ప్రేమికుల రోజున ఏయ్‌ పిల్లా..

నాగచైతన్య, సాయిపల్లవి

‘ఏయ్‌ పిల్లా..’ అంటూ ప్రేమగీతాలాపన చేశారు నాగచైతన్య. శేఖర్‌ కమ్ముల దర్శకత్వంలో నాగచైతన్య, సాయిపల్లవి జంటగా నటిస్తున్న చిత్రం ‘లవ్‌స్టోరి’. ఎమిగోస్‌ క్రియేషన్స్, సోనాలి నారంగ్‌ సమర్పణలో నారాయణ్‌దాస్‌ కె. నారంగ్, పి. రామ్మోహన్‌రావు నిర్మిస్తున్నారు. ఈ సినిమా చిత్రీకరణ తుది దశకు చేరుకుంది. ఈ సినిమాలోని ‘ఏయ్‌ పిల్లా..’ అనే పాట మ్యూజికల్‌ ప్రివ్యూను నిమిషం నిడివితో ప్రేమికుల రోజు సందర్భంగా రేపు ఉదయం 11గం టల 07 నిమిషాలకు విడుదల చేయబోతున్నారు. ఏఆర్‌ రెహమాన్‌ మ్యూజిక్‌ స్కూల్‌కి చెందిన పవన్‌ సి.హెచ్‌ ఈ చిత్రం ద్వారా సంగీత దర్శకుడిగా పరిచయం అవుతున్నారు. రాజీవ్‌ కనకాల, ఈశ్వరీ రావు, దేవయాని కీలక పాత్రలు చేస్తున్న ఈ సినిమాకు భాస్కర్‌ కటకం శెట్టి సహ–నిర్మాత. ఈ చిత్రం ఈ వేసవిలో విడుదల కానుంది. ఈ చిత్రానికి కెమెరా: విజయ్‌ సి.కుమార్‌.