TV
తనలో, కాంగ్రెస్ పార్టీలో ఏర్పడిన ఒకింత అహంకార, ఉదాశీన వైఖరి వల్లే రాష్ట్రంలోని లోక్‌సభ స్థానాల్లో తమకు పేలవ ఫలితాలు వచ్చాయని అస్సాం ముఖ్యమంత్రి తరుణ్ గొగోయ్ తెలిపారు.
గువాహటి: తనలో, కాంగ్రెస్ పార్టీలో ఏర్పడిన ఒకింత అహంకార, ఉదాశీన వైఖరి వల్లే రాష్ట్రంలోని లోక్‌సభ స్థానాల్లో తమకు పేలవ ఫలితాలు వచ్చాయని అస్సాం ముఖ్యమంత్రి తరుణ్ గొగోయ్ తెలిపారు. మొత్తం 14 ఎంపీ సీట్లకుగానూ 3 సీట్లలోనే తాము గెలిచామని...ఇందుకు నైతిక బాధ్యత వహించి వారం రోజుల్లో తన పదవికి రాజీనామా చేస్తానని శనివారం గువాహటిలో చెప్పారు.
కానీ రాజకీయాల నుంచి మాత్రం తప్పుకోనని...పార్టీ బలోపేతానికి కృషి చేస్తానన్నారు. ‘‘మూడుసార్లు సీఎంగా గెలిచాక ఎవరిలోనైనా ఎంతో కొంత అహంకారం, ఉదాశీన వైఖరి వచ్చి చేరతాయి. నాలో, పార్టీలోనూ ఇదే కనిపించింది. మమ్మల్ని ఎవరూ ఓడించలేరనుకున్నాం. ప్రజా వ్యతిరేకతను గుర్తించలేకపోయాం’’ అని గోగోయ్ పేర్కొన్నారు.
