ఎల్‌ఐసీ ఏజెంట్ కలలు

ఎల్‌ఐసీ ఏజెంట్ కలలు

కమెడియన్ సుమన్ శెట్టి హీరోగా నటిస్తున్న చిత్రం ‘చెంబు చిన సత్యం’. ఇందులో ఆయన ఎల్‌ఐసీ ఏజెంట్ చెంబు చిన సత్యంగా టైటిల్ రోల్ పోషిస్తున్నారు. ప్రమోదిని కథానాయిక. నామాల రవీంద్రసూరి దర్శకత్వంలో ఆలూరి సాంబశివరావు ఈ చిత్రాన్ని నిర్మిస్తున్నారు. ఈ సినిమా పాటల సీడీని హైదరాబాద్‌లో కేవీ రమణాచారి ఆవిష్కరించారు. దర్శకుడు మాట్లాడుతూ - ‘‘ఇందులో సుమన్ శెట్టి కనే కలలన్నీ నిజమవుతుంటాయి. ఓ రోజు అతని కుటుంబ సభ్యులు చనిపోయినట్టు కల వస్తుంది. మరి సుమన్ శెట్టి ఎలా కాపాడుకున్నాడన్నదే ఈ సినిమా కథాంశం’’ అని చెప్పారు. సంగీత దర్శకుడు విజయ్ కురాకుల, వరా ముళ్లపూడి, వీరశంకర్ తదితరులు మాట్లాడారు.