మంచు కొండల్లోన అందమా..!

వేలేరుపాడు :  మంచుకొండల్లోన అందమా.. మళ్లీమళ్లీ వచ్చిపో.. అన్న చందంగా జిల్లాలోని ఏజెన్సీలో అందాలు కనువిందు చేస్తున్నాయి. పచ్చని పంట పొలాలు, చెట్లతో కనువిందు చేస్తున్న నేల తల్లి ఓ వైపు...భూమి ఆకాశానికి వారధిలా అలుముకున్న మంచు, మరోవైపు చిత్రకారుని కుంచె నుంచి జాలువారిందా అన్నట్టు ఉన్న ప్రకృతి సోయగం కళ్లకు, కాళ్లకు బంధాన్ని వేస్తున్నాయి. వేలేరుపాడు పరిసర ప్రాంతాల్లో ఈ సుందర దృశ్యాలు ఊటీ, కొడైకెనాల్‌ వంటి ప్రాంతాలకు ఏ మాత్రం తీసిపోకుండా ఇలా అలరిస్తున్నాయి.