పోలీసుల వేధింపులతో మహిళ మృతి

ఆసిఫ్ నగర్: పోలీసుల వేధింపులతో ఓ మహిళ మృతి చెందింది. వివరాలు.. హైదరాబాద్ నగరం ఓ ఆసుపత్రిలో చోరీకి పాల్పడినట్లు సీసీటీవీ ఫుటేజీ ఆధారాలున్నాయని ఆసిఫ్ నగర్ పోలీసులు ఓ మహిళను వారం రోజుల క్రితం అదుపులోకి తీసుకున్నారు. అప్పటి నుంచి చోరీకి సంబంధించి ఆమెను తీవ్రంగా హింసించినట్లు సమాచారం.

ఈ క్రమంలోనే పోలీసుల వేధింపులు తాళలేక శనివారం అర్ధరాత్రి ఆమె అపస్మారక స్థితికి చేరుకుంది. దీంతో పోలీసులు గుట్టుచప్పుడు కాకుండా బాధిత మహిళను హుటాహుటిన ఉస్మానియా ఆసుపత్రికి తరలించారు. అక్కడ చికిత్స పొందుతున్న ఆ మహిళ ఆదివారం ఉదయం మృతి చెందింది.