విద్యార్థులకు వ్యాసరచన, వక్తృత్వ పోటీలు

అనంతపురం ఎడ్యుకేషన్ : జాతీయ వినియోగదారుల దినోత్సవాన్ని పురస్కరించుకుని 7, 8, 9 తరగతుల విద్యార్థులకు వ్యాసరచన, వక్తృత్వ పోటీలు నిర్వహించాలని జిల్లా విద్యాశాఖ అధికారి శామ్యూల్‌ ఓ ప్రకనటలో తెలిపారు. ’వినియోగదారు వివాదాల సత్వర నిర్ధారణ కోసం ప్రత్యామ్నాయ వివాదాల పరిష్కారం’ అనే అంశంపై 19న పాఠశాలస్థాయి, 20న మండలస్థాయి, 21న ఉదయం 10 గంటల నుంచి మధ్యాహ్నం 1 గంట వరకు జిల్లాస్థాయి పోటీలు నిర్వహించనున్నట్లు పేర్కొన్నారు. తెలుగు, ఇంగ్లిష్, ఉర్దూ మీడియంలలో పోటీలు ఉంటాయని వివరించారు. జిల్లాస్థాయి విజేతలకు 23న విజయవాడలో రాష్ట్రస్థాయి పోటీలు ఉంటాయని పేర్కొన్నారు.