వెరైటీ ప్రేమకథ

వెరైటీ ప్రేమకథ

 రాహుల్ రవీంద్రన్ హీరోగా ‘రామసక్కనోడు’ అనే ప్రేమకథా చిత్రం తెరకెక్కుతోంది. నిత్యాశెట్టి, తరుణిక కథానాయికలు. రాథోడ్ ఎం.దర్శకత్వంలో అమ్మానాన్న ఫిలింస్ పతాకంపై మణీంద్రన్ ఎం. నిర్మిస్తున్నారు. ఈ చిత్రం ముహూర్తపు సన్నివేశానికి సీనియర్ పాత్రికేయులు వినాయకరావు కెమేరా స్విచాన్ చేయగా, దర్శకరత్న దాసరి నారాయణరావు క్లాప్ ఇచ్చారు. దర్శకుడు మాట్లాడుతూ- ‘‘ఇదొక డిఫరెంట్ లవ్‌స్టోరీ. ఆర్నెల్లు స్క్రిప్ట్ వర్క్ చేశాం.

ప్రారంభం నుంచి ఎండింగ్ వరకు వినోదంగా ఉంటుంది’’ అన్నారు. ‘‘నేను గతంలో చేసిన చిత్రాలకంటే ఇందులో నా పాత్ర కొత్తగా ఉంటుంది. కథ విని వెంటనే ఓకే చెప్పేశా. నా కెరీర్‌లో ఈ చిత్రం మరో మైలురాయిగా నిలుస్తుందనే నమ్మకం ఉంది’’ అని రాహుల్ రవీంద్రన్ చెప్పారు. ఈ చిత్రానికి సహ నిర్మాత: ప్రశ్నాత్ తాత.