సెల్‌ ఫోన్లో వేధింపులు పోలీసుల అదుపులో నిందితుడు

నిందితుడు సీతారాం

బంజారాహిల్స్‌: ఫోన్‌లో యువతిని వేధిస్తున్న యువకుడిని బంజారాహిల్స్‌ పోలీసులు అదుపులోకి తీసుకొని విచారిస్తున్నారు. పోలీసుల కథనం మేరకు వివరాలిలా ఉన్నాయి. ఎల్బీ నగర్‌కు చెందిన సీతారాం ఇంటర్‌ చదివాడు. మద్యానికి బానిసైన ఆవారాగా తిరుగుతున్నాడు. గతంలో తనకు తెలిసిన ఓ యువతి ద్వారా బంజారాహిల్స్‌ రోడ్‌ నెం. 2లోని ఇందిరానగర్‌కు చెందిన ఆమె స్నేహితురాలి ఫోన్‌ నం బర్‌ తెలుసుకున్న అతను గత నెల రోజులుగా ఆమెకు ఇష్టారాజ్యం గా ఫోన్లు చేస్తూ అసభ్యకరంగా మాట్లాడుతున్నాడు. బాధితురాలు ఈ  విషయాన్ని కుటుంబ సభ్యులకు చెప్పడంతో వారు పథకం ప్రకారం సీతారాంను ఇందిరానగర్‌కు రప్పించారు. సోమవారం రాత్రి ఆమె సూచించిన ప్రాంతానికి వచ్చిన నిందితుడిని రెడ్‌హ్యాండెడ్‌గా పట్టుకొని పోలీసులకు అప్పగించారు. బాధితురాలి ఫిర్యాదు మేరకు కేసు నమోదు చేసుకొని దర్యాప్తు చేస్తున్నారు.