డబ్బింగ్‌ షురూ

రజనీకాంత్‌

‘దర్బార్‌’లో ఆదిత్య అరుణాచలం మాటల తూటాలు పేలుతున్నాయి. మరి.. ఈ దర్బార్‌ డైలాగ్స్‌ ప్రేక్షకులకు ఎంత కిక్‌ ఇస్తాయో తెలిసేది మాత్రం సంక్రాంతి పండక్కే. రజనీకాంత్‌ హీరోగా ఏఆర్‌ మురుగదాస్‌ దర్శకత్వంలో తెరకెక్కిన చిత్రం ‘దర్బార్‌’. ఇందులో నయతార కథానాయికగా నటించారు. నివేదాథామస్‌ కీలక పాత్రధారి. ఈ చిత్రంలో పోలీసాఫీసర్‌ ఆదిత్య అరుణాచలం పాత్రలో నటించారు రజనీకాంత్‌. ఈ సినిమా డబ్బింగ్‌ కార్యక్రమాలు మొదలైనట్లు గురువారం చిత్ర దర్శకుడు ఏఆర్‌ మురుగదాస్‌ వెల్లడించారు. లైకా ప్రొడక్షన్స్‌ నిర్మించిన ‘దర్బార్‌’ చిత్రం వచ్చే ఏడాది సంక్రాంతికి విడుదల కానుంది.