మెగా ఫ్యామిలీ నుంచి హీరోగా పరిచయం అవుతున్న మరో హీరో కల్యాణ్ దేవ్‌. మెగాస్టార్ చిరంజీవి చిన్నల్లుడు (శ్రీజ భర్త) కల్యాణ్ విజేత సినిమాతో హీరోగా పరిచయం అవుతున్న సంగతి తెలసిందే. రాకేష్‌ శశి దర్శకత్వంలో తెరకెక్కుతున్న ఈ సినిమాను వారాహి చలన చిత్రం బ్యానర్‌పై నిర్మిస్తున్నారు. కల్యాణ్ సరసన మాళవిక నాయర్‌ (ఎవడే సుబ్రమణ్యం ఫేం) హీరోయిన్‌గా నటిస్తున్నారు. 

తండ్రి కొడుకుల నేపథ్యంలో తెరకెక్కిన ఈ సినిమా ఎమోషనల్‌ డ్రామా షూటింగ్‌ కార్యక్రమాలు పూర్తి చేసుకొని ప్రస్తుతం నిర్మాణాంతర కార్యక్రమాలు జరుపుకుంటోంది. ఇప్పటికే ప్రమోషన్స్‌ ప్రారంభించిన చిత్రయూనిట్ టీజర్‌ ను రిలీజ్‌ చేశారు. జూన్‌ 24న అభిమానుల సమక్షంలో ఆడియో వేడుకను నిర్వహించేందుకు ప్లాన్‌ చేస్తున్నారు. ఈ ఈవెంట్‌కు మెగాస్టార్ చిరంజీవి తో పాటు మెగా ఫ్యామిలీ హీరోలు హాజరవుతారన్న టాక్‌ వినిపిస్తోంది. .జూలై మొదటి వారంలో సినిమాను రిలీజ్ చేసేందుకు ప్లాన్‌ చేస్తున్నారు.