TV
మంత్రి-మధ్యతరగతి యువతి లవ్ స్టోరీ
చెన్నై: విక్టరీ వెంకటేష్తో నయనతార ముచ్చటగా మూడోసారి జత కట్టనుంది. లక్ష్మీ, తులసీ సినిమాల్లో వీరిద్దరూ కలిసి నటించారు. తాజాగా తెరకెక్కనున్న 'రాధ' సినిమాలో వెంకీ సరసన హీరోయిన్గా నయన్ నటించనుంది. వరుస విజయాలతో మంచి ఊపు మీదున్న దర్శకుడు మారుతి ఈ సినిమాను తెరకెక్కించనున్నాడు. జనవరి 16న షూటింగ్ ప్రారంభం కానుంది.
మంత్రికి, మధ్యతరగతి యువతికి మధ్య చిగురించిన ప్రేమకథ నేపథ్యంలో ఈ సినిమా ఉంటుందని నిర్మాతలు ఒక ప్రకటనలో తెలిపారు. ఈ సినిమాను డివివి దానయ్య నిర్మిస్తున్నారు. వెంకటేష్-నయనతార హిట్ ఫెయిర్ మరోసారి రిఫీట్ అవుతుండడంతో 'రాధ' కోసం అభిమానులు ఆసక్తిగా ఎదురు చూస్తున్నారు. వీరిద్దరూ నటించిన సినిమా టైటిల్స్ ఆడవారి పేర్లే కావడం విశేషం.
