TV
నకిలీ ఖాతాల్లో రూ.100 కోట్లు, ఐటీ దాడి
న్యూఢిల్లీ: చాందిని చౌక్‌ లోని యాక్సిస్‌ బ్యాంకులో ఆదాయపన్ను శాఖ అధికారులు తనిఖీలు నిర్వహించారు. 44 ఖాతాల్లో రూ. 100 కోట్లుపైగా డిపాజిట్ చేయడంతో అనుమానం వచ్చిన అధికారులు శుక్రవారం సోదాలు జరిపారు. ఈ 44 ఖాతాలు నకిలీవని ఐటీ అధికారులు గుర్తించారు.
నవంబరు 8న పాత పెద్ద నోట్లను రద్దు చేస్తూ కేంద్ర ప్రభుత్వం నిర్ణయం తీసుకున్నా చాందిని చౌక్‌ లోని యాక్సిస్‌ బ్యాంకులోని వివిధ ఖాతాల్లో రూ. 450 కోట్లుపైగా డిపాజిటయ్యాయి. భారీ మొత్తంలో నగదు డిపాజిట్ కావడంతో ఐటీ అధికారులు రంగంలోకి దిగారు. ఈ డబ్బు ఎవరిదనే దానిపై ఆరా తీస్తున్నారు. బ్యాంకు అధికారులను ప్రశ్నిస్తున్నారు.
