చెన్నై: ఇటీవల తమిళనాడు ముఖ్యమంత్రి స్టాలిన్ తనయుడు ఉదయనిధి స్టాలిన్ సనాతన ధర్మాన్ని కించపరుస్తూ చేసిన వివాదాస్పద వ్యాఖ్యలు దేశవ్యాప్తంగా ఎంతటి సంచలనం సృష్టించిందో అందరికీ తెలిసిందే. ఈ నేపథ్యంలో మద్రాస్ హైకోర్టు ఈ వ్యాఖ్యలపై స్పందిస్తూ భావ ప్రకటన స్వేచ్ఛ ప్రతి ఒక్కరి ప్రాధమిక హక్కే కానీ అది ద్వేషపూరితంగా ఉండకూడదని తెలిపింది.  బాధ్యతలను తెలియజేసేది..  స్థానిక ఆర్ట్స్ కళాశాలలో విద్యార్థులు సనాతన ధర్మంపై వ్యతిరేకత గురించి డిబేట్ కార్యక్రమాన్ని నిర్వహించడంపై ఎలాంగోవన్ వేసిన పిటిషన్‌పై మద్రాసు హైకోర్టు ప్రధాన న్యాయమూర్తి ఎన్ శేషసాయి మాట్లాడుతూ.. సనాతన ధర్మం అనేది మన దేశం, మన పరిపాలకులు, తల్లిదండ్రులు, గురువుల పట్ల మన శాశ్వత బాధ్యతను గుర్తుచేసే ధర్మాల సమూహమని పేదల పట్ల దయ చూపించమని చెబుతుందని అన్నారు.  సనాతన ధర్మంపై డిబేట్‌లా.. ఈ సందర్బంగా ఆయన సనాతన ధర్మంపై డిబేట్లు పెట్టడంపై మరింత తీవ్రంగా స్పందించారు. సనాతన ధర్మం కులవ్యవస్థను ప్రోత్సహించి అంటరానితనాన్ని ప్రేరేపిస్తుందన్న అసత్యాన్ని ప్రజల మనసుల్లో నాటే ప్రయత్నం చేయడాన్ని ఆయన  ఖండించారు. రాజ్యాంగంలోని ఆర్టికల్ 17 ప్రకారం అంటరానితనాన్ని ఎప్పుడో నిర్మూలించడం జరిగిందని గుర్తుచేశారు.  మనుషులంతా ఒక్కటే..  ఈ దేశంలో అందరూ ఒక్కటేనని ఇటువంటి దేశంలో అంటరానితనాన్ని సహించేది లేదని అన్నారు. మతం అనేది సహజమైన కల్మషంలేని స్వచమైన విశ్వాసం అనే పునాది మీద నిర్మితమైందని భావ ప్రకటన స్వేచ్ఛ విద్వేషాలను రెచ్చగొట్టేలా ఉండకూడదని అన్నారు.    ఇది కూడా చదవండి: ICMR: కరోనా కంటే నిఫాతోనే మరణాల రేటు ఎక్కువ      

శివాజీనగర: రానున్న లోక్‌సభ ఎన్నికల్లో కన్నడనాట బీజేపీ, జేడీఎస్‌ పార్టీలు పొత్తు పెట్టుకోవాలని జాతీయస్థాయి నాయకులు భావిస్తుంటే, రాష్ట్ర బీజేపీ ఇందుకు సుముఖంగా లేదని తెలుస్తోంది. తమ ఓటు బ్యాంకును అప్పనంగా జేడీఎస్‌కు అప్పజెప్పడమేనని రాష్ట్ర బీజేపీ నాయకులు ఆందోళనతో ఉన్నారు. ఈ ఏడాది మేలో జరిగిన అసెంబ్లీ ఎన్నికల్లో బీజేపీ, జేడీఎస్‌లను కాదని ప్రతిపక్ష కాంగ్రెస్‌ విజయదుందుభి మోగించి సర్కారును ఏర్పాటు చేయడం తెలిసిందే. మరో ఏడాదిలో సార్వత్రిక ఎన్నికలు రాబోతున్నాయి. ఈ క్రమంలో కాంగ్రెస్‌ ఎక్కువ సీట్లు గెలవకుండా చేతులు కలపాలని జేడీఎస్, బీజేపీలు కోరుకుంటున్నట్లు తెలుస్తోంది. ఈ విషయమై బీజేపీ హైకమాండ్‌తో జేడీఎస్‌ అగ్రనేత హెచ్‌డీ కుమారస్వామి చర్చలు జరిపేందుకు సిద్ధమయ్యారు. ఈ నెల 18న ఢిల్లీలో ఎన్‌డీఏ సమావేశం జరగనుంది. దీనికి జేడీఎస్‌ను ఆహ్వానించాలని బీజేపీ హైకమాండ్‌ యోచిస్తోంది. పిలుపు వస్తే వెళ్లాలని కుమారస్వామి సిద్ధమయ్యారు. అక్కడ చర్చలు ఫలిస్తే లోక్‌సభ ఎన్నికలకు పొత్తు కుదిరే అవకాశముంది. కానీ కుమారస్వామితో పొత్తు పెట్టుకొంటే పాత మైసూరు భాగంలో పార్టీ ప్రభావం తగ్గుతోంది, అంతేకాకుండా ఒక్కలిగుల ఓట్‌ బ్యాంకును కోల్పోతాము. పొత్తు వద్దని బీజేపీ రాష్ట్ర నాయకులు, అందులోనూ ఒక్కలిగ నేతలు డిమాండ్‌ చేస్తున్నట్లు సమాచారం. ఇది గ్రహించిన కుమారస్వామి రాష్ట్ర నాయకులను కాదని బీజేపీ కేంద్ర నాయకులతో పొత్తు చర్చలకు సిద్ధంగా ఉన్నారు. జేడీఎస్‌తో చేతులు కలిపి ఎక్కువ ఎంపీ స్థానాలను గెలుపొందాలని బీజేపీ కూడా ఆశిస్తోంది. గత లోక్‌సభ ఎన్నికల్లో బీజేపీ రికార్డుస్థాయిలో 20కి పైగా ఎంపీ సీట్లను గెలుచుకుంది. ఈసారి అదే జాదూను పునరావృతం చేయాలనుకుంటోంది. కాగా, బీజేపీ–జేడీఎస్‌ పొత్తు వార్తలపై కాంగ్రెస్‌ తీవ్రంగా స్పందించింది. అవకాశవాద జేడీఎస్‌ పార్టీ అధికారం కోసం ఎంతకైనా దిగజారుతుందని ఆరోపించింది. జేడీఎస్‌ను చీల్చేందుకు కాంగ్రెస్‌ ఎత్తుగడ ఇదిలా ఉండగా, అధికార కాంగ్రెస్‌ పార్టీ మరో ఎత్తుగడలో ఉంది. బీజేపీతో పొత్తును వ్యతిరేకిస్తున్న జేడీఎస్‌ ఎమ్మెల్యేలను తనవైపు తిప్పుకోవాలని చూస్తోంది. సుమారు 12 జేడీఎస్‌ ఎమ్మెల్యేలను కాంగ్రెస్‌లోకి తీసుకు రావటం ద్వారా పార్టీ ఫిరాయింపు చట్టం వర్తించకుండా చూడాలని ముఖ్యమంత్రి సిద్దరామయ్య భావిస్తున్నారు. ప్రస్తుతం రాష్ట్రంలో జేడీఎస్‌కు 16 మంది ఎమ్మెల్యేలు ఉన్నారు. అలా వచ్చే వారికి మంత్రి పదవులు, నామినేటెడ్‌ పోస్టులను ఇవ్వాలని కాంగ్రెస్‌ నాయకత్వం భావిస్తోంది. అదనుచూసి జేడీఎస్‌ ఎమ్మెల్యేలను చేర్చుకోవాలని పథకం వేస్తోంది.  చర్చలు జరిగాయి: బొమ్మై   పొత్తు గురించి బీజేపీ మాజీ సీఎం బస్వరాజ బొమ్మై ఆదివారం స్పందిస్తూ తమ హైకమాండ్, జేడీఎస్‌ అధినేత దేవేగౌడ మధ్య పొత్తులపై చర్చలు జరిగాయన్నారు. చర్చలు సఫలమైతే రాజకీయ మార్పులు తథ్యమన్నారు.   

న్యూఢిల్లీ: ఓ టీవీ డిబేట్‌లో ముహమ్మద్ ప్రవక్తపై నూపుర్‌ శర్మ చేసిన వ్యాఖ్యల తాలుకా ప్రభావం.. బీజేపీని ఇప్పట్లో వదిలేలా కనిపించడం లేదు. దేశంలో రాజకీయ విమర్శలు ఎదురుకాగా..  ముఖ్యంగా ఇస్లాం దేశాల అభ్యంతరాలతో వ్యవహారం మరో మలుపు తిరుగుతోంది. ఈ తరుణంలో..  భారతీయ జనతా పార్టీ(బీజేపీ) దిద్దుబాటు చర్యలకు దిగింది. నూపుర్‌ శర్మ వ్యాఖ్యల వ్యవహారం లాంటివి పునరావృతం కాకుండా ఉండేందుకు చర్యలు చేపట్టింది. ఇక నుంచి ఆచితూచి వ్యవహరించాలని ఆదేశించింది. బీజేపీ అధికార ప్రతినిధులు, ప్యానెలిస్టులు మాత్రమే టీవీ డిబేట్లలలో పాల్గొనాలని తాజాగా ఆదేశాలు జారీ చేసింది. వాళ్లను ఎంపిక చేసి పంపించే బాధ్యతను మీడియా సెల్‌కు అప్పజెప్పింది.  అంతేకాదు.. టీవీ డిబేట్లను వెళ్లే ప్రతినిధులు ఎవరైనా సరే.. మతపరమైన చర్చ జరపకూడదని తాజా ఆదేశాల్లో స్పష్టం చేసింది. ‘‘నిగ్రహ భాష ఉపయోగించండి. ఉద్రేకంగా మాట్లాడొద్దు. ఆందోళన చెందొద్దు. ఎవరి ప్రోద్బలంతో కూడా పార్టీ భావజాలాన్ని, సిద్ధాంతాలను ఉల్లంఘించవద్దు’’ అని స్పష్టం చేసింది. అంతేకాదు పార్టీ లైన్‌కు అనుకూలంగా నడుచుకోవాలని, డిబేట్‌లకు వెళ్లే ముందు అంశంపై పూర్తిస్థాయి పరిజ్ఞానంతోనే ముందుకు వెళ్లాలని సూచించింది.  తాజా రూల్స్‌ ప్రకారం.. టీవీ డిబేట్‌లో పాల్గొనే ప్రతినిధులు పార్టీ ఎజెండా నుంచి పక్కదారి పట్టకూడదు. ఎవరు రెచ్చగొట్టినా ఉచ్చులో పడి వ్యాఖ్యలు చేయొద్దు అని పేర్కొంది.  ఇదిలా ఉంటే.. ఓ టీవీ డిబేట్‌లో వ్యాఖ్యలు చేసినందుకే నూపుర్‌ శర్మపై తీవ్ర స్థాయిలో వ్యతిరేకత, బీజేపీపై విమర్శలు వెల్లువెత్తాయి. అందుకే ఆమెను పార్టీని నుంచి సస్పెండ్‌ చేసింది బీజేపీ. అదే విధంగా.. సోషల్‌ మీడియాలో పోస్ట్‌ చేసినందుకు మరో నేత నవీన్‌ కుమార్‌ జిందాల్‌ను ఏకంగా పార్టీ నుంచి బహిష్కరించింది బీజేపీ. ​ఖతర్‌, కువైట్‌, యూఏఈ, పాకిస్థాన్‌, మాల్దీవ్‌, ఇండోనేషియా.. ఇలా దాదాపు పదిహేను దేశాలు నూపుర్‌ శర్మ వ్యాఖ్యలను ఖండిస్తూ ప్రకటనలు విడుదల చేశాయి. చదవండి: అలా చేయకుంటే.. నూపుర్‌ శర్మ అంతుచూస్తాం

బెంగళూరు: పార్లమెంట్, శాసన సభలు ఉన్నది చర్చలు, నిర్ణయాల కోసమే తప్ప గొడవలు, అంతరాయాల కోసం కాదని ఉప రాష్ట్రపతి, రాజ్యసభ చైర్మన్‌ ఎం.వెంకయ్య నాయుడు స్పష్టం చేశారు.  ఆయన బుధవారం బెంగళూరులో ఓ కార్యక్రమంలో మాట్లాడారు.ఇటీవల పార్లమెంట్‌ వర్షాకాల సమావేశాల్లో రాజ్యసభలో చోటుచేసుకున్న అనుచిత పరిణామాలను వెంకయ్య ప్రస్తావించారు. ప్రజల చేత ఎన్నికైన నేతలు వారి బాధ్యతలను సక్రమంగా నిర్వర్తించాలని హితవు పలికారు. ‘‘పార్లమెంట్‌లో ఇటీవల ఏం జరిగిందో మీరు చూశారు. సార్‌.. మీరు ఈ దేశానికి ఉపరాష్ట్రపతి. రాజ్యసభలో మీరెందుకు కన్నీళ్లు పెట్టుకున్నారు అని కొందరు యువతీ యువకులు అడిగారు. సభలో కొందరు ఎంపీల ప్రవర్తన వల్లే కన్నీళ్లు పెట్టుకోవాల్సి వచ్చిందని సమాధానమిచ్చినట్లు చెప్పారు.

న్యూఢిల్లీ: మతపరమైన ప్రదేశాలలో కోతుల బెడద ఎక్కువగా ఉంటోందని మథుర బీజేపీ ఎంపీ హేమమాలిని తెలిపారు. దేశ రాజధానిలోని ల్యూటెన్స్‌ ప్రాంతంలోనూ కోతుల వల్ల ఇబ్బందులు ఎదురవుతున్నాయని గురువారం ఆమె లోక్‌సభలో ప్రస్తావించారు. తన నియోజకవర్గంలోని మథుర, బృందావన్‌లలో భక్తులు కోతుల నుంచి సమస్యలు ఎదుర్కొంటున్నారని, యాత్రికుల సామాన్లు కోతులు లాక్కుని పోతున్నాయన్నారు. ఢిల్లీలోని ల్యూటెన్స్‌ ప్రాంతంలో కోతుల భయంతో పిల్లలు ఆడుకోకుండా ఇళ్లలోనే ఉండిపోతున్నారని ఎల్‌జేపీ ఎంపీ చిరాగ్‌ పాశ్వాన్‌ అన్నారు. ‘ఒకసారి కోతి నా కళ్లజోడుని తీసుకెళ్లింది. దానికి పళ్లరసం ఇచ్చి కళ్లజోడును తిరిగి తీసుకోవాల్సి వచ్చింది’అని టీఎంసీ ఎంపీ సుదీప్‌ బంధోపాధ్యాయ అన్నారు.  

న్యూఢిల్లీ : సార్వత్రిక ఎన్నికల్లో కాంగ్రెస్‌ పార్టీ ఘోర పరాజయాన్ని చవి చూసింది. కనీసం ప్రధాన ప్రతిపక్ష హోదాను కూడా దక్కించుకోలేకపోయింది. మరో వైపు పార్టీ ఓటమికి నైతిక బాధ్యత వహిస్తూ.. పార్టీ అధ్యక్షుడు రాహుల్‌ గాంధీ రాజీనామా చేయాలని నిర్ణయించుకున్నారు. ఈ విషయంలో ఇంకా సందిగ్ధత కొనసాగుతూనే ఉంది. ఈ నేపథ్యంలో కాంగ్రెస్‌ పార్టీ ఓ సంచలన నిర్ణయాన్ని తీసుకుంది. ఓ నెల రోజుల పాటు కాంగ్రెస్‌ నాయకులేవరు టీవీ చర్చల్లో పాల్గొనకూడదనే నిర్ణయం తీసుకుంది. ఈ మేరకు పార్టీ అధ్యక్షుడు రణ్‌దీప్‌ సింగ్‌ సుర్జేవాలా ట్వీట్‌ చేశారు.   .@INCIndia has decided to not send spokespersons on television debates for a month. All media channels/editors are requested to not place Congress representatives on their shows. — Randeep Singh Surjewala (@rssurjewala) May 30, 2019 ‘ఓ నెల రోజుల పాటు కాంగ్రెస్‌ అధికార ప్రతినిధులను టీవీ చర్చలకు పంపకూడదని పార్టీ నిర్ణయించింది. ఈ సదర్భంగా అన్ని మీడియా సంస్థలకు, ఎడిటర్స్‌కు ఒక విన్నపం. మీ చానెళ్లలో ప్రసారమయ్యే చర్చా కార్యక్రమాలకు కాంగ్రెస్‌ నాయకులను ఆహ్వానించకండి’ అంటూ రణ్‌దీప్‌ సింగ్‌ సుర్జేవాలా ట్వీట్‌ చేశారు. అయితే ఇలాంటి నిర్ణయం ఎందుకు తీసుకున్నార‌న్న దానిపై కాంగ్రెస్ పార్టీ సరైన వివ‌ర‌ణ ఇవ్వ‌లేదు. తాజాగా జ‌రిగిన లోక్‌స‌భ ఎన్నిక‌ల్లో కాంగ్రెస్ పార్టీ కేవ‌లం 52 స్థానాల్లో మాత్ర‌మే గెలిచిన సంగతి తెలిసిందే.

సాక్షి, చెన్నై : రజనీకాంత్‌ రాజకీయ రంగప్రవేశం ప్రకటనతో తమిళనాడులో రాజకీయం రసకందాయంగా ఉంది. ఈమేరకు రజనీ పార్టీ తరపున చాలామంది నేతలు పలు టీవీ ఛానెల్లలో కూర్చొని గంటలకొద్ది డిబేట్లు నిర్వహిస్తున్నారు. అయితే వాటిపై రజనీకాంత్‌ అభిమానుల అసోషియేషన్‌ ఓ కీలక ప్రకటన చేసింది. పార్టీ తరపున ఏ ఒక్కరిని అధికార ప్రతినిధిగా గుర్తించలేదని పేర్కొంది. రజనీ కొత్తపార్టీని స్వయంగా ప్రకటించిన తర్వాతనే అన్ని విషయాలు వెల్లడిస్తామని అభిమానుల అసోసియేషన్‌ అధ్యక్షుడు, వీఎం సుధాకర్‌ తెలిపారు. ఇప్పటి వరకూ టీవీ డిబేట్లు, పత్రికా సమావేశాల్లో రజనీ పార్టీ గురించి మాట్లాడినవి, వారి స్వంత అభిప్రాయాలుగా గుర్తించాలన్నారు. వారి వక్తిగత అభిప్రాయాలను పార్టీ అభిప్రాయాలకు ముడిపెట్టొద్దని సుధాకర్‌ సూచించారు. పార్టీ తరపున కానీ, అభిమాన సంఘాల తరపున ఏఒక్కరినీ పార్టీ అధికార ప్రతినిధిగా గుర్తించలేదని ఆయన అన్నారు. రజనీకాంత్‌కు టీవీ డిబేట్లు, పత్రికా సమావేశాల్లో మాట్లాడేవారికి ఎటువంటి సంబంధం లేదన్నారు. గత డిసెంబర్‌ 31 రజనీ కొత్తపార్టీని పెడతానని, రానున్న ఎన్నికల్లో రాష్ట్రంలోని 234 నియోకవర్గాల్లో పోటీచేస్తానని ప్రకటించిన విషయం తెలిసిందే.

విశ్లేషణ వార్తల అన్వేషణ కంటే స్టుడియోలో చర్చలు నిర్వహించడం చాలా చౌక. జాతీయ చానళ్లు అనేవి ‘రోజుకు ఒకటే కథనం’ అనే వైఖరితో, దేశంలో మరేమీ జరగలేదన్నట్టుగా దాన్నే రాత్రికి చర్చనీయాంశం చేసుకుంటున్నట్టుంది. వార్తా పత్రికలకు చందాలు కట్టడం మానేసిన  పలువురు దశాబ్ది కంటే కంటే క్రితమే నాకు తటస్థ పడ్డారు. ఇంటర్నెట్‌లో వార్త లను చదువుకోగలగడం అందుకు కారణం కాదు. సాధారణంగా టాబ్లాయిడ్‌ పత్రికల్లో కనిపించే సంచ లన వార్తలను వార్తా పత్రికల్లో చదవాల్సి వస్తుండ టమే అందుకు కారణం. వాస్తవాలు రోజు రోజుకీ మరింత భయానకంగా మారాయి. దీంతో వారూ, వారిలాంటి చాలా మంది ఇతరులు నేడు వార్తా టీవీలను చూడటమంత పాపం మరేదీ లేదని వాటిని చూడటం మానేశారు. ‘వార్త’ అంటే ఏమిటో టీవీ ఎన్నడో మరచిపోయిందని వారు గుర్తించారు. కనీసం ఇది జాతీయ చానళ్లకైనా వర్తిస్తుంది. వాటి లోని కుశాగ్ర బుద్ధులు వార్తల కోసం బయటకు వెళ్లటం అవసరమా? అని అడుగుతుంటారు. మొదట్లో, టెలివిజన్‌ వార్తలను మన ముంగిట నిలిపిన మాట వాస్తవమే. కానీ, నేటి స్థితిని చూస్తుంటే బాబ్‌ ఉడ్‌వార్డ్‌తో కలసి వాటర్‌గేట్‌ కుంభ కోణాన్ని బయటపెట్టిన సుప్రసిద్ధ పాత్రికేయుడు కార్ల్‌ బెర్న్‌స్టీన్‌ చెప్పిన విలువైన మాట గుర్తుకు వస్తుంది. ‘‘వాస్తవానికి సంబంధించి లభించగల అత్యుత్తమ కథనం’’ అందించడం కోసం వార్తా మీడియా కృషి చేయాలి. కానీ పాత్రికేయ వృత్తి నేడు ఎంత మాత్రమూ ‘‘నిబద్ధతగలది’’గా లేదు. టీవీ జర్నలిజం పూర్తిగా భిన్నమైనది, వార్తా సేక రణ చాలా వ్యయభరితమైనది. సందేహం లేదు. ఈశాన్య ప్రాంతానికంతటికీ తమ చానల్‌కున్న ఓబీ వ్యాన్‌ ఒక్కటే కాబట్టి అక్కడి వార్తలను సరిగ్గా అందించలేకపోతున్నామని రాజ్‌దీప్‌ సర్దేశాయ్‌ తర చుగా అంగీకరిస్తుంటారు. అయితే, వార్తాపత్రికలు పీటీఐ, యూఎన్‌ఐలపై ఆధారపడినట్టే చాలా వరకు చానళ్లు ఏఎన్‌ఐ వార్తా సంస్థ వార్తలు, కథనాలపై ఆధార పడుతుంటాయి. మరో పాత్రికేయుడు రవీశ్‌ కుమార్‌ (ఎన్‌డీటీవీ ఇండియా) తమ సిబ్బందిని తీసుకుని ఓ మురికివాడకు లేదా కళాశాలకు వెళ్లి ప్రజలు ఎదుర్కొంటున్న సమస్యలను తెలుసుకో వడం ప్రారంభించారు. అందుకోసం రాత్రి ప్రైమ్‌ టైమ్‌ ‘‘చర్చ’’ను విడిచిపెట్టేసే సాçహసం చేశారు. రాత్రి ‘‘ప్రదర్శన కోసం కోతులను తెచ్చే’’ అలాంటి చర్చలు వార్తలలోని సమాచార సారాన్ని చంపేస్తా యని ఆయన బహిరంగంగానే హెచ్చరించారు. ఆయన చెప్పింది సరైనదే. సరైన సమాచారం లేదా ఏ సమాచారమూ లేకపోయినాగానీ ఏ పక్షం తరఫునైనా వాదనా పటిమగల ఓ పార్టీ పెద్దమనిషి స్టూడియోలోని తన ప్రత్యర్థికి∙సమయాన్ని నిరాక రించి లేదా మిగతా అందరి నోళ్లను మూయించేసి తానే మాట్లాడటం ఎందుకు? ఒక్క ప్రభుత్వ ప్రతి నిధినైనా అలాంటి చర్చలకు ఎందుకు తీసుకురారు? కనీసం వారి దృష్టి కోణాన్ని చెప్పడానికైనా  పిలవరెం దుకు? మొదట్లో వాటికి ‘చాట్‌ షోస్‌’ (సంభాషణా కార్యక్రమాలు) అనే తగిన  గుర్తింపే ఉండేది. కొద్ది కాలానికి వాటిని ‘చర్చల’ స్థాయికి లేవనెత్తారు. ఆ తర్వాత,  కించపరచేవిగా దిగజార్చారు. చాలా సంద ర్భాల్లో యాంకర్లే స్వయంగా కేకలేస్తుండే స్థాయికి లేదా  చర్చకే స్థానం లేకుండేలా పద్ధతిని పాటించని వారిని మాట్లాడటానికి అనుమతించే స్థాయికి అది దిగజారింది. దానికే రోజువారీ ముఖ్య కార్యక్రమాల్లో ఒకటిగా ప్రైమ్‌టైమ్‌ను కేటాయిస్తున్నారు. నా దృష్టిలో ప్రైమ్‌ టైమ్‌ అంటే బీబీసీ, అల్‌ జజీరా చానళ్లలాగా వార్తలన్నిటినీ అందించడానికి అత్యుత్తమ సమయమని అర్థం. ఏదైనా పరిణామా నికి నేపథ్యాన్ని తెలపడం కోసం ఎవరైనా నిష్పాక్షిక నిపుణుల అభిప్రాయాలను జోడించవచ్చు. కానీ మన చానళ్లకు మనమంతా ఏ పనీ పాటూ లేకుండా టీవీ ముందు కూచుని, రోజంతా వార్తలను చూసే బాప తనే తప్పుడు అభిప్రాయం ఉన్నట్టుంది. మన వాళ్లు టీవీ పెట్టేసరికి, చెవులు దద్దరిల్లేలా అరుపులు, ఆగ్రహం ప్రత్యక్షమౌతాయి. ఎవరు ఏమి చెప్పారో కూడా తెలియకుండానే సాగే ఈ నిస్సారమైన రాత్రి నాటకాలు ప్రజల బుర్రలపై పట్టుబిగించి, ప్రభా వితం చేయడంలో ఆశ్చర్యమేమైనా ఉందా? వార్తల అన్వేషణ కోసం సిబ్బందిని పంపడం కంటే స్టూడి యోకి చర్చలు జరిపేవారిని రప్పించడం చాలా చౌక. దేశంలోని అన్ని భాషలవారికి చేరగల ఇంగ్లిష్, హిందీ చానళ్లు అనే దృష్టితో జాతీయ చానళ్లు అని పిలిచేవి బహుశా ‘రోజుకు ఒకటే కథనం’ అనే వైఖరిని అవ లంబిస్తున్నట్టుంది. 130 కోట్ల జనాభాగల దేశంలో మరేమీ జరగలేదన్నట్టుగా ఆ కథనాన్నే రాత్రికి చర్చ నీయాంశం చేసుకుంటున్నట్టుంది. ప్రతి అంశం మీదా వ్యాఖ్యానించడానికి ఒక రాజకీయవేత్తను కనిపెట్టి, ఆ తర్వాత వారు దాన్ని రాజకీయం చేస్తున్నారని ఆరోపించడం ఇందులోని విషాదకరమైన భాగం. ‘మీరు మీ భార్యను కొట్టడం మానేశారా?’ వంటి సమాధానాన్ని కూడా చెప్పేసే ఏక వాక్య ప్రశ్నలను సంధించి వ్యక్తులను ఉచ్చుల్లో పడేయడం జరుగుతుంది. ప్రసారం చేయడానికి సమాచారాన్ని రాబట్టే ప్రయత్నం కాదది, అవును లేదా కాదు అనే రెండు అంశాల చర్చను పెంపొం దింపజేయడం. ‘వార్తల’ శకం నుంచి నేడు మనం వినోదానికి నల్లమందును జోడించే ‘సమాచార వినోద’ శకానికి పరివర్తన చెందలేదా? వ్యాసకర్త సీనియర్‌ పాత్రికేయులు మహేశ్‌ విజాపుర్కర్‌ ఈ–మెయిల్‌ : mvijapurkar@gmail.com

పణజి : టీవీ చానల్స్‌లో రోజూ ప్రసారం అవుతోన్న చర్చా కార్యక్రమాలపై సెన్సార్‌ బోర్డు చీఫ్‌ ప్రసూన్‌ జోషి సంచలన వ్యాఖ్యలు చేశారు. ఎదుటివారిని ఓడించడమే లక్ష్యంగా.. చాలా సార్లు అడ్డదిడ్డంగా, కొన్నిసార్లు జుగుప్సాకరంగా, అంతూపొంతూ లేకుండా సాగుతోన్న టీవీ చర్చా కార్యక్రమాలు దేశంలో భాషా ఉగ్రవాదాన్ని పెంపొందిస్తున్నాయని పేర్కొన్నారు. నిజమైన ప్రజాస్వామిక భావనలకు ఇలాంటి చర్చలు అవరోధాలని ప్రసూన్‌ జోషి అభిప్రాయపడ్డారు. ఆదివారం పణజి(గోవా)లో ఇండియా ఫౌండేషన్‌ వారు నిర్వహిస్తోన్న ‘ఇండియా ఐడియాస్‌ కంక్లేవ్‌-2017’ లో ఆయన మాట్లాడారు. ‘టీవీ చర్చల్లో.. ఆయా పక్షాలకు చెందిన కొందరు సుశిక్షితులు గెలుపు కోసమే వాదించడం చూస్తూంటాం. వారి ముందు..  విషయపరిజ్ఞానం ఉన్నవాళ్లు సైతం డీలా పడిపోతుంటారు. ఎదుటివారు వాదనను మొదలుపెట్టేలోపే ఇటు నుంచి దాడి పూర్తవుతుంది. ఇది సరైన విధానం కాదు. నిజంగా ప్రజాస్వామ్యంగా ఉండాలనుకున్నప్పుడు.. వాదనలు వినే, వాదనలు గెలవడంలో కొత్త మార్గాన్ని కనుగొనవలసి ఉంది’’ అని ప్రసూన్‌ జోషి అన్నారు. ప్రసూన్‌ జోషి (ఫైల్‌ ఫొటో)


 అనంతపురం ఎడ్యుకేషన్ : జాతీయ వినియోగదారుల దినోత్సవాన్ని పురస్కరించుకుని 7, 8, 9 తరగతుల విద్యార్థులకు వ్యాసరచన, వక్తృత్వ పోటీలు నిర్వహించాలని జిల్లా విద్యాశాఖ అధికారి శామ్యూల్‌ ఓ ప్రకనటలో తెలిపారు. ’వినియోగదారు వివాదాల సత్వర నిర్ధారణ కోసం ప్రత్యామ్నాయ వివాదాల పరిష్కారం’ అనే అంశంపై 19న పాఠశాలస్థాయి, 20న మండలస్థాయి, 21న ఉదయం 10 గంటల నుంచి మధ్యాహ్నం 1 గంట వరకు జిల్లాస్థాయి పోటీలు నిర్వహించనున్నట్లు పేర్కొన్నారు. తెలుగు, ఇంగ్లిష్, ఉర్దూ మీడియంలలో పోటీలు ఉంటాయని వివరించారు. జిల్లాస్థాయి విజేతలకు 23న విజయవాడలో రాష్ట్రస్థాయి పోటీలు ఉంటాయని పేర్కొన్నారు.