్రజలు, వాహనదారులు నిత్యం ప్రత్యక్ష నరకాన్ని అనుభవిస్తున్నారు. ఈ రహదారిలో నిమిషానికి దాదాపు 960 నుంచి 1000 వరకు వాహనాలు రాకపోకలు సాగిస్తుంటాయి. అత్యంత రద్దీ ప్రాంతాల్లో ఉప్పల్‌ కూడా ఒకటి. దీంతో రోడ్డు సరిగా లేకపోవడంతో తరచూ ప్రమాదాలు చోటుచేసుకుంటున్నాయి. అనేక మంది అమాయకులు ప్రమాదాల బారిన పడి ప్రాణాలు సైతం కోల్పోయిన ఘటనలున్నాయి. అభివృద్ధి శరవేగం.. ఇటు అధ్వానం..ఉప్పల్‌ నుంచి నల్ల చెరువు వరకు రోడ్డుకు ఇరు వైపులా ఉన్న వర్తక, వాణిజ్య దుకాణాలు రోడ్డు వెడల్పు పనులతో తీవ్రంగా నష్టపోయాయి. ఉప్పల్‌ రింగ్‌ రోడ్డు నుంచి నల్ల చెరువు వరకు రోడ్డుకు ఇరువైపులా 450 షాపులు ఉన్నాయి. ఫ్లై ఓవర్‌ నిర్మాణంతో రోడ్డు సరిగా లేని కారణంగా వ్యాపారాలు పూర్తిగా దెబ్బ తిన్నాయని వ్యాపారులు లబోదిబోమంటున్నారు. వేగంగా అభివృద్ధి చెందుతున్న ప్రాంతాల జాబితాల్లో ఉప్పల్‌ మొదటి స్థానంలో ఉంది. ఒకవైపు మెట్రో రైలు.. మినీ శిల్పారామం, స్కైవాక్‌ వంతెన, ఉప్పల్‌ టు నారపల్లి ఎలివేటెడ్‌ కారిడార్‌ నిర్మాణం.. ఇలా ఎటు చూసినా అన్నివిధాలా ఉప్పల్‌ శరవేగంగా అభివృద్ధి చెందుతోంది. కానీ ఎలివేటెడ్‌ కారిడార్‌ నిర్మాణ పనుల్లో జాప్యంతో ఇక్కడి ప్రజలు, వాహనదారులు, వ్యాపారులు ఆరేళ్లుగా నిత్యం నరకయాతన అనుభవిస్తున్నారు. కేవలం రెండేళ్లలో పూర్తి కావాల్సిన నిర్మాణానికి అనేక అడ్డంకులు రావడంతో పనులు నిలిచి పోయాయి. దీంతో ఇక్కడి ప్రజలకు ఎదురు చూపులే మిగిలాయి. కాంట్రాక్టు రద్దు చేశారా? ఉప్పల్‌ ఎలివేటెడ్‌ కారిడార్‌ నిర్మాణ పనుల కాంట్రాక్టును గాయత్రీ కన్‌స్ట్రక్షన్స్‌ సంస్థ దక్కించుకున్న విషయం విదితమే. కానీ.. పనుల్లో తీవ్ర జాప్యం కారణంగా సదరు సంస్థ గడువులోగా పూర్తి చేయడంలో పూర్తిగా విఫలమైంది. దీంతో సదరు కాంట్రాక్టును ప్రభుత్వం రద్దు చేసినట్లు ప్రకటించింది. మరో సంస్థకు మిగిలిన పనులను అప్పగించేందుకు ప్రభుత్వం కసరత్తు ప్రారంభించింది.బిజినెస్‌ నిల్‌.. వరంగల్‌ జాతీయ రహదారి ఉప్పల్‌ మార్గంలో స్టేషనరీ, వస్త్ర, వాణిజ్య షాపులు, పూజా సామగ్రి, కిరాణా, ఆటోమొబైల్, ఫర్నిచర్, స్వీట్‌ దుకాణాలు, హోటళ్లు తదితర అనేక వ్యాపారాలు మనుగడ పొందుతున్నాయి. కాగా.. ఉప్పల్‌ ఎలివేటెడ్‌ కారిడార్‌ పనుల కారణంగా దుమ్మూ ధూళితో వ్యాపారాలు దెబ్బ తిన్నాయి. రోడ్లు వేయక పోవడం, విద్యుత్‌ స్తంభాలను మార్చకపోవడం, డ్రైనేజీ వ్యవస్థను మెరుగుపరచక పోవడంతో వందలాది మంది వ్యాపారులు అవస్థలు పడుతున్నట్లు వర్తక సంఘం ప్రతినిధులు ఆవేదన వ్యక్తంచేస్తున్నారు. ఆరేళ్లుగా వ్యాపారాలు నిల్‌.. కారిడార్‌ నిర్మాణ పనులు ప్రారంభించినప్పటి నుంచి రోడ్లు లేక దుమ్ము కొట్టుకుపోవడంతో గిరాకీ లేక అవస్థలు పడుతున్నాం. 90 శాతం గిరాకులు దెబ్బతిన్నాయి. వ్యాపారులమంతా తీవ్రంగా నష్టపోయాం. – శేఖర్‌ సింగ్, ఉప్పల్‌ వర్తక సంఘం ప్రతినిధి రోడ్డుపైకి రావాలంటే సాహసం చేయాల్సిందే.. ఉప్పల్‌ రోడ్డు మీదకు రావాలంటే సాహసం చేయాల్సి వస్తోంది. ఏళ్లుగా పాడైపోయిన రోడ్ల మీద వాహనం నడిపి ఆరోగ్యం పోగొట్టుకోవాల్సి వస్తోంది. ఎవరికి ఫిర్యాదు చేసినా ఫలితం లేకుండాపోయింది. మా బాధలను పట్టించుకునే వారే లేకుండాపోయారు. స్కూల్‌ పిల్లలు అనేక ఇబ్బందులు పడుతున్నారు. – శ్రీనివాస్‌ గౌడ్, స్కూల్‌ కరస్పాండెంట్‌గత ప్రభుత్వ అశ్రద్ధతోనే.. అప్పటి రాష్ట్ర ప్రభుత్వం అశ్రద్ధ వల్లనే రోడ్డు ఎటూ కాకుండా పోయింది. ప్రజలు ఎన్నో అవస్థలు పడుతున్నారు. ప్రజల అవసరాలను దృష్టిలో పెట్టుకుని పని చేయాలి. కాని పారీ్టలను దృష్టిలో పెట్టుకుని కాదు. కాంగ్రెస్‌ ప్రభుత్వం త్వరితగతిన ముందుకు వచ్చి నిర్ణయం తీసుకోవాలి. – మేకల శివారెడ్డి, ఉప్పల్‌ పట్టణ మున్సిపల్‌ మాజీ చైర్మన్‌

సాక్షి టాస్‌్కఫోర్స్‌: వైఎస్సార్‌ జిల్లా నల్లచెరువుపల్లె గ్రామ సమీపంలో చేపట్టిన గ్రీన్‌ఫీల్డ్‌ హైవే పనుల్లో వాటా అడిగారని, ఇస్తానని చెప్పినా చివరికి పనులు మొత్తం ఇవ్వాలని టీడీపీ నాయకులు ఒత్తిడి తెచ్చారని కాంట్రాక్టర్‌ శివప్రసాద్‌రెడ్డి తెలిపారు. దీనికి అంగీకరించని తాను 15 రోజులుగా నిలిచిపోయిన పనుల్ని తిరిగి ప్రారంభించేందుకు ప్రయత్నిస్తున్న నేపథ్యంలో భయానక వాతావరణం సృష్టించడానికి గ్రీన్‌ఫీల్డ్‌ హైవే క్యాంపు ఆఫీసుకు దుండగులు నిప్పుపెట్టారని చెప్పారు. గ్రీన్‌ఫీల్డ్‌ హైవే రోడ్డు పనులను మెగా ఇంజినీరింగ్‌ సంస్థ దక్కించుకుంది. ఇందులో నాలుగు కిలోమీటర్ల మేర పనుల్ని సబ్‌ కాంట్రాక్ట్‌ కింద సిద్ధార్థ కంపెనీ యజమాని రామిరెడ్డి శివప్రసాద్‌రెడ్డి తీసుకున్నారు. ఏప్రిల్‌లో పనులు మొదలుపెట్టారు. పనులు జరుగుతుండగా కూటమి అధికారంలోకి వచ్చి0ది. అప్పటి నుంచి హైవే పనులకు అడ్డంకులు ఎదురయ్యాయి. టీడీపీ నేతలు నల్లచెరువుపల్లె గ్రామ సమీపంలో జరిగే హైవే పనులను అడ్డుకున్నారు. వాటా ఇవ్వందే పనులు చేయకూడదని హుకుం జారీచేశారు. అయినా కాంట్రాక్టర్‌ పనులు ప్రారంభించడానికి సిద్ధమైన తరుణంలో వారు అధికారులపై ఒత్తిడి తెచ్చారు. దీంతో రాయల్టీ లేకుండా గ్రావెల్‌ తరలిస్తున్నారని అధికారులు టిప్పర్లను సీజ్‌చేశారు. రాయల్టీ అధికారులు విధించిన జరిమానా చెల్లించి టిప్పర్లను తెచ్చుకుని పనులు ప్రారంభించే సమయంలో క్యాంపు ఆఫీసును తగులబెట్టారు. హైవే రోడ్డు పనులు నాలుగు కిలోమీటర్లు సబ్‌ కాంట్రాక్ట్‌ తీసుకున్నానని, దాన్లో రెండు కిలోమీటర్లు చేసుకునేందుకు ఇచ్చేస్తానని టీడీపీ నేతలకు చెప్పినట్లు కాంట్రాక్టర్‌ తెలిపారు. కానీ వారు మొత్తం నాలుగు కిలోమీటర్ల పనులు కావాలంటూ ఒత్తిడి తెచ్చారు. ఇందుకు అంగీకరించని తాను పనులు ప్రారంభించడానికి సిద్ధమయ్యానని, ఈ పనులను ఎలాగైనా ఆపాలనే ఉద్దేశంతో కొంతమంది దుండగులు గ్రీన్‌ఫీల్డ్‌ హైవే క్యాంపు ఆఫీసును తగులబెట్టారని చెప్పారు. ఈ సంఘటనలో సుమారు రూ.30 లక్షల నష్టం వాటిల్లిందని ఆయన ఆవేదన వ్యక్తం చేశారు.

సాక్షి, కామారెడ్డి: అసెంబ్లీ ఎన్నికల సమయంలో సొంత మేనిఫెస్టో ప్రకటించడంతోపాటు, ఇద్దరు ఉద్ధండులను ఓడించి చరిత్ర సృష్టించిన కామారెడ్డి ఎమ్మెల్యే కాటిపల్లి వెంకటరమణారెడ్డి(కేవీఆర్‌) మరో సంచలన నిర్ణయం తీసుకున్నారు. రోడ్డు విస్తరణ కోసం ముందుగా తన ఇంటిని కూల్చేందుకు ముందుకొచ్చారు. కామారెడ్డి పట్టణంలోని పాత బస్టాండ్‌ నుంచి అడ్లూర్‌ రోడ్డు వరకు విస్తరణకు ఎన్నో ఆటంకాలు ఎదురయ్యాయి. ఇదే రోడ్డులో ఎమ్మెల్యే వెంకటరమణారెడ్డి ఇల్లుతోపాటు మాజీ మంత్రి, ప్రభుత్వ సలహాదారు షబ్బీర్‌అలీ ఇల్లు కూడా ఉంది. ట్రాఫిక్‌ పెరగడంతోపాటు, పలుచోట్ల ఆక్రమణలతో ఈ రోడ్డు ఇరుకుగా మారింది. ఈ నేపథ్యంలో రోడ్డు విస్తరణ కోసం స్వచ్ఛందంగా తన ఇంటిని కూల్చేందుకు ఎమ్మెల్యే కేవీఆర్‌ సిద్ధమయ్యారు. శనివారం ఇంటి కూల్చివేత పనులు ప్రారంభించాలని నిర్ణయించారు. తన ఇంటితోనే రోడ్డు వెడల్పు పనులు జరిగేలా ప్రణాళిక రూపొందించిన ఆయన.. పదిరోజుల క్రితమే ఇంటిని ఖాళీ చేసి ఎమ్మెల్యే క్యాంపు కార్యాలయానికి మారారు. వెయ్యి గజాలకుపైగా స్థలాన్ని మున్సిపల్‌ అధికారులు అప్పగించారు. మరోవైపు రోడ్డుకు ఇరువైపులా ఉన్న ఇళ్ల యజమానులకు నోటీసులు ఇచ్చేందుకు బల్దియా అధికారులు సన్నద్ధమవుతున్నారు. ఎమ్మెల్యే ఇంటిని కూల్చివేశాక రోడ్డు వెడల్పు పనులు ఏ మేరకు ముందుకు సాగుతాయో అన్న విషయమై పట్టణంలో చర్చ నడుస్తోంది.

మెళియాపుట్టి: ‘గిరి’ గ్రామాల రహదారుల కష్టాలకు ఎట్టకేలకు తెరపడింది.  శ్రీకాకుళం జిల్లాలోని మెళియాపుట్టి మండలంలో ఉత్తరాంధ్రలోనే అత్యంత ఎత్తయిన గిరిజన గ్రామాలు ఉన్నాయి. వాటికి దశాబ్దాలుగా రహదారి సౌక­ర్యాలు లేవు. వైఎస్సార్‌సీపీ ప్రభుత్వం వచ్చా­క సీఎం ఆదేశాల మేరకు ఎమ్మెల్యే రెడ్డి శాంతి ‘గడపగడపకూ మన ప్రభుత్వం’ కార్యక్రమం నిర్వహించి, గిరి శిఖర గ్రామాలను సందర్శించి వారి సమస్యలు, కష్టాలను తెలుసుకున్నారు. రహదారి కష్టాలు తీరితే అన్ని సౌకర్యాలు వారికి అందుతాయనే ఆలోచన చేసి, విషయాన్ని సీఎం జగన్‌ దృష్టికి తీసుకెళ్లారు. ఎమ్మెల్యే కృషి ఫలితంగా ఉత్తరాంధ్రలోనే ఎత్తయిన గిరిశిఖర గ్రామ­మైన చందనగిరి గ్రామానికి (రూ.1.25 కోట్ల­తో 3.10 కి.మీ), హడ్డివాడ (రూ.1.75  కోట్లతో 2.3 కి.మీ), కేరాసింగి (రూ.92 లక్షలతో 1.5 కి.మీ), కేరాసింగిగూడ (రూ.1.5కోట్లతో 2.5 కి.మీ), మొత్తంగా రూ.5.42 కోట్లతో గిరి శిఖర గ్రామాలకు వెళ్లే రహదారి పనులకు నిధులు తీసుకువచ్చి పనులు సైతం వేగవంతం చేశారు. ప్రస్తుతం హడ్డివాడ గ్రామానికి రహదారి పూర్తి కాగా.. మిగిలిన గ్రామాలకు రహదారి పనులు చివరి దశలో ఉన్నాయి. గిరిజనులకు సీఎం వైఎస్‌ జగన్‌మోహన్‌రెడ్డి ప్రభుత్వంలోనే గౌరవం లభించిందని, పోడుపట్టాలు అందుకున్నామని, రైతుభరోసాతోపాటుగా అన్ని పథకాలు అందుతున్నాయని ఆయా గిరిజన గ్రామాల ప్రజలు చెబుతున్నారు. కిలోమీటర్ల మేర నడుచుకుంటూ కొండలపైనుంచి కిందికి దిగి, రేషన్‌ సరుకులు మోసుకుంటూ వెళ్లిన రోజులు మర్చిపోయేలా చేసి కొండలపైకి నేడు ట్రాక్టర్‌పై సరుకులు తీసుకెళ్లి పంపిణీ చేస్తు­న్నారు. కొద్దిరోజుల్లోనే రహదారి నిర్మా­ణాలు పూర్తిచేసి గిరిజనుల కష్టాలకు తెరదించనున్నట్లు స్థానిక ఎమ్మెల్యే రెడ్డి శాంతి తెలిపారు. గత తెలుగుదేశం పాలకులు గిరిజనులకు చేసిందేమీ లేకపోవడంతో జగన్‌మోహన్‌రెడ్డి ప్రజారంజక పాలనను చూసి ఓర్వలేక విమర్శలకే పరిమితమయ్యారు.   ఆనందంగా ఉంది గడప గడపకూ వెళ్లిన సమయంలో రహదారులు చూసి బాధపడ్డాను. వారి గ్రామాలకు వెళ్లి కష్టాలను చూశాను. వారి బతుకులు బాగుచేయాలని ఆలోచించి జగనన్న దృష్టికి సమస్యను తీసుకువెళ్లాను. గిరిజనుల సమస్య అనగానే ముఖ్యమంత్రి వెంటనే స్పందించారు. రహదారుల మంజూరుతో ప్రస్తుతం గిరిజనుల కష్టాలు తీరనున్నందుకు సంతోషంగా ఉంది. ఎమ్మెల్యేగా వారికష్టాలు తీర్చడం చాలా ఆనందంగా ఉంది. గిరిజనాభివృద్ధికి పెద్దపీట వేసిన వ్యక్తి జగనన్న కాబట్టే ఇది సాధ్యమైంది. – రెడ్డి శాంతి, ఎమ్మెల్యే, పాతపట్నం  మాటిచ్చారు.. నిలబెట్టుకున్నారు రహదారి కోసం ఎన్నో ఏళ్లు నిరీక్షించాం. ఎంతో మంది చుట్టూ తిరిగాం. కానీ మా స్థితి మారలేదు. మహిళా ఎమ్మెల్యే అయినా.. రెడ్డి శాంతమ్మ కాలినడకన మా గ్రామానికి వచ్చి ‘గడప గడపకూ కార్యక్రమం’ నిర్వహించారు. మా సమస్యలు చెప్పుకొన్నాం. అన్నీ చేస్తానని మాటిచ్చారు. రహదారి మంజూరు చేశారు. రోడ్డు పూర్తి కావడంతో మాకష్టాలు తీరాయి. సంతోషంగా ఉంది.  – చందనగిరి పోలయ్య, హడ్డివాడ గ్రామం  సంతోషంగా ఉంది జగనన్నను పాదయాత్రలో కలిసి గిరిజ­నుల కష్టాలను వివరించాను. అధికారంలోకి రాగానే న్యాయం చేస్తాన్నారు. ఎమ్మెల్యే దృష్టికి గిరిజనుల సమస్యలు తీసుకెళ్లా.. ఆమె స్పందించారు. కృషికి ఫలి­తం లభించింది. ఎంతోకాలంగా  కొండప్రాంతాలకు సరైన రహ­దా­రులు లేక ఇబ్బందులు పడ్డాం. జగన్‌మోహన్‌రెడ్డి ప్రభుత్వంలో మా గిరి­జనుల కష్టాలు తీరుతున్నందుకు చాలా సంతోషంగా ఉంది. జెడ్పీ­టీసీగానే కాకుండా నేను కూడా గిరిజనుల్లో ఒకడ్ని కావడం ఆనందం­గా ఉంది. సీఎం జగన్, ఎమ్మెల్యే రెడ్డి శాంతికి రుణపడి ఉంటాను.  –  గూడ ఎండయ్య, జెడ్పీటీసీ సభ్యుడు, మెళియాపుట్టి మండలం

బిహార్‌లో మరో వింత చోరీ వైరల్‌గా మారింది. ఏకంగా నిర్మాణంలో ఉన్న రోడ్డునే లూటీ చేశారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది. బిహార్ రాష్ట్రంలోని జెహనాబాద్‌లో ఈ షాకింగ్ దొంగతనం చోటు చేసుకుంది. ఈ వైరల్‌  వీడియో చూసిన  నెటిజన్లు  ఆగ్రహంతో స్పందిస్తూ కామెంట్‌ల వర్షం కురిపించారు.  జెహనాబాద్‌ గ్రామానికి ముఖ్యమంత్రి గ్రామ సడక్ యోజన కింద రహదారిని నిర్మిస్తున్నారు. కాంట్రాక్టర్ కార్మికులతో కాంక్రీట్ రోడ్డు నిర్మాణ పనులను చేపట్టారు. కాంట్రాక్టర్లు పాక్షికంగా పూర్తి చేసినా సిమెంట్‌ పనులను మాత్రం ప్రారంభించలేదు.  దీంతో అదును చూసి గ్రామస్తులంతా కలిసి నిర్మాణంలో ఉన్న రోడ్డును లూటీ చేశారు. కొత్తగా వేసిన కాంక్రీటు రోడ్డుకు సంబంధించిన కాంక్రీటు, ఇసుక, చిప్స్ మొత్తాన్ని క్షణాల్లోనే ఖాళీ చేసేశారు. ఒకరికొకరు పోటీ పడి మరీ తన పని కానిచ్చారు. పాక్షికంగా నిర్మించిన రహదారి నిర్మాణ సామగ్రిని దొంగిలించినట్లు గుర్తించినట్లు అధికారులు ధృవకరించారు. జిల్లా కేంద్రానికి మంచి కనెక్టివిటీని అందించాలనే లక్ష్యంతో స్థానిక RJD ఎమ్మెల్యే సతీష్ కుమార్ రెండు నెలల క్రితం రహదారికి శంకుస్థాపన చేశారు. అయితే సిమెంట్‌ పనులు పూర్తి కాకుండానే గ్రామస్తులు చోరీ చేశారని సతీష్‌ ఆరోపించారు.  దీనిపై మఖ్దుంపూర్ పోలీస్ స్టేషన్‌లో ఫిర్యాదు చేసామన్నారు.  ఇది ఇలా ఉంటే అయితే రోడ్డు వేయకముందే అడ్డగోలుగా దోచుకున్నారనీ ఈ రహదారిని  ఇంకా మూడు కిలోమీటర్ల మేర నిర్మించాల్సి ఉందని వారు చెప్పారు. వాస్తవానికి  ఇది  స్థానిక పాలనా యంత్రాంగం నిర్లక్ష్యం, వైఫల్యమేనని గ్రామానికి చెందిన కొంతమంది  విమర్శించారు. అయితే బిహార్‌లో ఇలాంటి వింత వింత చోరీలు ఇదే మొదటిసారి కాదు.  గతంలో రైల్వే ట్రాక్స్‌ దొంగిలించారు. మరోసారి  రైల్వే  ఇంజిన్  మాయమైంది. ఆ తరువాత ఏకంగా వంతెననే ఎత్తుకుపోయారు. ఇపుడు మరో దొంగతనంతో తమ రికార్డును తామే అధిగమించారు.  ప్రస్తుతం కాంక్రీటు రోడ్డు చోరీ వీడియో సోషల్ మీడియాలో వైరల్ అవుతోంది. అటువంటి దొంగలపై వెంటనే ఎఫ్‌ఐఆర్ నమోదు చేయాలని వారిని 5 సంవత్సరాల పాటు అన్ని ప్రభుత్వ సౌకర్యాలకు దూరంగా ఉంచాలంటూ నెటిజన్లు కమెంట్‌ చేశారు.  बिहार में लोगों ने मुख्यमंत्री की सड़क ही लूट ली! जहानाबाद के मखदूमपुर के औदान बीघा गांव में मुख्यमंत्री सड़क ग्राम योजना के तहत सड़क बनाई जा रही थी. दावा है कि ढलाई के समय लोग पूरा मटेरियल ही लूट ले गये. बताया जा रहा कि इससे पहले भी ये सड़क ऐसे ही लूट ली गई थी. (@AdiilOfficial) pic.twitter.com/ZCBiStXr5Y — Utkarsh Singh (@UtkarshSingh_) November 3, 2023

శృంగవరపుకోట: గిరిశిఖర గ్రామాల్లో డోలీ మోతలు ఇకపై కనిపించవని ఎస్‌.కోట ఎమ్మెల్యే కడుబండి శ్రీనివాసరావు అన్నారు. వైఎస్‌ జగన్‌మోహన్‌రెడ్డి ప్రభుత్వ కృషితో గిరిశిఖర గ్రామాలకు చేరుకునేందుకు మార్గం సుగమమవుతోందని చెప్పారు. కొండ ప్రాంతాల్లో రోడ్ల నిర్మాణాలు చకచకా సాగుతున్నాయని, దీనికి విజయనగరం జిల్లా ఎస్‌.కోట మండలంలోని దబ్బగుంట నుంచి పల్లపుదుంగాడకు వేస్తున్న రోడ్డే నిదర్శనమని అన్నారు. ధారపర్తి పంచాయతీ పరిధిలోని గిరిశిఖర గ్రామాలైన దారపర్తి, పల్లపుదుంగాడ గ్రామాల్లో గడప గడపకు మన ప్రభుత్వం కార్యక్రమాన్ని ఆయన మంగళవారం నిర్వహించారు. ప్రభుత్వ సంక్షేమ పాలనను వివరించారు. పథకాల అందుతున్న తీరును గిరిజనులను అడిగి తెలుసుకున్నారు. పల్లపుదుంగాడలో ఏర్పాటుచేసిన సభలో ఆయన మాట్లాడుతూ 2019లో ఎన్నికల సమయంలో గ్రామానికి వచ్చినపుడు ప్రాణాల మీదికి వస్తే డోలీ మోతలే దిక్కు అని, దబ్బగుంట నుంచి పల్లపుదుంగాడకు రోడ్డు వేయమని గిరిజనులు అడిగారన్నారు. ఆ మేరకు అటవీశాఖ అనుమతులు సాధించి దబ్బగుంట నుంచి పల్లపుదుంగాడకు ఐదు కిలోమీటర్ల రోడ్డును రూ.4.50 కోట్లతో ప్రభుత్వం నిర్మిస్తోందన్నారు. పల్లపుదుంగాడ నుంచి దారపర్తి వరకూ మరో 6 కి.మీ మేర రోడ్డు నిర్మాణానికి రూ.5 కోట్లతో ప్రతిపాదనలు పంపించామన్నారు. జల్‌జీవన్‌ మిషన్‌ కింద పల్లపుదుంగాడలో ప్రతి ఇంటికి కుళాయిలు వేసి తాగునీరు ఇచ్చామని.. పొర్లు, కురిడి, గూనపాడు, ధారపర్తి గ్రామాల్లో కుళాయిలు వేసే పనులు జరుగుతున్నాయని చెప్పారు. అనంతరం ధారపర్తి ప్రభుత్వ పాఠశాల, అంగన్‌వాడీ కేంద్రాలను ఎమ్మెల్యే సందర్శించారు. విద్యార్థులతో కలిసి భోజనం చేశారు. కార్యక్రమంలో మండల పరిషత్‌ ఉపాధ్యక్షుడు పినిశెట్టి వెంకటరమణ, స్టేట్‌ ఫోక్‌ అకాడమీ డైరెక్టర్‌ వి.రాంబాబు పాల్గొన్నారు.  

కరీంనగర్‌ కార్పొరేషన్‌: రెండు దశాబ్దాల క్రితం వేసిన రోడ్డే దిక్కయింది. అండర్‌ గ్రౌండ్‌ డ్రైనేజీ కోసం రోడ్డును తవ్విన ఆనవాళ్లు నగరమంతటా చెరిగిపోతున్నా ఇక్కడ మాత్రం అలాగే భద్రంగా ఉన్నాయి. మాకు రోడ్డెయండి మహాప్రభో అంటూ అధికారులు, ప్రజాప్రతినిధుల చుట్టూ కాలనీవాసులు ఏళ్లుగా తిరిగినా పట్టించుకున్న నాథుడే కరువయ్యాడు. నగరంలోని ప్రధాన లింక్‌ రోడ్డుల్లో ఒకటైన మంకమ్మతోట జ్యోతినగర్‌ రోడ్డు దుస్థితి ఇది. రెండున్నర కిలోమీటర్లు.. జ్యోతినగర్‌ మోర్‌ సూపర్‌ మార్కెట్‌ నుంచి కాశ్మీర్‌గడ్డ ప్రభుత్వ మహిళా డిగ్రీ కళాశాల వెనుక వైపు వరకు దాదాపు రెండున్నర కిలోమీటర్లు ఈ రోడ్డు ఉంటుంది. 55వ డివిజన్‌ పరిధిలోని మంకమ్మతోటలోని శ్రీరాంబుక్‌స్టాల్‌ నుంచి జ్యోతినగర్‌ చౌర స్తా వరకు ఉన్న లింక్‌రోడ్డు శిథిలావస్థకు చేరి సంవత్సరాలు గడుస్తున్నా అభివృద్ధికి నోచుకోవడం లే దు. ఇరవైఏళ్లకు ముందు అప్పటి ప్రభుత్వం వేసిన సీసీ రోడ్డు తరువాత ఇప్పటివరకు మళ్లీ రోడ్డు వేయలేదు. రోడ్డుపై గుంతలు ఏర్పడడంతో తరు చూ ప్రమాదాలు చోటుచేసుకుంటున్నాయని కాలనీవాసులు ఆవేదన చెందుతున్నారు. పలుమార్లు మున్సిపల్‌ అధికారులు వచ్చి చూసినా, ఎలాంటి మార్పు కనిపించడం లేదంటున్నారు. ఇప్పటికై నా రోడ్డును అభివృద్ధి చేయాలని వారు కోరుతున్నారు. పట్టింపు లేదు గుంతలు,పెచ్చులతో రోడ్డు పూర్తిగా చెడిపోవడం, సెట్‌బ్యాక్‌ను పట్టించుకోక ఇరుగ్గా మారడంతో ఈ రోడ్డు వెంట తరుచూ ప్రమాదాలు జరుగుతున్నాయి. అధికారులు కూడా రోడ్డు మీదనే ట్రాన్స్‌ఫార్మర్‌ వేశారు. వినాయక చవితికి డస్ట్‌ వేస్తరు..కాని నిమజ్జనం వరకు కూడా ఆ డస్ట్‌ ఉండడం లేదు. ప్రజాప్రతినిధులు పట్టించుకుని ఈ రోడ్డును వెంటనే అభివృద్ధి చేయాలి. – మడపతి రమాపతిరావు, మంకమ్మతోట సమాధానం చెప్పాలి నగరంలో ఎన్నో రోడ్లు అభివృద్ధి చేస్తున్నా ఈ రోడ్డును ఎందుకు పట్టించుకోవడం లేదో ప్రజాప్రతినిధులు చెప్పాలి. 2000 సంవత్సరంలో వేసిన సీసీ రోడ్డు, పూర్తిగా చెడిపోయినా మళ్లీ ఇప్పటివరకు రోడ్డు వేయలేదు. యూజీడీ తవ్వకాల తరువాత మరమ్మతులు కూడా చేయలేదు. ఎన్నిసార్లు అధికారులు, ప్రజాప్రతినిధులను కలిసినా పట్టించుకోవడం లేదు. – బద్ధం నర్సింహారెడ్డి, న్యాయవాది

సాక్షి, అమరావతి: ప్రజాస్వామ్యబద్ధంగా ఎన్నికైన ముఖ్యమంత్రి వైఎస్‌ జగన్‌మోహన్‌రెడ్డిపై నిత్యం అసత్య ప్రచారం చేయడమే లక్ష్యంగా పెట్టుకున్న రామోజీరావు.. రాష్ట్ర ప్రభుత్వంపై మరోసారి తన అక్కసు వెళ్లగక్కారు. వారం రోజులుగా కురుస్తున్న వర్షాలతో రోడ్లపై నీరు నిల్వ ఉన్న ప్రదేశాల ఫొటోలు ప్రచురించి ఈనాడు పత్రిక దిగజారుడు పాత్రికేయాన్ని ప్రదర్శించింది. ‘సాఫీ ప్రయాణం సీఎంకేనా’ అంటూ ఓ అసత్య కథనంతో పాఠకులను మోసగించేందుకు ప్రయత్నించింది. ఈనాడు కథనాన్ని ఖండిస్తూ.. రాష్ట్రంలో రోడ్ల అభివృద్ధిపై వాస్తవాలను ప్రజల ముందు ఉంచుతూ ఆర్‌అండ్‌బీ శాఖ శుక్రవారం ఓ ప్రకటన విడుదల చేసింది.   అత్యంత ప్రాధాన్యతతో రోడ్ల నిర్మాణం  వైఎస్సార్‌సీపీ ప్రభుత్వం అధికారంలోకి వచ్చినప్పటి నుంచి రోడ్ల అభివృద్ధికి చిత్తశుద్ధితో కృషి చేస్తోంది. ఏటా షెడ్యూల్‌ ప్రకారం రోడ్ల పునరుద్ధరణ పనులు చేపడుతోంది. రెండేళ్లపాటు కోవిడ్‌ ప్రభావం ఉన్నాసరే రోడ్ల పనులను నిర్లక్ష్యం చేయలేదు. నాలుగేళ్లుగా భా­రీ వర్షాలు కురుస్తున్నా రోడ్ల పునరుద్ధరణ పనులు నిరంతరాయంగా కొనసాగుతూనే ఉన్నాయి. గత ఆర్థిక సంవత్సరంలోనే రూ. 2,400 కోట్లు ఖర్చు చేసి 7,500 కి.మీ. మేర రోడ్లను పునరుద్ధరించింది. కానీ ఈ వాస్తవాన్ని ఈనాడు ప్రస్తావించనే లేదు.   రోడ్ల పనులు జరుగుతున్నాయి..  ఈనాడు కథనంలో 13 రోడ్లను పేర్కొంది. ఇందులో 9 రహదారులు ఆర్‌అండ్‌బీ విభాగానికి చెందినవి. అందులో 6 రోడ్ల మరమ్మతు పనులు వేగవంతంగా సాగుతున్నాయి. మిగిలిన మూడు రోడ్ల పనులను కూడా త్వరలోనే చేపట్టేందుకు ఆర్‌అండ్‌బీ కార్యాచరణ వేగవంతం చేసింది. వైఎస్సార్‌సీపీ ప్రభుత్వంలో మెరుగ్గా రోడ్ల నిర్మాణం  టీడీపీ ప్రభుత్వం ఐదేళ్లలో రోడ్ల మరమ్మతు పనులకు రూ. 2,953.81 కోట్లు ఖర్చు చేసింది. అంటే  ఏడాదికి సగటున రూ. 591 కోట్లు వెచ్చించింది. వైఎస్సార్‌సీపీ ప్రభుత్వం నాలుగేళ్లలోనే రోడ్ల పునరుద్ధరణకు రూ. 4,148.59 కోట్లు ఖర్చు చేసింది. అంటే ఏడాదికే సగటున రూ. 951 కోట్లు వెచ్చించింది. ప్రస్తుత ఆర్థిక సంవ­త్సరం నాలుగు నెలల్లోనే రూ. 346 కోట్లు ఖర్చు చేసింది. ఇక పంచాయతీరాజ్‌ శాఖ మరో రూ. 283 కోట్లతో రోడ్లు నిర్మించింది. రోడ్ల నిర్మాణం, పునరుద్ధరణ కోసం వైఎస్సార్‌సీపీ ప్రభుత్వం భారీ­గా నిధులు వెచ్చించి సకాలంలో పనులు పూర్తి చేస్తున్నా సరే తన మనిషి చంద్రబాబు సీఎంగా లేరన్న అక్కసుతో రామోజీరావు వైఎ­స్సా­ర్‌సీపీ ప్రభుత్వంపై దు్రష్పచారం చేస్తున్నారు.   

తాండూరు టౌన్‌: పట్టణం మీదుగా వెళ్తున్న నేషనల్‌ హైవే లింకు రోడ్డు విస్తరణ పనులు అడ్డదిడ్డంగా కొనసాగుతున్నాయని బీజేపీ జిల్లా అధ్యక్షుడు సదానందరెడ్డి అన్నారు. మంగళవారం పలువురు నాయకులతో కలిసి ఎన్‌హెచ్‌ 167 రోడ్డు విస్తరణ పనులను పరిశీలించారు. అనంతరం మాట్లాడుతూ.. కేంద్ర ప్రభుత్వ నిధులతో బూత్పూర్‌ నుంచి కర్ణాటకలోని మన్నెకెళ్లి వరకు నేషనల్‌ హైవే పనులు ప్రారంభమయ్యాయి. ఇందులో భాగంగా తాండూరు పట్టణం గుండా హైవేకు కలిపే లింక్‌ రోడ్డు నిర్మాణ పనులు ప్రారంభించారు. రోడ్డు విస్తరణకు వంద ఫీట్ల వరకు ఉండాలని హైవే అధికారులు నిర్ణయించగా.. కేవలం 85 ఫీట్లు మాత్రమే విస్తరణ జరుగుతోందన్నారు. పలువురు బీఆర్‌ఎస్‌ నాయకులు భవనాలను కూల్చేయకుండా ఆయా ప్రాంతాల్లో నిబంధనలకు విరుద్ధంగా 85 ఫీట్ల మేరకు మాత్రమే విస్తరిస్తున్నారని ఆరోపించారు. నిబంధనలకు విరుద్ధంగా చేపట్టిన రోడ్డు విస్తరణ పనులపై తాండూరు ప్రజలకు బీఆర్‌ఎస్‌ ప్రజాప్రతినిధులు, రోడ్డు కాంట్రాక్టరు సమాధానం చెప్పాలని డిమాండ్‌ చేశారు. రాష్ట్ర కార్యవర్గ సభ్యుడు మురళీకృష్ణ గౌడ్‌ మాట్లాడుతూ.. గతంలో నిర్మించిన రోడ్డు డివైడర్‌పైనే సిమెంటు పూత పూసి అక్రమాలకు పాల్పడ్డారన్నారు. అధికార పార్టీ నాయకుల ఆస్తులను కాపాడేందుకే రోడ్డు ఇరుకుగా నిర్మిస్తున్నారన్నారు. అక్రమాలపై నేషనల్‌ హైవే అథారిటీ అధికారుల ఫిర్యా దు చేస్తామని తెలిపారు. జిల్లా ప్రధాన కార్యదర్శి రమేశ్‌కుమార్‌ మాట్లాడుతూ.. కేంద్ర ప్రభుత్వం ఇచ్చిన నిధులను తామే తెచ్చినట్లుబీఆర్‌ఎస్‌ నేతలు ప్రచారం చేసుకోవడం సిగ్గుచేటన్నారు. ఈనెల 22న తాండూరుకు రానున్న కేంద్ర మంత్రి ప్రహ్లాద్‌ జోషి దృష్టికి ఈ విషయాలను తీసుకెళ్తామని తెలిపారు. వీరివెంట పార్టీ పట్టణ అధ్యక్షుడు సుదర్శన్‌ గౌడ్‌, అసెంబ్లీ కన్వీనర్‌ రజినీకాంత్‌, మున్సిపల్‌ ఫ్లో ర్‌ లీడర్‌ అంతారం లలిత, కౌన్సిలర్‌ సాహు శ్రీలత, జిల్లా కార్యదర్శి భద్రేశ్వర్‌ తదితరులు ఉన్నారు.

మద్నూర్‌(జుక్కల్‌): జుక్కల్‌ నియోజకవర్గంలోని మద్నూర్‌, జుక్కల్‌, పెద్ద కొడప్‌గల్‌, పిట్లం, నిజాంసాగర్‌ ఐదు మండలాలకు రూ.32 కోట్ల నిధులు మంజూరైనట్లు ఎమ్మెల్యే హన్మంత్‌సింధే వెల్లడించారు. ఆయా మండలాల్లో నిధులను రోడ్డు వెడల్పు, సెంట్రల్‌ లైటింగ్‌ కోసం వినియోగించనున్నట్లు ఆయన తెలిపారు. మండల కేంద్రంలోని గ్రామ పంచాయతీ కార్యాలయ ఆవరణలో మంగళవారం నిర్వహించిన విలేకరుల సమావేశంలో ఎమ్మెల్యే మాట్లాడారు. నియోజకవర్గ అభివృద్ధి కోసం బీఆర్‌ఎస్‌ ప్రభుత్వం ప్రత్యేక చొరవతో నిధులు మంజూరు చేసినట్లు తెలిపారు. ప్రత్యేక తెలంగాణ రాష్ట్రం ఏర్పడిన అనంతరం సీఎం కేసీఆర్‌ నియోజకవర్గంలోని రోడ్ల అభివృద్ధికి రూ.335 కోట్లు మంజూరు చేశారని అన్నారు. అతి త్వరలో డిగ్రీ కళాశాల.. మద్నూర్‌ మండల విద్యార్థులు, ప్రజలు ఎంతో కాలంగా ఎదురుచూస్తున్న ప్రభుత్వ డిగ్రీ కళాశాల అతి త్వరలో రాబోతుందని, దీంతో విద్యార్థుల కళ నెరవేరుతుందని ఎమ్మెల్యే హన్మంత్‌సింధే పేర్కొన్నారు. మండల కేంద్రంలోని ఏర్పాటు చేసిన ప్రెస్‌మీట్‌లో ఆయన మాట్లాడారు. మద్నూర్‌లో డిగ్రీ కళాశాల లేకపోవడంతో విద్యార్థులు ఎంతో ఇబ్బందులు పడుతున్నారని, సమస్యను ప్రభుత్వం దృష్టికి తీసుకెళ్లి మంజూరు కోసం తీవ్రంగా కృషి చేసినట్లు ఆయన అన్నారు. ఆలస్యం లేకుండా మండలానికి డిగ్రీ కళాశాల మంజూరు ఉత్తర్వులు త్వరలో వస్తాయని పేర్కొన్నారు. సెంట్రల్‌ లైటింగ్‌ మంజూరుతో బీఆర్‌ఎస్‌ నాయకులు టపాసులు కాల్చి ఆనందం వ్యక్తం చేశారు. నిధులు మంజూరు చేసినందుకు ఎమ్మెల్యేను స్థానిక ప్రజాప్రతినిధులు సన్మానించారు. సర్పంచ్‌ల సంఘం మండల అధ్యక్షుడు సురేష్‌, బీఆర్‌ఎస్‌ మండల అధ్యక్షుడు బన్సీపటేల్‌, ఆత్మకమిటీ చైర్మన్‌ గంగాధర్‌, ఉప సర్పంచ్‌ విఠల్‌, నాయకులు కంచిన్‌ హన్మండ్లు, పాకాల విజయ్‌, కుషాల్‌ తదితరులు ఉన్నారు.

ఆకివీడు: నాలుగు జిల్లాలను అనుసంధానం చేసే ఎన్‌హెచ్‌ 165 డెల్టా ప్రాంతానికి కీలకం. పామర్రు–(పీపీ) రాష్ట్ర రహదారిగా ఉన్న ఈ రోడ్డును జాతీయ రహదారుల శాఖ రెండు దశాబ్దాల క్రితం విలీనం చేసుకుంది. అయితే రహదారి విస్తరణ పనుల్లో తీవ్ర జాప్యం ఏర్పడింది. తొమ్మిదేళ్ల క్రితం ఈ రోడ్డు అభివృద్ధికి అప్పటి కేంద్ర మంత్రి ఆకివీడులో భూమి పూజ చేశారు. కృష్ణా జిల్లా పామర్రు నుంచి పశ్చిమ గోదావరి పాలకొల్లు మండలం దిగమర్రు వరకూ 107 కిలోమీటర్ల మేర రహదారిని నాలుగు లైన్లుగా విస్తరించేందుకు రూ.1,275 కోట్లు కేటాయించారు. రహదారి విస్తరణ కోసం సరిహద్దు భూముల సేకరణపై కొంత మంది రైతులు, స్థల యజమానులు కోర్టుకు వెళ్లడంతో నిర్మాణ పనులు ఆలస్యమయ్యాయి. అయితే వైఎస్సార్‌ సీపీ ప్రభుత్వం ఏర్పడ్డాక ముఖ్యమంత్రి చొరవతో ఈ పనుల్లో మళ్లీ పురోగతి కనిపిస్తోంది. రెండు దశల్లో పనుల నిర్వహణ.. ఈ మొత్తం రహదారి పనులను రెండు ఫేజ్‌లుగా విడదీసి పనులు వేగవంతం చేశారు. పామర్రు నుంచి ఆకివీడు 64 కిలోమీటర్ల మేర ఒక ఫేజ్‌, అలాగే ఆకివీడు నుంచి దిగమర్రు వరకూ 43 కిలోమీటర్ల మేర మరో ఫేజ్‌లో పనులు చేపడుతున్నారు. ప్రస్తుతం పామర్రు నుంచి ఆకివీడు వరకూ పనులు శరవేగంగా జరుగుతున్నాయి. 90 కల్వర్టుల నిర్మాణం.. పామర్రు నుంచి ఆకివీడు ఉప్పుటేరు వరకూ రహదారి విస్తరణ పనులను వేగవంతం చేశారు. రూ.273 కోట్లతో పనులను చేపడుతున్నారు. దీనిలో కృష్ణా జిల్లా, ఏలూరు జిల్లాల పరిధిలో 90 కల్వర్టులు, 16 వంతెనలు, 2 మేజర్‌ బ్రిడ్జిల నిర్మాణం వేగంగా జరుగుతోంది. పలు చోట్ల రహదారి విస్తరణ పనులను చేపట్టారు. గుడివాడ, ఆకివీడు వద్ద ఉప్పుటేరుపై మేజర్‌ బ్రిడ్జి నిర్మాణ పనులు కొనసాగుతున్నాయి. ఆకివీడు నుంచి దిగమర్రుపై కోర్టు వివాదం ఆకివీడు ఉప్పుటేరు నుంచి దిగమర్రు వరకూ రహదారి విస్తరణ కోసం చేపట్టిన భూసేకరణపై కోర్టు వివాదం ఏర్పడింది. ప్రస్తుతం ఉన్న రహదారికి రెట్టింపు భూమి సేకరించాల్సి ఉంది. కొన్ని చోట్ల మూడు లైన్లకు అనుకూలంగా జాతీయ రహదారి భూమి ఉంది. మరికొన్ని చోట్ల రెండు లైన్ల రోడ్డే ఉంది. దీంతో ఆకివీడు, ఉండి, భీమవరం, వీరవాసరం, లంకలకోడేరు ప్రాంతాల్లో భూసేకరణకు ఎన్‌హెచ్‌ అధికారులు చర్యలు చేపట్టారు. భూ యజమానులకు, ఎన్‌హెచ్‌ అధికారుల మధ్య అంగీకారం కుదరకపోవడంతో ఆయా ప్రాంతాల్లోని యజమానులు కోర్టును ఆశ్రయించారు. నాలుగు జిల్లాలకు మేలు.. ఎన్‌హెచ్‌ 165 నాలుగులైన్ల రహదారి విస్తరణ పనులు ఈ ప్రాంతంలో చేపట్టడం ద్వారా రహదారి మరింత అభివృద్ధి చెందుతుందని పలువురు పేర్కొంటున్నారు. దిగమర్రు వరకు రహదారి పనులు పూర్తయితే అక్కడ నుంచి తూర్పుగోదావరి జిల్లాకు రహదారి అనుసంధానమవుతుందని.. దీని ద్వారా ఉమ్మడి పశ్చిమ గోదావరి జిల్లాతోపాటు కృష్ణా జిల్లా ప్రాంత ప్రజలకు మేలు చేకూరుతుందని వివరిస్తున్నారు. వేగంగా పనులు కృష్ణా జిల్లా పరిధిలోని ఎన్‌హెచ్‌–165 రహదారి విస్తరణ పనులు వేగంగా జరుగుతున్నాయి. ప్రాజెక్టు పరిధిలో పామర్రు నుంచి ఆకివీడు ఉప్పుటేరు వంతెన వరకూ రూ.273 కోట్లతో పనులు చేపడుతున్నాం. 90 కల్వర్టులు, రెండు మేజర్‌ వంతెనల నిర్మాణం పనులు శరవేగంగా సాగుతున్నాయి. –ఎం.సత్యనారాయణరావు, DE, NH, కృష్ణా జిల్లా కోర్టు అనుమతి రావాలి.. ఎన్‌హెచ్‌ 165 రహదారికి ఉప్పుటేరు నుంచి దిగమర్రు వరకూ రహదారి విస్తరణ పనులకు కోర్టు అనుమతి ఇవ్వాల్సి ఉంది. పలు చోట్ల రహదారి విస్తరణకు అవసరమయ్యే స్థల సేకరణపై సంబంధిత యజమానులు కోర్టుకు వెళ్లారు. దీంతో నిర్మాణ పనులు ఆగిపోయాయి. నాలుగు జిల్లాలను అనుసంధానం చేసే 165 రహదారి వల్ల ప్రజలకు అనేక ఉపయోగాలున్నాయి. – శ్రీనివాసరావు, DE, NH, పశ్చిమ గోదావరి జిల్లా

సాక్షి, హైదరాబాద్‌: భవనం వైశాల్యం, నిర్మాణ ప్రత్యేకతల పరంగా దేశంలోనే అతిపెద్ద సచివాలయం. దేశంలో మరే ప్రభుత్వ భవనంపై లేనట్టుగా ఐదంతస్తులకు సరిపడా వైశాల్యంతో రెండు భారీ గుమ్మటాలు.. మంత్రిత్వ శాఖలకు సంబంధించి అన్ని విభాగాలు ఒకేచోట ఉండేలా ఏర్పాటు.. పీక్‌ అవర్స్‌లో ఆ భవనం చుట్టూ గంటకు 20 వేల వాహనాల ప్రవాహం.. నిత్యం వేల మంది సందర్శకులు వచ్చే ప్రాంగణం.. ముఖ్యమంత్రి, మంత్రులను కలిసేందుకు వచ్చే వీఐపీలు.. అలాంటి కీలకమైన ప్రాంతంలో ట్రాఫిక్‌ జామ్‌లు ఏర్పడితే ఎన్నో సమస్యలు ఉత్పన్నమవుతాయి. దీన్ని దృష్టిపెట్టుకుని ట్రాఫిక్‌ పరంగా ఇబ్బందులు రాకుండా రాష్ట్ర కొత్త సచివాలయం చుట్టూ విశాలమైన రహదారులను సిద్ధం చేస్తున్నారు. ఇప్పటికే కొన్ని కొత్త రోడ్లను నిర్మించగా, మిగతా రోడ్లను విశాలం చేయటంతోపాటు మార్పుచేర్పులు చేస్తున్నారు.   నలువైపులా నాలుగు రోడ్లు..  సచివాలయం చుట్టూ 4 రోడ్లు సిద్ధమయ్యాయి. ఇప్పుడు వాహనాలు ఒకవైపు నుంచి వచ్చి ఒకవైపే వెళ్లే పరిస్థితి లేకుండా ఎటునుంచి ఎటైనా వెళ్లేలా రోడ్లను సిద్ధం చేశారు. కొత్త భవనాన్ని నిర్మించే సమయంలోనే రోడ్లు, భవనాల శాఖ అధికారులు ఓ ప్రైవేటు సంస్థతో ట్రాఫిక్‌పై అధ్యయనం చేయించారు. కొన్ని రోడ్లు శాస్త్రీయంగా లేకపోవడంతో ట్రాఫిక్‌ అయోమయం కావడంతోపాటు ప్రమాదాలకు ఆస్కారమిస్తుందని తేలింది. దీంతో వాటన్నింటిని సరిచేయాలని ముఖ్యమంత్రి కేసీఆర్‌ ఆదేశించారు. ఆమేరకు అధికారులు చర్యలు చేపట్టారు.  లుంబినీ వద్ద పాత రోడ్డును మూసేసి..   ♦ ఇందిరాగాంధీ విగ్రహం నుంచి లుంబినీ పార్కువైపు వెళ్లే ప్రధాన రోడ్డు ప్రమాదాలకు ఆస్కారమిచ్చేలా ఉండటంతో లుంబినీ పార్కు వద్ద రోడ్డును మూసేశారు. సచివాలయ ప్రధాన ద్వారం ముందు నుంచి 110 అడుగుల వెడల్పుతో డబుల్‌ రోడ్డు నిర్మించారు. లుంబినీ వద్ద పాత రోడ్డును మూసేసి ట్రాఫిక్‌ను కొత్త రోడ్డుతో అనుసంధానించారు.  ♦   బీఆర్‌కే భవనం వైపు మళ్లే చోట ఆదర్శనగర్‌ రోడ్డును వెడల్పు చేస్తున్నారు. అక్కడే ఉన్న కూడలిని మూసేసి వాహనాలకు ఎల్‌ఐసీ కార్యాలయం వద్ద యూ టర్న్‌ ఆప్షన్‌ ఇచ్చారు.  ♦  లక్డీకాపూల్‌ నుంచి వచ్చే రోడ్డును సచివాలయ భవనం వద్ద వెడల్పు చేశారు. ఇక్కడి పెట్రోలు బంకును కూడా తరలించి అక్కడి నుంచి నేరుగా అమరవీరుల స్మారకం వద్దకు వెళ్లేందుకు వీలుగా రోడ్డును నిర్మించారు.   ♦   సచివాలయ భవనం వెనక వైపు భవనాన్ని ఆనుకుని రోడ్డును వెడల్పు చేశారు. ఇక్కడే మసీదును నిర్మిస్తున్నారు. దానికి బయటి నుంచి కూడా జనం వచ్చేలా రోడ్డును సిద్ధం చేశారు.   ♦  సచివాలయం–ఎన్టీఆర్‌ గార్డెన్స్‌ మధ్య (తెలంగాణ సచివాలయం పాత గేటు) ఉన్న రోడ్డును ఖైరతాబాద్‌ పెద్ద వినాయకుడిని ప్రతిష్టించే ప్రాంతం రోడ్డు వరకు వెడల్పు చేయనున్నారు.   ♦  రోడ్లను ఇష్టమొచ్చినట్లు మార్చారని, కూడళ్లను మూసేశారని, ఇది వాహనదారులకు ఇబ్బందిగా ఉందన్న విమర్శలూ కొంతమంది నుంచి వినిపిస్తున్నాయి. అయితే ఇది తాత్కాలికమేనని, ట్రాఫిక్‌ సాఫీగా సాగేందుకు తాజా మార్పులు దోహదపడతాయని అధికారులంటున్నారు. 

సాక్షి, న్యూఢిల్లీ:  తెలంగాణలోని కామారెడ్డి, నిజామాబాద్, మహారాష్ట్రలోని నాందెడ్‌ జిల్లాలకు రవాణా సౌకర్యాన్ని మెరుగుపర్చేలా మద్నూర్‌– బోధన్‌ రహదారి విస్తరణకుగాను రూ.429.28 కోట్ల వ్యయానికి ఆమోదం తెలిపినట్లు కేంద్ర రోడ్డు రవాణ, జాతీయ రహదారులశాఖ మంత్రి నితిన్‌గడ్కరి తెలిపారు. ఈ మేరకు గురువారం కేంద్రమంత్రి ప్రకటన చేశారు. కామారెడ్డి, నిజామాబాద్, నాందేడ్‌లోని ఎన్‌హెచ్‌–161బీబీలోని మద్నూర్‌ నుంచి బోధన్‌ సెక్షన్‌ వరకు రెండు లైన్ల రహదారిని నాలుగు లైన్ల రహదారిగా విస్తరించడానికి ఆమోదం తెలిపారు. 39.032 కిలోమీటర్ల పొడవు గల ఈ ప్రాజెక్టును ఇంజనీరింగ్, సేకరణ, నిర్మాణం(ఈపీసీ) పద్ధతిలో 2022–23 వార్షిక ప్రణాళిక కింద అభివృద్ధి చేస్తామని తెలిపారు. ఎన్‌హెచ్‌–163జీ(ఖమ్మం–విజయవాడ)లో రేమిడిచెర్ల గ్రామం నుంచి జక్కంపూడి గ్రామం (ఎన్‌హెచ్‌–16లో) వరకు నాలుగు లైన్ల యాక్సెస్‌ కంట్రోల్డ్‌ గ్రీన్‌ఫీల్డ్‌ హైవే సెక్షన్‌ అభివృద్ధి చేస్తున్నామని తెలిపారు. 29.709 కిలోమీటర్ల లేఅవుట్‌కు రూ.1,190.86 కోట్లు ఖర్చు అవుతుందని, ఇతర ఎకనామిక్‌ కారిడార్‌(ఎన్‌హెచ్‌(ఒ)) ప్రోగ్రామ్‌ల కింద హైబ్రిడ్‌ యాన్యుటీ మోడ్‌లో తెలంగాణలోని ఖమ్మం, ఆంధ్రపద్రేశ్‌లోని ఎన్‌టీఆర్‌ జిల్లాల్లో నిర్మిస్తామని తెలిపారు.   

సాక్షి, అమరావతి: రాష్ట్రంలో కొత్తగా 875 రోడ్లను పునరుద్ధరించాలని ప్రభుత్వం నిర్ణయించింది. ఒక్కో నియోజకవర్గంలో కీలకమైన ఐదురోడ్లను యుద్ధప్రాతిపదికన పునరుద్ధరించేందుకు సిద్ధమైంది. ఈ 875 రోడ్లలో ఆర్‌ అండ్‌ బి శాఖ పరిధిలో 442, పంచాయతీరాజ్‌ శాఖ పరిధిలో 300, మున్సిపల్‌ శాఖ పరిధిలో 133 ఉన్నాయి. రోడ్లను ఎంపికచేసి ప్రతిపాదనలు పంపాలని ఆర్‌ అండ్‌ బి, మున్సిపల్, పంచాయతీరాజ్‌ శాఖలను ప్రభుత్వం ఆదేశించింది. ఈ రోడ్ల పనులను మార్చిలో ప్రారంభించి జూన్‌ నాటికి పూర్తిచేయాలన్నది ప్రభుత్వ లక్ష్యం. టీడీపీ ప్రభుత్వం రోడ్ల నిర్వహణపై తీవ్ర నిర్లక్ష్యంగా వ్యవహరించింది. రోడ్ల పునరుద్ధరణ నిధులను కూడా 2019 ఎన్నికల ముందు పసుపు–కుంకుమ వంటి పథకాలకు  మళ్లించింది. దీంతో రాష్ట్రంలో రోడ్లు తీవ్రంగా దెబ్బతిన్నాయి. వైఎస్సార్‌సీపీ అధికారంలోకి వచ్చిన తరువాత మొదటి ఏడాది భారీవర్షాలతో రోడ్ల పనులు చేపట్టడం సాధ్యం కాలేదు. అనంతరం రాష్ట్రంలో రోడ్ల పునరుద్ధరణ పనులను పెద్ద ఎత్తున చేపట్టింది. మొదటిదశ కింద రూ.2,205 కోట్లతో 6,150 కిలోమీటర్ల మేర ఆర్‌ అండ్‌ బి రోడ్ల పునరుద్ధరణ పనులు చేపట్టింది. ఆ పనులు 95 శాతం పూర్తయ్యాయి. రెండోదశ కింద రూ.1,700 కోట్లతో 6,150 కిలోమీటర్ల మేర రహదారుల పునరుద్ధరణ ప్రణాళికను ఖరారు చేసింది. రాష్ట్రంలోని 26 జిల్లాల్లో మొత్తం 953 రోడ్లను రెండోదశలో పునరుద్ధరించాలని నిర్ణయించింది. వాటిలో రాష్ట్ర ప్రధాన రహదారులు 292, జిల్లా ప్రధాన రహదారులు 661 ఉన్నాయి. ఈ పనులను ఈ ఏడాది చివరినాటికి పూర్తి చేయాలని లక్ష్యంగా పెట్టుకున్నారు. ఇంతలో యుద్ధప్రాతిపదికన నియోజకవర్గానికి ఐదు రోడ్ల చొప్పున పునరుద్ధరించాలని ప్రభుత్వం నిర్ణయించడం ప్రాధాన్యత సంతరించుకుంది. ఈ విధానంలో 875 రోడ్ల పునరుద్ధరణ పనులు మొదట పూర్తిచేయనున్నారు. అనంతరం రెండోదశ రోడ్ల పునరుద్ధరణ పనులను చేపట్టి డిసెంబర్‌ నాటికి పూర్తిచేయాలని ప్రణాళిక రూపొందించారు.  కృష్ణా, గోదావరి జిల్లాల్లో రోడ్ల కోతకు చెక్‌  నదీపరివాహక ప్రాంతాల్లో దశాబ్దాలుగా వేధిస్తున్న రోడ్ల కోతకు రాష్ట్ర ప్రభుత్వం ముగింపు పలకనుంది. అందుకోసం ఫుల్‌ డెప్త్‌ రిక్లమేషన్‌ (ఎఫ్‌డీఆర్‌) టెక్నాలజీతో రోడ్లు నిర్మించాలని నిర్ణయించింది. ఉమ్మడి ఉభయ గోదావరి, కృష్ణా, గుంటూరు జిల్లాల్లో ఎఫ్‌డీఆర్‌ టెక్నాలజీతో వెయ్యి కిలోమీటర్ల మేర రోడ్లు నిర్మించమని ముఖ్యమంత్రి వైఎస్‌ జగన్‌మోహన్‌రెడ్డి ఇటీవల ఆదేశించారు. మెత్తటి నేలల్లో రోడ్లు నిర్మిస్తున్నా.. వర్షాలు పడినా, వరదలు వచ్చినా నదీతీర ప్రాంతాల్లో రోడ్లు కోతకు గురవుతున్నాయి. ఉభయ గోదావరి, కృష్ణా, గుంటూరు జిల్లాల్లో దశాబ్దాలుగా ఈ సమస్య వేధిస్తోంది. ఈ సమస్యకు పరిష్కారంగా ఎఫ్‌డీఆర్‌ సాంకేతికతతో రోడ్లు నిర్మించనుంది. ఆర్‌ అండ్‌ బి శాఖకు చెందిన 500 కిలోమీటర్ల రోడ్లు, పంచాయతీరాజ్‌ శాఖకు చెందిన 500 కిలోమీటర్ల రోడ్లను ఈ సాంకేతికతతో నిర్మిస్తారు. పైలట్‌ ప్రాజెక్టుగా తూర్పు గోదావరి జిల్లా గోపాలపురం నియోజకవర్గంలో గజ్జరం నుంచి హుకుంపేట వరకు 7.50 కిలోమీటర్ల మేర ఎఫ్‌డీఆర్‌ టెక్నాలజీతో రోడ్డు నిర్మించారు. ఆ రోడ్డును పరిశీలించిన సెంట్రల్‌ ఇన్‌స్టిట్యూట్‌ ఆఫ్‌ రీసెర్చ్‌ (సీఐఆర్‌) నిపుణులు సంతృప్తి వ్యక్తం చేశారు. దీంతో మెత్తటి నేలలున్న ప్రాంతాల్లో అదే టెక్నాలజీతో రోడ్లు నిర్మించాలని నిర్ణయించారు.  

సాక్షి, హైదరాబాద్‌: సుదీర్ఘ విరామం తర్వాత రాష్ట్రంలో రోడ్లను మెరుగుపరిచే నిర్వహణ పనులు ప్రారంభం కాబోతున్నాయి. కనీసం నాలుగు వేల కిలోమీటర్ల మేర రోడ్లను పూర్తిస్థాయిలో మరమ్మతు చేసి మెరుగుపరచాలని రోడ్లు, భవనాల శాఖ నిర్ణయించింది. అలాగే గత రెండేళ్లలో కురిసిన భారీ వర్షాలతో తీవ్రంగా దెబ్బతిని వాహనదారులకు నరకాన్ని చూపుతున్న రోడ్లను కూడా బాగు చేయనున్నారు. ఇందుకు రూ.3 వేల కోట్లు ఖర్చు కానున్నట్టు రోడ్లు, భవనాల శాఖ అంచనా వేసింది. ఈ మేరకు ప్రభుత్వానికి ప్రతిపాదనలు పంపింది. ఇటీవల ముఖ్యమంత్రి కె.చంద్రశేఖర్‌రావు రోడ్లను అద్దాల్లా మెరిసేలా చేయాలంటూ ఆదేశాలు జారీ చేసిన నేపథ్యంలో ఈ కదలిక వచ్చింది. గతంలోనూ నిధుల కోసం పలుమార్లు ప్రతిపాదనలు రూపొందించి వాటి విడుదల కోసం ఎదురుచూస్తున్న నేపథ్యంలో, ఈసారి స్వయంగా ముఖ్యమంత్రే ఆదేశించిన నేపథ్యంలో నిధులు వెంటనే మంజూరయ్యే అవకాశం ఉందని అంటున్నారు. బడ్జెట్‌ కేటాయింపుల పరిమితితో సంబంధం లేకుండా ఈ నిధులు విడుదల కానున్నాయి. ఏడో వంతు మాత్రమే..  రాష్ట్ర రహదారుల విభాగం పరిధిలో 28 వేల కిలోమీటర్ల రోడ్‌ నెట్‌వర్క్‌ ఉంది. ఇందులో ఇప్పుడు 4 వేల కి.మీ. పరిధిలో మాత్రమే పనులు జరగనున్నాయి. అంటే ఏడో వంతు మాత్రమే. ప్రతిరోడ్డుకు ఐదేళ్లకోసారి రెన్యూవల్‌ పనులు జరగాలని ఇండియన్‌ రోడ్‌ కాంగ్రెస్‌ చెప్తోంది. అయితే అది ఖర్చు తో కూడుకున్న వ్యవహారం అయినందున కనీసం ఏడేళ్లకోసారి అయినా మరమ్మతు జరగాలన్నది నిపుణుల మాట. రాష్ట్రంలో 28 వేల కి.మీ. రాష్ట్ర రహదారులున్నందున ప్రతియేటా 4వేల కి.మీ. రోడ్లకు మరమ్మతులు చేపట్టాల్సి ఉంది. తెలంగాణ ఏర్పడ్డాక రాష్ట్రంలో పెద్ద ఎత్తున డబుల్‌ రోడ్ల నిర్మాణం చేపట్టిన విషయం తెలిసిందే. మండల కేంద్రాల నుంచి జిల్లా కేంద్రాలకు, జిల్లా కేంద్రాల నుంచి హైదరాబాద్‌కు ఈ రోడ్ల పనులు చేపట్టారు. ఇందులో కొన్నింటిని పూర్తి చేశారు. వీటి నిర్మాణం వల్ల ఆయా ప్రాంతాల్లో ఏర్పడ్డ కొత్త రోడ్లనే రెన్యువల్స్‌గా భావిస్తున్నారు. అవి తప్ప విడిగా రోడ్డు రెన్యువల్‌ పనులు చేపట్టలేదు. ఫలితంగా చాలా రోడ్లు బలహీనపడ్డాయి. గత మూడేళ్లుగా భారీ వర్షాలు కురుస్తుండటంతో ఆ రోడ్లు బాగా దెబ్బతిన్నాయి. పునరుద్ధరణ పనులకు నిధులులేక.. బాగా దెబ్బతిన్న ప్రాంతాల్లో వాహనదారులు నరకం అనుభవిస్తున్నారు. రోడ్ల దుస్థితిపై తీవ్ర విమర్శలు వస్తుండటంతో ఇటీవల ముఖ్యమంత్రి సమీక్షించి వాటిని మెరుగు పరిచేందుకు ఆదేశాలివ్వటంతో సుదీర్ఘ విరామం తర్వాత వాటికి మంచిరోజులు రాబోతున్నాయి. రూ.3 వేల కోట్లలో దాదాపు రూ.700 కోట్లు వరదలతో దెబ్బతిన్న రోడ్ల మరమ్మతుకు కేటాయించారు.

వైరల్‌: గుండెల్ని పిండేస్తున్న వీడియో ఒకటి ఇప్పుడు నెట్‌లో వైరల్‌ అవుతోంది. రోడ్డు విస్తరణలో భాగంగా జేసీబీతో ఓ భారీ వృక్షాన్ని నేల్చకూల్చగా..  అంతకాలం ఆ చెట్టు మీద గూళ్లు కట్టుకుని జీవిస్తున్న పక్షులు చెల్లాచెదురు అయిపోయాయి. అంతకంటే బాధాకరం ఏంటంటే.. పాపం ఆ చెట్టు కిందే నలిగి కొన్ని చనిపోవడం. వైరల్‌ అయిన ఈ వీడియో.. కేంద్రం మంత్రి నితిన్‌ గడ్కరీ కార్యాలయం దాకా చేరడంతో చర్యలకు సిద్ధమయ్యారు అధికారులు.  వైరల్‌ అవుతున్న వీడియోలో కొన్ని పక్షులు ఎగిరిపోగా.. మరికొన్ని పక్షులు, పిల్ల పక్షులు మాత్రం సమయానికి ఎగరలేక ఆ చెట్టు కిందే నలిగి చనిపోయాయి. అక్కడున్న చాలామంది పక్షుల పరిస్థితిని చూస్తూ అరవడం వీడియోలో గమనించొచ్చు. It not about road widening.. It’s about “how we treat other living-beings on earth..” Hope concerned authorities must have taken needful legal action..#wilderness #UrbanEcology #nature #ConserveNature pic.twitter.com/aV16cIWmo8 — Surender Mehra IFS (@surenmehra) September 2, 2022 చెట్టు నెలకొరిగాక.. చనిపోయిన పక్షుల్ని బాధతో ఒకవైపుగా వేశారు స్థానికులు. ప్రస్తుతం ఈ విషాదకరమైన వీడియో వైరల్‌ అవుతోంది. దీంతో చాలామంది కేంద్ర రోడ్డు రవాణ, రహదారుల శాఖ మంత్రి నితిన్‌ గడ్కరీకి ట్యాగ్‌ చేస్తూ.. ఫిర్యాదులు చేశారు. మనుషులు ఎంత క్రూరంగా మారిపోయారో అని కామెంట్లు చేస్తున్నారు చాలామంది. దీనికి ఫలితం అనుభవించక తప్పదంటూ మరికొందరు కామెంట్లు చేశారు. అయితే.. ఈ ఘటన ఆగష్టు తొలివారంలోనే కేరళ మలప్పురం జిల్లా తిరురంగడి వీకే పడి ప్రాంతంలో చోటుచేసుకుంది. ఐఎఫ్‌ఎస్‌ అధికారి సురేందర్‌ మెహ్రా ఈ వీడియోను తాజాగా సోషల్‌ మీడియాలో పోస్ట్‌ చేసి.. క్రూరమైన ఈ పనికి వ్యతిరేకంగా చర్యలు తీసుకోవాలని సంబంధిత విభాగాన్ని కోరారు. మరోవైపు ఐఎఫ్‌ఎస్‌ అధికారి ప్రవీణ్‌ కాస్వాన్‌ కూడా ఈ వీడియోను పోస్ట్‌ చేసి తన అసంతృప్తి వెల్లగక్కారు. అటు ఇటు తిరిగి ఈ వీడియో కాస్త గడ్కరీ కార్యాలయానికి చేరింది. దీంతో.. Everybody need a house. How cruel we can become. Unknown location. pic.twitter.com/vV1dpM1xij — Parveen Kaswan, IFS (@ParveenKaswan) September 2, 2022 నేషనల్ హైవేస్ అథారిటీ ఆఫ్ ఇండియా కార్యాలయం స్పందించింది. విషయం కేంద్ర రోడ్డు రవాణా, రహదారుల మంత్రి నితిన్ గడ్కరీ దాకా వెళ్లిందని, ఆయన వీడియో చూసి విచారం వ్యక్తం చేశారని తెలిపింది. సేవల్‌ వెట్‌ల్యాండ్స్‌ ఇంటర్నేషనల్‌ మూమెంట్‌ సీఈవో థామస్‌ లారెస్స్‌ ఫిర్యాదు మేరకు.. స్వయంగా స్పందించిన మంత్రి నితిన్‌ గడ్కరీ.. ఈ ఘటనకు సంబంధించిన కాంట్రాక్టర్‌ను, బాధ్యులైన వాళ్లను కఠినంగా శిక్షిస్తామని హామీ ఇచ్చినట్లు సమాచారం. దీంతో..  రంగంలోకి దిగిన నేషనల్‌ హైవేస్‌ అథారిటీ ఆఫ్‌ ఇండియా.. ఈ ఘటనపై నివేదిక ఇవ్వాలని సదరు కాంట్రాక్టర్‌ను, స్థానిక అధికారులను కోరింది. మరోవైపు ఈ ఘటనపై కేరళ అటవీ శాఖ విభాగం స్పందించింది. ఆ చెట్టు కూల్చివేతలకు అనుమతులు లేకపోవడంతో  జేసీబీ డ్రైవర్‌ను పోలీసులు అరెస్ట్‌ చేసినట్లు సమాచారం. ఈ ఘటనపై కేరళ అటవీ పరిరక్షణ  శాఖ మంత్రిణేకే ససీంద్రన్‌ ఈ ఘటనను క్రూరమైన చర్యగా అభివర్ణించారు. తమ అనుమతులు లేకుండానే ఈ ఘటన జరిగిందని ఆయన నేషనల్‌ హైవేస్‌ అథారిటీపై ఆరోపణలు గుప్పించారు. ఇదీ చదవండి: మనిషి జీవితం నీటి బుడగ.. అందుకు ఉదాహరణే ఈ వీడియో

యాదగిరిగుట్ట: యాదాద్రి కొండపైకి వెళ్లే మొదటి ఘాట్‌ రోడ్డును మరమ్మతుల కోసం మూసివేయడంతో.. అధికారులు ఆర్టీసీ బస్సులు, ఇతర ప్రైవేట్‌ వాహనాలను మూడో ఘా ట్‌రోడ్డు నుంచి మళ్లిస్తున్నారు. కొండపైకి వెళ్లే రోడ్డు మధ్యలో ట్రాఫిక్‌ పోలీసులు సూచిక బో ర్డులను ఏర్పాటు చేశారు. రెండో ఘాట్‌ రోడ్డు ను కూడా మరమ్మతుల కోసం ఇప్పటికే మూ సివేశారు. దీంతో ఒకే మార్గంలో వాహనాల రాకపోకలకు ఇబ్బందులు తలెత్తుతున్నాయి.

మెంటాడ (విజయనగరం జిల్లా): విశాఖపట్నం– రాయపూర్‌ హరిత రహదారి పనులను విజయనగరం హెచరీస్‌ ప్రైవేట్‌ లిమిటెడ్‌ యాజమాన్యం అడ్డుకుంది. రోడ్డు విస్తరణ పనుల కోసం తమ నుంచి సేకరించిన నాలుగు ఎకరాల భూమికి పరిహారం చెల్లించలేదని ఆరోపిస్తూ మెంటాడ మండలం అమరాయవలస వద్ద మంగళవారం రాత్రి రోడ్డుకు అడ్డంగా స్తంభాలు వేసి కంచె నిర్మించింది.  పరిహారం అందించే వరకు కంచె తొలగించేది లేదని హెచరీస్‌ యాజమాన్య ప్రతినిధులు స్థానిక విలేకరులకు తెలిపారు. రోడ్డు పనులు పూర్తవుతున్నా జాతీయ రహ దారి అధికారులు పరిహారం చెల్లించేందుకు చొరవ చూపడంలేదని ఆరోపించారు. అందువల్లే ఈ నిర్ణయం తీసుకోవాల్సి వచ్చిందన్నారు. ఈ విషయం హైవే అధికారులకు తెలియనట్టు సమాచారం. (క్లిక్: హంగేరీ క్రికెట్‌ జట్టులో రాణిస్తున్న సిరిపురం కుర్రోడు) 

సాక్షి, విశాఖపట్నం: సమస్యకు పరిష్కారం చూపాలి. సమాజానికి ఉపయుక్తంగా నిలవాలి. పరిశోధనల ప్రధాన ఉద్దేశం ఇది. రైల్వేలో అసిస్టెంట్‌ డివిజనల్‌ ఇంజినీర్‌(బ్రిడ్జెస్‌)గా పనిచేస్తున్న సాలూరు మురళీకృష్ణ పట్నాయక్‌ ఇదే ఉద్దేశంతో పరిశోధన చేసి.. ఆంధ్ర విశ్వవిద్యాలయం నుంచి డాక్టరేట్‌ స్వీకరించారు. ఏయూ సివిల్‌ ఇంజినీరింగ్‌ విభాగం ఆచార్యులు పి.వి.వి సత్యనారాయణ పర్యవేక్షణలో ఆయన పరిశోధన చేశారు. వాల్తేరు డీఆర్‌ఎం అనూప్‌ కుమార్‌ సత్పతి నుంచి అభినందనలు అందుకున్నారు.  విజయనగరం జిల్లా సాలూరుకు చెందిన మురళీకృష్ణ పట్నాయక్‌ చిన్నతనం నుంచి విద్యపై ఆసక్తిని పెంచుకున్నారు. తండ్రి సాలూరు శంకరనారాయణరావు ప్రభుత్వ ఉపాధ్యాయుడు కావడంతో.. ఆయనే ప్రేరణగా నిలిచారు. పట్నాయక్‌ పాలిటెక్నిక్‌లో సివిల్‌ ఇంజినీరింగ్‌ చదివారు. రైల్వేలో 1988లో ఉద్యోగంలో చేరి ఏఎంఐఈ పూర్తి చేశారు. అనంతరం ఏయూలో ఎంటెక్‌ చదివారు. అనంతరం పీహెచ్‌డీలో ప్రవేశం పొంది విజయవంతంగా పూర్తి చేశారు.  వ్యర్థాలకు అర్థం చెప్పాలనే...   విద్యుత్‌ ఉత్పత్తిలో భాగంగా నేషనల్‌ థర్మల్‌ పవర్‌ ప్లాంట్లలో భారీగా యాష్‌(బూడిద) ఏర్పడుతుంది. దీనిని నిల్వ చేయడం, పునర్వినియోగం విద్యుత్‌ ఉత్పత్తి సంస్థలకు తలకుమించిన భారం. అదే విధంగా క్రషర్‌ల్లో వివిధ సైజ్‌ల్లో కంకర తయారు చేసినపుడు క్రషర్‌ డస్ట్‌ ఏర్పడుతుంది. ఈ రెండు పరిశ్రమల్లో ఉత్పత్తి అయ్యే యాష్, క్రషర్‌ డస్ట్‌లు పర్యావరణపరంగా సమస్యలకు కారణమవుతున్నాయి. పర్యావరణ ప్రాధాన్యం కలిగిన ఇటువంటి అంశాన్ని తన పరిశోధన అంశంగా పట్నాయక్‌ ఎంచుకున్నారు. ఎన్‌టీపీసీలో నిరుపయోగంగా ఉన్న యాష్‌ను, వివిధ క్రషర్‌ల్లో ఏర్పడే డస్ట్‌ను ఉపయుక్తంగా మార్చే దిశగా తన పరిశోధన ప్రారంభించారు.  గ్రావెల్‌కు ప్రత్యామ్నాయంగా..   రహదారులు, రైల్వే లైన్లు నిర్మాణం చేసే సమయంలో నిర్ణీత ఎత్తు వరకు నేలను చదును చేయడం, రాళ్లు, గ్రావెల్, మట్టి, కంకర వంటి విభిన్న మెటీరియల్స్‌ను ఉపయోగిస్తారు. ఇవన్నీ ఖర్చుతో కూడుకున్నవి. వీటిలో కొన్నింటికి ప్రత్యామ్నాయంగా ఉచితంగా లభించే యాష్‌ను ఉపయోగిస్తే కలిగే సామర్థ్యాన్ని పట్నాయక్‌ అంచనా వేశారు. నాలుగు పొరలుగా రహదారిని నిర్మిస్తారు. సబ్‌ గ్రేడ్, సబ్‌ బేస్‌ కోర్స్, బేస్‌ కోర్స్, సర్ఫేసే కోర్స్‌గా ఉంటుంది. మధ్య రెండు పొరలుగా వేసే సబ్‌ బేస్‌ కోర్స్, బేస్‌ కోర్స్‌లో గ్రావెల్, కంకర వివిధ పాళ్లలో కలిపి వినియోగిస్తారు. ఈ రెండింటి లభ్యత తక్కువగా ఉంది. పైగా అధికంగా ఖర్చు చేయాల్సి వస్తోంది. వీటికి ప్రత్యామ్నాయంగా తగిన పాళ్లలో బాటమ్‌ యాష్, క్రషర్‌ డస్ట్‌లను కలిపి వినియోగించే అంశాన్ని ప్రయోగశాల పరిస్థితుల్లో ఆయన అధ్యయనం చేశారు.  సీబీఆర్‌ రేషియో ప్రామాణికంగా..  రహదారుల నిర్మాణంతో నాణ్యతను గుర్తించడానికి, గణించడానికి కాలిఫోర్నియా బేరింగ్‌ రేషియో(సీబీఆర్‌)ను ప్రామాణికంగా తీసుకున్నారు. సీబీఆర్‌ రేషియో 30 కంటే అధికంగా ఉంటే నాణ్యత ప్రమాణాలు పాటిస్తున్నట్లు లెక్క. ప్రస్తుతం వినియోగిస్తున్న గ్రావెల్, కంకరలకు బదులు తగిన పరిమాణంలో బాటమ్‌ యాష్, క్రషర్‌ డస్ట్‌లను కలిపి వినియోగించి.. సీబీఆర్‌ రేషియోను ఆయన గణించారు. కేంద్ర జాతీయ రహదారులు –మంత్రిత్వ శాఖ నిర్ధారించిన ప్రామాణికాలు పరిశీలిస్తే.. సబ్‌ బేస్‌ కోర్స్‌కు లిక్విడ్‌ లిమిట్‌ 25 కన్నా తక్కువ, ప్లాస్టిసిటీ ఇండెక్స్‌ 6 కన్నా తక్కువగా, సీబీఆర్‌ వాల్యూ 30 కన్నా అధికంగా ఉండాలి. పట్నాయక్‌ ప్రయోగశాల పరిస్థితుల్లో చేసిన ప్రయోగాల ఫలితాలను విశ్లేషిస్తే.. లిక్విడ్‌ లిమిట్‌ 22 నుంచి 24, ప్లాస్టిసిటీ ఇండెక్స్‌ 6 కన్నా తక్కువగా, సీబీఆర్‌ వాల్యూ 33 నుంచి 72 వరకు వచ్చాయి. ఎర్ర కంకర(గ్రావెల్‌)కు బాటమ్‌ యాష్‌ను 20 నుంచి 100 శాతం వరకు కలపగా సీబీఆర్‌ వాల్యూ 33 నుంచి 65 వరకు, క్రషర్‌ డస్ట్‌ను 20 నుంచి 100 శాతం వరకు కలపగా సీబీఆర్‌ వాల్యూ 33 నుంచి 72 శాతం వరకు రావడం ఆయన గుర్తించారు.   పర్యావరణ పరిరక్షణే లక్ష్యంగా..   థర్మల్‌ విద్యుత్‌ ప్లాంట్లలో బాటమ్‌ యాష్‌ నిల్వలు పెరిగిపోతున్నాయి. ఇది థర్మల్‌ విద్యుత్‌ సంస్థలకు పెనుభారంగా మారింది. క్రషర్‌ యూనిట్ల ద్వారా క్రషర్‌ డస్ట్‌ వెలువడుతోంది. యాష్, క్రషర్‌ డస్ట్‌ పర్యావరణానికి  సమస్యగా మారాయి. వీటిని ఉపయోగించాలనే లక్ష్యంతో ఈ పరిశోధన చేశాను. ప్రయోగశాల పద్ధతిలో అధ్యయనం చేశాను. జాతీయ రహదారులు, రాష్ట్ర రహదారుల నిర్మాణంలో, రైల్వే లైన్ల నిర్మాణంలో శాస్త్రీయ అధ్యయనంతో నిర్ణీత పరిమాణంలో వీటిని వినియోగించవచ్చు. తద్వారా నిర్మాణ భారం తగ్గుతుంది. పర్యావరణానికి మేలు జరుగుతుంది. పశ్చిమబెంగాల్‌లో తుమ్‌లుక్‌ థిగా రైల్వే లైన్‌ నిర్మాణంలో బాటమ్‌ యాష్‌ను వినియోగించారు. భవిష్యత్‌లో ఇటువంటి నిర్మాణాలు జరగాల్సిన అవసరం ఉంది.  – డాక్టర్‌ సాలూరు మురళీకృష్ణ పట్నాయక్, అసిస్టెంట్‌ డివిజనల్‌ ఇంజినీర్‌(బ్రిడ్జెస్‌), వాల్తేర్‌ డివిజన్‌

మాడుగుల నుంచి అల్లూరి సీతారామరాజు జిల్లాలోని దేవాపురం వరకు.. దట్టమైన అడవిలో నుంచి సాగే 10 కిలోమీటర్ల రహదారి.. 15 ఏళ్ల క్రితమే నిర్మాణం ప్రారంభమైనా ఇప్పటికీ పూర్తి కాలేదు. అటవీ శాఖ అనుమతులు లభించక మధ్యలోనే నిలిచిపోయింది. ఇన్నాళ్లకు డిప్యూటీ సీఎం బూడి ముత్యాలనాయుడు చొరవతో ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు రూ.2 కోట్ల వ్యయంతో రోడ్డు నిర్మాణం చకచకా సాగుతోంది. కాకులు దూరని కారడవిలో పొక్లెయిన్లతో జంగిల్‌ క్లియరెన్స్‌ చేస్తూ.. అసాధ్యాన్ని సుసాధ్యం చేస్తున్నారు.  సాక్షి, అనకాపల్లి: అడవి బిడ్డలకు త్వరలో డోలి కష్టాలు తీరనున్నాయి. చదువు కోవాలని ఆశపడే విద్యార్థుల కలలు నెరవేరబోతున్నాయి. అటవీ ఉత్పత్తులను విక్రయించడానికి రవాణా సౌకర్యం అందుబాటులోకి రానుంది. మొత్తంగా ప్రగతి పరవళ్లు తొక్కబోతోంది. అనకాపల్లి, అల్లూరి జిల్లాల పరిధిలో మాడుగుల నుంచి దేవాపురం వరకు కీలకమైన రహదారి నిర్మాణం అనేక కష్టనష్టాలను ఎదుర్కొని ముందుకు సాగుతోంది. ముఖ్యమంత్రి ఆదేశాల మేరకు ఐటీడీఏ సహకారంతో రోడ్డు నిర్మాణ పనులకు శ్రీకారం చుట్టారు. ఈ రహదారి కొండలు, గుట్టల మీదుగా సాగుతుంది. పక్కా రోడ్డు వేయడం కష్టసాధ్యమే అయినా ఈ సత్సంకల్పాన్ని సుసాధ్యం చేయాలని అందరూ శ్రమిస్తున్నారు.   వాణిజ్యంలో ప్రత్యేక గుర్తింపు  మైదాన ప్రాంతాల నుంచి గిరిజన ప్రాంతాలకు మధ్యనున్న మారుమూల గ్రామాలు అభివృద్ధికి ఆమడ దూరంలో ఉంటున్నాయంటే దానికి కారణం సరైన రహదారి లేకపోవడమే. వందేళ్ల క్రితమే మాడుగుల వాణిజ్య రంగంలో గుర్తింపు పొందింది. ఆనాటి నుంచి ఈనాటి వరకు విశాఖ ఏజెన్సీలోని 11 మండలాల్లో పండించిన పిప్పలి, పసుపు, బత్తాయి, నారింజ, అరటి, చింతపండు, సపోట, మొక్కజొన్న, అనాస, సీతాఫలం, అలచందలు, తదితర పంటలు మాడుగుల చేరుకుంటాయి. ప్రాసెసింగ్‌ జరిగిన తర్వాత ఇక్కడ నుంచి ఇతర రాష్ట్రాలకు, జిల్లాలకు ఏడాదికి వందల టన్నుల్లో రవాణా జరుగుతుంది. సరైన రోడ్లు, రవాణా సౌకర్యాలు లేకపోవడంతో మాడుగుల మండలంలో కొన్ని గ్రామాలతోపాటు నేటి అల్లూరి సీతారామరాజు జిల్లాలో సుమారు 30 గ్రామాలు ఈనాటికీ అభివృద్ధికి ఆమడదూరంలో నిలిచిపోయాయి. దేవాపురం, అయినాడ, సలుగు పంచాయతీల పరిధిలో ఉన్న ఈ గ్రామాలవారు నిత్యావసర సరుకులతోపాటు ఇతర వస్తువులు కావాలంటే 10 కిలోమీటర్ల దూరం కొండలు, గుట్టలు దిగి మాడుగుల రావల్సి వచ్చేది. గిరిజనులు పండించిన పంటలను కావిళ్లతో, గంపలతో నడుచుకుంటూ తీసుకువస్తారు. రహదారి సౌకర్యం లేక ఈ ప్రాంత విద్యార్ధులను చదివించడానికి కూడా ఇష్టం చూపించరు. జిల్లాల పునర్‌వ్యవస్థీకరణతో ప్రస్తుతం ఆ గ్రామాలు అల్లూరి జిల్లాలో ఉన్నాయి.       గతంలో సగంలోనే నిలిచిన రోడ్డు పనులు   15 ఏళ్ల క్రితం మాడుగుల పట్టణం నుంచి ఉబ్బలింగేశ్వరస్వామి ఆలయం వరకు రోడ్డు నిర్మాణం జరిగింది. అటవీశాఖ అనుమతి లేకపోవడంతో అక్కడితో పనులు నిలిపోయాయి. చాలామంది రాజకీయ నాయకులు ఈ రోడ్డు నిర్మాణం చేపట్టడానికి పూనుకున్నారు. కానీ ఫలితం లేకపోయింది. ప్రస్తుత వైఎస్సార్‌సీపీ ప్రభుత్వంలో మాడుగుల–దేవాపురం రోడ్డుకు మోక్షం కలిగింది. గత ఎన్నికలకు ముందే ఈ రోడ్డు నిర్మాణం చేపడతామని హామీ ఇచ్చారు. దానిని నెరవేరుస్తూ అటవీ శాఖ అడ్డంకులున్నా అధిగమించి ప్రస్తుతం రోడ్డు నిర్మాణం శరవేగంతో చేస్తున్నారు. రెండు జిల్లాలకు చెందిన 13 మండలాల్లో గల 30 గ్రామాల రైతులు, చిరు వ్యాపారస్తులు, ప్రజలు సీఎం వై.ఎస్‌.జగన్‌మోహన్‌రెడ్డికి, డిప్యూటీ సీఎం బూడి ముత్యాల నాయుడుకు కృతజ్ఞతలు తెలియజేస్తున్నారు.  గిరిపుత్రులకు అండగా ప్రభుత్వం  గిరిజనమంటే సీఎం వై.ఎస్‌.జగన్‌మోహన్‌రెడ్డికి అమితమైన ప్రేమ. వారి అభివృద్ధికి, వారి గ్రామాలకు రోడ్డు నిర్మాణాలను చేపట్టేందుకు ప్రభుత్వం కృషి చేస్తోంది. మాడుగుల నుంచి దేవాపురం వరకు రహదారి సౌకర్యం లేపోవడంతో గిరిజన గ్రామాలు చాలా ఇబ్బందులు పడుతున్నాయి. ముఖ్యమంత్రి దృష్టికి ఈ సమస్యను తీసుకువెళ్లడంతో అటవీశాఖ అనుమతులు లభించాయి. మాడుగుల, చీడికాడ, దేవరాపల్లి మండలాల్లో ఉన్న గిరిజన గ్రామాలకు ఇప్పటికే రహదారుల నిర్మాణం జరుగుతోంది.   –బూడి ముత్యాలనాయుడు, డిప్యూటీ సీఎం   రుణపడి ఉంటాం..  గత 30 ఏళ్లుగా దేవాపురం రోడ్డు కోసం పోరాడుతున్నాము. గతంలో మాడుగుల పట్టణం నుంచి ఉబ్బలింగేశ్వరాలయం వరకు రోడ్డు నిర్మాణం జరిగింది. అటవీశాఖాధికారుల అనుమతులు లేకపోవడంతో అప్పట్లో రోడ్డు పనులు నిలిచిపోయాయి. ఇన్నళ్లకు మా కల నెరవేరుతోంది. రెండు జిల్లాల ప్రజలు సీఎంకు, డిప్యూటీ సీఎంకు రుణపడి ఉంటారు.  – వేమవరపు వెంకటరమణ, మాడుగుల మాజీ సర్పంచ్‌ త్వరితగతిన నిర్మాణ పనులు  ఇటీవల అటవీశాఖ అనుమతులు లభించాయి. గిరిజన సంక్షేమ శాఖ సహకారంతో ఈ రోడ్డు నిర్మాణ పనులు చేపడుతున్నాం. దాదాపు 10 కిలోమీటర్ల మేర రోడ్డు నిర్మాణ పనులను రూ.2 కోట్లకు పైగా అంచనా వ్యయంతో చేపట్టాం. వర్షాలు లేకుండా ఉంటే నెల రోజుల్లో ఫార్మేషన్‌ పూర్తి చేస్తాం. మరో ఆరునెలలలోపు ఈ రోడ్డు అప్‌గ్రెడేషన్‌ కూడా పూర్తిచేస్తాం. ఇది పూర్తయితే రెండు జిల్లాల్లో గల 13 మండలాల్లో గల 30 గిరిజన గ్రామాల ప్రజలకు మేలు జరుగుతుంది.  – రోణంకి గోపాలకృష్ణ, ఐటీడీఏ పీఓ

తుని: రాష్ట్రంలో అత్యంత నాణ్యతా ప్రమాణాలతో, పారదర్శక విధానాలతో రహదారుల అభివృద్ధి పనులు ముమ్మరంగా సాగుతుంటే ఓ వర్గం మీడియా పని గట్టుకొని పాత ఫొటోలు చూపించి దుష్ప్రచారం చేస్తోందని రాష్ట్ర రోడ్లు, భవనాల శాఖ మంత్రి దాడిశెట్టి రాజా మండిపడ్డారు. శనివారం కాకినాడ జిల్లా తుని మున్సిపల్‌ కార్యాలయంలో ఆయన ఆర్‌అండ్‌బీ అధికారులతో సమీక్ష నిర్వహించారు. అనంతరం కాకినాడ ఎంపీ వంగా గీతా విశ్వనాథ్, కలెక్టర్‌ కృతికా శుక్లాతో కలిసి మీడియాతో మాట్లాడారు. గత ప్రభుత్వ నిర్లక్ష్యం వల్ల రహదారులు దెబ్బ తిన్నాయని, ప్రస్తుత ప్రభుత్వం వాటిని అభివృద్ధి చేయడానికి కంకణం కట్టుకుందన్నారు. ఈ సమావేశంలో మంత్రి ఇంకా ఏమన్నారంటే.. ► ఓ వర్గం మీడియా పని గట్టుకొని పాత ఫొటోలు చూపించి దుష్ప్రచారం చేస్తోంది. చంద్రబాబు చర్యలతో పాడైన ఒక్కో వ్యవస్థను కచ్చితమైన ప్రణాళికతో సరిదిద్దుతున్నాం.  ► రాష్ట్రంలో సీఎం జగన్‌ పాలనకు మెచ్చి.. కేంద్ర రోడ్డు రవాణా, హైవే శాఖ మంత్రి నితన్‌ గడ్కరీ ఏ రాష్ట్రానికి ఇవ్వనన్ని జాతీయ రహదారుల ప్రాజెక్టులను మన రాష్ట్రానికి మంజూరు చేశారు.  ► 8,268 కిలోమీటర్ల మేర రాష్ట్ర హైవేలు, జిల్లా రహదారుల అభివృద్ధికి సంబంధించి 1,167 మేజర్‌ పనులు చేపట్టేందుకు బ్యాంక్‌ ఆఫ్‌ బరోడా నుంచి రూ.2,205 కోట్ల రుణం తీసుకున్నాం. ఇందులో 438 పనులు ఇప్పటికే పూర్తయ్యాయి. మిగిలిన పనులు ఈ నెలాఖరుకు పూర్తి చేసేలా చర్యలు తీసుకున్నాం.  ► పూర్తి చేసిన 2,756 కిలోమీటర్లు పనులకు రూ.700 కోట్ల మేర కాంట్రాక్టర్లకు చెల్లించాం. గత ప్రభుత్వ హయాంలో మంజూరై ఆగి పోయిన 233 పనులు చేపట్టేందుకు ఎన్‌ఐడిఏ పథకం కింద నాబార్డు రూ.1,558 కోట్లు రుణం ఇచ్చింది. వీటిలో 182 పనులు పూర్తి కాగా, 51 పనులు ఈ నెలఖారుకు పూర్తవుతాయి. ► 2021–22లో గుంతలు పూడ్చడానికి రూ.86 కోట్లు మంజూరు చేశాం. èఒకప్పుడు రహదారులు ఏలా ఉండేవి? ప్రస్తుతం అభివృద్ధి చేసిన రోడ్లు ఎలా ఉన్నాయి? అనే విషయాలను ప్రజలకు తెలియజేసేందుకు నాడు–నేడు ఫొటో ప్రదర్శన రాష్ట్రంలోని కలెక్టరేట్లలో ఏర్పాటు చేశాం. 

‘మనం వేసిందే ఫొటో.. రాసిందే వార్త.. నిజానిజాలు దేవుడికెరుక.. రాష్ట్రంలో సగం మందినైనా నమ్మించగలిగితే మన బాబుకు మేలు చేసినట్లే..’ అనే సిద్ధాంతంతో ‘ఈనాడు’ దినపత్రిక వాస్తవాలకు మసి పూస్తోంది. పచ్చి అబద్ధాలను ప్రచారం చేస్తోంది. కనికట్టు కథనాలతో ప్రజల్లో రాష్ట్ర ప్రభుత్వంపై విషం నింపుతోంది. రాష్ట్రంలో రహదారుల మరమ్మతు పనులు యుద్ధ ప్రాతిపదికన కొనసాగుతున్నాయన్న నిజానికి పాతర వేయాలని చూస్తోంది. పాత, మారుమూల శివారు ఫొటోలతో పతాక స్థాయిలో దుష్ప్రచారానికి తెరలేపింది. ఈ నేపథ్యంలో క్షేత్ర స్థాయిలో రోడ్ల పరిస్థితి నాడునేడు మచ్చుకు కొన్ని ఉదాహరణలతో ‘సాక్షి’ ప్రజల ముందుంచుతోంది. విజయవాడ నగర పాలక సంస్థ పరిధిలోని కేబీఎన్‌ కళాశాల నుంచి చిట్టినగర్‌ జంక్షన్‌ వరకు ఉన్న కేటీ (కొత్తూరుతాడేపల్లి) రోడ్డు నిర్మాణ పనులు చురుగ్గా సాగుతున్నాయి. కోట్లాది రూపాయల వ్యయంతో నిర్మిస్తున్న ఈ రోడ్డు తొలి ఫేజ్‌లో ఎడమ వైపు భాగంలో పనులు జరుగుతున్నాయి. ఈ ప్రాంతంలో అధిక ట్రాఫిక్, కల్వర్టుల నిర్మాణం దృష్ట్యా నిర్మాణ పనులు ఒక వైపు మాత్రమే జరుగుతున్నాయి. పనులు దాదాపు పూర్తయ్యాయి. చిట్టినగర్‌ జంక్షన్‌ నుంచి కేబీఎన్‌ కళాశాల వైపు ఇప్పటికే సర్వే పూర్తవగా చిట్టినగర్‌ ఏరియాలో పనులు ప్రారంభమయ్యాయి. ఈ వాస్తవాలను ‘ఈనాడు’ విస్మరించడం గమనార్హం. విజయవాడలోని కేటీ రోడ్డుపై బురద జల్లుతూ ఈనాడు వేసిన ఫొటో.. సాక్షి, అమరావతి/సాక్షి నెట్‌వర్క్‌: పురపాలక, పట్టణాభివృద్ధి విభాగం నెల రోజులుగా నగరాలు, పట్టణాల్లో యుద్ధ ప్రాతిపదికన రోడ్ల మరమ్మతులకు నడుం బిగించడాన్ని పట్టించుకోని ‘ఈనాడు’.. పట్టణ రోడ్లను ప్రభుత్వం పట్టించుకోలేదని శుక్రవారం తప్పుడు కథనాన్ని వండి వార్చింది. ఇప్పటికే 118 పట్టణ స్థానిక సంస్థల్లో (యూఎల్‌బీ) గుంతలను గుర్తించిన అధికారులు వాటి మరమ్మతులకు రూ.60.53 కోట్లు విడుదల చేసి పనులు చేపట్టారు. కొన్నిచోట్ల గుంతలను పూడ్చగా, మరికొన్ని చోట్ల కొత్తగా సీసీ రోడ్లు వేశారు. 33 పట్టణాల్లో నూరు శాతం గుంతలు పూడ్చగా, 21 పట్టణాల్లో పనులు కొనసాగుతున్నాయి. మిగిలిన నగరాలు, పట్టణాల్లో పనులు చేపట్టేందుకు టెండర్లు పిలిచారు. రోడ్ల మరమ్మతుల కోసం పురపాలక పట్టణాభివృద్ధి శాఖ కమిషనరేట్‌లో ప్రత్యేక విభాగాన్ని ఏర్పాటు చేసి, ఆయా పట్టణ స్థానిక సంస్థల్లో జరుగుతున్న మరమ్మతు పనులను పర్యవేక్షిస్తున్నారు. దీంతో పాటు కొత్తగా ఏర్పడే గుంతలను కూడా పూడ్చడంతో పాటు, మున్సిపాలిటీల్లో ఈ అంశాన్ని నిరంతర ప్రక్రియగా చేపట్టే విధంగా చర్యలు తీసుకుంటున్నారు. ఎప్పటికప్పుడు గుంతలను గుర్తించి వాటిని ఆన్‌లైన్‌ చేయడంతో పాటు పూడ్చిన తర్వాత నాడునేడు కింద వెబ్‌సైట్‌లో ఉంచుతున్నారు. కానీ ఇవేమీ పట్టని ఆ పత్రిక.. అన్ని చోట్లా ఏక కాలంలో పనులు నిర్వహించడం సాధ్యం కాదని తెలిసీ, విష ప్రచారానికి దిగింది. ఏ మున్సిపాలిటీలో రోడ్ల మరమ్మతు పనులు ఎలా జరుగుతున్నాయో మాట మాత్రం ప్రస్తావించకుండా, పురపాలక శాఖ వెబ్‌సైట్‌ను సైతం పరిశీలించకుండా ప్రజలను తప్పుదోవ పట్టించే యత్నం చేసింది.  శర వేగంగా పనులు రాష్ట్రంలో మొత్తం 123 పట్టణ స్థానిక సంస్థలు ఉండగా, వాటిలో 118 పట్టణాల్లోనే 43,563 గుంతలు ఉన్నట్టు మున్సిపల్‌ ఇంజినీరింగ్‌ అధికారులు గుర్తించారు. ఇప్పటి దాకా 34,316 గుంతలకు టెండర్లు ఖరారు కావడం.. 21,720 గుంతలను పూడ్చంతో పాటు, కొన్నిచోట్ల బీటీ రోడ్ల స్థానంలో సీసీ రోడ్లు కూడా వేశారు. అంటే 49.86 శాతం పాట్‌ హోల్స్‌ను పూడ్చారు. గ్రేటర్‌ విశాఖ, గుంటూరు, విజయవాడ నగరాల్లోని రోడ్లకు అత్యధికంగా గుంతలు ఉన్నట్టు లెక్క తేల్చారు. అధికంగా దెబ్బతిన్న రోడ్లను జీవీఎంసీ, విజయవాడ, గుంటూరులోనే గుర్తించారు. విశాఖ మహానగరంలో 6,679 గుంతలను గుర్తించగా 4,208 (63 శాతం) గుంతలను పూడ్చారు. విజయవాడలో 6,314 పాట్‌ హోల్స్‌ ఉండగా, 4,400 (దాదాపు 70 శాతం) పూడ్చారు. గుంటూరు నగరంలో 3,482 గుంతలను గుర్తిస్తే వాటిలో 2,260 గుంతలు (65 శాతం) పూడ్చారు. మిగిలిన యూఎల్‌బీల్లో సైతం పనులు శరవేగంగా జరుగుతున్నాయి.  గుంతల గుర్తింపునకు యాప్‌  పట్టణాల్లో పాట్‌ హోల్స్‌ గుర్తింపునకు పురపాలక పట్టణాభివృద్ధి శాఖ ప్రత్యేకంగా యాప్‌ను అందుబాటులోకి తెచ్చింది. స్థానిక మున్సిపల్‌ ఇంజినీరింగ్‌ సిబ్బంది నిత్యం పట్టణ రోడ్లను పర్యవేక్షిస్తూ వారి దృష్టికి వచ్చిన గుంతలను ఎప్పటికప్పుడు యాప్‌లో ఫొటోతో అప్‌లోడ్‌ చేయాలి. ఈ క్రమంలో ఆ చిత్రం ఏ ప్రాంతంలో ఉందో అక్షాంశాలు, రేఖాంశాలతో సహా సదరు మున్సిపల్‌ కమిషనర్‌తో పాటు మున్సిపల్‌ ఇంజినీరింగ్‌ విభాగం, సీడీఎంఏ కార్యాలయంలోని ఉన్నత స్థాయి అధికారులకు సైతం చేరుతుంది. గుంతలను పూడ్చిన అనంతరం తిరిగి అదే ప్రాంతంలో నుంచి ఫొటోను యాప్‌లో అప్‌లోడ్‌ చేయడం ద్వారా పనుల ప్రగతి తెలుసుకునేలా ఏర్పాటు చేశారు. ఇటీవల అందుబాటులోకి వచ్చిన యాప్‌ పనితీరును పరిశీలించి, వార్డు ఎమినిటీ కార్యదర్శులు సులభంగా వినియోగించేలా కొన్ని మార్పులు చేస్తున్నారు.  ఇది నిరంతర ప్రక్రియ  పట్టణ స్థానిక సంస్థల్లో రోడ్లను బాగు చేయడమనేది మున్సిపాలిటీలు, కార్పొరేషన్ల బాధ్యత. ఈ పనులు నిరంత ప్రక్రియ. 365 రోజులు పనులు చేయాల్సిందే. కేవలం వర్షాకాలం ముందు పనులు చేసి వదిలేస్తే సరికాదు. మరమ్మతు పనులపై సీడీఎంఏలోనూ పర్యవేక్షణకు ప్రత్యేకంగా అధికారులను నియమించాం. స్థానికంగా పనులు జరుగుతున్న తీరు, ప్రగతిని తెలుసుకునేందుకు యాప్‌ను కూడా రూపొందించి, అందుబాటులోకి తెచ్చాం. త్వరలో జీవీఎంసీ, విజయవాడ కార్పొరేషన్లలో రోడ్ల మరమ్మతులకు ఆధునిక యంత్రాలను అందుబాటులోకి తేస్తాం.   -ప్రవీణ్‌ కుమార్, సీడీఎంఏ  అంతటా అదే పరిస్థితి అని ఎలా చెబుతారు? ఒక రోడ్డుకు సంబంధించి నాలుగు ఫొటోలు పెట్టి, ఒంగోలు నగరంలోని రోడ్లన్నీ ఇదే విధంగా ఉన్నాయనటం సమంజసం కాదు. కేశవరాజుకుంట రోడ్డు నిర్మాణ దశలో ఉంది. ఆ రోడ్డుకు పొడిగింపే ముక్తినూతలపాడు రోడ్డు. దీనికి నగరపాలక సంస్థ స్టాండింగ్‌ కమిటీ కూడా ఆమోదించింది.    – ఎం.సుందరరామి రెడ్డి, ఒంగోలు నగర పాలక సంస్థ మున్సిపల్‌ ఇంజనీర్‌  వేగంగా పనులు ప్రకాశం జిల్లాలో దాదాపు రూ.716 కోట్లతో రోడ్ల మరమ్మతులు, విస్తరణ పనులు చేపట్టాం. పనులు వేగంగా జరుగుతున్నాయి. చాలా పనులు పూర్తయ్యాయి. రోడ్డు పనులకు సంబంధించి ఫొటో ఎగ్జిబిషన్‌ను కలెక్టరేట్‌లో నాలుగు రోజుల కిందటే ఏర్పాటు చేశాం.  – మీడియాతో కలెక్టర్‌ ఏఎస్‌ దినేష్‌ కుమార్, ఒంగోలు  విజయనగరం కార్పొరేషన్‌లోని ఆర్‌అండ్‌బి రైతు బజారు నుంచి ఉడా కాలనీ మీదుగా అయ్యన్నపేట జంక్షన్‌ వరకు వెళ్లే రహదారిని విస్తరించాలని రెండేళ్ల క్రితం వీఎంఆర్డీఏ అధికారులు పనులు ప్రారంభించారు. ఆ మార్గంలోని పలు భవనాలకు పరిహారం చెల్లించి తొలగించేందుకు యత్నించగా కొందరు యజమానులు తమకు ఎక్కువ నష్టపరిహారం ఇవ్వాలని కోర్టును ఆశ్రయించడంతో పనులు నిలిచిపోయాయి. ఈ విషయాన్ని విస్మరించి ఈ రోడ్డును అభివృద్ధి చేయలేదని ఈనాడు తప్పుడు కథనం ప్రచురించింది. 

సాక్షి, అమరావతి: అసెంబ్లీ, సచివాలయానికి వెళ్లేందుకు వీలుగా కరకట్ట రోడ్డు విస్తరణ పనులను వేగవంతం చేయాలని, అనుకున్న సమయం కంటే ముందే పూర్తిచేయాలని పురపాలక శాఖ మంత్రి ఆదిమూలపు సురేష్‌ సీఆర్‌డీఏ అధికారులను అదేశించారు. సచివాలయంలో సోమవారం ఏపీ సీఆర్‌డీఏ అధికారులతో మంత్రి సమీక్ష నిర్వహించారు. విభాగాల వారీగా చేస్తున్న పనులను సీఆర్‌డీఏ కమిషనర్‌ వివేక్‌ యాదవ్‌ పవర్‌ పాయింట్‌ ప్రజెంటేషన్‌ ద్వారా  వివరించారు. ఎమ్మెల్యేలు, ఎమ్మెల్సీల భవనాల నిర్మాణ ప్రగతిపైనా మంత్రి ఆరా తీశారు.  పట్టణాభివృద్ధి విభాగంపై నిర్వహించిన సమీక్షలో టిడ్కో ఇళ్ల నిర్మాణాలను  పూర్తి చేయాలని ఆదేశించారు. మునిసిపల్‌ అడ్మినిస్ట్రేషన్‌ కమిషనర్‌ ప్రవీణ్‌కుమార్‌ మాట్లాడుతూ.. 124 యూఎల్‌బీల్లో చెత్త సేకరణ కోసం ఇప్పటివరకు 1.13 కోట్ల మూడు రంగుల డబ్బాలు పంపిణీ చేశామని, మరో 10 లక్షల డబ్బాల పంపిణీ ఈ నెలాఖరుకు పూర్తవుతుందని వివరించారు.

బాపట్ల: జిల్లా కేంద్రమైన బాపట్లలో అభివృద్ధి పనులు ముమ్మరంగా జరుగుతున్నాయి. రోడ్ల విస్తర్ణ జిల్లా కేంద్రానికి అనుగుణంగా సాగుతున్నాయి. పట్టణంలోని ముఖ్యమైన రోడ్లు విస్తర్ణతోపాటు సుందరంగా తీర్చిదిద్దుతున్నారు. పట్టణంలో ప్రణాళికాబద్ధంగా పనులు చేపట్టారు. మొత్తం 13 రోడ్లును విస్తరించడంతోపాటు వాటిలో విశాలమైన రోడ్లు పురప్రజలతోపాటు జిల్లా కేంద్రానికి వస్తోన్న ప్రజలకు కూడా స్వాగతం పలికేవిధంగా ఉన్నాయి.   పట్టణంలో విశాలమైన రోడ్లు...   బాపట్ల పట్టణంలోని ఎంతో కీలకమైన రథంబజారు, శివాలయం రోడ్డు, సూర్యలంక రోడ్డు, రైల్వే స్టేషన్‌ ఎదురు రోడ్డు, బృందానం రోడ్డు, ప్యాడిషన్‌పేట, అక్బర్‌పేటరోడ్డు నిర్మాణ పనులు పూర్తి కాగా, తాజాగా ప్రధాన రహదారిగా ఉన్న జీబీసీ రోడ్డు విస్తర్ణ పనులు చేపట్టారు. మొత్తం 80 అడుగుల వెడల్పుతో పూర్తిస్థాయిలో అభివృద్ధి చేసేందుకు శ్రీకారం చుట్టారు. కొత్తబస్టాండ్‌ వద్ద నుంచి దగ్గుమల్లివారిపాలెం వరకు 80 అడుగుల రోడ్డు, అక్కడ నుంచి ఇంజినీరింగ్‌ కళాశాల పక్కన జాతీయరహదారి వరకు 120 అడుగుల రోడ్డు విస్తర్ణకు చర్యలు చేపట్టారు. మరోవైపు కర్లపాలెం రోడ్డుకు ఇరువైపుల ఉన్న చెట్లు తొలగించి కలెక్టరేట్‌కు ప్రధాన రహదారిగా తీర్చిదిద్దేందుకు చర్యలు మొదలయ్యాయి. కలెక్టరేట్‌కు ఇరువైపు రోడ్లు ఇలా...  బాపట్ల జిల్లా కలెక్టరేట్‌ ఏర్పాటు చేసిన మానవ వనరుల కేంద్రానికి వెళ్ళే రోడ్లు విస్తర్ణ పనులు చేపట్టారు. గుంటూరు ప్‌లై ఓవర్‌ బ్రిడ్జికి ఇరువైపులా విస్తర్ణ పనులు చేపట్టి రోడ్లు వేస్తున్నారు. రోడ్లుకు ఇరువైపులా విస్తర్ణ చేయడంతోపాటు సెంటర్‌ లైటింగ్‌లో పనులు చేపట్టడంతో రోడ్లు అందంగా రూపురేఖలు మారుతున్నాయి.   వేగంగా జాతీయ రహదారి పనులు...  మరోవైపు జాతీయరహదారి పనులు వేగంగా సాగుతున్నాయి. బాపట్ల బైపాస్‌ రోడ్డు నాలుగులైన్లు విస్తరించేందుకు ముఖ్యమంత్రి వైఎస్‌ జగన్‌మోహన్‌రెడ్డి, డెప్యూటీ స్పీకర్‌ కోన రఘుపతి చేపట్టిన చర్యలకు జాతీయ రహదారి నుంచి అనుమతులు రావడంతో నాలుగులైన్లు పనులు సాగుతున్నాయి. ఎనిమిది కిలోమీటర్లు మేరకు సెంటర్‌ డివైర్డర్లతోపాటు సెంటర్‌లైటింగ్‌తో రోడ్లు పనులు సాగుతున్నాయి.  

గత ఆరేళ్లుగా వరద నీటితో తీవ్ర ఇబ్బందులు పడి చివరకు వారి సమస్యలను హైదరాబాద్‌ ఎంపీకి విన్నవించగా ఆయన చొరవతో  డ్రైనేజీ పైప్‌లైన్‌ను నిర్మించారు. కానీ పూర్తయిన 20 రోజులకే దాన్ని తొలగించి నూతనంగా బాక్స్‌ టైప్‌ డ్రైనేజీ కాలువను నిర్మిస్తున్నారు. అధికారుల సమన్వయ లోపంతో 20 రోజుల కోసం లక్షలాది రూపాయల ప్రజాధనం వృధా అవుతోందని స్థానిక ప్రజలు ఆగ్రహం వ్యక్తం చేస్తున్నారు.  సాక్షి,రాజేంద్రనగర్‌(హైదరాబాద్‌): ఫోర్ట్‌వ్యూ కాలనీ గూండా ఎగువ ప్రాంతం నుంచి వచ్చే వరద నీరు, డ్రైనేజీ నీటి కోసం జీహెచ్‌ఎంసీ ప్రాజెక్టు అధికారులు రూ.7.40కోట్లతో బాక్స్‌ టైప్‌ డ్రైనేజీ కాలువను నిర్మిస్తున్నారు. ప్రస్తుతం ఈ పనులు జరుగుతున్నాయి. గత కొన్నేళ్లుగా వరద, డ్రైనేజీ నీటి కారణంగా కాలనీలోని దాదాపు 350 కుటుంబాలు తీవ్ర ఇబ్బందులకు గురయ్యారు.   హైదరాబాద్‌ ఎంపీ అసదుద్దీన్‌ చొరవతో..  ►   గత ఆరేళ్లుగా సమస్యను పరిష్కరించాలంటూ ఆందోళనలు, ప్రజాప్రతినిధులు, అధికారుల చూట్టూ తిరిగారు. వర్షం కురిసిన ప్రతి సారి ఈ కాలనీలో డ్రైనేజీ, వరద నీరు చొచ్చుకు రావడంతో ప్రజలు తీవ్ర ఇబ్బందులు పడ్డారు. గత మూడు నెలల క్రితం ఈ సమస్యపై హైదరాబాద్‌ ఎంపీ అసదుద్దీన్‌ ఒవైసీని కలిసిన ఫోర్ట్‌వ్యూ కాలనీ సంక్షేమ సంఘం సభ్యులు తమ సమస్యను వివరించారు. స్పందించిన ఆయన రూ. 22 లక్షలతో డ్రైనేజీ పైపులైన్‌ ఏర్పాటు చేయాలని అధికారులను ఆదేశించగా  20 రోజుల క్రితం పనులు పూర్తయ్యాయి.  ఎగువ నీటితోనే ఇబ్బంది..  ►  కాలనీకి సంబంధించిన నీరు కాకుండా ఎగువ ప్రాంతం నుంచి వచ్చే మురుగు నీరే ఈ బస్తీకి ప్రధాన సమస్యగా మారింది. ఈ పైపులైన్‌ నిర్మించి 20 రోజులు పూర్తి కావస్తున్న సమయంలో ప్రాజెక్టు అధికారులు పైపులైన్‌ను తొలగించి డ్రైయిన్‌ బాక్స్‌ కాలువను నిర్మించేందుకు పనులను ప్రారంభించారు. దీంతో స్థానిక ప్రజలు ఆగ్రహం వ్యక్తం చేస్తున్నారు.   అనాలోచిత నిర్ణయంతో..  ►   ఫోర్ట్‌వ్యూ కాలనీ రహదారులు 40 అడుగుల విస్తీర్ణంలో ఉండగా ప్రస్తుతం ఓ పక్క నుంచి డ్రైనేజీ పైపులైన్‌ను కొత్తగా ఏర్పాటు చేశారు. ఈ డ్రైనేజీ పైపులైన్‌ ఓ వైపు నుంచే బాక్స్‌ టైప్‌ డ్రైనేజీ బాక్స్‌ను నిర్మించాలని ప్రజలు కోరుతున్నారు. 5 అడుగుల డ్రైయిన్‌ బాక్స్‌ కోసం స్థలం ఉందని అధికారుల అనాలోచిత నిర్ణయంతో ప్రజాధనం వృధా అవుతోందని ప్రజలు ఆగ్రహం వ్యక్తం చేస్తున్నారు. డ్రైనేజీ పైపులైన్‌ పక్కనుంచే బాక్స్‌ టైప్‌ డ్రైనేజీని నిర్మించాలని వారు కోరుతున్నారు.  సమస్య తిరిగి పునరావృతం..  జీహెచ్‌ఎంసీ ప్రాజెక్టు ఎస్‌ఈ పంత్‌తో పాటు అధికారులందరిని కలిసి సమస్యను వివరిస్తున్నాం. ప్రస్తుతం నిర్మించిన డ్రైనేజీ పైపులై¯Œ ను తొలగించకుండా బాక్స్‌ టైప్‌ నాలాను ఏర్పాటు చేయాలని కోరుతున్నాం. మా వినతిని ఏ ఒక్కరూ పట్టించుకోవడం లేదు. డ్రైనేజీ పైపులైన్‌ను తొలగిస్తే సమస్య తిరిగి పునరావృతం అవుతుంది.  – ఫోర్ట్‌వ్యూ కాలనీ అధ్యక్షుడు షాహేద్‌ పీర్‌  రూ.22 లక్షల ప్రజాధనం వృధా..  కాలనీలను ఇబ్బందులకు గురి చేసే విధంగా జీహెచ్‌ఎంసీ ప్రాజెక్టు అధికారులు వ్యవహరిస్తున్నారు. దక్షిణ మండల జోనల్‌ కమిషనర్‌తో పాటు స్థానిక జీహెచ్‌ఎంసీ అధికారులను సంప్రదించకుండానే పనులు చేపడుతున్నారు. దీంతో రూ. 22 లక్షల ప్రజాధనం వృధా అవుతుంది. ఉన్నతాధి కారులు ఈ విషయంలో వెంటనే స్పందించాలి.   – సుజాత్‌ఖాన్, ఫోర్ట్‌వ్యూ కాలనీ     

సాక్షి, అమరావతి: రాష్ట్ర చరిత్రలోనే తొలిసారిగా అత్యధికంగా నిధులు కేటాయించి రోడ్ల పునరుద్ధరణ పనులు చేపడుతున్నామని ఆర్‌ అండ్‌ బీ శాఖ మంత్రి శంకర్‌నారాయణ చెప్పారు. రూ.2,205 కోట్లతో 8,268 కిలోమీటర్ల మేర రోడ్ల పునరుద్ధరణ కోసం 1,161 పనులు చేపట్టామని తెలిపారు. విజయవాడలో గురువారం విలేకరుల సమావేశంలో ఆయన మాట్లాడుతూ ఈ పనులను మే నాటికి పూర్తిచేస్తామని చెప్పారు. 2010 నుంచి 2019 వరకు కాంగ్రెస్, చంద్రబాబు ప్రభుత్వాలు రోడ్ల నిర్వహణను గాలికొదిలేయడంతో రోడ్లు దారుణంగా దెబ్బతిన్నాయన్నారు. గత రెండున్నరేళ్లలో భారీ వర్షాలతో రోడ్ల మరమ్మతుల్లో జాప్యం జరిగిందని చెప్పారు. దీంతో సీఎం జగన్‌ సమీక్షించి రోడ్ల పునరుద్ధరణ కోసం దిశానిర్దేశం చేశారని, ఆరు నెలలుగా పనులు వేగం పుంజుకున్నాయని తెలిపారు.   ఇప్పటికే 118 పనులు పూర్తి  రోడ్ల పునరుద్ధరణ పనుల్లో రూ.158 కోట్ల విలువైన 118 పనులు పూర్తికాగా రూ.697 కోట్ల విలువైన 343 పనులు దాదాపుగా పూర్తికావచ్చాయన్నారు.  రూ.260 కోట్ల బిల్లులు చెల్లించామని, ప్లాన్‌ వర్క్స్‌ కోసం రూ.1,158.53 కోట్లను నాబార్డ్‌ నుంచి సమీకరించామని తెలిపారు. వాటిలో 182 పనులు పూర్తికాగా మిగిలిన 51 పనులను జూన్‌ నాటికి పూర్తి చేస్తామన్నారు. నిర్మాణంలో ఉన్న వంతెనలకు ఎన్‌ఐడీఏ–2 పథకం కింద రూ.570.10 కోట్ల రుణం మంజూరుకు నాబార్డ్‌ సమ్మతించిందని తెలిపారు. రూ.486 కోట్ల నాబార్డు రుణంతో 14 రైల్, రోడ్‌ వంతెనల పనుల్ని పూర్తిచేస్తామన్నారు. వాటికి అదనంగా మరో 33 ఆర్వోబీలను నిర్మించాలని గుర్తించినట్లు తెలిపారు. వీటి నిర్మాణానికి రూ.1,980 కోట్లు కేంద్రం  వెచ్చించనుండగా రాష్ట్ర ప్రభుత్వం రూ.440 కోట్ల భూసేకరణ వ్యయాన్ని భరిస్తుందని చెప్పారు. సీఆర్‌ఐఎఫ్‌ పథకం కింద రూ.2,049 కోట్లతో 1,670 కి.మీ. రోడ్ల రెండులేన్లుగా పేవ్డ్‌ షోల్డర్స్‌తో అభివృద్ధి చేస్తున్నట్లు తెలిపారు.   రోడ్లకోసం తీసుకున్న రుణాన్ని టీడీపీ ప్రభుత్వం మళ్లించింది  2019 ఎన్నికల ముందు రోడ్ల పునరుద్ధరణ కోసం తీసుకున్న రూ.3 వేల కోట్ల రుణాన్ని టీడీపీ ప్రభుత్వం రాజకీయ ప్రచార పథకాల కోసం మళ్లించిందని మంత్రి విమర్శించారు. రోడ్ల నిర్వహణ, మరమ్మతుల కోసం ఏటా రూ.8 వేల కోట్లు వెచ్చించాల్సి ఉండగా టీడీపీ ప్రభుత్వం ఏటా కేవలం రూ.2 వేల కోట్లే కేటాయించిందన్నారు. టీడీపీ ప్రభుత్వ నిర్లక్ష్యమే రోడ్ల దుస్థితికి కారణమన్నారు. ఐదేళ్లలో టీడీపీ ప్రభుత్వం రోడ్ల నిర్వహణకు రూ.13 వేల కోట్లు ఖర్చు చేస్తే వైఎస్సార్‌సీపీ ప్రభుత్వం ఇప్పటికే రూ.10,360 కోట్లు వెచ్చించిందని తెలిపారు. కేంద్ర ప్రభుత్వంలో భాగస్వామిగా ఉన్న చంద్రబాబు ఐదేళ్లలో కేంద్రం నుంచి రూ.10,660 కోట్లు తేగలిగితే.. సీఎం వైఎస్‌ జగన్‌ మూడేళ్లలోనే రూ.11,500 కోట్లను కేంద్రం నుంచి రాబట్టారని చెప్పారు. రాష్ట్రంలో రోడ్లు, ఇతర మౌలిక వసతుల అభివృద్ధికి వైఎస్సార్‌సీపీ ప్రభుత్వం చిత్తశుద్ధితో కృషిచేస్తోందని మంత్రి పేర్కొన్నారు. ఆర్‌ అండ్‌ బీ శాఖ ముఖ్య కార్యదర్శి ఎం.టి.కృష్ణబాబు మాట్లాడుతూ రోడ్ల పునరుద్ధరణ పనులను నాడు–నేడు విధానంలో డాక్యుమెంట్‌ చేసి రికార్డు చేస్తున్నామని చెప్పారు.   

సాక్షి, సిటీబ్యూరో: గతంతో పోలిస్తే నగరంలో రహదారుల అవస్థలు కొంతమేర తగ్గాయి. గతంలో మాదిరిగా ఎగుడుదిగుళ్లు.. అధ్వానపు రహదారులు అన్ని ప్రాంతాల్లో లేవు. దాదాపు రెండేళ్ల క్రితం ప్రారంభించిన సమగ్ర రోడ్డు నిర్వహణ పథకం (సీఆర్‌ఎంపీ) కింద ప్రధాన రహదారుల మార్గాల్లో 709 కి.మీ మేర పనుల్ని పేరెన్నికగన్న పెద్ద ఏజెన్సీలకు కాంట్రాక్టుకిచ్చారు. కాంట్రాక్టులో భాగంగా ఎప్పటికప్పుడు రోడ్లను సాఫీ ప్రయాణానికి అనుగుణంగా ఉంచాల్సిన బాధ్యత వాటిదే. అంతే కాదు.. రోడ్ల మధ్య డివైడర్లు, రోడ్ల పక్కల ఫుట్‌పాత్‌లు.. రోడ్డుకిరువైపులా పచ్చదనం పెంపు తదితర పనులు సైతం వాటివే. అంతేకాదు.. పారిశుద్ధ్య నిర్వహణ కూడా వాటిదే. ఫుట్‌పాత్‌లు, పారిశుద్ధ్యం, డివైడర్ల నిర్వహణ వంటి పనుల సంగతెలా ఉన్నా ప్రధాన రహదారుల మార్గాల్లో మాత్రం ఇదివరకులా సమస్యల్లేవు.   బాగున్న రోడ్లే మళ్లీ మళ్లీ..  సీఆర్‌ఎంపీలో భాగంగా నిధుల ఖర్చు చూపేందుకు బాగున్న రోడ్లనే మళ్లీ మళ్లీ చేస్తున్నారనే విమర్శలున్నాయి. ముఖ్యంగా వీఐపీలు పర్యటించే జూబ్లీహిల్స్, బంజారాహిల్స్‌లతో పాటు హిమాయత్‌నగర్‌ తదితర ప్రాంతాల్లో బాగున్న రోడ్లకే  రీకార్పెటింగ్‌ చేస్తున్నారనే విమర్శలున్నాయి. మరోవైపు రోడ్లు దెబ్బతిన్న ప్రాంతాల్లో జరుపుతున్న మిల్లింగ్‌ శాస్త్రీయంగా జరగడం లేదనే ఆరోపణలున్నాయి. దీంతో రోడ్డు ఎత్తు పెరుగుతోందని, మరమ్మతుల సందర్భంగా డైవర్షన్‌లకు  సైనేజీల ఏర్పాట్లు వంటివి చేయడం లేదనే ఫిర్యాదులున్నాయి.   శివారు సమస్యలు పట్టవా..?  ప్రధాన రహదారుల నిర్వహణను ప్రైవేటు ఏజెన్సీలకివ్వగా.. మిగిలిన ఇతర మార్గాలు.. ముఖ్యంగా శివార్లలోని రోడ్లు.. అక్కడి కాలనీల్లోని అంతర్గత రహదారులు మాత్రం మారలేదు. దాదాపు 300 కి.మీ మేర మెటల్‌  రోడ్లను సీసీ రోడ్లుగా మార్చాలని ఏడాదిన్నర క్రితమే ప్రతిపాదించినా పనులు జరగలేదు. దీంతో  అక్కడి సమస్యలు తీరలేదు. వానలొస్తే బురదమయంగా మారుతున్న రోడ్లతో ప్రజల అవస్థలు వర్ణనాతీతం. జోనల్‌ కమిషనర్లకే అధికారాలివ్వడంతో వారు ఆడింది ఆటగా సాగుతోందనే ఆరోపణలున్నాయి. ప్రధాన కార్యాలయం ప్రే„ý కపాత్ర వహించడం మాని.. పర్యవేక్షించాలని  పలు ఎన్జీఓ సంఘాలు, ప్రజలు కోరుతున్నారు.    శివారు ప్రాంతాల్లోనూ రోడ్ల సమస్యలు పరిష్కరిస్తామని అధికారులు పేర్కొన్నారు. ప్రజల నుంచి అందుతున్న ఫిర్యాదుల్ని ఎప్పటికప్పుడు పరిష్కరిస్తున్నామని,  లేని పక్షంలో సంబంధిత ఏఈలపై చర్యలు తీసుకుంటున్నామన్నారు. గత ఏప్రిల్‌ నుంచి ఇప్పటి వరకు దాదాపు 16వేల ఫిర్యాదులు పరిష్కరించినట్లు తెలిపారు. నిర్ణీత వ్యవధిలో పరిష్కరించకుంటే సీఆర్‌ఎంపీ ఏజెన్సీలకు పెనాల్టీలు విధించి, బిల్లుల చెల్లింపుల్లో మినహాయిస్తున్నట్లు తెలిపారు. ఇప్పటి వరకు దాదాపు రూ. 15లక్షల పెనాల్టీలు విధించినట్లు పేర్కొన్నారు. కచ్చితమైన లెక్కలు జోన్లనుంచి అందాల్సి ఉందన్నాన్నారు.   సీఆర్‌ఎంపీ.. స్వరూపం..  ► గ్రేటర్‌లో మొత్తం రోడ్లు: 9013 కి.మీ.  ► సీఆర్‌ఎంపీలోని రోడ్ల పొడవు: 709 కి.మీ  ► అయిదేళ్ల వరకు నిర్వహణతో సహా మొత్తం అంచనా వ్యయం : రూ1839 కోట్లు  ► సీఆర్‌ఎంపీ పనులకు  ఇప్పటి వరకు చేసిన ఖర్చు : రూ.594  ► ఈ ఆర్థిక సంవత్సరం (2021–22) ఇప్పటి వరకు ఖర్చు రూ.177.98 కోట్లు   ► ఇప్పటి వరకు రీకార్పెట్‌ చేసిన మొత్తం రోడ్లు: 496 కి.మీ  ► ఈ ఆర్థిక సంవత్సరంలో రీకార్పెట్‌ చేసిన రోడ్లు:124 కి.మీ  జీహెచ్‌ఎంసీలో ఇతర మార్గాల్లో చేసిన రోడ్ల పనులు  ► ఈ ఆర్థిక సంవత్సరం మంజూరైన పనులు: 2,562  ► అంచనా వ్యయం: రూ 644కోట్లు  ► ఇప్పటి వరకు పూర్తయిన పనులు: 802  ► వీటికైన వ్యయం: రూ. 177 కోట్లు   ► పురోగతిలోని పనులు: 1,760  ► వాటి అంచనా వ్యయం రూ.467 కోట్లు  ► 2021లో పూడ్చిన గుంతలు: 15,696  ► ఈ ఆర్థిక సంవత్సరం పరిష్కరించిన ఫిర్యాదులు: 15,849.

శంషాబాద్‌ రూరల్‌: రాజీవ్‌గాంధీ అంతర్జాతీయ విమానాశ్రయానికి మరో కొత్త దారి ఏర్పాటు కానుంది. ముచ్చింతల్‌లోని శ్రీరామనగరంలో వచ్చే నెలలో జరగనున్న శ్రీరామానుజ సహస్రాబ్ది ఉత్సవాల నేపథ్యంలో ఈ మార్గాన్ని ఔటర్‌ రింగు రోడ్డుకు అనుసంధానం చేస్తున్నారు. ఫిబ్రవరి 5న రామానుజుల విగ్రహావిష్కరణ కోసం ప్రధాని నరేంద్ర మోదీ ఇక్కడకు రానున్నారు. ఈ రోడ్డు మార్గంలోనే ఆయన ప్రయాణించేందుకు అధికారులు ప్రత్యామ్నాయంగా ఈ మార్గాన్ని ఎంచుకున్నట్లు తెలుస్తోంది. శంషాబాద్‌ నుంచి బెంగళూరు జాతీయ రహదారి మీదుగా ఓ దారి, శ్రీశైలం రహదారి నుంచి తుక్కుగూడ సమీపంలోంచి మరో దారి ఇది వరకే ఉండగా.. ప్రస్తుతం గొల్లపల్లి మీదుగా పెద్దగోల్కొండలోని ఔటర్‌ రోటరీ జంక్షన్‌ను అనుసంధానం చేస్తూ కొత్తగా రహదారిని విస్తరిస్తున్నారు. విమానాశ్రయం రెండో దశ విస్తరణలో భాగంగా  ఎయిర్‌పోర్టు ఆవరణలో కార్గో వాహనాల కోసం నాలుగు వరసల రహదారి ఏర్పాటు చేశారు. ఈ రహదారి ముఖ్యంగా కార్గో టెర్మినల్‌ నుంచి సరుకుల వాహనాల రాకపోకల కోసం ఏర్పాటు చేసినట్లు తెలుస్తోంది. ఇది వరకు ఉన్న ఎయిర్‌పోర్టు మార్గాలో విమాన ప్రయాణికులు రాకపోకలు సాగిస్తే.. కొత్తగా ఏర్పాటు చేసిన మార్గంలో కార్గో వాహనాలకు అనుమతి ఇవ్వనున్నారు. కార్గో వాహనాలు ఔటర్‌ మీదుగా పెద్దగోల్కొండ రోటరీ జంక్షన్‌ నుంచి ఎయిర్‌పోర్టు లోపలికి వెళ్లేలా మార్గం ఏర్పాటు చేశారు.  (చదవండి: ‘సహకార’ అప్పు.. దాడుల ముప్పు!) రూ.6 కోట్లతో విస్తరణ పనులు..  ఎయిర్‌పోర్టు లోపల నుంచి కార్గో వాహనాల కోసం గొల్లపల్లి శివారు వరకు 4 వరుసల రోడ్డు నిర్మాణం ఇది వరకే పూర్తి చేశారు. శంషాబాద్‌ నుంచి గొల్లపల్లి మీదుగా పెద్దగోల్కొండ ఔటర్‌ జంక్షన్‌ వరకు ఉన్న రహదారితో ఎయిర్‌పోర్టు రోడ్డును గొల్లపల్లి వద్ద అనుసంధానం చేస్తున్నారు. దీంతో గొల్లపల్లి నుంచి పెద్దగోల్కొండ జంక్షన్‌ వరకు ఉన్న దారిని సుమారు రూ.6 కోట్లతో విస్తరిస్తున్నారు. 7 మీటర్ల వెడల్పు ఉన్న ఈ దారిని ప్రస్తుతం 10 మీటర్లకు విస్తరిస్తున్నారు. రాబోయే రోజుల్లో ఈ మార్గాన్ని నాలుగు వరుసలుగా విస్తరించనున్నట్లు అధికారులు పేర్కొంటున్నారు. విస్తరణ పనులు శరవేగంగా కొనసాగుతున్నాయి. ప్రధాని రోడ్డు మార్గం ఇలా..  శంషాబాద్‌ విమానాశ్రయం నుంచి ప్రధాని నరేంద్ర మోదీ శ్రీరామనగరానికి రోడ్డు మార్గంలో చేరుకోవడానికి గొల్లపల్లి నుంచి ఔటర్‌ జంక్షన్‌ మీదుగా పీ– వన్‌ రోడ్డు మీదుగా చేరుకుంటారు. ప్రత్యామ్నాయ రోడ్డు మార్గంగా ఈ రహదారిని నిర్ణయించడంతో ఈ మార్గంలో మొక్కలు, అందమైన పూల మొక్కలను నాటుతున్నారు. పెద్దగోల్కొండ ఔటర్‌ జంక్షన్‌ వద్ద రంగులు వేసి అందంగా ముస్తాబు చేస్తున్నారు. ఈ మార్గంలో వీధి దీపాలు కూడా ఏర్పాటు చేయనున్నారు.  (చదవండి: జంక్షన్‌’లోనే లైఫ్‌ ‘టర్న్‌’)

సాక్షి, అమరావతి: ప్రకాశం బ్యారేజీ వద్ద కృష్ణా నది కుడి కరకట్ట రోడ్డు విస్తరణ పనులకు ముఖ్యమంత్రి వైఎస్‌ జగన్‌మోహన్‌రెడ్డి బుధవారం శంకుస్థాపన చేశారు. బ్యారేజీ వద్ద కొండవీటి వాగు వరద ఎత్తిపోతల పథకం నుంచి రాయపూడి వరకు కరకట్ట రోడ్డును 15.52 కిలోమీటర్ల మేర రూ.150 కోట్ల ఖర్చుతో విస్తరించనున్నారు. కొండవీటి వాగు వరద ఎత్తిపోతల పథకం వద్ద నిర్వహించిన శంకుస్థాపన కార్యక్రమంలో శిలాఫలకాన్ని ముఖ్యమంత్రి జగన్‌ ఆవిష్కరించారు. అనంతరం విస్తరణ పనులకు సంబంధించిన ఫొటో ఎగ్జిబిషన్‌ను తిలకించారు. పూర్తి నాణ్యతతో సకాలంలో పనులు పూర్తి చేయాలని అధికారులు, నిర్మాణ సంస్థ ప్రతినిధులకు సూచించారు.   కరకట్ట పటిష్టం..  అమరావతి స్మార్ట్‌ అండ్‌ సస్టెయినబుల్‌ సిటీ కార్పొరేషన్‌ లిమిటెడ్‌ నిధులతో జలవనరుల శాఖ ఆధ్వర్యంలో కరకట్ట రోడ్డు విస్తరణ పనులు జరగనున్నాయి. 10 మీటర్ల వెడల్పుతో నాలుగు వరుసలుగా ఈ రోడ్డును విస్తరిస్తున్నారు. రెండు లైన్లలో వాహనాలు వెళ్లేందుకు, మరో రెండు వరుసలు ఇరువైపులా నడకదారుల కోసం కేటాయించారు. ఈ రోడ్డులో కొండవీటి వాగు బ్రిడ్జిని పునఃనిర్మించనున్నారు. అమరావతి ఎన్‌–1, ఎన్‌–2, ఎన్‌–3 రహదారులతోపాటు సీడ్‌ యాక్సెస్‌ రోడ్డు, గొల్లపూడి – చినకాకాని –విజయవాడ బైపాస్‌ రోడ్లను కరకట్ట రోడ్డుకు అనుసంధానం చేస్తారు. దీనిద్వారా రాజధాని ప్రాంతానికి పూర్తిస్థాయి రహదారి సౌకర్యం కలుగుతుంది. సచివాలయం, పలు విద్యా సంస్థలతోపాటు ఉండవల్లి, పెనుమాక, వెంకటపాలెం, ఉద్దండరాయునిపాలెం, రాయపూడి, బోరుపాలెం, అబ్బరాజుపాలెం, హరిశ్చంద్రపురం, వైకుంఠపురం గ్రామాలకు రవాణా సౌకర్యం మెరుగుపడుతుంది. సచివాలయం, హైకోర్టుకు వెళ్లేందుకు ప్రయాణ సమయం బాగా తగ్గుతుంది. రోడ్డు విస్తరణతో కరకట్ట పటిష్టంగా మారి తరచూ వరదల ముంపు బారిన పడే ఉండవల్లి, పెనుమాక, వెంకటపాలెం, మందడం, ఉద్దండరాయునిపాలెం, లింగాయపాలెం, రాయపూడి గ్రామాలకు మేలు జరుగుతుంది. ఈ రోడ్డు వల్ల ప్రధానంగా విజయవాడ వైపు నుంచి సచివాలయం, అసెంబ్లీ, హైకోర్టుకు వెళ్లి వచ్చే అధికారులు, ఉద్యోగులు, ప్రజల ట్రాఫిక్‌ సమస్యలు తీరతాయి. హాజరైన మంత్రులు, ప్రజా ప్రతినిధులు, ఉన్నతాధికారులు శంకుస్థాపన కార్యక్రమంలో మంత్రులు మేకతోటి సుచరిత, అనిల్‌కుమార్‌ యాదవ్, బొత్స సత్యనారాయణ, చెరకువాడ శ్రీరంగనాథరాజు, నారాయణస్వామి, సీహెచ్‌ వేణుగోపాలకృష్ణ, ఎంపీలు మోపిదేవి వెంకటరమణ, నందిగం సురేష్, గుంటూరు జిల్లా కలెక్టర్‌ వివేక్‌యాదవ్, ఎమ్మెల్సీలు లేళ్ల అప్పిరెడ్డి, కల్పలత, ఎమ్మెల్యేలు ఆళ్ల రామకృష్ణారెడ్డి, మద్దాలి గిరి, అన్నాబత్తుల శివ, షేక్‌ ముస్తఫా, గుంటూరు మేయర్‌ మనోహర్, మున్సిపల్‌ శాఖ ముఖ్య కార్యదర్శి శ్రీలక్ష్మి, జలవనరుల శాఖ ముఖ్య కార్యదర్శి శ్యామలరావు తదితరులు పాల్గొన్నారు. 

సాక్షి, అమరావతి: కృష్ణా నది కరకట్ట విస్తరణ పనులకు రేపు సీఎం వైయస్‌ జగన్‌మోహన్‌రెడ్డి శంకుస్థాపన చేయనున్నారు. ఉదయం 10:25 గంటల ప్రాంతంలో సీఎం చేతుల మీదుగా ఈ పనులు ప్రారంభంకానున్నాయి. ప్రకాశం బ్యారేజి వద్దనున్న కొండవీటి వరద ఎత్తిపోతల పథకం నుంచి రాయపూడి వరకు 15.525 కి.మీ. మేర కుడివైపు కరకట్ట రోడ్డు విస్తరణ పనులు జరుగనున్నట్లు అధికారులు వెల్లడించారు. ఇందుకోసం ఏపీ ప్రభుత్వం రూ. 150 కోట్లు ఖర్చు చేయనుందని తెలిపారు. అమరావతి స్మార్ట్‌ అండ్‌ సస్టెయినబుల్‌ సిటీ కార్పొరేషన్‌ లిమిటెడ్‌ నిధులతో జలవనరుల శాఖ ఆధ్వర్యంలో ఈ పనులు జరుగనున్నట్లు పేర్కొన్నారు. 10 మీటర్ల వెడల్పుతో రెండు వరుసల రహదారితో పాటు ఇరువైపులా రెండు వరుసల నడకదారులను నిర్మించనున్నట్లు అధికారులు వెల్లడించారు.  ఈ రహదారిలో కొండవీటి వాగు బ్రిడ్జిని పునర్మించడంతో పాటు వెంకటాయపాలెం, రాయపూడి అవుట్‌ ఫాల్‌ స్లూయిస్, వరద పర్యవేక్షణ కేంద్రాలను నిర్మిస్తామని వివరించారు. ఈ రహదారితో అమరావతిలోని ఎన్‌-1 నుంచి ఎన్‌-3 రోడ్లను అలాగే ఉండవల్లి- రాయపూడి- అమరావతి సీడ్‌ యాక్సిస్‌ రోడ్, గొల్లపూడి- చిన్నకాకాని- విజయవాడ బైపాస్‌ రోడ్లకు అనుసంధానిస్తామని తెలిపారు. కరకట్ట రహదారి నిర్మాణం ద్వారా అమరావతి, సచివాలయం, హైకోర్టు, ఇతర ప్రభుత్వ కార్యాలయాలు, విద్యాసంస్ధలు, తాడేపల్లి మండలంలోని ఉండవల్లి, పెనుమాక, తుళ్ళూరు మండలం వెంకటపాలెం, మందడం, ఉద్దండరాయునిపాలెం, రాయపూడి, బోరుపాలెం, అబ్బురాజుపాలెం, అమరావతి మండలం హరిశ్చంద్రాపురం, వైకుంఠపురం గ్రామాలకు రవాణా సౌకర్యం మెరుగుపడుతుందని పేర్కొన్నారు. చదవండి: ప్రధాని మోదీకి సీఎం వైఎస్‌ జగన్‌ లేఖ

పి.గన్నవరం: రాష్ట్రంలో రూ.3,300 కోట్ల వ్యయంతో 2,400 రహదారులను నిర్మిస్తున్నట్టు పంచాయతీరాజ్‌ ఇంజనీర్‌ ఇన్‌ చీఫ్‌ బి.సుబ్బారెడ్డి తెలిపారు. దీనికి సంబంధించి 2,300 రహదారి పనులు ప్రగతిలో ఉన్నాయని వివరించారు. తూర్పు గోదావరి జిల్లా పి.గన్నవరం మండలం ఊడిమూడిలంక వద్ద వశిష్ట నదీ పాయపై నాలుగు లంక గ్రామాల ప్రజలకు అవసరమైన వంతెన నిర్మాణానికి ప్రభుత్వం రూ.49.5 కోట్లు మంజూరు చేసింది. వంతెన నిర్మాణ ప్రాంతాన్ని ప్రాజెక్ట్‌ ఎస్‌ఈ ఎం.నాగరాజు, ఈఈ చంటిబాబు, డీఈఈ ఎ.రాంబాబుతో కలిసి ఆదివారం సుబ్బారెడ్డి పరిశీలించారు. అనంతరం విలేకరులతో మాట్లాడారు. రాష్ట్రంలో కొత్తగా రూ.1,150 కోట్లతో వంతెనలు, రహదారుల నిర్మాణానికి టెండర్లు పిలుస్తున్నామని చెప్పారు. పీఎంజీఎస్‌వై కింద మంజూరైన రూ.2,600 కోట్లతో 3,285 కిలోమీటర్ల మేర రహదారులను ఆధునికీకరిస్తున్నామని వివరించారు. ఇంతవరకు 2,300 కి.మీ. మేర రహదారులకు టెండర్లు పూర్తయ్యాయని, మిగిలిన వాటికి త్వరలో ఖరారవుతాయని తెలిపారు. అంతకుముందు ఆయన ఊడిమూడిలంకలో ప్రజలు, నాయకులతో సమావేశమయ్యారు. ఇక్కడ వంతెన నిర్మించాలని దశాబ్దాలుగా కోరుతున్నా గత ప్రభుత్వాలు పట్టించుకోలేదు. ఈ సమస్యను ప్రజాసంకల్ప పాదయాత్ర సందర్భంగా లంక గ్రామాల ప్రజలు అప్పట్లో వైఎస్‌ జగన్‌మోహన్‌రెడ్డి దృష్టికి తీసుకువెళ్లారు. ఇక్కడ వంతెన నిర్మాణానికి ఆయన హామీ ఇచ్చారు. ఈ నేపథ్యంలో వంతెన నిర్మాణానికి నిధులు మంజూరయ్యాయి. వంతెన నిర్మాణానికి సాంకేతిక బిడ్‌ పరిశీలనలో ఉందని, అది కూడా పూర్తయితే పనులు ప్రారంభిస్తామని సుబ్బారెడ్డి చెప్పారు. 

సాక్షి ప్రతినిధి, నెల్లూరు: శ్రీపొట్టి శ్రీరాములు నెల్లూరు జిల్లాలో పల్లెలకు మహర్దశ పట్టింది. దశాబ్దాలుగా సమస్యలతో కునారిల్లుతున్న గ్రామాల్లో అభివృద్ధి మంత్రం వినిపిస్తోంది. సాధారణ రోడ్లు మొదలుకుని అధునాతన నిర్మాణాల వరకు అన్ని హంగులతో గ్రామాలు కొత్త శోభ సంతరించుకుంటున్నాయి. ముఖ్యమంత్రిగా వైఎస్‌ జగన్‌మోహన్‌రెడ్డి పాలనా పగ్గాలు చేపట్టిన ఏడాది, పదినెలల్లోనే పల్లెల్లో పెద్దఎత్తున అభివృద్ధి పనులు మొదలయ్యాయి. జిల్లాలో ఉన్న 941 పంచాయతీల్లో మొత్తం రూ.2,500 కోట్లకు పైగా నిధులతో అభివృద్ధి పనులు జరుగుతున్నాయి. గ్రామ సచివాలయాలు, రైతుభరోసా కేంద్రాలు వేగంగా నిర్మిస్తున్నారు. ఇళ్ల పట్టాలు అందజేశారు. పక్కాగృహాల నిర్మాణాలకు చర్యలు తీసుకున్నారు. 24 గంటలు వైద్యసేవలందేలా ఆరోగ్య కేంద్రాలకు వసతులు సమకూరుతున్నాయి. సీసీ రోడ్లు, పక్కా రోడ్లు నిర్మిస్తున్నారు. రోడ్ల పనులకు సుమారు రూ.500 కోట్లు మంజూరయ్యాయి. మనబడి నాడు–నేడు కార్యక్రమంలో ప్రభుత్వ పాఠశాలలు కార్పొరేట్‌ పాఠశాలల స్థాయికి మారుతున్నాయి. ఒకప్పుడు పిచ్చి మొక్కలతో కళావిహీనంగా ఉన్న పాఠ«శాలలు నేడు అందంగా కనిపిస్తున్నాయి. విద్యార్థులకు స్వచ్ఛమైన తాగునీరందేలా ఏర్పాట్లు చేశారు. మంచి ఫర్నిచర్, ఆహ్లాదకరమైన పెయింటింగ్‌లతో స్కూళ్లు ఆకట్టుకుంటున్నాయి. 1,054 పాఠశాలల్లో మరుగుదొడ్ల మరమ్మతులు చేపట్టారు. ఇప్పటికే 519 పూర్తయ్యాయి. 40 సచివాలయ భవనాల నిర్మాణం పూర్తి గ్రామ సచివాలయాలు ప్రజలకు విశేషంగా సేవలందిస్తున్నాయి. నూతన భవనాల నిర్మాణం చురుగ్గా సాగుతోంది. ఇప్పటికే 40 సచివాలయ భవనాల నిర్మాణం పూర్తయింది. బియ్యం కార్డులు, ఆరోగ్యశ్రీ కార్డులు, కుల, నివాస, ఆదాయ తదితర పత్రాలను సచివాలయాల్లోనే వేగంగా అందజేస్తున్నారు. జిల్లాలో 660 రైతుభరోసా కేంద్రాలను ఏర్పాటు చేశారు. వాటికి సొంత భవనాలు నిర్మిస్తున్నారు. స్థలం, అంతస్తులను బట్టి రూ.25 లక్షల నుంచి రూ.35 లక్షల వరకు ఒక్కో భవనానికి ఖర్చు చేస్తున్నారు. ఇందుకోసం దాదాపు రూ.198 కోట్ల వరకు వెచ్చిస్తున్నారు. ఈ  కేంద్రాల ద్వారా ఎరువులు, పురుగుమందులు తక్కువ ధరకే అందేలా చూస్తున్నారు. వాటిద్వారానే ధాన్యం కొనుగోలు చేస్తున్నారు. ఈ–క్రాప్‌ వివరాలను అగ్రికల్చర్‌ అసిస్టెంట్‌ ద్వారా నమోదు చేస్తున్నారు. జిల్లాలో 75 పీహెచ్‌సీలుండగా వాటికి అనుబంధంగా పల్లెల్లో 556 హెల్త్‌ అండ్‌ వెల్‌నెస్‌ కేంద్రాలు ఏర్పాటు చేస్తున్నారు. ఇక్కడ ఒక స్టాఫ్‌ నర్సు ఉండేలా చూసి 24 గంటలు వైద్యం అందేలా చర్యలు తీసుకున్నారు. ఈ సెంటర్ల ఏర్పాటుకు రూ.250 కోట్లు వరకు వెచ్చిస్తున్నారు. మర్రిపాడు మండలం డీసీపల్లిలోని రైతుభరోసా కేంద్రం  53 వేల ఇళ్ల నిర్మాణానికి శ్రీకారం జిల్లాలో 53 వేల ఇళ్ల నిర్మాణానికి శ్రీకారం చుట్టారు. ఇప్పటికే ఇంటిస్థలం పట్టాలు పంపిణీ చేశారు. టిడ్కో ఇళ్లను అందజేశారు. చక్కటి లే అవుట్లలో రూపుదిద్దుకుంటున్న కాలనీల్లో అన్ని వసతులు కల్పిస్తున్నారు. పలు పల్లెలకు ప్రధాన రహదారులను కలుపుతూ లింకు రోడ్లు నిర్మిస్తున్నారు. ఇలా జిల్లాలో సుమారు రూ.500 కోట్ల వరకు పంచాయతీరాజ్‌ రోడ్లు మంజూరు చేశారు. ఇలా అన్ని రంగాల్లో గ్రామాల సర్వతోముఖాభివృద్ధికి ప్రభుత్వం కృషి చేస్తోంది.  

సాక్షి, అమరావతి:  రికార్డు స్థాయిలో రాష్ట్ర ప్రభుత్వం ఈ ఏడాది ఉపాధి పథకం ద్వారా పనులు కల్పించింది. స్థానిక ప్రజలకు శాశ్వత అవసరాలకు ఉపయోగపడేలా ఆస్తుల కల్పన దిశగా పేదలకు పనులు కల్పింస్తోంది. ఈ నేపథ్యంలో ఈ ఆర్థిక ఏడాది ఏప్రిల్‌ నుంచి ఇప్పటి వరకు రాష్ట్ర వ్యాప్తంగా 515 గ్రామాల్లో కొత్తగా ఆట స్థలాలను తయారు చేశారు. మరో 461 గ్రామాల్లో పార్కులు ఏర్పాటు చేశారు. 6,396 ప్రాంతాల్లో మట్టి రోడ్లు.. 5,007 చోట్ల అంతర్గత రోడ్డు పనులు చేశారు. చిన్నా, పెద్ద తరహా ఆస్తులతో కలిపి దాదాపు ఐదు లక్షల వరకు ఉపాధి హామీ పథకం ద్వారా గ్రామీణాభివృద్ధి శాఖ అధికారులు పనులు చేపట్టారు. గత ఏడాది ఏప్రిల్‌ నుంచి డిసెంబర్‌ మధ్య 275 రోజుల వ్యవధిలో రాష్ట్ర వ్యాప్తంగా 77,70,594 మంది కూలీలకు 22,10,99,729 పని దినాలు కల్పించారు. ఈ పథకం ద్వారా పనులు చేసుకోవడం ద్వారా 46.71 లక్షల కుటుంబాలు రూ.5,084 కోట్ల మేర వేతనాల రూపంలో లబ్ధి పొందారు. ఉమ్మడి ఆంధ్రప్రదేశ్‌లో ఈ పథకం ప్రారంభించినప్పటి నుంచి ఈ స్థాయిలో ఎప్పుడూ పనులు కల్పించలేదని గ్రామీణాభివృద్ధి శాఖ అధికారులు వెల్లడించారు. లాక్‌డౌన్‌ నేపథ్యంలో పెద్ద ఎత్తున పట్టణాల నుంచి గ్రామీణ ప్రాంతాలకు తిరిగి వచి్చన 3,85,625 కుటుంబాలకు చెందిన 6,27,989 మందికి పనులు కల్పించడానికి వీలుగా కొత్తగా జాబ్‌ కార్డులు మంజూరు చేశారు.   

సాక్షి, అమరావతి: రాష్ట్రంలో రహదారుల రూపు మారుతోంది. వేలకోట్ల రూపాయలతో విస్తరణ, మరమ్మతు పనులు చురుగ్గా సాగుతున్నాయి. పనుల్లో నాణ్యతకు పెద్దపీట వేస్తున్నారు. ప్రస్తుతం రూ.5 వేల కోట్లతో పనులు జరుగుతున్నాయి. ఇందులో రూ.4,316 కోట్లతో రహదారుల విస్తరణ, రూ.684 కోట్లతో రోడ్ల నిర్వహణ, ప్రత్యేక మరమ్మతులు చేపట్టారు. ఇవికాకుండా రూ.2,168 కోట్లతో 7,116 కి.మీ. మేర రోడ్లు, వంతెనలను ప్రాధాన్యత క్రమంలో చేపట్టాలని ఇటీవల ఆర్‌ అండ్‌ బీ శాఖ సమీక్షలో సీఎం వైఎస్‌ జగన్‌మోహన్‌రెడ్డి ఆదేశించారు. రాష్ట్రంలో రోడ్లపై ఎక్కడా గుంతలు కనిపించకూడదని సూచించారు. ఇందుకు మూడువేల కిలోమీటర్ల రోడ్లకు రూ.303 కోట్లు అవసరమని ఆర్‌ అండ్‌ బీ శాఖ ఆర్థికశాఖకు ప్రతిపాదించింది. డిసెంబరు నాటికల్లా వర్షాలకు దెబ్బతిన్న రోడ్లపై గుంతల్ని పూడ్చేందుకు ఆర్‌ అండ్‌ బీ శాఖ ప్రణాళిక రూపొందించింది. రోడ్ల మరమ్మతుల పర్యవేక్షణకు ప్రభుత్వం సీఈలు, ఎస్‌ఈలను నియమించింది. గ్రామీణ రహదారుల కోసం రూ.1,089 కోట్ల మేర ఇన్‌ఫ్రాస్ట్రక్చర్‌ డెవలప్‌మెంట్‌ అసిస్టెన్స్‌ పథకం కింద సాయమందించాలని నాబార్డును కోరారు. మరోపక్క రూ.6,400 కోట్లతో న్యూ డెవలప్‌మెంట్‌ బ్యాంకు (ఎన్‌డీబీ) రుణ సాయంతో రహదారుల ప్రాజెక్టులు చేపడుతున్న విషయం తెలిసిందే. జిల్లా ప్రధాన రహదారులకు ప్రాధాన్యం ► జిల్లా ప్రధాన రహదారులకు ప్రాధాన్యం దక్కనుంది. మొత్తం మరమ్మతులు చేసే మూడువేల కి.మీ.లలో 2,060 కి.మీ. మేర జిల్లా ప్రధాన రహదారులకు రూ.197 కోట్లు కేటాయించేందుకు ప్రతిపాదించారు. 940 కి.మీ. రాష్ట్ర రహదారులకు రూ.106 కోట్లు కేటాయించనున్నారు.  ► రాష్ట్ర రహదారులపై ప్యాసింజర్‌ కార్‌ యూనిట్‌లు (పీసీయూ) రోజుకు 6 వేలు దాటిన వాటిని మొదటి ప్రాధాన్యతగా తీసుకుని రోడ్ల నిర్వహణ చేపట్టనున్నారు.  ► గత ప్రభుత్వ హయాంలో ఐదేళ్ల కాలంలో రోడ్లు విస్తరణ, మరమ్మతులకు రూ.4,150 కోట్లు మాత్రమే ఖర్చుచేశారు. ► 2014 నుంచి 2019 వరకు ఐదేళ్లలో గ్రామీణ రహదారుల కోసం రూ.2,748.21 కోట్ల బడ్జెట్‌ కేటాయించినా రూ.2,103.34 కోట్లు మాత్రమే ఖర్చుచేశారు. ► ఆర్‌ అండ్‌ బీకి కేటాయించిన నిధుల్ని వేరే పథకాలకు మళ్లించారు.  రోడ్ల మరమ్మతులకు రూ.122 కోట్లు ఇటీవల కురిసిన వర్షాలకు దెబ్బతిన్న గ్రామీణ రోడ్లకు రూ.122.15 కోట్లతో మరమ్మతులు చేయడానికి పంచాయతీరాజ్‌శాఖ ఇంజనీరింగ్‌ విభాగం ప్రతిపాదనలు సిద్ధం చేసింది. సెప్టెంబర్, అంతకు ముందు కురిసిన వర్షాలకు రాష్ట్ర వ్యాప్తంగా 207 రోడ్లు దెబ్బతిన్నట్టు అధికారులు గుర్తించారు. 28 చోట్ల రాకపోకలకు అంతరాయం కలిగే రీతిలో ఆ రోడ్లకు గండ్లు పడ్డాయి. అన్ని జిల్లాల ఎస్‌ఈలు దెబ్బతిన్న రోడ్ల వివరాలు పంపినట్టు ఈఎన్‌సీ సుబ్బారెడ్డి తెలిపారు.  ► గండ్లు పూడ్చివేతతోపాటు రోడ్డు పూర్తిగా దెబ్బతిన్నచోట అత్యవసరంగా రూ.10.25 కోట్లతోను, ఆయా రోడ్లకు  రూ.111.90 కోట్లతో పూర్తిస్థాయిలోను మరమ్మతులు చేయాలని ప్రతిపాదించారు. ► కర్నూలు జిల్లాలో ఏడుచోట్ల  పంచాయతీరాజ్‌శాఖ ఇంజనీరింగ్‌ విభాగం పరిధిలోని భవనాలు, వైఎస్సార్‌ కడప జిల్లాలో ఐదు పాఠశాలల ప్రహరీలు వర్షాలకు దెబ్బతిన్నాయి. వీటి మరమ్మతులకు రూ.1.55 కోట్లతో ప్రతిపాదనలు సిద్ధం చేశారు. విశాఖ జిల్లాలో పాడేరు నుంచి సుజనాకోట వరకు రూ.20 కోట్లతో రహదారి పనులు జరుగుతున్నాయి. పెదబయలు మండలం దూడకోట పంచాయతీ కేంద్రం నుంచి అత్యంత మారుమూల జాముగూడ వరకు రూ.13.21 కోట్లతో రోడ్డు నిర్మిస్తున్నారు. ఒడిశా సరిహద్దులో కెందుగూడ వరకు, ముంచంగిపుట్టు మండలం మారుమూల లబ్బూరు జంక్షన్‌ నుంచి మారుమూల గ్రామం బుంగాపుట్టు వరకు రూ.14 కోట్లతో రోడ్డు నిర్మాణాలు ప్రారంభమయ్యాయి. శ్రీకాకుళం జిల్లాలో సీతంపేట–దోన్‌బాయి–వీరఘట్టం వరకు 25 కి.మీ. రోడ్డు నిర్మాణాన్ని రూ.24 కోట్లతో చేపట్టారు.  డిసెంబర్‌కల్లా రాష్ట్రంలో గుంతల్లేని రహదారులు వర్షాలకు రోడ్లు బాగా దెబ్బతిన్నాయి. ప్రాధాన్యత క్రమంలో రోడ్లను నిర్వహించేందుకు ప్రతిపాదనలు రూపొందించాం. వాహనాల రద్దీ ఎక్కువ ఉండే రోడ్లు గుర్తించి వాటి మరమ్మతులు, నిర్వహణ చేపడుతున్నాం. డిసెంబర్‌ నాటికల్లా రోడ్ల నిర్వహణ మెరుగ్గా ఉంటుంది. గ్రామీణ రహదారులను విస్తరించడం, నిర్వహణ కోసం నాబార్డుకు ప్రతిపాదనలు పంపించాం. రూ.1,089 కోట్ల ప్రతిపాదనల్లో రూ.440 కోట్లతో రోడ్ల నిర్వహణ చేపట్టే ప్రణాళికలున్నాయి.      – వేణుగోపాల్‌ రెడ్డి, ఆర్‌ అండ్‌ బీ ఇంజనీర్‌ ఇన్‌ చీఫ్‌  

సాక్షి, పాలమూరు: పట్టణ అభివృద్ధిలో భాగంగా చేపట్టిన జంక్షన్‌ వెడల్పు, రోడ్డు విస్తరణ పనులకు అందరూ సహకరించాలని రాష్ట్ర ఎక్సైజ్‌ శాఖ మంత్రి శ్రీనివాస్‌గౌడ్‌ కోరారు. జిల్లా కేంద్రంలో కొత్తగా నిర్మిస్తున్న జంక్షన్‌ అభివృద్ధి పనులను ఆదివారం రాత్రి పరిశీలించారు. అనంతరం ఆయన మాట్లాడుతూ.. కొత్త కాలనీల్లో నిబంధనల ప్రకారమే ఇళ్లు నిర్మించుకోవాలని సూచించారు. ఎలాంటి పరిస్థితుల్లోనూ రోడ్లు అక్రమించుకోవద్దన్నారు. గతంలో గ్రామాలను మున్సిపాలిటీల్లో వీలినం చేసిన సందర్భాల్లో పంచాయతీలుగానే కొనసాగించాలనే డిమాండ్‌ ప్రజల నుంచే వచ్చేదన్నారు. ప్రస్తుతం రాష్ట్ర ప్రభుత్వ విధానాలు చూసి అందరూ మున్సిపాలిటీల్లో కొనసాగాలనే కోరుకుంటున్నారని పేర్కొన్నారు. కార్యక్రమంలో మహబూబ్‌నగర్‌ మున్సిపల్‌ చైర్మన్‌ కేసీ నర్సింహులు, వైస్‌చైర్మన్‌ గణేష్, కలెక్టర్‌ వెంకట్‌రావ్‌ పాల్గొన్నారు.  

పశ్చిమగోదావరి,ఆకివీడు: జిల్లాలో జాతీయరహదారి 216పై ప్రయాణం నరకాన్ని తలపిస్తుంది. జిల్లా సరిహద్దు ప్రాంతమైన ఉప్పుటేరు వంతెన వద్ద నుంచి ఆకివీడు ప్రధాన సెంటర్‌ వరకూ జాతీయరహదారి పలు చోట్ల చెరువుల్ని తలపిస్తుంది. భారీ వర్షాలకు రహదారి పూర్తిగా మునిగిపోయింది. పలుచోట్ల గుంతలు పడి ద్విచక్ర వాహన చోదకులు అవస్థలు పడుతున్నారు. రాత్రి పూట ఈ ప్రాంతంలో వాహనంపై ప్రయాణిస్తే అంతే సంగతులని పలువురు ఆందోళన వ్యక్తంచేస్తున్నారు. జాతీయ రహదారికి కనీస మరమ్మతులు చేపట్టడంలేదు. గతంలో ప్రపంచ బ్యాంక్‌ నిధులతో నిర్మించిన పక్కా డ్రెయిన్‌ అడ్రస్సు లేకుండా పోయింది. ఆయా ప్రాంతాల్లో ఆక్రమణలతో డ్రెయిన్‌ను పూడ్చివేశారు. ఇటీవల రహదారి పునర్నిర్మాణానికి చర్యలు చేపట్టినప్పటికీ వర్షం రావడంతో పనులు నిలిచిపోయాయి. రహదారి పునర్నిర్మాణ పనులు చేపట్టినప్పటికీ ఆక్రమణల్లో ఉన్న మార్జిన్లు తొలగించి, పక్కా డ్రెయిన్‌ సదుపాయం కల్పిస్తేనే వర్షంనీరు పారుదలకు మార్గం ఏర్పడుతుందని చెబుతున్నారు. డ్రెయిన్, మార్జిన్లలో ఉన్న మట్టి తొలగించాలని పలువురు కోరుతున్నారు.  

పశ్చిమగోదావరి ,బుట్టాయగూడెం: పశ్చిమ ఏజెన్సీ అభివృద్ధితో పాటు గిరిజనుల సంక్షేమమే లక్ష్యంగా ప్రభుత్వం అడుగులు వేస్తోంది. పోలవరం ప్రాజెక్ట్‌ ముంపు గ్రామాల ప్రజలను వరద కష్టాల నుంచి గట్టెక్కించడంతో పాటు రాకపోకలకు వీలుగా ప్రత్యామ్నాయ రహదారి నిర్మాణంపై దృష్టి సారించింది. గోదావరి వరద పోటెత్తిన సమయాల్లో పోలవరం ప్రాజెక్టు  కాఫర్‌ డ్యామ్‌ వెనుక ఉన్న 19 గిరిజన గ్రామాలు జలదిగ్బంధంలో చిక్కుకుంటున్నాయి. దీంతో గిరిజనులు రాకపోకలకు వీలులేక, నిత్యావసర సరుకులు అందక నానా అవస్థలు పడుతున్నారు. వీరి కష్టాలను తీర్చేలా జిల్లా అధికారులు ప్రత్యేక ఏర్పాట్లు చేస్తున్నారు. పోలవరం ప్రాజెక్ట్‌ పూర్తయిన తర్వాత డ్యామ్‌లో పూర్తిస్థాయిలో నీరు నిల్వ ఉన్న సమయాల్లోనూ గిరిజన గ్రామాలకు ఇబ్బందులు కలగకుండా అటవీ ప్రాంతమైన గడ్డపల్లి నుంచి కొట్రుపల్లి మీదుగా కొరుటూరు వరకు ప్రత్యామ్నాయ రోడ్డు మార్గం ఏర్పాటు చేసేందుకు యోచిస్తున్నారు. ఈ మేరకు కలెక్టర్‌ రేవు ముత్యాలరాజు ఆదేశాలతో అధికారులు ప్రణాళికలు సిద్ధం చేస్తున్నారు. ఐటీడీఏ, పోలవరం ప్రాజెక్టు అధికారులు సమన్వయంతో రోడ్డు నిర్మాణానికి సంకల్పించారు. ఇది పూర్తయితే రోడ్డు మార్గంలో ఉన్న మరికొన్ని గ్రామాల ఆదివాసీలకూ జీవనోపాధి లభిస్తుందని అధికారుల చెబుతున్నారు. రోడ్డు నిర్మాణం పూర్తయితే ఏజెన్సీ అందాలు, జలతారు వాగు ప్రవాహాల మధ్య పర్యాటకంగానూ ఈ ప్రాంతం అభివృద్ధి చెందుతుందని భావిస్తున్నారు.  15 కిలోమీటర్లు.. రూ.10 కోట్లు దట్టమైన అటవీ ప్రాంతంలో పాపికొండల నడుమ దాసన్‌ రోడ్డు మార్గం ఉంది. ఇది బ్రిటిష్‌ కాలంలో దాసన్‌ అనే ఇంజినీర్‌ ఏర్పాటు చేశారు. రాళ్లతో పేర్చి ఉన్న ఈ రోడ్డు గడ్డపల్లి దాటిన తర్వాత కట్రుపల్లి మీదుగా చిలుకలూరు, రావిగూ డెం బంగ్లా రహదారి మీదుగా కొ రుటూరు వరకూ సుమారు 15.49 కిలోమీటర్ల మేర ఉంది. కొండ ప్రాంతంపై నుంచి 13 మ లుపులు తిరుగుతూ ఉండే ఈ దారి తిరుపతి కొండలను తలపి స్తోంది. దీనిని బీటీ రోడ్డుగా మా ర్చేందుకు రూ.10 కోట్లతో అధికారులు ప్రతిపాదనలను సిద్ధం చేస్తున్నారు. ఇటీవల పోలవరం ఎమ్మెల్యే తెల్లం బాలరాజుతో పాటు పోలవరం ప్రాజెక్టు ఎస్‌ఈ నాగిరెడ్డి, ఐటీడీఏ పీఓ ఆర్‌వీ సూర్యనారాయణ, డీఎఫ్‌ఓ పి.రామకృష్ణ, ఆర్డీఓ ప్రసన్నలక్ష్మి, డీఎస్పీ పి.వెంకటేశ్వరరావు రోడ్డు మార్గంలో పర్యటించి నిర్మాణంపై సాధ్యాసాధ్యాలను పరిశీలించారు.   19 గ్రామాలకు మరింత మేలు దాసన్‌ రోడ్డు నిర్మాణం పూర్తయితే గోదావరి పరీవాహక ప్రాంతంలో ఉన్న 19 గిరిజన గ్రామాల ప్రజలకు మేలు జరుగుతుంది. వరదల సమయంలో కూడా వారికి సహాయ సహాకారాలను అందించడం సులభమవుతుంది. వారు సులభంగా బయటకు వచ్చేందుకు ఇబ్బందులు తొలగుతాయి. దట్టమైన అటవీ ప్రాంతంలో ప్రకృతి అందాల నడుమ రహదారి ఉండటం వల్ల టూరిజంగానూ అభివృద్ధి చెందుతుంది. రోడ్డు కొరుటూరు చేరుకుని పాపికొండల నడుమ కలవడంతో పర్యాటకులను కనువిందు చేస్తుంది. గోదావరి బోటు ఎక్కకుండా రోడ్డు మార్గంలో వాహనాల ద్వారా పాపికొండలకు చేరుకోవచ్చు. మార్గమధ్యలో జలతారు వాగు ప్రవాహాలు కనువిందు చేస్తాయి.   దిగువ ప్రాంతాలకు లాభదాయకం దాసన్‌ రోడ్డు నిర్మాణం పూర్తయితే దిగువ ప్రాంతంలో ఉన్న పులిరామన్నగూడెం, కన్నారప్పాడు, ముంజులూరు, చింతపల్లి, గడ్డపల్లి గ్రామాల ప్రజలకూ ప్రయోజనం కలుగనుంది. రవాణా సౌకర్యంతో మెరుగైన వైద్య సేవలు అందించవచ్చు. గిరిజనులకు ఉపాధి అవకాశాలు కలగడంతో వారు ఆర్థికంగా అభివృద్ధి చెందే అవకాశం ఉంది. ఐటీడీఏ రుణాలు పొంది స్వయం సమృద్ధి సాధించవచ్చు. 

నల్లకుంట: లాక్‌డౌన్‌ కారణంగా రోడ్లు నిర్మానుష్యంగా మారడంతో ప్రభుత్వం రోడ్ల నిర్మాణం, డ్రైనేజీ వ్యవస్థ అభివృద్ధి తదితర పనులును పునఃప్రారంభించింది. ప్రభుత్వం ఈ నెల 31వరకు లాక్‌డౌన్‌ పొడిగింపుతో నిబంధనలతో కూడి న అనుమతులు ఇవ్వడంతో ప్రజలు రోడ్ల మీదికి వస్తున్నారు. లాక్‌డౌన్‌కి ముందు ఆగిన పనులు, లాక్‌డౌన్‌ కొన సాగింపుతో ప్రారంభించిన పనులు ఇప్పటికీ పూర్తి కాకపోవడంతో వాహనదారులకు ఇబ్బందులు ఎదురవుతున్నాయి. అసంపూర్తిగా రోడ్ల నిర్మాణం, డ్రైనేజీ వ్యవస్థ నిర్మాణ పనుల కోసం తవ్విన గుంతలు ప్రమాదాలకు తావిస్తున్నాయి.  లాక్‌డౌన్‌కు ముందు ఆగిన పనులు.. నాలుగు నెలల క్రితం నల్లకుంట డివిజన్‌లోని నల్లకుంట రైల్వే ట్రాక్, నర్సింహ బస్తీ, విజ్ఞానపురి కాలనీ తదితర ప్రాంతాల్లో సీసీ రోడ్డు నిర్మాణం పనులను ప్రారంభించారు. పనులు చేపట్టిన కాంట్రాక్టర్‌ ఆఘమేఘాలతో రోడ్లను తవ్వి వదిలేశారు. అధికారుల పర్యవేక్షణ లోపం కారణంగా చేపట్టిన పనులు ముందుకు సాగలేదు. లాక్‌డౌన్‌కి ముందు నత్తనడకన సాగిన అభివృద్ధి పనులపై విమర్శలు వెలువెత్తడంతో జీహెచ్‌ఎంసీ అధికారులు కాంట్రాక్టర్‌ను పురమాయించి పనులు పునఃప్రారంభించారు. ఇంతలో కోవిడ్‌–19 కారణంగా మళ్లీ పనులు నిలిచిపోయాయి. కొన్ని చోట్ల పూర్తయిన సీసీ రోడ్డు పనులకు క్యూరింగ్‌చేసే దిక్కు కూడా లేకుండా పోయింది. మరికొన్ని చోట్లల్లో అభివృద్ధి పనులు చేసినప్పటికీ రోడ్లపై పోసిన మట్టికుప్పలను తొలగించలేదు. దీంతో అత్యవసర పరిస్థితుల్లో బయటకు వెళ్లే వాహనదారులు తీవ్ర ఇబ్బందులు ఎదుర్కొంటున్నారు. ప్రభుత్వం లాక్‌డౌన్‌లో సడలింపులు ఇవ్వటంతో నల్లకుంట బస్తీవాసులు బయటకి వస్తున్నా కొద్దిపాటి దూరానికి 2 కిలోమీటర్లు తిరిగి రావాల్సి వస్తోందని, కొందరు ఆ మట్టి దిబ్బలపై నుంచే రాకపోకలు సాగిస్తూ ప్రమాదాల బారిన పడుతున్నారని వాహనదారులు, స్థానికులు పేర్కొంటున్నారు. పట్టించుకోని అధికారులు.. నల్లకుంట ఫీవర్‌ ఆస్పత్రి చౌరస్తాలో రెండు వారాల క్రితం కేబుల్‌ పనుల కోసం రోడ్డును తవ్వారు. పనులు పూర్తయినప్పటికీ అధికారుల నిర్లక్ష్యం వల్ల రోడ్డుకి ప్యాచ్‌వర్క్స్‌ పనులు పూర్తిచేయలేదు. దీంతో మట్టి రోడ్డుపైకి చేరుతుండడంతో వాహనదారులు భయాందోళనకు గురవుతున్నారు. ఆ మట్టి, దుమ్ము ధూళి కారణం ఎక్కడేం ప్రమాదం జరుగుతోందని ఆందోళన చెందుతున్నారు. ప్రభుత్వం, అధికారులు ఇప్పటికైనా స్పందించి తవ్వి వదిలేసిన రోడ్లకు ప్యాచ్‌వర్క్‌ పూర్తి చేసి, రోడ్లపై వదిలేసిన మట్టి దిబ్బలను తొలగించాలని వాహనదారులు కోరుతున్నారు.

లక్డీకాపూల్‌ : పంజగుట్టలో రూ.23 కోట్ల అంచనా వ్యయంతో చేపట్టిన స్టీల్‌ బ్రిడ్జి, రోడ్డు విస్తరణ పనులను వేగంగా పూర్తిచేయాలని ఇంజనీరింగ్‌ అధికారులు, నిర్మాణ సంస్థను మంత్రి కె.తారక రామారావు ఆదేశించారు. ఆదివారం మేయర్‌ బొంతు రామ్మోహన్, శాసన సభ్యులు దానం నాగేందర్, పురపాలక శాఖ ప్రిన్సిపల్‌ సెక్రటరి అర్వింద్‌ కుమార్‌లతో కలిసి నిర్మాణ పనులను తనిఖీ చేశారు. రోడ్డు విస్తరణ చేసి నిర్మిస్తున్న స్టీల్‌ బ్రిడ్జి గడ్డర్ల అమర్చే పనులను పరిశీలించారు. లాక్‌డౌన్‌ వలన కలిగిన వెసులుబాటుతో అదనంగా కార్మికులను, నిపుణులను నియమించి రేయింబవళ్లు పనులు చేయిస్తున్న కాంట్రాక్టర్‌ను అభినందించారు. ఇదే స్ఫూర్తితో తగిన రక్షణ చర్యలు తీసుకుంటూ, ఆధునిక యంత్రాలతో మరో నెలరోజులలో పనులను పూర్తిచేయాలన్నారు. స్టీల్‌ బ్రిడ్జి, రెండు వైపులా రెండు లేన్ల విస్తరణ పనులు 50 శాతం పూర్తి అయినట్లు జీహెచ్‌ఎంసీ ప్రాజెక్ట్స్‌ చీఫ్‌ ఇంజనీర్‌ శ్రీధర్‌ ఈ సందర్భంగా వివరించారు. నిత్యం రద్దీగా ఉండే పంజాగుట్ట మార్గంలో ప్రయాణించే వాహనదారుల ఇబ్బందులు మరో నెల రోజుల్లో పూర్తిగా తొలగిపోనున్నాయి. ఈ కార్యక్రమంలో స్థానిక కార్పొరేటర్‌ మన్నె కవిత గోవర్ధన్‌రెడ్డి, ఇంజినీరింగ్‌ అధికారులు పాల్గొన్నారు. 

సాక్షి, సిటీబ్యూరో: పంజగుట్ట శ్మశానవాటిక వద్ద రోడ్డు విస్తరణ, స్టీల్‌ బ్రిడ్జ్‌ నిర్మాణ పనులు జరుగుతున్న నేపథ్యంలో ఆ ప్రాంతంలో ట్రాఫిక్‌ మళ్లింపులు విధిస్తున్నట్లు ట్రాఫిక్‌ చీఫ్‌ అనిల్‌కుమార్‌ శుక్రవారం ప్రకటించారు. ఇవి శనివారం నుంచి ఈ ఏడాది జూన్‌ 3 వరకు అమలులో ఉంటాయన్నారు. ఎస్‌ఎన్‌టీ జంక్షన్‌ నుంచి ఎన్‌ఎఫ్‌సీఎల్, పంజగుట్ట చౌరస్తాల వైపు ఏ భారీ వాహనాలను అనుమతించరు. ఈ నేపథ్యంలో ఫిల్మ్‌నగర్‌ జంక్షన్, రోడ్‌ నెం.45 జంక్షన్, రోడ్‌ నెం.36 వైపు నుంచి వచ్చే వాహనాలు జూబ్లీహిల్స్‌ చెక్‌పోస్ట్‌–యూసుఫ్‌గూడ చెక్‌పోస్ట్‌–మైత్రీవనం మీదుగా లేదా జూబ్లీహిల్స్‌ చెక్‌పోస్ట్‌–రోడ్‌ నెం.45–బీవీబీ జంక్షన్‌– రోడ్‌ నెం.12 మీదుగా ప్రయాణించాలని ఆయన సూచించారు. 

నెల్లూరు(బారకాసు): జిల్లాలోని కావలి, గూడూరు డివిజన్లలో గల పలు ప్రాంతాల్లో రోడ్లకు మహర్దశ పట్టనుంది. రూ.22.37 కోట్ల నాబార్డు నిధులతో ఆర్‌ అండ్‌ బీ అధికారులు ఇప్పటికే ఆయా ప్రాంతాల్లో రోడ్డు పనులను ప్రారంభించారు. ఇవి వివిధ దశల్లో ఉన్నాయి. త్వరలో న్యూ డెవలప్‌మెంట్‌ బ్యాంక్‌ (ఎన్డీబీ) ద్వారా మరికొన్ని ప్రాంతాల్లో రోడ్ల పనులు చేపట్టేందుకు సంబంధిత అధికారులు చర్యలు ప్రారంభించారు. దీంతో మూడు నెలల్లోపు జిల్లాలోని పలు ప్రాంతాల్లో రహదారులను సుందరంగా తయారు చేయనున్నారు.  నాబార్డు నిధులతో 8 పనులు నాబార్డు నుంచి విడుదలైన రూ.22.37 కోట్లతో 8 రోడ్ల పనులు చేపట్టారు. ఇందులో కావలి డివిజన్లో ఆరు, గూడూరు డివిజన్లో రెండు వర్కులు వివిధ దశల్లో ఉన్నాయి. గూడూరు డివిజన్లో ఏర్పేడు నుంచి చెన్నూరు వరకు 3.5 కిలోమీటర్లు, బంగారుపేట నుంచి చెన్నై, కోల్‌కతా రోడ్డు వరకు 4.9 కిలోమీటర్ల మేర తారు రోడ్డు పనులను ప్రారంభించారు. దీనికి రూ.6.85 కోట్లను వెచ్చించారు. కావలి డివిజన్లో ఆరు రోడ్ల పనులకు గానూ రూ.12.52 కోట్లు వెచ్చించారు. ఇందులో రెండు పనులు జరగ్గా, మిగిలిన నాలుగు పనులకు అటవీశాఖ అనుమతులివ్వకపోవడంతో నిలిచిపోయాయి. అల్లూరు నుంచి ఉడ్‌హౌస్‌పేట వరకు మూడు బ్రిడ్జిల పనులు జరుగుతున్నాయి. కావలి నుంచి తుమ్మలపెంట వరకు 0.5 కిలోమీటర్‌ వరకు రోడ్డు పనులను ఇప్పటికే పూర్తి చేశారు. ఉదయగిరి నుంచి బండగానిపల్లి, తిమ్మసముద్రం నుంచి చోడవరం, జంగాలకండ్రిగ నుంచి చెన్నూరు, కోవూరు నుంచి యల్లాయపాళెం వరకు జరగాల్సిన రోడ్డు పనులు అటవీ శాఖ అనుమతులు లభించక నిలిచిపోయాయి. త్వరలో ఎన్డీబీ ప్రాజెక్ట్‌ పనులు ప్రారంభం ఎన్డీబీ ప్రాజెక్ట్‌ ద్వారా మరికొన్ని ప్రాంతాల్లో రోడ్డు పనులు ప్రారంభం కానున్నాయి. ఈ ప్రాజెక్ట్‌ ద్వారా చేపట్టే రోడ్ల పనులకు చైనా వారు 70 శాతం నిధులను రుణంగా ఇవ్వగా, మిగిలిన 30 శాతం నిధులు రాష్ట్ర ప్రభుత్వం సమకూర్చనుంది. దీని కోసం ఆర్‌ అండ్‌ బీ అధికారులు అవసరమైన చర్యలు చేపడుతున్నారు. ఇప్పటికే రోడ్ల నిర్మాణ పనులు ఎక్కడెక్కడ చేపట్టాలో గుర్తించడంతో పాటు అందుకు ఎంత నిధులు అవసరమో కూడా నిర్ణయించారు. ఫేజ్‌ – 1కు సంబంధించిన టెండర్లను పిలిచేందుకు సిద్ధం చేస్తున్నారు. ఫేజ్‌ – 2లో జరిపే పనుల కోసం అంచనాల్లో ఉన్నారు.  నిధులను వెచ్చించనుంది ఇలా.. ఎన్డీబీ ప్రాజెక్ట్‌ ద్వారా రూ.428.62 కోట్లతో 15 రోడ్ల పనులు చేపట్టనున్నారు. ఆయా పనులను ఫేజ్‌ – 1, 2 ద్వారా పూర్తి చేయనున్నారు. ఫేజ్‌ – 1లో రూ.128.56 కోట్లతో ఆరు రోడ్ల పనులు, ఫేజ్‌ – 2లో తొమ్మిది రోడ్ల పనులకు రూ.300.06 కోట్లు వెచ్చించనున్నారు. ఇందులో ఫేజ్‌ – 1 ద్వారా తోటపల్లిగూడూరు నుంచి సీఎస్‌పురం, సూళ్లూరుపేట నుంచి సంతవేలూరు, రాజుపాళెం నుంచి ఇస్కపల్లి, కావలి నుంచి తుమ్మలపెంట, బుచ్చి నుంచి దగదర్తి, ముంబై హైవే రోడ్డు నుంచి కోవూరు వరకు ఆరు పనులు చేపట్టనున్నారు. అదే విధంగా ఫేజ్‌ – 2 ద్వారా నందనం నుంచి ఉదయగిరి, సంగం నుంచి కలిగిరి, సంగం నుంచి విరువూరు మీదుగా కలువాయి, నెల్లూరు నుంచి తాటిపర్తి, నెల్లూరుపాళెం నుంచి వింజమూరు, పాత మద్రాస్‌ రోడ్డు నుంచి కోట, విద్యానగర్‌ మీదుగా సముద్ర తీర ప్రాంతం వరకు, ఏర్పేడు నుంచి నాయుడుపేట వరకు, రాపూరు రోడ్డు, సూళ్లూరుపేట నుంచి నాయుడుపేట, దుగరాజపట్నం వరకు, గూడూరు నుంచి జయంపు వరకు రోడ్డు పనులు చేపట్టేలా ప్రణాళికలను సిద్ధం చేస్తున్నారు.   మూడు నెలల్లో పూర్తి ఆర్‌ అండ్‌ బీ శాఖ ద్వారా ఆయా రోడ్డు పనులను మరో మూడు నెలల్లో పూర్తిచేసేందుకు యత్నిస్తున్నాం. దీంతో జిల్లాలోని పలు ప్రాంతాల్లో రోడ్లకు మహర్దశ పట్టనుంది.– వివేకానంద, ఎస్‌ఈ, ఆర్‌ అండ్‌ బీ

జిల్లా జాతీయ రహదారి నెత్తురోడుతోంది. సుదీర్ఘ పొడవున్న ఈ రహదారిపై నిత్యం ఏదో ఒక చోట మృత్యుకేక వినిపిస్తోంది. వాహనాల రద్దీని తట్టుకునేందుకు వీలుగా ఏడాదికిపైగా నాలుగు లైన్ల రోడ్డును ఆరులైన్లుగా విస్తరిస్తున్న నేపథ్యంలో ప్రయాణం మరింత ప్రమాదకరంగా మారింది. ప్రధానంగా కొత్త వ్యక్తులు వచ్చినప్పుడు దారిని అంచనా వేయలేక మృత్యువాత పడుతున్నారు. ఇందులో ఎక్కువగా కార్లలో ప్రయాణిస్తున్న వారి ప్రాణాలే గాలిలో కలిసిపోతున్నాయి. ఇవి కూడా రాత్రిళ్లు చోటు చేసుకోవడం గమనార్హం.   శ్రీకాకుళం, కాశీబుగ్గ: జిల్లాలో ఇటీవల చోటుచేసుకున్న రోడ్ల ప్రమాదాలు కలవరం కలిగిస్తున్నాయి. నిద్రమత్తులో కొందరైతే, బయటపడని కారణాలతో మరికొందరు ఏమరుపాటుగా ప్రమాదాలకు గురై మృత్యవాత పడుతున్నారు. కొద్ది నెలల వ్యవధిలో పలు సంఘటనలకు జిల్లా కేంద్ర బిందువుతోంది. అటువంటి ప్రమాదాలకు గల కారణాలు, ఇతర జాగ్రత్తలు పోలీసుల చర్యలతో సాక్షి ప్రత్యేక కథనం.. జిల్లా వ్యాప్తంగా ఎన్‌హెచ్‌ 16 విస్తరణపనులు...  విశాఖపట్నం నుంచి మన జిల్లా వరకు జాతీయ రహదారి విస్తరణ పనులు చురుగ్గా సాగుతున్నాయి. నరసన్నపేట వరకు ఆరు లైన్ల రోడ్డు విస్తరణ, అక్కడ నుంచి ఇచ్ఛాపురం వరకు ముందస్తుగా వంతెనలు, ప్లైఓవర్ల నిర్మాణాలు వేగవంతమయ్యాయి. ఈ తరుణంలో అధికంగా రాత్రిళ్లు పనులు చేస్తుండటం, పూర్తిస్థాయి సూచిక బోర్డులు ఏర్పాటు చేయకపోవడం, అప్పటి వరకు అదే రోడ్డులో రాకపోకలు కల్పించి, అకస్మాత్తుగా రాత్రి పదకొండు గంటల తర్వాత దారి మళ్లింపు వంటి చర్యలు ప్రమాదకరంగా మారుతున్నాయి. రోడ్డు విస్తరణ మంచిదైనప్పటికి అటుగా ప్రయాణించే ప్రయాణికులకు ప్రాణాపాయంగా మారుతోంది. ఈ పనులు గమనించక సొంపేట మండలం వద్ద ప్రమాదంలో ఇద్దరు జవాన్లు బోల్తాపడగా ఒకరు అక్కడికక్కడే మృతి చెందారు. టోల్‌గేటు వద్ద సిబ్బంది నిర్లక్ష్యం జిల్లాలో చిలకపాలెం, మడపాం, ఇచ్ఛాపురం టోల్‌గేట్ల వద్ద సిబ్బంది నిర్లక్ష్యం కొట్టొచ్చినట్లు కనిపిస్తోంది. కారులో వచ్చిన వారికి రాత్రిళ్లు నిలిపివేసి ఫేస్‌వాష్‌ చేయించడం, డ్రైవర్‌ ఇతర ప్రయాణికుల కళ్లలో నిద్ర రాకుండా డ్రాప్స్‌ వేయించడం వంటి నిబంధనలు ఉన్నప్పటికీ, ఒకట్రెండు రోజులు మాత్రమే అమలు చేసి వదిలేశారు.  ప్రమాదానికి ప్రధాన కారణాలు... ♦ వ్యక్తిగత పనులపై ఎక్కువగా సుదూర ప్రాంతాలకు కారులో వెళ్లి వస్తున్నారు. వివిధ బాధ్యతల దృష్ట్యా నిద్రలేనప్పటికీ వారే డ్రైవింగ్‌ చేయడం, 500 కిలోమీటర్ల తర్వాత కనీసం విశ్రాంతి తీసుకోకుండా ఉదయానికి చేరుకోవాలనే ఆతృతతో అనుకోని ప్రమాదాలకు గురవుతున్నారు. ♦ అధికంగా ప్రమాదాలు.. రాత్రిళ్లు ప్రయాణించడం, నిద్రమత్తు ఆవరించడం, మలుపుల వద్ద హెచ్చరిక బోర్డులు లేకపోవడం, కొత్త ప్రాంతానికి వెళ్తున్నప్పుడు దారి అంచనా వేయలేక, వంటి కారణాలు. ♦ ఒక కారును చూసి మరో కారు పోటీపడి ఓవర్‌టేక్‌ చేసే క్రమంలో ముందు వాహనాలను ఢీకొనడం, దాబాల వద్ద మద్యం సేవించడం, వివాహాలు, విందు వినోదాలకు హాజరై మద్యం మత్తులో కార్లలో ప్రయాణించి ప్రమాదాలకు గురవుతున్నారు. ఇటీవల కారు ప్రమాదాలు...   ♦ జనవరి 4న పలాస నియోజకవర్గం మందస మండలం కొత్తపల్లి గ్రామానికి సమీపంలో జాతీయ రహదారిపై వేకువజామున రోడ్డు ప్రమాదం చోటుచేసుకుంది. సింహాచలం నుంచి బరంపురం వెళ్తుండగా పలాసలో టీ తాగి వెళ్తుండగా నిద్దమత్తులో రోడ్డు పక్కన కల్వర్టులోకి దూసుకుపోవడంతో రెండు కుటుంబాలకు చెందిన ఐదుగురు ప్రాణాలు విడిచారు. ♦ జనవరి 6న పలాస మండలం రంగోయి జాతీయ రహదారిపై నలుగురు ఇంజినీరింగ్‌ విద్యార్థులు అతివేగంతో వెళ్లి డివైడర్‌కు తగిలి కారు బోల్తా పడింది. వీరిలో ఇద్దరికి తీవ్ర గాయాలయ్యాయి.   ♦ ఇటీవల ఐదు రోజుల క్రితం వంశధార కాలువలో కారు పడిపోయిన సంఘటనలో ఇద్దరు వ్యక్తులు మృత్యవాత పడ్డారు. వీరు ఒడిశా నుంచి అర్ధరాత్రి వేళ వస్తుండగా మలుపును గుర్తించకపోవడంతో కారు కాలువలోకి దూసుకుపోయింది అధికంగా మలుపు రోడ్లు...   సువిశాలమైన జాతీయ రహదారిలో శ్రీకాకుళం దాటి పలాస వచ్చినప్పటికీ 80 కిలోమీటర్లు పడుతుంది. ఆ తర్వాత అధికంగా మలుపుల రోడ్లు ప్రారంభం కావడంతో ప్రమాదాలకు కారణంగా భావిస్తున్నాం. హైవే పెట్రోలింగ్, టోల్‌గేటు వద్ద ఫేస్‌వాస్, డ్రాప్స్‌ వేయడం వంటి చర్యలు తీసుకుంటున్నాం. ఇటీవల ఎస్పీ ఆదేశాల మేరకు ఎక్కడికక్కడ కారు యజమానులకు, డ్రైవర్లకు అవగాహన కల్పిస్తున్నాం.      –ఎన్‌ శివరామరెడ్డి, పోలీసు డివిజన్‌ అధికారి, కాశీబుగ్గ   విస్తరణ పనులు పూర్తయితే..   లక్ష్మీపురం జాతీయ రహదారిపై టోల్‌ప్లాజా వద్ద కారు ప్రయాణికులకు ఫేస్‌వాస్‌ చేయిస్తున్నాం. కళ్ల మంటలు, ఇతర సమస్యలు ఉంటే డ్రాప్స్‌ వేస్తున్నాం. ప్రమాదాల రీత్యా హరిపురం వద్ద విశ్రాంతి తీసుకోవడానికి చక్కనైన భవనాలు కట్టిస్తున్నారు. దీంతోపాటు 24 గంటల ప్రథమ చికిత్స పాయింట్‌ ఏర్పాటు చేయనున్నారు. జిల్లా వ్యాప్తంగా చేపట్టిన రోడ్డు విస్తరణ పనులు పూర్తయితే ప్రమాదాలు తగ్గుముఖం పడతాయి.– శ్రీనివాసరావు, మేనేజర్‌ జాతీయ రహదారి టోల్‌ప్లాజా, లక్ష్మీపురం, పలాస

సాక్షి, సిటీబ్యూరో: నగరంలో మే 15 తర్వాత రోడ్డు కటింగ్‌లకు అనుమతులివ్వరాదని, సీసీటీవీల ఏర్పాటుతోపాటు ఆయా అవసరాల కోసం రోడ్డు కటింగ్‌ చేసి పనులు పూర్తయ్యాక 48 గంటల్లోగా తిరిగి పునరుద్ధరణ జరగాలని, జంక్షన్లలో ఆయా అవసరాల కోసం వివిధ శాఖలు వేర్వేరు పోల్స్‌ నిర్మించకుండా అందుబాటులోని పోల్స్‌ను సమష్టిగా వినియోగించుకోవాలని జీహెచ్‌ఎంసీ, పోలీసు అధికారుల సమావేశం నిర్ణయించింది. సేఫ్‌ సిటీ ప్రాజెక్ట్‌కు హైదరాబాద్‌ను కేంద్ర ప్రభుత్వం ఎంపిక చేయడంతోపాటు  పాటు సీఆర్‌ఎంపీ కింద రోడ్ల నిర్వహణ ప్రాజెక్ట్‌ను పైలట్‌గా నిర్వహిస్తున్నందున వీటిపై జీహెచ్‌ఎంసీ కమిషనర్‌ లోకేశ్‌కుమార్, లా అండ్‌ ఆర్డర్‌ అడిషనల్‌ డీజీపీ జితేందర్‌లఆధ్వర్యంలో సీఆర్‌ఎంపీ ఏజెన్సీలు, సీసీటీవీలు ఏర్పాటు చేస్తున్న ఎల్‌అండ్‌టీ, జియో సంస్థల ప్రతినిధులతో జీహెచ్‌ఎంసీలో సమావేశం నిర్వహించారు. ఈ సందర్భంగా లోకేశ్‌కుమార్‌ మాట్లాడుతూ, పోలీసు, జోనల్‌ కమిషనర్లు, ఏజెన్సీల ప్రతినిధులు జోనల్‌ స్థాయిలో చర్చించుకొని రోడ్‌ కటింగ్‌ పనులను వెంటనే చేపట్టి త్వరితంగా పూర్తిచేయాలన్నారు. స్మార్ట్‌ సిటీ కింద జంక్షన్లలో సీసీటీవీల ఏర్పాటుకు ఎల్‌అండ్‌టీ సంస్థ మూడు దశల్లో రోడ్‌ కటింగ్‌లకు 2662 జంక్షన్లలో దరఖాస్తు చేసుకోగా, 2557 చోట్ల అనుమతులిచ్చామన్నారు. ఇది 59 కి.మీ.ల మేర ఉందన్నారు. నెట్‌వర్క్‌ ఏర్పాటు కోసం రిలయన్స్‌ జియో 1077 జంక్షన్లలో మైక్రో కట్టింగ్‌కు అనుమతులు కోరితే మొదటి విడతగా దరఖాస్తు చేసిన 493 చోట్ల దాదాపు 26 మీటర్ల కటింగ్‌కు అనుమతి ఇచ్చినట్టు తెలిపారు.  ఓపెన్‌ ట్రెంచింగ్‌ కంటే వీలైనంత మేర మైక్రో ట్రెంచింగ్‌ చేసుకోవాలన్నారు. రిలయెన్స్‌  జియో ఏజెన్సీ సీసీ  కెమెరాల కోసం  5280 పోల్స్‌ ఏర్పాటుకు 221 మీటర్ల  పొడవున రోడ్‌ కటింగ్‌కు  అనుమతి ఇచ్చినట్లు పేర్కొన్నారు.  రోడ్‌ కటింగ్‌ ప్రాంతాల్లో  శిథిలాలను తొలగించాల్సిన బాధ్యత ఏర్పాటు సంస్థలదేనని స్పష్టం చేశారు. జితేందర్‌ మాట్లాడుతూ, నగరంలోని పదివేల సీసీకెమెరాలనుకమాండ్‌ కంట్రోల్‌రూమ్‌కు అనుసంధానించనున్నట్లు తెలిపారు.కమాండ్‌ కంట్రోల్‌రూమ్‌నుంచి ట్రాఫిక్‌ పరిస్థితుల్ని పర్యవేక్షిస్తామని, జలమండలి, విద్యుత్‌ వంటి విభాగాలు కూడా తమ అవసరాల కోసం వాటిని వినియోగించుకోవచ్చునన్నారు. నిర్భయ కింద మరో 3వేల సీసీకెమెరాలు మంజూరయ్యాయన్నారు.అన్ని రకాల పార్కింగ్‌లకు కలిపి ఇంటిగ్రేటెడ్‌ పార్కింగ్‌ సిస్టం, డార్క్‌స్పాట్స్‌ రిపేర్లు, వీధివ్యాపారులకు లొకేషన్ల లింక్‌తో గుర్తింపుకార్డుల జారీ, తదితర అంశాల గురించి చర్చించారు. సమావేశంలో జీహెచ్‌ఎంసీ చీఫ్‌ ఇంజినీర్‌ జియాఉద్దీన్,  సైబరాబాద్‌ కమిషనర్‌ సజ్జనార్, రాచకొండ అడిషనల్‌ కమిషనర్‌ సుధీర్‌బాబు, సైబరాబాద్‌  ట్రాఫిక్‌ డీసీపీ విజయ్‌కుమార్, హైదరాబాద్‌ ట్రాఫిక్‌ డీసీపీ ఎల్‌.ఎస్‌.చౌహాన్, రాచకొండ ట్రాఫిక్‌ డీసీపీ  దివ్యచరణ్, జీహెచ్‌ఎంసీ  జోనల్‌ కమిషనర్లు ఎన్‌.రవికిరణ్, వి.మమత తదితరులు పాల్గొన్నారు.

సాక్షి, బెంగళూరు:  చిప్కో ఉద్యమం అందరికీ తెలిసే ఉంటుంది. జనాలు గుంపులుగా చేరి ఒకరి చేతులు మరొకరు పట్టుకుంటూ చెట్లను ఆలింగనం చేసుకుని వాటిని నరకకుండా రక్షిస్తుంటారు. సరిగ్గా ఇలాంటి ఘటనే గురువారం కర్ణాటకలోని బెంగళూరులో జరిగింది. బెంగళూరు శివారు ప్రాంతమైన సర్జపూర- అట్టిబెలె మార్గంలో ప్రభుత్వం రోడ్డు వెడల్పు చేపట్టాలని ప్రణాళికలు రచించింది. అందుకోసం టెండర్లు సైతం నిర్వహించింది. ఈ క్రమంలో కాంట్రాకర్లు ఆ ప్రాంతానికి రోడ్డు వెడల్పుకు అడ్డుగా ఉన్న చెట్లను నరికేందుకు మార్కింగ్‌ చేసుకోగా సుమారు 1800 చెట్లను నిర్ధాక్షిణ్యంగా కూల్చేందుకు సిద్ధమయ్యారు. ఈ విషయం తెలిసిన స్థానికులు, విద్యార్థులు గురువారం సాయంత్రం అంతా ఏకమై చెట్లను నరకడానికి వీల్లేదంటూ మానవహారం చేపట్టారు. ‘చెట్లను నరకవద్దు’ అంటూ నినాదాలిచ్చారు. ‘ఇప్పటికే రోడ్లు వెడల్పుగా ఉన్నందున ఈ పనులు అనవసరం. కాలుష్య కోరల్లో చిక్కుకున్న బెంగళూరు జీవించడానికి వీల్లేని నగరంగా మారిపోయింది. ఇలాంటి సమయంలో ఉన్న కొన్ని చెట్లను కూడా నరికేసి మా భవిష్యత్తుకు ఏం హామీ ఇవ్వగలరు?’ అని ప్రశ్నించారు. (నిరసనలతో అరాచకం) చెట్లు.. బాహ్య ఊపిరితిత్తులు రోడ్డు వెడల్పు.. పర్యావరణాన్ని నాశనం చేస్తుందే తప్ప ట్రాఫిక్‌ సమస్యను పరిష్కరించదని నిరసనకారులు పేర్కొన్నారు. ప్రభుత్వం దీనికి ప్రత్యామ్నాయ మార్గాలను పరిశీలించాలని కోరారు. సబర్బన్‌ రైళ్లు నడుపడం, బస్‌ సర్వీసులు పెంచడం ద్వారా ప్రజలకు కార్లు వాడాల్సిన పని తప్పుందన్నారు. బెంగళూరు ఇప్పటికే డేంజర్‌ జోన్‌లో ఉందని, కనుక మరిన్ని చెట్లను కోల్పోవడం ఎంతమాత్రం సహించబోమని  స్పష్టం చేశారు. ప్రభుత్వ విధానాలతో వాతావారణాన్ని క్షీణింపజేయడమే కాక మన ఆరోగ్యాలను ప్రమాదంలోకి నెడుతున్నారని ఆగ్రహం వ్యక్తం చేశారు. సర్జపుర గ్రామవాసి దీపాంజలి నాయక్‌ మాట్లాడుతూ..చెట్లు లేకుండా బతకలేం.. అవి మనకు బాహ్య ఊపిరితిత్తులు. 100యేళ్ల పైబడి వయస్సున్న చెట్లను నరకివేయడం మాకు ఏమాత్రమూ ఇష్టం లేదు. పైగా ఇలాంటి చెట్లను మళ్లీ నాటడం ఎంతో కష్టమని ఆవేదన వ్యక్తం చేశారు. కాగా కాంట్రాకర్లు మాత్రం వాళ్లు అవేవీ పట్టించుకోకుండా నిరసన చేస్తున్న సమయంలోనే రహదారి సర్వే చేయడం గమనార్హం. (గుడ్రంగా తిరుగుతున్న మొక్క)

సాక్షి, చుంచుపల్లి(ఖమ్మం) : అటవీశాఖ ఆధ్వర్యంలో కొత్తగూడెం రేంజ్‌ పరిధిలోని చాతకొండ నుంచి లక్ష్మీదేవిపల్లి, ఇల్లెందు క్రాస్‌ రోడ్‌ మీదుగా కేసీఎం కళాశాల వరకు దాదాపు 7 కిలోమీటర్ల మేర నిర్మిస్తున్న ప్రహరీ నాణ్యత విషయంలో విచారణ కొనసాగుతోంది.  రూ.6.32 కోట్లతో నిర్మిస్తున్న ఈ ప్రహరీ పనుల్లో అధికారుల పర్యవేక్షణ లోపంతో కాంట్రాక్టర్లు నాణ్యతా ప్రమాణాలను పాటించలేదని గత నెల 25న ‘నాణ్యత నై’ అనే శీర్షికతో సాక్షి కథనాన్ని వెలువరించిన విషయం తెలిసిందే. దీనిపై స్పందించిన విజిలెన్స్‌ ఎన్‌ఫోర్స్‌మెంట్‌ అధికారులు డిసెంబర్‌ 31న ఈ నిర్మాణాలపై విచారణ జరిపారు.  ప్రహరీ నిర్మాణంలో ఉపయోగించిన ఇసుక, సిమెంట్‌ నాణ్యతను అడిగి తెలుసుకున్నారు. దీనిపై పూర్తి నివేదికలను పంపాలని జిల్లా అటవీ అధికారులను విజిలెన్స్‌ అధికారి రాజా రమణారెడ్డి ఆదేశించారు. దీంతో సోమవారం సీసీఎఫ్‌ రాజారావు, డీఎఫ్‌ఓ రాంబాబు ప్రహరీ నిర్మాణ పనులను క్షేత్ర స్థాయిలో పరిశీలించారు. గోడల నిర్మాణంలో వాడిన పిల్లర్ల నాణ్యతలను, ఇసుక, సిమెంట్‌ పరిమాణాల శాంపిళ్లను సేకరించారు. ఈ పనులను కెమెరాలో రికార్డు చేశారు. కాగా, ఈ ప్రహరీ గోడల నిర్మాణ పర్యవేక్షణ విషయంలో నిర్లక్ష్యంగా వ్యవహరించిన ఇద్దరు అధికారులపై బదిలీ వేటు పడినట్లు తెలిసింది. కొత్తగూడెం రేంజ్‌ అధికారిని ఆ బాధ్యతల నుంచి తప్పించి స్థానిక ఎఫ్‌ఎస్‌ఓకు ఇంచార్జ్‌ బాధ్యత అప్పగించారని సమాచారం. నిర్మాణ పనులను పర్యవేక్షించిన డీఆర్వోపైనా బదిలీ వేటు వేసినట్లు తెలిసింది. ఈ విషయమై జిల్లా అటవీ శాఖాధికారి రాంబాబును వివరణ కోసం పలుమార్లు ప్రయత్నించగా అందుబాటులోకి రాలేదు.

పాలమూరు: మహబూబ్‌నగర్‌– జడ్చర్ల రోడ్డు వెడల్పు పనులు 14నెలల్లో పూర్తి చేసి జిల్లా ప్రజలకు కానుకగా ఇస్తామని ఎక్సైజ్‌ శాఖ మంత్రి శ్రీనివాస్‌గౌడ్‌ అన్నారు. శనివారం ఈ రోడ్డు పనులను సంబంధిత అధికారులతో క లిసి మంత్రి పరిశీలించారు. అనంతరం ఏర్పా టు చేసిన మీడియా సమావేశంలో ఆయన మా ట్లాడుతూ.. జడ్చర్ల నుంచి మహబూబ్‌నగర్‌ వ రకు ఉన్న రోడ్డు మార్గంలో కొన్ని ఏళ్లుగా దాదా పు వందలామంది ప్రాణాలు కోల్పోయినా గత ప్రభుత్వాలకు రోడ్డు వెడల్పు చేయాలన్నా సోయి లేకుండాపోయిందన్నారు. తెలంగాణ రా ష్ట్రం ఏర్పాటైన తర్వాత జిల్లా కేంద్రాలకు, మం డల కేంద్రాలకు, గ్రామీణా ప్రాంతాలకు రోడ్లు వేసి ప్రయాణికులకు సులభతరం చేయడం జ రిగిందన్నారు. ఎన్నో రోజుల నుంచి కలలు కం టున్న జడ్చర్ల–మహబూబ్‌నగర్‌ రోడ్డును ము ఖ్యమంత్రి చొరవతో పనులు ప్రారంభించుకున్నామన్నారు. అందరు అధికారుల సహకారంతో రోడుడ పనులు వేగంగా పూర్తిచేస్తామన్నా రు. భవిష్యత్‌లో ఎలాంటి రోడ్డు ప్రమాదాలు జరగకుండా తక్కువ సమయంలో గమ్యం చేరుకునే విధంగా ఏర్పాట్లు చేస్తామన్నారు.  విస్తరణ పనులకు ప్రజలు సహకరించాలి మహబూబ్‌నగర్‌ పట్టణ ప్రజలు స్వచ్ఛందంగా రోడ్డు విస్తరణ పనులకు సహకరించాలని మంత్రి కోరారు. దీని ద్వారా పనులు త్వరగా పూర్తి అయ్యి అన్ని రకాలుగా లాభాలు ఉంటాయని తెలిపారు. రాష్ట్ర ప్రభుత్వం అధికారంలోకి వచ్చిన తర్వాత కేంద్ర ప్రభుత్వంతో ప్రత్యేకంగా చర్చించి 167జాతీయ రహదారికి ఈ రోడ్డును అనుసంధానం చేసినట్లు తెలిపారు. మహబూబ్‌నగర్‌ పట్టణంలో ఇప్పటికే ప్రభుత్వ కార్యాలయాలు ఉండే ప్రాంతాల్లో రోడ్డు విస్తరణ పనులు పూర్తి చేశామని తెలిపారు. కొందరు వ్యాపారులు స్వచ్ఛందంగా ముందుకు వచ్చి రోడ్డు విస్తరణ పనులకు సహకారం అందిస్తున్నారని మిగతా వారు కూడా ఇద్దే పద్ధతిలో సహకరించాలని కోరారు. పాలమూరు పట్టణం హైదరాబాద్‌ నగరానికి ప్రత్యామ్నాయంగా ఎదుగుతుందని ఈ అభివృద్ధిలో అందరూ బాగస్వామ్యం కావాలన్నారు. ఇప్పటికే ఐటీ కారిడార్‌ తీసుకురావడంతో పాటు అంతర్జాతీయ స్థాయిలో అభివృద్ధి జరుగుతుందన్నారు. కార్యక్రమంలో అటవీ శాఖ అధికారి గంగారెడ్డి తదితరులు పాల్గొన్నారు. 

సాక్షి, హైదరాబాద్‌ : అభయారణ్యంలో చెట్లు బిక్కుబిక్కుమంటు న్నాయి. హైవే విస్తరణకు అవి బలికానున్నాయి. వనం గుండా జనం వెళ్లేందుకుగాను వృక్షాలపై వేటు వేయనున్నారు. నాగర్‌కర్నూల్, నల్లగొండ జిల్లాల్లో 83 చ.కి.మీ. పరిధిలో (దాదాపు 20 వేల ఎకరాల్లో) యురేనియం తవ్వకాలకు రంగం సిద్ధం అవుతున్న తరుణంలోనే ఆమ్రాబాద్‌ టైగర్‌ రిజర్వ్‌ జోన్‌ పరిధిలో మరో ఉపద్రవం ఎదురుకానుంది. రోడ్డు విస్తరణపేరిట పులుల అభయారణ్యంలోని నేష నల్‌ హైవే 765 మీదుగా దాదాపు 60 కి.మీ. పరిధిలో 20 వేల చెట్ల వరకు నేలకూలనున్నాయి.  మార్కింగ్‌లు పూర్తి... నేషనల్‌ హైవేస్‌ అథారిటీ ఆధ్వర్యంలో తోకపల్లి నుంచి హైదరాబాద్‌ వరకు చేపడుతున్న రోడ్డుప్రాజెక్టులో భాగంగా రోడ్డుకు ఇరువైపులా వేలాది చెట్లు కొట్టేందుకు రాష్ట్ర అటవీశాఖ నేతృత్వంలో మార్కింగ్‌లు కూడా పూర్తయ్యాయి. ఆమ్రాబాద్‌ పులుల అభయార ణ్యం మీదుగా శ్రీశైలంకు వెళ్లే మార్గం ఇరుకుగా ఉన్న నేపథ్యంలో రోడ్డు విస్తరణ చేపట్టాలని నేషనల్‌ హైవే అథారిటీ నుంచి రాష్ట్ర అటవీశాఖకు అయిదారు నెలల కిందటే ప్రతిపాదనలు అం దాయి. వీటిని నాగర్‌కర్నూల్‌ జిల్లా అటవీ అధి కారులకు అటవీశాఖ పంపించింది. ఈ ప్రతి పాదనలకు అనుగుణంగా ఫారెస్ట్‌ డివిజన్‌ ఆఫీసర్‌ నివేదికను సిద్ధం చేసింది. మరో వారం, పదిరోజుల్లోనే ఈ నివేదికపై మళ్లీ జిల్లా అటవీ అధికారి, డీఎఫ్‌వో, ఫీల్డ్‌ ఆఫీసర్లు వాల్యువేషన్‌ రిపోర్ట్‌ను సిద్ధం చేసి రాష్ట్ర అటవీ శాఖకు పంపిస్తారు. ఇక్కడి నుంచి రాష్ట్ర వన్యప్రాణి బోర్డుకు, కేంద్ర అటవీ పర్యావరణ శాఖకు, కేంద్ర వన్యప్రాణిబోర్డుకు ఈ నివేదికలు పంపించాక, ఈ ప్రాజెక్టు ఎప్పుడు ‘ప్రారంభించాలనే దానిపై నేషనల్‌ హైవేస్‌ అథారిటీ నిర్ణయం తీసుకుంటుంది. ఈ రోడ్డు విస్తరణలో భాగంగా ఎన్ని వేల చెట్లు పోతాయి, వాట విలువ ఏమిటీ, అడవి ఏ మేరకు నష్టపోతుంది, దెబ్బతినే అటవీ భూమి విస్తీర్ణం ఎంత తదితర వివరాలను ఈ నివేదికలో జిల్లా అటవీ అధికారులు పొందుపరుస్తారు. తదనుగుణంగా డబ్బు రూపంలో ఎంత పరిహారమివ్వాలి, కోల్పోయిన అటవీభూమికి ఇతర భూములు ఎక్కడ ఎన్ని ఎకరాల మళ్లించాలి.. తదితర అంశాలపై నేషనల్‌ హైవే నిర్ణయం తీసుకుంటుంది. శని, ఆదివారాల్లోనే రద్దీ... శ్రీశైలంకు వెళ్లే వాహనాల రద్దీ శని, ఆదివారాల్లోనే ఎక్కువగా ఉంటుందనేది అటవీ శాఖ అధికారుల అంచనా. మామూలు రోజుల్లో ఈ దారిలో వెళ్లే వాహనాల సంఖ్య వెయ్యిలోపే ఉంటుందని, వీకెండ్స్, సెలవురోజుల్లో రెండున్నర వేల వరకు వీటి సంఖ్య ఉంటుందని చెబుతున్నారు. అందువల్ల రోడ్డు విస్తరణతో అడవికి నష్టం చేయడం సరికాదని పర్యవరణవేత్తలు కూడా సూచిస్తున్నారు.    విస్తరణ ఎందుకు? ఇరుకైన సింగిల్‌ రోడ్డు వల్ల శ్రీశైలం దేవస్థానానికి వెళ్లే భక్తులకు ఇబ్బందులు కలుగుతున్నాయని నేషనల్‌ హైవేస్‌ అథారిటీ తన ప్రతిపాదనల్లో పేర్కొంది. ఈ రోడ్డులో మూలమలుపులు ఉన్నందున ప్రమాదాలు జరుగుతున్నాయని, వాటిని విస్తరణ ద్వారా సరిచేయాలని తెలిపింది. ఎక్కడి నుంచి ఎక్కడి వరకు? మన్ననూరు గ్రామం నుంచి శ్రీశైలం దేవాలయానికి వెళ్లేందుకు ఉన్న శ్రీశైలం బ్రిడ్జి వరకు రోడ్డు విస్తరణ చేపడతారు. దోమలపెంట గ్రామం వద్ద ఈ రోడ్డు ముగుస్తుంది. ఈ 60 కి.మీ. పరిధి అంతా కూడా ఆమ్రాబాద్‌ టైగర్‌ రిజర్వ్‌ కోర్‌ ఏరియాలోనే ఉంది. రోడ్డు వెడల్పు వల్ల అడవికి, వేలాది చెట్లకు, జంతువులకు, పులుల అభయాణ్యానికి నష్టం జరుగుతుందని పర్యావరణవేత్తలు ఆందోళన చెందుతున్నారు. వాహనాలు పెరిగి కాలుష్య ప్రభావం కూడా ఈ టైగర్‌ రిజర్వ్‌పై పడుతుంది.వాహనాల వేగం పెరిగి జంతువులు ప్రమాదాల బారిన పడే అవకాశం పెరుగుతుంది.  

ఒంగోలు సిటీ:ఒంగోలు నగర శివారు అభివృద్ధిలో వేగం పుంజుకుంది. జాతీయ రహదారిని ఆనుకొని ఉన్న మార్గాల వెంట రాకపోకలు బాగా పెరిగాయి. ఈ నేపథ్యంలోనే జాతీయ రహదారి నుంచి మామిడిపాలెం వయా పోలీసు శిక్షణా కళాశాల మార్గంలో విపరీతమైన ట్రాఫిక్‌ పెరగిపోయింది. ఇక్కడి మట్టిరోడ్డును తారురోడ్డుగా అభివృద్ధి చేయడానికి అంచనాలను తయారు చేశారు. ఎన్నికలకు ముందుగా నగరపాలక సంస్థలో నిధులు ఉండడంతో ఈ మార్గంలోని మట్టిరోడ్డును తారురోడ్డుగా అభివృద్ధికి చేయడానికి నిర్ణయించారు. ఈ ప్రాంతంలో అత్యధికంగా శిక్షణ కానిస్టేబుళ్లు, పోలీసు అధికారులతో పాటు బాణాసంచా గోదాములు, మామిడిపాలెంకు వెళ్లే వారితో రద్దీగా మారింది. రోడ్డు వేయడం అనివార్యమైంది ఎన్నికలు కొద్ది వారాల్లోనే వస్తాయనంగా ఈ రోడ్డు పనికి హడావుడిగా టెండర్లను వేసి పనులు మొదలు పెట్టారు. అనతి కాలంలోనే రోడ్డు పని పూర్తయిందనిపించారు. రోడ్డు వేసిన కొద్ది రోజుల వరకు నిగనిగలాడింది. ఆ తర్వాత ఎండలు మొదలయ్యాయి. ఎండ వేడికి నెర్రెలు బారింది. రోడ్డుమార్గంలో అంతా పగుళ్లు వచ్చేశాయి. మట్టి రోడ్డు ఉన్నప్పుడు వాహనాలు, ద్విచక్రవాహనాలు వెళ్లినా ఇబ్బంది ఉండేది కాదు. ఇప్పుడలా కాదు. ద్విచక్ర వాహనం నెర్రెబారిన రోడ్డులో వెళ్లాలంటే ప్రమాదాలను తప్పించుకొని మరీ వెళ్లాల్సిందే. నిత్యం ప్రమాదాలకు హేతువుగా ఈ రోడ్డు మారింది. రూ. కోటిపైనే నెర్రెపాలు.. జాతీయ రహదారి అభివృద్ధి పనులకు సుమారు రూ.కోటిపైనే నిధులను వెచ్చించారు. వేసిన రోడ్డు వేసినట్టే దెబ్బతింది. ప్రజల డబ్బు మొత్తం వృథా అయింది. సుమారు నాలుగున్నర కిలోమీటర్ల పొడవునా ఈ రోడ్డును నిర్మించారు. మట్టి రోడ్డుపై ముందు వెట్‌మిక్స్‌ వేసి రోడ్డును అభివృద్ధి చేశారు. మట్టిరోడ్డుపై ఒక పొర వెట్‌మిక్స్‌ వేసి ఆ తర్వాత రెండు పొరలు తారు రోడ్డు వేశారు. ఈ ప్రాంతం చౌడునేల. మెతక స్వభావంతో ఉంటుంది. ఇక్కడ రోడ్డు వేయడానికి సాంకేతికంగా కొన్ని అంశాలను పరిగణలోకి తీసుకొని పటిష్ట పరిచి ఆ తర్వాత రోడ్డు అభివృద్ధి పనులు చేయాలి.  రోడ్డు ప్రతిపాదించిన సమయానికి సమయం అంతగా లేదు. అందుబాటులో నిధులు ఉన్నాయి. ఇంకేం వెంటనే తారు పరిచి రోడ్డు వేస్తే పోలా అనుకున్నారేమో చకచకా పనులు కానిచ్చేశారు. కొద్ది రోజులకే బయటపడిన డొల్లతనం.. రోడ్డు వేసిన కొద్ది రోజులకే ఎండ వేడికి తారు మెతకబడి తారు బయటకు వచ్చింది. తారు ఉష్ణోగ్రతల దెబ్బకి బురబురలాడి పనిలోని డొల్లతనాన్ని బయటవేసింది. ఎక్కడిక్కడే రోడ్డు బద్దలుగా విరిగింది. రోడ్డు మార్గంలో పలు చోట్ల నెర్రెబారింది. ఈ  ప్రాంతంలో నిత్యం వందలాది వాహనాలు రాకపోకలు సాగిస్తున్నాయి. మట్టి రోడ్డు ఉన్నప్పుడు దర్జాగా వాహనాలు వచ్చేవి. ఇప్పుడు వాహనాలు రావాలంటే ఎక్కడ బండి పడిపోతుందోనని భయపడుతున్నారు. రోడ్డు పనిలో నాణ్యతకు తిలోదకాలు ఇచ్చారు. ఎక్కడ నాణ్యతలను పాటించలేదు. కాంట్రాక్టర్‌కు లాభం చేకూర్చడానికి, అధికారులు తమ పర్సంటేజీలను దండుకొనేందుకే తూతూ మంత్రంగానే రోడ్డు పనిని కానిచ్చేశారన్న ఆరోపణలు ఉన్నాయి. కొద్ది రోజులకు కనుమరుగు.. రానున్న కొద్దిరోజులకే రోడ్డు కనుమరుగయ్యే సూచనలు కన్పిస్తున్నాయి. ఎండ వేడికే నెర్రెబారిన రోడ్డు కాస్త చినుకులు పడ్డాయంటే ఇక రోడ్డు తారు లేచి పోవడం ఖాయమంటున్నారు. తేలికపాటి వర్షం కురిసినా రోడ్డుపై తారు లేచిపోతుందని అంటున్నారు. వర్షాకాలం మొదలయ్యేలోగానే రూ. కోటి రోడ్డు కన్పించకుండా పోతుందన్న వ్యాఖ్యానాలు స్థానికుల నుంచి నెలకున్నాయి. జాతీయ రహదారి నుంచి మామిడిపాలెం మార్గంలో వేసిన రోడ్డు పనిలో నాణ్యత విషయంలో అడుగడుగునా లోపాలే ఉన్నాయన్న విమర్శలు ఉన్నాయి. ఉన్నతాధికారులు కల్పించుకొని విచారిస్తేనే రోడ్డు నాణ్యత విషయంలోని డొల్లతనం బయటపడుతుందని వ్యాఖ్యానిస్తున్నారు.

సాక్షి, గుంటూరు: ‘అన్నీ ఉన్నా అల్లుడి నోట్లో శని’ ఉందన్న సామెతకు గుంటూరు నగరపాలక సంస్థ పరిధిలో నిర్వహిస్తున్న అభివృద్ధి పనులు అద్దం పడుతున్నాయి. నిధులు ఉన్నా కార్పొరేషన్‌ కమిషనర్, కాంట్రాక్టర్ల మధ్య విభేదాలతో ఎక్కడి పనులు అక్కడ నిలిచిపోయాయి. బిల్లులు ఇస్తేనే చేస్తామంటూ కాంట్రాక్టర్లు.. ఇంజినీరింగ్‌ అధికారులతో కుమ్మక్కై ఇష్టానుసారం చేస్తుండటం వల్లే ఇవ్వకుండా తిప్పుతున్నామంటూ కమిషనర్‌ భీష్మించి కూర్చోవడంతో నగరంలో పలు అభివృద్ధి పనులు నిలిచిపోయాయి. పనుల దగ్గరకు రాకుండానే ఆరోపణలు ఎలా చేస్తారంటూ కాంట్రాక్టర్లు కమిషనర్‌పై మండిపడుతున్నారు. బిల్లులు చెల్లించాలంటూ వెళ్లిన తమపై కమిషనర్‌ అవమానకరంగా ప్రవర్తించారంటూ కాంట్రాక్టర్స్‌ అసోసియేషన్‌ నాయకులు ఆరోపిస్తున్నారు. జిల్లా కలెక్టర్, కార్పొరేషన్‌ ప్రత్యేక అధికారి కోన శశిధర్‌తోపాటు, సీఎస్‌ను కలసి ఫిర్యాదు చేసేందుకు సమాయత్తం అవుతుండటంతో వివాదం ముదిరి పాకాన పడింది. దీనికి తోడు ప్రభుత్వం కార్పొరేషన్‌ నిధుల్ని సైతం పసుపుకుంకుమ వంటి పథకాలకు మళ్లించడంతో ఖజానా ఖాళీ అయి కనీసం జీతాలు కూడా ఇవ్వలేని పరిస్థితి నెలకొంది. ఈ కారణంగానే కమిషనర్‌ బిల్లులు పెట్టడం లేదనే వాదనలు ఉన్నాయి. ఏదేమైనా కమిషనర్‌ వర్సెస్‌ కాంట్రాక్టర్స్‌ పోరు నగర ప్రజలకు శాపంగా మారిందని చెప్పవచ్చు. ఆచితూచి వ్యవహరిస్తున్న కమిషనర్‌ గుంటూరు నగరపాలక సంస్థ కమిషనర్‌గా శ్రీకేష్‌ లఠ్కర్‌ ఏడాది కిందట బాధ్యతలు చేపట్టారు. ఇంజినీరింగ్‌ అధికారుల నిర్లక్ష్యం వల్లే గత కమిషనర్‌పై వేటు పడిందనే విషయం తెలుసుకున్న ఆయన మొదటి నుంచి ఇంజినీరింగ్‌ అధికారులు పెట్టే బిల్లులపై కొర్రీలు వేస్తూ వస్తున్నారు. కొందరు కాంట్రాక్టర్లతో అధికారులు కుమ్మక్కై అడ్డగోలుగా పనులు నిర్వహిస్తున్నారనే ఆరోపణలు రావడంతో మరింత కఠినంగా వ్యవహరిస్తున్నారు. గత డిసెంబరు నుంచి బిల్లులన్నీ పెండింగ్‌లో పెట్టడంతో కోట్ల రూపాయలు పెట్టుబడులు పెట్టి పనులు నిర్వహిస్తున్న కాంట్రాక్టర్లు తీవ్ర ఇబ్బందులు పడుతున్నారు. నిజంగా వారు పనుల్ని నాసిరకంగా నిర్వహించారనే అనుమానం వస్తే క్షుణ్ణంగా పరిశీలించి చర్యలు చేపట్టడం, బాగా చేసిన వారికి ఎప్పటికప్పుడు బిల్లులు చెల్లించడం చేస్తే ఇబ్బందులు లేకుండా ఉండేవని పలువురు అభిప్రాయ పడుతున్నారు. కాని అందరినీ ఒకే విధంగా భావించి నిలిపివేయడంపై తీవ్ర అభ్యంతరాలు వ్యక్తమవుతున్నాయి. కమిషనర్‌ తీరుపై మండిపడుతున్న కాంట్రాక్టర్లు నగరపాలక సంస్థ పరిధిలో అభివృద్ధి పనులు చేస్తున్న కాంట్రాక్టర్లకు సుమారు రూ. 100 కోట్ల వరకు బకాయిలు ఉండటంతో బుధవారం అసోసియేషన్‌ నాయకులు కమిషనర్‌ను కలసి బిల్లులు చెల్లించాలని కోరేందుకు వెళ్లారు. అయితే, ఆ సమయంలో సైతం తమను అవమానకరంగా మాట్లాడారంటూ అసోసియేషన్‌ నేతలు మండి పడుతున్నారు. కక్ష సాధింపు చర్యలకు దిగుతున్న కమిషనర్‌పై కలెక్టర్,  సీఎస్‌లకు ఫిర్యాదు చేసేందుకు కాంట్రాక్టర్ల అసోసియేషన్‌ నాయకులు సమాయత్తం అవుతున్నట్లు సమాచారం. ముఖ్యంగా 14వ ఆర్థిక సంఘం, ఎస్సీ, ఎస్టీ సబ్‌ ప్లాన్‌ నిధులతో పూర్తిచేసిన పనులకు సైతం సుమారుగా రూ. 25 కోట్ల వరకు బిల్లులు చెల్లించకుండా కమిషనర్‌ నిలిపివేయడంపై కాంట్రాక్టర్లు మండిపడుతున్నారు. ఇంజినీరింగ్‌ అధికారులు పనుల్ని పరిశీలించి బిల్లులు చెల్లించాలంటూ పంపిన 80 ఫైళ్లను ఒకేసారి వెనక్కు పంపడం చూస్తుంటే కమిషనర్‌ ఇంజినీరింగ్‌ అధికారులు, కాంట్రాక్టర్లపై ఏస్థాయిలో ఆగ్రహంతో ఉన్నారో అర్థమవుతోంది. నిలిచిపోయిన అభివృద్ధి పనులు గుంటూరు నగరపాలక సంస్థ కమిషనర్, కాంట్రాక్టర్ల మధ్య జరుగుతున్న ప్రచ్ఛన్న యుద్ధం ఎఫెక్ట్‌ నగరంలో జరుగుతున్న అభివృద్ధి పనులపై పడింది. కొంత మేర పనులు నిర్వహించినప్పటికీ బిల్లులు చెల్లించకుండా కమిషనర్‌ ఇబ్బందులు పెడుతున్నారంటూ కాంట్రాక్టర్లు నిలిపివేశారు. ముఖ్యంగా లాల్‌పురం రోడ్డు విస్తరణ, డ్రెయిన్‌ నిర్మాణ పనులు చేపట్టేందుకు రూ. 6 కోట్లు మంజూరయ్యాయి. కొంత మేర పూర్తయినప్పటికీ బిల్లులు చెల్లించకపోవడంతో కాంట్రాక్టర్‌ నిలిపివేశారు. పొన్నూరు రోడ్డు, విజయవాడ రోడ్లలో డివైడర్‌ నిర్మాణంతోపాటు, సెంట్రల్‌ లైటింగ్‌ పనులు నిర్వహిస్తున్న కాంట్రాక్టర్లకు సైతం పార్ట్‌ బిల్లులు చెల్లించకపోవడంతో నిలిపివేశారు. రింగ్‌రోడ్డు రోడ్డు విస్తరణ పనులు సైతం మధ్యలోనే ఆగిపోయాయి. అధికారులు, కాంట్రాక్టర్ల మధ్య జరుగుతున్న గొడవలు నగరంలో పనులు నిలిచిపోయే స్థాయికి వెళ్లడం నగర ప్రజల్ని ఆందోళనకు గురి చేస్తోంది. 

పాల్వంచరూరల్‌:  భద్రాచలం జాతీయ రహదారి నిర్మాణ పనులు ప్రారంభమై మూడేళ్లు గడుస్తున్నా ఇంకా నత్తనడకనే సాగుతున్నాయి. దీంతో ప్రయాణికుల రాకపోకలకు తీవ్రంగా ఇబ్బంది కలుగుతోంది. పెంచిన గడువు ప్రకారం గత మార్చి నెలాఖరు నాటికే పనులు పూర్తి కావాల్సి ఉండగా కాంట్రాక్టర్, అధికారుల  నిర్లక్ష్యంతో తీవ్ర జాప్యం జరుగుతోంది. మూడవ ప్యాకేజీ కింద సుమారు రూ.229 కోట్ల వ్యయంతో సారపాక నుంచి రుద్రంపూర్‌ వరకు 42 కిలోమీటర్ల మేర ఫోర్‌ లేన్‌ జాతీయ రహదారి పనులు సాగుతున్నాయి. 2017 నాటికే ఈ పనులు పూర్తి కావాల్సి ఉన్నా.. ఇప్పటికి 36 కిలోమీటర్ల వరకు మాత్రమే రోడ్డు నిర్మించారు. ఇంకా 6 కిలోమీటర్ల రహదారి పనులు చేపట్టాల్సి ఉంది. మొర్రేడు, గోధుమ వాగులపై రెండు బ్రిడ్జీలు కూడా నిర్మించాల్సి ఉంది. ఇవి కాకుండా పెద్దమ్మగుడి సమీపంలో కల్వర్టు పనులు చేపట్టాలి. ఇల్లెందు క్రాస్‌ రోడ్డు నుంచి సింగరేణి గెస్ట్‌ హౌస్‌ వరకు ఒకవైపు రహదారి పనులు ఇప్పుడిప్పుడే మొదలుపెట్టారు. రామవరం వద్ద గోధుమ వాగుపై బ్రిడ్జి పనులు ఇంకా పూర్తి కాలేదు. గోదావరి బ్రిడ్జిదీ ఇదే దుస్థితి..   భద్రాచలం వద్ద గోదావరిపై నిర్మిస్తున్న రెండో బ్రిడ్జి పనులు సైతం నత్తనడకనే సాగుతున్నాయి. ఇక జాతీయ రహదారికి ఇరువైపులా డ్రైనేజీ పనులు కూడా అస్తవ్యస్తంగానే చేశారు. 54 కిలోమీటర్ల దూరం డ్రైనేజీ నిర్మాణ పనులు చేపట్టాల్సి ఉండగా, ఇప్పటి వరకు 24 కిలోమీటర్లు మాత్రమే పూర్తి చేశారు. ఇంకా 30 కిలోమీటర్ల మేర పనులు చేయాల్సి ఉంది. పెద్దమ్మగుడి ఎదుట ఇంకా నిర్మాణ పనులు పూర్తికాలేదు. ఆరోగ్యమాత చర్చి నుంచి సీ కాలనీ గేటు, బస్టాండ్‌ సెంటర్‌ నుంచి దమ్మపేట సెంటర్‌ వరకు పూర్తిస్థాయిలో రోడ్డు నిర్మించలేదు. అయితే ఒకవైపు రోడ్డు ఎత్తుగా, మరోవైపు తక్కువ ఎత్తు ఉండటంతో వాహనదారులకు ప్రమాదకరంగా మారింది. పెద్దమ్మగుడి సమీపంలోని జగన్నాధపురంలో ఒకవైపు రోడ్డు నిర్మాణం కోసం గుంతలు తవ్వి నిర్లక్ష్యంగా వదిలేశారు. పనులు చేసే మార్గంలో హెచ్చరిక బోర్డులు కూడా ఏర్పాటు చేయలేదు. కేవలం ఇసుక బస్తాలను కొన్ని చోట్ల, డ్రమ్ములను మరికొన్ని చోట్ల పెట్టారు. దీంతో రాత్రి వేళల్లో వాహనాల రాకపోకలకు తీవ్ర అంతరాయం ఏర్పడుతోంది. హైవే పనులు నత్తనడకన సాగుతున్నా సంబంధిత అధికారులు పట్టించుకోవడం లేదనే ఆరోపణలు వెల్లువెత్తుతున్నాయి. 2017 జూలై నాటి రహదారి నిర్మాణ పనులు పూర్తి చేయాలనే ఒప్పందం ఉండగా, జాప్యం కావడంతో అ«ధికారులు గడువును ఏడాది పాటు పొడిగించారు. అది కూడా పూర్తయినా.. పరిస్థితి ఎక్కడ వేసిన గొంగళి అక్కడే అన్న చందంగా మారింది. ఇక రోడ్డు పనులు నిలిపిన చోట హెచ్చరిక బోర్డులుగా రేడియం స్టిక్కర్లు ఏర్పాటు చేయక పోవడంతో రాత్రి వేళల్లో ప్రమాదాలు జరుగుతున్నాయి.   అస్తవ్యస్తంగా ఫుట్‌పాత్‌ నిర్మాణం.. జాతీయ రహదారి నిర్మాణం పనులు అస్తవ్యస్తంగా ఉన్నాయనే ఆరోపణలు వస్తుండగా.. ఫుట్‌పాత్‌ పనులు మరీ దారుణంగా ఉన్నాయని పలువురు ఆవేదన వ్యక్తం చేస్తున్నారు. పుట్‌ఫాత్‌ నిర్మాణం చేసిన తర్వాత క్యూరింగ్‌ చేయక పోవడం, పటిష్టంగా నిర్మించకపోవడంతో అక్కడక్కడ ఇటుకలు లేచి పోతున్నాయి. ఇప్పటికైనా అధికారులు స్పందించి ఫుట్‌ఫాత్‌ నిర్మాణ పనులను పటిష్టంగా చేపట్టాలని స్థానికులు కోరుతున్నారు.   త్వరగా పూర్తిచేయాలి  భద్రాచలం నుంచి రుద్రంపూర్‌ వరకు నాలుగు సంవత్సరాల క్రితం చేపట్టిన హైవే రోడ్డు నేటికీ పూర్తి కాలేదు. చేస్తున్న పనుల్లోనూ నాణ్యత లేదనే  అనుమానాలు ఉన్నాయి. ఇప్పటికైనా అధికారులు స్పందించి పనులు త్వరగా, నాణ్యంగా చేపట్టాలి.   – షఫీ, రామవరం ఇంకెన్నాళ్లకు పూర్తి చేస్తారో  జాతీయ రహదారి పనులు నత్తడకన సాగుతున్నాయి. దీంతో వాహనాల రాకపోకలకు ప్రమాదకరంగా మారింది. ఫుట్‌ఫాత్‌ పనులు కూడా సక్రమంగా నిర్వహించడం లేదు. వేసవిలో క్యూరింగ్‌ లేకుండా పనులు చేస్తున్నారు.   – రాము, పాల్వంచ రెండు వాగులపై బ్రిడ్జీలు నిర్మించాల్సి ఉంది  జాతీయ రహదారి నిర్మాణ పనులు అపకుండా నిర్వహిస్తున్నాం. దాదాపుగా పూర్తి కావచ్చాయి. మొర్రేడు వాగు, గోధుమ వాగులపై రెండు బ్రిడ్జీలను  నిర్మించాల్సి ఉంది. మూడు నెలల్లో ఈ పనులు పూర్తిచేస్తాం. గోదావరి నదిపై కూడా బ్రిడ్జి నిర్మాణం అక్టోబర్‌ నాటికి పూర్తి చేస్తాం. ఈ ఏడాది జనవరి నాటికి రోడ్డు పనులు పూర్తి చేయకపోవడంతో కాంట్రాక్టర్‌కు పదిశాతం అపరాధ రుసుం విధించాం. – వెంకటేశ్వరరావు, హైవే ఈఈ    

నీటివనరుల పరిరక్షణ, మత్స్య సంపద పెంపు, వ్యవసాయానికి భరోసాతోపాటు ప్రజలకు ఆహ్లాదాన్ని పంచే లక్ష్యంతో రాష్ట్ర ప్రభుత్వం మిషన్‌ కాకతీయ కింద చేపట్టిన మినీ ట్యాంక్‌బండ్‌ల నిర్మాణాలు జిల్లాలో పూర్తికావొచ్చాయి. సివిల్‌ వర్క్స్‌ పూర్తి కాగా.. పర్యాటక శాఖ  ఆధ్వర్యంలో తుదిమెరుగులు దిద్దనున్నారు. మరో నెల, రెండు నెలల్లో అంటే వర్షాకాలంలో మెతుకు సీమ ఆహ్లాదసీమగా మారనుంది. దీంతో ప్రజల్లో హర్షాతిరేకాలు వ్యక్తమవుతున్నాయి.          సాక్షి, మెదక్‌ : మిషన్‌ కాకతీయ పథకంలో భాగంగా రాష్ట్ర ప్రభుత్వం 2015లో  ప్రతిష్టాత్మకంగా మినీ ట్యాంక్‌బండ్‌ల నిర్మాణానికి శ్రీకారం చుట్టింది. నియోజకవర్గానికి ఒకటి చొప్పున అందుబాటులో ఉన్న పెద్ద చెరువులను ఎంపిక చేసి.. విడతల వారీగా అభివృద్ధి చేయాలని సంకల్పించిన విషయం తెలిసిందే. ఈ మేరకు జిల్లా కేంద్రం, మెదక్‌ నియోజకవర్గ పరిధిలోని పిట్లం, గోసముద్రం మినీ ట్యాంక్‌బండ్‌ పనులు తుది దశలో కొనసాగుతున్నాయి. దీంతోపాటు నర్సాపూర్‌లోని రాయరావు  చెరువు బ్యూటిఫికేషన్‌ సైతం పూర్తయింది. ఈ నేపథ్యంలో జిల్లా ప్రత్యేక శోభను సంతరించుకోనుంది. సకాలంలో వర్షాలు కురిస్తే... జూన్‌ లేదా జూలై నుంచి ప్రతి రోజూ ‘మినీ’జాతరేనని అధికారులు భావిస్తున్నారు. పిట్లం, గోసముద్రం కలిపి.. మెదక్‌ పట్టణ సమీపంలోని పిట్లం, గోసముద్రం చెరువులు రెండింటినీ కలిపి మినీ ట్యాంక్‌బండ్‌గా అభివృద్ధి చేసేందుకు 2016లో అనుమతులు వచ్చాయి. ఈ మేరకు రూ.9.52 కోట్లు మంజూరు కాగా.. మిషన్‌ కాకతీయ పథకంలో సివిల్‌ వర్క్స్‌ చేపట్టారు. ఈ పనులు తుది దశలో ఉన్నాయి. ఇప్పటివరకు సుమారు రూ.7 కోట్ల వ్యయమైనట్లు అధికారులు చెబుతున్నారు. కట్టల బలోపేతం, వెడల్పు, జంక్షన్‌ పాయింట్ల నిర్మాణాలు చేశారు. కట్టపైన రెయిలింగ్‌ పనులు కొనసాగుతున్నాయి. ఈ లెక్కన సివిల్‌ వర్క్స్‌ పూర్తయినట్లే. ఆ తర్వాత పర్యాటక శాఖ ఆధ్వర్యంలో గ్రీనరీ, అలంకరణ, వసతుల కల్పన వంటి పనులు చేపట్టాల్సి ఉంది. ఇది పూర్తయితే పిట్లం, గోసముద్రం మినీ ట్యాంక్‌ బండ్‌ అందుబాటులోకి వచ్చినట్లే. మల్లెచెరువుకు మహర్దశ మరోవైపు మెదక్‌ నియోజకవర్గంలోని రామాయంపేటలో ఉన్న మల్లెచెరువును సైతం మినీట్యాంక్‌బండ్‌గా మార్చేందుకు ప్రభుత్వం గ్రీన్‌సిగ్నల్‌ ఇచ్చింది. మొదటి దఫాలో రూ.3 కోట్ల పైచిలుకు నిధులు మంజూరు కాగా.. పనులు గత నెలలో ప్రారంభమయ్యాయి. ప్రస్తుతం కట్టపై బ్రిడ్జి నిర్మాణంతోపాటు కట్ట వెడల్పు పనులు కొనసాగుతున్నాయి. ఇది కూడా నెల, రెండు నెలల్లో పూర్తి కానున్నట్లు అధికారులు చెబుతున్నారు. ఇది పూర్తయితే పట్టణ ప్రజలకు ప్రధానంగా మురికి నీటి సమస్య తొలగడంతోపాటు ఆహ్లాదకర వాతావరణం అందుబాటులోకి రానుంది. ‘రాయరావు’ అందం చూడతరమా.. నర్సాపూర్‌ నియోజకవర్గంలోని రాయరావు చెరువు బ్యూటిఫికేషన్‌కు తొలివిడతగా రూ.2.90 కోట్లు మంజూరయ్యాయి. ఈ నిధులతో చెరువు కట్ట బలోపేతం, పంట కాల్వల నిర్మాణంతోపాటు బతుకమ్మ పండుగకు సంబంధించిన ఏర్పాట్లు చేశారు. దీంతోపాటు నర్సాపూర్‌కు చెందిన జెడ్పీ చైర్‌పర్సన్‌ రాజమణిమురళీధర్‌ యాదవ్‌ దంపతులు తమ కుమారుడు అజయ్‌ యాదవ్‌ స్మారక ట్రస్టు ఆధ్వర్యంలో చెరువు కట్టపై పలు అభివృద్ధి పనులు చేపట్టారు. పట్టణ పరిధిలోని బీవీ రాజు ఇంజినీరింగ్‌ కాలేజీ యాజమాన్యం సహకారంతో కట్టపై విద్యుద్దీకరణ, వాకింగ్‌ ట్రాక్, కట్టపై గ్రిల్స్‌ ఏర్పాటు, మొక్కలు నాటడం, బెంచీల ఏర్పాటు, ఓపెన్‌ జిమ్‌ పరికరాలు ఏర్పాటు చేశారు. ఈ క్రమంలో రాయరావు చెరువు బ్యూటిఫికేషన్‌ పూర్తి కాగా.. మినీ ట్యాంక్‌బండ్‌ అభివృద్ధికి నిధులు మంజూరు చేయాలని ప్రభుత్వానికి అధికారులు ప్రతిపాదించే యోచనలో ఉన్నారు. కౌడిపల్లి చెరువు.. నర్సాపూర్‌ నియోజకవర్గం కౌడిపల్లిలోని పెద్దచెరువును సైతం మినీట్యాంక్‌ బండ్‌గా మార్చే పనులు సాగుతున్నాయి. గతంలోనే రూ.4 కోట్లు మంజూరు కాగా..  కట్ట బలోపేతం వంటి తదితర పనులు చేపట్టారు. కట్టపై సీసీ రోడ్డు నిర్మాణం తదితర పనులు అలాగే ఉన్నాయి. ఇది మిషన్‌ కాకతీయ పథకంలో లేనందున నిధుల లేమి సమస్య ఏర్పడినట్లు తెలుస్తోంది. దీని కోసం నిధులు మంజూరు చేయాలని ప్రభుత్వానికి అధికారులు ప్రతిపాదనలు చేసినట్లు సమాచారం. తూప్రాన్‌ పెద్దచెరువు.. గజ్వేల్‌ నియోజకవర్గ పరిధిలో ఉన్న తూప్రాన్‌ మండలం జిల్లాల విభజనలో మెదక్‌లో చేరింది. ఇక్కడ పెద్దచెరువును మినీట్యాంక్‌బండ్‌గా మార్చాలని సంకల్పించారు. రూ.7 కోట్ల వ్యయంతో బ్యూటిఫికేషన్‌ పనులు చేపట్టారు. పనులు దాదాపు  పూర్తయ్యే దశకు చేరుకున్నాయి. తాజాగా.. మినీట్యాంక్‌ బండ్‌గా మార్చేందుకు రూ.4 కోట్లు అవసరమవుతాయని రాష్ట్ర ప్రభుత్వానికి ప్రతిపాదించారు. నిధులు విడుదల కాగానే.. మిగిలిన పనులు పూర్తిచేయనున్నట్లు అధికారులు తెలిపారు.

సాక్షి, సింగరాయకొండ (ప్రకాశం): రూపాయి..రెండు రూపాయలు కాదు..ఏకంగా రూ.80 లక్షలు..అందులో రూ.40 లక్షలు దాతలు ఇచ్చినవి.. మరో రూ.40 లక్షలు రూర్బన్‌ నిధులు. ఆ డబ్బులతో ఏం చేస్తున్నారో..ఎవరికీ అర్థం కాని పరిస్థితి. ఆ పనులకు ఓ పద్ధతి పాడు ఉండదు. ఇక నాణ్యత అనేది బూతద్దం వేసి వెతికినా కనిపించదు. కాంట్రాక్టర్‌ ఏం చేసినా ఎవ్వరూ అడ్డుచెప్పరు. పనులను పర్యవేక్షించే అధికారులు లేరు..బాధ్యత వహించే ప్రజాప్రతినిధులు కనిపించరు. సింగరాయకొండలో జాతీయ రహదారిని దాతల సహాయంతో స్మార్ట్‌ రోడ్డుగా నిర్మించేందుకు సుమారు రూ.40 లక్షలకుపైగా నిధులు వసూలు చేశారు. ఆ నగదుతో రోడ్డు పనులు ప్రారంభించి పూర్తి చేయకుండానే అర్థాంతరంగా నిలిపివేశారు. ఇప్పుడు రూర్బన్‌ పథకం కింద సుమారు రూ.40 లక్షలు నిధులు మంజూరు చేయించి అదే రోడ్డును తారుతో వెడల్పు చేయడంతో పాటు, మధ్యలో డివైడర్‌ను నిర్మిస్తున్నారు. అయితే రోడ్డు నిర్మాణంలో కమీషన్ల కారణంగా అటు అధికారులు, ఇటు ప్రజాప్రతినిధులు ఎవ్వరూ కన్నెత్తి చూడటం లేదు. దీంతో పనులు నాసిరకంగా జరుగుతున్నాయని ప్రజలు ఆరోపిస్తున్నారు. ఆ నిధులు ఏమయ్యాయో..? మూడేళ్ల క్రితం ముఖ్యమంత్రి చంద్రబాబునాయుడు దాతల సహాయంతో గ్రామాల్లో స్మార్ట్‌ రోడ్లు నిర్మించి ప్రజలను భాగస్వాములను చేయాలని సూచించారు. దీంతో ఎమ్మెల్యే స్వామి నియోజకవర్గస్థాయి అధికారులతో ప్రత్యేకంగా సమావేశం నిర్వహించి స్థానికంగా ఉన్న జాతీయరహదారిని వెడల్పు చేయడంతో పాటు మధ్యలో డివైడర్‌ నిర్మించి సెంట్రల్‌ లైటింగ్‌ ఏర్పాటు చేయాలని సూచించారు. దీంతో అప్పటికప్పుడు అధికారులు సుమారు రూ.40 లక్షల అవసరమవుతుందని ప్రతిపాదనలు చేశారు. ఈ ప్రకారం మండలంలోని ఫ్యాక్టరీలు, వ్యాపార సంస్థలు, దాతల నుంచి నిధులు సమీకరించే పనిచేపట్టారు. ఓ పక్క నిధులు సమీకరిస్తూనే మరో పక్క రోడ్డు పనులు చేపట్టారు. నిధులు సేకరణ పూర్తయినా రోడ్డు మాత్రం ఇరువైపులా తవ్వి కంకర వేసి రోలింగ్‌ చేసి వదిలేశారు. ఇప్పుడు మరలా అదే రోడ్డుకు మరల రూ.40 లక్షలు మంజూరు చేశారు. ఈ నిధులతో సుమారు 1.20 కిలోమీటర్ల దూరం స్టేట్‌ బ్యాంకు దగ్గర నుంచి పాకల రోడ్డు వరకు ఇరువైపులా తారురోడ్డు వేయడంతో పాటు మధ్యలో డివైడర్, సెంట్రల్‌ లైటింగ్‌ ఏర్పాటు చేయాలని ప్రతిపాదనలు సిద్ధం చేసి టెండర్లు పిలిచారు. ఇటీవల టెండర్లు వేసిన కాంట్రాక్టరు పనులు ప్రారంభించాడు. అయితే రోడ్డు వెడల్పుకు రూ.18 లక్షలు, డివైడర్, సెంట్రల్‌ లైటింగ్‌కు రూ.22 లక్షలు ఖర్చు అవుతుందని అధికారులు తెలిపారు. ఇష్టారాజ్యంగా డివైడర్‌ నిర్మాణం.. డివైడర్‌ నిర్మాణంపై కూడా ప్రజలు అభ్యంతరాలు వ్యక్తం చేస్తున్నారు. డివైడర్‌ నిర్మించే చోట గతంలో ఉన్న రోడ్డును పూర్తిగా తొలగించాల్సి ఉంది. అప్పుడే డివైడర్‌ మధ్యలో మొక్కలు వేసినపుడు అవి బాగా పెరగటానికి అవకాశం ఉంటుంది. అయితే గతంలో రైల్వేస్టేషన్‌ రోడ్డులో వేసినట్లు రోడ్డు తొలగించకుండానే డివైడర్‌ నిర్మిస్తుండటాన్ని స్థానికులు తీవ్రంగా వ్యతిరేకిస్తున్నారు. అంతేకాక విద్యుత్‌ స్తంభాలు తొలగించకుండా రోడ్డు వెడల్పు చేయటంతో లారీల వంటి వాహనాలను రోడ్డు పై నిలుపుతున్నారని, దీనికి తోడు డివైడర్‌ కారణంగా రోడ్డు కుదించుకుపోయి ట్రాఫిక్‌ సమస్యలు తలెత్తే ప్రమాదం ఉందని ప్రజలు అధికారుల పనితీరును విమర్శిస్తున్నారు. నాసిరకంగా అభివృద్ధి పనులు..  ఎట్టకేలకు రోడ్డు అభివృద్ధి పనులు ప్రారంభం కావడంతో జాతీయ రహదారిని సర్వాంగసుందరంగా తీర్చిదిద్దుతారని అందరు ఆనందపడ్డారు. అయితే వీరి ఆశలు అడియాశలయ్యాయి. వాస్తవానికి మొదట రోడ్డు మార్జిన్లో ఉన్న కరెంటు స్తంభాలను, విద్యుత్‌ ట్రాన్స్‌ఫారాలను తొలగించి దూరంగా ఏర్పాటు చేయాల్సి ఉంది. ఆ తరువాతే రోడ్డు పనులు ప్రారంభించాలి. కానీ అవేమి చేయకుండా రోడ్డు పనులు చేపట్టారు. దీంతో అజాగ్రత్తగా ఉంటే విద్యుత్‌ ట్రాన్స్‌ఫారాల వల్ల ప్రమాదాలు జరిగే అవకాశం ఉందని వాహనదారులు ఆందోళన వ్యక్తం చేస్తున్నారు. డిసెంబర్‌లో పనులు ప్రారంభించగా..మొదట జేసీబీతో రోడ్డును తవ్విన తర్వాత క్యూరింగ్‌ చేయకుండా తూతూ మంత్రంగా రోలింగ్‌ చేసి వదిలేశారు. తరువాత ఒకటిన్నర నెలల తరువాత రోడ్డు మార్జిన్లలో ఉన్న మట్టి పైనే నీటితో నామమాత్రంగా క్యూరింగ్‌ చేసి తరువాత తారు చల్లి రోడ్డు నిర్మాణం చేస్తున్నారు. అయితే రోడ్డు నిర్మాణంలో ఉపయోగించిన తారులో నాణ్యత లేదని ప్రజలు ఆరోపిస్తున్నారు. రోడ్డు వేసిన తరువాత రోజే తారు లేచిపోతుందని మోటార్‌సైకిల్‌ స్టాండ్‌ వేస్తేనే గుంటలు పడుతుందని ప్రజలు ఆరోపిస్తున్నారు. అంతేకాక రోడ్డు నిర్మాణం కూడా ఇష్టారాజ్యంగా చేస్తుండటంతో సిమెంట్‌ రోడ్డు కన్నా తారు రోడ్డు ఎత్తుగా ఉంటుందని, దీంతో చిన్నపాటి వర్షం కురిసినా నీరు రోడ్డు పై నిలిచి రోడ్డు ధ్వంసమయ్యే అవకాశ ముందని ప్రజలు ఆరోపిస్తున్నారు. పనులు అధ్వానంగా ఉన్నాయి  జాతీయరహదారి అభివృద్ధి  పనులు అధ్వాన్నంగా ఉన్నాయి. నాసిరకం తారు వాడుతున్నారు. దీన్ని ఎవ్వరూ పట్టించుఐకోవడం లేదు. దీనికి తోడు మార్జిన్లో వేసే రోడ్డు ఎత్తుగా ఉంది. దీంతో చిన్న వర్షానికి కూడా రోడ్డు పై నీరు నిలిచి రోడ్డు పాడయ్యే అవకాశం ఉంది. - తెనాలి రామస్వామి, సింగరాయకొండ నాణ్యత లోపించింది జాతీయరహదారి అభివృద్ధి పనుల్లో నాణ్యత లోపించింది. కొత్తగా వేసిన రోడ్డుపై మోటారుసైకిల్‌ స్టాండు వేస్తేనే గుంట పడుతుంది. రోడ్డు మార్జిన్లలోని విద్యుత్‌ స్తంభాలు తొలగించకుండా రోడ్డు వెడల్పుతో ప్రమాదాలు జరిగే అవకాశం ఉంది. ఈ రోడ్డు ఎన్నికల కోసం వేస్తున్న రోడ్డులాగా ఉంది తప్ప ప్రజలకొరకు వేస్తున్న రోడ్డులా లేదు. - షేక్‌ లియాఖత్, మాజీ ఏఎంసీ వైస్‌చైర్మన్, సింగరాయకొండ

ఆయన ఒక ప్రజాప్రతినిధి. ప్రజల బాగోగుల గురించి పట్టించుకోవాల్సిన వ్యక్తి. మూడేళ్లుగా రోడ్డు పనులు చేయించకపోవడంపై స్థానికలు నిలదీయడంతో విచక్షణ కోల్పోయారు. ఈ సంఘటనను చిత్రీకరిస్తున్న సాక్షి విలేకరిపై చిందులేశారు. వార్త రాసి ఏం పీకుతారంటూ అసభ్య పదజాలంతో దూషించారు. ఈ సంఘటన పెద్దమండ్యం మండలంలో బుధవారం జరిగింది. ఎమ్మెల్యే శంకర్‌యాదవ్‌ తీరుపై ప్రజలు ఆగ్రహం వ్యక్తం చేశారు. చిత్తూరు, పెద్దమండ్యం: మండలంలోని మందలవారిపల్లె నుంచి తుమ్మలవంకతండా వరకు రూ.4.50 కోట్లతో తారు రోడ్డు, పెద్దేరు నదిపై బ్రిడ్జి నిర్మాణానికి ఎమ్యె ల్యే శంకర్‌యాదవ్‌ బుధవారం శిలా ఫలకం ఆవిష్కరించారు. అనంతరం గ్రామ పరిధిలోని దేనేనాయక్‌ తండాకు వెళ్లారు. అక్కడ స్థానికులతో మాట్లాడుతూ తండాలను కలుపుతూ రోడ్డు వేశామని తెలిపారు. దీనిపై స్థానికులు మాట్లాడుతూ తండాల్లో సిమెంటు రోడ్లు ఎందుకు వేయలేదని నిలదీశారు. ఎస్సీ, ఎస్టీ సబ్‌ప్లాన్‌ కింద తండాలో సిమెంటు రోడ్లు వేసేందుకు మూడేళ్ల క్రితం కంకర, ఇసుక తోలి అలాగే వదిలేశారని మండిపడ్డారు. తండాల్లో సిమెంటు రోడ్ల కోసం రూ.60 లక్షలు వచ్చిందని చెప్పి కంకరు, ఇసుక తోలి వదిలేస్తే ఏం ఉపయోగమంటూ ఆగ్రహం వ్యక్తం చేశారు. ఈ విషయాన్ని అక్కడే ఉన్న సాక్షి విలేకరి ఫొటోలు తీస్తుండగా ఎమ్యెల్యే గమనించారు. విచక్షణ కోల్పోయారు. సాక్షి పేపరులో వార్త రాసి ఏం పీకుతారంటూ చిందులేశారు. అనంతరం దండువారిపల్లెకు రూ.1.23 కోట్లతో చేపట్టనున్న తారురోడ్డు పనులకు శిలాఫలకాన్ని ఆవిష్కరించారు. ఇక్కడా ఎమ్మెల్యేకు గ్రామస్తుల నుంచి చేదు అనుభవం ఎదురైంది. ఐదేళ్లుగా రోడ్డు వేయకుండా ఇప్పుడు వచ్చారా అంటూ నిలదీశారు.

మంత్రి కాలవ.. ప్రజలను మాయ చేయడంలో దిట్ట. జనం కళ్లకు గంతలు కట్టి లేనిది ఉన్నట్టు.. ఉన్నది లేనట్టు నమ్మిస్తున్నారు. అభివృద్ధి మాటున రూ.కోట్లు కొల్లగొడుతున్నారు. ఎన్నికల వేళ అరచేతిలో వైకుంఠం చూపుతూ ఓట్లు దండుకునేందుకు పన్నాగం పన్నారు. ఇందుకోసం ఒకే పనికి పదే పదే భూమిపూజలు, శంకుస్థాపనలు చేసేస్తున్నారు. రాయదుర్గం పట్టణంలోని రోడ్డు విస్తరణ పనులు కూడా తన ఓటు రాజకీయానికి వాడుకున్నారు. 2014లో ప్రారంభమైన 4 కి.మీ రోడ్డు విస్తరణ పనులకు గతంలోనే రెండుసార్లు శంకుస్థాపన చేసిన మంత్రి కాలవ.. ఎన్నికల కోడ్‌ వస్తుండటంతో 1.3 కి.మీ మాత్రమే పూర్తయిన పనులకు ముచ్చటగా మూడోసారి శంకుస్థాపన చేసి నవ్వులపాలయ్యారు.  రాయదుర్గం : పట్టణంలో ట్రాఫిక్‌ సమస్య తీవ్రతరం కావడంతో రోడ్డు విస్తరణకు అధికారులు ప్రతిపాదనలు పంపగా.. 2014 డిసెంబర్‌లో ప్రభుత్వం గ్రీన్‌ సిగ్నల్‌ ఇచ్చింది. అనంతపురం రోడ్డులోని పాలశీతలీకరణ కేంద్రం నుంచి లక్ష్మీబజార్, పాతబస్టాండ్, వినాయక సర్కిల్, తేరు బజార్‌ మీదుగా మొలకాల్మూరు రోడ్డులోని చెక్‌పోస్టు సమీపంలో హైవే రోడ్డుకు లింక్‌ కలుపుతూ 4 కి.మీ, రోడ్డు విస్తరణకు రూ.9.10 కోట్లు మంజూరయ్యాయి. అంతేకాకుండా తాగునీటి పైపులైను, డ్రైనేజీ, విద్యుత్‌ స్తంభాల ఏర్పాటు కోసం అదనంగా మరో రూ.4.59 కోట్ల నిధులు మంజూరు చేశారు. దీంతో మొత్తంగా రూ.13.69 కోట్లు మంజూరు కాగా.. అంతా తానే చేయించినట్లు ఇక్కడి నుంచి ప్రాతినిథ్యం వహించిన కాలవ శ్రీనివాసులు ప్రచార ఆర్భాటం చేశారు. ఆరు నెలల్లో పట్టణాన్ని సుందరంగా తీర్చిదిద్దిడంతో పాటు మౌలిక వసతులకు పెద్దపీట వేస్తామంటూ ప్రతి సమావేశంలోనే ప్రసంగాలు దంచేశారు. మార్కింగ్‌లో లోపించిన పారదర్శకత  2015 నవంబర్‌ 26న రోడ్డు విస్తరణ పనులు ప్రారంభం కాగా... తొలుత ఆక్రమణలు తొలగింపు కార్యక్రమం చేపట్టారు. అయితే ఆక్రమణల తొలగింపులో కూడా అధికార పార్టీ నేతలు ఇష్టానుసారంగా వ్యవహరించారు. తమకు కావాల్సిన వారి భవనాలు, స్థలాలు కాపాడేందుకు అధికారులపై ఒత్తిడి తెచ్చే మార్కింగ్‌ మార్చేశారు. ఈ క్రమంలో రూ.లక్షలు చేతులు మారాయి. అందువల్లే లక్ష్మీబజార్‌లో 80 అడుగుల మేర వేసిన మార్కింగ్‌....వినాయక సర్కిల్‌  నుంచి తేరుబజార్‌ వరకు 72 అడుగులకే కుచించుకుపోయింది. అంతేకాకుండా రోజుకోసారి మార్కింగ్‌ మారుస్తూ ఇక్కడి టీడీపీ కీలక నేతలు వ్యాపారుల నుంచి భారీగా దండుకున్నారు.   ఇప్పటికి మూడుసార్లు  రోడ్డు విస్తరణ పనులకు మంత్రి కాలవ శ్రీనివాసులు ఇప్పటికి మూడుసార్లు శంకుస్థాపన చేశారు. ప్రజల నుంచి వ్యతిరేకత వ్యక్తమైనప్పుడల్లా పట్టణంలో ఆర్భాటంగా సమావేశం నిర్వహించడం.. రోడ్డు విస్తరణ పనులకు శంకుస్థాపన చేయడం అలవాటుగా మార్చుకున్నారు. ఇలా ఇప్పటికి మూడుసార్లు భూమిపూజ, శంకుస్థాపన చేశారు. ప్రచార ఆర్భాటంపై ఉన్న శ్రద్ధ పనులు చేయించడంపై లేకపోవడంతో నాలుగేళ్లు గడిచినా పట్టణంలోని రోడ్డు విస్తరణ పనులు 1.3 కి.మీ మేర మాత్రమే పూర్తయ్యాయి. అయినప్పప్పటికీ తన వల్లే రాయదుర్గం పట్టణం సుందరమైపోయినట్టు, జిల్లాలో ఎక్కడా లేని అభివృద్ధి జరిగినట్లు మంత్రి గొప్పలు చెప్పుకుంటున్నారు.   సగం పనులతో సంబరాలు  పట్టణంలోని వైఎస్సార్‌ కాంగ్రెస్‌ పార్టీ కార్యాలయం నుంచి వినాయకసర్కిల్‌ , తేరుబజార్‌ వరకు కేవలం 1.3 కి.మీ. సీసీ రోడ్డు వేశారు. అరకొరగా డివైడర్లు వేసి, విద్యుత్‌ దీపాలు అమర్చారు. 1.3 కి.మీ.లలో కూడా ఇప్పటికీ పూర్తిస్థాయిలో పనులు జరగలేదు. లింక్‌ రోడ్లను కలుపుతూ రోడ్లు వేయలేదు. రెండు రోడ్ల మధ్య దారులు వదిలిన చోట డివైడర్ల పనులు అర్ధాంతరంగా ఆగిపోయాయి. అయినప్పటికీ త్వరలోనే ఎన్నికల కోడ్‌ అమల్లోకి వచ్చే అవకాశం ఉండటంతో మంత్రి కాలవ హడావుడి చేశారు. రోడ్డు విస్తరణ పనులు పూర్తయ్యాయని చెప్పి ప్రజలను మభ్య పెట్టేందుకు ఈ నెల 22వ తేదీన రాత్రి వేళ హడావుడిగా జెడ్పీ చైర్మన్‌ పూల నాగరాజుతో కలిసి ప్రారంభోత్సవం చేశారు.   అన్నీ అప్పటికప్పుడే   మంత్రి కాలవ రోడ్డు విస్తరణ పనులకు ప్రారంభోత్సవం చేయాలని నిర్ణయించుకోవడంతో...అధికారులు కూడా హడావుడిగానే పనులు చేసేశారు. సీసీ రోడ్డుకు లింక్‌ కలుపుతూ 140 మీటర్ల బీటీ రోడ్డును ప్రారంభోత్సవానికి మూడు రోజుల ముందు వేశారు. అలాగే డివైడర్లకు అక్కడక్కడా రంగుల ప్యాచ్‌లు వేశారు. అలాగే ఆఘమేఘాల మీద శిలాఫలకం ఏర్పాటు చేశారు. ఈ పనుల్లో నాణ్యత లోపించడంతో కణేకల్లు రోడ్డును కలుపుతూ ఏర్పాటు చేసిన సర్కిల్‌లో 20వ తేదీ కట్టిన డివైడర్‌ 21వ రోజే పడిపోయింది.   తేరుబజార్‌ రోడ్డు విస్తరణలో  అధికార పార్టీ రాజకీయం  ఇక తేరుబజార్‌లో జరిగిన రోడ్డు విస్తరణ పనులను అధికార పార్టీ ప్రజాప్రతినిధులే అడ్డుకున్నారు. వినాయక సర్కిల్‌ నుంచి తేరుబజార్‌ వరకు 1.5 మీటర్ల డివైడర్‌ వేయగా, పట్టుపట్టి దాన్ని ఒక మీటర్‌కు కుదించారు. అలాగే తేరు వద్ద నుంచి గుమ్మఘట్ట, మొలకాల్మూరు రోడ్డు క్రాస్‌ వరకు సీసీ రోడ్డు వేయకుండా అధికార పార్టీకి చెందిన ప్రజాప్రతినిధే బాధితులతో కోర్టులో కేసు వేయించినట్లు అధికార పార్టీలోని ఒకవర్గం నాయకులు చెబుతున్నారు. ఇప్పటికైనా ఈ ప్రచార ఆర్భాటం మాని...చిత్తశుద్ధితో అభివృద్ధి పనులు చేయాలని, లేకపోతే సమయం వచ్చినప్పుడు తగిన బుద్ధి చెప్పితీరుతామని దుర్గం వాసులు మంత్రి హెచ్చరిస్తున్నారు.

త్రిపురాంతకం: పచ్చని చెట్లను నిలువునా కూల్చేస్తున్నారు. అనంతపురం–అమరావతి నేషనల్‌ హైవే విస్తరణ పనుల్లో భాగంగా రోడ్డుకు ఇరువైపులా ఉన్న చెట్లు రోజురోజకూ కనుమరుగవుతున్నాయి. పశ్చిమ ప్రకాశంలోని మార్కాపురం డివిజన్‌లో అనంతపురం–అమరావతి హైవే సుమారు 135 కిలోమీటర్లు మేర విస్తరించి ఉంది. గిద్దలూరు నుంచి త్రిపురాంతకం మండలం వరకు రోడ్డు విస్తరణ పనులు చకచకా జరుగుతున్నాయి. ఈ ప్రాంతంలో భారీగా రోడ్డుకు ఇరువైపులా పెద్ద పెద్ద వృక్షాలు ఉన్నాయి. డివిజన్‌లో 135 కిలోమీటర్ల మేర పనులు జరుగుతుండగా త్రిపురాంతకం మండలంలో నేషనల్‌ హైవే సుమారు 40 కిలోమీటర్లు వరకు విస్తరించి ఉంది. ఈ రోడ్డుకు ఇరువైపులా ఏళ్ల తరబడి పెరిగిన వృక్షాలను కూల్చి వేయాల్సిన పరిస్థితులు ఏర్పడ్డాయి. దీంతో రోడ్డుకు ఇరువైపులా నీడను ఇవ్వడంతో పాటు పర్యావరణం పరిరక్షణకు ఉపయోగపడుతున్న వృక్షాలు కనుమరుగై పోతున్నాయి. ఇది వరకూ రోడ్డుపై ప్రయాణం చెట్ల మధ్య ఆహ్లాదకరంగా ఉండేది. అలాంటిది రోడ్లు విస్తరణ, పెరుగుతున్న వాహనాల రాకపోకలు, ప్రమాదాల నివారణ, భవిష్యత్‌ అవసరాలు దృష్యా కర్నూలు–గుంటూరు రోడ్డును అనంతపురం–అమరావతి నేషనల్‌ హైవేను తమ ఆధీనంలోకి తీసుకుంది. ఈ మేరకు రోడ్డు విస్తరణ పనులు ప్రారంభమయ్యాయి. విస్తరణ పనులతో ఏళ్లతరబడి ఉన్న చెట్లు తొలగించక తప్పడం లేదన్న అభిప్రాయాన్ని అక్కడ పనిచేస్తున్న సిబ్బంది వ్యక్తం చేస్తున్నారు. తొలుత విస్తరణ జరుగుతున్న ప్రాంతంలో మొక్కలు నాటి క్రమేణా చెట్లను తొలగించి ఉంటే బాగుండేదన్న అభిప్రాయం వ్యక్తమవుతోంది. లేదా రోడ్డు విస్తరణలో వంపులు తొలగిస్తూ పనులు చేపట్టి ఒక పక్కన కొంతవరకు చెట్లను ఉంచితే నష్టం జరిగేది కాదన్న అభిప్రాయం ప్రజల నుంచి వ్యక్తమవుతోంది. రోడ్డు నిర్మాణం పూర్తయ్యే సరికి పూర్తిగా చెట్ల ఆనవాలు కనిపించే అవకాశం ఉండదు. అందుకు ఇప్పటి నుంచైనా తిరిగి చెట్లు పెంచేందుకు నేషనల్‌ హైవే అథారిటీ తగిన చర్యలు తీసుకోవాల్సిన అవసరం ఉందన్న డిమాండ్‌ వినిపిస్తోంది. పర్యావరణానికి ముప్పు నేషనల్‌ హైవేపై రోజూ వేలాది వాహనాలు ప్రయాణం చేస్తున్నందున వాటి నుంచి వచ్చే పొగ కారణంగా కలుషిత వాతావరణం ఏర్పడే ప్రమాదం లేకపోలేదు. చెట్లు ఉంటే వాతావరణానికి ఎలాంటి భంగం కలగదన్న అభిప్రాయం వ్యక్తమవుతోంది. చెట్లు కొట్టేయడంతో పర్యావరణం దెబ్బతింటోంది. ఈ ప్రాంతంలోని చెట్లతో కొంత వరకు ఉపయోగకరంగా ఉంది. ఈ చెట్లన్నీ కూల్చివేతతో రోడ్డు ఎడారిగా కనిపిస్తోంది. తిరిగి రోడ్డుకు  ఇరువైపులా చెట్లు పెంచాల్సిన అవసరాన్ని గుర్తించి ఏళ్ల తరబడి జీవించే అడవి జాతి వృక్షాలతో పాటు తొందరగా పెరిగి పచ్చని వాతావరణం కల్పించే చెట్లు పెంచితే ఉపయోగం ఉంటుంది. ఇప్పటి నుంచే దానికి తగిన విధంగా ప్రయత్నం చేయడంతో పాటు మొక్కలు పెరిగే వరకు వాటిని సంరక్షించాల్సిన బాధ్యత అధికారులపై ఉంది. మొక్కలు వేసి వదిలేస్తే అవి బతికే అవకాశం లేదన్న అభిప్రాయం వ్యక్తమవుతోంది.

స్వాతంత్య్రం వచ్చి ఇన్నేళ్లయినా సరైన రోడ్లు లేని గ్రామాలెన్నో.. ఆర్టీసీ బస్సుల ముఖం చూడని పల్లెలెన్నో.. ఉమ్మడి రాష్ట్రంలోనే కాదు, ప్రత్యేక తెలంగాణలోనూ రవాణా సౌకర్యాల్లో పెద్దగా మార్పు రాలేదు.. పల్లెలకు బస్సుల రాకపోకలు పెద్దగా పెరగలేదు.. అయితే, బాల్కొండ ఎమ్మెల్యే వేముల ప్రశాంత్‌రెడ్డి రవాణా శాఖ మంత్రిగా నియమితులు కావడంతో ఉమ్మడి జిల్లాల ప్రజలు ఆయనపైనే ఆశలు పెట్టుకున్నారు. ఉభయ జిల్లాల్లో రవాణా కష్టాలు తీరడంతో అన్ని గ్రామాలకు రోడ్ల నిర్మాణం, బస్సు సౌకర్యం కలుగుతుందని ఆశగా ఎదురు చూస్తున్నారు. సాక్షి, కామారెడ్డి: సమాజ పురోభివృద్ధిలో రోడ్డు, రవాణా వ్యవస్థ అత్యంత కీలకమైనది. సాంకేతికంగా దూసుకుపోతున్న నేటి కాలంలో సరైన రవాణా సౌకర్యాలు లేక ప్రజలు అనేక ఇబ్బందులకు గురవుతున్నారు. ఉమ్మడి జిల్లాలో దశాబ్దాలుగా రవాణా రంగం అభివృద్ధికి నోచుకోలేదు. ఒక ఊరి నుంచి మరో ఊరికి వెళ్లాలంటే సరైన రవాణా సౌకర్యాలు లేక ప్రజలు ప్రైవేట్‌ వాహనాలను ఆశ్రయించాల్సి వస్తోంది. ఇప్పటికీ ఉమ్మడి జిల్లాలో సగానికి పైగా గ్రామాలకు ఆర్టీసీ బస్సులు నడవడం లేదు. రోడ్డు సౌకర్యం ఉన్న అన్ని గ్రామాలకు బస్సులు నడుపుతామన్న ఆర్టీసీ ప్రకటనలు మాటలకే పరిమితమవుతున్నాయి. దీంతో ప్రజలు ఆటోలు, జీపులను ఆశ్రయించాల్సి వస్తోంది. ఈ నేపథ్యంలో బాల్కొండ ఎమ్మెల్యే ప్రశాంత్‌రెడ్డి ఆర్‌అండ్‌బీ, రవాణా శాఖ మంత్రి గా నియమితులు కావడంతో ఉమ్మడి జిల్లా ప్ర జలు ఆయన పైనే ఆశలు పెట్టుకుంటున్నారు. జిల్లాకు చెందిన వ్యక్తే రవాణా శాఖ మంత్రిగా బాధ్యతలు చేపట్టినందున ఉమ్మడి జిల్లాలో రవాణా కష్టాలు తీరుతాయని భావిస్తున్నారు. ఇదీ పరిస్థితి..  నిజామాబాద్‌ రీజియన్‌ పరిధిలోని కామారెడ్డి, నిజామాబాద్‌ జిల్లాల్లో ఆరు బస్‌ డిపోలు ఉన్నా యి. వాటి పరిధిలో 668 బస్సులు మాత్రమే ఉ న్నాయి. రోజు సగటున 3.50 లక్షల మంది ఆ యా బస్సుల్లో ప్రయాణిస్తున్నారు. ఆయా బస్సు లు రోజుకు సరాసరిగా 2.85 లక్షల కిలోమీటర్లు తిరుగుతుండగా, ఆర్టీసీకి రూ.90 లక్షల ఆదా యం సమకూరుతోంది. కామారెడ్డి జిల్లాలో 526 పంచాయతీలు, నిజామాబాద్‌ జిల్లాలో 530 పం చాయతీలు ఉన్నాయి. వాటికి తోడు ఆవాస గ్రా మాలు మరో వంద ఉంటాయి. అయితే, ఇప్పటికీ ఉమ్మడి జిల్లాలో బస్సు ముఖం చూడని గ్రా మాలెన్నో ఉన్నాయి. సగానికి పైగా గ్రామాలకు బస్సులు వెళ్లడం లేదు. దీంతో ప్రజలు ఆటోల్లో నే ప్రయాణిస్తున్నారు. ఆటోలో పరిమితి మించి ప్రజలను తరలిస్తుండడంతో తరచూ ప్రమాదా లు జరుగుతున్నాయి. గతేడాది ముప్కాల్‌ సమీపంలో ఆటో ప్రమాదవశాత్తు బావిలో పడి పదకొండు నిండు ప్రాణాలు గాలిలో కలిశాయి. చిన్నాచితకా ప్రమాదాలు జరగడం, ఒకరిద్దరు మృతి చెందడం నిత్యకృత్యంగా మారింది. ఆర్టీసీ బస్సులు అందుబాటులో ఉంటే ఇలాంటి ప్రమాదాలకు ఆస్కారమే ఉండదు.  పల్లెలకు వెళ్లని బస్సులు..  కామారెడ్డి, నిజామాబాద్‌ జిల్లాల్లో మెజారిటీ గ్రామాలకు వివిధ పథకాల ద్వారా మంచి రోడ్లు వేశారు. మండల కేంద్రాల నుంచి జిల్లా కేంద్రాలకు రెండు వరుసలు, మారుమూల గ్రామాల నుంచి సైతం మండల కేంద్రాలు, ప్రధాన రహదారులను కలుపుతూ బీటీ రోడ్లు వేశారు. దాదాపు అన్ని గ్రామాలకు రోడ్డు సౌకర్యం ఉంది. అయితే, గతంలో రోడ్డు బాగా లేదనే సాకుతో ఆర్టీసీ బస్సులు నడిపేది కాదు. కానీ ఇప్పుడు రోడ్డు సౌకర్యం ఉన్న గ్రామాలకు బస్సులు వెళ్లడం లేదు. కొన్ని గ్రామాలకు విద్యార్థుల సౌకర్యార్థం బస్సులు నడుపుతున్నారు. ఉదయం గ్రామాలకు వెళ్లి పిల్లల్ని పట్టణాలకు చేరుస్తాయి. తరువాత సాయంత్రం తిరిగి ఊళ్లకు వెళ్లి దింపి వస్తాయి. మిగతా సమయాల్లో ఆయా గ్రామాలకు బస్సు సౌకర్యం ఉండక పోవడంతో ఆయా గ్రామాల ప్రజలు ఆటోల్లోనే ప్రయాణించాల్సి వస్తోంది. బాన్సువాడ, ఎల్లారెడ్డి పట్టణాల నుంచి కామారెడ్డి జిల్లా కేంద్రానికి ఎక్స్‌ప్రెస్‌ బస్సు సౌకర్యం లేదు. వెనుకబడిన ప్రాంతమైన జుక్కల్‌ నియోజకవర్గంలోని జుక్కల్, మద్నూర్, బిచ్కుంద, పెద్దకొడప్‌గల్‌ తదితర మండలాల నుంచి జిల్లా కేంద్రానికి బస్సు సౌకర్యం లేకపోవడంతో ప్రజలు రెండు, మూడు బస్సులు ఎక్కాల్సి వస్తోంది. హామీలుగానే బస్‌ డిపోలు..  కామారెడ్డి జిల్లాలోని ఎల్లారెడ్డి, నిజామాబాద్‌ జిల్లాలోని నందిపేటలలో బస్‌ డిపోలు ఏర్పాటు చేయడానికి రెండు దశాబ్దాల క్రితమే ప్రయత్నాలు జరిగాయి. ఆర్టీసీ స్థలాన్ని కూడా సేకరించింది. దశాబ్దాలు గడుస్తున్నా ఇప్పటికీ అక్కడ డిపోలు ఏర్పాటు కాలేదు. ప్రతీ ఎన్నికల్లోనూ బస్‌ డిపో ఏర్పాటు అంశాన్ని నేతలు ప్రస్తావిస్తారు. ఆ తరువాత మరిచిపోవడం పరిపాటిగా మారింది. ఎల్లారెడ్డిలో బస్‌డిపో ఏర్పాటు చేస్తే ఎల్లారెడ్డి, జుక్కల్‌ నియోజక వర్గాల్లోని ప్రజలకు ఎంతో మేలు జరుగుతుంది. ఎల్లారెడ్డి, జుక్కల్‌ ప్రాంతాల్లోని గ్రామాలకు కామారెడ్డి, బాన్సువాడ డిపోలకు చెందిన బస్సులే దిక్కవుతున్నాయి. అక్కడే బస్‌డిపో ఏర్పాటు చేస్తే ఎంతో మేలు జరిగేది. అలాగే నందిపేటలోనూ బస్‌డిపో ఏర్పాటు చేయకపోవడం మూలంగా ఆ ప్రాంత ప్రజలకు అసౌకర్యంగా ఉంది. నష్టాల సాకుతో ఎత్తివేసిన భీమ్‌గల్‌ బస్‌ డిపోను తిరిగి తెరిపిస్తామని నేతలు ఇచ్చిన హామీలు నెరవేరలేదు. దీంతో భీమ్‌గల్‌ పరిధిలోని మారుమూల గ్రామాలకు బస్సు సౌకర్యం అంతంత మాత్రంగానే మారింది. జిల్లా కేంద్రమైన కామారెడ్డి పట్టణంలో రెండో డిపో ఏర్పాటు ఎంతో అవసరం. కామారెడ్డిలో చుట్టుపక్కల గ్రామాలను విలీనం చేయడంతో పట్టణ జనాభా లక్షన్నర దాటింది. పట్టణానికి వలస వచ్చే వారి సంఖ్య పెరిగింది. స్థానికంగా లోకల్‌ బస్సులు నడపాల్సిన అవసరం కూడా ఏర్పడింది. ప్రమాదమని తెలిసినా..  గ్రామీణ ప్రాంతాలకు బస్సు సౌకర్యం లేకపోవడంతో ప్రజలు ఆటోల్లోనే ప్రయాణిస్తున్నారు. ఆటోల్లో ప్రయాణం ఒక్కోసారి ప్రాణాల మీదికి తెస్తున్నా, తప్పనిసరి పరిస్థితుల్లో వాటిని ఆశ్రయించాల్సి వస్తోంది. ప్రమాదాలు జరిగినపుడు ఆటోవాలాలను ఇబ్బంది పెట్టడమే తప్ప, ఆర్టీసీ బస్సు సౌకర్యాన్ని కల్పిస్తామన్న ఆలోచనలు చేయడం లేదు. ఆర్టీసీ బస్సు ముఖం చూడని గ్రామాలు ఎన్నో ఉన్నప్పటికీ ఆయా గ్రామాలకు బస్సులను నడిపే విషయంలో ప్రజాప్రతినిధు లు కూడా పట్టించుకున్న పాపాన పోవడం లేదు. పెరిగిన జనాభాకు అనుగుణంగా ఆర్టీసీ బస్‌డిపోలను ఏర్పాటు చేయడంతో పాటు అదనపు బస్సులను కేటాయించాల్సిన అవసరం ఎంతో ఉంది. రవాణా మంత్రిగా ప్రశాంత్‌రెడ్డి ఉమ్మడి జిల్లాలో నెలకొన్న రవాణా కష్టాలను తీర్చడానికి ఏమేరకు ప్రయత్నిస్తారో వేచి చూడాలి.

వరంగల్‌ అర్బన్‌ : వరంగల్‌లో ప్రజలు నడిచే బాటలు ఏ ఒక్కటి కూడా బాగా లేదు.. ప్రజలకు అత్యంత ప్రధానమైన సదుపాయాలపై దృష్టి సారించండి.. ప్రణాళికలు రూపొందించి అభివృద్ది చేయాల్సిన బాధ్యత మనపై ఉంది.. అని వరంగల్‌తూర్పు ఎమ్మెల్యే నన్నపునేని నరేందర్‌ అన్నారు. వరంగల్‌ మహా నగర పాలక సంస్థ కౌన్సిల్‌ హాల్‌లో బుధవారం సమసన్వయ సమావేశం నిర్వహించారు. ఇన్‌చార్జి మేయర్‌ ఖాజాసిరాజుద్దీన్, కమిషనర్‌ రవికిరణ్, కార్పొరేటర్లతోపాటు వరంగల్‌ మహానగర పాలక సంస్థ, ‘కుడా’ రైల్వే, ఆర్‌అండ్‌బీ, ఎన్పీడీసీఎల్, పబ్లిక్‌ హెల్త్‌ ఇంజినీర్లు పాల్గొన్నారు. ఈ సందర్భంగా సీఎం ప్రత్యేక నిధులు, స్మార్ట్‌సిటీ, హృదయ్, అమృత్, జనరల్‌ ఫండ్, సీడీఎఫ్‌ నిధులపై ఎమ్మెల్యే ఆరా తీశారు. ప్రధాన రహదారులు, జంక్షన్లు, బస్‌ షెల్టర్లు, ఇంటింటా తాగునీటి నల్లాలు, సరఫరా, అండర్‌ బ్రిడ్జి విస్తరణ పనులు తదితర అంశాలపై ఆయన సుదీర్ఘంగా చర్చించి సూచనలు చేశారు. కాలనీల్లో అండర్‌ డ్రైయినేజీ లేకుండానే మురుగునీటి శుద్ధీకరణ ప్లాంట్ల(ఎస్‌టీపీ)ను ఎవరు అడుగుతున్నారని అధికారులను ప్రశ్నించారు. అండర్‌ బ్రిడ్జి మూడో దారికి డీపీఆర్‌ రూపొందించాలి.. వరంగల్‌ అండర్‌ బ్రిడ్జి మూడో దారికి డీపీఆర్‌ రూపొందించి.. అందజేయాలని రైల్వే ఇంజినీర్లకు ఎమ్మెల్యే సూచించారు. ప్రస్తుతం ఉన్న రహదారికి తోడుగా మరో రహదారి నిర్మాణ పనులు జరుగుతున్న విషయం తెలిసిందే. హెడ్‌ పోస్టాఫీస్‌ నుంచి ఖమ్మం రోడ్డు మీదుగా వంద ఫీట్ల రహదారి విస్తరిస్తున్నందున మూడో దారి ప్రతిపాదనలు అందజేయాలన్నారు. ప్రధాన రహదారిలో ట్రాఫిక్‌ సమస్య తలెత్తకుండా ప్రయాణం సౌకర్యవంతంగా ఉంటుందన్నారు. రహదారుల విస్తరణ, అభివృద్ధిపై దృష్టి పెట్టండి.. స్మార్ట్‌సిటీ, సీఎం ప్రత్యేక నిధులతో రూపొందించిన ప్రణాళికలపై ఎమ్మెల్యే ఆరా తీశారు. రూ.257 కోట్లతో 13 రహదారుల ప్రతిపాదనలు, టెండర్ల ప్రక్రియపై ప్రశ్నించారు. ప్రతిపాదనల్లో కొన్ని రహదారులను స్మార్ట్‌సిటీ బోర్డు రద్దు చేసి రూ.130కోట్టతో రెడ్డిపురం, బంధం చెరువు, రంగ సముద్రంలో ఎస్‌టీపీ ప్లాంట్‌కు ప్రవేశపెట్టి ఆమోదించినట్లు లీ అసోసియేట్స్‌ ప్రతినిధి తెలిపారు. దీనిపై ఎమ్మెల్యే అసహనం వ్యక్తం చేశారు. ఎంజీఎం నుంచి పోచమ్మమైదాన్, వెంకట్రామ జంక్షన్, లేబర్‌ కాలనీ, కాశిబుగ్గ నుంచి ఏనుమాముల మార్కెట్, వెంకట్రామ జంక్షన్‌ నుంచి ఆర్‌టీసీ బస్‌ స్టేషన్‌ మీదుగా హెడ్‌ పోస్టాఫీస్‌ వరకు రహదారులను అభివృద్ధి పర్చాలన్నారు. హెడ్‌ఫోస్టాఫీ నుంచి ఖమ్మం రోడ్డు మీదుగా నాయుడుపెట్రోల్‌ పంపు వరకు రహదారి ఆక్రమణలను తొలగించి వంద ఫీట్ల రోడ్డుగా అభివృద్ధి చేయాలన్నారు. హెడ్‌ఫోస్టాఫీస్‌ నుంచి వరంగల్‌ చౌరస్తా, ఒకవైపు హంటర్‌ రోడ్డు, మరో వైపు పోచమ్మమైదాన్, ఎంజీఎం రోడ్డు నుంచి ఇందిరా గాంధీ బొమ్మ, కొత్తవాడ వంద ïఫీట్ల రోడ్డు, రైల్వే గేట్‌ ఫ్లై ఓవర్‌ నుంచి రంగశాయిపేట, దసరా రోడ్లు, శివనగర్‌ ప్రశాంతి ఆస్పత్రి రోడ్ల అభివృద్ది పనులపై ఆరా తీశారు. కొన్ని రహదారులకు రెండో ప్రాధాన్యం ఇవ్వనున్నట్లు ఇంజినీర్లు తెలపగా..  తొలి దఫాలో ఈ రహదారులను అభివృద్ధి చేయాలని నన్నపునేని ఆదేశించారు.   ఎస్‌ఎన్‌ఎం క్లబ్‌లో ఎమ్మెల్యే క్యాంపు కార్యాలయం.. వరంగల్‌ ఎస్‌ఎన్‌ఎం క్లబ్‌లో వెయ్యి గజాల్లో తూర్పు ఎమ్మెల్యే క్యాంపు కార్యాలయానికి ప్రతిపాదనలు రూపొందించాలని ఆర్‌అండ్‌బీ అధికారులకు నరేందర్‌ సూచించారు. ఈ అంశం న్యాయ వివాదంలో ఉందని టౌన్‌ప్లానింగ్‌ అధికారులు వివరించారు. ఎస్‌ఎన్‌ఎం క్లబ్‌ స్థలంపై కోర్టుకు వెళ్లిన వారితో చర్చించామని.. వారు కేసు విత్‌ డ్రా చేసుకునేందుకు అంగీకరించినట్లు ఎమ్మెల్యే తెలిపారు.  600 గజల్లో ఎమ్మెల్యే క్యాంపు కార్యాలయం నిర్మించాల్సి ఉంటుందని ఇంజినీర్లు వివరించారు. ఏప్రిల్‌ నాటికి ఇంటింటికీ తాగునీరు.. అమృత్‌ పనుల్లో నిర్లక్ష్యంపై ఎమ్మెల్యే అడిగి తెలుసుకున్నారు. 33 వాటర్‌ ట్యాంక్‌లకు గాను 30 ట్యాంక్‌లు నిర్మాణంలో ఉన్నాయని, మూడు స్థల వివాదాల్లో ఉండడం వల్ల పనులు ప్రారంభం కాలేదని పబ్లిక్‌ హెల్త్‌ ఇంజినీర్లు తెలిపారు. బల్దియా, రెవెన్యూ, ‘కుడా’ అధికారులతో సమన్వయం చేసుకుంటూ పరిష్కరించుకోవాలని ఎమ్మెల్యే సూచించారు. 2.10 లక్షల నల్లా కనెక్షన్లు ఇచ్చేందుకు సిద్ధంగా ఉన్నామని.. ప్రస్తుతం 1.10 లక్షల కనెక్షన్లు ఉన్నట్లు అధికారులు తెలిపారు. ప్రభుత్వ, ప్రైవేట్‌ స్థలాల్లో ఉన్న ఇళ్లకు ఇంటి నంబర్లు ఇచ్చి నల్లా కనెక్షన్ల ద్వారా ఏప్రిల్‌ నుంచి ఇంటింటా తాగునీరు అందించాలని నరేందర్‌ అదేశించారు. అదేవిధంగా వరంగల్‌ ఆర్‌టీసీ బస్‌ స్టేషన్‌ను మోడల్‌గా అభివృద్ధి చేసేందుకు ప్రతిపాదనలు రూపొందించాలన్నారు.  నగరంలో 163 ఆధునిక బస్‌ షెల్టర్ల నిర్మాణాలపై దృష్టిసారించాలన్నారు. కోమటిపల్లి, ఉర్సు రంగ సముద్రం, చిన్నవడ్డేపల్లి చెరువు అభివృద్ధి ప్రతిపాదనలు తయారు చేయాలన్నారు. వరంగల్‌ టెక్స్‌టైల్‌ పార్కులో ఇండోర్‌ స్టేడియం నిర్మించేందుకు ప్రతిపాదనలు అందజేయాలని సూచించారు. ఇంజినీర్ల తీరుపై ఎమ్మెల్యే అసంతృప్తి.. బల్దియా ఇంజినీర్లు, ఇతర శాఖల అధికారుల మధ్య సమన్వయ లోపం స్పష్టంగా కనపడుతోందని ఎస్‌ఈ బిక్షపతిపై ఎమ్మెల్యే అసహనం వ్యక్తం చేశారు. ఇంజినీర్లు సహకరించకపోవడం వల్ల  రహదారుల అభివృద్ధి పనులు జరగడం లేదని ఆర్‌అండ్‌బీ అధికారులు వ్యక్తం చేయడం ఇంజినీర్ల పనితీరుకు నిదర్శనమన్నారు. సమావేశంలో అడిషనల్‌ కమిషనర్‌ నాగేశ్వర్, ‘కుడా’ పీఓ అజిత్‌రెడ్డి, సీపీ నర్సింహాచారి, సెక్రటరీ విజయలక్ష్మి, ఎంహెచ్‌ఓ రాజారెడ్డి, తూర్పు డివిజన్లకు చెందిన కార్పొరేటర్లు గుండా ప్రకాశ్‌ రావు, బయ్యస్వామి, కుందారపు రాజేందర్, ఝెలగం లీలావతి, రిజ్వీనా షమీమ్, శారద జోషి, అశ్రిత రెడ్డి, వేణుగోపాల్, కేడల పద్మ, మురహరి భాగ్యలక్ష్మి, కావటి కవిత, మేడిది రజిత, సులోచన ఆర్‌అండ్‌బీ, రైల్వే, ‘కుడా’ అధికారులు పాల్గొన్నారు.

వీణవంక(హుజూరాబాద్‌): అడుగు తీసి అడుగు వేద్దామంటే కంకరరాళ్లు ఎక్కడ గుచ్చుకుంటాయోననే భయం... చీకటి పడితే రోడ్డు మధ్యనున్న విద్యుత్‌ స్తంభాలకు తాకుతామేమో అనే ఆందోళన... వాహనాలు వెళ్తుంటే అంతెత్తు లేస్తున్న దుమ్ము ఊపిరాడకుండా చేస్తోంది. దీంతో గత ఆరు నెలలుగా వీణవంక – జమ్మికుంట రహదారిపై నడిచే వాహనదారులకు నకరం నిత్యం నరకం కనిపిస్తోంది. ప్రయాణికుల అష్టకష్టాలు..  వీణవంక–జమ్మికుంట ఫోర్‌లైన్‌ రోడ్డు పనులు అస్తవ్యస్తంగా జరుగుతున్నాయి. ప్రయాణికుల సౌలభ్యం కోసం చేపట్టిన రోడ్డు విస్తరణ పనులు అసంపూర్తిగానే దర్శనమిస్తున్నాయి. పనులు ప్రారంభించి ఏడాది గడిచినా ఇంకా సా..గుతూనే ఉన్నాయి. నిత్యం రద్దీగా ఉండే రహదారి వెంట వాహనదారులు, ప్రయాణికులు రాకపోకలు సాగించేందుకు అష్టకష్టాలు పడుతున్నారు. రూ.33 కోట్లతో నిర్మాణం..      సంవత్సరం క్రితం వీణవంక–జమ్మికుంట మధ్య 12.5 కిలోమీటర్ల ఫోర్‌లైన్‌ రోడ్డు కోసం రూ.33 కోట్ల నిధులు మంజూరయ్యాయి. కాంట్రాక్టర్‌ మొదట వల్భాపూర్‌–నర్సింగాపూర్‌ గ్రామాల మధ్య పనులు ప్రారంభించారు. ఆరు నెలల క్రితం కంకరపోసి వదిలేశారు. తర్వాత వల్భా పూర్‌ నుంచి జగ్గయ్యపల్లి మధ్య కొంతదూరం వరకు కంకరపోసి పోశారు. మిగతా మట్టిపోసి అంతటితో వదిలేశాడు. దీంతో వాహనదారులు దుమ్ముతో పాటు కంకరతో నరకయాతన పడుతున్నారు. కంకరపై వాహనాలు అదుపు తప్పి ప్రమాదాలు జరిగిన ఘటనలు అనేకం ఉన్నాయి. ప్రమాదకరంగా విద్యుత్‌ స్తంభాలు...  పాత కల్వర్టుల స్థానంలో కొత్త కల్వర్టులు నిర్మించారు. రోడ్డు వెడల్పు కావడంతో రోడ్డును ఆనుకొని వ్యవసాయ బావులు ఉన్నాయి. ప్రమాదకర వ్యవసాయ బావుల వద్ద ఎలాంటి రక్షణ చర్యలు చేపట్టలేదు. వల్భాపూర్‌– రంగమ్మపల్లి గ్రామాల మధ్య విద్యుత్‌ స్తంభాలు రోడ్డుకు అడ్డంగా అతి ప్రమాదకరంగా ఉన్నాయి. రాత్రి సమయంలో స్తంభాలు కనిపించక రోడ్డు ప్రమాదాలు జరుగుతున్నాయి. గత శనివారం రాత్రి ఓ యువకుడు బైక్‌పై జమ్మికుంటకు వెళ్తుండగా చీకట్లో స్తంభాన్ని ఢీకొనడంతో గాయాలయ్యాయి. విద్యుత్‌ స్తంభాల వద్ద ఎలాంటి రక్షణ  చర్యలు చేపట్టలేదు. దుమ్ము ధూళితో సతమతం.. జగ్గయ్యపల్లి– నర్సింగాపూర్‌ గ్రామాల మధ్య దుమ్ము విపరీతంగా లేస్తోంది. రోడ్డుపై నీటిని సక్రమంగా చల్లించకపోవడంతో దుమ్ములేచి ఇబ్బందులు పడుతున్నారు. ఈ రూట్‌లో నిత్యం ఆర్టీసీ బస్సులు 16 ట్రిప్పులు నడుస్తుంటాయి. వందలాది ద్విచక్ర వాహనాలు, ఆటోలు, ఇతర వాహనాలు తిరుగుతుంటాయి. కంకర జారడం వల్ల ప్రమాదాలు జరగడంతో పాటు వాహనాల టైర్లు త్వరగా చెడిపోతున్నాయని ప్రయాణికులు పేర్కొంటున్నారు. బిల్లు మంజూరులో జాప్యం వల్లేనా? పోర్‌లైన్‌ రోడ్డు పనులు చేస్తున్న కాంట్రాక్టర్‌కు జరుగుతున్న పనులకు సకాలంలో బిల్లులు రావడం లేదని సమాచారం. దీంతో కాంట్రాక్టర్‌ పనులు నిలిపివేసినట్లు తెలుస్తోంది. ఇంకా మూడు నెలల్లో రోడ్డు నిర్మాణం పూర్తి చేయాల్సి ఉండగా.. పనులు అడుగు కూడా ముందుకు కదలకపోవడం గమనార్హం. ఇదే పరిస్థితి కొనసాగితే పనులు పూర్తి కావడానికి ఎంకాలం పడుతుందోనని ప్రజలు చర్చించుకుంటున్నారు. ఈ విషయంపై ఆర్‌అండ్‌బీ ఏఈ స్వప్నను వివరణ కోరగా దుమ్ము లేవకుండా చర్యలు తీసుకుంటున్నామని అన్నారు. ప్రమాదకరంగా ఉన్న స్తంభాల వద్ద రక్షణ చర్యలు తీసుకుంటామని వివరణ ఇచ్చారు. పనులు త్వరగా పూర్తయ్యేలా చూస్తామన్నారు.  రోడ్డు మధ్యలో ప్రమాదకరంగా ఉన్న విద్యుత్‌ స్తంభాలు 

మాగనూర్‌(మక్తల్‌): మహబూబ్‌నగర్‌ నుంచి కర్ణాటక సరిహద్దు వరకు త్రిబుల్‌ లేన్‌ రోడ్డు పనులు చురుగ్గా సాగుతున్నాయి.. ఇందులో మహబూబ్‌నగర్‌ నుంచి మరికల్‌ వరకు పనులు పూర్తికాగా.. ప్రస్తుతం అక్కడి నుంచి కర్ణాటక శివారు శక్తినగర్‌ వరకు రోడ్డు పనులను మరో కాంట్రాక్టర్‌ చేపడుతున్నాడు.. ఇంతవరకు బాగానే ఉన్నా ఈ రోడ్డు పనుల కోసమంటూ చెరువు మట్టిని తరలిస్తుండడం విమర్శలకు తావిస్తోంది. ఒకటి కాదు.. రెండు కాదు.. ఏకంగా 20 ఫీట్ల లోతు వరకు మట్టిని ఇష్టారాజ్యంగా పొక్లెయినర్లతో తవ్వుతుండడాన్ని స్థానికులు తప్పుపడుతున్నారు. ప్రభుత్వ పనుల కోసమే అయినా.. అదే ప్రభుత్వ పరిధిలోకి వచ్చే ప్రజలకు ఉపయోగపడే చెరువు నుంచి మట్టిని ఎలాంటి అనుమతులు లేకుండా తరలిస్తుండడంపై ఆరోపణలు వెల్లువెత్తుతున్నాయి. అయితే, ఇదంతా మాగనూరు మండల కేంద్రంలోని ప్రధాన రహదారి పక్కనే జరుగుతున్నా.. రెవెన్యూ అధికారులు మాత్రం తామెవరికీ అనుమతి ఇవ్వలేదని చెప్పడం గమనార్హం. పొలాలకు దారి  మాగనూరు మండల కేంద్రంలోని మెన్‌ రోడ్డు పక్కనే సామన్‌చెరువు ఉంటుంది. ఈ చెరువు నీరు ఆయకట్టు రైతులు పొలాలు పండించుకునేందుకు, వేసవిలో పశువుల దాహార్తి తీర్చేందుకు ఉపయోగపడుతోంది. అంతేకాకుండా ఈ చెరువు మీదుగా అటు వైపు ఉన్న పొలాల్లోకి దాదాపు యాభై మంది రైతులు వెళ్లాల్సి ఉంటుంది. కానీ ప్రస్తుతం రోడ్డు పనులు చేపట్టిన కాంట్రాక్టర్‌ జేసీబీలు, పొక్లెయినర్లు పెట్టి మరీ ఏకంగా 20ఫీట్ల లోతు వరకు తవ్వి మట్టి తరలిస్తున్నారు. ఇదిలాగే కొనసాగితే భవిష్యత్‌లో ప్రమాదాలకు ఆస్కారముందని స్థానికులు ఆవేదన వ్యక్తం చేశారు. నీటి కోసం వెళ్లిన పశువులు కానీ మనుషులు కానీ అందులో పడితే ప్రాణాలు కోల్పోవాల్సిందేనని చెబుతున్నారు.  అనుమతులు లేవు..  ప్రభుత్వ భూముల్లోని చెట్లను కొట్టేందుకు కూడా అధికారుల అనుమతి తీసుకోవాలి. ఇక మట్టి తవ్వాలన్నా, తరలించాలన్నా మైనింగ్, రెవెన్యూ అధికారుల అనుమతి తప్పనిసరి. గ్రామాల్లోని వ్యవసాయ భూమిలో ఇళ్లు నిర్మించాలన్నా నాన్‌ అగ్రికల్చర్‌ ల్యాండ్‌గా అనుమతి పత్రం తీసుకోవాల్సి ఉంటుంది. కానీ మాగనూర్‌ మండలంలో మాత్రం చాలామంది తమ పొలాల్లో మట్టి తరలించుకునేందుకు రైల్వేలైన్‌ కాంట్రాక్టర్, రోడ్డు పనుల కాంట్రాక్టర్‌కు అవకాశహిస్తున్నారు. ఇది నిబంధనలకు విరుద్ధమని తెలిసినా అధికారులు కూడా పట్టించుకోవడం లేదు. దీనిని ఆసరాగా చేసుకున్న కాంట్రాక్టర్‌ తమనెవరూ ఏమీ చేయలేరనే ధైర్యంతో ఏకంగా చెరువుపై కన్నేశాడు. ఇక చెరువు నుంచి సైతం 20 ఫీట్ల లోతు వరకు తవ్వకాలు చేపట్టడం అధికారుల దృష్టికి వచ్చే అవకాశమున్నా ఎందుకు పట్టించుకోవడం లేదో సమాధానం లేని ప్రశ్నగా మిగిలిపోతోంది. నిబంధనలకు తిలోదకాలు  మాగనూరు నుంచి కర్ణాటక శివారు వరకు రోడ్డు పనులు చేపట్టిన కాంట్రాక్టర్‌ పనుల్లో మొదటి నుంచి నిబంధనలను విస్మరిస్తున్నారనే ఆరోపణలు ఉన్నాయి. రోడ్డు నిర్మాణంలో ఓ పక్క వాహనాలను వెళ్లుటకు అవకాశం కల్పించి మరో పక్క రోడ్డు నిర్మించాలి. కానీ అందుకు విరుద్ధంగా కాం ట్రాక్టర్‌ వాహనాలు వెళ్లేందుకు వీలు లేకుండా ఒకేసారి మొత్తం ఉన్న రోడ్డును త్రవ్వి కొత్త రోడ్డు ను నిర్మిస్తుండడం మూలంగా వాహనచోదకులు, ప్రయాణికులు ప్రమాదాలను గురై మృత్యువాత పడుతున్నారు. అలాగే రోడ్డుకు కల్వర్టులు నిర్మిస్తున్న సమయంలో ముందుగా హెచ్చరిక బోర్డులు కానీ స్పీడ్‌ బ్రేకర్లు కానీ నిర్మించకపోవడంతో తరచూ ప్రమాదాలు జరుగుతున్నాయి. ఇదే మా ర్గంలో ఇటీవల ఓ ప్రమాదంలో ముగ్గురు యువకులు మృతి చెందారు, అయినప్పటికీ రోడ్డు పను ల్లో నిబంధనలు పాటించని అంశాన్ని పట్టించుకోని అధికారులు.. ఇప్పుడు మట్టి తరలింపుపై కూడా స్పందించకపోవడంపై స్థానికులు ఆగ్రహం వ్యక్తం చేస్తున్నారు. కాగా, సామన్‌చెరువు నుంచి మట్టి తరలిస్తున్న అంశంపై స్థానికులు ఆందోళనలు చేపట్టేందుకు సిద్ధమవుతున్నట్లు సమాచారం. 

ఐదేళ్ల క్రితం గ్రామాల్లో నిర్మించిన పంచాయతీరాజ్‌ బీటీ రోడ్లు చాలా వరకు ధ్వంసమై గుంతల మయంగా మారాయి. వీటి మరమ్మతులకు ఆ శాఖ శ్రీకారం చుట్టింది. ఇంజినీరింగ్‌ విభాగం అధికారులు పనుల అంచనాలను  రూపొందించారు.  కలెక్టర్‌ రామ్మోహన్‌ రావు ప్రభుత్వానికి ప్రతిపాదనలు పంపించారు.  సాక్షిప్రతినిధి, నిజామాబాద్‌ : నూతన గ్రామ పంచాయతీల ఏర్పాటు ప్రక్రియ పూర్తయింది. ఇటీవలే అన్ని పంచాయతీలకు పాలక వర్గాలు కొలువు దీరాయి.. ఈ తరుణంలో పల్లె ప్రగతికి బాటలు వేసే గ్రామాల్లోని మౌలిక సదుపాయాలపై ప్రభుత్వం దృష్టి సారించింది. ఇందులో భాగంగా పంచాయతీరాజ్‌ (పీఆర్‌) రోడ్లకు మరమ్మతులు చేపట్టాలని నిర్ణయించింది. ఐదేళ్ల క్రితం నిర్మించిన చాలా వరకు పీఆర్‌ రోడ్లు గుంతల మయంగా మారాయి. వీటిపై ప్రయాణించాలంటే వాహనదారులు జంకుతున్నారు. కొన్ని రోడ్లైతే అడుగుకోగుంత ఏర్పడటంతో గంట సేపు ప్రయాణిస్తే నడుం నొప్పి వచ్చే పరిస్థితి నెలకొంది. ఈ నేపథ్యంలో పీఆర్‌ రోడ్ల మరమ్మతులకు ఆ శాఖ శ్రీకారం చుట్టింది.  జిల్లాలో ఐదేళ్లు, అంతకు ముందు నిర్మించిన రోడ్లన్నింటికీ బీటీ రెన్యూవల్స్‌ చేయాలని భావిస్తున్నారు. ఈ మేరకు పంచాయతీరాజ్‌ ఇంజనీరింగ్‌ విభాగం అన్ని మండలాల నుంచి ప్రతిపాదనలు తయారుచేసింది. 42 రోడ్లకు రూ.21 కోట్లు..  జిల్లాలో ఉన్న పంచాయతీరాజ్‌ రోడ్లలో ఐదేళ్లు, అంతకు ముందు నిర్మించి మరమ్మతులకు నోచుకోని 42 రోడ్లకు ఈసారి బీటీ రెన్యూవల్‌ చేయాలని ఆ శాఖ ఇంజనీరింగ్‌ విభాగం నిర్ణయించింది. రూ.21 కోట్లతో ఈ పనుల అంచనాలను అధికారులు రూపొందించారు. ఈ మేరకు నిధుల మంజూరు కోసం జిల్లా కలెక్టర్‌ ఎం రామ్మోహన్‌ రావు ద్వారా ప్రభుత్వానికి ప్రతిపాదనలు పంపారు. తారు రోడ్డు లేని పంచాయతీలు..  జిల్లాలో అనేక తండాలు, నివాసిత ప్రాంతాలు ఇప్పుడు పూర్తిస్థాయిలో నూతన పంచాయతీలుగా మారాయి. ఇలా ఏర్పడిన అన్ని గ్రామ పంచాయతీలకు తారు రోడ్డు నిర్మించాలని ప్రభుత్వం నిర్ణయించింది. ఇలా తారు రోడ్డు లేని గ్రామ పంచాయతీల వివరాలను పంపాలని ప్రభుత్వం ఆదేశించింది. ఇతర జిల్లాలతో పోల్చితే తారు రోడ్డు లేని గ్రామ పంచాయతీలు జిల్లాలో అతితక్కువ. జిల్లా వ్యాప్తంగా కేవలం మూడు కొత్త పంచాయతీలకు మాత్రమే తారు రోడ్డు లేదని అధికారులు గుర్తించారు. ధర్పల్లి మండలం మోబిన్‌సాబ్‌ తండా, నడిమిబల్‌ రాంతండా, వర్ని మండలం చిలుక తండాకు మాత్రమే బీటీ రోడ్లు లేవు. వీటికి కూడా బీటీ రోడ్ల నిర్మాణానికి నిధులు మంజూరు చేయాలని ప్రతిపాదనలు పంపారు. బ్లాక్‌ స్పాట్‌ల వద్ద..  మెండోరా వద్ద 2018 మార్చి 25న ఘోర రోడ్డు ప్రమాదం చోటు చేసుకుంది. 19 మందితో ప్రయాణిస్తున్న ఆటో రోడ్డు పక్కనే ఉన్న వ్యవసాయ బావిలో పడింది. ఈ ఘటనలో ఆరుగురు చిన్నారులు, నలుగురు మహిళలు సహా 11 మంది మృతి చెందారు. జిల్లా చరిత్రలోనే ఇంత భారీ రోడ్డు ప్రమాదం జరగలేదు. ఇలా 46 రోడ్లలో 75 బావులు ప్రమాదకరంగా పొంచి ఉన్నాయి. ఈ బావుల వద్ద రక్షణ గోడలు నిర్మించాలని, పాడుబడిన బావులైతే పూడ్చి వేయాలని గతంలోనే నిర్ణయించారు. అయితే ఈ పనులకు మోక్షం లభించలేదు. తాజాగా ఇలాంటి బ్లాక్‌స్పాట్‌ల వద్ద రక్షణగోడల నిర్మాణానికి రూ.3.50 కోట్లతో రూపొందించిన ప్రతిపాదనలు ప్రభుత్వానికి వెళ్లాయి.  ప్రతిపాదనలు పంపాము  ప్రభుత్వ ఆదేశాల మేరకు జిల్లాలో పీఆర్‌ రోడ్ల మరమ్మతు పనులకు సంబంధించిన అంచనాలు ఇటీవల రూపొందించాము. అలాగే బీటీ రోడ్లు లేని గ్రామ పంచాయతీల గుర్తింపు ప్రక్రియను కూడా  పూర్తి చేశాము. మూడు పంచాయతీలకు బీటీ రోడ్ల నిర్మాణానికి ప్రతిపాదనలు పంపాము. అలాగే రోడ్లపై ప్రమాదాలు జరిగే ప్రదేశాల్లో చేపట్టనున్న పనులకు సంబంధించి కూడా ప్రతిపాదనలు సిద్ధం చేసి ప్రభుత్వానికి నివేదించాము. నీలకంఠేశ్వర్,ఎగ్జిక్యూటివ్‌ ఇంజనీర్‌ 

పాల్వంచరూరల్‌: పేరుకు జాతీయ రహదారి నిర్మాణమే అయినప్పటికీ.. పనులు మాత్రం మారుమూల బీటీ రోడ్లకంటే నెమ్మదిగా సాగుతున్నాయి. విజయవాడ నుంచి ఇబ్రహీం పట్టణం వరకు చేపట్టిన 30వ నంబర్‌ జాతీయ రహదారి జిల్లాలో భద్రాచలం, సారపాక వద్ద ప్రవేశిస్తుంది. అక్కడి నుంచి 161 కిలోమీటర్ల మేర నాలుగు వరుసల్లో మన జిల్లాల్లోనే నిర్మితమవుతోంది. ఆ తర్వాత ఖమ్మం జిల్లా మీదుగా రోడ్డు ఉంటుంది. ఏపీ, తెలంగాణ రాష్ట్రాలను కలిపే ప్రతిష్టాత్మక పనుల్లో ప్రస్తుతం కొత్తగూడెం, పాల్వంచ సమీపంలో తీవ్ర జాప్యం జరుగుతోంది. దీంతో రాకపోకలకు అంతరాయం కలుగుతోంది. వాస్తవానికి 2017 జూలై నాటికే అందుబాటులోకి రావాల్సి ఉండగా.. అగ్రిమెంట్‌ను అధికారులు పొడిగించి మార్చి నెలఖారునాటికి గడువునిచ్చారు. అయినా..కాంట్రాక్టర్, అధికారుల నిర్లక్ష్యం కారణంగా ఈ జాప్యం నెలకొంది. మూడో ప్యాకేజీ కింద రూ.229 కోట్ల వ్యయంతో సారపాక నుంచి రుద్రంపూర్‌ వరకు 42 కిలోమీటర్ల పనులు సాగుతున్నాయి. 35 కిలోమీటర్ల వరకు పూర్తి చేశారు. ఇంకా 7 కిలోమీటర్ల నిర్మాణం మిగిలి ఉంది. ముర్రేడు, గోదుమ వాగులపైన రెండు వంతెనలు నిర్మించాలి. పెద్దమ్మగుడి సమీపంలో కల్వర్టు పూర్తి చేయాల్సి ఉంది. ఇల్లెందు క్రాస్‌ రోడ్డు నుంచి సింగరేణి అతిథి గృహం వరకు ఒకవైపు రహదారిని మాత్రం పోశారు. మరో వైపునకు మోక్షం లభించట్లేదు. లక్ష్మీదేవిపల్లి నుంచి రామవరం గోదుమవాగు వరకు రోడ్డు నిర్మాణం పనులు ఇంకా మొదలు కాలేదు. రోడ్డు పక్కన డ్రెయినేజీలు కూడా అస్తవ్యస్తంగానే ఉన్నాయి. 54 కిలోమీటర్లకు గాను కేవలం 24 కిలోమీటర్లే పూర్తయింది. మూడు కల్వర్టులు కట్టాల్సి ఉంది.   పెద్దమ్మ గుడి వద్ద ఎప్పుడో..?  కొత్తగూడెం పట్టణ పరిధి, పెద్దమ్మగుడి ఆలయం ఎదుటి నుంచి ఇంకా నిర్మాణ పనులను ప్రారంభించలేదు. కేవశవాపురం – ఇందిరానగర్‌ కాలనీ వరకు ఒకవైపు వరస రోడ్డు పనులు కొనసాగుతున్నాయి. ఆరోగ్యమాత చర్చి వద్ద నుంచి సీ–కాలనీ గేటు, బస్టాండ్‌ సెంటర్‌ మీదుగా దమ్మపేట సెంటర్‌ వరకు పూర్తిస్థాయిలో రోడ్డు నిర్మాణం చేయలేదు. దీంతో వాహనాలు డైవర్షన్‌పై రాకపోకలు సాగిస్తున్నాయి.  ఒకవైపు రోడ్డు ఎత్తుగా, మరోవైపు లోతట్టుగా ఉండడం, దుమ్ము లేస్తుండడంతో ప్రమాదకరంగా మారింది. పెద్దమ్మ గుడి సమీపంలోని జగన్నాథపురంలో ఒకవైపు నిర్మాణం కోసం గుంతలు తవ్వి నిర్లక్ష్యంగా వదిలేశారు. రహదారికి ఇరువైపులా సైడ్‌కాల్వలు అస్తవ్యస్తంగా వదిలేశారు. హెచ్చరిక బోర్డులను ఏర్పాటు చేయనేలేదు. కేవలం ఇసుక బస్తాలను కొన్నిచోట్ల, మరికొన్ని చోట్ల డ్రమ్‌లను ఉంచి..బాధ్యులు చేతులు దులుపుకున్నారు. రాత్రి వేళల్లో వాహనాల రాకపోకలకు తీవ్ర అంతరాయం ఏర్పడుతోంది. నవభారత్‌ నుంచి ఇల్లెందు క్రాస్‌రోడ్డు వరకూ పరిస్థితి ఇలానే కనిపిస్తోంది. అసంపూర్తి పనులతో సమీప కాలనీలకు రాకపోకలు ఇబ్బందికరంగా మారాయి. డివైడర్‌కు సంబంధించి అక్కడక్కడా నాసిరకం పనులతోనే మమ అనిపిస్తున్నారనే ఆరోపణలు వెల్లువెత్తుతున్నాయి. ఇక ఫుట్‌పాత్‌ నిర్మాణ పనులు ఇంకా దారుణంగా ఉన్నాయని స్థానికులు అంటున్నారు. పుట్‌పాత్‌లో ఇటుకలు, సిమెంట్‌ వేసి..ఆ తర్వాత క్యూరింగ్‌ చేయకపోవడం, పటిష్టంగా నిర్మించని కారణంగా అప్పుడే దెబ్బతింటోంది. పనులు నిలిపిన చోట హెచ్చరిక బోర్డులు, రాత్రి వేళ గుర్తించేలా రేడియం స్టిక్కర్లు ఏర్పాటు చేయాల్సిన అవసరముంది.   గడువును పొడిగించాల్సి ఉంది..  జాతీయ రహదారి నిర్మాణ పనులు ఆపకుండా నిర్వహిస్తున్నాం. ఇంకా 7 కిలోమీటర్ల రహదారి మాత్రం నిర్మించాల్సి ఉంది. కొత్తగూడెం పట్టణ పరిధి, పెద్దమ్మగుడి వద్ద పూర్తి చేస్తాం. మిగిలిన రెండు బ్రిడ్జిలను కట్టిస్తాం. డిసెంబర్‌ వరకు గడువును నిర్దేశించాం. అయితే..ఇంకా కొంతకాలం పడుతుందని, ఈ గడువు పెంచాలని ప్రతిపాదనలు పంపాం.  – వెంకటేశ్వరరావు, ఈఈ, నేషనల్‌ హైవే

పోలవరం ప్రాజెక్టు నిర్మాణమే తొలి ప్రాధాన్యత అంటూ ప్రభుత్వం నాలుగున్నరేళ్లుగా ప్రగల్భాలు పలుకుతోంది. కానీ కనీసం ప్రాజెక్టుకు వెళ్లే ఏటిగట్టు రహదారిని ఇప్పటివరకు నిర్మించలేకపోయింది. సింగిల్‌ రోడ్డుగా ఉన్న ఈ రహదారి నిర్మాణ సామగ్రిని తరలిస్తున్న భారీ వాహనాల తాకిడికి గోతులమయంగా మారింది. రహదారి విస్తరణకు అధికారులు మూడుసార్లు ప్రతిపాదనలు పంపినా ప్రభుత్వం పైసా విదల్చలేదు. పోలవరం రూరల్‌ : పోలవరం ప్రాజెక్టుకు ఎంతో ప్రాధాన్యత ఇస్తున్నామంటూ చెప్పుకుంటున్న ప్రభుత్వం నాలుగున్నరేళ్లు గడిచినా కనీసం రహదారిని కూడా నిర్మించలేకపోయింది. రాష్ట్రంలోని అన్ని ప్రాంతాల నుంచి పోలవరం చేరాలంటే సింగిల్‌ రోడ్డుగా ఉన్న ఏటిగట్టు మార్గమే దిక్కు. అది కూడా 60 మలుపులతో ప్రమాదకరంగా ఉంది. అయినప్పటికీ రోడ్డు విస్తరణకు నోచుకోలేదు. ప్రాజెక్టు నిర్మాణ పనులకు వినియోగించే భారీ యంత్రాలన్నీ ఈ ఇరుకు రోడ్డు మార్గంలో చేరాల్సిందే. పోలవరం నుంచి కొవ్వూరు వరకు వెళ్లే రోడ్డు మార్గం ఐదున్నర మీటర్ల వెడల్పు ఉంది. దీనిలో కొంత మేర మూడున్నర మీటర్లకు కుచించుకుపోయింది. ప్రక్కిలంక నుంచి పోలవరం వరకు రోడ్డు అధ్వానంగా మారింది. ఒక వాహనం వెళ్తుంటే మరో వాహనం పక్కకు తప్పుకోవడానికి పాట్లు పడాల్సిన పరిస్థితి. దీంతో తరచూ ప్రమాదాలు సైతం చోటు చేసుకుంటున్నాయి. భారీ వాహనాల రాకపోకలతో రోడ్డు మొత్తం గోతులమయంగా మారింది. కనీసం తాత్కాలిక మరమ్మతులకు కూడా నోచుకోలేదు. ముఖ్యమంత్రి చంద్రబాబు, మంత్రులు, ఇతర ప్రజాప్రతినిధులు, ఉన్నతాధికారులు ఇదే రోడ్డుపై ప్రయాణిస్తున్నా పట్టించుకోకపోవడం గమనార్హం. మూడేళ్ల కిందట సీఎం చంద్రబాబు పోలవరం సందర్శనకు వచ్చిన సమయంలో ఏటిగట్టు రోడ్డు దుస్థితిని ప్రజలు ఆయన దృష్టికి తీసుకెళ్లారు. మూడుసార్లు ప్రతిపాదనలు పోలవరం నుంచి కొవ్వూరు వరకు 30 కిలోమీటర్ల పొడవున ఉన్న రోడ్డును వెడల్పు చేసేందుకు ఆర్‌అండ్‌బీ అధికారులు మూడుసార్లు సర్వే చేసి ప్రభుత్వానికి ప్రతిపాదనలు పంపారు. ఏ ఒక్క ప్రతిపాదన ఇప్పటివరకు మంజూరు కాలేదు. రెండేళ్ల క్రితం ఏటిగట్టుపై ఆర్‌అండ్‌బీ రోడ్డు ఫోర్‌లైన్‌ నిర్మాణానికి రూ.300 కోట్లతో ప్రతిపాదన పంపారు. ఏమైందో ఏమో కానీ ఏడాదిన్నర క్రితం ఫోర్‌లైన్‌ స్థానే డబుల్‌ రోడ్డు నిర్మాణానికి రూ.100 కోట్లతో మరో ప్రతిపాదనను తయారు చేసి అధికారులు ప్రభుత్వానికి పంపించారు. దానికి కూడా ప్రభుత్వం అంగీకరించలేదు. ఏడాది క్రితం మరోసారి సర్వే చేశారు. ఈసారి జాతీయ రహదారిలో భాగంగా జీలుగుమిల్లి నుంచి పోలవరం మీదుగా కొవ్వూరు వరకు 85 కిలోమీటర్ల పొడవునా, పదిమీటర్ల వెడల్పుతో నిర్మించేందుకు రూ.493 కోట్లతో మరో ప్రతి పాదన పంపారు. ఆ ప్రతిపాదనా అటకెక్కింది. భారీ వాహనాల రాకపోకలు ప్రాజెక్టు ఇంకా ప్రాథమిక దశలోనే ఉన్నా ప్రభుత్వం ప్రచార ఆర్భాటం కోసం సందర్శన పేరుతో రాష్ట్రంలోని అన్ని జిల్లాల నుంచి ప్రజలను తరలిస్తోంది. దీంతో నిత్యం రాష్ట్రం లోని వివిధ ప్రాంతాల నుంచి 100 బస్సులతో పాటు ఇతర వాహనాలు రాకపోకలు సాగి స్తున్నాయి. ఇవి కాక నిర్మాణ సామగ్రి కోసం భారీవాహనాలు వస్తున్నాయి. ఆర్టీసీ బస్సులు, నిత్యం తిరిగే వాహనదారులతో రాకపోకలు పెరిగాయి. రోడ్డు మూడున్నర మీటర్ల వెడల్పు మాత్రమే ఉండడంతో తరచూ ట్రాఫిక్‌ ఇబ్బందులు ఎదురవుతున్నాయి. వాహనాలను తప్పించబోయి పలు ప్రమాదాలు కూడా చోటు చేసుకున్నాయి. ఏటిగట్టు రోడ్డుపై ప్రయాణం అంటేనే ఏ రోజు ఏం జరుగుతుందో తెలియని పరిస్థితి నెలకొంది. రోడ్డు వెడల్పు చేయాల్సిన అవసరం ఎంతైనా ఉంది. ప్రభుత్వం ఏదో ఒక ప్రతిపాదనకు అంగీకరించి రహదారిని త్వరగా విస్తరించాలని స్థానికులు, ప్రయాణికులు కోరుతున్నారు.   అవస్థలు పడుతున్నాం ప్రాజెక్టు నిర్మాణ ప్రాంతానికి వెళ్లేందుకు ఉన్నది ఒక్కటే రోడ్డు మార్గం. ఈ రోడ్డు మార్గాన్ని విస్తరించకపోవడం వల్ల నిత్యం అనేక అవస్థలు పడుతున్నాం. దీనికి తోడు భారీ వాహనాల రాకపోకలతో మరింత ఇబ్బందికరంగా మారింది. ప్రధానంగా రోడ్డు వెడల్పు లేకపోవడంతో ఒకేసారి రెండు వాహనాలు తప్పుకునే పరిస్థితి లేదు. రోడ్డును వెడల్పు చేయాల్సి ఉంది. – బుగ్గా మురళీకృష్ణ, పోలవరం నిధులు మంజూరు చేయాలి  నిత్యం ప్రాజెక్టు నిర్మాణ ప్రాంతానికి 100 బస్సులతో పాటు భారీ వాహనాలు రాకపోకలు సాగించడంతో వాహనదారులు తీవ్ర ఇబ్బందులు ఎదుర్కొంటున్నారు. ప్రమాదాలు కూడా చోటు చేసుకుంటున్నాయి. రోడ్డు నిర్మాణానికి ప్రభుత్వం నిధులు మంజూరు చేయాల్సిన అవసరం ఉంది. ప్రాజెక్టు నిర్మాణ ప్రాంతానికి వెళ్లాలంటే ఉన్నది ఒక్కటే రోడ్డు మార్గం కావడంతో అన్ని వాహనాలు ఈ రోడ్డు మార్గంలో వెళ్లాల్సిందే. గంటా శ్రీనివాసరావు, తాడిపూడి

పాల్వంచరూరల్‌: కిన్నెరసాని అభయారణ్యం పరిధిలో మంజూరైన ఆర్‌అండ్‌బీ రహదారి విస్తరణ పనులకు వైల్డ్‌లైఫ్‌ శాఖ ద్వారా అనుమతులు రాక ఏడాది కాలంగా స్తంభించాయి. మండల పరిధిలోని రాజాపురం నుంచి ఉల్వనూరు, చండ్రాలగూడెం మీదుగా కొత్తగూడెం మండలం మైలారం నుంచి కొత్తగూడెం క్రాస్‌ రోడ్డు వరకు రహదారి నిర్మాణానికి రూ.62 కోట్లు గత ఏడాది మంజూరయ్యాయి. అయితే ఇందులో 51 కిలోమీటర్ల ఆర్‌అండ్‌బీ రహదారి విస్తరణ పనులకు వైల్డ్‌లైఫ్‌ అనుమతి తప్పనిసరి. కాగా, అభయారణ్యంలో రోడ్డు విస్తరణకు ఆ శాఖ అనుమతి  ఇవ్వడానికి నిరాకరించింది. దీంతో రాజాపురం నుంచి ఉల్వనూరు వరకు రోడ్డు నిర్మాణ పనులు నిలిచిపోయాయి. పనులు దక్కించుకున్న కాంట్రాక్టర్‌.. రాజాపురం నుంచి రోడ్డు విస్తరణ పనులు చేస్తుండగా గత మే నెలలో వైల్డ్‌లైఫ్‌ శాఖఅధికారులు నిలిపివేశారు.  రోడ్డు పొడవునా కల్వర్టులు కూడా నిర్మించారు. అయితే అవి రోడ్డుకు ఎత్తుగా ఉండటంతో వర్షాకాలంలో రాకపోకలకు ప్రమాదకరంగా మారిందని వాహనచోదకులు ఆవేధన వ్యక్తం చేస్తున్నారు. ఉల్వనూరు గ్రామ సమీపంలో, మల్లారం క్రాస్‌ రోడ్డు వద్ద రోడ్డుపై కంకర తేలి గుంతలు ఏర్పడ్డాయి.   ప్రతిపాదనలు పంపినా పర్మిషన్‌ రాలే..   రోడ్డు నిర్మాణం పనులు నిలిచిపోవడంతో అనుమతి ఇవ్వాలని కోరుతూ ఆర్‌అండ్‌బీ శాఖ ఈఈ ప్రభుత్వం ద్వారా ఢిల్లీకి ప్రతిపాదనలు పంపించారు. స్వయంగా పలుమార్లు ఢిల్లీ వెళ్లి సంబంధిత అధికారులతో చర్చించారు. అయినా రోడ్డు విస్తరణకు అనుమతి ఇచ్చేందుకు వైల్డ్‌లైఫ్‌ అధికారులు నిరాకరించారు. దీంతో చండ్రాలగూడెం నుంచి మైలారం వరకు వైల్డ్‌లైఫ్‌ పరిధిలో లేని 8 కిలోమీటర్ల మేర మాత్రమే రోడ్డు నిర్మించారు. అయితే పాత రోడ్డుపైనే కొత్తగా నిర్మిస్తే తమకు అభ్యంతరం లేదని వైల్డ్‌లైఫ్‌ అధికారులు అంటున్నారు. అంతకుమించి విస్తరిస్తే ఒప్పుకునేది లేదని స్పష్టం చేశారు. అంతేగాక.. గతంలో నిర్మించిన రోడ్డుకు సైతం వైల్డ్‌లైఫ్‌ అనుమతులు లేవని చెపుతున్నారు. అయితే ఆ శాఖ పర్మిషన్‌ లేకుండా పాత రోడ్డు కూడా ఎలా నిర్మించారనేది స్థానికంగా చర్చనీయాంశమైంది. వైల్డ్‌లైఫ్‌ అనుమతి ఇవ్వడం లేదు మండల పరిధిలోని రాజాపురం నుంచి ఉల్వనూరు వరకు వైల్డ్‌లైఫ్‌ శాఖ పరిధిలో నిర్మించాల్సిన తారు రోడ్డు పనులకు ఆ శాఖ  అనుమతి ఇవ్వడం లేదు. దీంతో ఏడాది కాలంగా పనులు నిలిచిన మాట వాస్తవమే. అనేక సార్లు ఢిల్లీకి వెళ్లి వైల్డ్‌లైఫ్‌ శాఖ అధికారులతో మాట్లాడినా, ప్రభుత్వం ద్వారా ప్రతిపాదనలు పంపినా అనుమతికి నిరాకరించారు. ఇంకా ప్రయత్నాలు చేస్తున్నాం. చివరికి పాత రోడ్డునే పునరుద్ధరించాలనే ఆలోచన కూడా ఉంది. మరోసారి వైల్డ్‌లైఫ్‌ ఉన్నతాధికారులతో చర్చిస్తాం. – రాజేశ్వరరెడ్డి, ఆర్‌అండ్‌బీ ఈఈ

కర్నూలు, కోవెలకుంట్ల: అధికారపార్టీ నాయకుల అవినీతికి అడ్డూ అదుపులేకుండా పోతోంది. పది కాలాల పాటు పదిలంగా ఉండాల్సిన సీసీరోడ్ల నిర్మాణాల్లో   అక్రమాలకు పాల్పడ్డారు. చీపురుతో చిమ్మితే కంకర తేలుతుండటంతో రోడ్లు ఎంత నాణ్యతతో నిర్మించారో తెలుస్తోంది. కోవెలకుంట్ల మండలం లింగాల గ్రామంలో రూ.61 లక్షలతో నిర్మించిన సీసీరోడ్లు ప్రారంభించిన ఇరవై రోజులకే కంకర తేలి అధ్వానంగా మారాయి. గ్రామంలోని ఓసీ కాలనీలో రూ.30.10 లక్షలు, ఎస్సీ, బీసీ కాలనీల్లో రూ.30.90 లక్షలతో  మహాత్మాగాంధీ జాతీయ ఉపాధిహామీ, ఎస్‌డీఎఫ్‌ నిధులతో ఇటీవల సీసీరోడ్లు, డ్రైనేజీ ఏర్పాటు చేశారు. నిర్మాణ సమయంలో తగినపాళ్లలో సిమెంట్‌ కలుపకుండా అధిక భాగం ఇసుక, కంకరతో రోడ్ల నిర్మాణం చేపట్టడంతో రోడ్లు వేసిన కొన్ని రోజులకే దెబ్బతిని కంకర బయట పడింది. గత నెల 24వ తేదీ బనగానపల్లె ఎమ్మెల్యే బీసీ జనార్దన్‌రెడ్డి ఈ రోడ్లకు ప్రారంభో త్సవం చేశారు. సీసీరోడ్లపై ఉదయం, సాయంత్రం వేళల్లో ఆయా కాలనీల్లో ఇళ్ల ముందు చీపురుతో ఊడ్చితే  కంకర చిప్స్‌ వస్తున్నాయని స్థానిక మహిళలు వాపోతున్నారు. రోడ్లపై కంకర బయటపడటంతో రోడ్లపై చెప్పులు లేకుండా నడిచేందుకు ప్రజలు ఇబ్బందులు ఎదుర్కొంటున్నారు. కంకర పాదాల్లో గుచ్చుకుంటుండటంతో రాకపోకలు సాగించేందుకు అవస్థలు పడుతున్నారు.  ఎస్సీ, ఓసీ కాలనీల్లో రోడ్ల నిర్మాణాలను మధ్యలో వదిలేయడంతో పారిశుద్ధ్యం లోపించి దుర్వాసన వస్తోందని కాలనీవాసులు  చెబుతున్నారు. సీసీరోడ్ల ప్రారంభోత్సవంలో శిలాఫలకాలు, డ్రమ్స్, డప్పులు, తదితర హంగు, ఆర్భాటాలకు కావాల్సిన మొత్తాన్ని రోడ్ల నిర్మాణానికి కేటాయించిన నిధుల్లో కోత పెట్టాల్సి వస్తోందని అధికారపార్టీకి చెందిన ఓ నాయకుడు తెలిపారు.   బిల్లులు నిలుపుదల: గ్రామంలోని ఎస్సీ, బీసీ కాలనీల్లో సీసీరోడ్ల నిర్మాణాల్లో నాణ్యత ప్రమాణాలు పాటించలేదన్న విషయం మా దృష్టికి వచ్చింది. దెబ్బతిన్న రోడ్డు స్థానంలో తిరిగి రోడ్డువేయాలని సంబంధిత కాంట్రాక్టర్‌కు ఆదేశాలు జారీ చేశాం.  మరమ్మతులు చేసేవరకు ఫైనల్‌ బిల్లు లు చెల్లించకుండా పెండింగ్‌లో పెట్టాం.    – నజీర్‌ అహమ్మద్, పంచాయతీరాజ్‌ ఏఈ

సాక్షి, నిజాంసాగర్‌(జుక్కల్‌): కర్ణాటక, మహారాష్ట్ర, తెలంగాణ రాష్ట్రాలను కలిపే సంగారెడ్డి – నాందేడ్‌ – అకోల (ఎస్‌ఎన్‌ఏ) జాతీయ రహదారి విస్తరణ పనులకు ఎట్టకేలకు మోక్షం లభించింది. మూడు రాష్ట్రాలకు సరిహద్దు కూడలిగా ఉన్న జుక్కల్‌ నియోజకవర్గం మీదుగా ఉన్న నాందేడ్‌– సంగారెడ్డి డబుల్‌ రోడ్డును నాలుగు లైన్ల రహదారిగా విస్తరిస్తున్నారు. సదరు రహదారి విస్తరణ కోసం కేంద్ర ప్రభుత్వం రూ. 2,793 కోట్లు మంజూరు చేసింది. దాంతో 135 కిలోమీటర్ల మేర ఉన్న రోడ్డును నాలుగు లైన్ల రహదారిగా మారుస్తున్నారు. నాలుగు లైన్ల రహదారికి అనుమతి హైదరాబాద్, సంగారెడ్డి ప్రాంతాల నుంచి నాందేడ్‌ వరకు విస్తరించి ఉన్న ఎస్‌ఎన్‌ఏ డబుల్‌ రోడ్డును నాలుగు లైన్ల రహదారిగా మార్చేందు కు జహీరాబాద్‌ ఎంపీ బీబీపాటిల్‌ కేంద్రం దృష్టికి తీసుకువెళ్లారు. నిత్యం వేలాది వాహనాలు ప్రయాణిస్తున్న ఎస్‌ఎన్‌ఏ రోడ్డును నాలు గు లైన్లుగా విస్తరించాలని కోరారు. అంతే కాకుం డా సదరు రోడ్డు మార్గంలో ఉన్న ఆందోల్, నారాయణఖేడ్, జుక్కల్‌ నియోజకవర్గాలు వ్యాపార పరంగా, పరిశ్రమల పరంగా అభివృద్ధి సాధిస్తాయని కేంద్రానికి విన్నవించారు. ఎంపీ బీబీపాటిల్‌ విజ్ఞప్తి మేరకు కేంద్ర మంత్రి నితిన్‌గడ్కరీ ఎస్‌ఎన్‌ఏ రోడ్డును నాలుగు లైన్ల రహదారికి అనుమతించారు. అంతేకాకుండా నాలుగు లైన్ల రహదారి విస్తరణ పనుల కోసం కేంద్ర ప్రభుత్వం రూ. 2,793 కోట్లు మంజూరు చేసింది. మొదటి దఫాలో సదరు రహదారి విస్తరణ పనులకు ఆమోదం తెలిపారు.  పనులు ప్రారంభం సంగారెడ్డి జిల్లా కంది నుంచి మహారాష్ట్రలోని దెగ్లూర్‌ వరకు ఉన్న సంగారెడ్డి – నాందేడ్‌ – అకోల జాతీయ రహదారి విస్తరణ పనులకు ఎట్టకేలకు మోక్షం లభించింది. గడిచిన ఏడాదిన్నర నుంచి రోడ్డు సర్వే పనులు కొనసాగాయి. రోడ్డుకు ఇరువైపులా ఉన్న భూముల యజమానులతో ఆర్‌ఆండ్‌బీ, రెవెన్యూ అధికారులు పలు దఫాలుగా సమావేశం అయ్యారు. విస్తరణ పనులకు భూముల కేటాయింపు పూర్తవడంతో నెల రోజుల నుంచి విస్తరణ పనులు నిర్వహిస్తున్నారు. దెగ్లూర్‌ నుంచి మద్నూర్, జుక్కల్, పెద్దకొడప్‌గల్, పిట్లం, నిజాంసాగర్‌ మండలాల మీదుగా ఉన్న రోడ్డు విస్తరణ పనులు ప్రారంభించారు. నాలుగు లైన్ల రహదారి కోసం ఇరువైపులా సరిహద్దులు పెట్టారు. అంతేకాకుండా సదరు రోడ్డుకు ఇరువైపులా ఉన్న భారీ వృక్షాలను ఆర్‌అండ్‌బీ అధికారుల ఆధ్వర్యంలో తొలగిస్తున్నారు. రహదారి విస్తరణ పనులు దక్కించుకున్న కాంట్రాక్టర్‌ బిచ్కుందలో మాకం వేశారు. రహదారి విస్తరణ పనులను 18 నెలల కాలంలో పూర్తి చేయాలని నిర్దేశించడంతో పనులపై దృష్టి సారించారు. 2020 సంవత్సరం నాటికి నాలుగు లైన్ల రహదారి విస్తరణ పనులు పూర్తయ్యేలా ఆర్‌అండ్‌బీ అధికారులు పనులు మరింత వేగవంతం చేశారు. రహదారి విస్తరణ పనులు చేపడుతుండడంతో ఆయా మండలాల ప్రజలు, ప్రయాణికులు హర్షం వ్యక్తం చేస్తున్నారు.   

చర్ల/పర్ణశాల: ఛత్తీస్‌గఢ్‌లో తమ హెచ్చరికలను పట్టించుకోకుండా రోడ్డు పనులు చేపట్టిన కాంట్రాక్టర్‌ హరిశంకర్‌ సాహూను మావోయిస్టులు హతమార్చారు. ఈ ఘటన సుక్మా జిల్లాలో గురువారం జరిగింది. దోర్నపాల్‌ పోలీస్‌స్టేషన్‌ పరిధిలోని ఇప్పనపల్లి గ్రామం దగ్గర మిస్మా–చిరోర్డ్‌గూడ రోడ్డు పనులను ప్రధానమంత్రి గ్రామ్‌ సడక్‌ యోజన పథకం కింద చేపట్టారు. ఏడాది క్రితమే పనులు మొదలైనా మావోల హెచ్చరికలతో నిలిపివేశారు. కాగా, కాంట్రాక్టర్‌ ఆ రోడ్డు నిర్మాణ పనులను బుధవారం మళ్లీ ప్రారంభించారు. దీంతో గురువారం ఉదయం సాయుధులైన దాదాపు డజను మంది మావోయిస్టులు రోడ్డు నిర్మాణప్రాంతానికొచ్చి పనులు ఆపేయాలని అక్కడి కార్మికులను బెదిరించారు. అక్కడే ఉన్న హరిశంకర్‌ను తలపై పదునైన ఆయుధాలతో కొట్టి చంపారు. హరిశంకర్‌ ఎస్‌యూవీ వాహనం, మరో ఐదు వాహనాలను తగలబెట్టారు. రోడ్డు పనులకు వాడుతున్న ట్రక్కులు, రోడ్డు రోలర్లనూ దహనం చేశారు.

చెన్నై: రోడ్డు కాంట్రాక్టు పనుల్లో అవినీతి ఆరోపణలు ఎదుర్కొంటున్న తమిళనాడు ముఖ్యమంత్రి పళనిస్వామిపై సీబీఐ విచారణకు మద్రాస్‌ హైకోర్టు ఆదేశించింది. రాష్ట్రంలో చేపట్టిన రూ.3,500 కోట్ల విలువైన కాంట్రాక్టు పనులను ముఖ్యమంత్రి పళనిస్వామి తన బంధువులకు, బినామీలకు అప్పగించారని ఆరోపిస్తూ డీఎంకే నేత ఆర్‌ఎస్‌ భారతి గతంలో పిటిషన్‌ వేశారు. ఈ కేసులో డైరెక్టరేట్‌ ఆఫ్‌ విజిలెన్స్‌ అండ్‌ యాంటీ కరప్షన్‌(డీవీఏసీ) అందజేసిన నివేదికను పరిశీలించిన జస్టిస్‌ ఏడీ జగదీశ్‌ చంద్ర శుక్రవారం ఈ ఆదేశాలిచ్చారు. దర్యాప్తునకు సంబంధించిన అన్ని పత్రాలను వారంలోగా సీబీఐకి అందజేయాలని డీవీఏసీని ఆదేశిస్తూ.. ప్రాథమిక విచారణ నివేదికను మూడు నెలల్లోగా అందజేయాలని సీబీఐని కోరారు. రాష్ట్రంలో చేపట్టిన రోడ్డు కాంట్రాక్టు పనుల్లో అవకతవకలు జరిగాయనీ, వీటిపై డీవీఏసీ విచారణకు ఆదేశించాలని కోరుతూ డీఎంకే నేత భారతి జూన్‌లో హైకోర్టులో పిటిషన్‌ వేశారు. స్పందించిన న్యాయస్థానం.. ఈ ఆరోపణలపై దర్యాప్తు చేపట్టాలని, రోజువారీ నివేదికను అందజేయాలని డీవీఏసీని సెప్టెంబర్‌ 12వ తేదీన ఆదేశించింది. అయితే, డీవీఏసీ దర్యాప్తు సీఎం పళనిస్వామికి అనుకూలంగా సాగుతోందని ఈనెల 9న జరిగిన విచారణ సందర్భంగా పిటిషనర్‌ భారతి అనుమానాలు వ్యక్తం చేయడంతో సీబీఐ విచారణకు ఆదేశిస్తూ హైకోర్టు తాజాగా ఉత్తర్వులిచ్చింది. హైకోర్టు ఆదేశాల నేపథ్యంలో సీఎం రాజీనామా చేయాలని విపక్షాలు డిమాండ్‌ చేశాయి.

అనంతపురం, ఉరవకొండ/కూడేరు: ప్రజలకు నాలుగు కాలాల పాటు సేవలందించాల్సిన రహదారుల నిర్మాణంలో కాంట్రాక్టర్‌ సొంత లాభం చూసుకుంటున్న తీరు విమర్శలకు తావిస్తోంది. జిల్లాకు చెందిన నిర్మాణ సంస్థ.. అందునా అధికార పార్టీ అండదండలు.. కోట్లాది రూపాయల వ్యయం.. నాణ్యత పాటించకపోవడంతో రోడ్డు పూర్తయిన నెలల వ్యవధిలోనే కంకర తేలిపోయింది. అంతేకాదు.. అడుగడుగునా ఓ డొల్లతనం బయటపడుతోంది. ఎస్‌ఆర్‌ కన్‌స్ట్రక్షన్స్‌ ఆధ్వర్యంలో చేపట్టిన 75 కిలోమీటర్ల రోడ్డులో భాగంగా రాచానపల్లి వద్ద వంతెనతో పాటు పెన్నహోబిళం వద్ద మరో వంతెన నిర్మించారు. నాలుగు నెలల క్రితం పనులు పూర్తయ్యాయి. రయ్‌.. రయ్‌మంటూ దూసుకుపోవచ్చనుకున్న వాహన చోదకులు తాజా పరిస్థితిని చూసి ముక్కున వేలేసుకుంటున్నారు. నిర్మాణంలో కాంట్రాక్టర్‌ ఇష్టారాజ్యంగా వ్యవహరించినట్లు స్థానికులు వాపోతున్నారు. ఉరవకొండ బైపాస్‌ను పరిశీలిస్తే.. ఎమ్మెల్సీ చీఫ్‌ విప్‌ పయ్యావుల కేశవ్‌ ఆదేశాలతో 20 అడుగుల రోడ్డును కుదించినట్లు చర్చ జరుగుతోంది. స్థానిక టీడీపీ నాయకులు చందా వెంకటస్వామికి చెందిన భూములను కాపాడేందుకే ఈ కుదింపు చేపట్టినట్లు తెలుస్తోంది. పైపులైన్‌ నిర్మాణ పనుల్లోనూ ఇదే రీతిన వ్యవహరించారు. కేకే పెట్రోల్‌ బంకు వద్ద నిత్యం ప్రమాదాలు చోటు చేసుకుంటున్నాయి. ఈ ప్రాంతంలో వేసిన డివైడర్లు కొద్ది రోజులకే ధ్వంసమయ్యాయి. చాలా చోట్ల లేయర్‌ వేయకుండా వదిలేయడంతో కంకర తేలి గుంతలు పడ్డాయి. రోడ్డును నిశితంగా పరిశీలిస్తే.. ఎన్‌హెచ్‌ఏఐ పనితీరు ఎలా ఉందో అర్థమవుతోంది. అధికారుల పర్యవేక్షణ లేకపోవడం వల్లే కాంట్రాక్టర్‌ ఇష్టారాజ్యంగా వ్యవహరించినట్లు తెలుస్తోంది. అందునా.. టీడీపీ దత్తత సంస్థ కావడం వల్లే అధికారులు చూసీచూడనట్లు వ్యవహరించినట్లు చర్చ జరుగుతోంది. అసంపూర్తిగా డ్రైనేజీ పనులు కూడేరు మండల పరిధిలోని కుష్టు రోగుల కాలనీ నుంచి శివరాంపేట గ్రామం వరకు రహదారి పనులు చేపట్టారు. కూడేరులో ప్రధాన రహదారికి ఇరువైపులా మూడు అడుగుల వెడల్పు, పొడవుతో నిర్మించిన డ్రెయినేజీలు నాసిరకంగా ఉన్నాయి. కొన్నిచోట్లఅసంపూర్తిగా వదిలేశారు. స్టేట్‌ బ్యాంక్‌ వద్ద ఇళ్ల ముందు డ్రైనేజీ నిర్మాణానికి కొన్ని నెలల క్రితం గుంతలు తీసినా ఇప్పటికీ నిర్మాణం చేపట్టని పరిస్థితి. అదేవిధంగా రెడ్డి హోటల్‌ వద్ద, ట్రాన్స్‌కో కార్యాలయం సమీపంలో డ్రెయినేజీలు అసంపూర్తిగా ఉండటంతో మురుగు నీరు రోడ్డుపై ప్రవహిస్తోంది. ఈ కారణంగా ప్రజలు తీవ్ర ఇబ్బందులు ఎదుర్కొంటున్నారు. ఇది అనంతపురం–బళ్లారి జాతీయ రహదారి. రోడ్డు పూర్తయి నాలుగు నెలలు కూడా గడవక మునుపే విడపనకల్లు సమీపంలో ఇలా కంకర తేలింది. జిల్లాకు చెందిన ఎస్‌ఆర్‌ కన్‌స్ట్రక్షన్స్‌.. అందునా ఆ సంస్థ యజమాని అమిలినేని సురేంద్ర సొంత నియోజకవర్గం మీదుగా వెళ్తున్న రోడ్డు విషయంలో పాటించిన నాణ్యతను చూస్తే ఈ ప్రాంత అభివృద్ధి విషయంలో ఆయన పాత్ర ఇట్టే అర్థమవుతోంది.

జిల్లాలో గ్రామీణ రోడ్లు అధ్వానంగా మారా యి. చినుకుపడితే చిత్తడిగా తయారవుతున్నాయి. వాహనాలు ఎక్కడికక్కడ నిలిచిపోతున్నాయి. రాకపోకలు సాగించలేక ద్విచక్ర వాహనదారులు, పాదచారులు తిప్పలు ఎదుర్కొంటున్నారు. నిధులు ఉన్నా సంబంధిత శాఖల మధ్య సమన్వయం లేకపోవడంతో ఎక్కడ వేసిన గొంగళి అక్కడే అన్నట్టు తయారవుతోంది. నిధులు ఖర్చు చేయకపోవడంతో వెనక్కి వెళ్లే పరిస్థితి దాపురించింది. ఇంత జరుగుతున్నా ప్రజాప్రతినిధులు, ఉన్నతాధికారులు పట్టీపట్టనట్టు వ్యవహరించడం విమర్శలకు తావిస్తోంది. చిత్తూరు ఎడ్యుకేషన్‌: జిల్లాలో పంచాయతీరాజ్‌ శాఖ ఆధ్వర్యంలో చేపట్టిన పనులు నత్తనడకన సాగుతున్నాయి. ఆర్‌డీఎఫ్‌ (రూరల్‌ డెవలప్‌ మెంట్‌ ఫండ్‌) కింద 2017–18లో 59 పనులు మంజూరయ్యాయి. ఇందులో 31 పనులు పూర్తిచేయగా, 28 పనులు పెండింగ్‌లో ఉన్నాయి. ఆ పనులకు రూ.1948.7 లక్షలు ఖర్చవుతుందని అంచనా. సీఆర్‌ఆర్‌ కింద 363 పనులకుగాను 196 పూర్తయ్యాయి. 167 పనులు పెండింగ్‌లో ఉన్నాయి. సీఆర్‌ఆర్‌ (ఎస్సీ సబ్‌ప్లాన్‌)లో 313 పనులకు 143 పూర్తికాగా, 170 పెండింగ్‌లో ఉన్నాయి. ఎంజీఎన్‌ఆర్‌జీఎస్‌లో 195 పనులకుగాను 115, అంగన్‌వాడీ భవన నిర్మాణాల్లో 856కు గాను 616, పంచాయతీ భవనాలు 587కు 158, ఎంజీఎన్‌ఆర్‌జీఎస్‌ కన్వర్జెన్సీలో సీసీరోడ్లు 12,743 పనులకు 8,455 పెండింగ్‌లో ఉన్నాయి. పంచాయతీరాజ్‌ పరిధిలోని పనులు ఏళ్ల తరబడి జరుగుతుండడంతో విమర్శలు వెలువెత్తుతున్నా యి. సీఆర్‌ఆర్‌ ఎస్సీ సబ్‌ప్లాన్‌ కింద మంజూరైన పనుల్లో చిత్తూరు పీఆర్‌ఐ, మదనపల్లె, తిరుపతి పరిధిలో పనులు ఎక్కువగా పెండింగ్‌లో ఉన్నట్లు నివేదికలు తెలుపుతున్నాయి. పంచాయత్‌రాజ్‌ శాఖలోని పీఆర్‌ఐ, పీఐయూ, క్వాలిటీ కంట్రోల్‌ శాఖల మధ్య సమన్వయలోపం ఉండడంతో పనులు త్వరితగతిన పూర్తి చేయలేకపోతున్నారన్న విమర్శలు వినిపిస్తున్నాయి. రోలింగ్‌ అంతంతమాత్రమే.. జిల్లాలో జరుగుతున్న రహదారులన్నీ నిబంధనల ప్రకారం నిర్మించాలి. తారు రోడ్లకు ఇరువైపులా రోలింగ్‌ చేయకుండా వదిలేస్తున్నారు. తారు రోడ్లలో రెండు పొరలుగా తారు వేయాలి. ఈ పనులు అలా జరగడం లేదు. కాంట్రాక్టర్లు, ఇంజినీరింగ్‌ అధికారులు కుమ్మక్కై నాసిరకమైన రోడ్లను వేస్తున్నారు. తారురోడ్లను రెండు పొరలుగా వేయకపోవడంతో ఎక్కడికక్కడ కొద్దిరోజులకే తారు ఎండ కు కరిగిపోతోంది. పర్యవేక్షించాల్సిన క్వాలిటీ కంట్రోల్‌ అధికారులు నిమ్మకునీరెత్తినట్లు వ్యవహరిస్తున్నారనే ఆరోపణలు వెల్లువెత్తుతున్నాయి.. ఎంజీఎన్‌ఆర్‌ఈజీఎస్‌ అదేతీరు.. జిల్లాలో ఎంజీఎన్‌ఆర్‌జీఎస్‌ ద్వారా 2017–18 సంవత్సరాల్లో చిత్తూరు, మదనపల్లె, తిరుపతికి గత ఆర్థిక సంవత్సరంలో 12,743 పనులు మంజూరయ్యాయి. వాటిలో 4,288 పనులు పూర్తి చేశారు. ఇంకా 8,455 పనులు పెండింగ్‌లో ఉన్నాయి. ఈ ఏడాది మరో 29 పనులు మంజూరయ్యాయి. మొత్తం 8,484 పనులు ఉండగా, అందులో 838 పనులు మాత్రమే పూర్తి చేశారు. మిగిలిన వాటిలో 2,242 పనులు జరుగుతుండగా, 5,388 పనులు ఇప్పటివరకు ప్రారంభమే కాలేదు. ఈ పనులకు విడుదలైన రూ.1.45 కోట్లలో ఇప్పటివరకు పూర్తయిన పనులకు రూ.85 లక్షలు ఖర్చు చేశారు. సకాలంలో నిధులను ఖర్చు చేయకపోవడంతో ఆ నిధులు వెనక్కు వెళ్లే పరిస్థితి నెలకొంటోంది. ఆలస్యంగా భవనాల పనులు.. పంచాయతీరాజ్‌శాఖ ఇంజినీరింగ్‌ అధికారుల పరిధిలో జిల్లాలో అంగన్‌వాడీ, సీడీపీఓ, వెటర్నరీ, గ్రామపంచాయతీ భవనాలను నిర్మించాలని ప్ర భుత్వం ఆదేశాలిచ్చింది. ఆ పనులకు గాను నిధులు సైతం విడుదలయ్యాయి. క్షేత్రస్థాయిలో ఆ భవనాల పనులు ముందుకు సాగడంలేదు. పం చాయతీరాజ్‌ ఇంజినీరింగ్‌ విభాగం అధికారులు సరైన శ్రద్ధ చూపకపోవడంవల్లే పనులు ఆలస్యంగా జరుగుతున్నాయన్న ఆరోపణలున్నాయి. జిల్లాలో గత ఆర్థిక సంవత్సరంలో 856 అంగన్‌వాడీ భవనాలు మంజూరుకాగా అందులో 240 భవనాలు పూర్తి చేశారు. 616 భవనాల పనులు ఇంకా పెండింగ్‌లో ఉన్నాయి. ఎస్‌డీపీ కింద 184 అంగన్‌వాడీ భవనాలు మంజూరవగా అందులో 126 పూర్తి చేశారు. 58 పెండింగ్‌లో ఉన్నాయి. గ్రామపంచాయతీ పనుల్లో 587కు గాను 429ని పూర్తి చేశారు. 158 పనులు పెండింగ్‌లో ఉన్నాయి. జిల్లా యంత్రాంగం, జెడ్పీ సీఈఓ పనులపై సమీక్షలు, పర్యవేక్షించకపోవడం వల్లే ఆ శాఖ అధికారులు నిర్లక్ష్యంగా వ్యవహరిస్తున్నట్లు తెలుస్తోంది. నాకు తెలియదు...ఈఈలను అడిగి తెలుసుకోండి పనుల పెండింగ్‌ వివరాలు నాకు తెలియదు.  మండలాల ఈఈలను అడిగి తెలుసుకోండి. వారు అక్కడ సమస్యలను చెబుతారు. సీసీ రోడ్లు లక్ష్యం మేరకు పనులు నిర్వహించాం. –అమరనాథరెడ్డి, పంచాయతీరాజ్‌ ఎస్‌ఈ

శ్రీకాకుళం, ఎచ్చెర్ల క్యాంపస్‌/ రణస్థలం: 16వ నంబరు జాతీయ రహదారిపై నిత్యం వందలాది వాహనాలు రాకపోకలు సాగిస్తుంటాయి. అతివేగానికి పెట్టింది పేరైన ఈ రహదారిపై ఏ కారణంతోనైనా ట్రాఫిక్‌ సమస్య తలెత్తినా దారి పొడవునా వాహనాలు నిలిచిపోయే పరిస్థితి. దీనికితోడు ఏదో ఒకచోట ప్రమాదాలు సంభవిస్తుంటాయి. ఈ సమస్యలను దృష్టిలో పెట్టుకుని విస్తరణ పనులు వేగవంతం చేయాలి. అయితే పక్క జిల్లాలతో పోల్చితే మన జిల్లాకు సంబంధించి పనుల్లో జాప్యమవుతోంది. ఇప్పటికీ భూములు కోల్పోయిన వారికి పరిహారాలు చెల్లింపులో, బైపాస్‌ భూ సేకరణలో వేగవంతం కావడంలేదు. జిల్లాలో పైడిభీమవరం నుంచి ఇచ్ఛాపురం వరకు 16వ నంబరు జాతీయ రహదారి విస్తరించి ఉండగా, ట్రాఫిక్, ప్రమాదాలు, వాహనాల రాకపోకల సంఖ్య ఆధారంగా రణస్థలం నుంచి నరసన్నపేట వరకు 54.20 కిలోమీటర్లు ఆరులైన్లుగా విస్తరిస్తున్నారు. నరసన్నపేటలో ఇప్పటికే బైపాస్‌ నిర్మాణం నాలుగు లైన్ల విస్తరణ సమయంలోనే పూర్తయ్యింది. ప్రస్తుతం ఎచ్చెర్లలో కింతలిమిల్లు నుంచి చిలకపాలెం టోల్‌ప్లాజా వరకు ఐదు కిలోమీటర్లు బైపాస్‌ నిర్మాణం చేపడుతున్నారు. ఇందుకోసం 81.77 ఎకరాల సేకరణ చేపట్టారు. రణస్థలం నుంచి లావేరు మండలం రావివలస వరకు మూడున్నర కిలోమీటర్లు బైపాస్‌ రోడ్డు నిర్మాణం చేపడుతున్నారు. ఈ నిర్మాణానికి 66.36 ఎకరాలు సేకరిస్తున్నారు. భూములు కోల్పోయిన వారికి ప్రభుత్వ ధరలు, పట్టణ ప్రాంతాల ఆధారంగా డబ్బులు చెల్లించేందుకు సిద్ధమవుతున్నారు. భూ సేకరణ రెవెన్యూ అధికారులు పర్యవేక్షిస్తున్నారు. జిల్లాలో చురుగ్గా సాగని పనులు  రణస్థలం నుంచి నరసన్నపేటకు ఆరులైన్లు, రెండు బైపాస్‌ రోడ్ల నిర్మాణం పనులు ఆఫ్‌కో ఇన్‌ఫ్రా సంస్థ టెండర్లు దక్కించుకుంది. అంచనా విలువ రూ. 1,665 కోట్లు, రోడ్డు నిర్మాణానికి రూ.1,183 కోట్లు కేటాయించారు. ప్రస్తుతం ఈ సంస్థ ఎచ్చెర్ల సమీపంలో స్థలం లీజుకు తీసుకుని సామగ్రి, సిబ్బంది నివాసాలు కోసం ఏర్పాట్లు చేస్తున్నారు. ఆరులైన్ల రోడ్డు నిర్మాణానికి సిబ్బంది సర్వే, నిర్మాణ పాయింట్లు గుర్తింపు పూర్తి చేశారు. సిమెంట్, కాంక్రీట్, బీటీ ఇలా మూడు లేయర్లతో రోడ్డు నిర్మాణం చేపడతారు. విశాఖపట్నం జిల్లా ఆనందపురం నుంచి రణస్థలం వరకు, జిల్లా పరిధిలో పైడిభీమవరం నుంచి రణస్థలం వరకు ఆరులైన్ల విస్తరణ పనులు పూర్తవుతున్నాయి. ఈ ప్రాజెక్టు టెండరును అశోక్‌ బిల్డర్స్‌ కాంట్రాక్టు సంస్థ రూ. 1,187 కోట్లకు దక్కించుకుంది. మొత్తంగా 48 కిలోమీటర్లు రోడ్డు నిర్మాణ పనులు చేపడుతున్నారు. ప్రమాదాల నియంత్రణకు మార్గం ప్రస్తుతం బైపాస్, ఆరులైన్ల రోడ్లు పూర్తయితే ప్రమాదాల నియంత్రణ, ట్రాఫిక్‌ సమస్యకు పరిష్కారం లభిస్తుంది. భారీ వాహనాలు బైపాస్‌ రోడ్డుపై నుంచి తరలించొచ్చు. పెరుగుతున్న వాహన రవాణాకు సైతం సరిపడే వ్యవస్థ వస్తుంది. బైపాస్‌ భూసేకరణ నష్టపరిహారం చెల్లింపులు పూర్తయిన వెంటనే పనలు ప్రారంభమయ్యే అవకాశాలు ఉన్నాయి. రణస్థలం నుంచి ఆరులైన్ల రోడ్డు నిర్మాణం చేపట్టేలా అధికారులు కసరత్తు చేస్తున్నారు. ఇంజినీరింగ్‌ సిబ్బంది నిరంతరం జాతీయ రహదారిపై సర్వే నిర్వహిస్తున్నారు. మరోవైపు శాటిలైట్‌ సర్వేలు సైతం అనేకసార్లు చేశారు. కాంట్రాక్టు గడువులోపు పూర్తి కావాలంటే వేగవంతం చేస్తేనే సాధ్యమవుతోంది. గడువులోగా పనులు పూర్తవుతాయి 2017 నవంబరులో ప్రారంభించిన ఈ పనులకు కాంట్రాక్టు గడువు 2020 మే 14 వరకు ఉంది. ఆలోగా ఆరు లైన్ల విస్తరణ, బైపాస్‌ రోడ్లు పూర్తవుతాయి. రోడ్ల నిర్మాణ పనులు అంతర్జాతీయ ప్రమాణాలతో నిర్వహిస్తాం. ప్రస్తుతం వాహనాల రాకపోకలు, భవిష్యత్తు అవకాశాల ఆధారంగా పనులు చేస్తున్నాం. రోడ్డు నిర్మాణానికి సంబంధించి పనులు కొనసాగుతున్నాయి. – జేసీహెచ్‌ వేంకటరత్నం, ఎన్‌హెచ్‌ విశాఖపట్నం ప్రాంతీయ ప్రాజెక్టు డైరెక్టర్‌

పేరుకే జాతీయ రహదారి.. పంచాయతీలో వేసే అంతర్గత రహదారుల కంటే అధ్వానంగా నిర్మిస్తున్నారు. చాలా చోట్ల రహదారి కుంగిపోతుండగా అప్పుడే దానికి మరమ్మతులు చేస్తున్నారు. జాతీయ రహదారి నాణ్యతపై స్థానికుల్లో అనుమానాలు వ్యక్తమవుతున్నాయి. కృష్ణాజిల్లా, కృత్తివెన్ను: పశ్చిమగోదావరి జిల్లా దిగమర్రు నుంచి ప్రకాశం జిల్లా ఒంగోలు వరకు విస్తరించిన 216 జాతీయ రహదారి కృత్తివెన్ను మండలంలో పల్లెపాలెం వద్ద నుంచి మునిపెడ వరకు సుమారు 20 కిలోమీటర్లు మేర ఉంది. పల్లెపాలెం నుంచి గరిశపూడి వరకు జరుగుతున్న పనులు నత్తనడకన సాగుతున్నాయి. దీంతో పాటు ఈ ప్రాంతంలో ఇప్పటికే మొదటి లేయర్‌ పూర్తిచేసుకున్న చోట సిమెంటు రోడ్డు అడ్డంగా రెండుగా చీలిపోవడంతో ఇదేనా జాతీయ రహదారి అంటూ స్థానికులు ముక్కున వేలేసుకుంటున్నారు. అడుగడుగునా పగుళ్లే.. పల్లెపాలెం వద్ద నుంచి గరిశపూడి వరకు చాలా మేర సింగిల్‌ లైన్‌ రహదారి మొదటి దశ పూర్తయింది. ఇక్కడ గరిశపూడి, సీతనపల్లి మెగా స్కీం, బోలుగొంది అడ్డరోడ్డు తదితర ప్రాంతాల్లో జాతీయ రహదారి పగుళ్లిచ్చింది. వేసిన సిమెంటు రోడ్డు అడ్డంగా రెండుగా చీలిపోయే రీతిలో పగుళ్లివ్వడంతో ప్రతిష్టాత్మకమైన జాతీయ రహదారి నిర్మాణంపై స్థానికుల్లో పలు అనుమానాలకు దారితీస్తుంది. సిమెంటు రోడ్డు నిర్మాణం తరువాత వాటర్‌ క్యూరింగ్‌ విషయంలోనూ సరైన శ్రద్ధ  చూపలేదన్న ఆరోపణలు వినిపిస్తున్నాయి. తూతూమంత్రంగా ఎర్త్‌ వర్క్‌ జాతీయ రహదారి నిర్మాణ సమయంలో ఎర్త్‌ వర్కును పటిష్టంగా చేయాల్సిన అవసరం ఉంది. రోడ్డు మొత్తానికి ఎర్త్‌ వర్కే కీలకం. కానీ ఇక్కడ మాత్రం ఎర్త్‌ వర్క్‌ పనుల సమయంలో సరైన నాణ్యతా ప్రమాణాలు పాటించలేదన్న విమర్శలున్నాయి. దీనికి ప్రత్యక్ష ఉదాహరణ రహదారి నిర్మాణం పూర్తికాకుండానే కొన్ని చోట్ల రోడ్డు కుంగిపోతుంది. సీతనపల్లి మెగాస్కీం సమీపంలో ఇదే తరహాలో రోడ్డు దెబ్బతినడం దాన్ని సరిచేసినట్లు స్థానికులు చెబుతున్నారు. ఆదిలోనే ఇలా ఉంటే భవిష్యత్తులో రహదారి భద్రత ఎలా ఉం టుందన్న సందేహం ప్రజల్లో వ్యక్తమవుతుంది. రహదారి నిర్మాణ సమయంలో సరైన ప్రాథమిక చర్యలు తీసుకోవడం లేదన్న ఆరోపణలు వెల్లువెత్తుతున్నాయి. బోలుగొంది అడ్డరోడ్డు, గరిశపూడి, మాట్లాం తూము, అంబేడ్కర్‌ నగర్‌ తదితర ప్రాంతాల్లో చిన్నపాటి చినుకు పడితే వాహనాల రాకపోకలకు తీవ్ర ఇబ్బంది ఉంటుంది. ఈ ప్రదేశాల్లో  ప్రమాదాలు సైతం నిత్యకృత్యమయ్యాయి. వీటిపై సంబంధిత అధికారులు ఎలాంటి చర్యలు తీసుకోవడం లేదని ప్రజలు ఆగ్రహం వ్యక్తం చేస్తున్నారు. రహదారి పగుళ్లపై సంబంధిత అధికారులను ప్రశ్నించగా రోడ్డును పూర్తిస్థాయిలో నాణ్యతగా తమకు అప్పగించాల్సిన బాధ్యత నిర్మాణ కంపెనీదంటూ చెప్పారు. నాణ్యతా ప్రమాణాలు పాటించేలా చర్యలు తీసుకుంటామని తెలిపారు.

సాక్షి, సిటీబ్యూరో: గ్రేటర్‌లోని పలు ప్రధాన రహదారులు సైతం పరమ అధ్వానంగా ఉండి ప్రజలకు తీవ్ర ఇబ్బందులు కలిగిస్తున్నప్పటికీ పట్టించుకోని జీహెచ్‌ంఎసీ....అవసరం లేని ప్రాంతాల్లో మాత్రం ఇబ్బడిముబ్బడిగా రోడ్ల పనులు చేస్తోంది. ముఖ్యంగా, శివారు ప్రాంతాల్లో  ఈ పనులెక్కువగా జరుగుతున్నాయి. స్థానిక ప్రజాప్రతినిధులు, కాంట్రాక్టర్లు, అధికారులు కుమ్మక్కై విచ్చలవిడిగా అవసరమున్నా లేకపోయినా రోడ్ల పేరిట నిధులు కుమ్మరిస్తున్నారు. ఒకసారి వేసిన రోడ్లను తిరిగి తవ్వకుండా ఉండేందుకు వరదనీటి కాలువలతోపాటే డ్రైనేజీ, తాగునీటి పైప్‌లైన్ల పనులన్నీ పూర్తయ్యాకే రోడ్లను వేయాల్సి ఉండగా,  వరదనీటి కాలువల సంగతటుంచి కనీసం తాగునీరు, డ్రైనేజీల పనులు మొదలేకాకున్నా లక్షలాది రూపాయలతో రోడ్ల పనులు చేస్తున్నారు. ఎవరి కమీషన్లు వారికి అందుతుండటంతో అసలక్కడ నిజంగా రోడ్లు వేయాల్సిన అవసరముందా..లేదా అన్నది కూడా పట్టించుకోకుండా ఎక్కడ పడితే అక్కడ రోడ్లు వేస్తున్నారు. సాధారణంగా ఏదైనా కాలనీలో రోడ్లు వేయాలంటే అక్కడి నివాస స్థలాల్లో దాదాపు 80 శాతం మేర ఇళ్ల నిర్మాణం పూర్తయ్యాకే, తాగునీరు, డ్రైనేజీల పనులయ్యాక రోడ్లు వేయాలి. కానీ 20 శాతం మేర ఇళ్ల నిర్మాణం కూడా  పూర్తి కానప్పటికీ రోడ్లు వేస్తున్నారు. ఇలా రోడ్లు వేసినా, తర్వాత తాగునీరు, డ్రైనేజీ అవసరాల కోసం ఎలాగూ తవ్వాల్సి వస్తుంది కనుక నాణ్యతను పట్టించుకోకుండా నాసిరకం పనులతో పైపై పూతలతో మమ అనిపిస్తున్నారు. ఈ పనుల్లో ఎవరి కందాల్సిన వాటాలు వారికి  అందుతుండటంతో ఎలాంటి అభ్యంతరాలు,  ఆటంకాల్లేకుండా పనులు కానించేస్తున్నారు. రోడ్లువేసినా, కాలనీల్లో ఇళ్ల నిర్మాణం పెరిగాక డ్రైనేజీ, తాగునీటి అవసరాల కోసం ఎలాగూ రోడ్లను తవ్వాల్సి ఉంటుంది కనుక నాణ్యతను పట్టించుకోవడం లేదు. ఆయా అవసరాల కోసం రోడ్లను తవ్వాక, తిరిగి మళ్లీ రోడ్లు వేయాలి కనుక ‘డబుల్‌ ధమాకా’గా కాంట్రాక్టర్లు, స్థానిక ప్రజాప్రతినిధులు, అధికారులు  హడావిడిగా పనులు చేస్తున్నారు. ఇందుకు మచ్చుతునక ఎల్‌బీనగర్‌ సర్కిల్‌ పరిధిలోని హస్తినాపురం డివిజన్‌లోని భూపేష్‌గుప్తానగర్‌ శ్రీరమణ కాలనీ, హనుమాన్‌నగర్‌ తదితర ప్రాంతాల్లోని పనులు. అక్కడ బీటీతోపాటు సీసీ రోడ్ల పనులు కూడా జరుగుతున్నాయి. ఎన్నికల సమయం కావడంతో ఎవరూ పట్టించుకోరనే తలంపుతో ఇష్టానుసారం అధికమొత్తాల అంచనాలతో పనులు చేపట్టారనే ఆరోపణలున్నాయి. అధికార  వికేంద్రీకరణ పేరిట ప్రధాన కార్యాలయంలోని అధికారులు జోన్లు, సర్కిళ్లలో జరుగుతున్న పనులను పట్టించుకోకుండా స్థానిక అధికారులకు అధికారాలు కట్టబెట్టారు. పై స్థాయిలో ఆ పనుల్ని కనీసం తనిఖీలు చేస్తున్నవారు సైతం లేకపోవడంతో  స్థానిక అధికారులు, కాంట్రాక్టర్లు, ప్రజాప్రతినిధులు ఆడింది ఆట.. పాడింది పాటగా సాగుతోంది. ఇలాంటి పనుల్లో కొన్నింటికి మంత్రుల స్థాయిలోని వారి నుంచి కూడా సిఫార్సులుండటంతో ఉన్నతాధికారులు మౌనం వహిస్తున్నారు. ఇలాంటి పరిస్థితుల్ని ఆసరా చేసుకొని, ఎన్ని ప్రాంతాల్లో వీలైతే అన్ని ప్రాంతాల్లో రోడ్ల పేరిట నిధులు దుబారా చేస్తున్నారు.నాలుగైదు ఇళ్లు లేని చోట కూడా రోడ్లు వేస్తున్నారు.  నిబంధనలు తుంగలో..   ఒకసారి రోడ్డు వేశాక  తిరిగి తవ్వకుండా ఉండేందుకు  డ్రైనేజీ, తాగునీటి పైపులైన్లు, తదితర పనులన్నీ పూర్తయ్యాకే రోడ్డు వేయాలి. ఈ  నిబంధనల్ని తుంగలో తొక్కి రోడ్ల  పనులు చేస్తున్నారు. నిజంగా ప్రజలకు అవసరమున్న చోట చేయకుండా అవసరం లేని చోట్ల జరుగుతున్న ఈ పనులు పలు విమర్శలకు తావిస్తున్నాయి. మరోవైపు ఆయా స్థలాల్లో రియల్‌ వ్యాపారం చేసేవారు రోడ్ల సదుపాయం కూడా ఉందని చెప్పి తమ ప్లాట్లకు డిమాండ్‌ పెంచుకునేందుకు రాజకీయ పైరవీలతో పనులు చేయిస్తున్నారనే ఆరోపణలు ఉన్నాయి.   ఎన్నికల కోడ్‌ ఉన్నా.. నగరంలో ఎన్నికల కోడ్‌ అమల్లోకి రావడంతో కొత్తగా ఎలాంటి పనులు చేపట్టడం కానీ, టెండర్లు పూర్తిచేయడం కానీ చేయరాదు. ఇప్పటికే ప్రారంభమై పురోగతిలో ఉన్న పనుల్ని మాత్రం పూర్తిచేయవచ్చు. దీన్ని అడ్డుపెట్టుకొని.. హడావుడిగా పనులు చేస్తూ కోడ్‌కు ముందే ప్రారంభమయ్యాయని చెప్పే ప్రయత్నం చేస్తున్నారు.   పరిశీలిస్తాం.. కాలనీలు ఏర్పడకున్నా.. అవసరం లేని ప్రాంతాల్లో రోడ్లు వేస్తుండటాన్ని జీహెచ్‌ఎంసీ చీఫ్‌ ఇంజినీర్‌ జియావుద్దీన్‌ దృష్టికి తీసుకెళ్లగా, పరిశీలించి తగు చర్యలు తీసుకుంటామన్నారు. తాగునీరు, డ్రైనేజీలైన్లు వేశాకే రోడ్లు వేయాల్సి ఉంటుందని స్పష్టం చేశారు. 

చిత్తూరు అర్బన్‌: రూ.వందల కోట్ల ప్రాజెక్టు.. 37 కి.మీ దూరం రోడ్డు.. ఇప్పటికి పూర్తయ్యింది 1.6 కి.మీ..ఉన్నది ఏడాది మాత్రమే గడువు..ఓ వైపు కలెక్టర్‌ నుంచి చీవాట్లు..మరోవైపు సమయం మించిపోతోంది..ఏం చేయాలి..? ఏం చేద్దాం..! ఇదీ.. చిత్తూరు వైపు జరుగుతున్న జాతీయ రహదారి పనులను సబ్‌ లీజుకు దక్కించుకున్న నలుగురు భాగస్వాముల ఆందోళన. అధికారమే పెట్టుబడిగా రూ.306 కోట్ల విలువైన పనులను బినామీ పేరిట సబ్‌ లీజుకు చేజిక్కించుకున్న చిత్తూరు జెడ్పీ చైర్‌పర్సన్‌ గీర్వాణి వ్యూహం బెడిసికొడుతోంది. చిత్తూరు మీదుగా జరుగుతున్న ఎన్‌హెచ్‌–4 పనులు పూర్తిగా స్తంభించడంతో ఏం చేయాలో తెలియక దిక్కుతోచడం లేదు. అనుభవం లేకున్నా రూ.వందల కోట్ల విలువైన పనులు పూర్తిచేస్తే ఎటులేదన్నా రూ.50 కోట్ల వరకు మిగుల్చుకోవచ్చనుకున్న టీడీపీ ప్రజాప్రతినిధి పాచిక పారడం లేదు. జనం కంట్లో దుమ్ము.. బంగారుపాళ్యం మండలం నలగాంపల్లెనుంచి తమిళనాడులోని రాణిపేట సరిహద్దు ఉన్న ఆంధ్ర బార్డర్‌ వరకు చెన్నై–బెంగళూరు జాతీయ రహదారి నాలుగు లేన్ల విస్తరణ పనులను హైదరాబాద్‌కు చెందిన గాయత్రీ ప్రాజెక్ట్స్‌ ప్రైవేట్‌ లిమిటెడ్‌ కంపెనీ దక్కించుకుంది. కేంద్ర జాతీయ రహదారుల శాఖ ఇందుకోసం రూ.306 కోట్లు కేటాయించింది. గాయత్రీ కంపెనీ నుంచి జెడ్పీ చైర్‌పర్సన్‌ గీర్వాణి నాయుడు, పాలసముద్రం జెడ్పీటీసీ చిట్టిబాబు నాయుడు, మరో ఇద్దరు కలిసి ప్రాజెక్టు పనులను సబ్‌లీజుకు తీసుకున్నారు. ఈ పనులు ఆశించిన స్థాయిలో వేగంగా జరగడం లేదు. దీంతోపాటు మొదలైన పూతలపట్టు, పలమనేరు, మదనపల్లె జాతీయ రహదారుల విస్తరణ పనులు 70 శాతం పూర్తయితే చిత్తూరు ప్రోగ్రెస్‌ ఇందులో సగానికి కూడా చేరుకోలేదు. నిర్ణీత గడువు లోపు రోడ్డు పనులు పూర్తవుతాయో లేదో అనే సందిగ్ధత నెలకొంది. పనులు ప్రారంభించి ఏడాది కావస్తున్నా నిత్యం దుమ్ముధూళితో వాహన చోదకులు ఇబ్బందులు పడుతున్నారు. అయినా టీడీపీ నేతల్లో చలనం కనిపించడం లేదు. పుంజుకోని పనులు.. 37 కిలోమీటర్ల దూరం జరగాల్సిన రోడ్డు పనులు గతేడాది నవంబరు 15న ప్రారంభించారు. అగ్రిమెంటు ప్రకారం వచ్చే ఏడాది నవంబరు 14వ తేదీకి పూర్తి కావాలి. ఇప్పటివరకు రెండు నాలుగు లేన్ల రోడ్డులో 1.63 కి.మీ మాత్రమే వందశాతం పూర్తయ్యింది. చెరోవైపు అక్కడక్కడ రోడ్డు వేయడంతో సగటున 6.4కి.మీ పూర్తి చేశారు. ఈ దూరంలో 74 ప్రాంతాల్లో కల్వర్టులు నిర్మించాల్సి ఉంది. 32 మాత్రమే పూర్తి చేశారు. ఇందుకు దశలవారీగా రూ.56.26 కోట్ల బిల్లులు కూడా తీసుకున్నారు. ప్రస్తుతం పనులు నిలిచిపోయి వారం రోజులవుతోంది. చేసిన కొద్దిపాటి పనులకు బిల్లులు వస్తేనే మళ్లీ మొదలుపెట్టాలని టీడీపీ నేతలు భీష్మించుకూర్చోవడమే దీనికి ప్రధాన కారణం. కలెక్టర్‌ ఆగ్రహం.. ప్రతివారమూ ఎన్‌హెచ్‌–4 పనులను పర్యవేక్షిస్తూ కన్సల్టెన్సీగా వ్యవహరిస్తున్న ఆర్‌వీ కంపెనీ ప్రతినిధులతో కలెక్టర్‌ ప్రద్యుమ్న సమీక్ష నిర్వహిస్తున్నారు. గీర్వాణి ఆధ్వర్యంలో జరుగుతున్న పనుల్లో తీవ్రజాప్యం నెలకొనడంతో కన్సల్టెన్సీపై కలెక్టర్‌ మండిపడుతున్నారు. పనులను జెడ్పీ చైర్‌పర్సన్‌ సబ్‌లీజుకు తీసుకుని నెమ్మదిగా చేస్తుండడం వల్ల ప్రాజెక్టులో జాప్యం నెలకొందని గతవారం జరిగిన విలేకరుల సమావేశంలో కలెక్టర్‌ ఆవేదన కూడా వ్యక్తం చేశారు. అభివృద్ధి మంత్రం జపిస్తూ నటిస్తున్న టీడీపీ నేతలు ఇప్పటికైనా సామర్థ్యం ఉన్న వారికి పనులు అప్పగించి పక్కకు తప్పుకుంటారో.. చిత్తూరు అభివృద్ధికి గుదిబండగా మారతారోనని సామాన్యులు సైతం విమర్శలు ఎక్కుపెడుతున్నారు.

మోర్తాడ్‌(బాల్కొండ): గ్రీన్‌ హైవే నిర్మాణం ఏమో కానీ, రైతుల్లో తీవ్ర ఉత్కంఠ ఏర్పడింది. ఉన్న భూములు పోతే ఇక ఏం చేసుకుని బతికేదనే ఆందోళన అన్నదాతల్లో నెలకొంది. ముప్కాల్‌ మండలంలోని వేంపల్లి మీదుగా వెళ్లే 44వ జాతీయ రహదారి నుంచి మంచిర్యాల వరకు గ్రీన్‌ హైవే నిర్మించాలని కేంద్ర ప్రభుత్వం నిర్ణయించింది. బోధన్‌ నుంచి జగదల్‌పూర్‌ వరకు 63వ జాతీయ రహదారి విస్తరించి ఉంది. ఈ రోడ్డును నాలుగు లేన్ల రహదారిగా మార్చాలని కేంద్రం తొలుత యోచించింది. అయితే, పెద్ద మొత్తంలో ఇళ్లు, చెట్లు, వ్యవసాయ భూములకు నష్టం కలగనుంది. అంతేకాక మిషన్‌ భగీరథ పథకానికి సంబంధించిన పైప్‌లైన్లకు తీవ్ర నష్టం వాటిల్లనుంది. ఈ నేపథ్యంలో అన్ని కష్ట నష్టాలను పరిగణనలోకి తీసుకున్న కేంద్ర ప్రభుత్వం.. సరికొత్త రహదారికి శ్రీకారం చుట్టింది. రైతులకు తీరని నష్టం..  ప్రస్తుతం ఉన్న 63వ జాతీయ రహదారిని విస్తరించడానికి బదులు మరో మార్గంలో కొత్త హైవేను నిర్మిస్తే తక్కువ నష్టంతో సరిపెట్టవచ్చని నేషనల్‌ హైవే అథారిటీ ఆఫ్‌ ఇండియా (ఎన్‌హెచ్‌ఏఐ) నిర్ణయించింది. దీంతో వేంపల్లి నుంచి మంచిర్యాల వరకు 125 కిలోమీటర్ల పొడవున కొత్త రహదారిని నిర్మించాలని సూత్రప్రాయంగా నిర్ణయించారు. ఈ మేరకు సర్వే ప్రక్రియ పూర్తి చేశారు. అయితే, కొత్తగా నిర్మించనున్న ఈ మార్గంలో చేసిన సర్వే ప్రకారం.. మన జిల్లాకు సంబంధించి వందలాది ఎకరాల భూముల్లోంచి ఈ కొత్త రోడ్డు నిర్మించనున్నారు. వేంపల్లి, రెంజర్ల, శెట్‌పల్లి, తొర్తి, తిమ్మాపూర్, ఏర్గట్ల గ్రామాలకు చెందిన రైతులు విలువైన పంట భూములు కోల్పోనున్నారు. త్వరలోనే నోటిఫికేషన్‌..!  గ్రీన్‌ హైవే నిర్మాణంలో భాగంగా రోడ్డు నిర్మాణంలో భాగంగా నష్టపోయే చెట్ల స్థానంలో అధిక సంఖ్యలో మొక్కలను నాటడానికి కేంద్ర ప్రభుత్వం నిర్ణయించింది. మరోవైపు, హైవే నిర్మాణానికి సంబంధించిన సర్వే కూడా పూర్తికావడంతో త్వరలోనే భూ సేకరణకు నోటిఫికేషన్‌ను జారీ అయ్యే అవకాశం ఉంది. గ్రీన్‌ హైవే నిర్మాణానికి సేకరించే భూమికి నష్ట పరిహారం అందించే అంశాన్ని రాష్ట్ర ప్రభుత్వమే పరిశీలించనుంది. ఆందోళనలో రైతులు.. అయితే, రహదారి నిర్మాణం కోసం విలువైన భూములు కోల్పోతున్న రైతులు తీవ్ర ఆందోళన చెందుతున్నారు. ఏళ్ల తరబడి ఆ భూములను నమ్ముకుని బతుకుతున్నామని, జీవనాధారమైన భూములు  కోల్పోతే ఏం చేసుకుని బతకాలని వాపోతున్నా రు. నష్ట పరిహారం తమకు ముఖ్యం కాదని, కో ల్పోతున్న భూములకు బదులు భూములు ఇవ్వా లని రైతులు చెబుతున్నారు. తరతరాల నుంచి చేస్తున్న వ్యవసాయ భూములను కోల్పోవడం వ ల్ల భారీ మొత్తంలో నష్టపోతామని ఆవేదన వ్యక్తం చేస్తున్నారు. ప్రభుత్వం స్పందించి ప్రత్యామ్నాయ మార్గం చూడాలని రైతులు కోరుతున్నారు. అయి తే, రహదారి నిర్మాణాలకు సహకరించాలని నేషన ల్‌ హైవే అథారిటీ ఆఫ్‌ ఇండియా అధికారులు పేర్కొంటున్నారు. ప్రమాదాల నివారణ, రవాణా సదుపాయం కోసం జాతీయ రహదారుల నిర్మా ణం, విస్తరణ కీలకమైదని వారు చెబుతున్నారు. 

మునగాల (కోదాడ) : 2014డిసెంబర్‌ 6వ తేదీన 65వ నంబర్‌ జాతీయ రహదారిపై మునగాల మండలం ఆకుపాముల శివారులో సాయంత్రం 6.45గంటలకు జరిగిన రోడ్డు ప్రమాదంలో సినీ హీరో, టీడీపీ నేత నందమూరి హరికృష్ణ రెండో కుమారుడు నందమూరి జానకీరామ్‌(38) దుర్మరణం పాలయ్యారు. హైదరాబాద్‌ నుంచి తన సొంత కారు (టాటా సఫారీ ఈఎక్స్, ఏపీ 29 బీడీ-2323)లో విజయవాడలో జరిగే ఓ కార్యక్రమానికి వెళ్తుండగా నాలు గేళ్ల క్రితం ఈ ప్రమాదం సంభవించింది. ఆకుపాముల వద్ద వరినారుతో వస్తున్న ఓట్రాక్టర్‌(ట్రాలీ) రాంగ్‌రూట్‌లో రోడ్డును క్రాస్‌ చేస్తుండగా అదే సమయంలో అతివేగంగా వస్తున్న జానకీరామ్‌ కారు ట్రాక్టర్‌ ట్రాలీని ఢీకొట్టింది. ఈ ప్రమాదంలో కారు ముందుభాగం నుజ్జునుజ్జుకాగా ట్రాలీ ఫల్టీ కొట్టింది. దీంతో కారులో ఉన్న జానకీరామ్‌ తీవ్రంగా గాయపడ్డారు. జానకీరామ్‌ను ముందుగా ఎవరూ గుర్తించలేదు. ప్రమాద సంఘటన తెలుసుకున్న పలువురు గ్రామస్తులు జానకీరామ్‌ సెల్‌ఫోన్‌ ద్వారా డైల్డ్‌కాల్‌కు రింగ్‌ చేయగా అవతల వైపు నుంచి హరికృష్ణ ఫోన్‌ ఎత్తడంలో ప్రమాదం జరిగిన వ్యక్తి జానకీరామ్‌గా గ్రహించారు. గాయపడ్డ జానకీరామ్‌ను గ్రామస్తులు 108లో కోదాడలోని తిరుమల ఆసుపత్రికి తరలించారు. ఆసుపత్రిలో జానకీరామ్‌ను పరీక్షించిన వైద్యులు అప్పటికే మృతిచెందినట్లుగా ధ్రువీకరించారు. అతివేగమే ప్రమాదానికి కారణం ఈ రోడ్డు ప్రమాదానికి కారణం అతివేగమేనని పోలీసులు నాడు గుర్తించారు. దీనికి తోడు రహదారిపై వరినారుతో ఉన్నట్రాక్టర్, ట్రాలీ రాంగ్‌రూట్‌లో రోడ్డును క్రాస్‌ చేయడం మరొక కారణం. ఈ ప్రాంతంలో ఉన్న క్రాసింగ్‌ వద్ద హెచ్చరిక బోర్డులు లేకపోవడంతో తరచు ఈ ప్రాంతంలో రోడ్డు ప్రమాదాలు సంభవిస్తున్నాయి.

మంచిర్యాల అర్బన్‌: తెలంగాణ రాష్ట్ర రోడ్డు రవాణా సంస్థ టిక్కెట్టేతర ఆదాయంపై దృషి సారించింది. నష్టాల బాటపట్టిన ఆర్టీసీని లాభాల్లోకి నడిపించేందుకు అందివచ్చిన అవకాశాన్ని వినియోగించుకోవాలని ప్రయత్నిస్తోంది. ఇందులో భాగంగానే ప్రయాణ ప్రాంగణాల్లో మల్టీ, మినీప్లెక్స్‌ల నిర్మాణం చేయాలని నిర్ణయించింది. దీంతో ప్రయాణికులకు వినోదాన్ని పంచడంతో పాటు సంస్థకు ఆదాయాన్ని సమకూర్చుకోవాలని భావిస్తోంది. ఈ మేరకు ఆర్టీసీ యాజమాన్యం, తెలంగాణ ఫిలిం డెవలప్‌మెంట్‌ కార్పొరేషన్‌ (టీఎస్‌ఎఫ్‌డీసీ)తో ఒప్పందం చేసుకుంది. ఆయా బస్‌స్టేషన్లలో ఉన్న ఖాళీ స్థలాల విస్తీర్ణాన్ని బట్టి ఒకటి నుంచి రెండు వరకు మినీప్లెక్స్‌లు (చిన్న థియేటర్లు) ఏర్పాటుకు సన్నాహాలు చేస్తున్నారు. ఇలా రాష్ట్ర వ్యాప్తంగా దాదాపుగా వంద థియేటర్లను నిర్మించాలనే సంకల్పంతో టీఎస్‌ఎఫ్‌డీసీ ముందుకు సాగుతోంది. ఇందుకుగాను ఆయా బస్‌స్టేషన్లలో స్థలాలను గుర్తించే పనిలో టీఎస్‌ఎఫ్‌డీసీ చైర్మన్‌ పి.రామ్మోహన్‌రావు, ఇతర అధికారులు నిమగ్నమయ్యారు. రెండు రోజులుగా ఆసిఫాబాద్, మంచిర్యాల, గోదావరిఖని, పెద్దపల్లి, కరీంనగర్‌ బస్‌స్టేషన్లను వారు పరిశీలించారు. అనువైన స్థలాలు ఎన్ని ఉన్నాయి, ఎక్కడ థియేటర్‌ నిర్మిస్తే ప్రయాణికులకు ప్రయోజనం ఉంటుందో బేరీజు వేసుకుంటున్నారు. రాష్ట్ర వ్యాప్తంగా స్థలాల పరిశీ లన తర్వాత ఆర్టీసీతో స్థలాలు లీజుకు తీసుకోవడమా.. లేక పర్సంటేజీ పద్ధతిలో ఒప్పందం చేసుకోవడమా అనేది తేలనుంది. «థియేటర్ల ఏర్పాటు వల్ల ప్రయాణికులు గంటల కొద్ది బస్సుల కోసం వేచిచూడకుండా కాలక్షేపంతో ఊరట పొందవచ్చు. ఈ విషయంపై టీఎస్‌ఎఫ్‌డీసీ చైర్మన్‌ రామ్మోహన్‌రావు సాక్షితో మాట్లాడుతూ ఇప్పటికే పెద్దపల్లి, ఆసిఫాబాద్, మంచిర్యాల జిల్లాలోని బస్‌స్టేషన్లలో స్థలాలను పరిశీలించినట్లు తెలిపారు. థియేటర్లు లేని ప్రాంతాలతో పాటు అన్ని బస్‌స్టేషన్లలో స్థలాలను పరిశీలించి చిన్న థియేటర్లు నిర్మించనున్నామని పేర్కొన్నారు.

యాభై ఏళ్ల ఆ గ్రామస్తుల కలలు కల్లలు అయ్యాయి.. ఐదు దశాబ్దాలుగా ఆ గ్రామానికి రోడ్డు లేదు. ఇటీవల బీటీ రోడ్డు వేసేందుకు రూ.50 లక్షలు మంజూరు కావడంతో తమ సమస్య పరిష్కారమవుతుందని భావించారు. యాభై ఏళ్లపాటు గ్రావెల్‌ రోడ్డుపై కష్టాల ప్రయాణం చేసిన పెళ్లకూరు మండలం చవటకండ్రిగ గ్రామస్తులు తమకు మంచిరోజులొచ్చాయని అనుకున్నారు. అయితే బీటీ రోడ్డు పనుల్లో కనీస నాణ్యతా ప్రమాణాలు పాటించక రోడ్డు వేసిన 24 గంటల లోపే పెచ్చులు పెచ్చులుగా లేచిపోతోంది. లేచిపోయిన బీటీరోడ్డుకు మళ్లీ అతుకులు వేస్తున్నారు. బీటీ రోడ్డు నిర్మాణంలో కాంట్రాక్టర్‌ నాణ్యతకు పాతరేయడంపై గ్రామస్తులు ఆగ్రహించి  పనులను అడ్డుకోవడంతో ఇక్కడ కాకపోతే మరోచోట రోడ్డు వేయిస్తామని సైట్‌ ఇంజినీరు గ్రామస్తులపై ఆగ్రహం వ్యక్తం చేయడం గమనార్హం. పనులు నాసిరకంగా జరుగుతున్న విషయాన్ని సాక్షి ముందుగానే హెచ్చరిస్తూ గత నెల 7వ తేదీన ‘అర్ధశతాబ్దపు ఆశలపై అవినీతి దారులు’ శీర్షికతో కథనం కూడా ప్రచురించింది. అధికారులను హెచ్చరించింది. అయినా అధికారులు స్పందించలేదు.  పెళ్లకూరు(నెల్లూరు): పనులు చేజిక్కించుకున్నామా.. అధికారులకు పర్సంటేజ్‌లు చెల్లించేశామా.. నాసిరకంగా పనులు పూర్తి చేసి చేతులు దులుపుకొని దర్జాగా బిల్లులు చేసుకున్నామా అనే తీరులో రోడ్డు పనులు నాసిరకంగా చేస్తున్నారు. పెళ్లకూరు మండలంలోని పునబాక పంచాయతీ, చవటకండ్రిగ గ్రామానికి వెళ్లే గ్రావెల్‌ రోడ్డును రూ.50 లక్షల నిధులతో బీటీ రోడ్డు పనులు జరుగుతున్నాయి. ప్రాథమిక దశ పనులు పూర్తయిన అనంతరం జూలై 27న బీటీ పనులు చేపట్టారు. బీటీ వేసిన రెండు గంటలకే తేలికపాటి సైకిళ్లు, స్కూటర్లు వెళ్లగా రోడ్డు పెచ్చులు, పెచ్చులుగా లేచిపోవడంతో గ్రామస్తులకు అనుమానం వచ్చి పనులను అడ్డుకొని నిలిపేశారు. ప్రాథమిక దశ పనుల్లో కూడా నాణ్యత లేని కంకర, సరైన వాటర్‌ క్యూరింగ్‌ చేయకపోవడం, రోడ్డు మార్జిన్‌ పనులు గ్రావెల్‌కు బదులుగా మట్టితో ఏర్పాటు చేయడంలో ఆ శాఖ సిబ్బంది(సైట్‌ ఇంజినీర్‌) కీలకపాత్ర పోషించాడని, పనులను నాసిరకంగా చేయిస్తున్నాడని గ్రామస్తులు ఆరోపిస్తున్నారు. ప్రస్తుతం బీటీ పనుల్లో కూడా నాణ్యత, నిబంధనలు పాటించకుండా పనులన్నీ నాసిరకంగా చేయడంతో రోడ్డు పెచ్చులు, పెచ్చులుగా లేచిపోతుందని స్థానికులు ఆవేదన వ్యక్తం చేస్తున్నారు. కోల్డ్‌మిక్చర్‌ పేరుతో నాసిరకం పనులు  ఎస్సీ సబ్‌ప్లాన్‌ కింద రూ.50 లక్షల నిధులతో చేపట్టిన బీటీరోడ్డును కోల్డ్‌మిక్చర్‌ పేరుతో పనులన్నీ నాసిరకంగా చేస్తుండడంపై గ్రామస్తులు ఆగ్రహం వ్యక్తం చేస్తున్నారు. తారుకు(హాట్‌మిక్చర్‌) బదులుగా కంకరకు ఒక రకమైన ద్రావణాన్ని కలిపి ఎలాంటి యంత్రాలు లేకుండా కూలీలతో రోడ్డుపై పరిచి చేతులతో చదును చేయించి రోలింగ్‌ చేయించారు. దీంతో రోడ్డంతా ఎత్తు, పల్లాలుగా మారింది. రోడ్డు అంచులు దూది పిందెలు మాదిరి ఊడిపోతూ తేలికపాటి వాహనాలు వెళ్లినా బద్దలుగా పగిలిపోతోంది. రోడ్డు పనులను కళ్లరా చూస్తున్న గ్రామస్తులు ఆగ్రహంతో పనులను అడ్డుకున్నారు. రోడ్డు వద్దని సంతకాలు పెట్టండి  నిబంధనల ప్రకారం రోడ్డు పనులు చేయడం లేదని, రోడ్డంతా పెచ్చులుగా లేచిపోతుందని గ్రామస్తులంతా పనులను ఆపేశారు. దీంతో రోడ్డు అవసరం లేనట్లుగా గ్రామస్తులంతా సంతకాలు పెట్టాలని, ఇక్కడ కాకపోతే మరోచోట రోడ్డు వేయిస్తామని సైట్‌ ఇంజినీరు గ్రామస్తులపై ఆగ్రహం వ్యక్తం చేయడంతో పనులు నాసిరకంగా పూర్తి చేసినట్లు తెలుస్తోంది. ఉన్నతాధికారుల నిబంధనల మేరకు కోల్డ్‌మిక్చర్‌తో పనులు చేయిస్తున్నట్లు ఆశాఖ అధికారులు చెబుతున్నారు. కోల్డ్‌మిక్చర్‌ వేసిన 72 గంటలకు గట్టిపడి రోడ్డు పటిష్టంగా మారుతుందని అధికారులు అంటున్నారు. అయితే 13 రోజులు పూర్తయినా రోడ్డు మాత్రం పటిష్టంగా మారకపోవడంతో స్థానికులు ఆవేదన వ్యక్తం చేస్తున్నారు. రోడ్డుకు ఇరువైపులా వ్యవసాయ పొలాలు ఉండడం వల్ల భవిష్యత్తులో ట్రాక్టర్లు, వరికోత యంత్రాలు ఈ మార్గంలో తిరుగుతాయి. అలాగే చెంబేడు, చెన్నప్పనాయుడుపేట, పునబాక, అర్ధమాల, అర్లపాడు, బంగారంపేట, నందిమాల, మోదుగులపాళెం, ఊడిపూడి తదితర గ్రామాల ప్రజలు మండల కేంద్రమైన పెళ్లకూరుకు చేరుకోవాలంటే ఈ మార్గం బాగా ఉపయోగకరం. అయితే  కోల్డ్‌మిక్చర్‌ పేరుతో నాసిరకంగా వేసిన రోడ్డు ఎంత కాలం ఉంటుందని గ్రామస్తులు అనుమానం వ్యక్తం చేస్తున్నారు.  చవటకండ్రిగ రోడ్డుకు ప్రాథమిక దశ పనులు చేస్తుండగా జూన్‌ 3న టిప్పర్‌ అధిక లోడుతో కంకర తీసుకెళుతుండగా వ్యవసాయ కాలువపై నిర్మించిన వంతెన భారీ టన్నేజీ వల్ల కూలిపోయింది. కేవలం రైతుల సౌకర్యార్థం తేలికపాటి వాహనాల్లో ఎరువులు తదితర వ్యవసాయ పనిముట్లు తీసుకెళ్లేందుకు నిర్మించామని, భారీ వాహనాలు వెళ్లేందుకు కాదని ఇరిగేషన్‌ అధికారులు సంబంధిత లారీ యాజమాన్యంపై ఫిర్యాదు చేసి చేతులు దులుపుకున్నారు. అదేవిధంగా రోడ్డు పనులు చేయిస్తున్న అధికారులు సైతం కూలిపోయిన వంతెన విషయం పట్టించుకోకుండా వంతెనకు ఇరువైపులా బీటీరోడ్డు పనులు చేస్తుండడం గమనార్హం. తేలికపాటి వర్షానికే కాలువలో నీరు చేరుతుందని, వంతెన కూలిపోవడం వల్ల అత్యవసర సమయాల్లో కష్టాలు తప్పవని గ్రామస్తులు అంటున్నారు. కోల్డ్‌మిక్చర్‌ పేరుతో పనులను నాసిరకంగా చేపట్టి, కూలిన వంతెన పనులు పట్టించుకోకపోవడంపై కలెక్టర్‌ పనులపై పర్యవేక్షించి బీటీరోడ్డుతోపాటు వంతెన పనులు సక్రమంగా చేపట్టేలా చర్యలు తీసుకోవాలని స్థానికులు కోరుతున్నారు. ఈ విషయమై ఆ శాఖ డీఈ చైతన్యకుమార్‌ని వివరణ కోరేందుకు ఫోన్‌ ద్వారా ప్రయత్నించగా స్పందించలేదు.  అధికారులు పట్టించుకోవడం లేదు  వ్యవసాయ కాలువపై నిర్మించిన వంతెన టిప్ప ర్‌ వెళ్లడం వల్ల కూలిపోయింది. వంతెన పనులు చేయకుండా కేవలం రోడ్డు పనులు పూర్తి చేయడం వల్ల ప్రయోజనం లేదు. ఈ విషయంపై ఫిర్యాదు చేస్తున్నా అధికారులు పట్టించుకోవడం లేదు. – కన్నలి రోశయ్య, చవటకండ్రిగ గ్రామం వర్షాకాలంలో కష్టాలు తప్పవు వర్షా కాలంలో వరద ఉ ధృతి వల్ల వ్యవసాయ కా లువలో వరదనీరు అధి కంగా ప్రవహిస్తుంది. వరద ఉధృతి తగ్గే వరకు గ్రా మానికి రాకపోకలు ఉండవు. వ్యవసాయ కాలువపై కూలిపోయిన వంతెన పనులు చేపట్టకుండా వదిలేశారు. వర్షాకాలంలో కష్టాలు తప్పవు. – పసల శేఖర్, చవటకండ్రిగ గ్రామం పనులన్నీ నాసిరకం రోడ్డు పనులన్నీ నాసిరకంగా చేస్తున్నారు. గ్రామస్తులంతా కలిసి సిబ్బందిని ప్రశ్నిస్తే నిబంధనల ప్రకా రం వేస్తున్నామంటున్నారు. తేలికపాటి స్కూటర్‌ వెళ్లినా రోడ్డు లేచిపోతోంది. ఇంత అధ్వానంగా రోడ్డు పనులు ఎక్కడా చేపట్టి ఉండరు. మేమంతా అమాయకులైన దళితులం కాబట్టి అధికారులు, సిబ్బంది పట్టించుకోవడం లేదు.  – గంధం వెంకటయ్య, చవటకండ్రిగ గ్రామం

సాక్షి, హైదరాబాద్‌: నూతన మోటారు వాహన చట్ట సవరణ బిల్లు–2016కు వ్యతిరేకంగా భారత రోడ్డు రవాణా సంస్థల సమన్వయ కమిటీ దేశవ్యాప్తంగా నిర్వహించిన ఒక్కరోజు సమ్మె ప్రశాంతంగా ముగిసింది. ఆర్టీసీ, ప్రైవేటు రవాణా సంఘాలు కూడా సమ్మెకు మద్దతు పలకడంతో మంగళవారం ప్రయాణికులు తీవ్ర ఇబ్బందులు ఎదుర్కొన్నారు. ప్రతిరోజూ సుమారు 97 లక్షలమందిని గమ్యస్థానాలకు చేరవేసే 10,500 ఆర్టీసీ బస్సులు మంగళవారం సాయంత్రం దాకా డిపోలకే పరిమితమయ్యాయి. సోమవారం అర్ధరాత్రి నుంచే సమ్మె మొదలైంది. సమ్మెకు అన్ని సంఘాలు మద్దతు ప్రకటించడంతో కార్మికులెవరూ విధులకు హాజరు కాలేదు. రాష్ట్రంలోని 98 డిపోల వద్ద అన్ని కార్మిక సంఘాలు కేంద్రానికి వ్యతిరేకంగా నిరసనలు, ధర్నాలు నిర్వహించాయి. మోటారు వాహన చట్టం సవరణ బిల్లును వెంటనే వెనక్కి తీసుకోవాలని కార్మికులు డిమాండ్‌ చేశారు. తెలంగాణæ మజ్దూర్‌ యూనియన్, ఎంప్లాయీస్‌ యూనియన్, నేషనల్‌ మజ్దూర్‌ యూనియన్, ఏఐటీయూసీ, సీఐటీయూ, బీకేయూ, టీజేఎంయూ, ఐఎన్‌టీయూసీ, బీఎస్పీ సంఘాలు సమ్మెకు మద్దతు ప్రకటించాయి. ఒక్క బీఎంఎస్‌ అనుబంధ కార్మిక సంఘ్‌ మినహా కార్మికులంతా సమ్మెలో పాల్గొన్నారు. కాగా, ఆర్టీసీకి సమ్మె కారణంగా దాదాపు రూ.12 కోట్లు నష్టం వాటిల్లినట్లు అధికారులు వెల్లడించారు.   పాక్షికంగా ఆటోలు, క్యాబ్‌లు..  వాస్తవానికి రాష్ట్రవ్యాప్తంగా తామూ సమ్మెలో పాల్గొంటామని ఆటోలు, క్యాబ్‌ల సంఘాలు ప్రకటించినప్పటికీ, వీరు పాక్షికంగా సర్వీసులు నడిపారు. ఆర్టీసీ ఎలాంటి ప్రత్యామ్నాయ ఏర్పాట్లుచేయకపోవంతో ప్రయాణికులు తీవ్ర ఇబ్బందులు పడ్డారు. హైదరాబాద్‌లో ఉదయం 4 గంటల నుంచే ఆటో సర్వీసులు మొదలయ్యాయి. సమ్మె నెపంతో ప్రయాణికుల వద్ద రెట్టింపు చార్జీలు వసూలు చేశారు. జిల్లాల నుంచి హైదరాబాద్‌కు వచ్చే ప్రయాణికుల వద్ద ప్రైవేటు కార్ల డ్రైవర్లు.. సూపర్‌ లగ్జరీ చార్జీల కంటే రెండింతలు వసూలు చేశారు. వరంగల్, నిజామాబాద్, నల్లగొండ, విజయవాడ, షాద్‌నగర్‌ రూట్లలో ఈ దోపిడీ కొనసాగింది.  ఏపీ నుంచి 30 శాతం బస్సులే..  ఏపీ నుంచి రావాల్సిన బస్సులపైనా సమ్మె ప్రభావం పడింది. రోజూ వచ్చే బస్సుల్లో 30 శాతం బస్సులే వచ్చాయని ఆర్టీసీ అధికారులు తెలిపారు. ఏపీలో గుర్తింపు సంఘం ఎన్నికల హడావుడి వల్ల అక్కడి సంఘాలు పెద్దగా సమ్మెలో పాల్గొనలేదు.   రైల్వే ప్రత్యేక సర్వీసులు..  ఆర్టీసీ సమ్మె నేపథ్యంలో దక్షిణ మధ్య రైల్వే అదనపు సర్వీసులను నడిపించింది. లింగంపల్లి –ఫలక్‌నుమా, లింగంపల్లి– సికింద్రాబాద్‌ మధ్య ప్రత్యేక ఎంఎంటీఎస్‌ సర్వీసులను నడిపించారు. కాజీపేట నుంచి సికింద్రాబాద్‌ మధ్య రెండు ప్రత్యేక రైళ్లు నడిచాయి.  ఇంతకీ సమ్మె దేనికి?  నూతన మోటార్‌ వాహన చట్టం సవరణ బిల్లు–2016ను చూసి రవాణా రంగంపై ఆధారపడ్డ వారంతా బెంబేలెత్తుతున్నారు. ఈ బిల్లు వల్ల దేశంలో రవాణా వ్యవస్థ కుంటుపడుతుందని ఆందోళన వ్యక్తం చేస్తున్నారు. కార్పొరేట్‌ కంపెనీలకు అనుకూలంగా ఉందని, రవాణాా రంగాన్ని నమ్ముకున్న పేద, మధ్య తరగతి కుటుంబాలకు అన్యాయం జరుగుతుందని ఆవేదన వ్యక్తం చేస్తున్నారు. ముఖ్యంగా ప్రభుత్వ రవాణాా సంస్థల ఉద్యోగులు తీవ్ర ఆందోళన చెందుతున్నారు. కొత్త చట్టం నిబంధనలివే.. - కొత్త మోటార్‌ వాహన చట్ట సవరణ బిల్లు–2016 ప్రకారం.. ప్రైవేటు వాళ్లు రూట్లను కొనేసుకోవచ్చు. అంటే నిత్యం లాభాలు వస్తూ, బిజీగా ఉండే రూట్లను ఏ ప్రైవేటు కంపెనీ కొనుక్కున్నా ఆ రూటులో ఆర్టీసీ బస్సు నడవకూడదు. ఉదాహరణకు తెలంగాణ నుంచి విజయవాడ చాలా రద్దీ రూటు. దీన్ని ఏదైనా ప్రైవేటు సంస్థ కొనుగోలు చేస్తే ఆ దారిలో ఆర్టీసీ బస్సులు నడపకూడదు. ఈ విధానం అమలైతే ఆర్టీసీ బస్సులు లాభాలున్న రూట్లలో తిరగలేవు. అప్పుల ఊబిలో ఉన్న ఆర్టీసీ ఉనికే ప్రశ్నార్థకంగా మారుతుంది.  - థర్డ్‌పార్టీ ఇన్సూరెన్స్‌ క్లెయిమ్‌లు భారీగా పెంచుతున్నారని రవాణా రంగం మీద ఆధారపడ్డవారు ఆరోపిస్తున్నారు.  - కొత్త బిల్లులో భారీగా జరిమానాలు పెంచారు. ఉదాహరణకు సరైన పర్మిట్లు లేకుండా నడిపిస్తే రూ.10,000 జరిమానా విధిస్తారు.  ​​​​​​​- లైసెన్సు నిబంధనలకు విరుద్ధంగా వాహనం నడిపితే.. రూ.25 వేల నుంచి 1 లక్ష వరకు జరిమానా.  ​​​​​​​- ఓవర్‌లోడ్‌కి రూ.20,000 జరిమానా, మూడేళ్ల పాటు డ్రైవింగ్‌ లైసెన్సు రద్దు.  ​​​​​​​- అధిక ప్రయాణికులను ఎక్కిస్తే ఎంతమంది ఎక్కువగా ఉంటే అంతమందికి రూ.1000 చొప్పున వసూలు చేస్తారు.  సాయంత్రానికి రోడ్డెక్కిన బస్సులు  24 గంటల సమ్మె అయినా సాయంత్రం 6 గంటలు దాటాక హైదరాబాద్‌లో సగం బస్సులు రోడ్డెక్కాయి. జిల్లాల్లోని డిపోల్లో కొన్ని బస్సులు రోడ్డెక్కాయి. అర్ధరాత్రి నుంచి పూర్తిస్థాయిలో బస్సు సర్వీసులు ప్రారంభం అవుతాయి. కాగా, ఆర్టీసీ సమ్మెలో పాల్గొని విజయవంతం చేసిన కార్మికులకు వివిధ యూనియన్ల నాయకులు అశ్వత్థామరెడ్డి (టీఎంయూ), నాగేశ్వర్‌రావు, అశోక్‌ (ఎన్‌ఎంయూ) రాజిరెడ్డి (ఈయూ), హన్మంత్‌ (టీజేఎంయూ) కృతజ్ఞతలు తెలిపారు. 

భైంసా(ముథోల్‌) ఆదిలాబాద్‌ : చదువుల తల్లి కొలువైన బాసర మీదుగా మరో జాతీయ రహదారి నిర్మాణ హామీ అలాగే మిగిలింది. రెండున్నరేళ్లు గడిచినా నేటికి పనులు జరుగడం లేదు. ఈ రహదారి నిర్మిస్తే బాసర వచ్చే భక్తులకు రాకపోకల ఇబ్బందులు తీరుతాయి. రాష్ట్ర రాజధాని నుంచి మరో మార్గం గుండా బాసరకు చేరుకోవచ్చు. కర్నాటక, మహారాష్ట్రవాసులకు సైతం కొత్తగా నిర్మించే జాతీయ రహదారితో ప్రయాణదూరం తగ్గనుంది. జనవరి 4, 2016న వరంగల్‌ జిల్లా మడికొండ వద్ద వరంగల్‌–యాదగిరిగుట్ట మధ్య 163వ నంబర్‌ జాతీయ రహదారి విస్తరణ పనుల ప్రారంభోత్సవ కార్యక్రమంలో సీఎం కేసీఆర్‌ సమక్షంలో కేంద్ర ఉపరితల, రవాణా శాఖ మంత్రి నితిన్‌గడ్కరి హామీ ఇచ్చారు. హైదరాబాద్‌– నర్సాపూర్‌– మెదక్‌– ఎల్లారెడ్డి–బాన్సువాడ– బోధన్‌– బాసర– భైంసా కలుపుతూ 230 కిలోమీటర్ల జాతీయ రహదారి నిర్మిస్తామని ప్రకటించారు.   బాసర మీదుగా ...  భైంసా నుంచి నిర్మల్‌ వెళ్లి ఏడో నంబర్‌ జాతీయ రహదారి మీదుగా ప్రస్తుతం హైదరాబాద్‌ వెళ్తున్నారు. ఈ మార్గంలో భైంసా నుంచి హైదరాబాద్‌ 262 కిలోమీటర్ల దూరంలో ఉంది. నూతన రహ దారి పూర్తయితే 32కిలోమీటర్ల దూరభారం తగ్గనుంది. భైంసా నుంచి బాసర, బోధన్, బాన్సువా డ, ఎల్లారెడ్డి, మెదక్, నర్సాపూర్‌ మీదుగా హైదరాబాద్‌కు వెళ్లవచ్చు. కొత్తగా నిర్మించబోయే రహదా రి పనులు పూర్తయితే కర్ణాటకవాసులు ఎల్లారెడ్డి, బాన్సువాడ మీదుగా బోధన్‌ నుంచి బాసర చేరుకోవచ్చు. మహారాష్ట్రలోని నాందేడ్, తుల్జాపూర్, కోలాపూర్‌వాసులు సైతం బోధన్‌ మీదుగా నేరుగా బాసర వచ్చే అవకాశం ఉంటుంది.   తగ్గనున్న దూరభారం సరస్వతీక్షేత్రంగా పేరొందిన బాసరకు ఇప్పటికే రైలుమార్గం ఉంది. ఈ మార్గం ద్వారానే భక్తులు అధిక సంఖ్యలో ఇక్కడికి వస్తుంటారు. నిజామాబాద్‌ నుంచి బాసర వరకు, భైంసా నుంచి బాసర వరకు ఉన్న రోడ్డు ఇరుకుగా ఉంది. వంపులు తిరిగి గుంతలమయమైన ఈ రోడ్డుపై ప్రయాణించే వారు ఇబ్బందులు పడుతున్నారు. ప్రస్తు తం నిజామాబాద్‌వైపు 20కిలోమీటర్ల మేర రోడ్డు నిర్మాణ పనులు కొనసాగుతున్నాయి. తెలంగాణ లో ఉన్న ఏకైక ట్రిపుల్‌ఐటీ బాసరలోనే ఉంది. ఇక్కడ ఆరు వేల మంది విద్యార్థులు చదువుకుంటున్నారు. కొత్తగా నిర్మించే రహదారితో నిజామాబాద్, మెదక్, మహాబూబ్‌నగర్‌ జిల్లావాసులకు దూరభారం తగ్గనుంది.    ఇరుకు రోడ్డుతో ఇబ్బందులు..  భైంసా నుంచి బాసర వరకు ఉన్న 31 కిలోమీటర్ల రహదారి కాస్త ఇరుకుగా ఉంది. ఈ మార్గంలో ముద్గల్, తరోడ గ్రామల వద్ద ఇరుకు వంతెనలు ఉన్నాయి. వాహనాల రాకపోకలు అధికంగా ఉండే ఈ ప్రాంతంలో ఇప్పటి వరకు నూతన వంతెన నిర్మాణం జరుగలేదు. కేంద్రం నిర్మించబోయే రహదారితోనైనా ఈ మార్గంలో ఇరుకువంతెనల ఇబ్బందులు తీరుతాయని స్థానికులు ఆశాభావం వ్యక్తం చేస్తున్నారు.   కర్ణాటక వెళ్లేందుకు సౌలభ్యమే...  ఇప్పుడిప్పుడే వ్యాపారపరంగా అభివృద్ధి చెందుతున్న భైంసా పట్టణ మీదుగా నూతనంగా 61వ జాతీయ రహదారి పనులు నడుస్తున్నాయి. అలాగే హైదరాబాద్‌ నుంచి భైంసా వరకు మరో రహదారిని నిర్మించనున్నట్లు కేంద్రం గతంలో ప్రకటించింది. ఇప్పటికే మహారాష్ట్రకు దగ్గరగా ఉన్న ఈ ప్రాంతవాసులకు కొత్తగా నిర్మించే రహదారి నుంచి కర్ణాటకకు రాకపోకలు సులభతరం కానుంది. కర్ణాటకవాసులకు బాన్సువాడ మీదుగా భైంసాకు వచ్చేందుకు సౌకర్యంగా ఉంటుంది. హైదరాబాద్‌ వెళ్లే అవసరం లేకుండా మధ్య మార్గాల నుంచి బాన్సువాడ, బోధన్, బాసర మీదుగా ఇక్కడకు చేరుకోవచ్చు.   షిర్డీ వెళ్లేవారికి...  తెలంగాణ ప్రాంతంలోని హైదరాబాద్, రంగారెడ్డి, మహబూబ్‌నగర్, నిజామాబాద్‌ జిల్లాల నుంచి షిర్డీ వెళ్లే యాత్రికులకు కొత్తగా నిర్మించే రహదారి ఉపయోగపడుతుంది. హైదరాబాద్‌ నుంచి బోధన్‌ చేరుకుని అక్కడి నుంచి నిజామాబాద్‌ వెళ్లే వీలు ఉంటుంది. అలాగే మహారాష్ట్రలోని నాందేడ్‌లోని ప్రముఖ గురుద్వార్‌కు సైతం ఈ మార్గం గుండా వెళ్లే అవకాశం ఉంటుంది. కేంద్రం ప్రకటించిన ఈ రహదారి నిర్మాణ పనులు త్వరితగతిన జరిగేలా చూడాలంటూ ఈ ప్రాంతవాసులు కోరుతున్నారు.

సాక్షి, న్యూఢిల్లీ : దేశ రాజధానిలో ఎడతెరిపి లేకుండా భారీ వర్షాలు కురుస్తున్నాయి. గురువారం ఉదయం నుంచి కురుస్తున్న భారీ వర్షాల కారణంగా పలు లోతట్టు ప్రాంతాలు జలమయం అయ్యాయి. ఢిల్లీతో పాటు నోయిడాలోని ప్రధాన రహదారులపై నిలిచిన వర్షపు నీటితో రాకపోకలకు అంతరాయం కలుగుతోంది. వర్షాల కారణంగా ప్రజలు సైతం తీవ్ర ఇబ్బందులు ఎదుర్కొంటున్నారు. ఎటువంటి అవాంఛనీయ సంఘటనలు జరగకుండా ఢిల్లీలోని పలు ప్రాంతాల్లో అధికారులు విద్యుత్‌ సరఫరాను నిలిపివేశారు. వర‍్షపు నీరు ఎక్కువగా నిలిచిపోవటం వల్ల ఘాజీపూర్‌ ముర్గా మండీ, ఖజిర్‌ చౌక్‌, మోదీ మిల్‌ ఫ్లైఓవర్‌ తదితర ప్రాంతాల్లో ట్రాఫిక్‌ స్థంభించి పోయిందని అధికారులు తెలిపారు. నీటి నిల్వలు ఎక్కువగా ఉన్న ప్రాంతాల్లో ట్రాఫిక్‌ ఆంక్షలు విధించారు. 

సాక్షి, ఆదిలాబాద్‌: మావోయిస్టు ప్రభావిత ప్రాంతాల్లో రోడ్డు కనెక్టివిటి కోసం ఉమ్మడి జిల్లా నుంచి పంపించిన ప్రతిపాదనలకు మంజూరు లభిస్తే మహారాష్ట్రకు సరిహద్దు గ్రామాలు, మారుమూల గిరిజన ప్రాంతాలకు మహర్దశ కలగనుంది. రోడ్డు సదుపాయం ఏర్పడి ఆయా గ్రామాలకు వివిధ సౌకర్యాలు మెరుగుపడతాయి. తాజాగా భద్రాద్రి జిల్లాకు నిధులు మంజూరు కావడం గమనార్హం. మన జిల్లాల నుంచి పంపించిన ప్రతిపాదనలకు కేంద్రం నుంచి ఆమోదం లభించిన పక్షంలో అనేక గ్రామాలకు వంతెనలు, రోడ్లు నిర్మించే అవకాశం ఉంది.   కేంద్ర ప్రభుత్వం నిధులు..  లెఫ్ట్‌ వింగ్‌ ఎక్సిట్రిమిజం (ఎల్‌డబ్ల్యూఈ) కింద రోడ్ల అభివృద్ధి కోసం కేంద్ర ప్రభుత్వం నిధులు మంజూరు చేస్తుంది. ఇంటిలిజెన్స్‌ నివేదిక ఆధారంగా ఆయా ప్రాంతాలను కేంద్ర హోం మంత్రిత్వశాఖ ఎంపిక చేస్తుంది. దాని ఆధారంగా కేంద్ర గ్రామీణాభివృద్ధి శాఖ నుంచి నిధులు మంజూరు అవుతాయి. ఇంటెలిజెన్స్‌ సూచించిన చోటనే సరిహద్దు, మారుమూల ప్రాంతాల్లో రోడ్లు, బ్రిడ్జిలు, కల్వర్టుల నిర్మాణాలు చేపడుతారు. రహదారులు, భవనాల శాఖ ఈ పనులను పర్యవేక్షిస్తుంది. ప్రధానంగా మావోయిస్టు ప్రభావిత ప్రాంతాలను పరిగణలోకి తీసుకుంటుంది. జిల్లాల విభజన తర్వాత 2017–18 సంవత్సరం కోసం మంచిర్యాల, కుమురంభీం జిల్లాలకు ఎల్‌డబ్ల్యూఈ కింద ఎంపిక చేయడం జరిగింది. రూ.153 కోట్లు మంజూరయ్యాయి. తాజాగా వాటికి సంబంధించి ఇటీవలే పలు పనులకు శంకుస్థాపన కూడా పూర్తయింది. ప్రాణహిత సరిహద్దులో ఈ పనులను చేపడుతున్నారు. రెండు జిల్లాల్లో నాలుగు బ్రిడ్జిలు, ఏడు రోడ్లు నిర్మిస్తున్నారు.   ఆదిలాబాద్‌ జిల్లా కూడా..  ఎల్‌డబ్ల్యూఈ మొదటి విడతలో ఉమ్మడి ఖమ్మం, వరంగల్‌ జిల్లాలు ఉండగా, అందులో మావోయిస్టు ప్రభావిత ప్రాంతాలనే పరిగణలోకి తీసుకునేవారు. ఉమ్మడి ఖమ్మం జిల్లాగా చూస్తే ప్రస్తుతం కొత్త జిల్లాగా ఏర్పడిన భద్రాద్రి జిల్లా మాత్రమే ఉండేదని ఆర్‌అండ్‌బీ శాఖ అధికారులు చెబుతున్నారు. కొత్త జిల్లాల విభజన తర్వాత రెండో విడతలో మంచిర్యాల, కుమురంభీం జిల్లాలను తీసుకోవడం జరిగిందని పేర్కొంటున్నారు. ఆదిలాబాద్‌ జిల్లాను మొదట్లో పరిగణలోకి తీసుకోలేదు. కాగా ఇటీవల జిల్లాలో ఆదివాసీ ఉద్యమం విస్తృతంగా సాగుతుండటం, అదే సమయంలో మారుమూల గిరిజన గ్రామాలకు ఇప్పటికి సరైన రోడ్డు సంబంధాలు లేకపోవడాన్ని పోలీసు శాఖతో పాటు ఇంటిలిజెన్స్‌ వర్గాలు కేంద్ర ప్రభుత్వానికి నివేదిక పంపింది. ప్రధానంగా ఆదిలాబాద్‌ జిల్లాలోని  పలు ఏజెన్సీ మండలాల్లో సరైన రోడ్డు మార్గాలు లేక దుర్భరమైన పరిస్థితులు ఉన్నాయి. కల్వర్టులు, బ్రిడ్జిలు లేకపోవడంతో వర్షాకాలంలో తీవ్ర ఇబ్బందులు ఎదుర్కొంటున్నారు. ఇటీవల నార్నూర్‌లో వంతెన లేని కారణంగా వరద ప్రవాహంలో గర్భిణిని ప్రసవానికి తరలించడంలో ఆటంకాలు ఎదురయ్యాయి. సరైన సమయంలో ఆస్పత్రికి తీసుకెళ్లకపోవడంతో గర్భిణి అక్కడే ప్రసవించడం, శిశువు మృతిచెందడం సంఘటన జిల్లా పరిస్థితికి అద్దం పట్టింది. ఈ నేపథ్యంలో ఇంటిలిజెన్స్‌ వర్గాలు 22 పాయింట్లలో రోడ్డు కనెక్టివిటి పెంచాలని సూచిస్తూ నివేదిక పంపడం జరిగింది. ఆదిలాబాద్‌ జిల్లాను కూడా ఎల్‌డబ్ల్యూఈ కింద ఎంపిక చేయడంతో అభివృద్ధి చెందే అవకాశాలు ఉన్నాయి.   మూడు జిల్లాలకు రూ.900 కోట్లు..  ఎల్‌డబ్ల్యూఈ రెండో విడతలో మంచిర్యాల, కుమురంభీం, ఆదిలాబాద్‌ జిల్లాలకు కలిపి 2018–19 కోసం రూ.900 కోట్లతో మూడు నెలల కిందట ప్రతిపాదనలు పంపడం జరిగింది. ఇందులో ఆదిలాబాద్‌ జిల్లాకు రూ.250 కోట్లతో, మిగతా మంచిర్యాల, కుమురంభీం జిల్లాలకు ప్రతిపాదనలు రూపొందించారు. ఈ ప్రతిపాదనలోంచి ఎన్నింటికి మోక్షం కలుగుతుందో, ఎన్ని నిధులు మంజూరవుతాయో వేచి చూడాల్సిందేనని అధికారులు చెబుతున్నారు. ఒకవేళ పంపిన ప్రతిపాదన ఆధారంగా నిధులు మంజూరైన పక్షంలో ఉమ్మడి ఆదిలాబాద్‌ జిల్లాలోని అనేక మారుమూల, సరిహద్దు గ్రామాల్లో రోడ్డు కనెక్టివిటి పెరిగి ప్రజా సంబంధాలు పెంపొందుతాయని చెబుతున్నారు. సరైన మార్గం లేకపోవడం, గిరిజన గ్రామాల్లో తాత్కాళిక కల్వర్టులు, వంతెనలు ఏర్పాటు చేసుకొని రాకపోకలు సాగించడం కనిపిస్తుంది. వరద ప్రవాహం కారణంగా అవి కొట్టుకుపోవడంతో బాహ్య ప్రపంచంతో సంబంధాలు తెగిపోతాయి.

సాక్షి, నంద్యాల: కర్నూలు జిల్లా నంద్యాల పట్టణంలో అభివృద్ధి పనుల కోసమంటూ అధికారులు, అధికార పార్టీ నాయకులు ఎక్కడబడితే అక్కడ గుంతలు తవ్వి, పనులు చేపట్టకుండా వదిలేయడంతో స్థానికులకు ఇబ్బందులు తప్పడంలేదు. ఈ నేపథ్యంలో ఎస్‌బీఐ కాలనీలో తవ్విన గుంతలతో తరచూ ట్రాఫిక్‌ జామ్‌ అవుతుండటంతో కాలనీవాసులు అవస్థలు పడుతున్నారు.   ఆరునెలల క్రితం గుంతలు తీసి..  ఉప ఎన్నికల్లో టీడీపీని గెలిపిస్తే మీ కాలనీలో రహదారులు నిర్మిస్తామని చెప్పిన నాయకులు..ఎస్‌బీఐ కాలనీలో రహదారులు వేయడానికి ఆరు నెలల క్రితం గుంతలు తీయించారు. కానీ ఇంత వరకు రోడ్లు వేయలేదు.  దీనికి తోడు రహదారి పక్కన డ్రెయినేజీ కోసం గుంతలు తీసి మట్టిని రోడ్డుపైనే వేయడంతో వాహన దారులకు చాలా ఇబ్బందిగా మారింది. ఈ కాలనీలో పలు విద్యాసంస్థలు, ప్రభుత్వ కార్యాలయాలు, అధికంగా ఉన్నాయి. ప్రతిరోజూ ఈ ఐదు పాఠశాలలు, మూడు కాలేజీల విద్యార్థులు కళాశాలలకు రాకపోకలు సాగిస్తుంటారు. దీంతో  చిన్న ఆటో ఎదురుగా వచ్చినా ట్రాఫిక్‌ అంతా జాం అవుతుంది. దీంతో విద్యార్థులు పాఠశాలకు, కాలేజీలకు ఆలస్యంగా వెళ్లాల్సివస్తోంది. పాఠశాల బస్సు ఈ రహదారిపై వచ్చిందంటే 15 నిమిషాలు ట్రాఫిక్‌ నిలిచిపోవాల్సిందే. రోడ్డు అంతా మట్టిమయం కావడం, పక్కన గుంతలు ఉండటంతో కనీసం సైకిళ్లు కూడా వెళ్లలేని పరిస్థితి. అంతేకాకుండా వర్షా కాలం కావడంతో రోడ్డుపై వేసిన మట్టి మీద నడుస్తూ వృద్ధులు, చిన్నారులు జారిపడుతున్నారు.  ఆరు నెలలుగా  పనులు కొనసాగుతున్నా ఒక్కపని కూడా సక్రమంగా చేయడంలేదని కాలనీ వాసులు ఆగ్రహం వ్యక్తం చేస్తున్నారు.   

సాక్షి, హైదరాబాద్‌ : హైదరాబాద్‌ మహానగరంలోని రోడ్ల మరమ్మతులు, గుంతల పూడ్చివేత యుద్ద ప్రాతిపదికన చేపట్టడానికి తీసుకోవాల్సిన చర్యలపై మేయర్‌ బొంతు రామ్మోహన్‌ మంగళవారం సమీక్ష సమావేశం ఏర్పాటు చేశారు. ఈ సమావేశంలో జీహెచ్‌ఎంసీ, హెచ్‌ఆర్‌డీసీ ఇంజనీర్లతో పాటు, జెఎన్‌టీయూ, ఉస్మానియా యూనివర్సిటీలకు చెందిన ప్రొఫెసర్లు  కూడా పాల్గొన్నారు. మేయర్‌ మాట్లాడుతూ.. ‘హైదరాబాద్‌ నగరంలో మొత్తం 9 వేల కిలోమీటర్ల మేర రహదారులు ఉండగా వీటిలో ప్రధానంగా 320 కి.మీ రోడ్లను హెచ్‌ఆర్‌డీసీఎల్‌ నిర్వహిస్తోంది. గతేడాది జూలై 1వ తేదీ నుంచి నేటి వరకు నగరంలోని రోడ్లపై 3,141 గుంతలు ఏర్పడ్డాయి. వీటిలో 772 గుంతలను పూడ్చాం. మిగిలిన వాటిని రెండు రోజుల్లో పూడ్చివేస్తాం. 2017 జూన్‌ 1 నుంచి 2018 జూన్‌ 30 వరకు 50,100 పాట్‌హోల్స్‌ను పూడ్చివేశాం.  రోడ్ల మరమ్మతులకు ప్రత్యేంగా 79 ఇన్‌స్టాంట్‌ రిపేర్‌ టీమ్‌లను ఏర్పాటు చేశాం. వర్షకాలంలో దెబ్బతిన్న రోడ్లను మరమ్మతులు చేయడం, గుంతలు పూడ్చడానికి త్రిముఖ వ్యుహం  అవలంభించబోతున్నాం. ప్రతిరోజు ఇంజనీర్లు తమ ప్రాంతాల్లో సంబంధిత ప్రజా ప్రతినిధులతో కలిసి రోడ్లను తనిఖీ చేసేలా చర్యలు తీసుకుంటాం. దెబ్బతిన్న రోడ్లను వెంటనే మరమ్మతులు చేస్తాం. జలమండలి, మెట్రోరైలుతో పాటు వివిధ పనుల నిమిత్తం తవ్విన రోడ్లను వెంటనే పునరుద్దరించాలని కోరాం. నిరంతర వర్షాల కారణంగా సీసీ రోడ్ల నిర్మాణం చేపట్టనున్నాం. వచ్చే మూడు నెలలు కీలక సమయం కానున్నందున.. ఎల్‌ అండ్‌ టీ, వాటర్‌ బోర్డు, బీఎస్‌ఎన్‌ఎల్‌ ఇతర విభాగాల ఇంజనీర్లతో ప్రత్యేక సమావేశం ఏర్పాటు చేసి తవ్వకాలు, గుంతల పూడ్చివేతపై ప్రత్యేక కార్యచరణ రూపొందించుతామ’ని తెలిపారు.

రాయ్‌పూర్‌ : రోడ్డు నిర్మాణ పనుల్లో లంకెబిందె బయటపడింది. ఈ ఘటన చత్తీస్‌ఘడ్‌లోని కొండగావ్‌ జిల్లాలో చోటు చేసుకుంది. ఓ మహిళా కూలీ తవ్వకాలు జరుపుతుండగా బంగారు నాణెలతో కూడిన లంకెబిందె దొరికింది. అందులో 57 బంగారు నాణెలు, ఒక వెండి నాణెం, ఓ బంగారు చెవిపోగు లభ్యమైనట్లు జిల్లా కలెక్టర్‌ నీలకంఠ్‌ తెలిపారు. కోర్‌కోటి, బెడ్మా గ్రామాల మధ్య రోడ్డు నిర్మాణం జరుగుతుండగా లంకెబిందె దొరికిందని చెప్పారు. నాణెలు అన్నీ 12-13 శతాబ్దాలకు చెందినవిగా వెల్లడించారు. నాణెలపై ఉన్న లిపిని బట్టి యాదవుల కాలానికి చెందినవిగా తెలుస్తోందని వివరించారు. మహారాష్ట్రలోని విదర్భ కేంద్రంగా యాదవులు పాలించారు. ఛత్తీస్‌ఘడ్‌లోని బస్తర్‌ను కూడా ఆక్రమించారు. రాష్ట్ర పురావస్తు పరిశోధకులు నాణెలను మరింత పరిశోధిస్తారని వివరించారు.

ముంబై : ఎడతెరిపి లేకుండా కురుస్తున్న వర్షాలు ముంబై మహానగరాన్ని అతలాకుతలం చేస్తున్నాయి. సోమవారం పలు ప్రాంతాల్లో రికార్డు స్థాయి వర్షపాతం నమోదైంది. కేవలం 20 రోజుల్లోనే నగర సాధారణ వర్షపాతంలో 54 శాతం మేర వర్షం కురిసినట్టు అధికారులు చెబుతున్నారు. శాంటా క్రుజ్‌ ప్రాంతంలో రికార్డు స్థాయిలో 137 మి.మీల వర్షం కురిసిందని, రాగల 24 గంటల్లో 150 మి.మీల మేర వర్షపాతం నమోదుకావచ్చని స్కైమెట్‌ తెలిపింది. సోమవారం ముంబైలోని పాఠశాలలు, కళాశాలలకు ప్రభుత్వం సెలవు ప్రకటించిన సంగతి తెలిసిందే. కుండపోత వర్షాల కారణంగా ఈరోజు(మంగళవారం) కూడా పలు ప్రాంతాల్లో విద్యాసంస్థలు మూతపడ్డాయి. భారీ వర్షాల కారణంగా ముంబై యూనివర్సిటీలోని అన్ని రకాల పరీక్షలను వాయిదా వేశారు. ఉద్యోగులు కార్యాలయాలకు వెళ్లేందుకు తీవ్ర అవస్థలు పడుతున్నారు. డబ్బా వాలాలు కూడా ఈ రోజు తమ సేవలను నిలిపివేస్తున్నట్టు ప్రకటించారు. రోడ్లపై భారీగా వరద నీరు చేరడంతో బస్సులను ప్రత్యామ్నాయ మార్గాల్లో నడుపుతున్నారు. పశ్చిమ రైల్వే మంగళవారం పలు సర్వీసులను రద్దు చేస్తున్నట్టు ప్రకటించింది. పలు ప్రాంతాల్లో పట్టాలపై వర్షపు నీరు నిలవడంతో లోకల్‌ ట్రైన్‌లు అలస్యంగా నడుస్తున్నాయి. నగరంలోని పలు ప్రాంతాల్లో రోడ్లు చెరువులను తలపిస్తున్నాయి. రోడ్లపై మొకాలిలోతు మేర నీరు చేరడంతో ప్రజలు తమ అవసరాల కోసం బయటకు రావాలంటే భయపడుతున్నారు. శనివారం సాయంత్రం రోడ్డుపై ఏర్పడిన గుంత కారణంగా ఓ మహిళ బైక్‌పై నుంచి కిందపడి ప్రాణాలు కొల్పోయిన సంగతి తెలసిందే. ఇప్పటికే గోఖలే రోడ్‌ ఓవర్‌ బ్రిడ్జ్‌ కూలిపోగా, పలు బ్రిడ్జిలకు పగుళ్లు వచ్చాయి. ఈ రోజు కూడా భారీ వర్షాలు పడుతాయని వాతవరణ శాఖ తెలిపింది. అధికారులు కూడా సహాయక చర్యలను ముమ్మరం చేశారు. 

సాక్షి, హైదరాబాద్ : గ్రేటర్ హైదరాబాద్‌లో రోడ్ల తవ్వకాలపై నిషేధం విధించినట్టు జీహెచ్‌ఎంసీ మేయర్ బొంతు రామ్మోహన్ తెలిపారు. హైదరాబాద్‌లో డ్రైనేజీ లీకేజీ లేకుండా, కొత్త రోడ్లు వేసేందుకు అవసరమైన నిధులు విడుదల చేస్తామని ముఖ్యమంత్రి కేసీఆర్‌ చెప్పినట్టు తెలిపారు. మేయర్‌ బొంతు రామ్మోహన్‌ ఆదివారం విలేకరులతో మాట్లాడారు. నగరాన్ని విశ్వనగరం చేసేందుకు తెలంగాణ ప్రభుత్వం ప్రత్యేక ప్రణాళిక సిద్ధం చేసిందని  తెలిపారు. జీహెచ్‌ఎంసీలో 10  జోన్లు, 50 సర్కిళ్లు ఏర్పాటు చేయబోతున్నామని చెప్పారు. రూ. 2వేల కోట్లతో నగర ప్రజలకు మంచినీళ్లు అందిస్తున్నామని చెప్పారు. టీఆర్‌ఎస్‌ ప్రభుత్వం హయాంలో నగరంలో ఎన్నో అభివృద్ధి పనులు చేప్పట్టిందని,  సీఎం కేసీఆర్‌ నగరంపై ప్రత్యేక సమీక్ష నిర్వహించారని తెలిపారు. హరిత హారంలో భాగంగా జీహెచ్‌ఎంసీ పరిధిలో 40 లక్షల మొక్కలు నాటబోతున్నామని చెప్పారు.

సాక్షి, సిద్దిపేట: ‘ఒక ప్రాంతం అభివృద్ధిలో రోడ్లు, ఇతర రవాణా మార్గాలు కీలక పాత్ర పోషిస్తాయి. అందుకే టీఆర్‌ఎస్‌ ప్రభుత్వం ఏర్పడిన తర్వాత రాష్ట్ర వ్యాప్తంగా ఉన్న రహదారుల పునరుద్ధరణ, స్థాయి పెంపు, కొత్త మార్గాల ఏర్పాటుకు ప్రభుత్వం విరివిగా నిధులు కేటాయించింది’అని రాష్ట్ర నీటి పారుదల శాఖ మంత్రి హరీశ్‌రావు అన్నారు. గురువారం సిద్దిపేట కలెక్టర్‌ కార్యాలయంలో జరిగిన సమీక్షా సమావేశంలో మంత్రి మాట్లాడారు. ఉమ్మడి రాష్ట్రం ఉన్నప్పుడు తెలంగాణలో కేవలం 136 కిలోమీటర్ల మేరకు జాతీయ రహదారి ఉండేదని.. ప్రస్తుతం అది 692 కిలోమీటర్లకు పెరిగిందని తెలిపారు. కాగా, ఉమ్మడి మెదక్‌ జిల్లాలో 400 కిలోమీటర్ల పొడవున రోడ్ల ను నాలుగు లైన్ల రహదారిగా అప్‌గ్రేడ్‌ చేస్తున్నామని వెల్లడించారు. జాతీయ రహదారుల అథారిటీ ఆధ్వర్యంలో ఎల్కతుర్తి, సిద్దిపేట, రామాయంపేట, మెదక్‌ మీదుగా ఈ రహదారి వెళ్తుందని చెప్పారు. అదేవిధంగా జనగామ, సిద్దిపేట, సిరిసిల్ల మీదుగా మరో రహదారి అభివృద్ధి పనులను త్వరలో ప్రారంభిస్తామని చెప్పారు. దీనికి అవసరమైన భూసేకరణను త్వరితగతిన చేయాలని అధికారులను ఆదేశించారు. గ్రామాలలో ఫుట్‌పాత్‌లు, డ్రైనేజీ, డివైడర్లు, జంక్షన్లను అభివృద్ధి చేయాలని, రోడ్లు సుందరంగా ఉండేలా చర్యలు చేపట్టాలని ఆర్‌అండ్‌బీ అధికారులను ఆదేశించారు. జాతీయ రహదార్లపై జరిగే ప్రమాదాలను అరికట్టేందుకు సిద్దిపేట సమీపంలోని పొన్నాల వద్ద రూ.30 కోట్లతో ప్లైఓవర్‌ నిర్మాణం చేపట్టేందుకు ప్రతిపాదనలు సిద్ధం చేయాలని, దీనితోపాటు గజ్వేల్‌ ఔటర్‌ రింగ్‌రోడ్డు పనులు వేగవంతం చేయాలని మంత్రి అధికారులను ఆదేశించారు. సమావేశంలో రాష్ట్ర ఎస్సీ కమిషన్‌ చైర్మన్‌ ఎర్రోళ్ల శ్రీనివాస్, కలెక్టర్‌ వెంకట్రామిరెడ్డి, పోలీస్‌ కమిషనర్‌ జోయల్‌ డేవిస్, ఆర్‌అండ్‌బీ ఎస్‌ఈ రవీందర్‌రావు, ఈఈ సుదర్శన్‌రెడ్డి తదితరులు పాల్గొన్నారు.  

సాక్షి, హైదరాబాద్‌: అధికారంలోకి వచ్చాక నాలుగేళ్లలో కనీసం హైదరాబాద్‌లోని రోడ్లపై ఉన్న గుంతలైనా పూడ్చగలిగారా అని టీపీసీసీ అధ్యక్షుడు ఉత్తమ్‌కుమార్‌రెడ్డి టీఆర్‌ఎస్‌ ప్రభుత్వాన్ని ప్రశ్నించారు. అసలు ఈ నాలుగేళ్లలో టీఆర్‌ఎస్‌ ప్రభుత్వం హైదరాబాద్‌కు ఏం చేసిందని అడిగారు. ముషీరాబాద్‌ నియోజకవర్గం నుంచి పీఆర్పీ అభ్యర్థిగా గతంలో పోటీ చేసిన పీవీ అశోక్‌కుమార్‌ తన అనుచరులతో కలసి ఆదివారం కాంగ్రెస్‌లో చేరారు. గాంధీభవన్‌లో జరిగిన ఈ కార్యక్రమంలో ఉత్తమ్‌తో పాటు మాజీ ఎంపీ వీహెచ్‌ వారికి కండువాలు కప్పి పార్టీలోకి ఆహ్వానించారు. హైదరాబాద్‌లో టీఆర్‌ఎస్‌ హయాంలో కించిత్‌ అభివృద్ధి కూడా జరగలేదని ఉత్తమ్‌ ఆరోపించారు. రాజధాని ప్రజలకు కృష్ణాజలాల ద్వారా తాగునీరు, శంషాబాద్‌ అంతర్జాతీయ విమానాశ్రయం, మెట్రోరైలు, పీవీ నరసింహారావు ఎక్స్‌ప్రెస్‌వే, ఔటర్‌ రింగురోడ్డు తదితర అభివృద్ధి కార్యక్రమాలన్నీ కాంగ్రెస్‌ ప్రభుత్వాల హయాంలోనే జరిగాయని గుర్తు చేశారు. కాంగ్రెస్‌ ప్రారంభించిన పనులకు నిధులు కేటాయించి అంతా తామే చేశామని గొప్పలు చెప్పుకోవడమే టీఆర్‌ఎస్‌ నేతలు పనిగా పెట్టుకున్నారని విమర్శించారు. గత నాలుగేళ్లుగా అడ్డగోలుగా కమీషన్లు తిని మున్సిపల్‌ మంత్రి కేటీఆర్‌ అహంకారంతో మాట్లాడుతున్నారని మండిపడ్డారు. వచ్చే ఎన్నికల్లో టీఆర్‌ఎస్‌ హైదరాబాద్‌లో తుడిచిపెట్టుకు పోతుందని, ఆ పార్టీకి ఒక్క సీటు కూడా రాదని జోస్యం చెప్పారు. పార్టీలో అశోక్‌ చేరడం వల్ల రాజధానిలో పార్టీ మరింత బలోపేతం అవుతుందని పేర్కొన్నారు. రానున్న ఎన్నికల్లో టీఆర్‌ఎస్, ఎంఐఎంలను ఎదుర్కొనేందుకు కాంగ్రెస్‌ కార్యకర్తలు సమాయత్తం కావాలని, ముందస్తు ఎన్నికల అంచనా నేపథ్యంలో పార్టీ నేతలు సమన్వయంతో ముందుకెళ్లి కాంగ్రెస్‌ను అధికారంలోకి తీసుకురావడమే లక్ష్యంగా పనిచేయాలని పిలుపునిచ్చారు.  

నిజామాబాద్‌ రూరల్‌ : చిన్న రోడ్డు కాస్త రహదారి వరకు పెంచి మంచి సౌకర్యమే కల్పించారు!. ఇప్పటి వరకు బాగానే ఉంది. అయితే రూరల్‌ పోలీస్‌ స్టేషన్‌ పరిధిలోని మల్లారం నుంచి మల్కాపూర్‌ గ్రామం వరకు గల బాన్సువాడ –నిజామాబాద్‌ రహదారిపై మలుపులు ప్రమాదకరంగా మారాయి. ప్రయాణికుల ప్రాణాలు గాలిలో కలుస్తున్నాయి. ఈ మలుపుల వద్ద కనీసం సూచికలు కాని, హెచ్చరిక బోర్డులు గాని లేవు. దీంతో ఈ ప్రాంతంలో తరచూ ప్రమాదాలు చోటు చేసుకుంటున్నాయి. కనీసం నెలకు నాలుగు ప్రమాదాలు అవుతున్నాయి. అయినా అధికారులు మాత్రం పట్టించుకోవడంలేదు. ఏడాదికి సగటున 15 మంది వరకు ప్రాణాలు కోల్పోతున్నారు. నిజామాబాద్‌– బాన్సువాడ మధ్య తిరిగే వాహనాల సంఖ్య రోజురోజుకు పెరిగిపోతోంది. మల్లారం గండిలో రోడ్డు ఇరుకుగా ఉంది. అంతేకాకుండా ఈ ప్రాంతంలో పది చోట్ల మలుపులు ఉన్నాయి. ఈ కారణంగా ఎదురుగా వస్తున్న వాహనాలను గుర్తించలేక తరచూ ప్రమాదాలు జరుగుతున్నాయి. తద్వారా ప్రయాణికులు ప్రాణాలు కోల్పోతున్నారు. బైకులు, భారీ వాహనాలు సైతం ప్రమాదాలకు గురవుతున్నాయి. ఆర్‌అండ్‌బీ అధికారులు పట్టించుకోవడం లేదని రహదారి పరిసర గ్రామాలవాసులు ఆరోపిస్తున్నారు. మల్లారం, మల్కాపూర్, ముత్తకుంట, కొత్తపేట, ప్రజలు ప్రమాదాలు అరికట్టేందుకు చర్యలు తీసుకోవాలని కోరుతున్నారు.  ప్రమాదాల నివారణకు చర్యలు తీసుకోవాలి  మల్లారం గండిలో ప్రమాదాలు తరచూ జరుగుతున్నాయి. అధికారులు ప్రమాదాలు అరికట్టేందుకు చర్యలు తీసుకో వాలి. ప్రమాదాల్లో చాలా మంది ప్రాణాలు కోల్పోతున్నా రు. స్పీడ్‌ బ్రేకర్‌లు ఏర్పాటు చేయాలి. రోడ్డు మీద వెళ్లేవారికి ప్రమాదాలు కాకుండా చర్యలు తీసుకోవాలి. అటవీ ప్రాం తంలో నిఘా ఏర్పాటు చేయాలి.      –మీసాల సువర్ణమధుకర్, సర్పంచ్‌

రహదారులు ప్రగతికి చిహ్నాలు. అలాంటి డబుల్‌ రోడ్డు నిర్మాణం కాంట్రాక్టర్ల కక్కుర్తి..అధికారుల అవినీతికి చిహ్నంగా నిలవబోతోంది. బాగున్న రోడ్డు స్థానంలో కొత్తగా రోడ్డు నిర్మాణాలు చేపడుతూ ఇటు కాంట్రాక్టర్లు, అటు అధికారులు భారీగా అవినీతికి పాల్పడుతున్నారు. రోడ్డు నిర్మాణంలో నిబంధనలు పాటించడం లేదు. ఒక పక్క నిర్మిస్తుంటే.. మరో పక్క రోడ్డు దుస్థితికి అద్దం పడుతోంది. చిట్టమూరు:  ఆర్‌అండ్‌బీ అధికారుల పర్యవేక్షణ కొరవడింది. క్వాలిటీ కంట్రోల్‌ శాఖ తనిఖీలు లేవు. ఇంకేముంది.. పది కాలాల పాటు పదిలంగా ఉండాల్సిన రోడ్డు నిర్మాణంలో నాణ్యత డొల్లతనం.. అవినీతి మయం కనిస్తోంది. ఏడాది క్రితం నాయుడుపేట నుంచి చిట్టమూరు మండలంలోని కోగిలి సోమసముద్రం వరకు  డబుల్‌ రోడ్డు నిర్మాణం పనులు మంజూరయ్యాయి. రూ. 28.45 కోట్ల అంచనాల పనులు కాంట్రాక్టర్లు  దక్కించుకున్నారు. ఈ పనులను రెండు భాగాలుగా అధికారులు విభజించి ఇద్దరు కాంట్రాక్టర్లకు అప్పగించారు. సుమారు 21 కిలో మీటర్లు డబుల్‌ రోడ్డు పనులు నత్తనడకన సాగుతున్నాయి. రోడ్డు పనుల్లో భాగంగా ఎల్లసిరి వద్ద సిమెంట్‌ రోడ్డు నిర్మించారు. కొత్తగుంట వద్ద సిమెంట్‌ రోడ్డు వేయాల్సి ఉంది. అయితే నాయుడుపేట నుంచి ఎల్లసిరి వరకు తారు రోడ్డు పనులు కొంత భాగం పూర్తి చేశారు. ఈ పనులను నాయుడుపేట, కోట సబ్‌ డివిజన్‌ అధికారుల పర్యవేక్షణలో జరుగుతున్నాయి.  పనుల్లో కనిపించని నాణ్యత ఇప్పటి వరకు చేపట్టిన పనుల్లో ఎక్కడా నాణ్యతా ప్రమాణాలు పాటించిన దాఖలాలు లేవు. ఎల్లసిరి, బయ్యవారికండ్రిగ గ్రామాల వద్ద వేసిన రోడ్డు పనుల్లో అప్పుడే తారు లేచిన  దృశ్యాలు దర్శనమిస్తున్నాయి. రోడ్డుకు ఇరువైపులా గ్రావెల్‌ తోలి బర్మ్‌లను పూర్తి చేయాల్సి ఉండగా రోడ్డు పక్కన ఉన్న బురదమట్టిని జేసీబీలతో తీసి రోడ్డుకు ఇరువైపులా నింపారు. వర్షం వస్తే రోడ్డు ఇరువైపులా ఉన్న మట్టి కరిగి పోయి ప్రమాదాలు జరిగే అవకాశాలు ఎక్కువ ఉన్నట్లు వాహనదారులు ఆరోపిస్తున్నారు. పనుల జరిగే సమయంలో ఆర్‌అండ్‌బీ అధికారులు లేకపోవడంతో పనులు దక్కించుకున్న కాంట్రాక్టర్‌ ఇష్టానుసారంగా పనులు చేస్తున్నట్లు ఆరోపణలు వినిపిస్తున్నాయి. నిబంధనలు ఏవీ! రోడ్డు పనుల్లో నిబంధనలు పాటించడం లేదు. అయితే ఈ రోడ్డు పనుల్లో వాడే కంకరలో నాణ్యత లేకపోవడంతో పిండిగా ఉండే కంకర వాడుతున్నట్లు తెలస్తోంది. రోడ్డు కంకర వేసి రోలింగ్‌ చేసే క్రమంలో వాటర్‌ క్యూరింగ్‌ సక్రమంగా చేయడం లేదు. రోడ్డు పనుల్లో అడుగడుగునా లోపాలు, అతుకుల రోడ్డు పనులు జరుగుతున్నాయి. కొన్ని చోట్ల బాగున్న తారుపైనే మరో లేయర్‌ వేస్తున్నారు. ఇంకొన్ని చోట్ల బాగున్న తారు రోడ్లను పెకళించి దాన్నే రోలింగ్‌ చేసి, ఆపైన తారు రోడ్డు వేస్తున్నారు. ఈ రహదారి పనుల్లో భాగంగా మ« ద్యలో 17 తూముల వంతెనలు చేపట్టాల్సి ఉంది. అయితే ఈ తూములు కూడా నాసిరకంగా ఉన్న ట్లు తెలుస్తుంది. బరువైన వాహనాలు ఆ తూములపై వెళ్లేటప్పుడు దెబ్బతినే ప్రమాదం ఉంది.  బాగున్న రోడ్డును తవ్వి దానిపై తారు రోడ్డు రోడ్డు పనుల్లో భాగంగా బయ్యవారికండ్రిగ నుంచి ఎల్లసిరి సింగిల్‌ రోడ్డుపై ఉన్న తారును జేసీబీలతో తవ్వి దానిని పక్కకు తోలకుండా దానిపై కొత్తగా తారు రోడ్డు వేశారు. సుమారు 2 కిలో మీటర్ల మేర బాగున్న రోడ్డును తవ్వి ఆ తారును తొలగించాల్సి ఉండగా ఆ తారుపైనే రోలింగ్‌ చేసి తారు రోడ్డు వేశారు.   ప్రమాదాల హెచ్చరిక బోర్డులేవీ!  ఈ రోడ్డు పనులు జరుగుతున్న సమయంలో వాహనదారులకు ప్రమాదాలు జరగకుండా హెచ్చరిక బోర్డులను కాంట్రాక్టర్లు ఏర్పాటు చేయకపోవడంతో వాహన దారులు ప్రమాదాల బారిన పడుతున్నారు. ఆర్నెల్ల క్రితం గొట్టిపల్లి రోడ్డు సమీపంలో చిట్టమూరు మండలం రాపురం గ్రామానికి చెందిన ద్విచక్ర వాహనదారుడు ప్రాణాలు కోల్పోయాడు. కల్వర్టు నిర్మాణ పనుల్లో భాగంగా హెచ్చరిక బోర్డులు లేకపోవడం, కల్వర్టు పనులు జరిగే ప్రదేశం వద్ద అడ్డుగా ఏమి పెట్టకపోవడంతో ద్విచక్రవాహన దారుడు కల్వర్టులో పడి మృతి చెందిన  ఘటన చోటు చేసుకుంది. చిట్టమూరు జిల్లా పరిషత్‌ ఉన్నత పాఠశాల్లో పీఈటీ ఉపాధ్యాయుడు ద్విచక్రవాహనంపై వెళ్తుండగా ప్రమాదవశాత్తు కింద పడి తీవ్రంగా గాయపడ్డారు. నిత్యం ఈ రోడ్డుపై ప్రమాదాలు జరుగుతూనే ఉన్నాయి.   ప్రమాద సూచిక బోర్డులుఏర్పాటు చేయడం లేదు నాయుడుపేట–మల్లాం రోడ్డు విస్తరణ పనుల ప్రదేశంలో ప్రమాద సూ చిక బోర్డులు ఏర్పాటు చేయడం లేదు. దీంతో రాత్రి సమయాల్లో ద్విచ క్ర వాహనదారులు రోడ్డుకు ఇరువైపులా తీసిన గోతుల్లో పడి ప్రమాదాల బారిన పడుతున్నారు. ఇప్పటికే ఒకరు మృతి చెందగా, మరి కొంత మంది తీవ్రగాయాల పాలయ్యాడు. ఇకనైనా విధిగా పనులు జరిగే ప్రదేశంలో బోర్డులు ఏర్పాటు చేయాలి. –  సంక్రాంతి కస్తూరయ్య,మొలకలపూడి, చిట్టమూరు మండలం

 సాక్షి, సిటీబ్యూరో: మనిషికి ఏ రోగం లేకపోయినా ఆస్పత్రికి వెళ్లి బాడీ చెకప్‌ చేయించుకుంటాం.. ఎందుకంటే.. జబ్బు చేసినప్పుడు కంటే ముందే పరీక్షలు చేస్తే శరీరంలో రోగాలను మొగ్గలోనే గుర్తించి వైద్యం చేయవచ్చు. వాహనాలకు ఇలాగే సాధారణ సర్వీసింగ్‌ చేయిస్తాం. అప్పుడు ఇంజిన్‌లో లోపాలుంటే గుర్తించి రిపేర్లు చేస్తారు. ఇదేవిధంగా రోడ్లకు కూడా ‘పిరియాడికల్‌ ప్రివెంటివ్‌ మెయింటనెన్స్‌’ (పీపీఎం) చేస్తారు. అంటే వ్యాధి గుర్తించకముందే మనుషులకు హెల్త్‌ చెకప్‌లా.. రోడ్లు దెబ్బతినక ముందే నిర్ణీత కాలవ్యవధుల్లో పరీక్షలు చేసి మరమ్మతులు చేయడమన్నమాట. ముంబై మహానగరంలో ఇందుకోసమే ఏటా వేల కోట్లు ఖర్చు చేస్తున్నట్లు జీహెచ్‌ఎంసీ ఇంజినీర్లు గుర్తించారు. నగరంలోనూ అదే పద్ధతిలో రోడ్లు పూర్తిగా దెబ్బతినకముందే బాగు చేసేందుకు సిద్ధమై ప్రభుత్వానికి ప్రతిపాదనలు పంపించారు. బీటీ, సీసీ, వైట్‌టాప్‌ తదితర రోడ్లకు మొత్తం రూ.720 కోట్లు ప్రభుత్వం మంజూరు చేసింది. వాటిలో బీటీ రోడ్లకే రూ.381.36 కోట్లు మంజూరు చేశారు. వీటిని వేసవిలోనే పూర్తి చేయాలని భావించిన అధికారులు పనులకు సిద్ధమయ్యారు. వర్షాకాలం వచ్చేలోపు మరమ్మతులు పూర్తయిపోవాలని ప్రణాళికలు వేసి పనులు చేపట్టారు. కానీ అనుకున్న గడువులోగా అవి పూర్తి కాలేదు. కొన్ని ఇంకా ప్రారంభమే కాలేదు. వర్షాకాలం వచ్చినా ఈ రోడ్ల పనులు పూర్తికాకపోవడంతో ఈసారి ప్రజలకు తిప్పలు తప్పేలా లేవు. ఈ సీజన్‌లో రూ.150 కోట్ల పనులు మాత్రమే పూర్తయ్యే అవకాశముంది. మిగతావివర్షాకాలంలోగా పూర్తయ్యే పరిస్థితి లేదు.  బాగున్నవీ తవ్విపోశారు..   ‘పీపీఎం’లో భాగంగా రోడ్ల మరమ్మతులకు నిధులు, అనుమతులు రావడంతో బాగున్న రోడ్లను సైతం తవ్వేశారు. ఇలా ఎందుకు తవ్వారో అర్థం కాని పరిస్థితి. ప్రజలు మాత్రం కాంట్రాక్టర్ల లాభం కోసమే ఇలా చేశారని ఆరోపిస్తున్నారు. బాగున్నవి తవ్వి పూర్తి చేయకపోవడంతో తీవ్రంగా విమర్శిస్తున్నారు. ప్రస్తుతం పనులు చేపట్టినవన్నీ ప్రధాన ప్రాంతాల్లో, బస్సులు తిరిగే మార్గాల్లో ఉండడంతో, పూర్తి కాకపోతే సమస్యలు మరింత తీవ్రం కానున్నాయి.  నాణ్యతలో రాజీ లేదు: జియాఉద్దీన్,చీఫ్‌ ఇంజినీర్‌ పీపీఎం అయినప్పటికీ, రోడ్ల మరమ్మతుల్లో, నాణ్యతలో రాజీపడేది లేదని జీహెచ్‌ఎంసీ చీఫ్‌ ఇంజినీర్‌ జియావుద్దీన్‌ పేర్కొన్నారు. దెబ్బతిన్న రోడ్లకు ఇప్పటి వరకు ప్యాచ్‌వర్క్స్‌ చేస్తుండడంతో మాణ్నాళ్లకే అవి పాడైపోతున్నాయని, అలా కాకుండా మిల్లింగ్‌ చేయాలని, బీటీ డెన్సిటీ, పనుల్లో నాణ్యత తదితర అంశాల్లోనూ పకడ్బందీగా ఉండాలని నిర్ణయించినట్లు తెలిపారు. పనులు కాస్త ఆలస్యమైనా రోడ్డు పటిష్టంగా దీర్ఘకాలం మన్నికగా ఉండేందుకు చర్యలు తీసుకుంటున్నామన్నారు. మంత్రి కేటీఆర్‌ ఆదేశాల మేరకు రోడ్డుతో పాటే  రెండు వైపులా ఫుట్‌పాత్‌లు, టేబుల్‌ డ్రెయిన్లు, కెర్బ్‌లు తదితర పనులు కూడా జరుగుతున్నాయన్నారు. పీపీఎంలో బీటీ రోడ్ల పనులు ఇలా.. 1. మంజూరైన పనులు: 52 అంచనా వ్యయం: రూ.381.36 కోట్లు 2. పురోగతిలోని పనులు: 37 అంచనా వ్యయం: రూ.291.16 కోట్లు 3. మొదలు కాని పనులు: 11 అంచనా వ్యయం: రూ.63.40 కోట్లు 4. బిడ్ల పరిశీలనలో ఉన్న పనులు: 3 అంచనా వ్యయం: రూ.26.20 కోట్లు 5. టెండరు దశలోనే ఉన్న పనులు: 1అంచనా వ్యయం: రూ.60 లక్షలు

సాక్షి​, హైదరాబాద్‌: భారీ వర్షంతో హైదరాబాద్‌ నగరం అతలాకుతలం అయ్యింది. అర్థరాత్రి నుంచి ఎడతెరిపి లేకుండా వర్షం కురవడంతో లోతట్టు ప్రాంతాలు జలమయం అయ్యాయి. పలు ప్రాంతాల్లో వర్షపు నీరు ఇళ్లలోకి చేరడంతో ప్రజలు తీవ్ర ఇబ్బందులు పడుతున్నారు. నగరంలోని ప్రధాన రహదారులన్నీ జలమయం అయ్యాయి. రోడ్ల మీద మోకాలు లోతులో నీళ్లు చేరడంతో వాహనదారులు తీవ్రంగా ఇబ్బందిపడుతున్నారు. నగరంలోని పలు ప్రాంతాల్లో గత అర్థరాత్రి భారీ వర్షం పాతం నమోదైంది. అంబర్‌పేట్‌లో 48 మి.మీటర్లు, నారాయణగూడ 31.8, నాంపల్లి 27.8,  ఎల్బీ నగర్‌ 22.5, జాబ్లీహిల్స్‌ 16 మి. మీటర్ల వర్షంపాతం నమోదైయింది. మరో రెండు రోజుల పాటు భారీ నుంచి అతి భారీ వర్షాలు కురిసే అవకాశం ఉందని, హైదరాబాద్‌ వాతావరణశాఖ అధికారులు తెలిపారు. లోతట్టు ప్రాంత ప్రజలు అప్రమత్తంగా ఉండాలని అధికారులు సూచించారు. (ఫొటో గ్యాలరీ కోసం ఇక్కడ క్లిక్ చేయండి)  

సాక్షి, కృష్ణా : తెలుగుదేశం పార్టీ నేత అపార్ట్‌మెంట్‌ కోసం రోడ్డును వెడల్పు చేస్తున్నారంటూ గన్నవరం మండలం కేసరపల్లి గ్రామంలోని సుందరయ్య కాలనీలోని బజారు గ్రామస్తులు శుక్రవారం ఆందోళనకు దిగారు. 40 అడుగులు ఉన్న రోడ్డును 80 అడుగులు చేయడం వల్ల తమ ఇళ్లు పోతాయని ఆవేదన వ్యక్తం చేశారు. కాగా, రోడ్డు నిర్మాణం కోసం పేదల ఇళ్లు తొలగించేందుకు రెవెన్యూ, పంచాయతీ అధికారులు సదరు ఇళ్లకు నోటీసులు అంటించారు. బాధితుల ఇళ్లను వైఎస్సార్‌ సీపీ జిల్లా అధ్యక్షుడు కొలుసు పార్థసారథి, నియోజకవర్గ సమన్వయకర్త యార్లగడ్డ వెంకట్రావు పరిశీలించారు. స్థానిక టీడీపీ నేతకు రెవెన్యూ అధికారులు తొత్తులుగా వ్యవహరిస్తున్నారని పార్థసారథి ఆరోపించారు. టీడీపీ ప్రభుత్వంలో పేదల ఇళ్లకు రక్షణ కరువైందని అన్నారు. పట్టా ఉన్న భూములు తొలగించి 80 అడుగులు రోడ్డు వేయాల్సిన అవసరం ఏమిటని ప్రశ్నించారు. టీడీపీ నేతలకు తొత్తులుగా వ్యవహరిస్తున్న ఎమ్మార్వోపై చర్యలు తీసుకోవాలని డిమాండ్‌ చేశారు. స్థానిక టీడీపీ నేత శ్మశాన భూమిని సైతం ఆక్రమిస్తే అధికారులు చోద్యం చూస్తున్నారని మండిపడ్డారు. ఉన్నతాధికారులు వెంటనే స్పందించి పేదలకు న్యాయం చేయాలని కోరారు. లేని పక్షంలో వైఎస్సార్‌ సీపీ పేదల తరఫున ఆందోళనకు దిగుతుందని హెచ్చరించారు.

సాక్షి, హైదరాబాద్‌: ‘నగరంలో వర్షాలు ప్రారంభమైనా పూడికతీత పనుల్లో వేగం మాత్రం పెరగలేదు. కార్యాచరణ ప్రణాళిక మేరకు పనులు పూర్తి కావడంలేదు. నాలాలపై అక్రమ నిర్మాణాలను తొలగించలేదు. శిథిల భవనాల కూల్చివేతల్లో జాప్యం కొనసాగుతోంది. రహదారులు మరమ్మతు పనులు పూర్తి కాలేదు. మీరేం చేస్తున్నారు’ అంటూ అధికారులపై మున్సిపల్‌ మంత్రి కేటీఆర్‌ తీవ్రంగా మండిపడ్డారు. మంగళవారం జీహెచ్‌ఎంసీ ప్రధాన కార్యాలయంలో రహదారుల తవ్వకాలు, నాలాల్లో పూడికతీత, సమస్యాత్మక బాటిల్‌నెక్స్, వాటర్‌ లాగింగ్‌ పాయింట్లు, వర్షాకాలం సమస్యలపై సంసిద్ధత తదితర పనులపై ఉన్నతాధికారులతో సమావేశం నిర్వహించారు. నగరంలో చేపట్టిన పనుల్లో బాగా వేగం పెరగాలని, సత్వరం పూర్తిచేయాలని మంత్రి ఆదేశించారు. అందుకు అధికారులు బదులిస్తూ.. పూడికతీత ఏడాది పొడవునా చేస్తున్నామని, గతేడాది కంటే ఈ సంవత్సరం ఎక్కువ పనే జరిగిందని చెప్పారు. దీనికి ‘నాక్కావాల్సింది అది కాదు.. చేయాల్సింది ఇంకా చాలా ఉంది. పనులు స్లోగా నడుస్తున్నాయి. మాటల్లో కాకుండా చేతల్లో పనులు కనిపించాలి’ అంటూ మందలించారు. వర్షాకాలంలోగా రోడ్ల పనులు పూర్తి చేయాలంటే.. తాను ఊహించినట్టుగా పనులు జరగలేదన్నారు. ‘మీకెన్ని సార్లు చెప్పినా వేస్ట్‌’ అనే అభిప్రాయాన్ని వ్యక్తపరిచారు. నాలాలపై ఆక్రమణలు, శిథిల భవనాల తొలగింపులో అలసత్వం వద్దని, వీటికి ఎవరు అడ్డుపడ్డా వారిపై కేసులు నమోదు చేయాల్సిందిగా స్పష్టం చేశారు. ఇందుకుగాను టౌన్‌ప్లానింగ్‌ విభాగంలో సిబ్బందిని పెంచాల్సిన అవసరం ఉందన్నారు. అక్రమ నిర్మాణాల తొలగింపులో టౌన్‌ ప్లానింగ్, విజిలెన్స్‌ విభాగాలు సమన్వయంతో పనిచేయాలన్నారు. అక్రమ నిర్మాణాలను ఆరంభంలోనే అడ్డుకోవాలని, లేని పక్షంలో వాటిని తొలగించడం తీవ్ర సమస్యగా మారుతుందని హెచ్చరించారు. ఇప్పటికే గుర్తించిన ముంపు ప్రాంతాల్లో నీటి నిల్వలు ఏర్పడకుండా చేపట్టిన పనులను సత్వరం పూర్తి చేయాలన్నారు. వర్షాకాలంలో నగర ప్రజలకు ఎలాంటి ఇబ్బందులు లేకుండా చర్యలు చేపట్టాలని సూచించారు. పనులు సత్వరం పూర్తయ్యేందుకు సర్కిల్, జోనల్, అడిషనల్‌ కమిషనర్లు సమన్వయంతో పనిచేయాలన్నారు. జోనల్‌ కమిషనర్లు నిరంతరం పర్యవేక్షించాలని సూచించారు.  విధి నిర్వహణలో అలసత్వం వహించే అధికారులను సహించబోమని మంత్రి హెచ్చరించారు. మంత్రి, మేయర్, కమిషనర్, చీఫ్‌ ఇంజినీర్లు, అడిషనర్లు కమిషర్ల వల్లనే సమస్యలన్నీ పరిష్కారం కావని, క్షేత్రస్థాయి సిబ్బంది నుంచి సీనియర్‌ అధికారుల వరకు అందరి సమన్వయంతోనే వీటిని అధిగమించవచ్చన్నారు. లక్ష్యానికి అనుగుణంగా జీహెచ్‌ఎంసీ రోడ్ల పునరుద్ధరణ పనులు పూర్తి చేసేందుకు కొన్ని ప్రాంతాల్లో ఉదయం వేళల్లో అనుమతులివ్వాల్సిందిగా ట్రాఫిక్‌ అధికారులకు సూచించారు.   జోన్లు 10కి, సర్కిళ్లు 50కి పెంపు..  అభివృద్ధి పనులు వేగవంతంగా, యుద్ధ ప్రాతిపదికన పూర్తి కావాలనేది ముఖ్యమంత్రి కేసీఆర్‌ అభిమతమని మంత్రి కేటీఆర్‌ తెలిపారు. జీహెచ్‌ఎంసీ పరిపాలనను మరింత వికేంద్రీకరించడం ద్వారా నగర ప్రజలకు మెరుగైన పౌరసేవలు కల్పించవచ్చునని సీఎం భావిస్తున్నారన్నారు. అందుకనుగుణంగా ప్రస్తుతం 30కి పెరిగిన సర్కిళ్లను 50కి, ఆరు జోన్లను 10కి పెంచేందుకు ప్రభుత్వానికి ప్రతిపాదనలు పంపించాల్సిందిగా జీహెచ్‌ఎంసీ కమిషనర్‌కు చెప్పారు. ఒక్కో సర్కిల్‌లో కేవలం మూడు వార్డులు మాత్రమే ఉండేలా ప్రతిపాదనలు రూపొందించాలని సూచించారు.  ప్లాస్టిక్‌ వినియోగంపై అసంతృప్తి  జీహెచ్‌ఎంసీ కార్యాలయంలో ప్లాస్టిక్‌ వాటర్‌ బాటిళ్ల వినియోగాన్ని చూసి మంత్రి అసంతృప్తి వ్యక్తం చేశారు. 2022 నాటికి సింగిల్‌ యూజ్‌ ప్లాస్టిక్‌ను పూర్తిగా నిషేధిస్తామని ఇటీవలే ప్రతిజ్ఞ చేసినా జీహెచ్‌ఎంసీలోనే వాడి పడేసిన ఖాళీ ప్లాస్టిక్‌ బాటిల్స్‌ కనిపించాయన్నారు. ప్లాస్టిక్‌ వినియోగంపై నిషేధాన్ని కచ్చితంగా పాటించాలని, జీహెచ్‌ఎంసీతో పాటు ఇతర శాఖల అధికారులను ఆదేశించారు. ఈ మేరకు రాష్ట్రంలోని అన్నిమున్సిపల్‌ కార్పొరేషన్లు, మున్సిపాలిటీలకు స్పష్టమైన ఆదేశాలివ్వాల్సిందిగా మున్సిపల్‌ పరిపాలన ప్రిన్సిపల్‌ సెక్రటరీకి సూచించారు. రాష్ట్రవ్యాప్తంగా సింగిల్‌యూజ్‌ ప్లాస్టిక్‌ను నిషేధించాలన్నారు.   భూసేకరణకు ప్రత్యేక విభాగం..  నగరంలో పెద్ద ఎత్తున ఎస్సార్‌డీపీ, డబుల్‌ బెడ్‌రూమ్‌ ఇళ్లు, రోడ్ల విస్తరణ పనులు చేపట్టినందున వీటికి అవసరమైన భూసేకరణకు జీహెచ్‌ఎంసీలోనే ప్రత్యేకంగా విభాగాన్ని ఏర్పాటు చేయనున్నట్లు మంత్రి తెలిపారు. జిల్లా కలెక్టర్లు ఇతర పనుల ఒత్తిడి వల్ల జీహెచ్‌ఎంసీకి అవసరమైన భూసేకరణలో తగిన సమయం కేటాయించలేక పోతున్నందున ఈ ప్రత్యేక విభాగాన్ని ఏర్పాటు చేస్తామన్నారు. ఈ సమావేశంలో మేయర్‌ రామ్మోహన్, డిప్యూటీ మేయర్‌ బాబా ఫసియుద్దీన్, మున్సిపల్‌ పరిపాలన శాఖ ప్రిన్సిపల్‌ సెక్రటరీ అర్వింద్‌కుమార్, జీహెచ్‌ఎంసీ కమిషనర్‌ బి.జనార్దన్‌రెడ్డి, పబ్లిక్‌హెల్త్‌ ఈఎన్‌సీ ధన్‌సింగ్, జలమండలి, హెచ్‌ఆర్‌డీసీఎల్, ట్రాఫిక్, పబ్లిక్‌హెల్త్‌ ఉన్నతాధికారులు పాల్గొన్నారు.   

ఇంద్రవెల్లి(ఖానాపూర్‌) : గ్రామాల్లో మౌలిక సదుపాయాలు కల్పించి అభివృద్ధి చేయడమే ప్రభుత్వ లక్ష్యమని ఆదిలాబాద్‌ ఎంపీ గోడం నగేశ్‌ అన్నా రు. ఇంద్రవెల్లి మండలం గిన్నేర గ్రామపంచాయతీ పరిధిలోని తుమ్మగూడ, సమాక గ్రామాలకు పంచాయతీరాజ్‌ శాఖ రూ.1 కోటి 4లక్షల, 50 వేలతో బీటీ రోడ్డు మంజూరు చేయగా ఖానాపూర్‌ ఎమ్మెల్యే రేఖానాయక్‌తో కలిసి శుక్రవారం రోడ్డు నిర్మాణానికి భూమిపూజ చేసి పనులు ప్రారంభించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ తెలంగాణ ప్రభుత్వం రోడ్డు విస్తీర్ణంపై ప్రత్యేక శ్రద్ధ తీసుకుంటుం దన్నారు. తెలంగాణ ప్రభుత్వం అమలు చేస్తున్న సంక్షేమ పథకాలను ప్రజలు సద్వినియో గం చేసుకోవాలని ఆయన కోరారు. కార్యక్రమంలో జెడ్పీటీసీ దేవ్‌పూజే సంగీత, ఏఎంసీ చైర్మన్‌ రాథోడ్‌ వసంత్‌రావ్, సర్పంచ్‌లు కనక తుల్సిరాం, పెందో ర్‌ దేవుబాయి, ఆడే విజయ, ఎంపీటీసీ కనక హనుమంత్‌రావ్, టీఆర్‌ఎస్‌ నాయకులు తుమ్మగూడ, సమాక గ్రామాల ప్రజలు పాల్గొన్నారు. గ్రామీణ ప్రాంతాల అభివృద్ధికి పెద్దపీట ఉట్నూర్‌రూరల్‌(ఖానాపూర్‌) : గ్రామీణ ప్రాంతాల అభివృద్ధికి ప్రభుత్వం పెద్ద పీట వేస్తోందని ఆదిలాబాద్‌ పార్లమెంటు సభ్యుడు గోడం నగేశ్‌ అన్నారు. శుక్రవారం మండలంలోని కామాయిపేట్, లక్కారం గ్రామాల్లో రోడ్డు నిర్మాణ పనులకు భూమిపూజ చేశారు. గ్రామానికి వచ్చిన ఎంపీ, ఎమ్మెల్యేలను ఆదివాసీలు ఘనస్వాగతం పలికారు. ఈ సందర్భంగా ఎంపీ మాట్లాడుతూ రాబోయే రోజుల్లో మరిన్ని రోడ్లు మంజూరు చేస్తామన్నారు. ఎన్నికల్లో ఇచ్చిన హామీలు ఒక్కొక్కటి నెరవేరుస్తున్నామన్నారు. కార్యక్రమంలో ఖానా పూర్‌ ఎమ్మెల్యే రేఖానాయక్, ఎంపీపీ విమల, జెడ్పీటీసీ జగ్జీవన్, సర్పంచ్‌ మర్సుకోల తిరుపతి, వైస్‌ ఎంపీపీ సలీమొద్దీన్, ఎంపీటీసీ రమేశ్, మండల అధ్యక్షుడు దాసండ్ల ప్రభాకర్, నాయకులు «అజీమొద్దీన్, ధరణిరాజేశ్, తదితరులు పాల్గొన్నారు.

నాలుగు రోజుల క్రితం.. ఆర్టీసీ బస్సు–రెండు లారీలు–ఓ క్వాలిస్‌ ఢీకొని 13 నిండు ప్రాణాలు బలయ్యాయి.. అది రాజీవ్‌ రహదారి ..ఈ నాలుగు వరుసల రోడ్డును అనేక లోపాలతో నిర్మించారు. ఏమాత్రం ఏమరపాటుగా ఉన్నా ప్రమాదాలకు ఆస్కారమిచ్చే రోడ్డు ఇది. దీని లోటుపాట్లను కొంతమేర సరిదిద్దేందుకు రోడ్లు భవనాల శాఖ డీపీఆర్‌ రూపొందించి అనుమతి కోరుతూ ప్రభుత్వానికి పంపింది. కానీ సచివాలయంలో ఆ ఫైలు మూడేళ్లుగా దుమ్ముకొట్టుకుపోతోంది. ఇక్కడ జనం ప్రాణాలు గాల్లో కలుస్తున్నాయి! మంగళవారం.. బస్సు–లారీ ఢీకొని ఏడుగురు ప్రాణాలు విడిచారు. ఇది వరంగల్‌–కరీంనగర్‌ జాతీయ రహదారి! ..వాహనాల రద్దీ అధికంగా ఉండే ఈ రెండు వరుసల రోడ్డును నాలుగు లేన్లకు విస్తరించాలన్న ప్రణాళిక మూడేళ్లది. కానీ దాంతో తమకు సంబంధం లేదన్నట్టుగా మిషన్‌ భగీరథ అధికారులు రోడ్డును ఆనుకునే భారీ పైప్‌లైన్‌ నిర్మించారు. రోడ్డును విస్తరించాలంటే పైప్‌లైన్‌ను తొలగించాలి. కానీ ఎలా? ఈ ఆలోచనతోనే పనులు అటకెక్కాయి. ఇరుకురోడ్డుపై రక్తం పారుతోంది! సాక్షి, హైదరాబాద్‌: హైదరాబాద్‌ నుంచి రామగుండం వరకు 248 కి.మీ. మేర ఉన్న రాజీవ్‌ రహదారిని 2010లో రూ.1,400 కోట్లతో 4 వరుసలుగా విస్తరించారు. రోడ్డుకు ఇరువైపులా ఉన్న భారీ వృక్షాలను కొట్టేసి రెండు వైపులా రోడ్డు వేసి పని ముగిసిందనిపించారు. ఎక్కడా శాస్త్రీయ సర్వేకు అవకాశమే ఇవ్వకుండా నిర్లక్ష్యంగా రోడ్డును వెడల్పు చేశారు. ఇక ఆ తర్వాత వరుసగా ప్రమాదాలు జరుగుతున్నాయి. దీంతో ఉమ్మడి రాష్ట్ర ప్రభుత్వం ఎమ్మెల్యేలు, ఎమ్మెల్సీలతో సభాసంఘం వేసి విచారణకు ఆదేశించింది. నిపుణులతో కలసి రోడ్డును ఆసాంతం పరిశీలించిన సంభాసంఘం.. ఆ రోడ్డు అత్యంత నాసిరకంగా ఉందని, అనేక లోపాలున్నాయని తేల్చింది. తెలంగాణ ఏర్పడి ప్రభుత్వం కొలువుదీరిన తర్వాత రోడ్లు, భవనాల శాఖ దానికి దిద్దుబాటు చర్యలకు ఉపక్రమించింది. అధికారులు రోడ్డును పరిశీలించి కొన్ని సూచనలతో ప్రభుత్వానికి మరో నివేదిక అందించారు. రూ.వెయ్యి కోట్లతో డీపీఆర్‌ రూపొందించి పంపారు. కానీ మూడేళ్లు గడుస్తున్నా ఆ ఫైల్‌ తిరిగి రాలేదు. ప్రభుత్వం నుంచి ఆదేశాలు లేకపోవటంతో లోపాలు సరిదిద్దే పనులు ఇప్పటి వరకు మొదలు కాలేదు. రోడ్లు భవనాల శాఖ చేతులెత్తేసి ఆ రోడ్డును వదిలేసింది.   ఆ ప్రతిపాదనలు ఇవే...  నాలుగు వరుసల రోడ్డు, మధ్యలో సెంట్రల్‌ మీడియన్‌ ఉండటంతో వాహనాల వేగం అధికంగా ఉంటుంది. ఇలాంటి రోడ్లు ఎట్టి పరిస్థితుల్లో ఊళ్ల మధ్య నుంచి సాగటానికి వీల్లేదు. ఇందుకు ఈ రోడ్డుపై బైపాస్‌ల నిర్మాణం ముఖ్యమని నిపుణులు తేల్చారు. శామీర్‌పేట, తుర్కపల్లి, ఒంటి మామిడి, ములుగు, గౌరారం, ప్రజ్ఞాపూర్, కొడకండ్ల, కుకునూర్‌పల్లి, దుద్దెడ, రామునిపట్ల, ఇబ్రహీంనగర్, సుల్తానాబాద్, పెద్దపల్లిల్లో బైపాస్‌లు నిర్మించాలని సూచించారు. సిద్దిపేట వెలుపల సిద్దిపేట–కరీంనగర్‌ బై–పాస్‌ కూడలి వద్ద దాదాపు 800 మీటర్ల పొడవుతో నాలుగు లేన్ల ఫ్లైఓవర్‌ నిర్మించాలి. సిద్దిపేటలోకి వెళ్లే వాహనాలు.. బై–పాస్‌ మీదుగా కరీంనగర్‌ వైపు వెళ్లే వాహనాలు అక్కడ వేరు పడతాయి.  సిద్దిపేట శివారులోని ఎల్కతుర్తి వద్ద సిద్దిపేట–వరంగల్‌ జంక్షన్‌పై భారీ అండర్‌పాస్‌ నిర్మించాలి. వరంగల్‌ వైపు వెళ్లే వాహనాలు పైనుంచి, ప్రధాన కారిడార్‌ దిగువ నుంచి ముందుకు సాగుతుంది.  ఈ రోడ్డును ఆనుకుని ఉన్న 68 గ్రామాల వద్ద ప్రత్యేంగా బస్‌–బేలను ఏర్పాటు చేయాలి. ప్రయాణికుల బస్సులు రోడ్డుపై ఆగితే ప్రమాదాలు జరుగుతున్నందున... కొంత దిగువకు వెళ్లి ఆగుతాయి. ఇందుకోసం 20 ఎకరాలను ప్రత్యేకంగా సేకరించాల్సి ఉంది.   నాలుగు లేన్ల రోడ్లలో సాధారణంగా సెంట్రల్‌ మీడియన్‌ 4.5 మీటర్ల వెడల్పుతో ఉంటుంది. కానీ ఈ రోడ్డుపై 1.5 మీటర్ల వెడల్పుతో ఏర్పాటు చేశారు. రాత్రివేళ ఎదురుగా వచ్చే వాహనాల ఫోకస్‌ లైట్లు డ్రైవర్లకు ఇబ్బందిగా మారింది. ఇప్పుడు దాన్ని వెడల్పు చేయాలంటే రోడ్డు నుంచి విస్తరించాలి.  సమన్వయం లేని ‘మిషన్‌’..! ప్రతి ఊరికి రక్షిత మంచినీటిని చేరవేసే మిషన్‌ భగీరథ ప్రాజెక్టు విషయంలో అధికారులు అనుసరించిన తీరు కొన్ని రోడ్ల విస్తరణకు శాపంగా మారింది. సాధారణంగా ఇలాంటి భారీ ప్రాజెక్టులు కొనసాగించేప్పుడు మిగతా విభాగాలతో సమన్వయం అవసరం. కానీ అది లోపించింది. వరంగల్‌–కరీంనగర్‌ హైవే ప్రస్తుతం రెండు వరుసలుగా ఉంది. ఈ రోడ్డుపై వాహనాల సంఖ్య విపరీతంగా పెరగటంతో నాలుగు వరుసలకు విస్తరించాలని చాలాకాలంగా అనుకుంటున్నారు. దీంతో రాష్ట్ర రహదారి నుంచి జాతీయ రహదారిగా ప్రతిపాదించారు. దీనికి కేంద్రం సమ్మతించటంతో విస్తరణ బాధ్యతను జాతీయ రహదారుల ప్రాధికార సంస్థ (ఎన్‌హెచ్‌ఏఐ)కి అప్పగించారు. రోడ్డును విస్తరించే యోచనలో ఉన్న విషయం అన్ని విభాగాల అధికారులకు తెలుసు. కానీ మిషన్‌ కాకతీయ ప్రాజెక్టు అధికారులు దాన్ని ఏమాత్రం పట్టించుకోకుండా రోడ్డు విస్తరణకు ఉద్దేశించి గతంలోనే ఆర్‌అండ్‌బీకి సేకరించి పెట్టిన వందల అడుగుల స్థలంలో పైప్‌లైన్లు ఏర్పాటు చేశారు. ఆ సమయంలో ఆర్‌అండ్‌బీ అధికారులు అభ్యంతరం చెప్పినా ఎవరూ పట్టించుకోలేదు. ప్రభుత్వ శాఖల మధ్య సమన్వయాన్ని చూసుకో వాల్సిన ప్రభుత్వం కూడా పట్టించుకోలేదు. ఇప్పుడు రోడ్డును విస్తరించాలంటే ఆ పైపులైన్లను తొలగించాల్సి వస్తోంది. దీన్ని తప్పించేందుకు అధికారులు కొత్త పంథాను అనుసరించేందుకు నడుం బిగించారు. పైప్‌లైన్‌ లేని మరోవైపు ఎక్కువ స్థలాన్ని సేకరించి అటువైపు మాత్రమే రోడ్డును విస్తరించాలనేది ఆ ఆలోచన. దీంతో అటువైపు ఉన్న ప్రజలు, తమ భూములు ఎక్కువగా పోతున్నాయని దానికి అంగీకరించడం లేదు. ప్రభుత్వం జోక్యం చేసుకుని సమస్యను పరిష్కరించాల్సి ఉన్నా.. ఎమ్మెల్యేలు, సీనియర్‌ నేతలు ప్రజాగ్రహాన్ని తప్పించుకునేందుకు ఒత్తిడి తెచ్చి ఆ ప్రతిపాదనను పెండింగ్‌లో పెట్టేలా చేశారు. దీంతో రోడ్డు విస్తరణ పడకేసింది. అదే ఇరుకు రోడ్డు కొనసాగుతుండటం.. వాహనాల సంఖ్య ఇంకా పెరుగుతుండటంతో ఈ రోడ్డుపై తరచూ ప్రమాదాలు చోటుచేసుకుంటున్నాయి. మిషన్‌ భగీరథ పైపులైన్‌ లేకుండా ఉండి ఉంటే.. ఈపాటికి విస్తరణ పని మొదలై కొన్ని చోట్ల రోడ్డు విశాలంగా మారి ఉండేది.  

సాక్షి, హైదరాబాద్‌: నగరంలో ఇకపై రోడ్ల తవ్వకాలుండవ్‌. ఈ ఏడాదంతా నగరవ్యాప్తంగా రోడ్ల తవ్వకాలపై జీహెచ్‌ఎంసీ నిషేధం విధించింది. అడ్డగోలు తవ్వకాలతో అవస్థలు పడుతున్న సిటీజనులకు ఇది శుభవార్తే. కేబుల్‌ వైర్లు, తాగునీరు, విద్యుత్, టెలికం అవసరాల కోసం ఆయా సంస్థలు రోడ్లను తవ్వేసి నెలల తరబడి పూడ్చకపోవడం, పనులు సాగుతూ ఉండడం వల్ల సామాన్యులు అష్టకష్టాలు పడుతున్నారు. గుంతల్లో పడి ప్రమాదాలకు గురవుతున్నారు. ఎక్కడ పడితే అక్కడ.. ఎలాంటి ముందస్తు సమాచారం, హెచ్చరికలు లేకుండా రాత్రికి రాత్రే రోడ్లన్నీ తవ్వేస్తుండడంతో జనం ఆగ్రహం వ్యక్తం చేస్తున్నారు. ఈ నేపథ్యంలో జీహెచ్‌ఎంసీ నిషేధం నిర్ణయం తీసుకుంది. ఇటీవల దాదాపు 1900 కి.మీ మేర తవ్వకాల కోసం ఆయా సంస్థలు అనుమతి కోరగా నిర్ద్వందంగా తిరస్కరించింది.  నగరంలో ఎక్కడ పడితే అక్కడ తవ్విన రోడ్లతో జనం నానాపాట్లు పడుతున్నారు. కేబుళ్లు, తాగునీరు, విద్యుత్‌ తదితర అవసరాల కోసంఆయా సంస్థలు రోడ్లను తవ్వి..నెలల తరబడి పనులు పూర్తికాకపోవడంతో ప్రజలు పడరాని పాట్లు పాడుతున్నారు. ఆ సమస్యలలా ఉండగానే వివిధ సంస్థలు తమ అవసరాల కోసం మళ్లీ రోడ్ల తవ్వకాలకు అనుమతులివ్వాల్సిందిగా జీహెచ్‌ఎంసీని కోరాయి. ఇలా దాదాపు 1900 కి.మీ.ల మేర తవ్వకాల అనుమతులు కోరగా, అందుకు జీహెచ్‌ఎంసీ నిర్ద్వంద్వంగా తిరస్కరించింది. ఈ ఏడాదంతా ఎవరికీ ఎలాంటి అనుమతులిచ్చేది లేదని స్పష్టం చేసింది. ప్రభుత్వ విభాగాలకు సంబంధించి అత్యంత అవసరమైన పనులకు మాత్రం ప్రభుత్వం నుంచి ప్రత్యేక అనుమతి తెస్తే అనుమతులిస్తున్నామని జీహెచ్‌ఎంసీ చీఫ్‌ ఇంజినీర్‌ జియావుద్దీన్‌ తెలిపారు. గత  మూడు సంవత్సరాలుగా ఆయా అవసరాల కోసం రోడ్ల కటింగ్‌లకు అనుమతులు పొందిన సంస్థలు తమ పనుల్ని సకాలంలో పూర్తి చేయకపోవడంతో తవ్విన రోడ్లతో ప్రజలు పడరాని పాట్లుపడుతున్నారు. కొన్నిప్రాంతాల్లో  తవ్వకాల చుట్టూ కనీసం ఫెన్సింగ్‌ వంటివి కూడా లేకపోవడంతో ప్రమాదాల బారిన పడి ఆస్పత్రుల పాలవుతున్నారు. దాదాపు మరో నెల రోజుల్లో వర్షాకాలం రానుండటంతో మరిన్ని సమస్యలు తలెత్తనున్నాయి. ఈ నేపథ్యంలో ఎలాంటి కొత్త అనుమతులివ్వడం లేదని జియావుద్దీన్‌ పేర్కొన్నారు. వివిధ ప్రభుత్వ సంస్థలకు ఆయా అవసరాల కోసం దాదాపు 40 కి.మీ.ల మేర మాత్రం ఇప్పటికే అనుమతులిచ్చినట్లు తెలిపారు. వీటిల్లో ట్రాన్స్‌కోకు 1.233 కి.మీ.లు, టీఎస్‌ఎస్‌పీడీసీఎల్‌కు 18.17 కి.మీ.లు స్మార్ట్‌సిటీ ప్రాజెక్ట్‌కు సంబంధించి సీసీటీవీల ఏర్పాట్లకు 14.27 కి.మీ.లు, జలమండలికి 5.7 కి.మీ.ల మేర అనుమతులిచ్చినట్లు పేర్కొన్నారు. ప్రజల గృహావసరాలకు సంబంధించి మాత్రం ఈజ్‌ ఆఫ్‌ డూయింగ్‌ బిజినెస్‌లో భాగంగా ఆన్‌లైన్‌లో అందే దరఖాస్తులకు అనుమతులిస్తున్నట్లు స్పష్టం చేశారు. గృహావసరాలకు తక్కువ దూరం మాత్రమే రోడ్‌ కటింగ్‌ అవసరమవుతుందని, త్వరితంగానే పనులు పూర్తవుతాయన్నారు. 

సాక్షి, హైదరాబాద్‌ : తెలంగాణలో రహదారుల నిర్మాణం కోసం కేంద్ర రహదారి నిధి (సీఆర్‌ఎఫ్‌) కింద ఈ ఏడాది అదనంగా రూ.1,000 కోట్లు ఇస్తామని.. ప్రత్యేక ప్యాకేజీ కింద మరో రూ.750 కోట్లు అందజేస్తామని కేంద్ర రవాణా శాఖ మంత్రి నితిన్‌ గడ్కరీ ప్రకటించారు. అతి తక్కువ ఖర్చుతో రవాణాకు వీలు కల్పించే జల రవాణాకు ప్రాధాన్యం ఇస్తున్నామని.. మహారాష్ట్ర నుంచి తెలంగాణ మీదుగా ఆంధ్రప్రదేశ్‌ వరకు గోదావరిపై జల రవాణా మార్గం ఏర్పాటు చేస్తామని తెలిపారు. ఇందుకోసం రూ.2 వేల కోట్లతో ప్రాజెక్టు చేపట్టనున్నామని వెల్లడించారు. ప్రజా రవాణాను మెరుగైన రీతిలో ఏర్పాటు చేస్తేనే అభివృద్ధి వేగవంతం అవుతుందని.. పరిశ్రమలు, వాణిజ్య సముదాయాలు ఏర్పాటై ఉపాధి అవకాశాలు పెరుగుతాయని చెప్పారు. రాష్ట్రంలో రూ.1,523 కోట్లతో చేపట్టనున్న నాలుగు రోడ్డు ప్రాజెక్టులకు గడ్కరీ శనివారం శంకుస్థాపన చేశారు. హైదరాబాద్‌లో రామంతాపూర్‌లోని హైదరాబాద్‌ పబ్లిక్‌ స్కూల్‌ మైదానంలో మంత్రి తుమ్మల నాగేశ్వరరావు అధ్యక్షతన ఈ కార్యక్రమం జరిగింది. హైదరాబాద్‌– బెంగళూరు జాతీయ రహదారి–44 పరిధిలోని ఆరాంఘర్‌– శంషాబాద్‌ సెక్షన్‌ను ఆరు లేన్ల రహదారిగా విస్తరించడం, ఎన్‌హెచ్‌–765డి లో ఔటర్‌ రింగ్‌రోడ్డు నుంచి మెదక్‌ వరకు రోడ్డు స్థాయిని పెంచడం, అంబర్‌పేట క్రాస్‌రోడ్స్‌ వద్ద నాలుగు లేన్ల ఫ్లైఓవర్‌ నిర్మాణం, ఎన్‌హెచ్‌ 163లో ఉప్పల్‌ నుంచి నారపల్లి వరకు ఆరు లేన్ల ఎలివేటెడ్‌ కారిడార్‌ పనుల శిలాఫలకాలను గడ్కరీ ఆవిష్కరించారు. అనంతరం జరిగిన సభలో ప్రసంగించారు. ‘‘తెలంగాణలోని ఎలివేటెడ్‌ రోడ్డు ప్రాజెక్టులపై తప్పుడు నివేదికలు అందాయి. దాంతో వాటిని పక్కనపెడితే.. రాష్ట్రం నుంచి సీఎం కేసీఆర్, మంత్రులు, మా (బీజేపీ) ఎమ్మెల్యే కిషన్‌రెడ్డి తదితరులు చాలాసార్లు తిరిగారు. ఫ్లైఓవర్‌ మంజూరు చేస్తేనే ఇక్కడ్నుంచి పోతానని కిషన్‌రెడ్డి నా కార్యాలయంలో కూర్చున్నారు. దాంతో ఈ ప్రాజెక్టును మంజూరు చేశాం’’అని గడ్కరీ పేర్కొన్నారు.  జల రవాణాతో మూడు రాష్ట్రాలకు ప్రయోజనం  సుదీర్ఘ పరీవాహక ప్రాంతం ఉన్న గోదావరి నదిలో జలరవాణా వ్యవస్థ ఏర్పాటు చేస్తే తెలంగాణ, ఆంధ్రప్రదేశ్, మహారాష్ట్రలకు బంగారు భవిష్యత్తు ఉంటుందని కేంద్ర మంత్రి గడ్కరీ పేర్కొన్నారు. ‘‘ప్రస్తుతం డీజిల్‌ వాహనాల్లో కిలోమీటరు ప్రయాణ ఖర్చు రూ.10గా ఉంది. రైలు ప్రయాణం రూ.6గా ఉంది. అదే నీటిపై ప్రయాణం కిలోమీటరుకు కేవలం ఒక రూపాయి మాత్రమే. ఇంత తక్కువ ఖర్చుతో కూడిన రవాణా వ్యవస్థకు ప్రాధాన్యత ఇస్తాం. ఇది నా కలల ప్రాజెక్టు. మూడు రాష్ట్రాలు సమన్వయంతో ఉంటేనే ఈ ప్రాజెక్టు సాధ్యమవుతుంది. ఈ ప్రాజెక్టు సాధ్యాసాధ్యాలపై అధ్యయనం (ఫీజిబులిటీ స్టడీ) దాదాపు పూర్తికావొచ్చింది. త్వరలోనే డీపీఆర్‌లు సిద్ధం చేస్తాం. ఆలోపు మూడు రాష్ట్రాల ప్రతినిధులను తీసుకెళ్లి ప్రాజెక్టుపై అవగాహన కల్పిస్తాం..’’అని గడ్కరీ తెలిపారు.  బ్యారేజీలపై చర్చించి నిర్ణయం..  గోదావరి నదిపై మరో బ్యారేజీ నిర్మిస్తామని మంత్రి కేటీఆర్‌ తనకు చెప్పారని.. దానిని పరిశీలించి నిపుణులతో చర్చించి నిర్ణయం తీసుకోవాల్సి ఉందని గడ్కరీ చెప్పారు. నీటి ప్రవాహాన్ని అడ్డుకోవడం అంత సులువైన విషయం కాదని పేర్కొన్నారు. నదీ జలాలు సముద్రంలోకి వృథాగా పోకుండా చర్యలు తీసుకుంటామన్నారు. కాళేశ్వరం ప్రాజెక్టు గురించి సీఎం కేసీఆర్‌ తనకు చాలాసార్లు చెప్పారని.. ప్రస్తుతానికి సమయం లేనందున మరోసారి వచ్చినప్పుడు తప్పకుండా చూసివెళ్తానని తెలిపారు.  జనాభాను క్రమబద్ధీకరించాలి  హైదరాబాద్‌లో జనాభాను క్రమబద్ధీకరించాలని.. నగరానికి చుట్టూ నాలుగైదు మినీ పట్టణాలు, శాటిలైట్‌ టౌన్‌షిప్‌లు నిర్మించాలని గడ్కరీ సూచించారు. ‘‘జనాభా మొత్తం ఒకే చోట పెరిగితే చాలా ఇబ్బందులుంటాయి. మా ముంబై నగరమే అందుకు ఉదాహరణ. కిక్కిరిసిన జనాభాతో కనీసం ప్రశాంతంగా నడవలేని పరిస్థితి ఉంది..’’అని పేర్కొన్నారు. హైదరాబాద్‌లో ప్రజారవాణాను మరింత మెరుగుపర్చాల్సిన అవసరం ఉందని స్పష్టం చేశారు. పెట్రోల్, డీజిల్‌లతో నడిచే వాహనాలతో కాలుష్యం పెరిగిపోతోందని.. అది మానవాళి మనుగడకే ప్రమాదమని గడ్కరీ చెప్పారు. అందువల్ల ఇథనాల్, మిథనాల్, బయోడీజిల్, సీఎన్‌జీ, ఎలక్ట్రిక్‌ వాహనాల వాడకాన్ని పెంచాలని సూచించారు. ప్రస్తుతం విదేశాల నుంచి భారీగా చమురును దిగుమతి చేసుకుంటున్నామని.. అదే ఇథనాల్, మిథనాల్‌ లాంటి ఇంధనాన్ని వాడితే దేశానికి దిగుమతుల ఖర్చు తగ్గుతుందని తెలిపారు. రైతుల పండించే పంటల ఉప ఉత్పన్నాల నుంచి వచ్చే ఇథనాల్, మిథనాల్‌ వినియోగంతో.. వారికి కూడా ప్రయోజనం ఉంటుందని పేర్కొన్నారు.  54 కూడళ్లలో ఫ్లైఓవర్లు, స్కైవేలు: కేటీఆర్‌  హైదరాబాద్‌లో పెరుగుతున్న రద్దీకి అనుగుణంగా రహదారుల విస్తరణ జరుగుతోందని ఐటీ, పురపాలక శాఖల మంత్రి కేటీఆర్‌ తెలిపారు. హైదరాబాద్‌ పరిధిలోని 54 కూడళ్ల వద్ద ఫ్లైఓవర్లు, స్కైవేలు నిర్మిస్తున్నామని చెప్పారు. ఇక రాష్ట్రవ్యాప్తంగా ప్రతి మండల కేంద్రం నుంచి జిల్లా కేంద్రానికి డబుల్‌ రోడ్లు, జిల్లా కేంద్రం నుంచి రాజధానికి నాలుగు లైన్ల రోడ్లు ఏర్పాటు చేస్తున్నామని తెలిపారు. హైదరాబాద్‌లోని ప్యాట్నీ, సికింద్రాబాద్, కంటోన్మెంట్, సుచిత్ర మీదుగా ఏర్పాటు చేసే ఎలివేటెడ్‌ రోడ్డు ప్రాజెక్టుకు రాష్ట్ర ప్రభుత్వమే నిధులు భరిస్తోందని... కానీ అక్కడ రక్షణశాఖ భూముల వివాదం ఉందని పేర్కొన్నారు. కేంద్రం సహకరిస్తే ఈ సమస్య తీరుతుందన్నారు.  గడ్కరీ ఇచ్చిన హామీలివీ..  – అంబర్‌పేట్‌ ఫ్లైఓవర్‌ను మరో 200 మీటర్లు పొడిగిస్తామని, ఈ మేరకు ప్రతిపాదనలు సమర్పించాలని గడ్కరీ హామీ ఇచ్చారు. పెంచిన నిడివిలో భూసేకరణ బాధ్యత మాత్రం రాష్ట్ర ప్రభుత్వానిదేనని స్పష్టం చేశారు.  – హైదరాబాద్‌ మహా నగరం చుట్టూ ఏర్పాటు చేసే రీజినల్‌ రింగురోడ్డుకు కేంద్ర ప్రభుత్వం తరఫున రూ.5500 కోట్ల ఆర్థిక సాయం అందిస్తామని.. త్వరగా ప్రాజెక్టు రిపోర్టు సమర్పిస్తే చర్యలు చేపడతామని తెలిపారు. సంగారెడ్డి, నర్సాపూర్, తూప్రాన్, గజ్వేల్, జగదేవ్‌పూర్, భువనగిరి, చౌటుప్పల్, ఇబ్రహీంపట్నం, చేవెళ్ల, శంకర్‌పల్లి, కంది మీదుగా 338 కిలోమీటర్ల పొడవున రీజనల్‌ రింగ్‌రోడ్డు నిర్మించాలని ప్రభుత్వం ఇప్పటికే ప్రణాళిక రూపొందించింది.  – ప్రస్తుత ఆర్థిక సంవత్సరంలో సెంట్రల్‌ రోడ్‌ ఫండ్‌ (సీఆర్‌ఎఫ్‌) పద్దు కింద రాష్ట్రానికి అదనంగా రూ.1,000 కోట్లతో పాటు ప్రత్యేక ప్యాకేజీ కింద రూ.750 ఇస్తామని గడ్కరీ ప్రకటించారు.  – జల రవాణా పథకం కింద గోదావరి నదిపై మహారాష్ట్ర, తెలంగాణ, ఆంధ్రప్రదేశ్‌ రాష్ట్రాల పరిధిలో 1,400 కిలోమీటర్ల పొడవున జలరవాణా వ్యవస్థను ఏర్పాటు చేసేందుకు రూ.2 వేల కోట్లు ఇస్తామని తెలిపారు.   

లింగంపేట : ‘దేవుడు వరమిచ్చినా–పూజారి కనికరించడం లేదు’ అన్నట్లుగా మారింది భవానిపేట–కంచుమల్‌ రోడ్డు దుస్థితి. ప్రజల సౌకర్యార్థం ప్రభుత్వం గ్రామీణ ప్రాంతాలు, తండాల రోడ్లకు వేలకోట్ల రూపాయలు ఖర్చు చేస్తున్నా గుత్తేదారుల అలసత్వం ప్రజలకు శాపంగా మారుతోంది. బంగారు తెలంగాణలో భాగంగా గ్రామాలకు వెళ్లే రోడ్లను బీటీ రోడ్లుగా మారుస్తున్నారు. ఇందులో భాగంగా లింగంపేట మండలంలోని భవానిపేట నుంచి కంచుమల్‌ మీదుగా గాంధారి మండలం గండివేట్‌ వరకు ఉన్న రోడ్డు పూర్తిగా ధ్వంసం కావడంతో స్థానిక ఎమ్మెల్యే రవీందర్‌రెడ్డి రూ.2.20 కోట్లు నిధులు మంజూరు చేయించి పనులు ప్రారంభించారు. దశాబ్దాలుగా మరమత్తులకు నోచుకోని రోడ్డు బీటీ రోడ్డుగా మారుస్తున్నారని పలు గ్రామాలు, తండాల ప్రజలు  సంతోషం వ్యక్తం చేశారు. కానీ గుత్తేదారు నిర్లక్ష్యంతో ఏడాది దాటినా పనులు పూర్తి కావడం లేదు. కాంట్రాక్టర్‌ రోడ్డును తవ్వించి దానిపై కంకర వేసి మరిచిపోవడంతో ప్రజలు తీవ్ర అవస్థలకు గురవుతున్నారు.  అభివృద్ధికి నోచుకోని గ్రామాలు  లింగంపేట మండల పరిదిలోని భవానిపేట నుంచి గండివేట్‌ వరకు బీటీ రోడ్డు పూర్తయితే పలు గ్రామాలు అభివృద్ధికి నోచుకుంటాయి. భవానిపేట, జల్దిపల్లి, రాంపూర్, మంబోజిపేట, కంచుమల్, కొండాపూర్, గాంధారి మండలం సీతాయిపల్లి, గండివేట్‌తో పాటు పలు తండాల ప్రజలకు సౌకర్యంగా ఉంటుంది. ఈ రోడ్డు వెంట సుమారు 12 కీలోమీటర్లు ప్రతి రోజు లింగంపేట మండల కేంద్రానికి, ఎల్లారెడ్డికి వందల సంఖ్యలో వాహనాల రాకపోకలు సాగిస్తుంటాయి. గత ఏడాది ఫిబ్రవరిలో రోడ్డు పనులను ప్రారంభించారు. సంవత్సరం గడుస్తున్నా పనులు ముందుకు సాగడం లేదు. ఎక్కడ వేసిన కంకర అక్కడే ఉండడంతో ప్రతి రోజు వాహనాలు అదుపు తప్పి పడిపోయి ప్రయాణికులు గాయాలపాలవుతున్నారు.  ప్రయాణికులకు ఇబ్బందులు  రోడ్డుపై కంకర వేసి వదిలేయడంతో పలు గ్రామాలు, తండాలకు చెందిన గర్భిణులు ప్రతి నెల చెకప్‌ కోసం అసుపత్రులకు వెళ్లాలంటే, రోగులను ఆస్పత్రికి తీసుకెళ్లాలంటే తీవ్ర అవస్థలు పడుతున్నారు. రోడ్డుపై ప్రయాణం చేసే వాహనాలు సైతం దెబ్బతింటున్నాయని వాహన యజమానులు ఆవేదన వ్యక్తం చేస్తున్నారు. నిత్యం తిరిగే ద్విచక్ర వాహనాలు, ఆటోలు వారం రోజులకే చెడిపోతున్నాయని వాహన దారులు వాపోతున్నారు. రోడ్డు పనులు బాగు చేయాలని అధికారులను, నాయకులను పలుమార్లు కోరినా విసిగించుకుంటున్నారే తప్పా పనులు ప్రారంభించడంలేదని ఆందోళన వ్యక్తం చేస్తున్నారు.  ఇప్పటికైనా ఉన్నతాధికారులు స్పందించి చర్యలు తీసుకోవాలని ఆయా గ్రామాల ప్రజలు, వాహన చోదకులు కోరుతున్నారు.   

సాక్షి, హైదరాబాద్‌: దబ్బగుంటపల్లి... జనగామ జిల్లా బచ్చన్నపేట మండలంలోని గ్రామం.. నాలుగున్నర దశాబ్దాల క్రితమే పంచాయతీగా ఏర్పడింది. సర్పంచ్, వార్డు సభ్యులు అందరూ ఏకగ్రీవం.. ప్రతి ఇంటికి మరుగుదొడ్లు, వంద శాతం పన్ను వసూళ్లు వంటి రికార్డులూ ఉన్నాయి.. చివరికి సీసీ కెమెరాల వ్యవస్థ ఉన్న ఆదర్శ గ్రామమిది. ఇన్ని ప్రత్యేకతలున్న దబ్బగుంటపల్లికి వెళ్లాలంటే మాత్రం మట్టిరోడ్డే దిక్కు. దబ్బగుంటపల్లి నుంచి ఐదు కిలోమీటర్ల దూరంలోని బొందుగుల శివారు వరకు మట్టి రోడ్డే. వానొస్తే రాకపోకలు బంద్‌. గ్రామ ప్రజలు ఎన్నిసార్లు విన్నవించుకున్నా ఫలితం లేదు. ఈ ఒక్క గ్రామమే కాదు... రాష్ట్రవ్యాప్తంగా వందలాది గ్రామాలది ఇదే దుస్థితి. ఇప్పటికీ పూర్తిగా మట్టి రోడ్డే ఉన్న గ్రామాలు 358 వరకు ఉన్నట్టు అంచనా. రోడ్డు సరిగా లేకపోవడంతో.. ఆయా గ్రామాల జనం అష్టకష్టాలు పడుతున్నారు.  జనానికి తప్పని ఇబ్బందులు..  ప్రభుత్వం, ప్రజాప్రతినిధులు, అధికారుల నిర్లక్ష్యం కారణంగా రాష్ట్రంలోని వందలాది గ్రామాలకు ఇప్పటికీ సరైన రోడ్డు మార్గం లేని పరిస్థితి నెలకొంది. ఊరి నుంచి రాకపోకలు చేసేందుకు సరైన వసతి లేకపోవడంతో ఆయా గ్రామాల విద్యార్థులు చదువులకు కూడా దూరమవుతున్నారు. వాహనాలు వచ్చేందుకు కష్టంగా ఉంటుండటంతో రైతులు పంటను అమ్ముకునేందుకు అవస్థ పడుతున్నారు. పంటను మార్కెట్‌కు తీసుకెళ్లలేక గ్రామంలోకి వచ్చిన వ్యాపారులకే అయినకాడికి అమ్ముకుంటున్నారు.  వైద్యం అందాలన్నా ఇబ్బందే..  సరైన రోడ్డు సౌకర్యం లేని గ్రామాల్లో ప్రజలకు అత్యవసర వైద్యం అందే పరిస్థితి ఉండటం లేదు. సమీపంలోని ఆస్పత్రులకు తరలించేందుకు వాహనాలు అందుబాటులో ఉండటం లేదు. వాహనాలున్నా.. గుంతలతో కూడిన మట్టి రోడ్డులో ప్రయాణంతో పరిస్థితి మరింతగా విషమిస్తోంది.  వీటిపై చిన్న చూపేల?  కేంద్ర, రాష్ట్ర ప్రభుత్వాలు ఏటా రోడ్ల నిర్మాణానికి వేల కోట్ల రూపాయలు ఖర్చు పెడుతున్నాయి. కానీ పలు జిల్లాల్లోని మారుమూల ప్రాంతాలు, గ్రామాలకు మాత్రం పక్కా రోడ్లు వేయడం లేదు. తెలంగాణలో పంచాయతీరాజ్‌ ఇంజనీరింగ్‌ శాఖ పరిధిలో బీటీ, సిమెంటు, మొరం మట్టిరోడ్డు ఇలా అన్నీ కలిపి 69,500 కిలోమీటర్ల మేర రహదారులు ఉన్నాయి. అయితే రాష్ట్రం ఏర్పాటైన తర్వాత ఇప్పటివరకు 25,171 కిలోమీటర్ల కొత్త రోడ్లు, పాతవాటి పునరుద్ధరణ, విస్తరణకు రాష్ట్ర ప్రభుత్వం ఆమోదం తెలిపింది. అందులో 20,915 కిలోమీటర్ల రోడ్ల పనులు పూర్తయ్యాయి. కానీ కొన్ని జిల్లాల్లోని పలు గ్రామాలకు మాత్రం ఇప్పటికీ మట్టిరోడ్లే దిక్కవుతున్నాయి. ఆయా గ్రామాలకు పక్కా రోడ్లు వేసే దిశగా ప్రజాప్రతినిధులు, అధికారులు దృష్టి పెట్టకపోవడంపై ప్రజలు మండిపడుతున్నారు. ఇప్పటికైనా తారు రోడ్లు వేయాలని డిమాండ్‌ చేస్తున్నారు.  వాన పడితే రాకపోకలు బంద్‌  ‘‘ఇప్పటికీ మా ఊరికి మట్టిరోడ్డే దిక్కు.. వాన వస్తే రాకపోకలు బంద్‌ అవుతాయి. విద్యార్థులు కాలేజీ వెళ్లే పరిస్థితి ఉండదు. రోడ్డు గుంతలు పడుతుండటంతో బస్సు సర్వీసులను రద్దు చేస్తున్నారు. రాకపోకలకు కష్టంగా ఉంటోంది..’’  – నీలం సిద్ధులు, దబ్బగుంటపల్లి, బచ్చన్నపేట డ్రైవర్లే గుంతలు పూడ్చుకుంటున్నరు  ‘‘ఐదు కిలోమీటర్లు.. ఐదు వందల గుంతలు అన్నట్టుగా మా ఊరికి రోడ్డు ఉంది. కొన్నె, బొందుగుల నుంచి దబ్బగుంటపల్లికి ఆర్టీసీ బస్సు రావాలంటే అడుగు అడుగుకు ఎత్తేస్తుంది. ఈ రూట్‌లో వచ్చేందుకు డ్రైవర్లు భయపడుతున్నారు. వానాకాలంలో, గుంతలు లోతుగా మారినప్పుడు బస్సులు, ఇతర వాహనాల డ్రైవర్లే మట్టి పోస్తూ పూడ్చేస్తున్నారు..’’  – కొంతం స్వామి, దబ్బగుంటపల్లి, బచ్చన్నపేట  ఎన్ని సార్లు అడిగినా..  ‘‘మా ఊరికి తారు రోడ్డు లేక చాలా ఇబ్బందులు పడుతున్నం. రోడ్డుపై కంకర తేలింది. తారు రోడ్డు వేయాలంటూ చాలాసార్లు అధికారులను కలిసినం. కానీ ఇప్పటిదాకా మంజూరు కాలేదు..’’  – రవికుమార్, తక్కడ్‌పల్లి, బిచ్కుంద మండలం, కామారెడ్డి జిల్లా  నలభై ఏళ్లుగా మట్టిరోడ్డుపైనే..  ‘‘మా గ్రామానికి 1974లో మట్టి రోడ్డు వేశారు. అప్పటినుంచి ఇప్పటిదాకా మాకు ఆ మట్టి రోడ్డే దిక్కు. మా ఊరికి ఇంకెప్పుడు తారు రోడ్డు వస్తుందో తెలియడం లేదు..’’ – కృష్ణారెడ్డి, బలభద్రాయపల్లి, మహబూబ్‌నగర్‌ జిల్లా తారురోడ్డు ఏర్పాటు చేయాలి  ‘‘మా ఊరికి ఇప్పటికీ తారు రోడ్డు లేదు. దాంతో చాలా ఇబ్బందులు వస్తున్నాయి. వాహనాలు దెబ్బతింటున్నాయి. వానొస్తే కదల్లేని పరిస్థితి ఉంటోంది. ఇప్పటికైనా మా ఊరికి తారు రోడ్డు వేయాలి..’’  – అంగిరేకుల శ్రీనివాస్, రామచంద్రపురం, మద్దిరాల మండలం, సూర్యాపేట జిల్లా పంచాయతీరాజ్‌ రోడ్ల వివరాలు పొడవు (కిలోమీటర్లలో) సిమెంటు రోడ్లు      3,003 బీటీ రోడ్లు           22,086 డబ్ల్యూబీఎం రోడ్లు 11,751 మొరం రోడ్లు       13,714 మట్టి రోడ్లు         18,946

ఆ పసి మొగ్గలకు నీళ్లలో దిగి ఆడుకుంటే బాగుంటుందని తెలుసు.. కానీ నీళ్లలో ఈదాలని మాత్రం తెలియదు. తోటి మిత్రులతోపాటు కుంటలో తామూ దిగాలని తెలుసు.. కానీ ఆ కుంట ఎంత లోతు ఉంటుందో మాత్రం తెలియదు.అందరూ కలిసి నీళ్లలో ఉత్సాహంగా మునిగి తేలొచ్చని తెలుసు.. కానీ ఆ నీళ్లలో మునిగితే ఊపిరాడదని మాత్రం తెలియదు. గుంతలో దిగితే అమ్మనాన్న దండిస్తారని తెలుసు.. కానీ ఆ గుంత తమను మింగేస్తే వారి గుండెలు బద్దలవుతాయని మాత్రం తెలియదు.అందుకే రాజధాని ప్రాంతంలో అభంశుభం తెలియని ముగ్గురు చిన్నారులు రహదారి డ్రెయినేజీ గుంతలో పడి మృత్యువు ఒడిలో మునిగిపోయారు.పట్టుమని పదేళ్లు నిండకుండా కన్నపేగుపై నూరేళ్లకు సరిపడా విషాదం మిగిల్చి శాశ్వత నిద్రలోకి జారుకున్నారు.    దొండపాడు(తుళ్లూరురూరల్‌) : ఇంటిలో సందడిగా అప్పటి వరకు కళ్లెదుట అడుకున్న పిల్లలు అనంతలోకాలకు వెళ్లారనే సమాచారం తెలియడంతో ఆ తల్లిదండ్రులు కుప్పకూలిపోయారు. తుళ్లూరు మండలం దొండపాడు గ్రామానికి చెందిన ముగ్గురు చిన్నారులు శనివారం ఎన్‌–15 రహదారికి అంతర్గత డ్రెయినేజీ కోసం తీసిన పూడికలో ఈతకు వెళ్లి మృత్యువాత పడ్డారు. బండి సాద్విక్‌(10) ఉప్పలపాటి అమల(10), ఉప్పలపాటి దినేష్‌(7) మృతుల్లో ఉన్నారు.  శవాలై తిరిగొచ్చారే.. దొండపాడు గ్రామానికి చెందిన ఉప్పలపాటి రామకృష్ణ, త్రివేణిలకు అమల, దినేష్‌ సంతానం. అక్కాతమ్ముడు ఇద్దరు కలిసిమెలసి ఉండేవారు. తల్లిదండ్రులు కూలి పనులు చేసుకుని జీవనం సాగించే వారు. రాజధాని ప్రాంతం కావడంతో పిల్లలకు మంచి చదువులు చదివించాలని ప్రైవేటు పాఠశాలలో చేర్పించారు. స్థోమతకు మించినా రెక్కల కష్టంతో చదివిస్తున్నారు. వారిపైనే ఆశలు పెట్టుకుని బతుకుతున్నారు. పగలు చేసిన కష్టమంతా సాయంత్రానికి బిడ్డలను చూసుకుని మరిచిపోయే వారికి .. శనివారం గుండె పగిలే కష్టం మిగిలింది. ఆడుకుంటానికి వెళ్లిన బిడ్డలు విగతజీవులై రావడంతో శోకసంద్రంలో మునిగిపోయారు.‘ఇప్పుడే ఇద్దరు బిడ్డలకు స్నానం చేయించి..ఎండ ఎక్కువగా ఉంది బయటకు వెళ్లవద్దని చెప్పి.. పనులకు వెళ్లామయ్యా..కొద్ది సేపటికే శవాలుగా ఇంటికి తిరిగొచ్చారే’..అంటూ పిల్లల మృతదేహాలపై పడి ఆ తల్లి గుండెలవిసేలా రోదించింది. ఇక మేమెవరి కోసం బతకాలంటూ ఆ తండ్రి కుప్పకూలిపోయాడు. వీరిని చూసిన ప్రతి ఒక్కరి గుండె కన్నీటి చెమ్మగా మారింది. కడుపుకోత మిగిల్చావు కదయ్యా.. చిన్నారి సాద్విక్‌ తల్లి దేవకి కూలీ పని, తండ్రి కిరణ్‌ అటో నడుపుకుంటూ జీవనం సాగిస్తుంటారు. వీరికి ఇద్దరు బిడ్డలు. పెద్ద కుమారుడు సాద్విక్‌. కుమారుడి మృతి చెందిన విషయం తెలుసుకుని తండ్రి కిరణ్‌ స్పృహ కోల్పోయారు. తల్లి దేవకి ‘ఎంత పని చేశావు నాయనా.. కడుపుకోత మిగిల్చావు కదయ్యా’ అంటూ కన్నీరుమున్నీరైంది. ‘నా కొడుకుకి జరిగిన విధంగా ఎవరికీ జరగకూడదు...ఏ తల్లికి కడుపుకోత ఉండకూడదు.. త్వరగా ఆ పూడికను పూడ్చి వేయండయ్యా’ అంటూ విలపించింది. నిర్మాణ సంస్థలపై ఆగ్రహం... నిర్మాణ సంస్థల అధికారులు సంఘటన స్థలానికి రాకపోవడంపై గ్రామస్తులు నిరసన వ్యక్తం చేశారు. ఇంత జరిగినా వారిని పిలవరా ? అని పోలీసులు, ఏడీసీ అధికారులపై ఆగ్రహం వ్యక్తం చేశారు. నిర్మాణ సంస్థల ప్రతినిధులు వచ్చే వరకు రహదారిపై రాకపోకలు నిలిపివేస్తామంటూ హెచ్చరించారు. దీంతో తుళ్లూరు డీఏస్పీ పీ శ్రీనివాస్‌ గ్రామస్తులతో మాట్లాడి ఎన్‌ 15 రహదారి నిర్మాణ సంస్థ ప్రతినిధులను పిలిపించారు. గ్రామ పెద్దల సమక్షంలో మృతుల తల్లిదండ్రులకు చేయూతనిస్తామని వారితో భరోసా ఇప్పించారు.  

రెబ్బెన : గ్రామాల్లో మౌలిక వసతులు కల్పిస్తున్నామని పాలకులు చెబుతున్న మాటలు ఆచరణలో కనిపించడం లేదు. ఆయా గ్రామాలకు వెళ్లేందుకు రహదారి సౌకర్యం సరిగా లేక ప్రజలు ఇక్కట్లకు గురవుతున్నారు. రోడ్డుపై అడుగడుగునా ఏర్పడిన గుంతలతో నిత్యం నరకం అనుభవిస్తున్నారు. ఏళ్లు గడుస్తున్నాయే తప్ప పాల కుల్లో మాత్రం స్పందన కరువైంది. మండలంలోని నంబాల– నారాయణపూర్‌ ప్రధాన రహదారి గుంతలమయంగా మారడంతో మూడు గ్రామ పంచాయతీల పరిధిలోని వారంతా ఇబ్బందులు ఎదుర్కొంటున్నారు.  గుంతల రోడ్డుతో అవస్థలు..  మండలకేంద్రంలోని రైల్వేగేట్‌ నుంచి నారాయణపూర్‌ వరకు గత కాంగ్రెస్‌ హయాంలో రూ. లక్షలు వెచ్చించి రోడ్డు మరమ్మతు చేపట్టారు. అధికారుల పర్యవేక్షణ కరువై పనుల్లో నాణ్యత కొరవడడంతో కొన్నాళ్లకే రహదారి ఛిద్రంగా మారిపోయింది. రైల్వేగేట్‌ నుంచి నారాయణపూర్‌ వరకు రోడ్డు మొత్తం అడుగడుగున గుంతలమయంగా మారిపోయింది. దీంతో ఈ రోడ్డు గుండా వెళ్లాలంటేనే వాహనదారులు జంకుతున్నారు. ఈ దారి గుండానే మండలకేంద్రం మీదుగా బెల్లంపల్లి, మంచిర్యాల, కాగజ్‌నగర్, ఆసిఫాబాద్‌ ప్రాంతాలకు నిత్యం రాకపోకలు సాగిస్తుంటారు. దీంతో గుంతలరోడ్డుపై ప్రయాణం చేయలేక ప్రత్యక్ష నరకాన్ని అనుభవిస్తున్నారు వాహనదారులు, ప్రయాణికులు.  మూడు పంచాయతీ ప్రజలకు తప్పని తిప్పలు..  గుంతలమయంగా మారిన నంబాల–నారాయణపూర్‌ రోడ్డు మూలంగా నంబాల, నారాయణపూర్, కిష్టాపూర్‌ పంచాయతీ పరిధిలోని సుమారు 12 గ్రామాల ప్రజలకు తిప్పలు తప్పడం లేదు. నిత్యం ఏదో పని నిమిత్తం ఆయా గ్రామాల ప్రజలు ఈ రోడ్డు గుండానే మండలకేంద్రానికి రాకపోకలు సాగిస్తుంటారు. రహదారి పూర్తిగా గుంతలమయంగా మారడంతో నడుంనొప్పితో పాటు వాహనాలు సైతం త్వరగా పాడైపోతున్నాయని ప్రైవేట్‌ వాహనాల యజమానాలు, ద్విచక్రవాహనదారులు ఆవేదన వ్యక్తం చేస్తున్నారు. ఇప్పటికైనా సంబంధిత అధికారులు, ప్రజాప్రతినిధులు స్పందించి రోడ్డును బాగు చేయాలని ఆయా గ్రామాల ప్రజలు కోరుతున్నారు.   గుంతలతో నరకం చూస్తున్నాం  నంబాల నుంచి నారాయణపూర్‌ వరకు ఉన్న బీటీ రోడ్డు మొత్తం గుంతల మయంగా మారడంతో నిత్యం నరకం అనుభవిస్తున్నాం. రోడ్డు అధ్వానంగా మారినా మరమ్మతు మాత్రం ఎవరూ పట్టించుకోవడం లేదు. ఇంకెన్ని రోజులు ఈ కష్టాలు పడాలో ఏమో. రోడ్డు మరమ్మతు చేపట్టాలి  నంబాల– నారాయణపూర్‌ రోడ్డు కు అధికారులు వెంటనే మరమ్మ తు చేపట్టాలి. రెబ్బెన రైల్వే గేట్‌ నుంచి మొదలు నారాయణపూర్‌ వరకు రోడ్డు పూర్తిగా చెడిపోయింది. ఈ రోడ్డుపై వెళ్లాలంటే జంకుతున్నాం. అత్యవసర సమయంలో రెబ్బెనకు చేరుకోవాలన్నా సకాలంలో చేరుకోలేకపోతున్నాం.

ముఖ్యమంత్రి నియోజకవర్గం కుప్పంలో నూతన రోడ్డు నిర్మాణాలు రైతుల పాలిట శాపంగా మారాయి. కొత్త రోడ్ల ఏర్పాటు స్వాగతించాల్సిన విషయమే అయినా.. అనుసరిస్తున్న విధానం వికృతంగా ఉంది. రైతుల పొలాల్లో రోడ్డు వేస్తున్న విషయాన్ని కనీసం వారికి     చెప్పకుండా, పచ్చని పంటపొలాల మీదుగా రహదారులు నిర్మిస్తున్నారు. అడ్డుకుంటే స్థానిక టీడీపీ నాయకులు పోలీసుల అండదండలతో దాడులకు దిగుతున్నట్లు సమాచారం. దిక్కుతోచని రైతులు చేసేది లేక హైకోర్టును ఆశ్రయిస్తున్నారు. స్టే తెచ్చుకుని పనులు     ఆపిస్తున్నారు. కొన్నిచోట్ల కోర్టు స్టేలను కూడా బేఖాతరు చేస్తున్నారు.  కుప్పం రూరల్‌ :  కుప్పం నియోజకవర్గంలో నాలుగేళ్లుగా రూ.610 కోట్లతో సీసీ, బీటీ రోడ్ల నిర్మాణాలు జరుగుతున్నాయి. ఆర్‌ అండ్‌ బీ పరిధిలో రూ.300 కోట్లతో 300 కిలోమీటర్ల రోడ్డు నిర్మాణాలు చేపట్టారు. పంచాయతీ రాజ్‌ పరిధిలో మరో 310 కోట్ల రూపాయలతో 280 కిలోమీటర్ల సీసీ రోడ్లు, 175 కిలో మీటర్ల తారురోడ్డు నిర్మాణాలు చేపడుతున్నారు. ఈ పనుల్లో రైతుల అనుమతి లేకుండా, నష్టపరిహారం ఇవ్వకుండా చేసేవే అధికం. అనుమతులు లేకుండా నిర్మిస్తున్న రోడ్లు మచ్చుకు కొన్ని..      కుప్పం – గుడ్లనాయనపల్లి మార్గం నుంచి ఒంటూరు(చింపనగల్లు) గ్రామానికి రోడ్డు మంజూరైంది. పొలంలో రోడ్డు నిర్మాణం చేపడతామని పొలం యజమాని నారాయణప్రసాద్‌కు కాంట్రాక్టరు చెప్పాడు. రైతు నారాయణప్రసాద్‌ దిగ్భ్రాంతికి గురయ్యాడు. తనకు ఎలాంటి నోటీసులు రాలేదని, పొలంలో రోడ్డునిర్మాణం చేయరాదని చెప్పారు. చేయాల్సి వస్తే తనకు పరిహారం ఇవ్వాలని భీష్మించారు. ఇదే సమయంలో రోడ్డు నిర్మాణానికి అనుమతి ఇవ్వాలని స్థానిక టీడీపీ నాయకుల నుంచి తీవ్ర ఒత్తిళ్లు వస్తున్నాయన్న ఆరోపణలు ఉన్నాయి. కుప్పం – గుల్లేపల్లికి తారురోడ్డు నిర్మాణం చేపట్టేందుకు కాంట్రాక్టరు జేసీబీలతో రైతుల పొలాల్లో మట్టిని తొలగించేందుకు ప్రయత్నించాడు. తంబిగానిపల్లి, కమతమూరు గ్రామాలకు చెందిన 10 మంది రైతులు ‘ఇదేమి దౌర్జన్యం ? మా అనుమతి తీసుకోకుండా రోడ్డు నిర్మాణం ఎలా చేపడతారు’ అని ప్రశ్నించారు. సదరు కాంట్రాక్టరు, అధికారులు పోలీసుల సమక్షంలో రోడ్డునిర్మాణానికి ఉపక్రమించారు. కాపాడాల్సిన పోలీసులే కాపలా కాస్తున్నప్పుడు రైతులు చేసేది లేక హైకోర్టును ఆశ్రయించారు. స్టే తెచ్చుకుని నిర్మాణాలు ఆపారు. నష్టపరిహారం తరువాత ఇప్పిస్తాం.. కోర్టు కేసు వాపసు తీసుకోవాలని రైతులపై స్థానిక టీడీపీ నాయకులు తీవ్ర ఒత్తిడి తెస్తున్నట్లు తెలిసింది.  ఉర్లవోబనపల్లి రోడ్డు నుంచి పేటగుట్టమీదుగా గోనుగూరుకు తారురోడ్డు నిర్మాణం చేపడుతున్నారు. అధికారులు ఓ వైపు సర్వే చేస్తే.. అటువైపు టీడీపీ నాయకుల పొలం పోతుందని మరోవైపు ఉన్న నిరుపేద పొలంలో నిర్మాణాలకు సిద్ధమయ్యారు. రైతు వైఎస్సార్‌సీపీ నాయకుల సహకారంతో రోడ్డుకు అడ్డంగా రాళ్లు నాటి నిర్మాణాలను నిలుపుదల చేశారు. స్థానిక నాయకులు నష్టపరిహారం ఇప్పిస్తామని రైతు అబ్బును మభ్యపెట్టి రోడ్డు నిర్మాణం చేపట్టారు. ఆ తరువాత పట్టించుకోలేదు. నూలుకుంట నుంచి దెయ్యాలవంకకు వేస్తున్న తారురోడ్డును రైతులు అడ్డుకున్నారు. అనుమతి లేకుండా, పరిహారం ఇవ్వకుండా రోడ్డు వేస్తుండడంతో నలుగురు రైతులు హైకోర్టు ద్వారా స్టే తెచ్చుకున్నారు. అయితే స్థానిక టీడీపీ నాయకులు, అధికారులు రైతులకు రేషన్, పెన్షన్‌ వంటి పథకాలు తొలగిస్తామని బెదిరిస్తున్నట్లు సమాచారం.  రామకుప్పం – బందార్లపల్లి మార్గంలో తారురోడ్డు నిర్మాణాలు చేపట్టారు. ఇందులో రామకుప్పం గ్రామానికి చెందిన శివశంకర్, నాగరాజుకు చెందిన 13 సెంట్ల భూమి పోయింది. వారికి మాటమాత్రమైనా చెప్పకనే రాత్రికి రాత్రి రోడ్డు నిర్మాణం చేపట్టాలని నిర్ణయించారు. రైతులు హైకోర్టుకు వెళ్లి స్టే తెచ్చుకున్నా అధికారులు ఖాతరు చేయలేదు. దౌర్జన్యంగా రోడ్డు నిర్మాణం చేసేశారు.  కుప్పం మండలం తిర్లావానిబండ నుంచి ఫిరోజ్‌ కొటాలు వరకు తారురోడ్డు నిర్మాణాన్ని చేతికొచ్చిన వరిపొలంపై చేపడుతున్నారు. నాలుగు రోజులు సమయమిస్తే పంటను కోసుకుంటామని రైతులు కాళ్లావేళ్లా పడినా.. జేసీబీలతో పంటను తొక్కించి మరీ నిర్మాణాలు చేస్తున్నారు. అడ్డొచ్చిన నాపై దళిత మహిళని చూడకుండా టీడీపీ నాయకులు మంగళవారం దాడి చేశారంటూ  తిర్లావానిబండకు చెందిన పద్మ వాపోయింది. ఒకటి రెండు ఇళ్లకోసం రోడ్ల నిర్మాణం చేపట్టరాదని కలెక్టర్‌ ఆదేశాలున్నా, నాలుగు ఇళ్ల కోసం రూ.10     లక్షలు ఖర్చుపెట్టి తారురోడ్డు నిర్మిస్తున్నారు.

సాక్షి, నెల్లూరు: రాజధాని రోడ్ల నిర్మాణంలో భారీ అవినీతి జరిగిందని వైఎస్సార్‌సీపీ ఎమ్మెల్యే కోటంరెడ్డి శ్రీధర్‌ రెడ్డి మండిపడ్డారు. మంత్రులు నారాయణ, లోకేష్‌ కనుసన్నల్లో రూ. 400కోట్ల కుంభకోణం చోటుచేసుకుందని ఆయన ఆరోపించారు. ఆయన గురువారం మీడియాతో మాట్లాడుతూ.. ఇప్పటికే ఈ కుంభకోణంలో రూ. 100కోట్లు అడ్వాన్స్‌గా తీసుకున్నారని పేర్కొన్నారు. అంతేకాక ఆసియా అభివృద్ధి బ్యాంక్‌ నుంచి రుణం తీసుకుని.. 5వేల కిలోమీటర్ల మేర రోడ్డు వేయనున్నారు. దీంట్లో 5 నుంచి 10 శాతం కమీషన్‌ మంత్రులు తీసుకుంటున్నారని కోటం రెడ్డి తెలిపారు. 

కాలినడకన వెళ్లేందుకూ పనికిరాని రోడ్డు..గుక్కెడు నీళ్ల కోసం చెలమలే గతి..వ్యవసాయ పనులు లేవు.. ఉపాధి పనులు ఉన్నా అవసరానికి వేతనాలు అందవు.. గ్రామాలువిడిచి వెళ్లిపోదామంటే ఆర్‌ అండ్‌ ఆర్‌ ప్యాకేజీ అమలు కాదు.. ఉండాలంటే కనీస వసతుల్లేవు..కన్నెత్తి చూడని అధికార యంత్రాంగం.. నిధులు విడుదల చేయని ప్రభుత్వం.. గ్రామాలు విడిచివెళ్లలేక, ఉండలేక ప్రత్యక్ష నరకం.. ఇదీ పోలవరం ప్రాజెక్టు ముంపు గ్రామాల నిర్వాసితుల దీనగాథ.. సాక్షి, పోలవరం :  పోలవరం ప్రాజెక్టు నిర్మాణం వల్ల జిల్లాలోని పోలవరం, వేలేరుపాడు, కుక్కునూరు మండలాల్లోని 205 గ్రామాలు ముంపునకు గురవుతున్నాయి. వీటిలో పోలవరం మండలంలో 26 గ్రామాలు ముంపు బారిన పడుతుండగా, ఇప్పటి వరకు ఏడు గ్రామాల్లోని 1,400 నిర్వాసిత కుటుంబాలను పునరావాస కేంద్రాలకు తరలించారు. ఇంకా దాదాపు మూడు వేల కుటుంబాలు 19 గ్రామాల్లో మగ్గిపోతున్నారు. వీరికి ప్రభుత్వం కనీస వసతులూ కల్పించటంలేదు. అవసరమైన నిధులూ మంజూరు చేయటంలేదు. దశాబ్ద కాలంగా ఇదే దుస్థితి. రెండేళ్ల కిందట జిల్లాలో కలిసిన కుక్కునూరు, వేలేరుపాడు మండలాల్లోని పోలవరం నిర్వాసితులదీ ప్రస్తుతం ఇదే పరిస్థితి. కుక్కునూరు మండలంలో 120 ముంపు గ్రామాల్లో దాదాపు 9వేల కుటుంబాలు, వేలేరుపాడు మండలంలోని 59 ముంపు గ్రామాల్లో దాదాపు 5వేల కుటుంబాలు అవస్థలు పడుతున్నాయి. ఈ మండలాల్లోనూ కనీస వసతులు లేవు. ముంపు గ్రామాలు కావటంతో సర్కారు నిధులు కూడా మంజూరు చేయటంలేదు. దీంతో పోలవరం ప్రాజెక్టు నిర్మాణం వల్ల ముంపునకు గురయ్యే పోలవరం, కుక్కునూరు, వేలేరుపాడు మండలాల్లోని 198 గ్రామాల్లోని దాదాపు 17వేల కుటుంబాలు ప్రత్యక్ష నరకం అనుభవిస్తున్నాయి. దీనికి సర్కారు నిర్లక్ష్య వైఖరే కారణమని ఆగ్రహం వ్యక్తం చేస్తున్నాయి. రోడ్డు శిథిలం : పోలవరం మండలంలో ముంపు గ్రామాల నిర్వాసితులు ఏ చిన్న పనికైనా నిత్యం పోలవరం రావాలి. 35కిలోమీటర్ల  పొడవైన ఆర్‌అండ్‌బీ రోడ్డుపై ప్రయాణించాలి. పదేళ్ల కిందట ఈ రోడ్డు వేశారు. మూడేళ్ల కిందట తాత్కాలిక మరమ్మతులు చేశారు. ప్రస్తుతం రోడ్డు పూర్తిగా శిథిలమైంది. ఫలితంగా ఆర్టీసీ బస్సులు తరచూ మరమ్మతులకు గురై నిలిచిపోతున్నాయి. ఒక్కోసారి రోజుల తరబడి బస్సులు రావటం లేదు. ద్విచక్ర వాహనాలపై ప్రయాణించే పరిస్థితి కూడా లేదు. ఆటోలకు వందలాది రూపాయలు ఖర్చు అవుతోంది. ఈ గ్రామాల్లోని నిర్వాసితులకు చెందిన 2,600ఎకరాల భూమిని ప్రభుత్వం ప్రాజెక్టు కోçసం సేకరించింది. దీంతో వ్యవసాయ పనులు లేవు. ఉపాధి పనులు ఉన్నా, అవసరానికి సొమ్ములు అందవు. ఇక తాగునీటి పథకాలు ఉన్నా, నిర్వహణా లోపంతో పాటు, భూగర్భ జలాలు అడుగంటడంతో కొన్ని గ్రామాల్లోనే అవి అక్కరకు వస్తున్నాయి. ఎర్రవరం, శివగిరి, చీడూరు, టేకూరు వంటి గ్రామాల ప్రజలు తాగునీటి కోసం గోదావరినదిపై ఆధారపడుతున్నారు. విద్యుత్‌ సరఫరా కూడా సక్రమంగా ఉండదు. కొన్ని సార్లు విద్యుత్‌కు రోజుల తరబడి అంతరాయం కలుగుతోంది. ఫలితంగా  తాగునీటి పథకాలు పనిచేయటంలేదు. కనీసం వీధిలైట్లు కూడా వెలగవు. విలీన మండలాల్లోనూ అదే దైన్యం : అలాగే కుక్కునూరు, వేలేరుపాడు మండలాల్లోనూ దయనీయ పరిస్థితులు ఉన్నాయి. నిర్వాసితులు రోడ్లు, తాగునీటి వసతి లేక అవస్థలు పడుతున్నారు. ఉపాధి లేక ఆకలితో అలమటిస్తున్నారు.  వీధిలైట్లు కూడా వెలగని దుస్థితి. ఫలితంగా ప్రత్యక్ష నరకం చూస్తున్నారు. కొన్ని గ్రామాల్లో ఇంకా చెలమల నీటిపై ఆధారపడుతున్నారు. రోడ్లు అధ్వానంగా ఉండడంతో  పోలవరం, వేలేరుపాడు, కుక్కునూరు మండలాల్లో ఎవరికైనా సుస్తీ చేసినప్పుడు ఆస్పత్రికి తీసుకువెళ్లేందుకు  ఎన్నో అవస్థలు పడుతున్నారు. దీంతో నిర్వాసితులు ఆవేదన వ్యక్తం చేస్తున్నారు. ఇన్ని ఇబ్బందులు పడుతున్నా ప్రభుత్వం పట్టించుకోవటం లేదని, అధికారులు వారికి అవసరమైనప్పుడే గ్రామాలకు వస్తున్నారని  నిర్వాసితులు చెబుతున్నారు. ఎప్పుడు గ్రామాలు ఖాళీ చేయాలో మాకు తెలీదు. ఎప్పుడు ఖాళీ చేయిస్తారో అధికారులకు కూడా  తెలీదు. అయినా ఇక్కడ ఉన్నంతకాలం కూడా వసతులు కల్పించటం లేదు అంటూ నిర్వాసితులు తామా బుచ్చిరాజు, మణుగుల చంటబ్బాయిరెడ్డి, కత్తుల భీమిరెడ్డి, కుంజం సంకురు తదితరులు ఆవేదన వ్యక్తం చేస్తున్నారు. ప్రభుత్వం పట్టించుకోవటం లేదు మాది పోలవరం మండలం శివగిరి. ప్రాజెక్టు వల్ల మా గ్రామం మంపునకు గురవనుంది. ప్రస్తుతం కొడుకు, కోడలితో కలిసి ఉంటున్నా. సెంటు భూమి కూడా లేదు. నా కొడుకుతోపాటు నేనూ కూలిపనికి వెళ్తున్నా.  వ్యవసాయ పనులు లేవు. బతుకు కష్టంగా ఉంది. వారానికి ఒకసారి పోలవరం వెళ్లి సరుకులు తెచ్చుకుంటున్నాం. రోడ్డు పాడవటంతో బస్సు సరిగ్గా తిరగక ఆటోలకు వెళ్తున్నాం. మనిషికి రూ.150 ఖర్చు అవుతోంది. తాగు నీటి కోసం గోదావరినదికి వెళ్తున్నాం. బయటకు వెళ్లిపోదామంటే ప్యాకేజీ అమలు చేయరు. ఇక్కడ ఉందామంటే వసతులు కల్పింటం లేదు. అధికారులు పని ఉన్నప్పుడే గ్రామానికి వస్తున్నారు. కరెంట్‌ కూడా సక్రమంగా ఉండదు. ప్రభుత్వం పట్టించుకోవటంలేదు.               – బేలం జోగమ్మ, నిర్వాసితురాలు, శివగిరి, ఎన్నో బాధలు పడుతున్నాం ముంపు గ్రామాల్లో ఉంటూ ఎన్నో బాధలు పడుతున్నాం. రోడ్డు బాగాలేదు. బస్సు సక్రమంగా తిరగడంలేదు. ఆటోలపై ఆధారపడుతున్నాం. ఎవరికైనా సుస్తీ చేస్తే ఆస్పత్రికి తీసుకువెళ్లేందుకు పడే ఇబ్బందులు అన్నీ, ఇన్నీ కావు. అధికారులు, ప్రభుత్వం కూడా పట్టించుకోవటంలేదు. – ముచ్చిక కృష్ణ, నిర్వాసితుడు, సరుగుడు, పోలవరం మండలం  పునరావాసం గురించి తెలీదు ఇక్కడ ఉందామంటే వసతులు లేవు. బయటకు వెళ్లిపోదామంటే ప్యాకేజీ ఇవ్వటంలేదు. ఎప్పుడు వెళ్తామో తెలీదు. ఎప్పుడు పంపుతారో అధికారులకూ తెలీదు. అయినా ఇక్కడ ఉన్నంతకాలం కూడా వసతులు కల్పించటంలేదు. రోడ్డుతోపాటు సమస్యలను ఉన్నతాధికారుల దృష్టికి తీసుకువెళ్లినా పట్టించుకోవటం లేదు. – చింతలాడ సోమిరెడ్డి, నిర్వాసితుడు, తూటిగుంట, పోలవరం మండలం

సాక్షి, తిరుపతి : ప్రత్యేక హోదా కోసం వైఎస్సార్‌ కాంగ్రెస్‌ పార్టీ నేతలు తమ పోరాటం ఉధృతం చేస్తున్నారు. కొవ్వొత్తుల ర్యాలీ, మానవహారాలు, ధర్నా, వంటావార్పు, రిలే నిరాహారదీక్షలు నిర్వహిస్తూ కేంద్ర, రాష్ట్ర ప్రభుత్వాల తీరుపట్ల నిరసన తెలియజేస్తున్నారు. వైఎస్సార్‌ కాంగ్రెస్‌ పార్టీ తాజాగా మంగళవారం అన్ని చోట్ల జాతీయ రహదారులను దిగ్బంధిం చింది. ప్రత్యేకహోదా కోసం చేపడుతున్న ఆందోళనకు వివిధ వర్గాల నుంచి మద్దతు పెరుగుతోంది. మదనపల్లె్లలో ఎమ్మెల్యే దేశాయ్‌ తిప్పారెడ్డి ఆధ్వర్యంలో అనిబిసెంట్‌ కూడలిలో రహదారిపై బైఠాయించారు. చిత్తూరులో వైఎస్సార్‌ కాంగ్రెస్‌ పార్టీ ఆధ్వర్యంలో కలెక్టరేట్‌ ఎదుట జాతీయ రహదారిపై నిరసన తెలియజేశారు. పూతలపట్టు వావిల్‌తోట క్రాస్, చంద్రగిరి నియోజకవర్గం రామానుజపల్లి  చెక్‌పోస్టు వద్ద పూతలపట్టు–నాయుడుపేట జాతీయ రహదారిపై ఆందోళన చేపట్టారు. బంగారుపాళెం వద్ద పలమనేరు–కుప్పం రహదారిపై వైఎస్సార్‌సీపీ నేతలు నిరసన వ్యక్తం చేశారు. పీలేరు, సత్యవేడు, తంబళ్లపల్లిలో వైఎస్సార్‌సీపీ నేతలు రహదారులను దిగ్బంధించా రు. పుంగనూరు, చౌడేపల్లి, సోమలలో నేతలు జాతీయ రహదారిపై బైఠాయించారు. వైఎస్సార్‌సీపీ నేతలకు మద్దతుగా ఆటో మొబైల్స్‌ వర్కర్స్‌ యూనియన్‌ సభ్యులు మోకా ళ్లపై కూర్చొని నిరసన తెలియజేశారు.  పుంగనూరులో రిలే నిరాహారదీక్షలు కొనసాగించారు. రిలే దీక్షలకు వైఎస్సా ర్‌ ఆర్టీసీ యూనియన్‌ సభ్యులు మద్దతు తెలియజేశారు. కుప్పం, నగరి, పలమనేరు, శ్రీకాళహస్తిలో వైఎస్సార్‌సీపీ నేతలు జాతీయరహదారిపై ఆందోళన చేశారు. తంబళ్లపల్లి, శ్రీకాళహస్తి, తిరుపతిలో రిలేదీక్షలు కొనసాగుతున్నాయి.  ఎస్వీ యూనివర్సిటీలో విద్యార్థులు రోడ్డుపై రాస్తారోకో నిర్వహించి రిలే దీక్షలు కొనసాగించారు. రిటైర్డ్‌ ప్రొఫెసర్లు మద్దతు తెలియజేశారు.        

సదాశివనగర్‌(ఎల్లారెడ్డి):సదాశివనగర్‌ – రామారెడ్డి రోడ్డుకు మహర్దశ వచ్చింది. రూ. 13 కోట్లతో రోడ్డు పనులు చురుకుగా సాగుతున్నాయి. గతంలో ఈ సింగిల్‌ రోడ్డుగా ఉండగా ప్రస్తుతం డబుల్‌ బీటీ రోడ్డు వేస్తుండడంతో వేస్తుండడంతో ప్రయాణికులు హర్షం వ్యక్తం చేస్తున్నారు. గతంలో సదాశివనగర్‌ నుంచి మాచారెడ్డి చౌరస్తాకు వెళ్లడానికి గతంలో ప్రయాణికులు చాలా ఇబ్బందులు ఎదుర్కొనేవారు. దీంతో సదాశివనగర్‌ నుంచి రామారెడ్డి వరకు బీటీ నిర్మాణం కోసం ప్రభుత్వం రూ. 13 కోట్లు మంజూరు చేసింది. దీంతో పనులు చకాచకా కొనసాగుతున్నాయి. గతంలో అధికారుల, పాలకుల నిర్లక్ష్యం కారణంగా ఈ రోడ్డు పూర్తిగా గుంతలమయంగా ఉండేది. ఈ రోడ్డు మీదుగా గుండా సదాశివనగర్‌ నుంచి రామారెడ్డి మీదుగా మాచారెడ్డి చౌరస్తా వరకు వెళ్లడానికి దారి సులువుగా ఉంటుంది. రామారెడ్డి మండలంలో గల ప్రధాన దేవాలయం శ్రీ కాలభైరవ స్వామిని దర్శించుకోవడానికి భక్తులకు ఈ రోడ్డు గుండానే వెళ్తుంటారు. రోడ్డు అధ్వానంగా ఉండడం వల్ల గతంలో ప్రయాణికులు తీవ్ర ఇబ్బందులు ఎదుర్కొన్నారు. ప్రస్తుతం రోడ్డుకు నిధులు మంజూరు కావడం, పనులు వేగంగా కొనసాగుతుండడంతో ప్రయాణికులకు ఇబ్బందులు తప్పనున్నాయి. అలాగే మండలంలోని తిర్మన్‌పల్లి, మర్కల్‌ గ్రామాలకు బీటీ రోడ్ల నిర్మాణానికి నిధులు మంజూరవడంతో పనులు కొనసాగుతున్నాయి. వీటితో పాటు మండలంలోని మరిన్ని గ్రామాలకు రోడ్ల నిర్మాణానికి ఎంఆర్‌ఆర్‌ గ్రాంట్‌ కింద నిధులు మంజూరవడంతో రోడ్ల నిర్మాణం పనులు వేగంగా జరుగుతున్నాయి. దీంతో మండలంలోని ప్రయాణికులు హర్షం వ్యక్తం చేస్తున్నారు. బీటీ రోడ్లకు మరమ్మతులు సదాశివనగర్‌ మండలంలో ఎంఆర్‌ఆర్‌ గ్రాంట్‌ కింద జాతీయ రహదారి నుంచి అడ్లూర్‌ ఎల్లారెడ్డి వరకు రూ. 24 లక్షలు, గర్గుల్‌ నుంచి రంగంపేట్‌ వరకు రూ. 64 లక్షల 50 వేలు, పీడబ్ల్యూడీ రోడ్డు నుంచి గోకుల్‌తండాకు రూ. 47లక్షలు, రామారెడ్డి పీడబ్ల్యూడీ రోడ్డు నుంచి గర్గుల్‌ నుంచి కన్నాపూర్‌కు రూ. 77లక్షలు, కన్నాపూర్‌ రోడ్డు నుంచి రెడ్డిపేట్‌ రోడ్డుకు రూ. 45లక్షలు, జాతీయ రహదారి నుంచి సదాశివనగర్‌ వరకు రూ. 36లక్షలు, జాతీయ రహదారి నుంచి మర్కల్‌–తిర్మన్‌పల్లి గ్రామం వరకు రూ. 22లక్షలు, జాతీయ రహదారి నుంచి కుప్రియాల్‌ వరకు రూ. 36 లక్షలతో మరమ్మతు పనులు చేపడుతున్నారు. అలాగే జాతీయ రహదారి నుంచి మోషంపూర్‌ వయా అడ్లూర్‌ ఎల్లారెడ్డి వరకు రూ. 66లక్షలు, అడ్లూర్‌ఎల్లారెడ్డి నుంచి అడ్లూర్‌కు రూ. 55లక్షలు, జాతీయ రహదారి నుంచి ధర్మారావ్‌పేట్‌ వరకు రూ. 47లక్షలు, జాతీయ రహదారి నుంచి మల్లుపేట్‌ వరకు రూ. 6లక్షలు, పీడబ్ల్యూడీ రోడ్డు నుంచి రంగంపేట్‌ వయా పోసానిపేట్‌ వరకు రూ. 40లక్షలు, పద్మాజివాడి రోడ్డు నుంచి భూంపల్లి వయా లింగంపల్లి వరకు రూ. 26లక్షలు, పీడబ్ల్యూడీ రోడ్డు నుంచి మోడెగాం వరకు రూ. 16లక్షల 50వేలు నిధులను ప్రభుత్వం విడుదల చేసింది. దీంతో ఆయా గ్రామాల్లో రోడ్డు పనులు నిర్వహిస్తున్నారు.

సాక్షి, హైదరాబాద్‌: రాష్ట్రంలో రోడ్ల నిర్మాణానికి అవసరమైన భూ సేకరణ రెండు చట్టాల ప్రకారం జరగబోతోంది. జాతీయ రహదారుల సంస్థ (ఎన్‌హెచ్‌) రోడ్లకు రాష్ట్ర భూసేకరణ చట్టం.. జాతీయ రహదారుల ప్రాధికార సంస్థ (ఎన్‌హెచ్‌ఏఐ) రోడ్ల నిర్మాణంలో కేంద్ర భూ సేకరణ చట్టం ప్రకారం భూమిని సేకరించనున్నారు. రాష్ట్ర చట్టం ప్రకారం భూ సేకరణకు ఎక్కువ పరిహారం ఇవ్వాల్సి ఉండటంతో కేంద్ర చట్టాన్నే అనుసరించాలని కేంద్రం తాజాగా ఆదేశించింది. ఎన్‌హెచ్‌ఏఐ చేపడుతున్న రోడ్లకు భారీగా భూములు సేకరించాల్సి ఉండటంతో ఈ నిర్ణయం తీసుకుంది. మరోవైపు ఎన్‌హెచ్‌  రోడ్లకు రాష్ట్ర చట్టం ప్రకారమే భూమిని సేకరించనున్నారు.   3,500 హెక్టార్లు అవసరం.. రాష్ట్ర ప్రభుత్వం భూసేకరణ చట్టా న్ని గతేడాది సవరించింది. దీంతో సంప్రదింపులతో పరిహారం పెంచుకునేందుకు భూముల యజమానులకు అవకాశం కలిగింది. సాగు ప్రాజెక్టులకు వర్తింపజేస్తున్న ఈ చట్టాన్నే జాతీయ రహదారులకూ అనుసరించాలని ప్రభుత్వం నిర్ణయించింది. ఇటీవల కేంద్రం రూ.8 వేలకోట్ల వ్యయంతో కొత్త జాతీయ రహదారులను మంజూరు చేసింది. వీటిని ఎన్‌హెచ్‌ఏఐ ద్వారా చేపడుతున్నారు. ఎన్‌హెచ్‌ఏఐ రోడ్ల విషయంలో అవసరమైన చోట్ల రోడ్ల ను 6 లేన్లకు విస్తరించాల్సి ఉండటంతో సేకరణ ఎక్కువగా ఉంటోంది. ఎన్‌హెచ్‌ రోడ్లకు 200 హెక్టార్ల సేకరణ సరిపోనుండగా ఎన్‌హెచ్‌ఏఐకి 3,500 హె క్టార్లు కావాల్సి వస్తోంది. రాష్ట్ర చట్టం ప్రకారం సేకరిస్తే రిజిస్ట్రేషన్‌ ధరకు మూడున్నర రెట్లు చెల్లించటంతోపాటు మరింత పెంచుకునే వెసులుబాటు ఉంది. దీంతో ఎన్‌హెచ్‌ఏఐ రోడ్లకు కేంద్ర చట్టాన్నే అనుసరించాలని కేంద్రం ఆదేశించింది. మరోవైపు కొన్ని రోడ్లకు ఏది వీలుంటే అది అన్నట్లు రెండు చట్టాలు అనుసరిస్తుండటంతో కొందరు ఉన్నత న్యాయస్థానాన్ని ఆశ్రయించారు. దీంతో ఏదో ఒక చట్టాన్ని అనుసరించాలని కోర్టు పేర్కొంది. వె రసి ఎన్‌హెచ్‌ రోడ్లకు రాష్ట్ర చట్టం, ఎన్‌హెచ్‌ఏఐ రోడ్లకు కేంద్ర చట్టం అనుసరించేందుకు ఏర్పాట్లు చేస్తున్నారు.  

చీమకుర్తి రూరల్‌: పదేళ్లలో వాహనాల సంఖ్య పెరిగినా వాటికి అనుగుణంగా రోడ్లు విస్తరణ జరగకపోవడంతో కర్నూల్‌ రోడ్డుపై తరుచూ ప్రమాదాలు చోటుచేసుకుంటున్నాయి. సంతనూతలపాడు మండలం పేర్నమిట్ట నుంచి చీమకుర్తి మండలం మర్రిచెట్లపాలెం వరకు సుమారు 30 కిలోమీటర్ల మేర కర్నూల్‌ రోడ్డుపై జరిగే రోడ్డు ప్రమాదాలు స్థానిక ప్రజల్లో భయాందోళనలు కలిగిస్తున్నాయి. సాధారణ వాహనాలతో పాటు గ్రానైట్‌ క్వారీలు, ఫ్యాక్టరీలు, కంకర మిల్లులకు చెందిన భారీ వాహనాలు, పొక్లెయిన్‌లు, డంపర్‌లు, టిప్పర్‌లు ప్రమాదాలకు కారణమవుతున్నాయని స్థానికులు ఆందోళన వ్యక్తం చేస్తున్నారు. ఎప్పటి నుంచో ఒంగోలు నుంచి నంద్యాల ప్రతిపాదనల దశలో ఉన్న ఫోర్‌లైన్‌ వస్తే ప్రమాదాలను కాస్త తగ్గించొచ్చని పోలీసులు విశ్వాసం వ్యక్తం చేస్తున్నారు. కానీ అది ఎప్పటికప్పుడు వాయిదా పడుతుండటంతో చేసేది లేక ప్రమాదాలు జరిగే బ్లాక్‌స్పాట్‌లను ఒంగోలు డీఎస్పీ ఆధ్వర్యంలో చీమకుర్తి, సంతనూతలపాడు పోలీసులు గుర్తించారు. వారి ప్రకారం ఈ రెండు మండలాల్లో కలిపి కర్నూల్‌ రోడ్డుపై సుమారు 25కుపైగా బ్లాక్‌స్పాట్‌లున్నట్లు గుర్తించారు. వాటికి అనుగుణంగానే చీమకుర్తి మండలంలో ప్రమాదాలు నివారించేందుకు ప్రస్తుత ఎస్‌ఐ జీవీ చౌదరి బ్లాక్‌స్పాట్‌ల వద్ద ట్రాఫిక్‌ నియంత్రణకు చర్యలు తీసుకుంటున్నారు.   ప్రయాణికుల అసంతృప్తి కర్నూల్‌ రోడ్డుపై పొదిలి వైపు నుంచి చీమకుర్తి మండలం ప్రారంభమయ్యే మర్రిచెట్లపాలెం నుంచి సంతనూతలపాడులో కలిసే టపా చెట్టు వరకు దాదాపు 18 కిలోమీటర్లు పొడవునా 20కి పైగా బ్లాక్‌స్పాట్లను గుర్తించారు. బ్లాక్‌స్పాట్‌కు ఇరువైపులా వాహనాల వేగాన్ని నియంత్రించే క్రమంలో డబుల్‌ రోడ్డును కాస్త సింగిల్‌వేగా మార్చేస్తున్నారు. అందుకోసం ఖాళీ డబ్బాలు, టైర్లు, ఐరన్‌ బారికేడ్‌లను ఉపయోగించి వాటిపై రేడియమ్స్‌ స్టిక్కర్‌లు అతికించి ప్రయాణం సాగించే వాహనాలకు హెచ్చరికలు ఏర్పాటు చేశారు. ప్రధానమైన కూడళ్లు, బైపాస్‌ కేంద్రాలు, వేబ్రిడ్జిల వైపు వాహనాలు వెళ్లే ప్రాంతాలు, కాలేజీ కేంద్రాలు, జనావాసాలు ఎక్కువుగా ఉన్న ప్రాంతాల్లో ఇలాంటి ప్రమాద నివారణ చర్యలు చేపట్టంతో గతంతో పోల్చుకుంటే చాలా వరకు రోడ్డు ప్రమాదాలు నివారించగలిగినట్లు పోలీసులు విశ్వసిస్తున్నారు. కానీ అదే సమయంలో మార్కాపురం, గిద్దలూరు, నంద్యాల, కడప, కర్నూల్‌ ప్రాంతాల నుంచి ఒంగోలుకు వచ్చేవారు. అదే విధంగా ఒంగోలు నుంచి ఆయా ప్రాంతాలకు సూదూరంగా రాకపోకలు సాగించే వాహనదారులకు ఇలా కిలోమీటర్‌కు ఒకచోట ఏర్పాటు చేసిన ప్రమాద నియంత్రణ కేంద్రాలు ప్రయాణానికి ఆటంకంగా మారాయనే ఆరోపణలు కూడా వినిపిస్తున్నాయి. ఫోర్‌లైన్‌ నిర్మిస్తే గానీ ఈ సమస్యకు పరిష్కారం లభించదని, కానీ ప్రభుత్వాలు ఆ దిశగా చర్యలు చేపట్టకపోవడంపై స్థానికుల్లో అసంతృప్తి వ్యక్తం అవుతోంది. ప్రమాదాలు తగ్గుముఖం పట్టాయి:బ్లాక్‌స్పాట్‌ల వద్ద ప్రమాదాల నివారణకు చర్యలు చేపట్టడంతో చాలా వరకు ప్రమాదాలు తగ్గుముఖం పట్టాయి. మర్రిచెట్లపాలెం నుంచి టపాచెట్టు వరకు చీమకుర్తి మండల పరిధిలోని అన్ని బ్లాక్‌స్పాట్‌ల వద్ద ప్రమాదాల నివారణకు చర్యలు తీసుకున్నాం. అంతేకాకుండా రోడ్డుకు ఇరువైపులా చెట్లు, వంతెనలకు రేడియమ్‌ స్టిక్కర్లు అంటించి ప్రమాదాలు జరగకుండా చర్యలు తీసుకుంటున్నాం.–జీవీ చౌదరి, ఎస్‌ఐ, చీమకురి

ప్రభుత్వం ప్రతిష్టాత్మకంగా చేపట్టిన మిషన్‌ భగీరథ పథకంలో లోపాలు బయటపడుతున్నాయి. సింగూరు ప్రాజెక్టు నుంచి ప్రధాన పైపులైన్లకు నీటిని సరఫరాచేస్తూ ట్రయల్‌రన్‌ చేస్తుండగా.. నిత్యం ఎక్కడోచోట పైపులైన్ల జాయింట్లు, ఎయిర్‌వాల్వ్‌లు ఊడిపోతున్నాయి. మిషన్‌ భగీరథ పనులతో పాటు, లీకేజీలతో రోడ్లన్నీ ధ్వంసం అవుతున్నాయి. దీంతో ప్రజలు ఇబ్బందులు పడుతున్నారు. సాక్షి, నిజాంసాగర్‌:  మిషన్‌ భగీరథ పథకంలో భాగంగా సంగారెడ్డి జిల్లాలోని సింగూరు ప్రాజెక్టునుంచి జుక్కల్, బాన్సువాడ, ఎల్లారెడ్డి, బోధన్‌ నియోజవర్గాలకు ఇంటింటికి తాగునీటిని అందించడానికి పనులు చేపట్టారు. రెండేళ్లుగా పనులు కొనసాగుతున్నాయి. జూన్‌ నెలాఖరు నాటికి ఇంటింటికి తాగునీరందిస్తామని ముఖ్యమంత్రితో పా టు మంత్రులు పేర్కొంటున్నారు. ప్రధాన పైప్‌ౖ లెన్‌ పనులు పూర్తవడంతోపాటు బీపీటీ ట్యాం కు నిర్మాణ పనులు పూర్తికావచ్చాయి. దీంతో సింగూరు జలాశయం నుంచి ప్రధాన పైపుౖ లెన్లు, బీపీటీ ట్యాంకుల ద్వారా నీటిని సరఫరా చేస్తూ ట్రయల్‌రన్‌ చేస్తున్నారు. ఇరవై రోజుల నుంచి నిజాంసాగర్, పిట్లం, మద్నూర్, పెద్దకొడప్‌గల్, బిచ్కుంద, జుక్కల్, బాన్సువాడ, బీర్కూర్, నస్రుల్లాబాద్, వర్ని మండలాల్లో ట్రయల్‌రన్‌ నిర్వహిస్తున్నారు. కాగా నాందేడ్‌– సంగారెడ్డి, బోధన్‌– హైదరాబాద్, నిజాంసాగర్‌ –ఎల్లారెడ్డి ప్రధాన రోడ్డు మార్గాల గుండా వేసిన పైపులైన్లకు తరచూ లీకేజీలు ఏర్పడుతున్నాయి. ప్రధాన పైపులైన్ల ద్వారా మంజీరా జలాలు రోడ్లపైకి వస్తుండడంతో రాకపోకలకు అంతరాయం కలుగుతోంది.  పైపులైన్లకు లీకేజీలు మిషన్‌ భగీరథ ట్రయల్‌రన్‌ నిర్వహిస్తుండడంతో పైపులైన్ల పనుల్లో లోపాలు బట్టబయలు అవుతున్నాయి. పది రోజుల క్రితం నిజాంసాగర్‌ మండలంలోని బొగ్గుగుడిసె చౌరస్తా వద్ద ప్రధాన పైపులైన్‌ జాయింట్‌ ఊడిపోవడంతో సింగూరు జలాలు వృథా అయ్యాయి. వారం క్రి తం బాన్సువాడ మండలంలో మంత్రి పోచారం శ్రీనివాస్‌రెడ్డి చేతుల మీదుగా మిషన్‌ భగీరథ నీటికి ట్రయల్‌రన్‌ నిర్వహించారు. రాత్రి వేళ మండలంలోని తున్కిపల్లి తండా వద్ద కట్‌వాల్‌ మూసుకుపోవడంతో వేలక్యూసెక్కుల నీరు రోడ్డుపైకి వచ్చింది. ప్రధాన పైపులైన్‌ ద్వారా నీరు బయటకు రావడంతో నీటి ప్రవాహ ఉధృతికి బోధన్‌– హైదరాబాద్‌ రోడ్డు కొట్టుకుపోయింది. దీంతో అర్థరాత్రి వరకు ఎక్కడి వాహనాలు అక్కడే నిలిచిపోయాయి. సుమారు 2 గం టల పాటు ట్రాఫిక్‌ స్తంభించింది. నీటి సరఫరా ను నిలిపివేసి, కోతకు గురైన రోడ్డుకు తాత్కా లిక మరమ్మతులు చేపట్టి రాకపోకలు పునరుద్ధరించారు. నీటి ఉధృతికి సమీపంలోని ఇళ్లలోకి నీరు చేరింది. పంటపొలాలు నీట మునిగి అన్న దాతలకు నష్టం వాటిల్లింది. ఈ సంఘటనను మరువకముందే తున్కిపల్లి తండా వద్ద మరో సారి గురువారం ఉదయం పైపులైన్ల ద్వారా నీరు రోడ్డుపైకి వచ్చింది. వందల క్యూసెక్కుల నీరు పైపులైన్ల ద్వారా రోడ్డుపైకి రావడంతో తండా వాసులు, ప్రయాణికులు తీవ్ర ఇబ్బందులు ఎదుర్కొన్నారు. తండా వద్ద నిర్మిస్తున్న బీపీటీ ట్యాంకు పనులు పూర్తికాక పోవడంతో ప్రధాన పైపులైన్‌ కనెక్షన్‌ పూర్తి కాలేదు. దీంతో బాన్సువాడకు వెళ్లే ప్రధాన పైపులైన్‌ ద్వారా మంజీరా జలాలు వృథా అవుతూ, రోడ్డుపైనుం చి పారుతున్నాయి. తండా వద్ద కట్‌వాల్‌ ఆన్‌ఆఫ్‌ చేయడంతో నిర్లక్ష్యం వల్ల సింగూరు జలా లు వృథా అవుతున్నాయి. గుట్టపై నుంచి జలా లు పారడంతో మట్టి, మొరం రోడ్డుపైకి కొట్టుకు వచ్చింది. దీంతో ప్రజలు ఇబ్బందులు పడుతున్నారు. నీటి వృథాను అరికట్టడానికి అధికారులు చర్యలు తీసుకోవాలని కోరుతున్నారు.  

సాక్షి, హైదరాబాద్‌ : రోడ్డుని విస్తరించాలి.. కమ్యూనిటీ హాల్‌ నిర్మించాలి లేదంటే నగరాన్ని సుందరంగా తీర్చిదిద్దాలి.. కారణం ఏదైతేనేం మన దేశంలో వేలాది ఇళ్లునేలమట్టమవుతున్నాయి. లక్షలాదిమంది ప్రజలు రోడ్డున పడిపోతున్నారు. 2017 సంవత్సరంలోనే గంటకి ఆరు ఇళ్లు కూల్చేశారు.  ప్రతీ రోజూ 700 మంది గూడుచెదిరింది. ప్రత్యామ్నాయ మార్గాలు అన్వేషించకుండా, పునరావాసం ఏర్పాట్లు చూడకుండానే ఇదంతా చేయడంతో నిర్వాసితుల గుండె పగిలింది.  గత ఏడాది 53,700ఇళ్లను కూల్చేశారని, 2.6 లక్షల మందిని బలవంతంగా ఖాళీ చేయించారని హౌసింగ్‌ అండ్‌ల్యాండ్‌ రైట్స్‌ నెట్‌వర్క్‌ ఇండియా అనే స్వచ్ఛంద సంస్థ వెల్లడించింది. స్మార్ట్‌ జపంతో కొంప కొల్లేరు ఇప్పుడు అందరూ స్మార్ట్‌ జపమే చేస్తున్నారు. దేశంలో ప్రతీనగరాన్ని స్మార్ట్‌ సిటీ చేసేస్తామని ప్రభుత్వం ప్రకటించి గుడిసెల్ని తొలగిస్తూ ఉండడంతో నిలువ నీడ లేక రోడ్డున పడుతున్న వారి సంఖ్య ఎక్కువైపోయింది. గత ఏడాది వివిధ రాష్ట్రాల్లో గుడిసెల్ని తొలగించే కార్యక్రమాలు  213 వరకు జరిగాయి. ఇందులో నగరాల సుందరీకరణకు సంబంధించి 99, రోడ్లు, హైవేల విస్తరణ కోసం 53, ప్రకృతి విపత్తుల నిర్వహణ కోసం 16, వన్యప్రాణులు, అటవీ ప్రాంతాల సంరక్షణ పేరుతో 30 వరకు జరిగాయి. చిన్న కారణాలకూ ఇళ్ల తొలగింపు ఒకరి ఇష్టాయిష్టాలకు వ్యతిరేకంగా, కుటుంబాల గోడు వినకుండా ఇళ్లను బలవంతంగా కూల్చివేయడం మానవ హక్కుల్ని కాలరాయడమేనని ఐక్యరాజ్య సమితి చెబుతున్నా పట్టించుకునే వారు లేరు. చిన్న చిన్న కారణాలకు కూడా అన్ని నగరాల్లోనూ ఈ ఇళ్ల తొలగింపు కార్యక్రమం ముమ్మరంగా సాగుతోంది .ఢిల్లీలో ఫ్లైఓవర్ల బ్యూటిఫికేషన్‌ కోసమే 1500 ఇళ్లను తొలగించారు. కథ్‌పుట్లి అనే కాలనీలోని 2 వేల ఇళ్లను తొలగించారు. ముంబైలో టాన్సా పైప్‌లైన్‌ సమీపంలో ఉన్న 16,717 ఇళ్లనుతొలగించారు. ఇక కోల్‌కతాలో బుక్‌ ఫెయిర్‌కి వెళ్లడం కోసం రోడ్డు వేయడానికి 1200 మంది కుటుంబాలను ఖాళీ చేయించారు. ఇండోర్‌లో టాయిలెట్స్‌ లేవన్న సాకుతో 700 ఇళ్లు నేలమట్టం చేశారు. అసోంలో అభయారణ్యాలకు సమీపంలో నివాసం ఉంటున్న బోడో, రాభా, మిషింగ్‌ వంటి గిరిజన తెగలకు చెందిన వెయ్యి కుటుంబాలను బలవంతంగా ఖాళీ చేయించారు. వారి ఇళ్లను తొలగించడానికి ఏనుగుల సహకారాన్ని తీసుకున్నారు. అందరికీ ఇళ్లు హామీని నిలబెట్టుకోవడం కోసం ఉన్న ఇళ్లను తొలగించడం చర్చనీయాంశంగా మారుతోంది. 2022 నాటికి అందరికీ ఇళ్లు అన్న కేంద్ర పథకాన్ని అమలు చేయడం కోసం గత ఏడాది 6,937 ఇళ్లను కూల్చేశారు. నిరాశ్రయులైన వారిలో 60శాతం మంది తమ గూడు చెదిరిపోవడానికి ప్రభుత్వాలదే కారణమని నిందిస్తున్నారు. మొత్తానికి నగరాలు అందంగా ముస్తాబవుతూ,స్మార్ట్‌గా మారుతున్నాయో లేదో కానీ నిలువ నీడలేని వారి సంఖ్య మాత్రం పెరిగిపోతోంది. (సాక్షి నాలెడ్జ్‌ సెంటర్‌)

ఒంగోలు క్రైం: ఒంగోలు నగరానికి తూర్పు వైపున నిర్మించిన నూతన బైపాస్‌కు ఇరువైపులా ఉన్న మలుపు కూడళ్లు ప్రాణసంకటంగా మారాయి. నూతన బైపాస్‌ దక్షిణం వైపు, ఉత్తరం వైపు అప్రోచ్‌ రోడ్ల నిర్మాణ పనులు జరుగుతున్నందున వాహనదారులు, ప్రయాణికులకు తీవ్ర ఇబ్బందిగా, అసౌకర్యంగా మారింది. దీంతో అటు ఉత్తరం వైపు, ఇటు దక్షిణం వైపు తరచూ ప్రమాదాలు సంభవిస్తూనే ఉన్నాయి. ఇంత జరుగుతున్నా జాతీయ రహదారి అధికారులు మాత్రం నిమ్మకునీరెత్తినట్లు వ్యవహరిస్తున్నారు. కనీస జాగ్రత్తలు తీసుకోకుండా పనులు చేస్తుండటంతో వాహనదారులు ఇక్కట్ల పాలవుతున్నారు. నూతన బైపాస్‌ కూడళ్లలో, మలుపుల వద్ద ప్రమాద సూచికలు ఏర్పాటు చేయకపోవటంతో కార్లు, ద్విచక్ర వాహనాలు రోడ్డుపై ఉంచిన సిమెంట్‌ దిమ్మెలను ఢీకొంటున్నాయి. ఇటీవలి కాలంలో దక్షిణ బైపాస్‌లో ఐదు ప్రమాదాలు సంభవించాయి. ఇక ఉత్తర బైపాస్‌లో రోడ్డు పక్కన నడుచుకుంటూ వెళ్తున్న వ్యక్తిని గుర్తు తెలియని వాహనం ఢీకొనడంతో అక్కడికక్కడే మృతి చెందాడు. ఇప్పటికైనా రోడ్డు మార్జిన్లలో ప్రమాద సూచికలు, రేడియం స్లిక్కర్లు ఏర్పాటు చేస్తారో లేదో వేచి చూడాల్సిందే.

మధిర : నిర్మాణాల్లో నాణ్యతా లోపాలకు రోడ్లు, భవనాలశాఖ కేరాఫ్‌ అడ్రస్‌గా మారిందని ప్రజలు ఆరోపిస్తున్నారు. నియోజకవర్గ కేంద్రమైన మధిరలో ఎమ్మెల్యే క్యాంపు కార్యాలయం నిర్మించేందుకు ప్రభుత్వం కోటిరూపాయలు నిధులు మంజూరు చేసింది. అయితే దీనికి ఓ కాంట్రాక్టర్‌ దక్కించుకొని, సబ్‌ కాంట్రాక్టర్‌కు అప్పజెప్పారు. సాక్షాత్తు ఎమ్మెల్యే నివసించే భవనమే నిబంధనలకు విరుద్ధంగా, నాణ్యతాలోపాలతో నిర్మిస్తుండటం గమనార్హం. బేస్‌మెంట్‌ లెవెల్‌లో పిల్లర్స్‌కు ఇనుపచువ్వలు వంకరగా ఏర్పాటు చేశారు. ఈ విషయాన్ని ఇటీవల భవన నిర్మాణాన్ని పరిశీలించేందుకు వచ్చిన ఈఈ గమనించి సిబ్బందిని మందలించారు. అంతేకాకుండా రాడ్‌ బైండింగ్‌ సక్రమంగా లేకపోతే భవనం పటుత్వం కోల్పోతుందని చెప్పారు. సరిచేసి పిల్లర్స్‌ను నిర్మించాలని ఆదేశించినప్పటికీ ఆయన ఆదేశాలను కిందిస్థాయి సిబ్బంది పాటించడం లేదు. ఇనుపచువ్వలు వంకరగానే ఉంచి పిల్లర్‌ నిర్మించడం కొసమెరుపు. అదేవిధంగా మధిర పట్టణంలోని నాలుగులైన్ల రహదారి విస్తరణ పనుల్లో నాణ్యతా లోపాలు స్పష్టంగా కనిపిస్తున్నాయి. అంబేడ్కర్‌ సెంటర్‌ వద్ద నిబంధనలకు విరుద్ధంగా ఎక్కువ ఎత్తులో రింగు నిర్మించారు. దీనిని గమనించిన రోడ్లు భవనాలశాఖ మంత్రి తుమ్మల నాగేశ్వరరావు ఆశాఖ జిల్లా అధికారులపై ఆగ్రహం వ్యక్తం చేశారు. దీంతో నిర్మించిన రింగును పగులగొట్టారు. రూ.2.06కోట్ల నిధులతో డివైడర్, సీసీరోడ్లు, రాతికట్టుబడికి ప్రతిపాదనలు పంపగా మంజూరైన నిధులతో నాసిరకంగా నిర్మాణం చేస్తున్నారు. కోటిరూపాయల నిధులతో స్థానిక వ్యవసాయ మార్కెట్‌యార్డు నుంచి బైపాస్‌రోడ్డు, కల్వర్టు నిర్మాణం చేపట్టారు. ఖమ్మంపాడు– తొండలగోపవరం, మీనవోలు–తొండలగోపవరం గ్రామాలకు రూ.5కోట్ల నిధులతో బీటీరోడ్డు నిర్మించేందుకు నిధులు మంజూరయ్యాయి. ఇల్లూరు–ఖమ్మంపాడు గ్రామాల మధ్య రూ.15.50కోట్ల నిధులతో వైరానదిపై బ్రిడ్జి నిర్మాణ పనులు జరుగుతున్నాయి. మాటూరు గ్రామసమీపంలో రూ.96లక్షల నిధులతో కల్వర్టు నిర్మించనున్నారు. మండలంలో జరుగుతున్న కోట్లాది రూపాయల పనుల వద్ద పర్యవేక్షణ కొరవడింది. ఇదిలా ఉండగా ఆర్‌అండ్‌బీశాఖ అధికారుల పర్యవేక్షణలో మధిర మున్సిఫ్‌ మెజిస్ట్రేట్‌ కోర్టులో రూ.3.20లక్షల నిధులతో కోర్టు హాలు, న్యాయమూర్తి చాంబర్, అదనపు కోర్టు హాలు, అదనపు కోర్టు న్యాయమూర్తి చాంబర్లకు మరమ్మతులు చేపడుతున్నారు. అయితే కొద్దిరోజులకే మరమ్మతులకు గురికావడంతో ఈ విషయాన్ని మధిర కోర్టు న్యాయమూర్తి జిల్లాకోర్టు న్యాయమూర్తికి విన్నవించారు. ఈ క్రమంలో ఇటీవల జిల్లా కోర్టు న్యాయమూర్తి మధిర కోర్టులో జరిగిన పనులను పరిశీలించారు. న్యాయస్థానంలో జరిగే పనుల్లోనే నాణ్యత లోపిస్తే ఎలా అని.. ఆర్‌అండ్‌బీ అధికారులను హెచ్చరించారు. ఇలా నాణ్యతా లోపంపై స్థానిక ప్రజలు ఆగ్రహం వ్యక్తం చేస్తున్నారు. నాణ్యతాప్రమాణాల గురించి ప్రజలు ప్రశ్నిస్తే తమశాఖ మంత్రి జిల్లాకు చెందినవారేనని, తమకు ఇబ్బందులు ఉండవని ఆశాఖ అధికారులు చెబుతున్నట్లు ఆరోపణలు వినిపిస్తున్నాయి.  

గోపాల్‌పేట : రవాణా వ్యవస్థ ఉన్న గ్రామాలు అభివృద్ధిలో దూసుకెళ్తాయన్న ఉద్దేశంతో రాష్ట్ర ప్రభుత్వం ప్రతిగ్రామానికి డబుల్, సింగిల్‌ రోడ్డును ఏర్పాటు చేస్తుంది. ఇందుకు కోట్లాది రూపాయలు వెచ్చిస్తోంది. కానీ రోడ్డు ఉన్నా ఆర్టీసీ అధికారులు మాత్రం బస్సు నడపడంలేదని ఆయా గ్రామాల ప్రజలు ఆవేదన వ్యక్తం చేస్తున్నారు.  గ్రామానికి మూడు రోడ్లు ఉన్నా..  మండలంలోని చెన్నూరుకు రెండు బీటీ రోడ్లు ఉన్నప్పటికి ఆర్టీసీ బస్సు నడవ డం లేదు.  25 ఏళ్ల నుంచి విద్యార్ధులు, గ్రామస్తులకు కాలినడక తప్పడం లేదు. 2009లో చెన్నూరు–గోపాల్‌పేటకు రూ. 57.50 లక్షలతో బీటీ వేశారు. 2007 లో చెన్నూరు నుంచి తాడిపర్తికి రూ .1.38 కోట్లతో మరో బీటీ రోడ్డు వేశా రు. అదేవిధంగా గ్రామం నుంచి అనంతగిరి చెరువు కట్టపై నుంచి వనపర్తికి వెళ్లేందుకు కూడా మూడో దారి ఉంది. కనీసం ఆటోలు  వెళ్లకపోవడంతో గ్రామస్తులు ఇబ్బందులు ఎదుర్కొంటున్నారు. అదే విధంగా కేశంపేట, గొల్లపల్లి, శానాయిపల్లి, గౌరిదేవిపల్లి తదితర గ్రామాలతో పాటు కొన్ని తండాలకు రోడ్డు సౌకర్యం ఉన్నా బస్సులు వెళ్లడం లేదు.  ఈ విషయమై పలుమార్లు  ఎ మ్మెల్యే చిన్నారెడ్డి, మాజీ ఎమ్మెల్యే రావుల చంద్రశేఖర్‌రెడ్డి, ప్రణాళిక సం ఘం రాష్ట్ర ఉపాధ్యక్షుడు నిరంజన్‌రెడ్డి దృష్టికి కూడా తీసుకెళ్లినా ఫలితం లేకపోయిందని విద్యార్థులు వాపోయారు. ఆలస్యంగా వెళ్తున్నాం  మా ఊరికి ఆర్టీసీ బస్సు  నడపకపోవ డంతో రోజూ ఆలస్యంగా స్కూల్‌ వె ళ్తున్నాం. రానుపోను రోజుకు 10 కి.మీ. న డుస్తున్నాం.  8 గంటలకు ఇంటి నుంచి బ యలుదేరితే 9 గంటలకు స్కూల్‌కు చేరుకుంటాం సాయం త్రం 5 గంటలకు స్కూల్‌ వదిలితే ఇంటికి చేరే వరకు 6.30 అవుతుంది. బాగా అలిసిపోయి హోంవర్క్‌ చేసుకోలేకపోతున్నాము.     – హైమావతి, 9వ తరగతి విద్యార్థిని, చెన్నూరు   కొన్నేళ్లుగా ఎదురుచేస్తున్నాం కొన్నేళ్లుగా  మా సీనియర్లు బస్సు కోసం ఆందోళనలు చేశారు. అధికారులు, ప్రజాప్రతినిధులను అడిగారు. అయినా బస్సు రా లేదు. మేమూ అడుగుతున్నాం. ఎం దుకోసం నడపడం లేదో చెప్పడం లేదు. ముఖ్యమైన క్లాసులకు వెళ్లలేని పరిస్థితి ఉంది. ఆలస్యంగా వెళితే ఉపాధ్యాయులు మందలిస్తున్నారు. మా బాధను అర్థం చేసుకుని బస్సు నడపాలి. – శిరీష, 9వ తరగతి విద్యార్థిని, చెన్నూరు    

ఉట్నూర్‌రూరల్‌(ఖానాపూర్‌) : ఆదిలాబాద్‌  జిల్లా కేంద్రంతో పాటు జిల్లా పరిధిలోని ఆయా మండలాల్లో పశువులు రోడ్లపై, సంతల్లో సంచరిస్తుండటంతో అటు వాహనదారులు, ఇటు ప్రజలు ఇబ్బందులు పడుతున్నారు. పశువుల యజమానులు మాత్రం తమకేమి పట్టనట్లు వ్య వహరిస్తున్నట్లు  తెలుస్తోంది. జిల్లా వ్యాప్తంగా ప్రధాన రహదారిపై ఉన్న జిల్లా కేంద్రంతో పాటు మండల కేంద్రాలైన ఉట్నూర్, నేరడిగొం డ, ఇచ్చోడ, గుడిహత్నూర్, ఇంద్రవెల్లి ప్రధాన రోడ్ల గుండా పశువులు రోడ్డుపైనే సంచరిస్తుండటంతో  ప్రజలు తంటాలు పతున్నారు. ఇలా సంవత్సరాల పాటు ఇదే సమస్య ఉన్నప్పటికీ పట్టించుకునే నాథులు కరువయ్యారు. పలు ప్రాంతాల్లో  ఇరుకు వంతెనలు, వంతెనలు పగిలిపోయి, స్పీడ్‌ బ్రేకర్లు లేకపోవడంతో అనేక  ప్రమాదాలు పొంచి ఉన్నాయి. ఇంద్రవెల్లి మండలం ముత్నూర్‌ సమీపం వరకు రోడ్డు బాగానే ఉన్నప్పటికీ అక్కడి నుండి ఉట్నూర్‌ మండల కేంద్రం వరకు రోడ్డు గుంతలమయంగా మారింది. దీంతో అసలే ఇరుకురోడ్లు ఆపై కిక్కిరిసే వాహనాలు. ఇది చాలదన్నుట్లు కొన్ని పశువులు గుంపులుగా వివిధ ప్రాంతాల్లో రోడ్లపై తిష్టవేసి వాహనదారుల సహనాన్ని పరీక్షిస్తున్నాయి. పశువులను రోడ్లపైకి వదిలి యజమానులు తమను ఎవరేం చేస్తారనే చంద ంగా వ్యవహరిస్తున్నారు. రోడ్లపైకి వదలకుండా యజమానులను కట్టడి చేయాల్సిన పంచాయ తీ పట్టించుకునే పరిస్థితిలో లేదు. పశువులు మందలు మందలుగా రోడ్లపై ఉండటంతో కని పించక రాత్రివేళల్లో ప్రమాదాలు చోటు చేసుకునే ప్రమాదం నెలకొంది. ఇప్పటికైన సంబంధిత అధికారులు స్పందించి పశువులు రోడ్లపైకి రాకుండా చర్యలు చేపట్టాలని వాహన చోదకులు, స్థానికులు కోరుతున్నారు.  బంజరు దొడ్లు ఉన్నా..  గ్రామాల్లో పశువుల యజమానులు రోడ్లపై వదిలేసిన పశువులను బంజరు దొడ్లలో వేసి వారికి తగిన రుసుము విధించి వారికి అప్పచెప్పడం జరుగుతుంది. కాని ఉన్న బంజరుదొడ్లు నిరుపయోగంగా మారాయి. గతంలో రోడ్డుపై ఉన్న పశువులను బంజరు దొడ్లలో వేసి యజ మానులకు అప్పజెప్పేవారు. కాని మరల పశువులు యథావిధిగా రోడ్లపై సంచరిస్తున్నాయి. అటు పంచాయతీ అధికారులు, ఇటు పశువుల యజమానులు పట్టించుకోక పోగా పలు ప్రమాదాలు చోటుచేసుకుంటున్నాయి. రాత్రి వేళల్లో అతివేగంగా వచ్చే వాహనదారులు ఢీ కొట్టడంతో మత్యువాత పడటంతో పాటు వాహనదారులు ప్రమాదాల బారిన పడుతున్నారు. వారసంతల్లో కిక్కిరిసిన జనాల మధ్య పశువులు సంచరిస్తూ ప్రజలను ఇబ్బంది పరుస్తూ కుమ్ములాటలో జనాలు గాయాల పాలవుతున్న సంఘటనలున్నాయి. ఇంత జరిగిన పంచాయతీ అధికారులు వారసంతలో ట్యాక్సులు తీసుకుంటున్న సంతకు కావాల్సిన రక్షణ కల్పించడం లేదని పలువురు ఆరోపిస్తున్నారు. ఇప్పటికైనా రోడ్డుపై, సంతల్లో  సంచరించే పశువులను పట్టుకొని వాటి యజమానులకు అప్పగించి లేని ఎడల వేలం నిర్వహించి లేద గోశాలకు అప్పగించాలని ప్రజలు కోరుతున్నారు.  స్పీడ్‌ బ్రేకర్లు లేక ఇబ్బందులు.. జిల్లా వ్యాప్తంగా ప్రధాన రహదారికి పక్కనే కళాశాలలు, పాఠశాలలు ఉన్నాయి. వాహనాల రద్దీ పెరగడంతో  ఇబ్బందులు ఏర్పడుతున్నాయి. ఎప్పుడు ఏ ప్రమాదం జరుగుతుందో ని విద్యార్థుల తల్లి దండ్రులు భయాందోళనకు గురవుతున్నారు. ఎన్ని పనులున్న  పిల్లలను పాఠశాలలకు విడిచిపెట్టాల్సిందేనంటున్నారు. ప్ర«ధాన రహదారులపై పాఠశాలల ముందు స్పీడ్‌ బ్రేకర్లు ఏర్పాటు చేయాల్సిన అవసరం ఎంతైన ఉంది.   

సాక్షి, అమరావతి: ఆంధ్రప్రదేశ్, తెలంగాణ రాష్ట్రాలను కలిపేందుకు కేంద్ర ప్రభుత్వం అనుమతి ఇచ్చిన నాలుగు వరుసల రహదారి ప్రాజెక్టు అది. ఆంధ్రప్రదేశ్‌ రోడ్‌ డెవలప్‌మెంట్‌ కార్పొరేషన్‌ (ఏపీఆర్‌డీసీ) సవివర ప్రాజెక్టు నివేదిక (డీపీఆర్‌) రూపొందించింది. నిర్మించు–నిర్వహించు–బదలాయించు(బీవోటీ) విధానం కింద నిధులు ఇచ్చేందుకు కేంద్రం అంగీకరించింది. ఏపీఆర్‌డీసీ రూపొందించిన డీపీఆర్‌ను సైతం ఆమోదించింది. కానీ, అధికార పార్టీ ముఖ్య నేతలు మాత్రం ఒప్పుకోలేదు. అంచనా వ్యయాన్ని మూడు రెట్లు పెంచాల్సిందేనని పట్టుబడుతున్నారు. లేకుంటే టెండర్ల ప్రక్రియ జరగనివ్వబోమని తేల్చిచెబుతున్నారు. వారి బెదిరింపుల వల్ల కాంట్రాక్టర్లు ఇటువైపు కన్నెత్తి కూడా చూడడం లేదు. ఆరు నెలలు దాటుతున్నా టెండర్ల ప్రక్రియ ఇప్పటికీ ఓ కొలిక్కి రాలేదు. 51 కిలోమీటర్లు.. రూ.505 కోట్లు హైదరాబాద్‌–గుంటూరు మార్గంలో నార్కట్‌పల్లి నుంచి అద్దంకి వరకు రహదారిని గతంలోనే అభివృద్ధి చేశారు. ఈ మార్గంలో కొండమోడు–పేరేచర్ల మధ్య నాలుగు వరుసల రహదారిని ప్రభుత్వ–ప్రైవేట్‌ భాగస్వామ్యంతో నిర్మించాలని 2016లో నిర్ణయించారు. దీనిద్వారా హైదరాబాద్‌–విజయవాడ రహదారికి ప్రత్యామ్నాయంగా నాలుగు లేన్ల రోడ్డు సౌకర్యం ఏర్పడుతుంది. ప్రణాళిక, నిర్మాణం, నిర్వహణ, టోల్‌ వసూలు, బదిలీ (డీబీఎఫ్‌ఓటీ) కింద ఈ రహదారిని నిర్మించేందుకు ఏపీఆర్‌డీసీ కేంద్రం నుంచి అనుమతి పొందింది. ఏపీఆర్‌డీసీ రెండు చోట్ల హై లెవల్‌ వంతెనలతో 51 కిలోమీటర్ల మేర నాలుగు లేన్ల రహదారి నిర్మాణానికి డీపీఆర్‌ సిద్ధం చేసింది. జాతీయ రహదారుల ప్రమాణాల ప్రకారం కిలోమీటర్‌కు రూ.10 కోట్ల చొప్పున  51 కిలోమీటర్లకు రూ.505 కోట్ల వ్యయం అవుతుందని తేల్చింది. ఈ డీపీఆర్‌ను కేంద్రం ఆమోదించి అనుమతులు జారీ చేసింది. దీంతో టెండర్ల ప్రక్రియలో మొదటి అంకంగా అర్హత గల కంపెనీలు రిక్వెస్ట్‌ ఫర్‌ క్వాలిఫికేషన్‌(ఆర్‌ఎఫ్‌క్యూ) టెండర్లలో పాల్గొనాలని గతేడాది సెప్టెంబర్‌లో ప్రభుత్వం నోటిఫికేషన్‌ జారీ చేసింది. రూ.20 కోట్లు అదనంగా ఇచ్చిన ప్రభుత్వం రహదారి నిర్మాణానికి రూ.505 కోట్లు అవసరమని ఏపీఆర్‌డీసీ పేర్కొంది. రెండు హైలెవల్‌ వంతెనల నిర్మాణానికి రాష్ట్ర ప్రభుత్వం జనవరిలో రూ.20 కోట్లు అదనంగా మంజూరు చేసింది. హైదరాబాద్‌–గుంటూరు మధ్య హైలెవల్‌ బ్రిడ్జికి రూ.15 కోట్లు, సత్తెనపల్లి–అమరావతి మార్గంలో హైలెవల్‌ బ్రిడ్జికి రూ.5 కోట్లకు పరిపాలన అనుమతులు కూడా ఇచ్చింది. మూడు నియోజకవర్గాలు కొండమోడు–పేరేచర్ల మధ్య నాలుగు వరుసల రహదారిని గురజాల, సత్తెనపల్లి, పెదకూరపాడు నియోజకవర్గాల మీదుగా నిర్మించాలి. అయితే ఈ రోడ్డును నిర్మించాలంటే అంచనాలు పెంచాల్సిందేనని ఆయా నియోజకవర్గాల పరిధిలోని అధికార పార్టీ నేతలు పట్టుబడుతున్నారు. లేకుంటే పనులు జరగనిచ్చేది లేదని చెబుతుండడంతో టెండర్ల ప్రక్రియ ముందుకు సాగడం లేదు. అంచనా వ్యయాన్ని పెంచితేనే భూ సేకరణ ప్రక్రియ సాఫీగా జరగనిస్తామని హెచ్చరించడం గమనార్హం. పెంచిన అంచనా వ్యయాన్ని దోచుకోవడానికి స్కెచ్‌ వేసినట్లు తెలుస్తోంది.   నాలుగుసార్లు టెండర్లు వాయిదా అంచనా వ్యయాన్ని డీపీఆర్‌ అంచనా కంటే మూడు రెట్లు.. అంటే రూ.1,500 కోట్లకు పైగా పెంచాలని అధికార పార్టీ నేతలు బెదిరింపులకు దిగుతున్నారు. గతేడాది సెప్టెంబర్‌ నుంచి టెండర్లలో పాల్గొనాలంటూ ఆహ్వానిస్తున్నా.. కాంట్రాక్టు సంస్థలేవీ ముందుకు రావడం లేదు. ఇప్పటివరకు ఏపీఆర్‌డీసీ నాలుగుసార్లు టెండర్ల ప్రక్రియకు నోటిఫికేషన్‌ జారీ చేసింది. రిక్వెస్ట్‌ ఫర్‌ క్వాలిఫికేషన్‌ టెండర్లలో కాంట్రాక్టు సంస్థలు పాల్గొనకుండా అధికార పార్టీ నేతలు అడ్డుపడుతున్నట్లు ఆర్‌అండ్‌బీ వర్గాలు వెల్లడించాయి. చివరగా మార్చి 9న తుది గడువుగా మరో టెండర్‌ నోటిఫికేషన్‌ను ఏపీఆర్‌డీసీ జారీ చేసింది.

మూసాపేట : రోడ్డు సౌకర్యం ఉన్నప్పటి కి ఆ మూడు గ్రామాలకు బస్సు సౌకర్య ం లేకపోవడంతో ప్రజలు అవస్థలు పడుతున్నారు. రోడ్డు సౌకర్యం ఉన్న ప్రతీ గ్రామానికి ఆర్టీసీ బస్సులను నడిపిస్తా మని అధికారులు పలు సమావేశాల్లో పేర్కొంటున్నప్పటికీ మండలంలో మా త్రం అది నోచుకోవడంలేదు. దీంతో ప్ర జలు ప్రైవేట్‌ ఆటోల్లో స్థాయికి మించి ప్రయాణం చేస్తూ ప్రమాదాల భారిన పడుతున్నారు.  బస్సుల్లేక అవస్థలు  మండలంలోని నిజాలాపూర్, పోల్కంపల్లి,చక్రాపూర్,సూర్తి తండా,కనకాపూర్‌ తండాలకు బీటీ రోడ్డు సౌకర్యం ఉన్నా బస్సు సౌకర్యం లేదు. అంతేగాక, సె లవు దినం వచ్చిందంటే చక్రాపూర్‌కి వ చ్చే బస్సు సైతం బంద్‌ అవుతుంది. దీం తో ప్రజల అవస్థలు అన్నీ ఇన్నీ కావు. ని త్యం వందలాది మంది ప్రయాణికులు ఇటు జిల్లా, మండల కేంద్రాలతో పాటు, అటు నియోజకవర్గ కేంద్రమైన దేవరకద్రకు పలు పనుల నిమిత్తం రాకపోకలు సాగిస్తుంటారు. కొన్నేళ్ల కిందట ఓ బస్సు జిల్లా కేంద్రం నుంచి చక్రాపూర్, లక్ష్మీపల్లి గ్రామాల మీదుగా దేవరకద్రకు చేరుకుని అటు నుంచి తిరిగి జిల్లా కేం ద్రానికి చేరుకునేది. కానీ ప్రైవే టు వా హనాల జోరు పెరగడంతో ఆర్టీసీ బస్సు సర్వీస్‌ను రద్దు చేశారు. ఇటీవల మూడు నెలల క్రితం కొందరు గ్రామస్తుల కోరిక మేరకు బస్సు ప్రారంభమైనా.. సెలవు దినాలు వచ్చాయంటే చాలు ఆర్టీసీ వారు కూడా సెలవు తీసుకుంటారు.  ప్రైవేట్‌ వాహనాల్లో ప్రమాదకరంగా..  మండలంలోని చక్రాపూర్,సూర్తి తండా, కనకాపూర్‌ తండా తిమ్మాపూర్, పోల్కంపల్లి, తిమ్మాపూర్, తుంకినీపూర్, నిజాలాపూర్, మహ్మదుస్సేన్‌పల్లి, గ్రామాలకు కనీసం రెగ్యులర్‌గా మినీ బస్సు తిరిగేలా చూడాలని ప్రజలు కోరుతున్నారు. కానీ దాని గురించి పట్టించుకునే నాథుడే కరవయ్యాడు. దీంతో ప్రజలు ప్రైవేట్‌ ఆటోలు, జీపులలో బిక్కు బిక్కు మంటూ ప్రయాణం కొనసాగిస్తున్నారు. స్థాయికి మించి ప్రైవేట్‌ ఆటోల్లో ప్రయాణిస్తూ ప్రమాదాల భారిన పడుతున్నారు. ఎమ్మెల్యే, జిల్లా అధికారులు స్పందించి మండలంలోని ప్రతీ గ్రామంలో ఒక మినీ బస్సు సర్వీస్‌ కొనసాగేలా చర్యలు చేపట్టి ప్రజల అవస్థలు తీర్చాలని ప్రజలు కోరుతున్నారు. ప్రైవేట్‌ వాహనాలే గతి  మా గ్రామం జాతీయ రహదారికి కేవలం 4 కి.మీ దూరం ఉన్నా మండల, జిల్లా కేంద్రానికి వెళ్లాలంటే బస్సు సౌకర్యం లేక ప్రైవేటు వాహనాలను ఆశ్రయించాల్సి వస్తోంది. సెలవు దినాల్లో అయితే ఈ సమస్య మరింత తీవ్రమవుతుంది. పై అధికారులు స్పందించి బస్సు సర్వీస్‌ నిత్యం నడిచేలా చర్యలు చేపట్టాలి.  –  భగవంతు, చక్రాపూర్‌ కాలినడకన వెళ్తున్నారు..  నేను రెండవ తరగతి చదువుకుంటున్న సమయంలో గ్రామానికి బస్సు వస్తుండేది. తర్వాత ఎందుకో సర్వీస్‌ నిలిచిపోయింది. నాటి నుంచి విద్యార్థులు కాలినడకన కిలోమీటర్లు నడిచి వెళ్లి అక్కడి నుంచి బస్సుల్లో వెళ్లాల్సి వస్తుంది. అధికారులు స్పందించి గ్రామానికి బస్సు సౌకర్యం కల్పించాలి  – శ్రీకాంత్‌రెడ్డి, పోల్కంపల్లి 

అంతసేపు ఆనందంగా గడిపారు. సరిగ్గా 15 నిమిషాల్లో ఇల్లు చేరుతామనుకున్నారు.. అంతలోనే రోడ్డుప్రమాదం వారింట విషాదాన్ని నింపింది. గుడిహత్నూర్‌ సమీపంలో ఆగి ఉన్న లారీని కారు ఢీకొట్టడంతో ముగ్గురు అక్కడికక్కడే మృతి చెందారు. మరో ఇద్దరికి తీవ్ర గాయాలయ్యాయి. గుడిహత్నూర్‌(బోథ్‌) : మండల కేంద్రానికి సమీపంలో జాతీయ రహదారిపై మంగళవారం రాత్రి జరిగిన ఘోర రోడ్డు ప్రమాదం ముగ్గురి ప్రాణాలు తీసింది. పోలీసులు, మృతుడి మిత్రులు తెలిపిన ప్రకారం వివరాలు ఇలా ఉన్నాయి. నిజామాబాద్‌ జిల్లా ముప్కాల్‌కు చెందిన స య్యద్‌ అహ్మద్‌ (43) గత కొన్ని సంవత్సరాలుగా ఆదిలాబాద్‌ జిల్లా కేంద్రంలో కూరగాయల వ్యాపారం చేస్తున్నాడు. తరుచూ ముప్కాల్‌లో ఉన్న తల్లిదండ్రుల వద్దకు వచ్చి వెళ్లేవాడు. ఈ క్రమంలో మంగళవారం భార్య ఫర్హానాబేగం, కొడుకు సయ్యద్‌ ఉమర్‌ (9) కూతురు మహదియాతోపాటు డ్రైవర్‌ బిలాల్‌ (22) ఎర్టీగా వాహనంలో ముప్కాల్‌లో ఉన్న కుటుంబ సభ్యులను కలిసి తిరుగు ప్రయాణంలో నిర్మల్‌లో జరిగిన ఓ కార్యక్రమంలో పాల్గొని ఆదిలాబాద్‌కు బయలు దేరారు. మండల కేంద్రం దాటిన తర్వాత తెలంగాణ దాబా వద్ద హైవే స్పీడ్‌ ట్రాక్‌పై ఓ లారీ టైరు పగలడంతో ఆగి ఉంది. ఇది గమనించని కారు డ్రైవర్‌ లారీని రాత్రి 11 గంటల సమయంలో ఢీకొట్టాడు. ఎయిర్‌ బెలూన్లు తెరుచుకున్నప్పటికీ ముందు సీట్లో కూర్చున్న తండ్రీకొడుకులు సయ్యద్‌ అహ్మద్, సయ్యద్‌ ఉమర్, డ్రైవర్‌ బిలాల్‌ అక్కడికక్కడే మృతి చెందారు. భార్య ఫర్హానాబేగం, కూతురు మహదియాకు తీవ్రగాయాలయ్యాయి. పెద్ద శబ్దం రావడంతో వెంటనే అక్కడికి చేరుకున్న స్థానికులు పోలీసులు, అంబులెన్సుకు సమాచారం అందించి క్షతగాత్రులను రిమ్స్‌కు తరలించారు. మరో 15 నిమిషాల్లో ఇంటికి చేరాల్సిన ఓ కుటుంబం ప్రమాదానికి గురికావడం వీరిలో తండ్రీకొడుకులు చనిపోవడం..మృతుడి భార్య, కూతురు తీవ్రంగా గాయపడడంతో సన్నిహితులు, కుటుంబసభ్యులు కంటతడి పెట్టారు. కేసు నమోదు చేసి దర్యాప్తు చేస్తున్నట్లు ఎస్సై ఎ.కిరణ్‌కుమార్‌ తెలిపారు. నిర్లక్ష్యమే నిండు ప్రాణాలు తీసింది హైవేపై నిరంతర పర్యవేక్షణ చేయాల్సిన హైవే పెట్రోలింగ్‌తోపాటు సదరు హైవే నిర్వహణ సంస్థ నిర్లక్ష్యమే ఈ ప్రమాదానికి కారణమైంది. లారీ టైరు పేలి మరమ్మతు కోసం గంటల తరబడి హైవే స్పీడ్‌ ట్రాక్‌పై నిలిచి ఉంది. వెంటనే ప్రమాద సూచికలు ఏర్పాటు చేయడంలో ఆయా అధికారులు నిర్లక్ష్యం వహించారు. దీంతో పాటులారీ డ్రైవర్‌ కనీసం ఇండికేటర్లు, ఇతరాత్ర ప్రమాద సూచికలు ఏర్పాటు చేయకపోవడంతో లారీ చీకట్లో కనిపించలేదు. కారు డ్రైవరు సైతం అతివేగంగా ఉండడంతో ప్రమాదం జరిగింది. ఈ ప్రమాదం కంటే ముందే పలువురు లారీ చీకట్లో కనిపించక వాహనాన్ని అదుపు చేసుకొని ప్రమాదం నుంచి తప్పించుకున్నట్లు తెలిసింది. ఇరువురి నిర్లక్ష్యం మూడు ప్రాణాలను తీసింది.

సాక్షి, అమరావతి బ్యూరో: జిల్లాలోని గ్రామీణ ప్రాంతాల్లో  ఆర్‌ఎన్‌బీ రోడ్లు ఛిద్రం అయ్యాయి. తారు రోడ్లులో  కంకర తేలి మోకాలి లోతు గుంతలు పడ్డాయి. కొన్ని ప్రాంతాల్లో   మట్టి రోడ్లను తలపిస్తున్నాయి ఆ రోడ్లలో ప్రయాణం అంటే నరకయాతన అనుభవిస్తున్నారు. ప్రధానంగా వినుకొండ, పెదకూరపాడు, వేమూరు, మాచర్ల, గురజాల ప్రాంతాల్లో ఆర్‌ఎన్‌బీ రోడ్లు ఆధ్వానంగా ఉన్నాయి. గతంలో చేసిన పనులకు బిల్లులు రాకపోవటంతో, తాజాగా ఆర్‌ఎన్‌బీలో పనులు చేసేందుకు అధికారులు ముందుకు రావటం లేదు. దీంతో అధికారులు కనీసం మెయిన్‌ టెయిన్స్‌ కింద గుంతలను పూడ్చలేని దుస్థితిలో అధికారులున్నారు. పెదకూరపాడు నియోజక వర్గంలో రోడ్లలో ప్రయాణం అంటే  ప్రజలు హడలి  పోతున్నారు. ఈపూరు–ముప్పాళ్ల రహదారిలో 8 కిలోమీటర్ల ప్రయాణం చేయాలంటే, గంటకు పైగా సమయం పడుతోందంటే ఆ రోడ్ల దుస్థితిని ఆర్థం చేసుకోవచ్చు. ఇలా జిల్లాలో గ్రామీణ ప్రాంతాల్లో పలు రోడ్లు దెబ్బతినడంతో, ప్రజలు తీవ్ర ఇబ్బందులు పడుతున్నారు. మరమ్మతులు చేయాలని ప్రజలు అధికారులకు విన్న విస్తున్నా, నిధుల సమస్యతో చేతులేత్తేస్తున్నారు. మరీ అధ్వానం ఈ రోడ్లు... జిల్లాలో ప్రధానంగా గ్రామీణ ప్రాంతాల్లో ఆర్‌ఎన్‌బీ పరిధిలోని రోడ్లు ఆధ్వానంగా ఉన్నాయి. వినుకొండ నియోజక వర్గంలో ఈపూరు–ముప్పాళ్ల, ముప్పాళ్ల బోగ్గరం, ఇనిమెళ్ల తో పాటు బొల్లాపల్లి మండలంలో సైతం రోడ్లు చితికి పోయాయి. పెదకూరపాడు నియోజక వర్గంలో అచ్చంపేట మండలం నుంచి క్రోసూరు. కస్తల, దొడ్ల వేరు–బెల్లంకొండ, అమరావతి–క్రోసూరు రోడ్లు  మోకాలి లోతు గుంతలు పడటం, ఆ ప్రాంతంలో ఇసుక లారీలు సైతం తిరుగతుండటంతో  ప్రయాణికులు తీవ్ర ఇబ్బందులు పడుతున్నారు. వేమూరు నియోజక వర్గంలో జంపని–బూత్‌ మల్లి, వేమూరు–చంపాడుకు వెళ్లే రహదారులు కంకర తేలి,  మట్టి రోడ్లను తలపిస్తున్నాయి. జిల్లాలో పలు ప్రాంతాల్లో రోడ్లు దెబ్బ తినడంతో ప్రజలు తీవ్ర అవస్థలు  పడుతున్నారు. నిధులు ఇవ్వకుండా..సీఎం హెచ్చరికలు గత ఏడాదిగా ఆర్‌ఎన్‌బీలో చేసిన పనులకు బిల్లులు మంజూరు కాక పోవడంతో కాంట్రాక్టర్లు, ఆర్‌ఎన్‌బీ కార్యాలయం చుట్టూ తిరుగుతున్నారు. గత ఏడాది పుష్కరాలలో చేసిన పనులకు ఇంకా బిల్లులు పెండింగ్‌ ఉన్నట్లు సమాచారం. ఇది ఇలా ఉంటే గత నెలలో సీఎం నివాసం ఉండవల్లిలో కలెక్టర్ల సమావేశం జరిగింది. ఆ సందర్భంగా  ముఖ్యమంత్రి  ఆర్‌ఎన్‌బీ శాఖ పనితీరుపై తీవ్ర అగ్రహం వ్యక్తం చేశారు.   గ్రామీణ ప్రాంతాల్లో ఆర్‌ఎన్‌బీ రోడ్లలను తనిఖీ చేస్తానని, గుంతలు కనిపిస్తే, అందుకు బాధ్యులైన అధికారులపై చర్యలు తీసుకుంటామని హెచ్చరికలు జారీ చేస్తున్నారు. సీఎం ఏడాదిగా నిధులు కేటాయించకుండా, రోడ్లలో గుంతలు ఉంటే అధికారులను సస్పెండ్‌ చేస్తామన్నమాటలకు అధికారులు విస్తుపోతున్నారు. నిధులు కేటాయించకుండా తప్పును తమపై నెట్టేసేందుకు ముఖ్యమంత్రి ప్రయత్నిస్తున్నారని, ఇది ఎంత వరకు సబబు అని ఆర్‌ఎన్‌బీ అధికారులలోనే చర్చ సాగడం గమనార్హం.

చౌటుప్పల్‌ (మునుగోడు) : రోడ్డు ప్రమాదంలో ఓ వ్యక్తి దుర్మరణం చెందాడు. ఈ ఘటన మండలంలోని ధర్మోజిగూడెం గ్రామ స్టేజి వద్ద 65వ నెంబర్‌ జాతీయ రహదారిపై శుక్రవారం చోటు చేసుకుంది. స్థానికులు తెలిపిన వివరాల ప్రకారం మండలంలోని జైకేసారం గ్రామానికి చెందిన జోగు రవి (22)లారీ డ్రైవర్‌గా పనిచేస్తున్నాడు. లారీని ధర్మోజిగూడెం స్టేజి వద్ద ఉన్న టైర్ల పంచర్‌ దుకాణం వద్ద నిలిపాడు. అనంతరం ద్విచక్రవాహనంపై ఇంటికి వెళ్లేందుకు రోడ్డు క్రాస్‌ చేస్తుండగా హైదరాబాద్‌ వైపు వెళ్తున్న ఆటో వేగంగా వచ్చి ఢీకొట్టింది. తీవ్రంగా గాయపడిన రవి అక్కడికక్కడే మృతిచెందాడు. మృతదేహాన్ని పోస్టుమార్టం నిమిత్తం స్థానిక ప్రభుత్వ ఆస్పత్రికి తరలించారు. పోలీసులు కేసు నమోదు చేసుకొని ధర్యాప్తు చేస్తున్నారు. 

కొత్తపల్లి : మండలంలోని ఆసిఫ్‌నగర్‌లోగల ప్రధాన రహదారి ప్రమాదకరంగా తయారైంది. రోడ్లపైనే మురికి నీరు ప్రవహిస్తుండటంతో పాటు జానెడు లోతు గుంతలతో ప్రయాణం ప్రాణసంకటంగా మారింది. తరచూ ప్రమాదాలు జరుగుతున్నా అధికారులు మాత్రం మరమ్మతులు చేపట్టడంలేదన్న విమర్శలు వెల్లువెత్తుతున్నాయి. ఇసుక, గ్రానైట్, మొరం వంటి ఖనిజ సంపదకు నిలయమైన ఆసిఫ్‌నగర్, ఖాజీపూర్, ఎలగందుల పారిశ్రామిక ప్రాంత గ్రామాల నుంచి వేలాది వాహనాలు ఇతర ప్రాంతాలకు వెళ్తుంటాయి. డ్రెయినేజీ వ్యవస్థలేక గ్రానైట్‌ పరిశ్రమలు, ఇండ్లలోని మురికి నీరంతా రోడ్డుపైకి వస్తోంది. ఈ రోడ్డును చూసిన ప్రయాణికులు భయాందోళనలు వ్యక్తం చేస్తూ ప్రభుత్వ తీరుపై మండిపడుతున్నారు. అధికారులు స్పందించి మరమ్మతులు చేపట్టి మురికి నీటి కాలువలు నిర్మించాలని స్థానికులు విజ్ఞప్తి చేస్తున్నారు.

బోనకల్‌ : రహదారి మార్గంలేక ఆళ్లపాడు, నారాయణపురం గ్రామాల ప్రజలు తీవ్ర ఇబ్బందులు పడుతున్నారు. రోడ్డు నిర్మాణానికి నిధులు మంజూరు చేయాలని ప్రజాప్రతినిధులను వేడుకున్నారు. గత కాంగ్రెస్‌ ప్రభుత్వ హాయాంలో 2012లో ఆళ్లపాడు నుంచి నారాయణపురం రహదారికి బీటీ రోడ్డు వేసేందుకు రూ.2.13కోట్ల నిధులను మంజూరు చేశారు. నాటి డిప్యూటీ æస్పీకర్‌ మల్లుభట్టి విక్రమార్క రోడ్డు పనులకు శంకుస్థాపన కూడా చేశారు. స్థానికులు మంచిరోజులు వచ్చినట్లే అనుకున్నారు. కానీ ఆ మంచిరోజులు ఎంతకీ రావడం లేదు. పనులు దక్కించుకున్న కాంట్రాక్టర్‌ రోడ్డు నిర్లక్ష్యం ప్రజలకు శాపంగా మారింది. రోడ్డుకు రెండు లేయర్ల కంకర, డస్ట్‌ మిశ్రమాన్ని వేసి రోలింగ్‌ చేసిన తరువాత బీటీ వేయాల్సి ఉంది. అంతేకాకుండా ఈ మార్గంలో వాగుపై వంతెన కూడా నిర్మించాల్సి ఉంది. సదరు కాంట్రాక్టర్‌ రోడ్డుపై ఒక లేయరు కంకర పరచి వదిలేశాడు. వాగుపై బ్రిడ్జి నిర్మించేందుకు పిల్లర్లు వేసి అసంపూర్తిగానే వదిలేశాడు. దీంతో నిత్యం  ఈ రహదారిలో రాకపోకలు సాగిస్తున్న రైతులు నానా అవస్థలు పడుతున్నారు. పశువులు వాగువద్ద వం తెన కోసం నిర్మించిన ఇనుపచువ్వలకు తగిలి గాయాలపాలవుతున్నాయి. రోడ్డు నిర్మాణపు పనులను అధికారులు పట్టించుకోకపోవడంతో కాంట్రాక్టర్‌కు అ«ధికారుల మధ్య వివాదం చోటుచేసుకుంది. దీంతో కాంట్రాక్టర్‌ రోడ్డు పనులు చేసినా.. అధికారులు బిల్లులు ఇవ్వలేదని న్యాయస్థానాన్ని ఆశ్రయించాడు. ప్రజాప్రతినిధులకు సమస్య వివరించినా... పట్టించుకోకపోవడంతో కోట్లాది రూపాయల ప్రజాధనం వృథా అయ్యేఅవకాశం ఉందని రోడ్డు పనులు ఇప్పట్లో అయ్యేపనికాదని స్థానికులు ఆవేదన వ్యక్తం చేస్తున్నారు.   సగంసగం పనులతో ఇబ్బంది పడుతున్నాం...  అసంపూర్తి రోడ్డు నిర్మాణం వలన తీవ్ర ఇబ్బందులు పడుతున్నాం. కాంట్రాక్టర్‌ రోడ్డు  నిర్మాణం పనులను   మధ్యలో వదిలేసిండు. రెండు గ్రామాల రైతులు పంటలను ఇంటికి తెచ్చుకునేందుకు అష్టకష్టాలు పడుతున్నాం. అధికారులు  పట్టించుకోవడంలేదు. పైఅ«ధికారులు స్పందించి రోడ్డు నిర్మాణపు పనులు పూర్తి చేయాలి. – వేల్పుల ఆనందరావు, సర్పంచ్‌ ఆళ్లపాడు  అధికారులు చర్యలు తీసుకోవాలి...  రోడ్డులను వెంటనే పూర్తిఅయ్యేలా సంబంధిత అ«ధికారులు చర్యలు తీసుకోవాలి. కంకర తేలి ప్రజలు ఇబ్బందులు పడుతున్నారు. వర్షాకాలంలో వాగు పొంగి ప్రమాదాలు జరిగిన సంఘ టనలు ఉన్నాయి. పోలీసు శాఖ సహకారంతో గ్రావెల్‌ పోయించాము. ముళ్లకంచెను తొలగించాము. అధికారులు మాత్రం పట్టించుకోవడం లేదు.   – మరీదు బరకయ్య, సామాజిక కార్యకర్త  

సాక్షి ప్రతినిధి, కర్నూలు:  అధికార పార్టీ నేతల్లో టెండర్ల రగడ నడుస్తోంది. ఫలానా పని తామే చేయాలంటూ పోటీ పడుతున్నారు. కర్నూలులోని నంద్యాల చెక్‌పోస్టు నుంచి సఫా కాలేజీ వరకు రోడ్డు విస్తరణ, అభివృద్ధి పనుల కోసం అధికార పార్టీకి చెందిన ముగ్గురు నేతలతో పాటు మిత్రపక్ష బీజేపీ నేత మధ్య పోటీ మొదలయ్యింది. వీరిని రింగు చేసి ఒక్కరికే అప్పగించేందుకు కూడా కసరత్తు ప్రారంభించారు. అయితే, ససేమిరా అంటుండటంతో రింగు అయ్యే వరకూ ఏకంగా టెండర్ల గడువును పదే పదే పొడిగిస్తున్నారు. ఇప్పటికే రెండుసార్లు పొడిగించారు. ఈ నేతల మధ్య రింగు చేసేందుకు రోడ్లు, భవనాల శాఖకు చెందిన ఒక అధికారే ప్రయత్నిస్తున్నట్టు తెలుస్తోంది. కేవలం ఒక్కరే పోటీలో ఉండి అధిక ధరకు టెండర్‌ దక్కించుకునేందుకు పథక రచన చేస్తున్నట్టు సమాచారం. గతంలో జాతీయ రహదారి–40గా ఉన్న సఫా కాలేజీ నుంచి నంద్యాల చెక్‌పోస్టు వరకూ (350/5 నుంచి 356/5 కిలోమీటర్లు) రోడ్డు విస్తరణ పనుల కోసం రూ.17 కోట్ల అంచనా వ్యయంతో టెండర్లు పిలిచారు. గత నెల 4న పిలిచిన టెండర్ల గడువు 24వ తేదీన ముగియాల్సి ఉంది. అయితే, ఒకసారి జనవరి 31 వరకు, తాజాగా ఫిబ్రవరి 15వ తేదీ వరకూ పొడిగించారు. నలుగురూ నలుగురే! ఈ రోడ్డు పనులు అటు పాణ్యం, ఇటు కర్నూలు నియోజకవర్గాల పరిధిలోకి వస్తాయి. దీంతో ఈ రెండు నియోజకవర్గాలకు చెందిన అధికారపార్టీ నేతల మధ్య పోటీ మొదలయ్యింది. దీంతో పాటు రోడ్లు, భవనాల శాఖ పనులన్నింటినీ చేపడుతున్న మరో అధికార పార్టీ ఎమ్మెల్యే కూడా పోటీకి దిగడంతో నాలుగు స్తంభాలాట మొదలయ్యింది. అధికార పార్టీకి చెందిన మాజీ మంత్రి తన సంస్థ ద్వారా టెండర్‌లో పాల్గొంటానంటుండగా.... అదే పార్టీకి చెందిన ఇద్దరు ఎమ్మెల్యేలు రింగుగా మారి వారి సంస్థ తరఫున పోటీ పడాలనుకుంటున్నారు. ఇక మిత్రపక్షానికి చెందిన నేత కూడా బరిలో ఉంటానని స్పష్టం చేస్తున్నారు. ఈ నేపథ్యంలో ఎవరి మాట వినాలో అధికారులకు అర్థం కావడం లేదు. దీంతో పదే పదే టెండర్‌ గడువును పొడిగిస్తున్నట్టు తెలుస్తోంది.  రింగు చేసేందుకు రంగంలోకి.. నలుగురు నేతల మధ్య ఏకాభిప్రాయం కుదరకపోవడంతో స్వయంగా ఒక అధికారి రంగంలోకి దిగినట్టు సమాచారం. టెండర్‌ ధర కంటే 5 శాతం అధిక ధరకు పనులు దక్కించుకుని.. పర్సెంటేజీలు పంచుకునేలా ప్రణాళిక రచిస్తున్నట్టు తెలుస్తోంది. పనులను మాత్రం ఇద్దరు ఎమ్మెల్యేలు రింగుగా ఏర్పడిన సంస్థకే కట్టబెట్టనున్నట్లు తెలుస్తోంది. వీరి మధ్య ఏకాభిప్రాయం వచ్చి..పర్సెంటేజీల వ్యవహారం తేలిన తర్వాతే టెండర్‌ తెరిచే అవకాశం ఉన్నట్టు ప్రచారం సాగుతోంది.

బల్మూర్‌ : కాంట్రాక్టర్ల కక్కుర్తి, అధికారుల అలసత్వంతో రోడ్ల పనుల్లో నాణ్యత కొరవడింది. మండలంలోని పంచాయతీ రాజ్‌ నిధులతో అనంతవరం నుంచి అంబగిరి, లక్ష్మీపల్లి, బిల్లకల్, వెంకటగిరి, బాణాల, రామాజిపల్లి, జిన్‌కుంట, గ్రామాలకు ఐదేళ్ల క్రితం బీటీ రోడ్లు వేశారు. రెండేళ్ల నుంచి ఆ రోడ్లపై కంకర తేలి గతుకులమయంగా మారాయి. దీంతో వాహనదారులు గమ్యం చేరాలంటే నరకయాతన అనుభవిస్తున్నారు.   పనుల్లో నాణ్యాత లోపం బీటీ రోడ్డు పనులు చేసే సమయంలో సరైన నాణ్యత ప్రమాణాలు æపాటించక పోవడం, అధికారుల పర్యవేక్షణ లేక పోవడంతో ఇష్టానుసారంగా పనులను చేసి బిల్లులు దండు కొంటుండటంతో కొద్ది కాలనికే రోడ్లు మరమ్మతుకు చేరుకుంటున్నాయని ప్రజలు విమర్శిస్తున్నారు. ఐదేళ్లు పూర్తయినా కూడా ఈరోడ్లపై రెన్యూవల్‌ కోట్‌ పనులు చేయాల్సి ఉన్నా నిధులు మంజూరులో జాప్యం చేస్తున్నారని విచారం వ్యక్తం చేస్తున్నారు. గతుకుల మయంగా మారి న ఈ రోడ్లకు నిధులు మం జూరు చేసి పనులు ప్రారంభిం చాలని కోరుతున్నారు. రాకపోకలకు ఇబ్బందులు మా గ్రామానికి ఐదేళ్ల క్రితం వేసిన బీటీ రోడ్లు అప్పుడే కంకర తేలి గుంతల మయంగా మారాయి. రెండేళ్లుగా ఈ రోడ్డుపై ద్విచక్ర వాహనదారులు కూడా తిరగడానికి ఇబ్బందులు పడుతున్నారు. కాంట్రాక్టర్‌ నాసిరకంగా పనులు చేయడంతోనే రోడ్డు ఈ పరిస్థితికి చేరింది. అధికారులు, ప్రజాప్రతినిధులు పట్టించుకోవడం లేదు. రెన్యూవల్‌ కోట్‌ ప నులకు నిధులు మంజూరు చేసి మరమ్మతులు చేపట్టాలి.     – వి.శ్రీనివాసులు, అంబగిరి, బల్మూర్‌ రెన్యూవల్‌ పనులకు నివేదిక పంపాం మండలంలోని అంబగిరి, బాణాల, లక్ష్మీపల్లి, రామాజిపల్లి తదితర రోడ్లపై రెన్యూవల్‌ కోట్‌ బీటీ పనులకు రూ.3కోట్ల50లక్షలతో ప్రతిపాదనలు పంపించాం. త్వరలో నిధులు మంజూరయ్యే అవకాశం ఉంది. నిధులు మంజూరైన వెంటనే జాప్యం లేకుండా పనులు పూర్తి చేయిస్తాం.         – జీజే రాబర్ట్, పీఆర్‌ ఏఈ, బల్మూర్‌ 

శాఖల మధ్య సమన్వయలోపం.. ప్రజలను పరుగులు పెట్టించింది.. రోడ్డు విస్తరణ పనుల్లో భాగంగా టిప్పరు విద్యుత్‌ స్తంభాన్ని ఢీకొట్టింది. విద్యుత్‌తీగలు తెగిపడ్డాయి. జనం భయాందోళనకు గురయ్యారు. పెనమలూరు:  విజయవాడ– మచిలీపట్నం జాతీయ రహదారి(బందరు రోడ్డు)పై విద్యుత్‌ తీగలు ఆదివారం తెగిపడ్డాయి. తాడిగడప సెంటర్‌ సమీపంలో బందరు రోడ్డు విస్తరణ పనులు చేపట్టారు. రోడ్డు పనులకు వచ్చిన టిప్పర్‌ డ్రైవర్‌ టిప్పర్‌ వెనుక భాగాన్ని పైకి ఎత్తాడు. అయితే అతడిపైన ఉన్న విద్యుత్‌ తీగలు చూసుకోకుండా నిర్లక్ష్యంగా వ్యవహరించటంతో టిçప్పర్‌ విద్యుత్‌ తీగలకు తగిలింది. దీంతో మంటలు వచ్చి విద్యుత్‌ తీగులు తెగి బందరు రోడ్డుపై పడ్డాయి. ఆ సమయంలో రోడ్డుపై ట్రాఫిక్‌ ఉండటంతో ప్రాణభయంతో జనాలు ఉరుకులు.. పరుగులు తీశారు. తెగిన విద్యుత్‌ తీగలు బస్సు పక్కనే పడ్డాయి.  రోడ్డు విస్తరణ పనుల్లో నిర్లక్ష్యం బందరు రోడ్డు విస్తరణ పనులు చాలా నిర్లక్ష్యంగా చేస్తున్నారు. పనులు నిదానంగా చేయటం, ట్రాఫిక్‌ను దృష్టిలో ఉంచుకుని భద్రతా ప్రమాణాలు పాటించక పోవటం వలన ప్రమాదాలు పొంచి ఉన్నాయి. ట్రాఫిక్‌ సమస్యలు అధికారులు పట్టించుకోక పోవటంతో రోజు బందరు రోడ్డుపై ట్రాఫిక్‌ అంతరాయం ఏర్పాడుతోంది. బందరు రోడ్డు విస్తరణ పనులు అధికారులు ఎప్పటికప్పుడు పర్యవేక్షించాలని ప్రజలు               కోరుతున్నారు.

సాక్షి, హైదరాబాద్‌: రాష్ట్రంలోని 535 హ్యా బిటేషన్ల పరిధిలో 1,230 కి.మీ. రహదారుల నిర్మాణానికి ప్రధానమంత్రి గ్రామీణసడక్‌ యోజన కింద రూ.800 కోట్లు విడుదల చేయాలని కేంద్ర గ్రామీణా భివృద్ధి మంత్రి నరేంద్రసింగ్‌ తోమర్‌ను రాష్ట్ర మంత్రి జూపల్లి కృష్ణారావు కోరారు.   జాతీయ గ్రామీణాభివృద్ధి సంస్థలో తోమర్‌ను గురువారం కలిశారు. పంచాయతీల మాదిరిగా మండల, జిల్లా పరిషత్‌లకు నిధులు మంజూరు చేయాలన్నారు.   

సాక్షి, నిజామాబాద్‌: నిజామాబాద్‌లో అండర్‌ గ్రౌండ్‌ డ్రైనేజ్‌ పనులు జరుగుతున్నాయి. దీంతో ఎక్కడ చూసినా రోడ్లు గుంతలు పడి ప్రజలు తీవ్ర ఇబ్బందులు పడుతున్నారు. ఇదే అంశంపై బుధవారం నిజామాబాద్‌ అర్బన్‌ ఎమ్మల్యే గణేష్‌ గుప్తా స్పందించారు. పనుల కారణంగా రోడ్లు పాడయ్యాయని.. దీంతో జనం ఇబ్బంది పడుతున్న మాట వాస్తవమేనని ఆయన తెలిపారు. అయితే ఎంత ఇబ్బంది ఉన్నా తమకు సహకరిస్తున్నందుకు నగర ప్రజలకు రుణపడి ఉంటానన్నారు. జూన్‌ లోపు అన్ని పనులు పూర్తవవుతాయన్నారు. గతంలో ఎప్పుడు లేని విధంగా రూ. 800 కోట్లతో నిజామాబాద్‌ నగరాన్ని అభివృద్ధి చేస్తున్నామని తెలిపారు. యూజీడీ పనుల కారణంగా గత నాయకులు అబాసుపాలయ్యారని ఈ సందర్భంగా ఆయన గుర్తు చేశారు. పనులన్నీ పూర్తై  తాము చేసిన అభివృద్ధి ప్రజలకు నచ్చితే ఓట్లు వేస్తారని గణేష్‌ వ్యాఖ్యానించారు.  

తూర్పుగోదావరి, కాకినాడ: ప్రభుత్వం నిర్మించిన రహదారిని ప్రైవేటు సైన్యంతో దౌర్జన్యంగా ధ్వంసం చేసి ప్రజలను భయబ్రాంతులకు గురిచేస్తున్నా అధికార యంత్రాంగం స్పందించకపోవడం దారుణమని వైఎస్సార్‌ సీపీ కాకినాడ పార్లమెంట్‌ జిల్లా అధ్యక్షుడు, మాజీ ఎమ్మెల్యే కురసాల కన్నబాబు పేర్కొన్నారు. ఎమ్మెల్యే వనమాడి కొండబాబు సోదరుడు, ఆయన కుమారుడితోపాటు కొంతమంది వ్యక్తులు బహిరంగంగా పంచాయతీ నిధులతో నిర్మించిన రహదారిని ధ్వంసం చేసిన తీరు చూస్తుంటే ఇక్కడ ప్రభుత్వ పాలన నడుస్తుందో, ప్రైవేటు పాలన నడుస్తుందో అర్థం కాని పరిస్థితి నెలకొందని మండిపడ్డారు. సోమవారం సాయంత్రం కాకినాడ మహాలక్ష్మినగర ప్రాంతాన్ని కన్నబాబు, పార్టీ నేతలు సందర్శించారు. రెండు రోజుల క్రితం జరిగిన సంఘటన వివరాలను అడిగి తెలుసుకున్నారు. ఆ ప్రాంతంలోని భూమిని, ధ్వంసం చేసిన రహదారిని పరిశీలించారు. అనంతరం కన్నబాబు విలేకర్లతో మాట్లాడుతూ కనుచూపు మేరలోని సముద్రం వరకు ఉన్న భూమి అంతా తనదేనంటూ టీడీపీ ఎమ్మెల్యే బహిరంగంగా కబ్జాకు ప్రయత్నిస్తున్నా సంబంధిత రెవెన్యూ యంత్రాంగం నిమ్మకు నీరెత్తినట్టు వ్యవహరిస్తోందని మండిపడ్డారు. ఆక్రమణలో భాగంగా అడ్డువచ్చిన పేదల ఇళ్లను, రోడ్లను తొలగించేందుకు సైతం టీడీపీ నేతలు బరితెగిస్తున్నారని మండిపడుతున్నారు. ప్రభుత్వభూమికి తప్పుడు రికార్డులు సృష్టించి కైంకర్యం చేసేందుకు కొండబాబు, ఆయన బంధువులు చేస్తున్న యత్నాలను తక్షణమే రెవెన్యూ యాంత్రాంగం అడ్డుకోవాలని కన్నబాబు డిమాండ్‌ చేశారు. ప్రభుత్వ ధనంతో నిర్మించిన రహదారిని ధ్వంసం చేసినా సరైన స్పందన లేకపోవడం అత్యంత దారుణమన్నారు. ఎమ్మెల్యే సోదరుడు వనమాడి సత్యనారాయణ, ఆయన కుమారుడు వనమాడి ఉమాశంకర్‌లపై మొక్కుబడిగా కేసునమోదు చేసి బెయిల్‌బుల్‌ సెక్షన్లు వేశారని, ఇలాగైతే ఇక ప్రభుత్వ ఆస్తులకు రక్షణ ఎక్కడ ఉంటుందని కన్నబాబు ప్రశ్నించారు. ఈ అంశంపై జిల్లా కలెక్టర్‌ ప్రత్యేక చొరవ తీసుకుని ఆస్తులను కాపాడాలని డిమాండ్‌ చేశారు. తాను ఎమ్మెల్యేగా ఉన్న సమయంలో ఈ ప్రాంతంలో ఇందిరమ్మ పథకంలో పలు అభివృద్ధి పనులు చేపట్టామని, అది ప్రైవేటు భూమి అయితే అప్పుడే ఎందుకు అభ్యంతరం చెప్పలేదని కన్నబాబు నిలదీశారు.  ఈ విషయంలో ఎలాంటి అన్యాయం జరిగినా, అధికారులు ఏకపక్షంగా వ్యవహరించినా ప్రజల ఆస్తుల పరిరక్షణ కోసం వైఎస్సార్‌సీపీ తరఫున గట్టిగా పోరాడతామని కన్నబాబు పేర్కొన్నారు. కొద్దిరోజుల క్రితం తారకరామానగర్‌ ప్రాంతంలో మూడు ఎకరాల భూమి విషయంలో ఎమ్మెల్యే అనుచరులు దౌర్జన్యంగా వ్యవహరించి ఖాళీ చేయించేందుకు ప్రయత్నించారన్నారు. కన్నబాబు వెంట వైఎస్సార్‌సీపీ రాష్ట్ర ప్రచార కార్యదర్శి రావూరి వెంకటేశ్వరరావు, మాజీ సర్పంచ్‌ బలగం ప్రసన్నకుమార్, పార్టీ నాయకులు కర్ణాసుల సీతారామాంజనేయులు, సరబాబు, శివబుజ్జి, గోపిశెట్టిబాబి, ముమ్మిడి శ్రీను, పైడియ్య తదితరులు ఉన్నారు.

వాషింగ్టన్‌: భారత్‌లో వేయని రోడ్లను నిర్మించినట్లు బిల్లులు చూపించి వేల కోట్ల రూపాయల ప్రజాధనాన్ని దోచేశారు. ఇందుకు స్థానిక రాజకీయ నేతలు, వారి బంధువులు, అవినీతి పరులు కుమ్మక్కై ప్రజాధనాన్ని దిగమింగేశారు. ప్రధాన మంత్రి గ్రామీణ సడక్‌ యోజన(పీఎంజీఎస్‌వై)లో లొసుగుల ఆసరాగా స్థానిక ప్రజాపతినిధులు ఇష్టారాజ్యంగా వ్యవహరించి భారీ అవినీతికి పాల్పడ్డారు. విస్తుగొలిపే ఈ అంశాలన్నీ అమెరికాలోని ప్రిన్స్‌టన్‌ వర్సిటీ, ఫ్రాన్స్‌లోని పారిస్‌ స్కూల్‌ ఆఫ్‌ ఎకనామిక్స్‌కు చెందిన పరిశోధకులు చేసిన తాజా అధ్యయనంలో వెల్లడయ్యాయి. గ్రామీణ ప్రాంతాలను బాహ్య ప్రపంచానికి అనుసంధానిస్తూ చేపట్టే రహదారి నిర్మాణాల్లో భారీ అవినీతి జరుగుతోందని అధ్యయనంలో తేలింది. రాజకీయనేతల కనుసన్నల్లోనే మారుమూల ప్రాంతాలను అనుసంధానిస్తూ గ్రామీణ రహదారులను నిర్మించినట్లు పీఎంజీఎస్‌వై సమాచార జాబితాలో పేర్కొన్నారు. వాటికి కేంద్రం నిధులు అందజేసినట్లు రాసేశారు. కానీ, అందులో పేర్కొన్న రోడ్లలో కనీసం ఒక్కరోడ్డు వేయలేదు. ఇలాంటివి 500 రోడ్లు ఉన్నట్లుగా పరిశోధక బృందం గుర్తించింది. కేంద్రం అందించిన నిధులు మాత్రం రహదారి నిర్మాణం పనులు దక్కించుకున్న కాంట్రాక్టర్లు, పనులు కేటాయించిన స్థానిక రాజకీయనేతల ఖాతాల్లోకి వెళ్లిపోయాయని  వెల్లడైంది. ఈ అవినీతి అంతటికీ స్థానిక ప్రజాప్రతినిధులే కారణమని పరిశోధకులు తేల్చారు. స్థానిక రాజకీయనేతలే ఈ అవినీతికి కారణమని నిర్ధారించేందుకు పరిశోధకుల బృందం శ్రమించాల్సి వచ్చింది.  కాంట్రాక్టులను దక్కించుకున్న వారి ఇంటిపేర్లను స్థానిక ప్రజాప్రతినిధుల ఇంటిపేర్లతో సరిపోల్చాకే  బృందం ఈ నిర్ణయానికొచ్చింది. రాజకీయనేతలు సిఫారసు చేసిన కాంట్రాక్టర్లకే రహదారి పనులు దక్కేలా చూసిన అధికారులు కూడా ఉద్యోగాలలో ప్రమోషన్లు పొందినట్లు పరిశోధకులు గుర్తించారు.

సాక్షి, విశాఖ:  విశాఖ​ జిల్లాలో మావోయిస్టులు మళ్లీ రెచ్చిపోయారు. జిల్లాలోని జీకే వీధి మండలం కుంకుంపూడిలో శుక్రవారం అర్థరాత్రి ఓ జేసీబీని దగ్ధం చేశారు. స్థానికంగా రోడ్డు పనులు జరుగుతున్నాయి. వాటిని అడ్డుకునేందుకు మావోయిస్టులు ప్రయత్నించారు. ఈ క్రమంలో అక్కడ ఉన్న జేసీబీకి నిప్పు పెట్టారు. ఇద్దరు గిరిజనులను తమ వెంట తీసుకెళ్లారు. దీంతో అక్కడి గిరిజనులు బిక్కుబిక్కుమంటూ కాలం గడుపుతున్నారు. కొంతకాలంగా ఈ రహదారి నిర్మాణాన్ని మావోలు వ్యతిరేకిస్తున్నారు. కానీ భద్రతా దళాల పర్యవేక్షణలో రహదారి నిర్మాణం జరుగుతోంది. సిబ్బంది లేని సమయంలో మావోయిస్టులు ఈ సంఘటను పాల్పడ్డారు.

సిటీలో ట్రాఫిక్‌ సమస్యలను త్వరితగతిన పరిష్కరించాలంటే జంక్షన్లు, రహదారుల విస్తరణ తప్పనిసరి. ఈ నేపథ్యంలో గుర్తించిన ప్రాంతాల్లో ఈ పనులు వేగవంతంగా చేపట్టాలని జీహెచ్‌ఎంసీ నిర్ణయించింది. ఈ మేరకు వచ్చే 31 రోజుల్లో 34 మార్గాల్లో రహదారి విస్తరణ, జంక్షన్ల అభివృద్ధి పనులకు అవసరమైన భూ/ఆస్తుల సేకరణ పూర్తి కావాలని లక్ష్యం విధించింది. ఈ పనులు త్వరితగతిన పూర్తి చేసిన అధికారులకు నజరానా సైతం ఇస్తామని ప్రకటించింది. ప్రతి మూడు నెలలకు 35 మార్గాల్లో పనులు చేపట్టేలా ప్రణాళిక రూపొందించింది. తొలి విడతగా ఉప్పల్‌–నల్లచెరువు, ఎల్‌బీ నగర్‌ జంక్షన్‌ తదితర ప్రాంతాలు విస్తరణకు నోచుకోనున్నాయి. ఇదే జరిగితే ఈ రెండు ప్రాంతాల్లో  రాకపోకలు సాఫీగా సాగుతాయి. ప్రజలకు ట్రాఫిక్‌ కష్టాలు తీరుతాయి.     సాక్షి, సిటీబ్యూరో: 31 రోజులు.. 34 మార్గాలు..   జంక్షన్లు, రహదారుల విస్తరణకు అవసరమైన భూ/ఆస్తుల సేకరణను  త్వరితంగా పూర్తిచేసేందుకు ఇదీ జీహెచ్‌ఎంసీ లక్ష్యం. నగరంలోని అనేక మార్గాల్లో రహదారులు ఇరుకై, బాటిల్‌నెక్స్‌తో ప్రజలు పడరాని పాట్లు పడుతున్నారు. తరచూ ట్రాఫిక్‌ జామ్‌లతో నిత్యం నరకం అనుభవిస్తున్నారు. ఈ సమస్యల పరిష్కారానికి జంక్షన్ల అభివృద్ధి, రహదారుల విస్తరణ, ఫ్లై ఓవర్లు, ఆర్‌యూబీలు, ఆర్‌ఓబీల పనులకు ప్రణాళికలు రూపొందించినప్పటికీ, ఏళ్ల తరబడి పనులు ముందుకు సాగడం లేవు. దీనికి ప్రధాన అవరోధం ఆయా మార్గాలు, జంక్షన్ల విస్తరణకు అవసరమైన ఆస్తుల సేకరణ. ఎంతో కాలంగా ఈ ప్రక్రియ పూర్తి కావడం లేదు. ఆయా ప్రాంతాల్లోని ఆస్తుల యజమానుల్ని సంప్రదింపుల ద్వారా ఒప్పించలేకపోతున్నారు. మొండికేసిన వారి విషయంలో భూసేకరణ చట్టం మేరకు సేకరించాల్సి ఉంది. విస్తరణ పనులు జరగాలంటే తొలుత ఆస్తుల సేకరణ పూర్తికావాలి కనుక టౌన్‌ప్లానింగ్‌ అధికారులతో ప్రత్యేక టీమ్‌లు ఏర్పాటు చేశారు. జోనల్‌ కమిషనర్‌ నోడల్‌ ఆఫీసర్‌గా, ఒక్కో మార్గానికి ఒక్కో ఏసీపీ, ఇద్దరు సెక్షన్‌ ఆఫీసర్లతో ఈ కమిటీలు నియమించారు. తమకప్పగించిన 34 మార్గాల్లో  ఆస్తుల సేకరణను డిసెంబర్‌లోగా వారు పూర్తిచేయాలి. అలా లక్ష్యాన్ని సాధించిన వారికి ప్రశంసాపత్రాలతోపాటు ప్రత్యేక నజరానాలు ఇవ్వనున్నారు.  ఎస్సార్‌డీపీ,హెచ్‌ఆర్‌డీసీ పనులకు కూడా  .. రహదారులు, జంక్షన్ల అభివృద్ధికి వివిధ పథకాల కింద పనులు చేస్తుండటంతో కొన్ని ఎస్సార్‌డీపీ(వ్యూహాత్మక రహదారుల అభివృద్ధి పథకం), కొన్ని హెచ్‌ఆర్‌డీసీ(హైదరాబాద్‌ రోడ్‌డెవలప్‌మెంట్‌ కార్పొరేషన్‌)ల ద్వారా చేపట్టారు.  ఆస్తుల సేకరణ పూర్తికానందున ఈ పథకాల్లోని పనులూ ముందుకు సాగడం లేవు.  ఈ పథకాల కింద చేయాల్సిన పనులకు, ఈ పథకాల పరిధిలోలేని వాటికి కూడా టౌన్‌ప్లానింగ్‌ టీమ్‌లు ఆస్తుల సేకరణ పూర్తి చేయాలి. టౌన్‌ప్లానింగ్‌ ఏసీపీలకు సహాయంగా కొత్తగా ఔట్‌సోర్సింగ్‌పై తీసుకున్న ఏఈల సేవల్ని కూడా వినియోగించుకోనున్నట్లు చీఫ్‌ సిటీప్లానర్‌ ఎస్‌.దేవేందర్‌రెడ్డి తెలిపారు. సేకకరించాల్సిన ఆస్తులు వేల సంఖ్యలో  ఉండటంతో దశలవారీగా ఆస్తుల్ని సేకరించనున్నటు చెప్పారు. తొలి దశలో డిసెంబర్‌ నెలాఖరులోగా 34 మార్గాల్లో, ఆ తర్వాత ప్రతి మూడుమాసాలకు దాదాపు 35 మార్గాల్లో భూసేకరణ పూర్తిచేయాలనేది లక్ష్యం. మాస్టర్‌ ప్లాన్‌ ప్రకారం దాదాపు 150 మార్గాలను విస్తరించాల్సి ఉండటంతో ఆ పనులు చేసేందుకు ఈ లక్ష్యంతో పనులు చేయనున్నారు. భూ/ ఆస్తుల సేకరణ పూర్తికాగానే పనులు పూర్తిచేయనున్నారు.  తొలి దశలో.. డిసెంబర్‌ నెలాఖరులోగా ఆస్తులు సేకరించాల్సిన మార్గాలు ఇవీ... చర్లపల్లి ఆర్‌ఓబీ (34 ఆస్తులు), ఉప్పల్‌ జంక్షన్‌– నల్లచెరువు(168), ఎల్‌బీనగర్‌ జంక్షన్‌ (54), బైరామల్‌గూడ జంక్షన్‌( 57), కామినేని జంక్షన్‌(57), కొత్తపేట – నాగోల్‌ ( 216), సైదాబాద్‌ రోడ్‌( 51), రక్షాపురం– హబీబ్‌నగర్‌(49), బాలాపూర్‌ జంక్షన్‌– డీఆర్‌డీఎల్‌ వయా హఫీజ్‌బాబానగర్‌ (124), బండ్లగూడ జంక్షన్‌– ఎర్రకుంట జంక్షన్‌(125), హిమ్మత్‌పురా – ఫతేదర్వాజ(138), హుస్సేనీ అలం– దూద్‌బౌలి(172), బహదూర్‌పురా(45),గుడిమల్కాపూర్‌ జంక్షన్‌ –లక్ష్మీనగర్‌(26), ఏక్‌మినార్‌ మజిద్‌ – బజార్‌ఘాట్‌ జంక్షన్‌(57), గోల్నాక – అంబర్‌పేట (281)  శాస్త్రిపురం రైల్వేగేట్‌ ఆర్‌ఓబీ, జారాహిల్స్‌ రోడ్‌ నెం.13, (45), బోరబండ పంకా బస్టాప్‌– హైటెక్‌ హోటల్, నారాయణమ్మ కాలేజీ– గచ్చిబౌలి, ఖాజాగూడ జంక్షన్‌ – ఓఆర్‌ఆర్, గచ్చిబౌలి జంక్షన్‌ – కొత్తగూడ, బొటానికల్‌ గార్డెన్‌– ఓల్డ్‌ బాంబే రోడ్, గచ్చిబౌలి జంక్షన్‌– ఓఆర్‌ఓర్‌ (ఫ్రీలెఫ్ట్‌), మాదాపూర్‌ మెగాహిల్స్‌ లింక్‌రోడ్, మూసాపేట క్రాస్‌రోడ్స్‌– కైతలాపూర్, బాలానగర్‌ రోడ్‌ – నర్సాపూర్‌ క్రాస్‌రోడ్స్‌ ఫ్లై ఓవర్, బాలానగర్‌ క్రాస్‌రోడ్స్‌– రేడియల్‌ రోడ్, అంబేద్కర్‌ జంక్షన్‌ – సుచిత్ర జంక్షన్, ఆనంద్‌బాగ్‌ ఆర్‌యూబీ–జడ్‌టీసీ రోడ్, లాలాపేట్‌ ఫ్లై ఓవర్‌–మౌలాలి ఫ్లై ఓవర్, బోట్స్‌క్లబ్‌– కవాడిగూడ మార్గాలున్నాయి. నోడల్‌ ఆఫీసర్‌ ప్రతిరోజూ పనుల్ని పర్యవేక్షిస్తూ ప్రతి మంగళవారం చీఫ్‌సిటీప్లానర్‌కు పనుల పురోగతిపై నివేదిక అందజేయాల్సి ఉంటుంది. ఇటీవల జీఈఎస్‌ను పురస్కరించుకొని కేవలం నెల రోజుల వ్యవధిలోనే రూ.45 కోట్లతో ఎన్నో మార్గాల్లో రహదారుల్ని తీర్చిదిద్దడంతో కేవలం హైటెక్‌ ప్రాంతాల ప్రజలకే సదుపాయాలు కల్పిస్తున్నారని విమర్శలు వచ్చాయి. దీంతో ఇతర ప్రాంతాల్లోనూ  పనులకు సిద్ధమయ్యారు.

సాక్షి, హైదరాబాద్‌: రహదారులపై దూసుకెళ్లే వాహనాలు టోల్‌గేట్‌ దగ్గర కూడా ఇకపై రయ్‌మంటూ వెళ్లిపోవచ్చు... టోల్‌ రుసుము చెల్లించేందుకు క్యూలో నిరీక్షించాల్సి రావడం, టోల్‌ సిబ్బంది గేట్‌ ఎత్తితేనే వాహనాన్ని ముందుకు పోనీయాల్సిన పరిస్థితికి బ్రేక్‌ పడనుంది. ఇప్పటివరకు కొనసాగుతున్న ఈ పాత విధానానికి రాష్ట్ర ప్రభుత్వం స్వస్తిచెప్పనుంది. వాహనం ఆగాల్సిన అవసరం లేకుండానే టోల్‌ చెల్లించే రేడియో ఫ్రీక్వెన్సీ ఐడెంటిఫికేషన్‌ డివైస్‌ (ఆర్‌ఎఫ్‌ఐడీ) విధానాన్ని అమల్లో తేనుంది. ఇప్పటికే కొన్ని జాతీయ రహదారులపై ప్రయోగాత్మకంగా అమలవుతున్న ఈ విధానాన్ని ఇక నుంచి పక్కాగా అమలు చేయటంతోపాటు అన్ని రోడ్లను అనుసంధానించే విధానానికి కసరత్తు ప్రారంభించింది.  ఇందుకోసం వాహనదారుడు ముందుగానే స్మార్ట్‌కార్డు తరహాలో టోల్‌కార్డును పొందడంతోపాటు ఆర్‌ఎఫ్‌ఐడీ టాగ్‌ను వాహనం ముందుభాగంలో అమర్చుకోవాల్సి ఉంటుంది. అందులో వాహనం కేటగిరి, కార్డులో ఉన్న నగదు నిల్వ వివరాలు పొందుపరిచి ఉంటాయి. టోల్‌ గేట్‌ వద్ద ఉండే ఆర్‌ఎఫ్‌ఐడీ పరికరం రేడియో తరంగాల ద్వారా దాన్ని స్కాన్‌ చేస్తుంది. ఆ వాహనం ప్రయాణించిన దూరానికి సరిపడా మొత్తాన్ని కార్డు నుంచి మినహాయించుకుంటుంది. ఆటోమేటిక్‌గా గేటు తెరుచుకుంటుంది. దీంతో వాహనం ఆగకుండా ముందుకు సాగుతుంది. గతంలో రకరకాల విధానాలను పరిశీలించినా ఇప్పుడు సమగ్ర విధానాన్ని అవలంబించాలని నిర్ణయించారు. ఇందులో భాగంగా జాతీయ రహదారులు, హైదరాబాద్‌ శివారులోని ఔటర్‌ రింగురోడ్డు (ఓఆర్‌ఆర్‌)తో అనుసంధానించబోతున్నారు. ప్రయోగాత్మకంగా ఔటర్‌ రింగురోడ్డుపై రెండు టోల్‌గేట్ల మధ్య మరో రెండు మూడు రోజుల్లో దీన్ని ప్రారంభించనున్నారు. గచ్చిబౌలి–శంషాబాద్‌ మార్గంలోని ఔటర్‌రింగురోడ్డుపై నానక్‌రామ్‌గూడ–శంషాబాద్‌ టోల్‌గేట్ల మధ్య ప్రయోగాత్మకంగా ఆర్‌ఎఫ్‌ఐడీ విధానాన్ని ఏర్పాటు చేశారు. దీనికి సంబంధించి రూ. 2.5 కోట్ల విలువ చేసే పరికరాలను విదేశాల నుంచి దిగుమతి చేసుకున్నారు. టోల్‌ స్మార్ట్‌కార్డులను కొన్ని ఎంపిక చేసిన బ్యాంకుల్లో అందుబాటులో ఉంచుతారు. నిర్ధారిత మొత్తానికి అక్కడి నుంచి దాన్ని పొందాల్సి ఉంటుంది. అందులోని బ్యాలెన్స్‌ అయిపోయిన తర్వాత ఆ బ్యాంకుల నుంచి టాప్‌అప్‌ వేసుకోవాల్సి ఉంటుంది.  విధానం అమలు ఇలా...  ఓఆర్‌ఆర్‌పై రెండు టోల్‌గేట్ల వద్ద తొమ్మిది లేన్లను ఈ ఆర్‌ఎఫ్‌ఐడీ వి«ధానంతో అనుసంధానించారు. వాహనాలు తొలి గేట్‌ను దాటే సమయంలో అక్కడి పరికరాలు ఆ వాహనం ముందువైపు ఉన్న ట్యాగ్‌ను స్కాన్‌ చేసి వాహనం కేటగిరి, కార్డులోని బ్యాలెన్స్, అసలు అది ఆర్‌ఎఫ్‌ఐడీ వాహనం అవునా కాదా తదితర వివరాలను గుర్తిస్తాయి. ఆ వాహనం రెండో గేట్‌ దాటేటప్పుడు... ఆ వాహనం మొత్తం ఎంత దూరం ప్రయాణించిందో గుర్తించి అక్కడి పరికరం అంత మేర మొత్తాన్ని మినహాయించుకుంటుంది. ఈ నెల 28లోగా దీన్ని అధికారికంగా ప్రారంభించాలని యోచిస్తున్నారు.  కొద్దిరోజులు దీన్ని పరిశీలించిన తర్వాత ఔటర్‌పై అన్ని టోల్‌గేట్ల వద్ద ఏర్పాటు చేస్తారు. వేరే నగరాల నుంచి జాతీయ రహదారుల మీదుగా వచ్చే వాహనాలకు ఉండే ఆర్‌ఎఫ్‌ఐడీ ట్యాగ్‌ను కూడా ఇవి స్కాన్‌ చేసేలా వ్యవస్థను ఏర్పాటు చేస్తున్నారు. వెరసి అన్ని జాతీయ రహదారులు, ఇతర రోడ్లపైతోపాటు ఓఆర్‌ఆర్‌పై ఒకే కార్డు పనిచేసేలా చర్యలు తీసుకుంటున్నారు. ఇందుకోసం ఎన్‌హెచ్, ఎన్‌హెచ్‌ఏఐ అధికారులను సంప్రదించి చర్చలు జరుపుతున్నారు. వెరసి దేశవ్యాప్తంగా ఒకే కార్డు పనిచేసేలా చర్యలు తీసుకుంటున్నట్టు ఓ అధికారి ‘సాక్షి’తో చెప్పారు.  

అన్నానగర్‌: సెంజి సమీపంలో కురింజిప్ప గ్రామంలో శ్మశానికి వెళ్లేందుకు దారి లేకపోవడంతో గ్రామస్తులు ఇబ్బందులు పడుతున్నారు. మృతి చెందిన వారిని శ్మశానానికి తీసుకెళ్లేందుకు పంట పొలాల మధ్య వెళ్లాల్సి వస్తోంది.  సెంజి సమీపంలో కురింజిప్ప గ్రామంలో సుమారు 1,500 మందికి పైగా ప్రజలు నివశిస్తున్నారు. ఈ ప్రాంత వాసులకు తాగునీరు, విద్యుత్‌ సౌకర్యాలు కొంతమేర కల్పించారు. అయితే శ్మశానానికి వెళ్లేందుకు సరైన మార్గం లేకపోవడంతో గ్రామస్తులు ఇబ్బందులు పడుతున్నారు. ఈ స్థితిలో మంగళవారం గ్రామంలో ఓ వ్యక్తి మృతి చెందాడు. శ్మశానానికి వెళ్లేందుకు దారి లేకపోవడంతో బంధువులు అతని మృతదేహాన్ని పంట పొలాల మధ్యన తీసుకెళ్లి  ఖననం చేశారు. దీనిపై అధికారులు స్పందించి శ్మశానానికి వెళ్లేందుకు దారి చూపాలని స్థానికులు కోరుతున్నారు.

సాక్షి, జడ్చర్ల: తెలంగాణ రాష్ట్రం ఏర్పడిన తర్వాత రోడ్లకు మహర్దశ పట్టిందని వైద్యారోగ్య శాఖ మంత్రి లక్ష్మారెడ్డి అన్నారు. జడ్చర్ల నియోజకవర్గంలోని పలు గ్రామాల్లో రూ. 4 కోట్లతో నిర్మించనున్న బీటీ రోడ్లకు ఈ రోజు మంత్రి శంకుస్థాపన చేశారు. ఈ సందర్భంగా ఆయన మాట్లాడుతూ.. ముఖ్యమంత్రి కేసీఆర్‌ చిత్తశుద్ధితో పనిచేస్తున్నారు. రాష్ట్రం ఏర్పాటయ్యాక రోడ్లు నిర్మాణం చురుకుగా జరుగుతోంది. గతంలో ఒక్క రోడ్డుకు నిధులు మంజూరు కావాలంటే ఆ ఎమ్మెల్యే పదవీకాలం పూర్తయ్యేది కానీ ఇప్పడు అలాంటి పరిస్థితి లేదు. ప్రతి గ్రామానికి రోడ్లు వేయడమే టీఆర్‌ఎస్‌ సర్కార్‌ లక్ష్యంగా పెట్టుకుందన్నారు. 

సాక్షి, హైదరాబాద్‌: ‘గతంలో ఇంటి నుంచి అరగంటలో అసెంబ్లీకి వచ్చే వాళ్లం. ఇప్పుడు గం టకుపైగా పడుతోంది. హైదరాబాద్‌లో రోడ్లు అంతగా దెబ్బతిన్నాయి. ప్రజలు తీవ్ర ఇబ్బందులకు గురవుతున్నారు. వారికోసం కాకున్నా, త్వరలో నగరానికి రానున్న ట్రంప్‌ కూతురు, ప్రధాని మోదీ కోసమన్నా బాగుచేయించండి’అంటూ కాంగ్రెస్‌ ఎమ్మెల్సీ షబ్బీర్‌ అలీ సోమ వారం మండలిలో వ్యంగాస్త్రాలు సంధించారు. రోడ్ల నిర్వహణలో ప్రభుత్వ తీరును ఆయన దుయ్యబట్టారు. దీనిపై మంత్రి కేటీఆర్‌ స్పందిస్తూ, 50 ఏళ్ల పాలనలో నగరంలో డ్రైనేజీ వ్యవస్థను కూడా సరిగా నిర్వహించలేని కాంగ్రె స్‌ నేతలు చెబితే నేర్చుకునే పరిస్థితిలో తాము లేమన్నారు. ‘‘నగరంలో రోడ్లను భారీ వ్యయం తో బాగు చేస్తున్నాం. మూసీ, రోడ్ల అభివృద్ధికి రూ.వేయి కోట్లకుపైగా కేటాయించాం. స్ట్రాటజి క్‌ రోడ్‌ డెవలప్‌మెంట్‌ కింద ఇప్పటికే రూ. 1894 కోట్లతో పనులు జరుగుతున్నాయి. మ రో రూ.975 కోట్ల పనులు చేపట్టనున్నాం’’అని వివరించారు. తాను బదులిస్తుండగా కాంగ్రెస్‌ నేతలు ఏదో అనడంతో, ‘రన్నింగ్‌ కామెంటరీకి ఇదేమన్నా క్రికెట్‌ మ్యాచా?’అంటూ కేటీఆర్‌ అసహనం వెలిబుచ్చారు.

అనంతపురం సిటీ: అభివృద్ధికి రాచ బాటలు రహదారులు. అలాంటి రహదారులు లేని ప్రాంతాలు అభివృద్ధికి ఆమడదూరమనడంలో ఎలాంటి సందేహం లేదు. రహదారులులేని గ్రామాలు జిల్లాలో కోకొళ్లలు. రహదారులు సరిగా లేకపోవడంతో రోడ్డు ప్రమాదాలు కూడా ఎక్కువగా జరుగుతున్నాయి. అధికారుల నిర్లక్ష్యం.. పాలకుల స్వార్థం రహదారుల నిర్మాణాల్లో అధికారుల నిర్లక్ష్యం, పాలకుల స్వార్థం కొట్టొచ్చినట్లు కనిపిస్తోంది. కొందరు నేతలు రహదారుల కాంట్రాక్టులు తమకే దక్కేలా చక్రం తిప్పుతున్నారు. ఇందుకోసం అధికారులతో అప్పటికప్పుడు ప్రణాళికలను సిద్ధం చేసి ఎంతకి కోట్‌ చేయాలో కూడా వారే చెబుతున్నారు. ఇక... నాణ్యతకు తిలోదకాలిచ్చి డబ్బులు దండుకోవడమే పరమావధిగా వాటిని నిర్మాణాలను మమ అనిపిస్తున్నారు. కొన్ని చోట్ల అధికారులు బరితెగించి వేసిన రోడ్లపైనే మళ్లీ రోడ్లు వేస్తున్నారు. కాంట్రాక్టర్లపై చర్యలేవీ? రహదారుల నిర్మాణాల్లో కాంట్రాక్టర్లు నాణ్యతకు తిలోదకాలిచ్చినా ఆయా శాఖల ఉన్నతాధికారులు చర్యలు తీసుకునేందుకు వెనుకడుగు వేస్తున్నారు. నేతల ఒత్తిడుందని, తప్పని పరిస్థితి అంటూ తప్పుకునే పద్ధతులను ఎంచుకుంటున్నారు. ఫలితంగా జరిగిన తప్పే మరోసారి జరుగుతోంది. గుత్తి, బ్రహ్మసముద్రం, కంబదూరు, యల్లనూరు ప్రాంతాల్లో చివరికి ప్యాచ్‌ వర్కులు కూడా చేయకుండా ఒక్కో రహదారికి రూ.20 నుంచి రూ.24 లక్షలను ఆ శాఖ అధికారులు కాంట్రాక్టర్లతో కుమ్మక్కై దండుకున్నట్లు ఆరోపణలున్నాయి. వీటిపై ఇప్పటికే విచారణ కూడా జరుగుతున్నట్లు తెలుస్తోంది. ఇప్పటికైనా ఉన్నతాధికారులు నాణ్యతతో కూడిన నిర్మాణాల కోసం అక్రమార్కులపై చర్యలు తీసుకుంటారా? లేక నామ మాత్రపు విచారణల పేరుతో కాలయాపన చేస్తారా? అన్నది ప్రశ్నార్థకంగా మారింది. మచ్చుకు కొన్ని... ♦ పెనుకొండ నుంచి చిన్నపరెడ్డిపల్లి, మోట్రాపల్లి, శెట్టిపల్లి, అడదాకులపల్లి గ్రామాలకు వెళ్లే బీటీ రోడ్డు 20 ఏళ్లక్రితం వేశారు. రహదారి సరిగా లేకపోవడంతో ఆయా గ్రామాలకు బస్సులు వెళ్లడం లేదు. ప్రమాదాలు జరుగుతున్నా ఆటోల్లోనే వెళ్లాల్సి వస్తోంది. ♦ లేపాక్షి పరిధిలోని మద్దిపి గ్రామానికి వెళ్లే రహదారి చాలా అధ్వానంగా ఉంది. ఈ రహదారికి సంబంధించిన ప్రణాళికను అప్పట్లో అధికారులు ప్రభుత్వానికి పంపారు. అనంతరం వారు పట్టించుకోకపోవడంతో అనుమతులు లభించలేదని తెలిసింది. ♦ కూడేరు పరిధిలోని పి.నారాయణపురం, కరుట్లపల్లి, కడదరకుంట గ్రామాలకు వెళ్లే రహదారి గుంతలమయమైంది. నాసిరకంగా పనులు చేయడంతో ఈ రహదారి ఏ మాత్రం ప్రయాణానికి అనుకూలంగా లేదని ఆయా గ్రామాల ప్రజలు వాపోతున్నారు. మేం మనుషులు కాదా? ఐపార్సుపల్లి గ్రామస్తులను పాలకులు మనుషులుగా గుర్తించడం లేదు. 15 ఏళ్ల క్రితం రహదారి నిర్మాణం కోసం కంకరతోలి వదిలి పెట్టారు. ఇప్పటి దాకా రోడ్డు వేయక పోవడంతో ఉన్న రోడ్డు పాడయిపోయి ఆర్టీసీ సంస్థ బస్సులను కూడా గ్రామానికి నడపడం మానేసింది. మేం పడుతున్న బాధలు ఎవరికీ పట్టడం లేదు.– సూరేనాయక్, ఐపార్సుపల్లి