రయ్‌ రయ్‌మంటూ...

ఒక సినిమా షూటింగ్‌ జరుగుతుండగానే మరో సినిమాను పట్టాలెక్కించేస్తున్నారు హీరోలు. తమిళ హీరో సూర్య ఒక అడుగు ముందుకేసి నెక్స్‌ట సినిమానే కాకుండా ఆ తర్వాతి చిత్రాన్ని కూడా ఓకే చేశారు అంటున్నాయి కోలీవుడ్‌ వర్గాలు. ప్రస్తుతం ‘తానా సేందకూట్టమ్‌’ (తెలుగులో ‘గ్యాంగ్‌’)లో చేస్తోన్న సూర్య తదుపరి చిత్రాన్ని దర్శకుడు సెల్వ రాఘవన్‌తో చేయనున్నారు.

ఆ తర్వాత  కెమెరామేన్‌ నుంచి దర్శకుడిగా మారిన కేవీ ఆనంద్‌ దర్శకత్వంలో ఓ సినిమాకి గ్రీన్‌ సిగ్నల్‌ ఇచ్చారని సమాచారం. ఇదివరకు వీరి కాంబినేషన్‌లో  ‘వీడొక్కడే, బ్రదర్స్‌’ వంటి చిత్రాలు వచ్చాయి. అవిభక్త కవలలు కాన్సెప్ట్‌తో ‘బ్రదర్స్‌’ సినిమా ఉంటుంది. ఈసారి కూడా సూర్య, ఆనంద్‌ ఒక ప్రయోగాత్మక చిత్రంతోనే హ్యాట్రిక్‌ సాధించాలనుకుంటున్నారని చైన్నై టాక్‌.