హెచ్-1బీ సవరణ బిల్లుకు ట్రంప్ మద్దతు

వాషింగ్టన్ : హెచ్-1బీ వీసాల్లో కఠినతరమైన నిబంధనలు తీసుకురావడానికి తీసుకొస్తున్న హెచ్-1బీ సవరణ బిల్లుకు అధ్యక్షుడు డొనాల్డ్ ట్రంప్ మద్దతుగా నిలిచారట. ఈ విషయాన్ని సీనియర్ అమెరికన్ కాంగ్రెస్ సభ్యుడు డారెల్ ఇస్సా తెలిపారు. హెచ్-1బీ వీసా హోల్డర్స్ కు కనీస వేతనం రెట్టింపు చేయాలని ప్రతిపాదిస్తూ  హెచ్-1బీ సవరణ బిల్లును తీసుకొచ్చిన సంగతి తెలిసిందే. ఈ సవరణ బిల్లుతో ప్రతిభావంతులైన వారు మాత్రమే అమెరికాలోకి రావడానికి వీలుంటుందని, హెచ్-1బీ వీసా సిస్టమ్ లో దుర్వినియోగాన్ని అరికట్టవచ్చని డారెల్ పేర్కొన్నారు.'' ప్రెసిడెంట్ ఈ బిల్లును సపోర్టు చేస్తున్నారు. సెనేట్ నుంచి కూడా దీనికి బలమైన మద్దతు ఉంది'' అని డారెల్ క్యాపిటోల్ విజిటర్ సెంటర్ వద్ద అట్లాంటికా కౌన్సిల్ ఈవెంట్లో చెప్పారు.