పోలీస్ గెటప్‌లో ప్రభాస్..?

పోలీస్ గెటప్‌లో ప్రభాస్..?

ఈ తరం స్టార్ హీరోలందరూ ఏదో ఒక సందర్భంలో పోలీస్ గెటప్లో కనిపించిన వారే. టాప్ స్టార్స్గా ఉన్న మహేష్ బాబు, పవన్ కళ్యాణ్, రామ్ చరణ్, అల్లు అర్జున్, ఎన్టీఆర్ లాంటి హీరోలు ఇప్పటికే పోలీస్ గెటప్లో అదరగొట్టారు. ఇప్పుడు ఈ లిస్ట్లోకి టాలీవుడ్ కండల వీరుడు ప్రభాస్ కూడా ఎంటరవ్వబోతున్నాడు. ప్రస్తుతం బాహుబలి సినిమాతో బిజీగా ఉన్న ప్రభాస్ తన తరువాతి సినిమాలో పవర్‌ఫుల్ పోలీస్ ఆఫీసర్ పాత్రలో కనిపించనున్నాడట.

రన్ రాజా రన్ సినిమాతో మంచి సక్సెస్ అందుకున్న దర్శకుడు సుజిత్, ఆ సినిమా తరువాత మరో సినిమా అంగీకరించకుండా ప్రభాస్ డేట్స్ కోసం వెయిట్ చేస్తున్నాడు. ఇప్పటికే ప్రభాస్కు కథ వినిపించి ఓకే అనిపించుకున్న సుజిత్, ఆ స్క్రిప్ట్కు తుదిమెరుగులు దిద్దుతున్నాడు. బాహుబలి తరువాత రిలీజ్ అయ్యే సినిమా కావటంతో అభిమానుల అంచనాలను అందుకునే స్థాయిలో సినిమాను రూపొందించడానికి జాగ్రత్తలు తీసుకుంటున్నాడు. ఈ సినిమాను యువి క్రియేషన్స్ భారీగా నిర్మించడానికి ప్లాన్ చేస్తోంది.