తడ్రి డైరెక్షన్, కుమార్తె యాక్షన్‌

జై హనుమాన్‌. ప్రస్తుతం ఇదే మంత్రాన్ని జపిస్తోంది యాక్షన్‌ కింగ్‌ అర్జున్‌ ఫ్యామిలీ. కన్నడ బిగ్‌ బాస్‌ విన్నర్‌ చందన్‌ హీరోగా, కుమార్తె ఐశ్వర్యా అర్జున్‌ హీరోయిన్‌గా అర్జున్‌ నిర్మిస్తూ, దర్శకత్వం వహిస్తున్న చిత్రం ‘ప్రేమ బరహ’. ఈ సినిమాతో తన కుమార్తెను కన్నడ ఇండస్ట్రీకు పరిచయం చేస్తున్నారు అర్జున్‌.

ఈ సినిమాలో వచ్చే హనుమాన్‌ చాలీసా సాంగ్‌ కోసం అర్జున్‌ తన మేనల్లుళ్లు ధ్రువ్‌ సర్జా, చిరంజీవి సర్జా  మరియు చాలెంజింగ్‌ స్టార్‌ దర్శన్‌తో కలిసి కాలు కదపబోతున్నారు. వీళ్ళంతా ఆంజనేయ స్వామి భక్తులు కావటం విశేషం. ఈ హనుమాన్‌ చాలీసా సాంగ్‌ను జెస్సీ గిఫ్ట్‌ కంపోజ్‌ చేయగా యస్పీ బాల సుబ్రహ్మణ్యం పాడారు.