టాలీవుడ్‌ స్టార్‌ కపుల్‌ సమంత, నాగచైతన్యలు త్వరలో వెండితెర మీద తలపడనున్నారు. సమంత ప్రధాన పాత్రలో తెరకెక్కిన యు టర్న్‌, నాగచైతన్య హీరోగా తెరకెక్కిన శైలజా రెడ్డి అల్లుడు సినిమాలు ఒకే రోజు రిలీజ్‌ అవుతున్నాయి. ఈ రెండు సినిమా వినాయకచవితి కానుకగా సెప్టెంబర్‌ 13న ప్రేక్షకుల ముందుకు రానున్నాయి. అయితే ఈ ఆసక్తికరమైన పోటిపై సోషల్‌ మీడియాలో పెద్ద ఎత్తున చర్చ జరుగుతోంది.

సమంత, చైతూల పెళ్లి సమయంలో చైసామ్‌ అనే హ్యాష్ ట్యాగ్‌ ట్విట్టర్‌లో సందడి చేసింది. ఇప్పుడు అదే తరహాలో చై వర్సెస్‌ సామ్‌ (#chayVsSam) హ్యాష్ ట్యాగ్ ట్రెండ్‌ అవుతోంది. అయితే ఈ విషయంపై స్పందించిన సమంత, చై వర్సెస్‌ సామ్‌ కాదు చై విత్‌ సామ్‌(#ChayWithSam) అంటూ కామెంట్ చేశారు. 

It’s Chay with Sam !! Not vs ❤️ https://t.co/nkGJJQygbR

— Samantha Akkineni (@Samanthaprabhu2) 28 August 2018