హాలిడే ఇంకా అవ్వలేదు

సమంత, నాగచైతన్య

టాలీవుడ్‌ లవ్లీ కపుల్‌ నాగచైతన్య, సమంతల న్యూ ఇయర్‌ హాలిడే ఇంకా ముగిసినట్టుగా లేదు. ఆమ్‌స్టర్డమ్‌ అందాలను ఇంకా చూస్తూ గడిపేస్తున్నారు. న్యూ ఇయర్‌ సెలబ్రేషన్స్‌ కోసం నాగచైతన్య, మరికొంత మంది స్నేహితులతో కలసి హాలిడేకి వెళ్లారు సమంత. అక్కడ తాము చేస్తున్న అల్లరంతా ఎప్పటికప్పుడు తన సోషల్‌ మీడియాలో పోస్ట్‌ చేస్తున్నారామె. తాజాగా ఈ ట్రిప్‌లో పలు ఫొటోలను పంచుకున్నారు. సినిమాల విషయానికి వస్తే సమంత, నాగచైతన్య ప్రస్తుతం ‘మజిలీ’ అనే చిత్రంలో నటిస్తున్నారు. ఈ సినిమాలో భార్యాభర్తలుగానే నటిస్తున్నారు.