వీరజవానుకు ఘనంగా అంత్యక్రియలు

 

హైదరాబాద్‌ నుంచి వచ్చిన 10 మంది సుబేదార్లు, 8 మంది సిపాయిలు, పోలీసుల సహాకారంతో మున్నంవారిపాలెంలో స్వగృహం నుంచి హిందూస్మశానవాటిక వరకు ప్రత్యేక ర్యాలీ నిర్వహించి, స్మశానవాటికలో గాల్లోకి కాల్పులు జరిపి అధికార లాంఛనాలతో అంత్యక్రియలు జరిపారు. చెన్నారెడ్డి ఇరవయ్యేళ్లుగా దేశ రక్షణ విధుల్లో చేరినప్పటి నుంచి కూడా ఎంతో ధైర్యంగా ముందుకుపోతూ తోటి సైనికులకు అండగా ఉండేవారని ఫ్లైట్‌ లెఫ్టినెంట్‌ బాలాజీ తెలిపారు. ఆయన భార్య తిరుపతమ్మకు జీవితాంతం పెన్షన్‌ సౌకర్యం అందిస్తామని, ప్రస్తుతం చదువుకుంటున్న ఇద్దరు కుమార్తెల్లో ఒకరికి ఉద్యోగ అవకాశం, మరొకరి చదువుకు అయ్యే ఖర్చును ప్రభుత్వమే భరిస్తుందన్నారు. అదేవిధంగా, కేంద్రప్రభుత్వం నుంచి రూ. 25 లక్షలు, రాష్ట్ర ప్రభుత్వం నుంచి రూ. 5 లక్షలు ఎక్స్‌గ్రేషియో అందుతుందని తెలిపారు.