రంగస్థలం సినిమాతో బ్లాక్‌ బస్టర్‌ సక్సెస్‌ సాధించిన రామ్‌ చరణ్‌ ప్రస్తుతం బోయపాటి శ్రీను దర్శకత్వంలో నటిస్తున్నాడు. బోయపాటి మార్క్‌ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో చెర్రీ స్టైలిష్ లుక్‌లో అలరించనున్నాడు. ప్రస్తుతం ఈ సినిమా షూటింగ్ కార్యక్రమాలు శరవేగంగా జరుగుతున్నాయి. తాజాగా ఈ సినిమాకు సంబంధించిన ఇంట్రస్టింగ్‌ న్యూస్‌ ఒకటి ఫిలిం సర్కిల్స్‌లో వినిపిస్తోంది.

బోయపాటికి తన సినిమాల్లో స్టార్‌ హీరోయిన్లతో స్పెషల్‌ సాంగ్స్ చేయించటం లో సెంటిమెంట్‌. అదే సెంటిమెంట్‌ను చరణ్ సినిమాలోనూ కంటిన్యూ చేస్తున్నాడు. ఈ సినిమాలో చరణ్ సరసన రకుల్‌ స్పెషల్‌ సాంగ్‌లో ఆడిపాడనుందట. బోయపాటి గత చిత్రం జయ జానకీ నాయక లో హీరోయిన్‌గా నటించిన రకుల్ చెర్రీతో ధృవ, బ్రూస్‌లీ సినిమాల్లో హీరోయిన్‌గా నటించింది. ఇప్పుడు స్పెషల్‌ సాంగ్‌లో ఏమేరకు ఆకట్టుకుంటుందో చూడాలి.