అతణ్ణి రెండేళ్లుగా ప్రేమిస్తున్నా

అతణ్ణి రెండేళ్లుగా ప్రేమిస్తున్నా

 ఔనండి.. నేను ప్రేమలో పడ్డా.. అయితే ఏంటి? అన్నట్లుగా ఉంది భావన వ్యవహారం. ఈ మలయాళ బ్యూటీ ప్రేమలో పడిందనే వార్త గత కొంత కాలంగా ప్రచారంలో ఉంది. ఇన్నాళ్లూ ఈ వార్త నిజం కాదని చెప్పుకుంటూ వచ్చిన భావన, ఇప్పుడు మాత్రం ‘యస్.. యస్.. ఐయామ్ ఇన్ లవ్’ అని కుండబద్దలు కొట్టినట్లు చెప్పారు. గత రెండేళ్లుగా ఓ వ్యక్తిని ప్రేమిస్తున్నానని, అయితే అందరూ అనుకుంటున్నట్లు ఇప్పుడే పెళ్లి చేసుకోనని పేర్కొన్నారు. ఈ ఏడాది చివర్లో లేక వచ్చే ఏడాది ప్రారంభంలో పెళ్లి చేసుకుంటానన్నారు. ఇంతకీ మీ మనసు దోచుకున్న ఆ యువకుడు ఎవరు? అని అడిగితే.. అది మాత్రం అడగొద్దంటున్నారు.

అది పూర్తిగా తన వ్యక్తిగతమని, ఆ వివరాల్లోకి వెళ్లొద్దని అంటున్నారు. మొత్తానికి మరో ఏడాది లోపు భావన పెళ్లి చేసుకుంటారని మాత్రం అర్థమవుతోంది. ఈలోపు ప్రస్తుతం చేతిలో ఉన్న సినిమాలను పూర్తి చేయాలనుకుంటున్నారట.