సెల్‌ఫోన్‌ బ్యాటరీ పేలి.. బాలుడి పరిస్థితి విషమం

బ్యాటరీ పేలడంతో  గాయాలపాలైన బాలుడు 

రాయగడ : జిల్లాలోని కాశీపూర్‌ పోలీస్‌ స్టేషన్‌ పరిధిలో గల తొలొజొరి గ్రామ పంచాయతీలోని మొంకొడొ గ్రామంలో పారవేసిన బ్యాటరీ పేలి ఒక బాలుడి తల, చేయి, తొడలకు తీవ్రమైన గాయాలు కావడంతో పరిస్థితి విషమంగా ఉన్నట్లు తెలిసింది. దీంతో ఆ బాలుడిని జిల్లా ఆస్పత్రికి తరలించారు.  మొంకొడొ గ్రామానికి చెందిన కునమజ్జి కుమారుడు సునాసింగ్‌ (8) గ్రామంలో ఆరుబయట ఆడుకుంటూ  పనిచేయని సెల్‌ఫోన్‌ బ్యాటరీని కాలితో తన్నుకుంటూ వెళ్లి ఒక ప్రాంతంలో ఆ బ్యాటరీని రాయితో కొట్టగా హఠాత్తుగా   ఆ బ్యాటరీ పేలడంతో గాయాలపాలయ్యాడు. గాయాల పాలైన బాలుడికి తొలుత కాశీపూర్‌ ప్రాథమిక ఆరోగ్య కేంద్రంలో ప్రథమ చికిత్సి చేసి అనంతరం 108 అంబులెన్స్‌లో జిల్లా ఆస్పత్రికి తరలించారు.