TV
మున్సిపల్ ఎన్నికల ప్రచారంలో భాగంగా ఈనెల 26న వైఎస్‌ఆర్‌సీపీ గౌరవాధ్యక్షురాలు వైఎస్ విజయమ్మ, వైఎస్ జగన్ సోదరి షర్మిల ఈనెల 28న జిల్లాకు వస్తున్నారు.
ప్రొద్దుటూరు/జమ్మలమడుగు/రాయచోటి, న్యూస్‌లైన్ : మున్సిపల్ ఎన్నికల ప్రచారంలో భాగంగా ఈనెల 26న వైఎస్‌ఆర్‌సీపీ గౌరవాధ్యక్షురాలు వైఎస్ విజయమ్మ, వైఎస్ జగన్ సోదరి షర్మిల ఈనెల 28న జిల్లాకు వస్తున్నారు. ఈ నెల 26న రాయచోటిలో వైఎస్ విజయమ్మ రోడ్‌షో నిర్వహిస్తారని ఎమ్మెల్యే శ్రీకాంత్‌రెడ్డి తెలిపారు.
ఈ నెల 28న ఉదయం ఎర్రగుంట్లలో, సాయంత్రం జమ్మలమడుగులో షర్మిల మున్సిపల్ ఎన్నికల ప్రచారం నిర్వహిస్తారని ఎమ్మెల్సీ దేవగుడి నారాయణరెడ్డి తెలిపారు. అదే రోజు ఉదయం 11గంటలకు షర్మిల ప్రొద్దుటూరులో జరిగే సభలో పాల్గొంటారని నియోజకవర్గ సమన్వయకర్త రాచమల్లు ప్రసాద్‌రెడ్డి తెలిపారు.
