ఫ్రొఫెసర్‌ లక్ష్మిని అరెస్టు చేయాలి

పట్నంబజారు: జూనియర్‌ డాక్టర్‌ సంధ్యారాణి మృతికి కారణమైన ప్రొఫెసర్‌ లక్ష్మిని తక్షణం అరెస్టు చేయాలని వైఎస్సార్‌ కాంగ్రెస్‌ పార్టీ విద్యార్థి విభాగం నేతలు డిమాండ్‌ చేశారు. వైఎస్సార్‌ సీపీ హిందూ కళాశాల, ఏసీ కళాశాల అధ్యక్షులు యాదాల రామ్, దానం వినోద్‌ ఆధ్వర్యంలో నాయకులు  శనివారం జీజీహెచ్‌లో జూడాలు చేస్తున్న ఆందోళనలకు మద్దతు తెలిపారు.  సంధ్యారాణి కుటుంబానికి న్యాయం చేయాలని డిమాండ్‌ చేశారు. ప్రభుత్వం, పోలీసు అధికారులు ప్రొఫెసర్‌ లక్ష్మిని అరెస్టు చేయడంలో నిర్లక్ష్యం వహిస్తున్నారని ధ్వజమెత్తారు. సంధ్యారాణి కుటుంబానికి న్యాయం జరిగే వరకు పోరాటం చేస్తామని స్పష్టం చేశారు. పార్టీ విద్యార్థి విభాగం నగర కార్యదర్శి కె.క్రాంతి, నాయకులు కాశి, సి.హెచ్‌.తిలక్, సురేంద్ర, జె.వంశీ, డి.తిరుపతి తదితరులు పాల్గొన్నారు.