మహిళగా మారి పెళ్లి.. ఆపరేషన్‌ వికటించి..

ప్రతీకాత్మక చిత్రం

ఇండోర్‌: లింగమార్పిడి చేసుకుని మహిళగా మారిన ఓ వ్యక్తి ఆత్మహత్యకు పాల్పడ్డాడు. ఈ ఘటన మధ్యప్రదేశ్‌లో చోటుచేసుకుంది. వివరాలు.. పాలక్‌(26) అనే వ్యక్తి ఎనిమిదేళ్ల క్రితం లింగమార్పిడి ఆపరేషన్‌ చేయించుకున్నాడు. మహిళగా మారి ఓ యువకుడిని వివాహం చేసుకున్నాడు. ఈ క్రమంలో కొన్ని రోజుల తర్వాత ఆపరేషన్ వికటించడంతో పాలక్‌కు శారీరక సమస్యలు తలెత్తాయి. దీంతో ఆమె మానసిక ఆందోళనకు గరైంది. ఈ నేపథ్యంలో ఉరివేసుకుని బలవనర్మణానికి పాల్పడింది.

ఈ విషయం గురించి పోలీసులు మాట్లాడుతూ.. డిప్రెషన్‌తోనే బాధితురాలు ఆత్మహత్యకు పాల్పడినట్లు అనుమానిస్తున్నామన్నారు. అయితే ఇంతవరకు సూసైడ్‌ నోట్‌ లభించలేదని.. ఆమె మృతదేహాన్ని పోస్ట్‌ మార్టం నిమిత్తం పంపామని తెలిపారు. రిపోర్ట్ రాగానే ఆత్మహత్యకు గల కారణాలపై స్పష్టత వస్తుందని పేర్కొన్నారు.