హీరోలకు అండగా ఉందాం

సోనూ సూద్‌

‘‘ప్రస్తుతం అందరం కష్టకాలంలో ఉన్నాం. ఈ సమయంలో మనందరి కోసం పోరాడుతున్న హీరోలకు (వైద్య శాఖ, ఇతర అత్యవసర సిబ్బంది) మనం అండగా నిలబడాలి’’  అంటున్నారు బాలీవుడ్‌ నటుడు సోనూ  సూద్‌. చెప్పినట్లే  నిలబడుతున్నారు ఆయన. ముంబైలో సోనూకి ఓ హోటల్‌ ఉంది. ప్రస్తుతం లాక్‌ డౌన్‌ వల్ల అది మూసివేశారు. అయితే ఆరోగ్యశాఖలో పని చేస్తున్నవాళ్లు వినియోగించుకునేందుకు వీలుగా ఆ హోటల్‌ ను  తెరచి ఉంచబోతున్నట్టు ప్రకటించారు సోను. ‘‘వాళ్లు చేస్తున్న దానితో పోలిస్తే నేను చేస్తున్నది పెద్ద సహాయం కూడా కాదు. మనందరం కలసి ఈ సమస్య (కరోనా)ను దాటుదాం’’ అని పేర్కొన్నారు సోనూ సూద్‌.